ᖃᐅᔨᒪᓚᐅᖅᓯᒪᙱᑦᑐᓯ ᑭᓱᒥᒃ ᐃᓕᔅᓯᓐᓂᒃ ᐊᑐᐃᓐᓇᕐᓂᐊᕐᒪᖔᑦ... ᐊᓖᓴ ᒥᓗᒧᑦ, ᐱᓕᕆᔪᒻᒪᕆᐅᓚᐅᖅᑐᖅ. ᒥᓗ ᐊᓪᓚᑎᔅ ᑯᕇᓪ ᐃᖅᑲᓇᐃᔭᖅᑎ ᐃᓅᓚᐅᖅᓯᒪᔪᖅ ᐱᕈᖅᓴᓪᓗᓂᓗ ᕼᐃᓐᑕᓐ, ᐋᓪᐴᑕᒥ. ᐱᓕᕆᖃᑎᖃᖅᐸᒃᑭᕗᖅ porcupine quills−ᓂᒃ ᑐᖅᓲᓂᒡᓗ, ᓯᕗᓪᓕᖅᐹᒥᒃᓗ ᐃᓕᑦᑎᓚᐅᖅᓯᒪᓪᓗᓂ ᓴᓇᕙᒃᑕᒥᓂᒃ ᐃᓕᖅᑯᓯᑐᖃᕐᓄᑦ ᖁᕕᐊᓱᖃᑎᒌᖕᓂᕐᒥᒃ Whitehorse−ᒥ 2015−ᖑᑎᓪᓗᒍ. ᐊᕐᕌᒍᑦ ᖃᔅᓯᐊᕐᔪᐃᑦ ᐊᓂᒍᖅᑎᓪᓗᒋᑦ ᐃᓕᑕᒥᓂᒃ ᐃᒃᓯᕚᖃᑎᖃᖅᖢᓂ, ᐃᖅᑲᓇᐃᔮᒥᓂᒃ ᓄᖅᑲᖔᖅᑎᑕᐅᓚᐅᖅᐳᖅ ᖃᓂᒪᓐᓇᖅ ᐋᖅᑭᒃᑕᐅᑎᓪᓗᒍ. ᒥᓗ ᑲᑎᖅᓱᐃᕙᓪᓕᐊᓕᓚᐅᖅᑐᖅ ᓂᐊᖁᖓᓄᑦ ᐊᒻᒪᓗ ᐅᑎᒃᑲᓐᓂᓕᕐᖢᓂ. ᐊᕐᕌᒍᒐᓴᐅᓕᖅᑐᓂᑦ, ᑕᐃᒪᐃᖏᓐᓇᖃᑦᑕᖅᑐᖅ ᐊᒻᒪ ᐊᔅᓱᕈᖅᑐᓂ ᐱᓕᕆᓚᐅᖅᑎᓪᓗᒍ ᐊᒻᒪ ᐱᓇᓱᐊᑦᑎᐊᓚᐅᖅᑐᓂ, ᑕᒪᓐᓇ ᐊᑐᖅᑕᐅᔪᖅ "ᐊᔪᖅᓯᒪᑦᑎᐊᖅᑐᖅ". 

ᐱᕈᖅᐸᓪᓕᐊᓪᓗᓂ, ᒥᓗ ᐊᔾᔨᒌᙱᑦᑐᓂᒃ ᓴᓇᙳᐊᖅᑕᐅᓲᓂᒃ ᒥᖅᓱᒐᕐᓂᓪᓗ. ᐊᓈᓇᖓ ᐱᖅᑯᓯᑐᖃᕐᓄᑦ ᓴᓇᙳᐊᕐᓂᕐᒧᑦ ᒥᕐᓱᒐᕐᓄᓪᓗ ᐃᓚᐅᖃᑕᐅᓪᓗᓂ ᐊᔾᔨᒌᖏᑦᑐᓄᑦ ᐃᓕᓐᓂᐊᖅᑎᓄᑦ, ᒥᖅᓱᕐᓂᕐᒧᑦ, ᐊᒥᐊᕆᓂᕐᒧᑦ ᐊᒻᒪ ᐸᑦᑕᐃᑦᑐᓕᕆᓂᕐᒧᑦ. ᑭᖑᓂᐊᒍᑦ, ᐊᔾᔨᓕᐅᕆᖃᑕᐅᖃᑦᑕᓚᐅᖅᐳᖅ ᐊᒻᒪ ᐊᖅᑲᐅᒪᑲᑕᒃᖢᓂ ᓴᓇᙳᐊᖅᑕᐅᓚᐅᙱᑎᓪᓗᒍ ᐊᓈᓇᒥᓄᑦ.

ᐃᓅᓯᖓᓂ, ᐊᖏᓂᖅᐹᖅ ᐊᐳᖅᑕᕈᑕᐅᓯᒪᔪᖅ ᒥᓗ ᐊᓂᒍᐃᒋᐊᖃᖅᓯᒪᔪᖅ ᐊᑦᓱᕈᓐᓇᖅᑐᖅ ᐃᓱᒪᒥᒍᑦ ᐊᔪᕈᑎᖃᕐᓂᕐᒧᑦ. ᓯᕘᕋᓪᓗᓂ ᓂᑲᓪᓗᖓᓪᓗᓂᓗ, ᐃᒻᒥᓂᒃ ᐃᓕᑦᑎᓯᒪᔪᖅ ᑭᓱᓂᒡᓗ ᑲᔪᓰᓐᓇᕆᐊᖃᖕᒪᖔᑦ. ᐃᑲᔪᖅᑕᐅᔭᕆᐊᖃᕌᖓᑦ, ᖃᐅᔨᒪᔪᖅ ᖃᓄᖅ ᐃᑲᔪᖅᑕᐅᔪᒪᔭᕆᐊᒃᓴᖅ. ᐃᒻᒥᓂᒃ ᐊᕙᓗᓯᒪᓗᓂ ᐃᑲᔪᖅᑐᐃᔪᓂᒃ ᐃᓄᖕᓂᒃ ᓇᕿᑕᒥᓂᒃ, ᐱᖃᓐᓇᕆᔭᒥᓂᒃ ᐃᓚᒥᓂᒡᓘᓐᓃᑦ, ᐃᑲᔪᖅᓯᒪᔪᖅ ᕿᓄᐃᓵᕐᓂᕐᒥᒃ. ᐃᒻᒥᓂᒃ ᐅᖃᐅᓯᕆᔪᓐᓇᖅᑎᖦᖢᒍ ᓴᓇᙳᐊᕐᓂᒃᑯᑦ ᐊᒡᒐᒥᓂᒡᓗ ᓴᓇᖃᑎᖃᖅᖢᓂ ᐱᒻᒪᕆᐅᓯᒪᒋᕗᖅ ᐃᑲᔪᖅᑐᐃᓂᐊᕐᓗᓂ ᐃᓱᒪᒃᑯᑦ ᖃᓄᐃᙱᑦᑎᐊᕈᓐᓇᕐᓂᕐᒥᒃ.

ᐱᔪᒃᓯᑎᑦᑎᓂᐊᕐᓗᓂ, ᒥᓗ ᑕᐅᑐᒃᐸᒃᐳᖅ ᑕᒪᐃᓐᓂᑦᑎᐊᖅ ᐊᔪᙱᓐᓂᕆᔭᒥᓂᒃ ᐱᕈᖅᐸᓪᓕᐊᑎᑕᒥᓂᒃ ᖃᖓᙳᖅᐸᓪᓕᐊᓂᖓᓄᑦ, ᑲᑎᑎᖦᖢᒋᑦ ᖁᕕᐊᒋᔭᒥᓄᑦ ᓴᖅᑭᑎᑦᑐᒪᓪᓗᒋᑦ. ᐃᓅᓯᕐᒥ ᐊᔪᙱᑕᖏᑦ ᓅᑕᐅᔪᓐᓇᖅᓯᓚᐅᖅᐳᑦ ᐊᓐᓄᕋᔾᔨᐅᕐᓂᕐᒧᑦ ᑐᖅᓲᑉ ᒥᒃᓵᓄᑦ, ᑕᑯᒥᓴᐅᑎᓕᐅᕐᓂᖓ ᐊᒻᒪ ᓇᖕᒥᓂᕆᔭᖓ. ᐊᔾᔨᓕᐅᕆᔭᕆᐊᒃᓴᖅ ᖁᕕᐊᒋᔭᖃᑦᑎᐊᖅᑐᖅ ᐱᕈᖅᑐᓂᒃ, ᐃᓅᓕᓴᐅᑎᓂᒃ, ᒪᔅᕉᒻᓂᒃ ᐊᒻᒪ ᑭᓱᑐᐃᓐᓇᓂᒃ, ᓇᓗᓇᐃᒃᑯᑕᐅᓕᖅᐸᒃᖢᓂ ᐱᓕᕆᐊᕆᔭᒥᓄᑦ. ᐊᓈᓇᖓ, ᐃᓅᓯᓕᒫᒧᑦ ᓴᓇᙳᐊᖅᑎ, ᐱᔪᒃᓯᑎᑦᑎᖕᒥᔪᖅ.

ᑐᓴᖅᑎᑦᑎᒍᓐᓇᕈᓂ ᓄᑲᖅᑎᐅᓂᖅᓴᒥᒃ, ᒥᓗ ᐅᖃᕋᔭᖅᑐᖅ, "ᑕᒪᕐᒥᒃ ᑕᐃᒪᐃᓕᐅᖅᑐᑦ ᐊᒻᒪᓗ ᖃᓄᐃᓕᐅᖅᑕᓕᒫᑎᑦ ᐊᒻᒪᓗ ᒥᑭᔪᕈᓗᐃᑦ ᐊᒻᒪᓗ ᐃᓚᖏᑦ ᐱᙳᐊᖅᑐᑦ ᑕᒫᓂ ᐊᒻᒪᓗ ᑐᑭᖃᓐᖏᑐᐃᓐᓇᕆᐊᖃᖅᑐᑎᒃ ᒫᓐᓇᐅᔪᖅ, ᑭᓯᐊᓂᓕ ᑲᑎᑦᑐᐃᓐᓇᐅᓂᐊᖅᑐᑦ, ᐊᒻᒪᓗ ᑭᓱᑐᐃᓐᓇᐃᑦ ᐃᓂᖏᓐᓅᕐᓂᐊᖅᑐᑦ ᐊᒻᒪᓗ ᑐᑭᖃᕐᓂᖅᓴᐅᓕᕐᓗᑎᒃ."

ᐅᖃᐅᔾᔪᐃᓂᖓ ᒪᒃᑯᒃᑐᒧᑦ ᐃᓱᒪᔪᒧᑦ ᐊᖏᕐᕋᒥᓂᒃ ᕿᒪᐃᔪᒪᓗᓂ ᐃᓕᓐᓂᐊᕋᓱᒍᒪᓗᓂ ᐅᕝᕙᓘᓐᓃᑦ ᐱᓕᕆᐊᒃᓴᖅᓯᐊᕐᓗᓂ, "ᐃᓱᒪᒋᑦᑎᐊᖅᐸᒋᑦ ᑕᐃᒪᐃᓕᐅᕆᐊᖃᕋᓱᒋᓪᓗᑎᑦ, ᐊᑯᓂᐅᒐᓗᐊᖅᐸᑦ... ᑭᓯᐊᓂ ᖃᓄᐃᙱᑦᑐᖅ ᐅᑎᕆᐊᒃᓴᖅ ᐊᖏᕐᕋᒧᑦ, ᑕᐃᒪᓐᓇ ᐃᒃᐱᒍᓱᒃᑯᕕᑦ." ᒥᓗᐅᑉ ᐅᖃᐅᔾᔨᒋᐊᕈᑎᖓ ᑭᓇᒧᒃᑭᐊᖅ ᐊᒃᓱᕈᖅᑐᒧᑦ ᐊᖅᑯᑎᖓᓄᑦ ᐅᓇᐅᔪᖅ, "ᑲᔪᓯᖏᓐᓇᕐᓗᑎᑦ ᑭᓱᑐᐃᓐᓇᓄᑦ ᓄᑦᑐᒃᓯᔪᓄᑦ ᐆᒻᒪᑎᖕᓂ, ᑭᓱᑐᐃᓐᓇᖅ ᐱᐅᑎᑦᑎᔪᖅ, ᐅᕝᕙᓘᓐᓃᑦ ᖃᓄᑐᐃᓐᓇᖅ ᑐᕌᕆᓗᒍ ᓈᒻᒪᑐᐃᓐᓇᖅᑰᔨᔪᒧᑦ ᐊᒻᒪ ᐃᒻᒪᖄ ᓄᑖᒥᒃ, ᑭᓯᐊᓂᑦᑕᐅᖅ ᖁᕕᐊᓇᖅᑐᖅ, ᐅᕝᕙᓘᓐᓃᑦ ᑖᒃᑯᓂᖓ ᐊᑐᑐᐃᓐᓇᕐᓗᓂ, ᓂᕆᐅᒃᐳᕐᓗ ᐅᐃᒻᒪᒃᓗᓂ."

ᐊᓖᓴ ᒥᓗ ᖃᐅᔨᒪᓚᐅᙱᑦᑐᖅ ᖃᖓ ᐃᓕᑦᑎᓵᕐᒪᖔᑦ ᐃᓕᓐᓂᐊᖅᖢᓂ ᐃᓕᖅᑯᓯᑐᖃᕐᓄᑦ ᖁᕕᐊᓲᑎᖃᕐᓂᕐᒥᒃ ᐅᐊᐃᑦᕼᐅᐊᔅᒥ ᖃᓄᖅ ᐃᓅᓯᖓ ᐊᓯᔾᔨᕋᔭᕐᒪᖔᑦ. ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᒥᒃ ᓄᖅᑲᖅᑐᖃᓚᐅᖅᑎᓪᓗᒍᓗ, ᖃᐅᔨᓚᐅᖅᐳᖅ ᐃᓅᓇᓱᒍᓐᓇᕐᓂᕐᒥᒃ ᐊᒻᒪ ᓴᓇᙳᐊᖅᑕᐅᑦᑎᐊᕐᓇᖅᑐᒥᒃ ᐃᓱᒪᒥᒍᑦ ᖃᓄᐃᙱᑦᑎᐊᖏᓐᓇᕋᓱᒃᖢᓂ.  ᐊᓈᓇᖓᑕ ᐱᐅᓯᑐᖃᖏᓐᓂᒃ ᐊᒻᒪ ᑲᔾᔮᕐᓇᕐᓂᖓᓂᒃ, ᓇᖕᒥᓂᖃᕐᕕᓕᐅᖅᐳᖅ ᖁᕕᐊᒋᔭᒥᓂᒃ ᐱᓕᕆᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.