"ᐊᑭᓐᓇᕐᒥᐅᑕᖃᕐᔪᐊᓚᐅᖅᑐᖓ ᑲᑉᐱᐊᓱᓚᐅᕋᒪ ᑭᓇᐅᓂᓐᓂᒃ. ᒫᓐᓇ ᐃᓕᓴᐃᓕᖅᐳᖓ ᒪᒃᑯᖕᓂᖅᓴᓂᒃ ᒪᑐᐃᖁᓪᓗᒋᑦ," ᐱᖃᖃᑕᐅᕗᖅ ᑉᓚᐃᓐ ᒪᒃᓚᐅᑦ−ᒥᒃ. "ᐱᔪᓐᓇᕐᓂᖃᕐᔪᐊᕐᓇᖅᐳᖅ ᑭᓇᒧᒃᑭᐊᖅ ᒪᑐᐃᖅᓯᓂᐊᕐᓗᓂ ᐅᓂᒃᑲᐅᓯᕐᒥᒃ... ᑭᒃᑯᓕᒫᑦ ᐅᓂᒃᑳᖃᖅᑐᑦ. ᑭᓯᐊᓂ ᐅᓂᒃᑳᖅᑐᐊᑦ ᒪᒥᓴᕐᒪᑕ. ᒪᒥᓴᖅᐸᓪᓕᐊᓕᓚᐅᖅᑐᖓ ᖃᖓᑲᓪᓚᐅᓕᖅᑐᖅ ᐅᓂᒃᑳᑲᑕᒃᖢᖓ," ᑲᔪᓯᓪᓗᓂ. 

ᐅᔾᔨᕆᓯᒪᔭᖓ ᐅᓂᒃᑳᕐᓂᐊᕐᒪᑦ ᐊᒻᒪᓗ ᑭᓇᑭᐊᖅ ᐅᖃᕋᔭᖅᑐᓂ ᖃᓄᖅ ᐱᖃᓐᓇᕆᔭᖓ ᐅᕝᕙᓘᓐᓃᑦ ᐃᓪᓗᖓ ᑕᐃᒪᐃᑦᑐᒃᑰᕐᓂᕐᒪᖔᖅ ᑭᓯᐊᓂ ᐃᔨᖏᑦ ᑕᑯᒍᓂᐅᒃ, ᐅᖃᕈᓐᓇᖅᑐᖅ ᑕᐃᒃᑯᐊ ᑕᐃᒪᐃᓚᐅᖅᑐᑦ. ᐃᓄᐃᑦ ᐅᐸᒍᑎᒐᔪᖕᒪᑕ ᑐᓴᕋᒥᒋᑦ ᐅᓂᒃᑳᒥᓂᒃ, ᓇᖕᒥᓂᖅ ᐅᑎᕐᓂᕐᒥᓂᒃ ᑐᓴᖅᑎᑦᑎᓪᓗᑎᒃ ᑕᒪᓐᓇᓗ ᐆᒻᒪᑎᖓ ᐅᖅᑰᓯᑎᖦᖢᒍ. ᖃᐅᔨᒪᔪᖅ ᖃᓄᖅ ᐊᔪᕐᓇᖅᑎᒋᓂᖓᓂᒃ ᐊᒥᖅᑳᖃᑎᒌᖕᓂᖅ. 

ᐅᐊᐸᔅᑲ, ᐊᓪᐳᑕᒥ ᐱᕈᕐᕕᒋᓚᐅᖅᑕᖓ ᐊᒻᒪᓗ ᐱᕈᕐᓴᐃᓪᓗᓂ. ᐱᔭᕇᓚᐅᖅᑐᖅ ᓄᓇᖃᖅᑳᖅᓯᒪᔪᓂᑦ ᑕᕐᕆᔭᕐᕕᒻᒥᑦ ᐊᒻᒪᓗ ᐃᓯᒐᓂ ᐹᖓᓄᐊᖅᑐᓂ ᑕᕐᕆᔭᕐᕕᕈᖅᑐᓂ, ᓄᑖᒥᒃ ᐃᓅᓯᖃᓕᓚᐅᖅᑐᖅ ᑐᕌᓐᑐᒥ. ᐃᒻᒥᓂᒃ ᐅᓂᒃᑳᕈᓐᓇᖅᓯᓚᐅᖅᐳᖅ ᐅᓂᒃᑳᖅᖢᓂᓗ, ᐅᕝᕙᓘᓐᓃᑦ ᐃᓄᐃᑦ ᑕᐃᒪᐃᑦᑐᒃᑰᖅᓯᒪᔪᑦ ᑭᓯᐊᓂ ᑲᙳᓱᓗᐊᑐᐃᓐᓇᕆᐊᖃᖅᖢᑎᒃ ᐃᒻᒥᓂᒃ. ᐱᓕᕆᐊᖃᖅᐳᖅ ᑎᑎᕋᖅᑐᓂ ᐊᑕᐅᓯᕐᒥᒃ ᐊᖑᒻᒥᑦ ᑕᐃᔭᐅᔪᒥᒃ ᕘᓇᑦ, ᐅᓂᒃᑳᖅᑐᐊᖅ ᐃᓅᓯᖓᑕ ᒥᔅᓵᓄᑦ ᐊᒻᒪ ᑕᒻᒪᕐᓂᕆᓯᒪᔭᖏᓐᓂᑦ ᐃᓕᕝᕕᒋᓯᒪᔭᖏᓐᓂᑦ.

ᐊᓂᒍᐃᓇᓱᒃᖢᓂ ᑐᓗᖅᑕᕈᑎᓂᒃ ᐃᓅᓯᖓᓂ, ᒪᒃᓚᐅᑦ ᖃᐅᔨᓴᕐᖢᓂ ᓇᖕᒥᓂᖅ ᐃᒃᐱᒋᔭᖏᓐᓂ, ᑎᑎᕋᑲᑕᒃᓗᓂ ᖃᐅᔨᒪᒋᐊᕐᓗᓂᓗ ᓱᓕᓂᖓᓂᒃ ᐃᖕᒥᓄᑦ, ᑲᙳᓵᕆᓪᓗᓂ ᖃᓄᖅ ᐱᕈᖅᓴᓚᐅᕐᒪᖔᑦ. ᐱᓪᓗᒍ ᐊᒥᓱᑦ ᐃᓄᐃᑦ ᓴᓂᕐᕙᖅᓯᒪᔭᖏᓐᓂᑦ ᕿᒪᐃᕙᙱᒻᒪᑕ ᓯᓐᓇᑦᑑᒪᒋᔭᒥᓐᓂᒃ, ᓴᖅᑭᔮᖏᓐᓇᕈᒪᕙᓗᒻᒪᑦ ᐱᔪᓐᓇᕐᓂᓕᒫᒥᒍᑦ ᖃᐅᔨᒪᓂᐊᕐᒪᑕ ᑕᐃᒪᐃᒍᓐᓇᕈᓂ, ᑕᐃᒪᐃᒍᓐᓇᕐᒥᔪᑦ. ᐊᖓᔪᖓᑕ ᐃᓚᖓ ᐊᔪᓕᓚᐅᕐᒪᑦ ᐊᒻᒪᓗ ᑕᖅᑭᒐᓵᓗᓐᓂᒃ ᐊᖏᕐᕋᖅᓯᒪᓕᖅᑐᓂ ᐃᓅᔪᓐᓃᓚᐅᖅᑎᓪᓗᒍ ᕿᑦᓵᒍᓐᓇᕐᓂᐊᕐᒪᑦ ᐊᒻᒪᓗ ᐅᑎᕈᓐᓇᖅᓯᓪᓗᓂ. 

ᒪᒃᓚᐅᑦ ᓅᓚᐅᖅᑐᖅ ᐊᓪᐳᑕᐅᑉ ᐅᐊᖕᓇᖓᓂᑦ ᓲᖃᐃᒻᒪ ᐱᕈᖅᓴᓂᖅ ᒪᕐᕉᓪᓗᑎᒃ ᑕᕐᓂᒃᑯᑦ ᐃᓅᓪᓗᓂ ᑕᐅᕙᓂ ᐊᒃᓱᕈᕐᓇᓚᐅᖅᑐᖅ ᐊᒻᒪᓗ ᐃᑦᒪᓐᑕᓐ ᐱᐅᓂᖅᓴᐅᖅᑰᔨᓪᓗᓂ. 14-ᖑᓕᕋᒥ ᓅᓚᐅᖅᓯᒪᔪᖅ. ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐱᙳᐊᖃᑕᐅᓚᐅᖅᑐᖅ ᓯᕗᓪᓕᖅᐸᐅᓪᓗᓂ ᖃᑕᙳᑎᒥᓂᒃ ᐊᓂᒍᐃᖃᑕᐅᓪᓗᓂ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ. ᐅᖅᓱᐊᓗᓕᕆᔨᓄᑦ ᓅᓚᐅᖅᓯᒪᔪᖅ ᐃᓚᒥᑎᑐᑦ ᑭᓯᐊᓂ ᖃᐅᔨᒐᒥ ᐊᖓᔪᖅᑳᒥᓂᒃ ᐃᓅᓂᖅᓴᐅᓕᕋᒥ ᖁᕕᐊᓱᙱᖦᖢᓂ.  ᐱᕕᖃᓚᐅᖅᑐᖅ ᐊᒻᒪᓗ ᐱᓇᓱᐊᖅᑐᓂ ᐱᖓᓱᓄᑦ ᐱᓇᓱᐊᕈᓯᕐᓄᑦ ᐃᓇᖐᓯᒪᑲᐃᓐᓇᖅᑐᓂ ᑐᕌᓐᑐᒥ ᐊᒻᒪᓗ ᓅᑦᑐᓂ ᐃᓚᖃᕋᓂ ᖃᓂᒋᔭᖓᓂ ᓄᑖᒥ ᓄᓇᓕᖓᑕ. ᐱᖃᓐᓇᕆᔭᖏᑦ ᖃᑕᙳᑎᙳᕐᖢᑎᒃ ᑭᓱᓂᒡᓗ ᐃᓕᑦᑎᕝᕕᒋᓚᐅᕐᒪᖔᕐᒥᐅᒃ ᓴᙱᓂᖅᓴᐅᑎᖦᖢᒍ. ᓄᓇᓕᐸᐅᔭᖅ ᓱᑲᑦᑐᒥᒃ ᓱᑲᑦᑑᓪᓗᓂ ᐊᒻᒪᓗ ᔭᒐᑲᐃᓐᓇᐸᑦᑐᓂ ᐃᓛᓐᓂᒃᑯᑦ. 

ᐊᑕᐅᓯᖅ ᐊᖑᑦ ᑕᑯᒃᓴᐅᑎᑦᑎᓂᖓ ᐱᕕᖃᕐᕕᐅᓯᒪᔪᖅ ᐃᒻᒥᓂᒃ−ᐃᓱᒪᒃᓴᖅᓯᐅᕈᑎᖃᕐᓂᕐᒧᑦ, ᐃᓛᓐᓂᒃᑯᑦ ᐃᓱᒪᖃᑦᑕᖅᑐᖅ ᓈᒻᒪᖕᒪᖔᑦ ᐊᒻᒪᓗ ᐃᒃᐱᒍᓱᒃᖢᓂ ᓴᙱᓂᖅᓴᒥᒃ ᐅᖃᖅᑎᐅᖅᑰᔨᓗᓂ ᑎᑎᕋᖅᑎᒥᑦ. ᑕᒪᓐᓇ ᐊᓂᒍᖅᑎᓐᓇᓱᒃᖢᓂᐅᒃ, ᓇᖕᒥᓂᖅ ᑎᑎᕋᖅᐸᒃᖢᓂᐅᒃ ᑎᑎᕋᖅᖢᓂᓗ. ᖃᕿᐊᖅᓯᓂᐅᔪᖅ ᓴᖅᑭᐸᑦᑐᖅ ᑲᑐᔾᔨᓪᓗᓂ ᓴᓇᐅᒐᕐᒥᓂᒃ ᐃᓛᓐᓂᒃᑯᑦ ᑲᑕᑦᑎᑕᐅᕙᒻᒪᑦ ᐊᒻᒪᓗ ᐱᓕᕆᐊᖃᖅᓯᒪᓪᓗᓂ ᐱᓕᕆᐊᖑᔪᒥᒃ ᐊᒥᓱᓄᑦ ᐊᕐᕌᒍᓄᑦ. 

ᐊᐱᕆᔭᐅᒐᒥ ᐅᖃᐅᔾᔨᒋᐊᖁᔭᐅᓪᓗᓂ ᒪᒃᑯᑦᑐᓄᑦ ᐃᖅᑲᓇᐃᔮᖃᕈᒪᔪᓄᑦ ᑕᕐᕆᔭᕐᕕᒻᒥ ᐅᕝᕙᓘᓐᓃᑦ ᐅᖃᖅᑐᓂ, "ᐱᔪᒪᔭᑎᑦ ᒪᓕᓪᓗᒋᑦ." ᐱᕈᕐᓴᓚᐅᕐᑎᓪᓗᒍ ᐃᓚᒌᓂ ᒪᑐᔭᐅᓯᒪᑦᓯᐊᕐᓱᓂ, ᐃᓅᓕᓚᐅᕐᓱᓂ ᐊᓯᒥᑕ ᐱᔪᒪᔭᖓᓂ ᐊᒻᒪ ᓴᓪᓗᑦᓱᓂ ᐃᒪᐃᒻᒪ ᑮᓇᐅᔭᖅᓄ ᐃᒪᐃᓂᐊᕐᓱᑎ. ᐊᓂᑦᑕᓯᓐᓇᓕᕋᒥ ᐴᖓᑕ ᓯᓚᑖᓂ, ᓴᐃᓕᓕᓚᐅᖅᑐᖅ. 

ᖃᐅᔨᒪᔪᖅ ᐱᔭᕆᐊᑭᑦᑐᑯᓘᖏᒻᒪᑦ ᐊᓯᔾᔩᓇᓱᐊᖅᑐᓂ ᑭᓯᐊᓂ ᐅᖃᐅᓯᖃᕐᒪᑦ ᑎᓕᐅᕆᓂᕐᒥᒃ ᐊᑐᖅᓯᒪᔭᖏᑦ ᒪᓕᓪᓗᒋᑦ. "ᐅᓗᕆᐊᓇᖅᑑᕗᖅ ᐊᖅᑯᑎ, ᑭᓯᐊᓂ ᐃᓄᖕᓂᒃ ᑕᑯᓂᐊᖅᐳᑎᑦ ᓯᕗᓂᑦᑎᓐᓂ, ᐊᒻᒪ ᐊᖏᕐᕋᖅᓯᒪᙱᒃᑯᕕᑦ, ᐱᖃᓐᓇᕆᔭᕐᓂᒃ, ᖃᑕᙳᑎᒋᓕᕐᓗᑎᑦ ᐃᓕᖕᓂᒃ ᑲᒪᒋᑦᑎᐊᕐᓗᑎᓪᓗ." ᓄᓇᓕᐸᐅᔭᕐᒧᑦ ᐃᓕᖃᑦᑕᖅᑐᓂ ᑐᐊᕕᐅᒻᒪᑦ ᑕᑯᖃᑦᑕᖅᓯᒪᔪᖅ ᐊᒥᓱᓂᒃ ᐃᓄᓐᓂᒃ ᐋᐳᓂᒃ ᐊᒻᒪᓗ ᐱᖃᓐᓂᕆᓇᓱᐊᖅᐸᑦᓱᓂᐅᒃ ᑎᑭᑉᐸᓪᓕᐊᔪᓄᑦ ᓲᕐᓗ ᓄᑦᑎᖅᓯᒪᔪᓂᒃ ᐊᒻᒪᓗ ᓄᓇᓕᕋᓛᖑᓂᖅᓴᓂᒃ. 

ᐃᓱᒪᒋᓪᓗᒍ ᓂᕆᐅᒋᔭᖏᑦ ᓯᕗᓂᒃᓴᒧᑦ, ᒪᒃᓚᐅᑦ ᑲᔪᓯᔪᒪᖕᒪᑦ ᖁᕕᐊᒋᔭᒥᓂᒃ ᓴᓇᙳᐊᖅᑎᐅᓪᓗᓂ, ᐅᓂᒃᑳᕐᓗᓂ. ᓂᕆᐅᒃᐳᖅ ᐊᑕᐅᓯᕐᒥᒃ ᐊᖑᑎᒥᒃ ᑕᑯᑎᑕᐅᓂᐊᕐᓂᖓᓂᒃ ᐊᒻᒪ ᐅᑎᕐᓗᓂ ᐊᐅᓚᑲᑦᑖᖅᑎᓪᓗᒋᑦ ᑭᓱᑐᐃᓐᓇᑦ ᓄᖅᑲᖓᓚᐅᖅᑎᓪᓗᓂᒋᑦ ᐃᓱᒪᑐᔫᓂᖓ. ᐃᖅᑲᓇᐃᔭᖅᓯᒪᔪᖅ ᓂᕆᕕᒻᒥ ᐊᖏᕐᕋᖅᓯᒪᑎᓪᓗᒍ ᐳᓛᕆᐊᖅᓯᒪᑎᓪᓗᒍ ᐊᒻᒪᓗ ᕿᑦᓵᓪᓗᓂ ᐃᓚᒥᓂᒃ.  ᖀᒥᒍᓱᒍᓐᓇᕐᓂᖅ ᐃᓕᑦᑎᔾᔪᑎᒋᓯᒪᔮ, ᓇᓕᒧᒌᒃᑎᖦᖢᒋᑦ ᐃᓕᓴᐃᓃᑦ ᐅᐱᒍᓱᖕᓂᕐᒥᓂ ᖃᓄᑎᒋ ᑎᑭᐅᑎᖕᒪᖔᑦ.

ᕙᓚᐃᓐ ᒪᒃᓚᐅᑦ ᐊᒥᓱᐊᖅᑎᖅᑐᓂ ᐊᑭᓐᓇᖃᖃᑦᑕᓚᐅᕐᒪᑦ ᑲᑉᐱᐊᓱᓕᕋᒥ ᐃᒻᒥᓂᒃ.  ᒫᓐᓇ ᐃᓕᓴᐃᓕᖅᑐᖅ ᓄᑖᓂᒃ ᑭᖑᕚᕇᓂᒃ ᐅᓂᒃᑳᖅᑐᐊᖅᑎᓂᒃ ᒪᑐᐃᖁᓪᓗᒋᑦ. ᑕᐅᑐᒃᖢᓂ ᓴᐱᖅᑕᐃᓕᓂᕐᒥᒃ ᒪᑐᐃᕋᓱᖕᓇᖅᑐᖅ ᒪᒥᓴᕐᓂᕐᓗ ᐱᔪᓐᓇᖅᑐᖅ ᐊᒥᖅᑳᕐᓂᕐᒥᒃ, ᐱᕙᓪᓕᐊᑎᑦᑎᔪᖅ ᐊᑕᐅᓯᕐᒥᒃ−ᐃᓄᖕᒥᒃ ᑕᑯᒃᓴᐅᑎᑦᑎᓂᕐᒥᒃ ᓄᓇᓕᖕᒥᓗ ᐊᖏᓂᖓᓂᒃ ᐃᒃᐱᒍᓱᑦᑎᐊᕐᓂᕐᒥᒃ ᐃᔾᔪᐊᕐᓗᒍ ᒪᑐᐃᖓᓂᖅ ᐊᒻᒪ ᓂᑲᒍᓱᖕᓂᖅ. ᒪᒥᓴᕆᐊᓯᓚᐅᖅᓯᒪᔪᖅ ᐅᐊᑦᑎᐊᕈᐊᓗᒃ ᐅᓂᒃᑳᖅᑐᓂ ᐊᒻᒪᓗ ᐃᓄᓐᓂᒃ ᓇᒃᓴᖅᑐᓂ ᐃᑭᒪᖃᑕᐅᓪᓗᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.