North, South and Home ᓱᓕ: Archie Erigaktuk in identity and inspiration
"ᖃᐅᔨᔪᖓ ᐱᔪᒃᓯᑎᑦᑎᓂᖅ ᐃᓗᐊᓃᖦᖢᓂ ᓴᐃᓕᑦᑎᐊᓕᕌᖓᕕᓪᓗ ᐊᑕᖏᕈᕕᓪᓗ, ᐃᓕᖕᓂᒃ ᐱᔪᒃᓯᑎᑦᑎᓕᖃᑦᑕᖅᐳᑎᑦ," ᓇᓗᓇᐃᖅᐳᖅ ᐋᑦᓯ ᐃᕆᐊᒍᑦᑐᒃ. ᐃᓅᓚᐅᖅᓯᒪᔪᖅ ᐃᓅᕕᖕᒥ ᐱᕈᖅᓴᓚᐅᖅᓯᒪᓪᓗᓂᓗ ᐊᒃᓚᕕᒃᒥ ᐊᕐᕌᒍᓄᑦ 9-ᓄᑦ ᖃᑕᙳᑎᖏᑦ ᓅᓚᐅᙱᑎᓪᓗᒋᑦ ᕚᓐᑰᕗᒧᑦ. ᑕᐃᑲᓃᓚᐅᖅᑐᑦ ᐊᕐᕌᒍᓄᑦ 12-ᓄᑦ ᐊᒻᒪᓗ ᓅᖦᖢᓂ ᑐᓖᑕᒧᑦ 2013-ᒥᑦ. ᑕᐃᒪᙵᓂᒃ ᑕᐃᑲᓃᓕᖅᑐᖅ. ᐃᓄᕕᐊᓗᐃᑦ ᐊᒻᒪᓗ ᐊᓪᓚᐃᑦ ᐊᒻᒪᓗ ᐃᖅᑲᓇᐃᔭᖃᑦᑕᖅᓯᒪᓂᖓᓄᑦ, ᐃᑲᔪᖃᑦᑕᓕᓚᐅᖅᑐᖅ ᐃᓚᒥᓂᒃ ᐅᑭᐅᒃᑯᑦ ᐊᑐᕆᐊᒃᑯᑦ, ᐃᖅᑲᓇᐃᔭᖅᑐᓂ ᐊᒻᒪᓗ ᐊᖁᖃᑦᑕᖅᑐᓂ. ᐊᑭᓕᖅᓱᖅᑕᐅᓇᓂ ᐱᓕᕆᓚᐅᖅᑐᖅ ᑲᓇᑕᒥ ᐅᓇᑕᖅᑐᒃᓴᙳᐊᖑᓪᓗᓂ ᐊᖏᖅᑎᑕᐅᓚᐅᙱᑎᓪᓗᒍ ᐅᓪᓗᓕᒫᖅ ᐅᓇᑕᖅᑐᒃᓴᙳᐊᖑᓂᕐᒧᑦ. ᑕᐃᒪᓕ, ᖁᕝᕙᕆᐊᖅᑎᑕᐅᓚᐅᖅᑐᖅ ᐸᓖᓯᒧᑦ ᑐᓖᑕᒧᑦ ᐊᒻᒪᓗ ᓄᐊᒪᓐ ᐅᐃᓪᔅᒧᑦ. ᐱᓕᕆᐊᖃᖃᑦᑕᓚᐅᕐᒥᔪᖅ ᖄᖅᑎᑦᑎᖃᑦᑕᖅᑐᓂ ᐊᒻᒪᓗ ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᐊᖁᑎᐅᓪᓗᓂ ᐅᔭᕋᓐᓂᒃ ᑎᓯᓂᖅᐹᓂᒃ ᐅᔭᕋᓐᓂᐊᕐᕕᓐᓂ.
ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᓄᓇᒥᓂᒃ ᕿᒪᐃᔭᕆᐊᖃᖅᐸᒃᑐᑦ ᑕᐃᒪᐃᓕᖓᐃᓐᓇᖁᓪᓗᒋᑦ. ᐃᕆᒐᖅᑐᖅ ᓅᓐᓂᕆᓚᐅᖅᑕᖓ ᖃᓪᓗᓈᑦ ᓄᓇᖓᓐᓄᑦ ᐃᓱᒪᖅᓲᑕᐅᓗᐊᓚᐅᙱᒻᒪᑦ ᐊᓈᓇᑦᑎᐊᒥᓄᑦ ᐱᕈᖅᓴᔭᐅᓚᐅᕐᒪᑦ ᐃᓅᓚᐅᖅᑎᓪᓗᒍ ᐃᓅᔪᓐᓃᖅᖢᓂᓗ ᑭᓯᐊᓂ ᐃᓱᒪᓪᓗᓂ ᐅᑭᐅᖅᑕᖅᑐᒦᒍᓐᓃᕆᐊᒃᓴᖅ ᐃᓱᒪᓕᐅᑦᑎᐊᕆᐊᒃᓴᖅ. ᖃᓪᓗᓈᑦ ᓄᓇᖓᓐᓅᖅᐸᓪᓕᐊᓪᓗᓂ, ᐃᓕᓐᓂᐊᕈᓐᓇᖅᓯᓚᐅᖅᐳᖅ ᐃᓅᓯᐅᑉ ᒥᒃᓵᓄᑦ ᓄᓇᓕᖓᑕ ᓯᓚᑖᓂ. "ᐅᖃᐅᔾᔨᒋᐊᕈᓐᓇᑦᑎᐊᖅᐳᖓ ᒪᕐᕉᖕᓂᒃ ᐃᓯᒐᖃᕆᐊᖃᕋᕕᑦ ᑕᒪᐃᓐᓂᒃ ᓄᓇᕐᔪᐊᕐᒥ, ᐃᓄᐃᑦ ᐃᓅᓯᑐᖃᖏᓐᓂᒃ ᐊᒻᒪ ᑕᕆᐅᑉ ᐊᑭᐊᓂᙶᖅᑐᓂᒃ ᐃᓅᓯᖏᓐᓂᒃ," ᐅᖃᐅᔾᔨᕗᖅ.
ᐅᖃᐅᔾᔨᒋᐊᕈᓐᓇᕈᓂ ᒪᒃᑯᓐᓂᖅᓴᒧᑦ, "ᑭᓱᓕᒫᑦ ᐱᓕᕆᐊᖑᓂᐊᖅᐳᑦ. ᑲᔪᓯᓗᑎᑦ ᐃᓕᓐᓂᐊᖅᓯᒪᓗᑎᑦ ᐅᕝᕙᓘᓐᓃᑦ ᐃᖅᑲᓇᐃᔮᕐᓂᒃ. ᓱᓇᑐᐃᓐᓇᐃᑦ ᐃᓕᖕᓄᑦ ᐊᑑᑎᖃᕐᓂᐊᖅᑐᑦ." ᐃᕆᒐᖅᑐᖅ ᐃᓕᓚᐅᖅᑕᖓ ᐃᓐᓇᑐᖃᕐᓂᒃ ᐱᖃᑎᖃᕐᓂᕐᒥᒃ ᐊᓯᖏᓐᓂᒃ ᐃᓕᓐᓂᐊᖅᑐᓂ, ᑕᒪᒃᑯᐊ ᐃᓕᓴᖅᑕᐅᔪᑦ ᓇᒃᓴᖃᑦᑕᕋᕕᒋᑦ ᐊᒻᒪᓗ ᐊᑐᖃᑦᑕᕐᓂᐊᓕᖅᑕᓯ ᓯᕗᓂᑦᑎᓐᓂ. ᓅᓪᓗᓂ ᐊᑲᐅᔪᒥᒃ ᐊᒻᒪᓗ ᓇᓪᓕᒋᔭᒥᓐᓂᒃ ᐃᓚᒥᓂᒃ ᐅᑭᐅᖅᑕᖅᑐᒥ ᐊᖑᓇᓱᒍᓐᓇᖅᑐᓂ, ᐃᓅᓗᓂ ᐱᔭᕆᐊᑭᑦᑐᒥᒃ ᐊᒻᒪᓗ ᓴᐃᓕᓇᖅᑐᒥᒃ ᓇᓂᓯᓪᓗᓂ ᖃᓪᓗᓈᓄᑦ ᖃᐅᔨᒐᒥ ᓂᑲᓇᕐᓂᖓᓂᒃ ᐊᒻᒪᓗ ᐱᔭᒃᓴᖃᓗᐊᕐᓂᖓᓂᒃ, ᑕᒪᒃᑯᐊ ᐅᖃᐅᓰᑦ ᓴᐱᕐᓇᓗᐊᓚᐅᖅᑐᑦ.
ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓᓗ, ᐃᐅᕆᒐᖅᑐᖅ ᐅᓄᖅᑐᓂᒃ ᐊᑐᕆᐊᕈᑎᖃᖅᑐᖅ ᓇᓂᓯᓇᓱᒃᓗᓂ ᓇᓕᒧᒌᒃᑐᒥᒃ ᓇᖕᒥᓂᖅ ᐃᓅᖃᑎᖃᕐᓂᕐᓂ ᐊᓯᒥᓄᑦ, ᓄᓇᒧᑦ ᐃᖕᒥᓂᒃᓗ. ᖃᐅᔨᒪᔪᖅ ᐃᒃᐱᖕᓂᐊᓂᒃᑯᑦ ᖃᓄᐃᓕᐅᕈᓐᓇᕐᓂᕐᒥᓂᒃ ᑭᐅᖔᕈᒪᓪᓗᓂᓗ ᐃᒃᐱᒍᓱᑦᑎᐊᕐᓗᓂ ᓇᒡᓕᒍᓱᒃᓗᓂᓗ ᐱᕕᖃᕐᓂᐊᕐᒪᑦ ᑭᐅᔭᕆᐊᒃᓴᖅ ᑐᐊᕕᙱᖔᕐᓗᓂ ᐊᔪᙱᓐᓂᓕᒫᖓᒍᑦ. ᐱᕕᖃᖅᑎᓪᓗᒋᑦ ᐋᖅᑭᒃᓯᓇᓱᒃᓗᓂ ᐊᓯᔾᔩᔪᓐᓇᕐᒥᔪᖕᓇᖅᐳᖅᑕᐅᖅ. ᐃᒻᒥᓂᒃ ᖃᐅᔨᔪᓐᓇᖅᓯᔪᖅ, ᐅᓪᓛᒃᑯᑦ ᒪᑭᑉᐸᓪᓕᐊᓪᓗᓂ ᐱᙳᐊᕐᕕᓕᐊᕆᐊᒃᓴᖅ ᑭᓇᑐᐃᓐᓇᖅ ᐃᒡᓗᒦᑦᑐᖅ ᒪᑭᓚᐅᙱᓐᓂᖓᓂ ᐊᒻᒪ ᖃᓄᖅ ᓴᓇᙳᐊᖅᐸᖕᒪᖔᑦ ᐱᔭᕆᐊᖃᖅᑕᒥᓂᒃ. ᐃᑲᔪᑦᑎᐊᕋᓱᖃᑦᑕᖅᑐᖅ ᐊᐃᑉᐸᕐᒥᓂᒃ ᐊᑖᑕᐅᓪᓗᓂᓗ. ᐊᐅᓪᓚᕋᐃᒻᒪᑦ, ᓈᓚᑉᐸᑦᑐᖅ, ᑐᔅᓯᐅᔾᔨᕙᑦᑐᖅ ᐊᒻᒪᓗ ᖁᔭᓕᓪᓗᓂ. "ᐊᒃᓱᕈᕐᓇᖅᑐᖅ ᐊᖏᓂᖅᐹᖑᕗᖅ ᖃᓄᖅᑑᕈᑎᒧᑦ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒧᑦ. ᖁᔭᓕᓕᕌᖓᕕᑦ, ᐃᓚᖏᑦ ᑕᐃᒃᑯᐊ ᐃᒃᐱᒋᔭᐅᔪᑦ ᐃᓱᒫᓗᖕᓂᕐᒥᒃ ᖁᒃᓴᓱᖕᓂᕐᒥᒡᓘᓐᓃᑦ ᓴᖅᑭᓕᖅᐸᒃᑐᑦ, ᐃᒃᐱᒋᔭᖃᓕᖅᐸᒃᖢᖓᓗ ᐱᐅᓂᖅᓴᒥᒃ," ᐅᖃᐅᓯᖃᖅᐸᒃᐳᖅ.
ᑲᔪᖏᖅᓴᐃᓂᕐᒧᑦ, ᐃᐅᕆᒐᖅᑕᖅ ᐅᖃᖅᑐᖅ, "ᖁᕕᐊᓱᑦᑎᑦᓯᔪᖓ ᑭᓇᐅᒻᒪᖔᕐᒪ ᑭᓇᐅᓂᓐᓂᑦ ᑭᓇᐅᓂᓐᓄᓪᓗ ᐊᓪᓚᐅᓂᓐᓄᑦ, ᐃᓅᓪᓗᖓ, ᓄᓇᖃᖅᑳᖅᓯᒪᔪᓄᑦ, ᐊᒻᒪᓗ ᓱᓇᐅᒻᒪᖔᖅ ᐅᖃᐅᓯᖅ, ᓄᓇᒥ, ᒪᓕᒐᕗᑦ, ᐊᓪᓚᕗᑦ ᒪᓕᒐᖏᑦ, ᐃᓄᐃᑦ ᒪᓕᒐᖏᑦ, ᐅᓂᒃᑳᖅᑐᐊᕐᓂᖅ ᐃᓅᓯᕗᓪᓗ. ᓄᓇᖃᖅᑳᖅᓯᒪᓪᓗᖓ, ᐊᐅᓪᓚᕋᐃᒐᑦᑕ ᓄᓇᒧᑦ... ᐊᑭᓕᒐᒃᓴᖅᑖᖅᑎᑕᐅᒃᑲᓐᓂᕐᓂᐊᖅᑐᑎᑦ, ᖁᔭᓕᓂᐊᖅᑐᑎᑦ, ᐊᓱᐃᓛᒃ ᐱᔪᒪᓕᕐᓗᑎᑦ ᐱᔪᒪᓕᕐᓗᑎᓪᓗ ᖃᓄᐃᓕᐅᕆᐊᒃᓴᖅ." ᐊᐅᓪᓚᖃᑦᑕᕐᓂᖅ ᐊᔭᐅᖅᑕᐅᕙᑉᐳᖅ ᐃᓐᓇᑐᖃᕐᓄᑦ, ᐊᓈᓇᑦᑎᐊᓄᑦ ᐊᒻᒪ ᐊᖏᔪᖅᑳᕆᔭᐅᔪᓄᑦ. ᕿᓚᐅᔾᔭᕐᓂᒃᑯᑦ ᐊᒻᒪ ᐃᓄᐃᑦ ᐱᙳᐊᕈᓯᑐᖃᖏᓐᓂᒃ ᑲᔪᖏᖅᓴᐃᖃᑦᑕᕐᒥᔪᖅ. ᖃᐅᔨᓪᓗᓂ ᐱᔪᒪᔪᓐᓃᕐᓂᖓᓂᒃ ᓯᓚᑖᓂ ᐱᖅᑯᓯᖓᑕ ᐊᕙᑎᖓᑕ ᐃᓱᒪᓪᓗᓂᓗ ᐱᔪᒪᓂᕆᔭᖓ ᐱᐅᓇᔭᕐᓂᖓᓂᒃ ᓅᓐᓂᐊᕈᓂ ᖃᓪᓗᓈᑦ ᓄᓇᖓᓐᓄᑦ. ᐱᔪᒃᓯᑎᑕᐅᕙᓚᐅᖅᑐᖅ ᐱᙳᐊᖅᑎᓪᓚᕆᖕᓄᑦ ᑭᓯᐊᓂ ᐃᐅᕆᒐᒃᑐᒃ ᑭᖑᓂᐊᒍᑦ ᖃᐅᔨᓕᓚᐅᖅᑐᖅ ᐃᔾᔪᐊᒐᒃᓴᑦᑎᐊᕙᐅᙱᓐᓂᖅᓴᐅᓂᖏᓐᓂᒃ, ᐃᓱᒪᓕᐅᖔᓕᖅᐸᒃᖢᑎᒃ ᓯᕗᒻᒧᑦ ᑕᐅᑐᖔᓕᖅᐸᒃᖢᑎᒃ.
ᐃᓚᒌᑦ ᐱᓂᕐᓗᒃᑐᖃᖅᑎᓪᓗᒍ ᓅᑦᑐᒪᓕᓚᐅᖅᓯᒪᕗᖅ ᓴᐃᒪᓇᖅᑐᒥᒃ ᐅᑭᐅᖅᑕᖅᑐᒥ ᐃᓅᓯᕆᓚᐅᖅᑕᖓᓂ ᖃᐅᔨᒪᓚᐅᖅᑐᖅ ᐱᓕᕆᒃᑲᒻᒪᕆᐊᓗᖕᒧᑦ, ᖃᓪᓗᓈᓂᙶᖅᖢᓂ, ᐋᑦᓯ ᐃᕆᒍᑦᑐᒃ ᐃᓕᑦᑎᓚᐅᖅᐳᖅ ᐃᓅᓯᐅᑉ ᒥᒃᓵᓄᑦ ᓄᓇᓕᖓᑕ ᓯᓚᑖᓂ. ᒫᓐᓇ ᐅᑎᖅᑐᖅ ᐊᖏᕐᕋᒧᑦ ᐅᑭᐅᖅᑕᖅᑐᒥ, ᐃᕐᖑᓯᐅᔭᙳᐊᒥᓂᒃ ᐃᒻᒥᖅᓯᖃᑦᑕᖅᑐᖅ ᑭᓇᐅᓂᕐᒥᓂᒃ, ᖁᕕᐊᓱᒃᖢᓂ ᓄᓇᒥ, ᒪᓕᒐᓂᒃ ᐊᒻᒪ ᐱᖅᑯᓯᕐᓂᒃ. ᐊᖅᑯᑎᓂᒃ ᐱᓕᕆᓪᓗᓂ, ᐅᓇᑕᖅᑐᒃᓴᐅᓪᓗᓂ ᐊᒻᒪ ᐅᔭᕋᖕᓂᐊᕐᕕᖕᓂ, ᐃᓅᓯᓕᒫᖅ ᖃᐅᔨᖃᑦᑕᖅᓯᒪᖕᒪᑦ ᐊᒻᒪ ᐱᕈᖅᐸᓪᓕᐊᓪᓗᓂ ᐃᓄᒃ ᐊᑕᐅᓯᖅ ᐃᓯᒐᖃᖅᖢᓂ ᑕᒪᐃᓐᓂᒃ ᓄᓇᕐᔪᐊᕐᒥ.
"ᖃᐅᔨᔪᖓ ᑲᔪᖏᖅᓴᐃᓂᖅ ᐃᓗᐊᒎᖃᑦᑕᖅᑐᖅ ᓴᐃᓕᑎᓪᓗᑎᑦ ᐊᒻᒪ ᐊᑕᖏᕈᕕᑦ, ᐃᓕᖕᓂᒃ ᑲᔪᖏᖅᓴᐃᓕᖃᑦᑕᕋᕕᑦ."
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!
