ᓴᐸᖓᓕᕆᓂᖅ ᐊᑐᖅᑕᐅᕙᒃᐳᖅ ᐃᓚᒥᓃᖦᖢᓂ ᐊᒻᒪᓗ ᐱᐅᔪᐊᓘᓪᓗᓂ ᐃᖅᑲᐅᒪᕙᒃᖢᓂᓗ ᐸᓂᒥᓂᒃ ᑕᐅᑐᒃᖢᓂ, ᑕᐃᒪᐃᖃᑦᑕᓚᐅᖅᓯᒪᖕᒪᑦ ᐊᑕᐅᓯᐊᖅᖢᓂ. ᐊᐅᑐᒪᓐ ᐱᐅᑎᐅᑉ ᐊᑎᖓ ᑐᖑᔪᖅᑕᖅ Cloud Thunder ᐊᕐᓇᖅ ᐊᒻᒪ ᕚᒃᔅ ᑕᓯᕐᒥᙶᖅᑐᖅ, ᓄᓇᓕᒃ 13 ᐃᑲᕐᕋᓄᑦ ᐅᐃᓂᐹᒡᒥᙶᖅᖢᓂ. ᐊᓈᓇᒋᔭᐅᔪᖅ ᓄᑕᕋᑯᓗᖕᒧᑦ ᓇᖕᒥᓂᖃᖅᖢᓂᓗ ᐊᑎᖃᖅᑐᖅ ᐊᐅᑦᒪᓐ ᑖᑦᔅ ᐊᐅᓪᓚᑲᑕᐃᓐᓇᓲᖅ ᒫᓂᑑᐸᒥ, ᐱᐅᓴᐅᑎᓂᒃ ᓂᐅᕕᐊᒃᓴᖃᖅᖢᓂ. 

"ᓴᖅᑭᑦᑎᖃᑦᑕᖅᑐᖓ ᑐᙵᕕᒋᓪᓗᒋᑦ ᐃᓕᖅᑯᓯᕋ ᐊᒻᒪ ᓇᖕᒥᓂᖅ ᐊᑐᖅᓯᒪᔭᒃᑲ ᐊᒻᒪ ᐅᕙᓐᓄᑦ ᐱᔪᒃᓯᓕᕈᑎᒋᓲᒃᑲ ᐃᓄᐃᑦ ᐱᐅᓂᖅᓴᐅᖁᓪᓗᒋᑦ ᐱᒻᒪᕆᐅᑎᖦᖢᒋᓪᓗ. ᐱᖁᑎᓕᒫᒃᑲ ᓴᓇᔭᐅᓲᑦ ᐱᔪᓐᓇᖅᑎᖦᖢᓂᑎᑦ ᐱᐅᓛᒥᒃᓗ ᓇᒃᓴᕐᓗᒍ," ᓇᓗᓇᐃᖅᓯᓪᓗᓂ.  

ᓇᖕᒥᓂᖁᑎᖃᕐᖢᓂ ᐱᐅᑎ ᐊᖏᕐᕋᖅᓯᒪᔪᓐᓇᖅᑎᑦᑎᕗᖅ ᐸᓂᒥᓂᒃ ᐊᐃᑉᐸᖃᙱᓪᓗᓂ ᐊᓈᓇᐅᓪᓗᓂ. ᓴᓇᖃᑦᑕᖅᑐᖅ ᐊᒻᒪᓗ ᓂᐅᕐᕈᑎᖃᖅᐸᒃᖢᓂ ᓴᓇᔭᒥᓂᒃ ᕿᑐᕐᖓᖓᑕ ᓴᓂᑦᑎᐊᖓᓂ ᖁᕕᐊᒋᔭᓕᒃ ᐊᓈᓇᖓᑕ ᓴᓇᖃᑦᑕᖅᑕᖏᓐᓂᒃ. ᐃᓅᓪᓗᓂ ᓴᐸᖓᓕᕆᓪᓗᓂ ᓯᓐᓇᑦᑑᒪᒋᔭᐅᓚᐅᖅᐳᖅ ᐊᕐᓇᑯᓘᓚᐅᖅᑎᓪᓗᒍ. 

ᐃᕐᖑᑕᖓ ᐃᓕᓐᓂᐊᖅᑎᓚᐅᖅᐹ ᓴᐸᖓᓕᐅᖁᔨᓪᓗᓂ 10-ᓂᒃ ᐅᑭᐅᖃᓕᖅᑎᓪᓗᒍ ᐊᒻᒪᓗ ᐃᓚᖏᑦ ᓴᓇᓚᐅᖅᑕᖏᑦ ᓇᓗᓇᐃᔭᖅᓯᒪᓂᖅᓴᐅᓕᖅᑐᑎᒃ. ᐅᓪᓗᕆᐊᖅᓯᒪᓚᐅᖅᑐᖅ ᓂᐅᕐᕈᑎᖃᕐᓂᕐᒥᒃ ᐃᓕᖅᑯᓯᑎᒍᑦ ᑎᑭᓴᖅᑕᐅᔪᓂᒃ ᐱᕈᕋᒥ ᐊᒻᒪᓗ ᑎᑭᒻᒪᑦ, ᓄᓇᕐᔪᐊᕐᒧᑦ ᑎᑭᐅᑎᓚᐅᖅᑐᖅ ᐊᔭᐅᖅᑐᐃᓪᓗᓂ ᐃᓕᓐᓂᐊᖅᑎᐊᖅᓯᒪᑦᑎᐊᕐᓂᕐᒧᑦ ᐊᒻᒪᓗ ᐃᓄᐃᑦ ᐃᖅᑲᓇᐃᔭᕈᓯᑐᖃᖏᓐᓂᒃ. ᒪᓕᙱᖔᖅᑐᓂ ᑭᐊᑭᐊᖅ ᐱᔪᒪᔭᖓᓂᒃ, ᓇᖕᒥᓂᖅ ᓂᕈᐊᕐᖢᓂ, ᑭᓱᒥᑭᐊᖅ ᖁᕕᐊᓱᒃᑎᑦᑎᓪᓗᓂ ᓱᓕ. 

ᒪᓕᒃᑎᓪᓗᒍ ᐊᖅᑯᑎᒋᓂᐊᖅᑕᖓᓂᒃ ᐃᖕᒥᓂᒃ ᐋᖅᑭᒃᑕᖓᓂᒃ, ᖁᓱᙱᖦᖢᓂ. "ᓄᓇᕐᔪᐊᒥ ᐊᒻᒪ ᐃᙱᖅᑎ ᖃᐅᔨᑎᓐᓇᔭᖅᐹᑎᑦ ᐊᖅᑯᑎᑦᑎᐊᕙᒃᑰᓕᕈᕕᑦ. ᐊᔾᔨᒌᖏᕈᓘᔭᖅᑐᓂᒃ ᐱᒐᔪᒃᑲᒪ, ᐊᒻᒪ ᑮᓇᐅᔭᑭᒃᓴᓗᐊᓲᖑᔪᖓ ᓯᓚᑦᑐᖅᓴᕐᕕᒡᔪᐊᓂ ᖃᐅᔨᒪᒑᖓᑦᑕ ᐊᖅᑯᑎᑦᑎᐊᕙᖕᓃᓐᓂᓐᓂᒃ," ᑕᑯᒃᓴᐅᑎᑦᑎᔪᖅ. ᓴᙱᔪᒥᑦ ᐃᒃᐱᒍᓱᖕᓂᖅ déjà vu−ᒥᑦ ᓇᓗᓇᐃᖅᐳᖅ ᓇᓃᑦᑕᕆᐊᖃᕐᓂᕐᒥᓂᒃ.  

ᐃᒃᓯᕚᕐᓗᓂ ᓱᓕ ᓈᓚᑦᑎᐊᕆᐊᒃᓴᕐᓗ ᐊᔪᕐᓇᖅᑐᖅ ᐱᐅᑎᒧᑦ ᑭᓯᐊᓂ ᓴᐸᖓᓕᕐᓇᖅᖢᓂ ᐊᒡᒐᖏᑦ ᐱᔭᒃᓴᖃᖅᑎᖦᖢᓂᒋᑦ ᓈᓚᒍᓐᓇᕐᓂᐊᕐᒪᑦ ᐃᓕᓐᓂᐊᕐᕕᐊᕈᓯᕐᒥ. ᐊᓂᒍᐃᕌᓂᒃᑯ, 911-ᓂᒃ ᐅᖃᓗᒡᕕᐅᖃᑦᑕᓚᐅᖅᐳᖅ ᐸᓖᓯᒃᑯᓐᓄᑦ, ᐅᖃᓗᑲᑕᒃᐸᙱᖦᖢᓂ ᐃᑲᕐᕋᓄᑦ 12-ᓄᑦ ᐃᖅᑲᓇᐃᔭᖅᑎᓪᓗᒍ. ᖁᕕᐊᓱᓕᓚᐅᖅᑐᖅ ᓴᐸᖓᓕᕐᓇᕐᓂᖅᓴᐅᓪᓗᓂ ᐅᖄᓚᖃᑦᑕᑐᐃᓐᓇᙱᖦᖢᓂ ᐊᒻᒪᓗ ᑭᖑᓂᐊᒍᑦ ᑎᓕᐅᕆᓪᓗᓂ ᐱᒋᐊᖁᔨᓪᓗᓂ ᓇᖕᒥᓂᕐᒥᓂᒃ. 

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᐊᐅᓪᓚᕈᒪᔪᓄᑦ ᓄᓇᒥᓄᑦ ᐃᓕᓐᓂᐊᕆᐊᕐᓗᑎᒃ ᐊᐅᓪᓚᕐᓗᑎᒃᓘᓐᓃᑦ ᐱᔪᒥᓇᖅᑐᖅ. "ᐅᒃᐱᕈᓱᑦᑎᐊᖅᐳᑎᑦ ᐃᓕᖕᓂᒃ ᑕᒪᒃᑯᐊ ᐊᒃᑐᐊᓂᖃᓕᖅᑎᑦᑐᒪᓪᓗᒋᑦ ᐃᓄᖕᓄᑦ. ᐃᓄᖕᓂᒃ ᑲᑎᖃᑎᖃᖃᑦᑕᕐᓂᐊᖅᐳᑎᑦ ᐃᓕᖕᓂᒃ ᐃᑲᔪᕐᓂᐊᖅᑐᓂᒃ," ᑕᐃᒪᓐᓇ ᐅᖃᖅᖢᓂ. ᐃᖏᕐᕋᑎᓪᓗᒍ, ᐱᐅᑎ ᐊᒥᓱᓂᒃ ᐃᓄᖕᓂᒃ ᑕᑯᖃᑦᑕᖅᓯᒪᕗᖅ ᖃᐅᔨᑎᑦᑎᓯᒪᔪᓂᒃ ᐃᓄᖕᓄᑦ ᐅᖃᐅᓯᖃᖅᓯᒪᔪᓂᒃ ᐃᓱᒪᒋᔭᒥᓂᒃ ᐊᑐᖅᑕᐅᔪᓐᓇᖅᑐᓂᒡᓗ. 

ᒪᒥᐊᓇᖅᑑᒐᓗᐊᖅ, ᑭᒃᑯᓕᒫᑦ ᖃᐅᔨᖃᑦᑕᖅᓯᒪᔭᖏᑦ ᐃᑲᔫᑎᖃᖅᓯᒪᙱᒻᒪᑕ ᐊᒻᒪ ᓂᖓᖅᑕᐅᖃᑕᐅᖃᑦᑕᖅᓯᒪᓪᓗᓂ ᐃᓄᖕᓂᒃ ᖁᕕᐊᓱᓚᐅᖅᑐᓂᒃ ᐃᑲᔪᕆᐊᒃᓴᖅ ᐊᓃᖅᑎᑕᐅᙱᑐᐊᖅᐸᑕ. ᐃᓱᒪᒋᓪᓗᒋᑦ ᑕᒪᒃᑯᐊ ᐊᑐᖅᑕᐅᖃᑦᑕᖅᓯᒪᔪᑦ ᐊᒻᒪ ᒪᒃᑯᒃᑐᑦ ᐊᕗᑎᔪᒪᙱᖦᖢᒋᑦ ᑖᒃᑯᓂᖓᑦᑕᐃᓐᓇᖅ ᐊᒃᓱᕈᕐᓇᖅᑐᓂᒃ, ᐅᖃᖅᐳᖅ, "ᐱᔪᓐᓇᕐᓂᕆᔭᕐᓂᒃ ᐱᓕᕆᔪᓐᓇᕐᓗᑎᑦ. ᓈᒻᒪᒃᑐᐃᓐᓇᐅᔪᒍᑦ ᐅᕙᑦᑎᓐᓄᓕᒫᖅ. 'ᐊᖑᑏᑦ' ᐃᓱᒪᖏᑦ ᑐᓂᕙᙱᓪᓗᒍ. ᐊᑭᑦᑐᕋᐅᑎᖃᑎᖃᕆᐊᖃᙱᑦᑐᑎᑦ... ᐱᓂᖅᓴᐅᔪᓐᓇᖅᑐᑎᑦ ᐱᓂᖅᓴᐅᔪᓐᓇᖅᑕᕐᓂᑦ ᐱᔪᓐᓇᖅᑕᕐᓂᑦ." 

"ᐃᓘᓐᓇᑕ ᓈᒻᒪᖕᒪᑦ. 'ᐊᖑᑏᑦ' ᐃᓱᒪᖏᑦ ᑐᓂᕙᙱᓪᓗᒍ. ᐊᑭᑦᑐᕋᐅᑎᖃᑎᖃᕆᐊᖃᙱᑦᑐᑎᑦ ᑎᒥᖕᓄᑦ."

ᐃᓕᓚᐅᖅᑐᖅ ᑲᑐᔾᔨᖃᑎᒌᓐᓂᖅ ᐱᓂᖅᓴᐅᓂᐊᖅᑐᖅ ᐃᓕᓐᓂᑦ ᐊᑭᑦᑐᕋᐅᑎᓂᑐᐃᓐᓇᐅᖏᑦᑐᒥᑦ ᐊᒻᒪᓗ ᓂᕈᐊᕐᓂᕐᒥᑦ ᐃᓅᓯᕐᓂᑦ ᐋᖅᑭᑦᑕᕐᓂᑦ ᐆᑦᑑᑎᒋᓗᒍ ᑭᖑᕚᑦᓴᑎᓐᓄᑦ. "ᒪᒃᑯᒃᑐᑦ ᑕᑯᓂᐊᖅᑐᑦ ᐃᓕᖕᓂᒃ ᐱᓕᕆᑎᓪᓗᑎᑦ ᖃᓄᐃᓕᐅᖅᑕᕐᓂᒃ ᐊᒻᒪᓗ ᐱᔪᒪᓂᐊᕐᖢᑎᒃ ᐃᖕᒥᖕᓄᑦ. ᖃᐅᔨᑎᑐᐃᓐᓇᕐᓗᒋᑦ ᑭᓱᑐᐃᓐᓇᑦ ᐊᔪᕐᓇᙱᓐᓂᓕᒫᖓᓂ," ᑎᓕᐅᕆᔪᖅ. 

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᓇᖕᒥᓂᖅ ᐃᒪᐃᒃᑲᔭᖅᑐᖅ, "ᐊᔪᙱᑦᑐᑎᑦ ᐊᖅᑯᑎᒃᑰᕈᕕᑦ. ᐱᐅᓂᕐᐹᖑᒐᔭᙱᓐᓇᕕᑦ ᐃᓘᓐᓇᑦᓯᐊᖏᓐᓂᒃ ᐊᒻᒪᓗ ᖃᓄᐃᒐᓂ. ᑕᒪᓐᓇ ᐃᓚᒋᕚ ᐱᓕᕆᐊᖑᕙᓪᓕᐊᔫᑉ. ᐅᒃᐱᕆᑐᐃᓐᓇᕐᓗᒍ ᐱᕙᓪᓕᐊᓂᖓ. ᖃᓄᐃᔾᔮᖏᑦᑐᑎᑦ." ᐃᓕᑦᑎᓯᒪᔪᖅ ᐱᕈᖅᓯᒪᑎᓪᓗᒍ ᓇᖕᒥᓂᖅ ᐱᐅᖏᓛᖑᓂᖓᓂᒃ ᐊᒻᒪ ᖃᓄᖅ ᐊᒃᓱᕈᕐᓇᖅᑎᒋᔪᓐᓇᕐᒪᖔᑦ ᓯᕘᕋᓂᖅ ᐃᓕᖕᓂᒃ ᖃᐅᔨᑎᑦᑎᓇᓱᒃᑎᓪᓗᑎᑦ. 

ᐃᓱᒪᖓ ᖃᐅᔨᒋᐊᖃᑦᑕᖁᓪᓗᒍ, ᐱᐅᑎᐅᑉ ᒥᑎᖏᑦ ᖃᐅᑕᒫᑦ. "ᑕᕐᓂᓕᕆᔨᐅᓪᓗᖓ, ᐅᓐᓄᑕᒫᑦ ᐊᐅᓪᓚᖃᑦᑕᖅᑐᖓ ᐊᒻᒪ ᐅᓪᓛᒃᑯᑦ ᐅᑎᕈᓐᓇᖅᓯᑕᐃᓐᓇᖅᑐᖓ," ᑐᓴᖅᑎᑦᑎᓪᓗᓂ. ᐊᕙᑎᖏᓐᓃᑦᑎᐊᕐᖢᓂ, ᒥᑕᐅᑎᖃᙱᑦᑐᖅ ᖃᓄᐃᓕᐅᖅᑐᖃᕐᒪᖔᑦ ᑭᓱᓄᓪᓘᓐᓃᑦ ᖃᐃᔪᓐᓇᕐᒪᖔᑦ, ᑎᒥᖓ ᓈᓚᒡᓗᒍ ᓱᓕᓗᓂ.  

ᑲᔪᖏᖅᓴᐃᔭᕆᐊᖃᖅᑎᓪᓗᒍ, ᐱᐅᑎ ᖁᕕᐊᓱᒍᑎᖃᕈᒪᕗᖅ, ᐊᑭᓯᕐᓂᒃ, ᐊᓯᖏᓐᓂᒃ ᓴᓇᙳᐊᖅᑎᓂᒃ ᐊᒻᒪ ᒧᒥᖅᑎᓂᒃ, ᒧᒥᖅᑎᖏᓐᓂᒃ ᐊᒻᒪ ᐊᒃᓱᕈᕈᑎᒋᔭᖏᓐᓂᒃ ᐊᓂᒍᐃᔪᓐᓇᖅᑕᖏᓐᓂᒃ. "ᖁᕕᐊᓱᑦᑎᐊᖅᑐᖓ ᐊᒥᖅᑳᖃᑎᖃᕐᓂᕐᒥᒃ ᐃᑲᔪᕐᓂᕐᒥᒃᓗ ᓴᖅᑭᑎᑦᑎᒃᑲᓐᓂᕐᓗᖓᓗ ᐅᕙᓐᓂᒃ ᐅᖃᐅᓯᖃᓕᕌᖓᒪ," ᐅᖃᑦᑎᐊᙱᖦᖢᓂ. 

ᐱᐊᓂᒍᑎᒋᓗᒍ, ᐱᐅᑎ ᐅᖃᐅᓯᖃᖅᑐᖅ ᐱᔪᒪᔭᖓᓂᒃ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᖃᐅᔨᒪᖁᓗᓂᒋᑦ, "ᐅᑕᖅᑭᔭᕆᐊᖃᙱᑦᑐᑎᑦ ᐱᕕᒃᓴᑦᑎᐊᕙᖕᒥᒃ. ᓈᒻᒪᓈᓚᐅᖅᓯᒪᔾᔮᖏᑦᑐᖅ. ᐊᐃᑉᐸᖃᙱᖦᖢᖓ ᐊᓈᓇᐅᔪᖓ. ᑕᒪᓐᓇ ᓈᒻᒪᓈᑦᑎᐊᖏᒻᒪᑦ. ᑭᓯᐊᓂᓕ ᐅᕕᒃᑲᐅᑎᓪᓗᖓ, ᐊᒻᒪᓗ ᐱᕕᒃᓴᖃᐃᓐᓇᖃᑦᑕᓚᐅᖅᑐᖓ ᐊᒻᒪᓗ ᑕᐃᒪᙵᓕᒫᖅ ᓯᓚᕐᔪᐊᒥ ᐊᒻᒪᓗ ᐅᕙᓐᓂᒃ ᑕᑎᖃᖅᑐᖃᕋᓂ, ᓱᓕ ᐊᑲᐅᓈᖅᑐᒋᓚᐅᙱᑕᕋ. ᑕᒪᓐᓇ ᐃᒻᒥᓂᒃ ᑲᒪᒋᑐᐃᓐᓇᕐᓗᒍ."

ᓴᐸᖓᓕᕆᓪᓗᓂ ᐃᓚᒥᓂᒃ, ᐊᐅᑕᒻ ᐱᐅᑎ ᐆᑦᑑᑎᑦᑎᐊᕙᐅᔪᖅ ᐸᓂᖓᓄᑦ ᐃᕐᖑᑕᖓᑎᑐᑦ.  ᓴᓇᑦᑎᐊᕐᖢᓂᐅᒃ, ᐱᕕᖃᕐᖢᓂ ᐃᓱᒪᖅᓱᕈᓐᓇᕐᖢᓂᓗ ᐱᐅᓈᖅᓯᑎᑦᑎᓪᓗᓂ ᐃᖅᑲᐅᒪᔪᓐᓇᕐᖢᓂᓗ ᓄᑕᕋᖓᓂᒃ ᑕᐅᑐᒃᖢᓂ, ᑕᐃᒪᐃᖃᑦᑕᕈᒪᑐᐃᓐᓇᕐᖢᓂ ᐊᑕᐅᓯᐊᕐᖢᓂ. ᑲᑐᔾᔨᖃᑎᒌᖕᓂᒃᑯᑦ ᐊᑭᑦᑐᕋᐅᑎᓂᒃᑰᙱᑦᑐᖅ, ᓇᓂᓯᓪᓗᓂ ᐊᑐᒐᒃᓴᒥᒃ ᓯᕗᒻᒧᐊᒃᓗᓂ ᓄᓇᓕᖕᒥ, ᑐᕌᖅᑎᑦᑎᓪᓗᓂ ᓇᒡᓕᖕᓂᕐᒥᒃ ᓂᖓᕐᓂᐅᙱᖔᕐᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.