ᑎᑎᖅᑐᒐᕐᓂᖅ, ᓂᔾᔭᐅᓯᔭᕐᓂᖅ, ᓴᓇᙳᐊᕐᓂᖅ ᐊᒻᒪ ᐊᒥᐊᕆᓂᖅ, ᐊᐃᑕᓐ ᑐᐊᓐ ᐊᒥᓲᓕᖓᔪᓂᑦ ᑎᑎᖅᑐᒐᖅᑎᐅᕗᖅ ᓇᓗᓇᐃᒃᑯᑎᓕᐅᖅᑐᓂ ᐊᔾᔨᒌᙱᑦᑐᒃᑯᑦ. ᐃᓅᓚᐅᖅᓯᒪᔪᖅ ᕕᒃᑑᕆᐊᒥ ᐊᒻᒪᓗ ᓅᑦᑐᓂ Cowichan Valley-ᒧᑦ ᐅᑭᐅᖃᖅᑐᓂ ᑎᓴᒪᓂᒃ. ᓄᑲᖅᖡᑦ ᐃᓕᓐᓂᐊᕐᕕᖓᓐᓄᐊᓚᐅᖅᑐᖅ, ᐊᑯᓐᓂᖅᓱᖅᑐᓄᑦ, ᐊᒻᒪ ᐊᖓᔪᒃᖡᑦ ᐃᓕᓐᓂᐊᕐᕕᖓᓐᓄᑦ ᑕᐃᑲᓂ, ᐊᕐᕌᒍᒃᑲᓐᓂᕐᒥ ᑲᒨᓐ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕆᐊᕈᒪᓕᓚᐅᙱᑎᓪᓗᒍ. ᐱᓚᐅᖅᑐᖅ ᐊᒥᐊᕆᓂᕐᒥᑦ ᑎᑎᖅᑐᒐᕐᓂᕐᒥᓪᓗ ᐱᔭᕇᕈᓯᐊᕐᒥᑦ Concordia ᓯᓚᑦᑐᓴᕐᕕᔾᔪᐊᖓᓂᑦ ᐊᒻᒪᓗ ᑯᒃᑭᑕᐹᕆᐅᖅᓴᓂᕐᒥᑦ ᐃᓕᓐᓂᐊᓚᐅᖅᑐᖅ. 

ᐃᓕᖅᑯᓯᑎᒍᑦ ᖁᐊᖅᓵᕐᓂᖓ ᐊᑐᓚᐅᖅᑕᖓ ᑲᓐᑯᐊᑎᐊᓕᐊᖅᑐᓂ ᒪᓐᑐᕆᐊᒥ ᐊᒃᓱᕈᕐᓇᓚᐅᖅᑐᖅ. ᐃᓚᖏᓐᓂ ᓄᓇᓕᐸᐅᔭᒥ ᖃᓪᓗᓈᑎᑐᑦ ᐅᖃᕈᓐᓇᖅᑐᖃᖏᒻᒪᑦ ᐊᒻᒪᓗ ᓇᓂᓯᓪᓗᓂ ᐃᓕᓐᓂᐊᕐᓂᕐᒧᑦ ᐸᐃᑉᐹᓂᒃ ᐊᒃᓱᕈᓐᓇᖅᑐᓂᒃ. ᐊᒃᓱᕈᕆᐊᖃᓚᐅᖅᑐᖅ ᖁᕝᕙᓯᓐᓂᖏᑦ ᐊᖑᒻᒪᑎᑎᓐᓇᓱᐊᖅᑐᒋᑦ ᒪᑦᑐᓯᖅᑎᖏᑦ. ᐊᐱᕆᔭᐅᒐᒥ ᐅᖃᐅᔾᔭᐅᒋᐊᖁᔭᐅᓪᓗᓂ ᒪᒃᑯᑦᑐᓄᑦ ᐊᐅᓪᓚᕈᒪᔪᓄᑦ ᓄᓇᒥᓐᓂᒃ ᐃᓕᓐᓂᐊᕆᐊᕐᓗᑎᒃ, ᐅᖃᓚᐅᖅᓯᒪᔪᖅ, "ᐃᓱᒪᑦᑎᐊᕚᓘᒐᔪᑦᑐᖅ." ᖃᐅᔨᓚᐅᖅᑐᖅ ᑎᑕᒃᑎᖏᑦ ᖁᕕᐊᓱᖕᓂᕋᕐᖢᓂ ᑮᓇᐅᔭᖃᖅᑎᑦᑎᔭᕆᐊᒃᓴᖅ ᐃᓕᓐᓂᐊᕐᓂᖓᓄᑦ. ᐅᖃᖅᑐᓂ ᕿᓂᕐᓗᓂ ᐊᑦᔨᒌᖏᑦᑐᓂᒃ ᐃᓕᓐᓂᐊᕐᕈᑎᓂᒃ ᐊᒻᒪᓗ ᓄᑖᓂᒃ ᐱᓇᓱᐊᕐᓗᓂ. "ᖃᐅᔨᔪᒪᐃᓐᓇᖅᐳᖅ," ᑲᔪᓯᔪᖅ.

ᐱᔭᕇᕋᒥ, ᑐᐊᓐ ᐱᓕᕆᖃᑎᖃᓚᐅᖅᑐᖅ ᓄᕕᖅᓴᖅᑎᒥᑦ ᓴᐸᖓᓕᕆᓚᐅᖅᑐᖅ. ᓱᓕ ᐊᒥᐊᕆᑎᓪᓗᒍ, ᓂᑲᒍᓱᓚᐅᖅᑐᖅ ᐊᒻᒪᓗ ᓴᖑᑎᒍᒪᓪᓗᓂ. ᓴᓇᙳᐊᕐᓂᕐᒧᑦ ᐅᑎᓚᐅᖅᑐᖅ, ᐃᓕᓚᐅᖅᑕᖓ ᐃᓕᓐᓂᐊᕐᕕᐊᓗᒻᒥ. ᕚᓐᑰᕗᒧᑦ ᓅᓚᐅᖅᓯᒪᔪᖅ ᓴᓇᙳᐊᕆᐊᖅᑐᒃᑲᓐᓂᕆᐊᖅᑐᖅᖢᓂ ᐊᕐᓇᕐᓗ ᑲᑎᖦᖢᓂ ᐃᑲᔪᓚᐅᖅᐳᖅ ᓂᕆᑎᑕᐅᑎᓪᓗᒍ ᖃᐅᔨᑎᑦᑎᓪᓗᓂ ᓴᓇᙳᐊᖅᑎᓄᑦ ᑕᐅᕙᓂ. ᑕᐃᒃᑯᐊ ᓇᓗᓇᐃᔭᖅᑕᐅᔪᑦ ᑐᕌᕈᑕᐅᓚᐅᖅᐳᑦ ᓴᓇᙳᐊᕐᓂᕐᒧᑦ ᑲᔪᖏᖅᓴᐃᔪᓕᕆᓂᕐᒧᑦ ᐱᓚᐅᖅᑕᖓᓂᒃ ᑐᓐᓂᖅᑯᓯᐊᓂᒃ ᓯᕗᓪᓕᕐᓄᑦ ᐃᓄᖕᓄᑦ ᐃᓕᖅᑯᓯᓕᕆᓂᕐᒧᑦ ᑲᑎᒪᔨᓂᒃ ᐱᓇᔪᖕᓂᐊᖅᑎᓪᓗᒋᑦ. ᑖᒃᑯᐊ ᑮᓇᐅᔭᐃᑦ ᑐᕌᖓᑎᑕᖓᑦ ᓴᓇᙳᐊᕐᓂᕐᒧᑦ ᐊᒻᒪᓗ ᖃᓄᖅ ᐊᑐᖅᑐᐊᕐᓂᐊᕐᒪᖔᕐᒥ. 

ᓴᓇᙳᐊᕐᓂᕐᒥᒃ ᖁᕕᐊᒋᔭᖃᕐᓂᖅ ᐱᒋᐊᓚᐅᖅᓯᒪᕗᖅ ᒪᒃᑯᒃᑐᑯᓘᓪᓗᓂ. ᐅᖃᓚᐅᕐᒪᑦ ᓴᓇᙳᐊᖅᑎᐅᔪᒪᓂᕋᖅᑐᓂ ᐱᕈᕋᒥ ᓄᑕᕋᐅᓪᓗᓂ ᐊᒻᒪᓗ ᓂᐅᕐᕈᑎᖃᕋᓱᐊᖅᑐᓂ ᓴᓇᐅᒐᒥᓂᒃ ᓯᓚᑖᓂ ᒑᓯᑖᕐᕕᐅᑉ 6-ᑐᐃᓐᓇᐅᑎᓪᓗᒍ. ᐃᐅᓪᕕᔅ-ᒧᑦ ᐊᓐᓄᕌᖅᓯᒪᓚᐅᕐᒥᔪᖅ, ᕼᐋᓗᕖᕐᓇᐅᑎᓪᓗᒍ. ᐃᓛᓐᓂᒃᑯᑦ ᐃᐅᓪᕕᔅ ᐃᙱᐅᑎᓂᒃ ᐅᖃᐅᓯᖃᓲᖅ ᑭᓯᐊᓂ ᐃᙱᕋᔪᖕᓂᖅᓴᐅᓪᓗᓂ ᓇᖕᒥᓂᖅ ᐃᙱᐅᓯᖏᓐᓂᒃ. ᐃᙱᐅᓯᐅᕐᓂᖅ ᐱᓕᕆᐊᖑᓲᖑᕗᖅ ᐱᓇᔪᙱᓚᐅᑲᖕᓇᖅᖢᓂ. ᐊᒃᓱᕈᕐᓇᖅᑐᒥᒃ ᖃᐅᔨᖃᑦᑕᓚᐅᕐᒪᑦ ᐃᓛᓐᓂᒃᑯᑦ ᐃᒻᒥᓂᒃ ᐱᑦᑕᐃᓕᓇᓱᒃᖢᓂ, ᐃᓱᒪᐃᓐᓇᕿᓕᖃᑦᑕᕐᒪᑦ ᐊᒻᒪ ᐃᓛᓐᓂᒃᑯᑦ ᓴᓇᙳᐊᕈᒪᕙᙱᖦᖢᓂ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ, ᓇᖕᒥᓂᖅ ᐅᖃᓕᒫᖁᓇᔭᖅᑕᖓ. ᖃᓄᐃᙱᑦᑎᐊᖏᓐᓇᖁᓪᓗᒍ ᒫᓐᓇ melatonin−ᓂᒃ ᑕᒧᐊᔭᒐᕐᓂᒃ ᓯᓂᒋᐊᖃᖃᑦᑕᖅᐳᖅ ᐊᒻᒪ ᐃᒥᑲᑕᒃᐸᒃᖢᓂ ᐃᒥᑲᑕᐃᓐᓇᕋᓱᒃᖢᓂ. "ᐃᓕᖕᓂᒃ ᑲᒪᒋᑦᑎᐊᕆᐊᖃᖅᑐᑎᑦ ᓲᕐᓗ ᓄᑕᕋᓛᒥᒃ ᑲᒪᑎᓪᓗᑎᑦ, ᑭᓱᑐᐃᓐᓇᑦᑎᐊᓂᒃ," ᐅᖃᑦᑎᐊᙱᖦᖢᓂ. ᐅᔾᔨᕈᓱᓚᐅᖅᑐᖅ ᐊᒥᓱᑦ ᐃᓐᓇᐃᑦ ᓱᖁᑎᒃᓴᙱᖦᖢᑎᒃ ᖃᓄᐃᙱᑦᑎᐊᕐᓂᕐᒥᓂᑦ ᐃᓚᖏᓪᓗ ᑕᖃᔾᔪᑎᖏᑦ ᐱᓗᐊᕈᓐᓃᖅᑎᑕᐅᔪᓐᓇᖅᑐᑦ ᓯᓂᖕᓂᒃᑯᑦ, ᓂᕆᓂᒃᑯᑦ ᐃᒥᕐᓂᒃᑯᓪᓗ ᐱᑎᓪᓗᒋᑦ ᐃᓱᒪᑦᑎᐊᕐᓇᖅᑐᒧᑦ. ᐃᓱᒪᒃᓴᖅᓯᐅᕐᓂᖅ ᐊᑐᖅᑕᐅᖕᒥᔪᖅ ᐃᑲᔪᕐᖢᓂ ᑐᙵᑎᖦᖢᒍ ᐱᖦᖤᙱᖦᖢᓂᓗ ᐃᒥᐊᓗᖕᒥ ᓱᐴᖅᑐᕐᓗᒐᕐᒥᓗ. 

ᓂᔾᔭᐅᓯᔭᕆᐊᖃᖅᑎᓪᓗᒍ ᑎᑎᕋᕐᓗᓂ ᐅᖃᐅᓯᖅᑕᖏᓐᓂᒃ, ᐃᓱᒪᔪᖅ ᐅᖃᖃᑎᖃᕆᐊᒃᓴᖅ ᐊᓈᓇᑦᑎᐊᒥᓂᒃ, ᐊᓈᓇᑦᑎᐊᖓ ᖃᐅᔨᒪᑦᑎᐊᖅᑐᖅ. "ᐃᓱᒪᒋᒍᕕᐅᒃ ᑭᓇᒥᑭᐊᖅ ᒪᓕᐃᓐᓇᐅᔭᖅᑐᒥᒃ ᐃᓅᓯᓕᒫᕐᓂᒃ ᖃᐅᔨᒪᓗᓂᓗ ᑭᓱᓕᒫᓂᒃ ᐃᓕᖕᓄᑦ, ᖃᓄᖅ ᐊᔪᕐᓇᙱᑦᑐᑯᓘᓇᔭᖅᐸ ᐅᖃᖃᑎᒋᓗᒋᑦ? ᑕᐃᒪᓐᓇ ᐃᙱᖅᑐᖓ," ᓇᓗᓇᐃᖅᓯᓪᓗᓂ. ᓯᑯᒥ ᓴᓇᐅᒐᖏᓐᓄᑦ, ᓴᓇᕋᑖᓚᐅᕐᒪᑦ ᑐᓐᖓᕕᖃᖅᑐᒥᒃ ᓇᐸᔪᑯᑖᒥᒃ ᑕᐅᑐᑦᑕᒥᓂᒃ ᑕᐅᑐᕋᓐᓈᕋᒥ ᓄᑖᒥᒃ ᐃᓅᓯᖓᓂᒃ ᕚᓐᑰᕙᒥ. 

ᐅᖃᐅᔾᔪᐃᓂᖓ ᓴᓇᙳᐊᖅᑎᓄᑦ ᑲᔪᖏᖅᓴᐃᓇᓱᐊᖅᑐᓄᑦ ᐅᔾᔨᕈᓱᓐᓂᕐᒥᑦ ᐃᓅᓯᕐᒥᑦ ᑎᑎᕋᕐᓂᕐᒥᓪᓗ ᓱᓇᑐᐃᓐᓇᕐᓂᑦ ᑎᑎᕋᕐᕕᒻᒥᑦ ᐅᔾᔨᕈᓱᑉᐸᓪᓕᐊᓂᕐᒧᑦ ᓇᓗᓇᐃᒃᑯᑕᕐᒥᑦ ᐃᓅᓯᕐᒥᑦ ᐊᑐᖅᑕᐅᔪᓐᓇᖅᑐᓂᑦ ᖃᓄᐃᑦᑐᑐᐃᓐᓇᕐᓄᑦ ᓴᓇᙳᐊᕐᓂᕐᒧᑦ. ᐃᓐᖏᐅᓯᖃᓚᐅᖅᑐᖅ ᓯᓐᓇᑦᑑᒪᒋᔭᒥᓄᑦ ᐊᒻᒪᓗ ᖃᐅᔨᓪᓗᓂ ᑲᔪᖏᖅᓴᐃᓂᖅᓴᐅᒍᓐᓇᕐᓂᖓᓂᒃ ᓈᓚᒍᓐᓇᖏᑦᑐᓂᒃ. ᐊᐃᑉᐸᖓ ᐅᖃᐅᔾᔪᐃᓂᖓ ᐃᓕᖕᓂᒃ ᓂᐅᕐᕈᑎᖃᕈᒪᙱᖦᖢᓂ ᓇᐃᑦᑐᑯᓘᒐᓗᐊᒥᒃ − ᑕᒪᓐᓇᓗ ᐊᒃᓱᕈᕈᑎᒋᓪᓚᕆᓚᐅᖅᖢᓂᐅᒃ. ᑮᓇᐅᔭᖅᑖᕆᐊᖃᖅᑐᒋᓚᐅᙱᒻᒪᒍ ᖁᔭᒋᑐᐃᓐᓇᕆᐊᖃᕋᓗᐊᖅᑐᓂᐅᒃ. "ᐱᔪᓐᓇᕐᓂᖃᖅᐳᑎᑦ ᖁᕕᐊᒋᔭᖃᕐᓂᕐᒥᒃ ᐃᓅᓯᕐᒥᒃ," ᐅᖃᐅᔾᔪᐃᕙᖕᓂᖓᓂᒃ. ᐅᖃᖅᖢᓂ ᐃᑲᔪᖅᑕᐅᔪᒪᓪᓗᓂ ᐊᔪᙱᓐᓂᓕᒫᕐᓂᒃ ᖁᔭᓕᓪᓗᓂᓗ ᓱᕈᖅᑎᑦᑕᐃᓕᒪᓗᒍ.  

ᑕᒪᒃᑯᐊ ᐱᕕᒃᓴᐃᑦ ᓴᓇᙳᐊᕐᓂᕐᒧᑦ, ᐊᐃᑕᓐ ᑐᐊᓐ ᖁᔭᓕᓂᖃᕐᔪᐊᖅᐳᖅ. ᑎᑎᖅᑐᒐᕐᓂᕐᒥᑦ, ᓂᔾᔭᐅᓯᔭᕐᓂᕐᒥᑦ, ᓴᓇᙳᐊᕐᓂᕐᒥᑦ ᐊᒥᐊᕆᓂᕐᒥᓪᓗ, ᐊᒥᓲᓕᖓᔪᓂᑦ-ᓴᓇᙳᐊᖅᑎᐅᕗᖅ ᓇᓗᓇᐃᒃᑯᑕᓕᐅᖅᑐᓂ ᐊᔾᔨᒌᖏᑦᑐᓂᑦ. ᐱᓇᓱᐊᕐᓂᖓ ᓴᓇᐅᒐᖓ ᑲᓇᑕᓕᒫᒥ ᐱᔭᐅᓯᒪᔪᖅ ᑭᓯᐊᓂ ᑲᔪᖏᖅᓴᐃᓂᖓ ᐃᖅᑲᓇᐃᔮᖓᓄᑦ ᐆᒻᒪᑎᖓᓂᙶᖅᑐᖅ, ᐃᓱᒪᖓ ᐊᒻᒪ ᑕᕐᓂᖓ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.