ᐃᑯᐊᓪᓚᒃᑎᑦᑎᓂᖅ ᓵᖏᓐᓂ
ᓄᓇᖃᖅᑳᖅᓯᒪᔪᑦ ᐃᔾᔪᐊᕈᒥᓇᖅᑐᑦ: ᐃᓕᓐᓂᐊᖅᑎᑦᑎᓂᖅ ᒪᒃᑯᒃᑐᓂᒃ ᓯᕗᓂᒃᓴᖃᑦᑎᐊᕐᓂᕐᒧᑦ
ᐃᓕᓐᓂᐊᖅᑎᐅᕖᑦ ᐅᕝᕙᓘᓐᓃᑦ ᖃᐅᔨᒪᔭᖃᖅᐱᑦ ᐃᓕᓐᓂᐊᖅᑎᒥᒃ ᒪᒃᑯᒃᑐᒥᒡᓘᓐᓃᑦ, ᓯᕗᓂᒃᓴᒧᑦ ᐱᕙᒌᔭᕈᒪᑦᑎᐊᖅᐱᑦ? ᐃᓕᑦᑎᔪᒪᕖᑦ ᑲᔪᓯᓂᖃᑦᑎᐊᖅᑐᓂᒃ ᐊᓪᓚᓂᒃ, ᐊᓪᓚᖓᔪᓂᒃ, ᐃᓄᐃᓪᓗ ᐃᔾᔪᐊᕈᒥᓇᖅᑐᓂᒃ ᐊᓯᔾᔩᓯᒪᔪᓂᒃ ᓄᓇᓕᖏᓐᓂ? ᐄᖑᒍᓂ, ᑕᐃᒪᓕ Future Pathways: Fireside Chats ᐱᔭᕆᐊᖃᑦᑎᐊᖅᑕᐃᑦ! ᒪᓂᒪᑎᑦᑎᕙᒃᐳᒍᑦ ᐅᖃᖃᑎᒌᖕᓂᒃᑯᑦ−ᑐᙵᕕᓕᖕᓂᒃ ᑕᕐᕆᔭᐅᑎᒃᑯᑦ ᐊᐱᖅᓱᕐᓂᕐᓂᒃ ᐱᔪᒃᓯᓕᕐᓇᖅᑐᓂᒃ ᐊᓪᓚᓂᒃ, ᐊᓪᓚᖓᔪᓂᒃ, ᐃᓄᐃᓪᓗ ᐃᔾᔪᐊᕈᒥᓇᖅᑐᓂᒃ ᐊᒥᖅᑳᖃᑎᖃᖅᐸᒃᑐᓂᒃ ᖃᐅᔨᒪᔭᒥᓂᒃ ᐊᑐᖅᓯᒪᔭᒥᓂᒡᓗ ᒪᒃᑯᒃᑐᓄᑦ.
ᑖᓐᓇ ᐊᑐᖅᑕᐅᔪᓐᓇᖅᑐᖅ ᐋᖅᑭᒃᓱᖅᑕᐅᓯᒪᕗᖅ ᐃᑲᔪᕈᒪᓪᓗᓂ ᒪᒃᑯᒃᑐᓂᒃ ᖃᐅᔨᕚᓪᓕᖁᓪᓗᒋᑦ ᐊᔪᙱᓐᓂᕆᔭᒥᓂᒃ ᐃᓕᑦᑎᓗᑎᒡᓗ ᐊᑐᖅᓯᒪᔭᖏᓐᓂᒃ ᓄᓇᖃᖅᑳᖅᑐᑦ ᐃᔾᔪᐊᕈᒥᓇᑦᑎᐊᖅᐸᒃᑕᖏᓐᓂᒃ. ᐅᕘᓇ ᓯᕗᓂᒃᓴᒥ ᐊᖅᑯᑎᒃᓴᑦ: Fireside Chats, ᖃᐅᔨᕚᓪᓕᕈᓐᓇᖅᐳᑎᑦ ᐊᔾᔨᒌᙱᑦᑐᓂᒃ ᐃᖅᑲᓇᐃᔮᕆᔪᒪᔭᕐᓂᒃ ᐊᒻᒪᓗ ᓇᖕᒥᓂᖅ ᐃᓅᓯᕐᒥ ᐊᖅᑯᑎᒋᕙᒃᑕᕐᓂᒃ. ᐱᔭᕆᐅᖅᓴᑎᑦᑎᔨᕗᑦ ᑲᔪᓯᑦᑎᐊᖅᑐᑦ ᓄᓇᖃᖅᑳᖅᓯᒪᔪᑦ ᐱᓕᕆᔨᒻᒪᕆᐅᓪᓗᑎᒃ ᐊᓯᔾᔩᓯᒪᔪᑦ ᐱᓕᕆᐊᖏᓐᓂᑦ ᐱᔪᒪᓂᖃᑦᑎᐊᖅᖢᑎᒡᓗ ᖃᐅᔨᒪᔭᒥᓂᒃ ᐃᓕᔅᓯᓐᓄᑦ ᑐᓴᖅᑎᑦᑎᔪᒪᓪᓗᑎᒃ.
ᖃᓄᐃᒻᒪᑦ ᐅᕙᑦᑎᓐᓂ ᓂᕈᐊᕆᔭᖃᖅᐱᑕ?
ᐅᒃᐱᕆᔭᖃᖅᐳᒍᑦ ᑕᒪᕐᒥᑦᑎᐊᖅ ᒪᒃᑯᒃᑐᑦ ᑲᔪᓯᓂᖃᑦᑎᐊᕈᓐᓇᕐᓂᖏᓐᓂᒃ. ᐱᑎᑦᑎᕙᒃᐳᒍᑦ ᖁᐊᖅᓵᕐᓇᙱᑦᑐᒥᒃ ᐃᑲᔪᖅᑐᐃᑦᑎᐊᖅᑐᒥᒡᓗ ᐃᓂᒋᔭᐅᓇᔭᖅᑐᒥᒃ ᒪᒃᑯᒃᑐᓄᑦ ᐃᓕᑦᑎᖁᓪᓗᒋᑦ ᓄᓇᖃᖅᑳᖅᑐᓂᒃ ᐃᓕᓴᐃᔨᓂᑦ ᐃᔾᔪᐊᕈᒥᓇᑦᑎᐊᖅᑐᓂᒡᓗ ᐊᓂᒍᐃᓯᒪᔪᓂᒃ ᐊᓂᒍᖅᑎᓐᓇᓱᒋᐊᓕᖕᓂᒃ ᐊᓂᒍᖅᑎᑦᑎᓯᒪᔪᓂᒡᓗ ᑲᔪᓯᓂᖃᑦᑎᐊᕐᓂᕐᒥᒃ. ᐱᓕᕆᐊᒃᓴᕗᑦ ᐋᖅᑭᒃᓱᖅᑕᐅᓯᒪᕗᖅ ᐊᖑᒻᒪᑎᔪᒪᓪᓗᑎᒃ ᐱᔭᐅᔭᕆᐊᓕᖕᓄᑦ ᐃᓕᓐᓂᐊᖅᑎᓄᑦ ᒪᒃᑯᒃᑐᓄᓪᓗ ᐃᓕᑦᑎᔪᒪᑦᑎᐊᖅᑐᓄᑦ, ᐱᕈᖅᐸᓪᓕᐊᔪᒪᔪᓄᑦ, ᑲᔪᓯᓂᖃᑦᑎᐊᕈᒪᔪᓄᓪᓗ ᐃᓅᓯᕐᒥᓂ. ᐃᓕᓴᐃᔨᓄᑦ, ᓯᕗᓂᒃᓴᒧᑦ ᐊᖅᑯᑎᒃᓴᑦ: Fireside Chats ᐅᖃᖃᑎᒌᒍᑎᒃᓴᖅᑕᖃᖅᐳᖅ, ᐃᓕᓐᓂᐊᕈᑎᒃᓴᓄᑦ ᐸᕐᓇᐅᑎᓂᒃ, ᑎᑎᕋᖃᑦᑕᐅᑎᕝᕕᖕᓂᒃ, ᐊᒻᒪ ᐃᓕᓴᐃᔨᓄᑦ ᒪᓕᒃᑕᐅᔪᒃᓴᓂᒃ ᐃᑲᔫᑎᒃᓴᓂᒃ ᖃᓄᕈᓘᔭᖅ.
ᐊᐱᖅᓱᖅᑕᐅᔪᑦ
ᐱᔭᕆᐅᖅᓴᑎᑦᑎᔨᕗᑦ ᑲᔪᓯᑦᑎᐊᖅᑐᑦ ᓄᓇᖃᖅᑳᖅᓯᒪᔪᑦ ᐱᓕᕆᔨᒻᒪᕆᐅᓪᓗᑎᒃ ᐊᓯᔾᔩᓯᒪᔪᑦ ᓇᖕᒥᓂᖅ ᐊᓯᒥᓄᓪᓗ ᓄᓇᓕᖏᓐᓄᑦ. ᓇᑭᙶᕈᓘᔭᖅᑐᑦ ᐊᒻᒪ ᖃᐅᔨᒪᓂᕆᔭᖏᑦ, ᐃᓚᒋᔭᐅᓪᓗᑎᒃ ᓇᖕᒥᓂᖃᕐᓂᖅ, ᐃᓕᓐᓂᐊᕐᓂᓕᕆᓂᖅ, ᐋᓐᓂᐊᖃᕐᓇᙱᑦᑐᓕᕆᓂᖅ, ᐊᒻᒪ ᓴᓇᙳᐊᕐᓂᖅ. ᐱᔭᕆᐅᖅᓴᑎᑦᑎᔨᕗᑦ ᖁᕕᐊᒋᔭᖃᓪᓚᕆᒃᐳᑦ ᐊᒥᖅᑳᖃᑎᖃᕐᓂᕐᒥᒃ ᖃᐅᔨᒪᓂᕆᔭᒥᓂᒃ ᐊᑐᖅᓯᒪᔭᒥᓂᒡᓗ. ᓇᖕᒥᓂᖅ ᐅᓂᒃᑳᕐᓂᒃᑯᑦ, Fireside Chats−ᑯᑦ ᐊᐱᖅᓱᖅᑕᐅᔪᑦ ᐊᔪᕆᖅᓲᔾᔨᕙᒃᐳᑦ ᐃᑲᔪᕈᒪᓪᓗᑎᒃ ᒪᒃᑯᒃᑐᓂᒃ ᑎᑭᐅᑎᖁᓪᓗᒋᑦ ᑐᕌᒐᕆᔭᖏᓐᓄᑦ.
ᕿᓂᖅᑐᒍᑦ ᓄᓇᖃᖅᑳᖅᓯᒪᔪᓂᒃ ᐃᔾᔪᐊᕈᒥᓇᖅᑐᓂᒃ ᖃᐅᔨᒪᔭᒥᓂᒃ ᑐᓴᖅᑎᑦᑎᖁᓪᓗᒋᑦ ᒪᒃᑯᒃᑐᓄᑦ ᐱᕙᒌᔭᕈᒪᔪᓄᑦ ᓯᕗᓂᒃᓴᖏᓐᓄᑦ ᑕᕐᕆᔭᐅᓯᐅᖅᑕᐅᓗᑎᒃ ᐅᖃᖃᑎᒌᖕᓂᒃᑯᑦ−ᑐᙵᕕᓕᖕᒥᒃ ᐊᐱᖅᓱᖅᑕᐅᓗᑎᒃ. ᑐᕌᕆᔭᕗᑦ ᓈᓚᒃᑎᑦ ᓯᕗᓂᒃᓴᒧᑦ ᐊᖅᑯᑎᒃᓴᓄᑦ: Fireside Chats ᒪᒃᑯᒃᑐᑦ ᐊᒃᑐᐊᓂᓕᒃ ᐅᑭᐅᖅᑕᖅᑐᒧᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᒥᒃ, ᒫᓐᓇᓗ ᑎᑭᐅᑎᕙᒃᖢᓂ 150 ᐅᖓᑖᓃᑦᑐᓄᑦ ᐃᓕᓐᓂᐊᕐᕕᖕᓄᑦ ᐃᓂᖃᖅᑐᓄᑦ ᐅᑭᐅᖅᑕᖅᑐᒥ ᐅᖓᓯᒃᑐᒦᑦᑐᓄᓪᓗ ᓄᓇᓕᖕᓄᑦ ᑲᓇᑕᒥ. ᑖᒃᑯᐊ ᑕᕐᕆᔮᒃᓴᑦ ᓴᖅᑭᑕᐅᓲᑦ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᒃᑯᑦ ᑭᓯᐊᓂ ᐱᓯᒪᔭᐅᖏᓐᓇᕐᓂᐊᕐᒥᔪᑦ ᐃᑲᔫᑎᒃᓴᐅᓗᑎᒃ ᐃᓕᓐᓂᐊᕐᕕᐊᕈᓯᕐᓄᑦ ᐊᑐᖅᑕᐅᔪᒃᓴᐅᑕᐅᓗᑎᒃ ᓯᕗᓂᒃᓴᑦᑎᓐᓂ. ᐃᑲᔪᖃᑕᐅᓪᓗᓂ ᐊᐱᖅᓱᖅᑕᐅᔪᒧᑦ, TakingITGlobal ᑐᓂᓯᔪᓐᓇᖅᐳᖅ ᑲᑎᒪᔾᔪᓯᐊᓂᒃ $250−ᓂᒃ. ᖁᕕᐊᓱᒃᐳᒍᑦ ᐊᖏᒡᓕᒋᐊᖅᑎᑦᑎᓂᐊᕐᓂᑦᑎᓐᓂᒃ ᐃᓗᓕᕆᔭᑦᑎᓐᓂᒃ ᑕᐅᑐᒐᖃᓪᓗᐊᑕᕐᓗᑕ ᐅᔾᔨᕐᓇᖅᓯᑎᑦᑎᓂᕐᒥᒃ ᓇᒧᙵᐅᕙᓪᓕᐊᓂᕆᔭᕐᓂᒃ ᐊᑕᓕᖅᑎᑦᑎᒃᑲᓐᓂᕐᓂᕐᒥᒡᓗ ᐃᓕᓐᓂᐊᖅᑎᓂᒃ ᐱᐅᔪᓂᒃ, ᑲᔪᖏᖅᓴᐃᔪᓂᒃ ᐊᔪᕈᓐᓃᖅᓴᖅᑎᑦᑎᔨᓂᒃ!
ᖃᓄᖅ ᐊᑐᕈᑎᖃᕐᒪᖔᑦ
ᐱᓕᕆᐊᕗᑦ ᒪᑐᐃᖓᐃᓐᓇᐅᔭᖅᑐᖅ ᐊᐱᖅᓱᕐᓂᕐᒥᑦ ᐱᓕᕆᔨᒻᒪᕆᓐᓂᑦ ᐊᓯᔾᔩᒍᒪᔪᓂᑦ ᒪᒃᑯᑦᑐᓂᑦ ᓄᓇᖃᖅᑳᖅᓯᒪᔪᓂᑦ, ᐊᓪᓚᖓᔪᓂᑦ ᐃᓄᐃᓪᓗ ᐃᓅᓯᖏᓐᓂᑦ. ᓄᑖᙳᕆᐊᖅᑎᑦᑎᕙᓪᓕᐊᖏᓐᓇᖅᐳᒍᑦ ᐃᑭᐊᖅᑭᕕᑦᑎᓐᓂ ᐊᐱᖅᓱᖅᑕᐅᔪᓂᒃ ᐅᓂᒃᑳᖅᑐᐊᖃᒃᑲᓐᓂᖅᐸᒃᖢᓂ, ᐅᑎᑐᐊᕌᖓᕕᑦ ᓄᑖᓂᒃ ᐊᒃᑐᐊᓂᓕᖕᓂᒃ ᐃᓗᓕᖅᑕᖃᖅᐸᒃᐳᖅ ᐃᓕᑦᑎᕝᕕᒋᔪᓐᓇᖅᑕᕐᓂᒃ.
Future Pathways: Fireside Chats ᐊᑐᐃᓐᓇᐅᕗᑦ ᐊᔾᔨᒌᙱᕈᓘᔭᖅᑐᒃᑯᑦ. ᖁᕕᐊᒋᔭᖃᕋᓗᐊᕈᕕᑦ ᐅᖃᓕᒫᕐᓂᕐᒥᒃ ᑎᑎᕋᖅᓯᒪᔪᓂᒃ, ᑕᐅᑐᖕᓂᕐᒥᒃ ᐊᐱᖅᓱᖅᑕᐅᔪᓂᒃ ᑕᕐᕆᔮᒃᓴᓂᒃ, ᐅᕙᑦᑎᓐᓂᓪᓘᓐᓃᑦ ᓈᓚᖕᓂᕐᒥᒃ ᐊᓕᐊᓇᐃᒋᓛᕆᔭᕐᓂᒃ podcast ᑐᙵᕕᒋᔭᕐᓂᒃ, Future Pathways: Fireside Chats ᐃᓕᖕᓂᒃ ᐱᔪᒃᓯᑎᑦᑎᔪᓐᓇᖅᐳᖅ ᖃᓄᑐᐃᓐᓇᑦᑎᐊᖅ!
ᐃᓕᓐᓂᐊᖅᑎᐅᒍᕕᑦ ᒪᒃᑯᒃᑑᒍᕕᓪᓘᓐᓃᑦ ᐱᕙᒌᔭᕈᒪᒍᕕᑦ ᓯᕗᓂᒃᓴᕐᓄᑦ, ᓯᕗᓂᒃᓴᒧᑦ ᐊᖅᑯᑎᒃᓴᑦ: Fireside Chats ᐱᔭᕆᐊᖃᑦᑎᐊᖅᑕᐃᑦ. ᒪᓂᒪᑎᑦᑎᕗᒍᑦ ᐊᔾᔨᖃᙱᑦᑐᒥᒃ ᐱᕕᒃᓴᒥᒃ ᐃᓕᑦᑎᕙᓪᓕᐊᓂᕐᒧᑦ ᑲᔪᓯᓂᖃᑦᑎᐊᖅᑐᓂᒃ ᓄᓇᖃᖅᑳᖅᑐᓂᒃ, ᐊᓪᓚᖓᔪᓂᒃ, ᐃᓄᐃᓪᓗ ᐃᔾᔪᐊᕈᒥᓇᖅᑐᓂᒃ ᐊᓯᔾᔨᖅᓯᓯᒪᔪᓂᒃ ᓄᓇᓕᖏᓐᓂ. ᐅᕘᓇ ᓯᕗᓂᒃᓴᒧᑦ ᐊᖅᑯᑎᒃᓴᑦ: Fireside Chats, ᖃᐅᔨᕚᓪᓕᕈᓐᓇᖅᐳᑎᑦ ᐊᔾᔨᒌᙱᑦᑐᓄᑦ ᐃᖅᑲᓇᐃᔮᕆᓛᕈᒪᔭᕐᓄᑦ ᐃᓕᑦᑎᓗᑎᓪᓗ ᖃᓄᖅ ᐊᓂᒍᖅᑎᑦᑎᔪᓐᓇᕐᒪᖔᖅᐱᑦ ᐊᒃᓱᕈᕐᓇᖅᑐᓂᒃ ᐃᓅᓯᕐᓂ. ᐅᓪᓗᒥ ᑕᐅᑐᓕᕆᑦ ᖃᐅᔨᓗᑎᓪᓗ ᐊᔪᙱᓐᓂᕆᔭᕐᓂᒃ!
