"ᐊᕐᓇᐅᔪᖓ ᐅᖃᓲᖑᓪᓗᖓ ᐱᔪᒪᔭᒥᓂᒡᓗ ᐱᓕᕆᓲᖑᓪᓗᖓ," ᐅᖃᖅᐳᖅ ᐳᕆᓐᑎ ᕙᓰᓇ, ᐅᐃᓂᐹᒡᒥ−ᑐᙵᕕᓕᒃ ᒥᑎᖅ ᐃᙱᐅᓯᐅᖅᑎ, ᐅᖃᖅᑎ, ᓂᕐᔪᑎᓂᒃ ᑭᒡᒐᖅᑐᐃᔨ ᐊᒻᒪ ᐃᓕᓴᐃᔨ. "ᖁᕕᐊᒋᑦᑎᐊᖅᑕᕋ ᓂᔾᔭᐅᑎᓕᐅᕆᐊᒃᓴᖅ ᓱᓕᓪᓗᓂ ᐅᕙᓐᓄᑦ, ᓰᕐᓇᖅᑑᓪᓗᓂ ᐊᒻᒪ ᓂᙵᖕᓇᖅᑐᖅ. ᐃᓚᐃᓐᓇᕆᑐᐃᓐᓇᖅᑕᖏᑦ ᓄᓇᕐᔪᐊᕐᒪ ᐃᙱᕈᒪᔭᒪ," ᓇᓗᓇᐃᖅᓯᓪᓗᓂ. 

ᖁᕕᐊᒋᔭᖃᖅᑐᖅ ᐱᓕᕆᖃᑎᖃᕆᐊᔅᓴᖅ ᐊᓯᖏᓐᓂᑦ ᓴᓇᙳᐊᖅᑎᓂᑦ ᐊᒻᒪ ᐃᙱᐅᑎᓕᐅᓂᕐᒥᑦ ᑭᖑᓂᑦᑎᓐᓂᑦ ᐱᖃᑎᒌᖃᑦᑕᓂᕐᒥᑦ ᐊᒻᒪ ᐊᑐᖅᓯᒪᔭᖏᓐᓂᑦ. ᕙᓰᓇ ᐅᖃᐅᓯᖃᖅᑐᖅ ᐱᓕᕆᐊᖓᓂᑦ ᐃᑎᔫᒋᐊᖓᓂᑦ ᐊᒻᒪᓗ ᓴᐸᖓᓪᓗᓂ. ᐱᙱᖦᖢᓂ ᐃᒥᒐᖅ ᓄᓇᒥᙶᖅᑐᖅ, ᐊᓕᐊᓇᐃᒋᔭᓕᒃ ᓄᓇᒥᙶᖅᑐᓂᒃ ᐊᒻᒪ ᐅᔭᖅᑲᓂᒃ ᐊᒻᒪ ᐅᐃᔾᔮᖅᑐᓂᒃ. ᐱᕈᖅᓴᓪᓗᓂ, ᐃᑦᑐᒃᑯᖏᑦ/ᐊᑖᑕᑦᑎᐊᒃᑯᖏᑦ ᑎᑕᒃᑎᖃᓚᐅᖅᑐᑦ ᐊᒻᒪᓗ ᐱᕈᖅᓴᓪᓗᓂ ᐃᓚᒥᓂᒃ ᑎᑕᒃᑎᓂᒃ ᐱᓇᓱᐊᕈᓯᐅᑉ ᓄᙳᐊᓂ.

"ᑕᕐᓂᓕᕆᓂᖅ ᓲᕐᓗ ᑕᕐᓂᒃᑯᑦ ᐊᑐᕐᓂᑰᔪᖅ"

ᕙᓰᓇᐅᑉ ᐊᓈᓇᖓ ᐃᕐᓂᓚᐅᖅᑐᖅ 20-ᓂᒃ ᐅᑭᐅᓕᒃ LPN−ᒥᒃ ᐊᒻᒪ ᐃᖏᕐᕋᓂᕆᔭᖓ ᐱᔪᒃᓯᑎᑦᑎᓪᓗᓂ ᕖᓰᓇᐅᑉ ᐃᙱᐅᓯᐊᖓᓂᒃ ᐋᓪᐴᑕ ᕉᔅ−ᒥ. ᓯᕗᓪᓕᖅᐹᖅ ᐃᓄᒃ ᐱᔭᕇᖅᑐᖅ ᓯᓚᑦᑐᓴᕐᕕᒻᒥ ᒥᑕᔅ ᖃᑕᙳᑎᖏᓐᓂ, ᐅᑎᓚᐅᖅᑐᖅ ᓇᔾᔨᓪᓗᓂ ᐊᖏᔪᖅᑳᖓᑕ ᐊᖏᕐᕋᖓᓄᑦ ᐊᒻᒪᓗ ᐸᓂᓂ ᐱᕈᖅᓴᓪᓗᓂᐅᒃ ᐊᕐᕌᒍᓄᑦ 6-ᓄᑦ. ᐃᒥᖅᑐᒻᒪᕆᐅᓚᐅᖅᐳᖅ ᐊᖏᕐᕋᒥᓂᒃ ᐊᒻᒪ ᓄᓇᓕᖓᓐᓂᑦ. 

ᑭᖑᓂᐊᒍᑦ, ᐊᓈᓇᖓ ᑲᑎᑎᑕᐅᓪᓗᓂ ᓅᖦᖢᓂᓗ ᓄᓇᓕᐸᐅᔭᕐᒧᑦ. ᐃᓚᖏᑦ ᓄᑕᕋᐅᑎᓪᓗᒋᑦ ᐊᖓᒃᑯᒃᑰᓚᐅᖅᑐᑦ, ᐃᓚᖏᑦ ᖁᐊᖅᓵᖓᓇᖅᑐᒦᓚᐅᖅᑐᑦ, ᑕᒪᒃᑮᒃ ᐊᖏᔪᖅᑳᕆᔭᐅᔪᑦ ᕙᓰᓇᐅᑉ ᐊᖏᕐᕋᖓᓂ ᐊᔅᓱᕈᕈᑎᖃᓚᐅᖅᑐᑦ ᑭᖑᕚᕇᓄᑦ ᖁᐊᖅᓵᖓᓇᖅᑐᒃᑰᖅᓯᒪᔪᓄᑦ.  ᐃᓚᐅᖃᑕᐅᓚᐅᖅᑐᖅ ᐱᙳᐊᕐᓂᕐᒧᑦ ᐊᒻᒪᓗ ᐃᑲᔪᖅᑕᐅᓪᓗᓂ ᐃᓕᓴᐃᔨᑦᑎᐊᕙᖕᓄᑦ ᑭᓯᐊᓂ ᐱᓕᕆᒐᓗᐊᖅᖢᓂ ᐃᓕᓐᓂᐊᖅᑏᑦ ᒐᕙᒪᖏᓐᓂᑦ ᐊᒻᒪᓗ ᐅᐱᒋᔭᐅᓪᓗᓂ, ᐊᒃᓱᕈᓚᐅᖅᑐᖅ ᐃᖕᒥᓂᒃ ᐅᐱᒋᑦᑎᐊᙱᖦᖢᓂ. ᑲᔪᓯᑦᑎᐊᕐᓂᖓ ᑲᒪᒋᔭᐅᓚᐅᖅᑐᖅ ᖃᓄᖅ ᐃᒃᐱᒍᓱᖕᒪᖔᑦ ᐃᓗᐊᓂ. 

ᒪᒃᑯᒃᑎᓪᓗᒍ, ᕖᓰᓇ ᐃᙱᓚᐅᖅᑐᖅ ᑭᓯᐊᓂ ᓇᒡᓕᒋᔭᐅᑎᓪᓗᒍ, ᐱᑦᑎᐊᙱᖦᖢᓂᐅᒃ. ᐃᓕᓐᓂᐊᕐᕕᐊᓗᒻᒥᑦ ᐃᓕᓐᓂᐊᕇᕋᒥ ᐃᓕᖅᑯᓯᑐᖃᖅᑎᑐᑦ ᐊᑐᕐᓂᖅᓴᐅᓚᐅᖅᐳᖅ, ᓯᓚᑦᑐᓴᕐᕕᕐᔪᐊᕐᒨᖅᑐᓂ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᐊᒻᒪ ᐃᓕᓐᓂᐊᖅᑎᑦᑎᓂᕐᒧᑦ ᐃᓕᑕᕆᔭᐅᔾᔪᑎᑖᖅᑐᓂ. 12-ᖏᓐᓂ, ᐊᑦᑕᖓ ᐊᒻᒪ ᐊᓈᓇᑦᑎᐊᖓ ᑕᒪᕐᒥᒃ ᑐᖁᓚᐅᖅᑑᒃ ᐃᖕᒥᓃᕐᓂᕐᒧᑦ ᐊᒻᒪ ᐃᒥᕐᖢᓂ ᕿᒃᓵᒍᑎᒥᓂᒃ ᑲᒪᖏᖦᖢᓂ. AA−ᑯᑦ, ᐃᓅᓯᓕᕆᔭᐅᓂᒃᑯᑦ ᐊᒻᒪ ᖁᕕᐊᓱᖃᑎᒌᖕᓂᒃᑯᑦ, ᒪᒥᑉᐸᓪᓕᐊᔪᓐᓇᖅᓯᓚᐅᖅᐳᖅ ᕿᒃᓵᖕᓇᖅᓯᓪᓗᓂᓗ. ᐃᑲᔪᖅᑐᖅ ᐊᒻᒪ ᓴᙱᔪᒥᑦ ᐃᑲᔪᖃᑦᑕᖅᑐᖅ ᐃᑲᔪᖃᑦᑕᖅᑐᖅ ᕿᓄᐃᓵᕈᓐᓇᓂᕐᒥᑦ. 

"ᐃᑲᔪᖅᑐᐃᔾᔪᑎᓕᐅᕐᓂᖅ ᐱᙳᐊᕈᑎᒥᒃ ᐊᓯᔾᔩᔨᓪᓗᐊᑕᐅᔪᖅ ᐃᓅᓯᓐᓂ."

ᐅᓪᓗᓕᒫᖅ ᐃᓕᓴᐃᔨᐅᓪᓗᓂ ᐃᖅᑲᓇᐃᔭᖅᖢᓂ, ᕙᓰᓇ ᖃᐅᔨᓕᓚᐅᖅᑐᖅ ᓈᒻᒪᒃᓴᙱᓐᓂᖓᓂᒃ. "ᖁᕕᐊᓱᒋᐊᖃᓚᐅᕋᓗᐊᖅᑐᖓ, ᓲᖃᐃᒻᒪ ᐱᓕᕆᓚᐅᕋᒪ ᐃᓄᐃᑦ ᐅᖃᐅᑎᓪᓗᓂᖓ ᖃᓄᐃᓕᐅᓪᓗᐊᕐᓂᓐᓂᒃ ᑮᓇᐅᔭᓕᐅᕐᓗᖓ ᓂᐅᕕᕈᓐᓇᕐᓗᖓ ᐱᔪᒪᔭᓐᓂᒃ, ᐊᐅᓪᓚᑲᑕᒍᒪᔭᓐᓄᑦ, ᑭᓯᐊᓂ ᖁᕕᐊᓱᓚᐅᙱᑦᑐᖓ," ᐃᖅᑲᐅᒪᔪᖅ.

ᐅᒃᐱᕈᓱᒃᖢᓂ ᐃᓅᓯᖓᓂ ᐱᒃᑲᓐᓂᕆᐊᖃᕐᓂᖓᓂᒃ, ᕖᓰᓇ ᐱᓪᓚᕆᓕᓚᐅᖅᑐᖅ ᓂᔾᔭᐅᑎᒥᓂᒃ ᐊᒻᒪ ᑎᑕᒃᑎᓂᒃ. "ᐱᔪᓐᓇᓛᖑᔪᓐᓇᖅᑐᑎᑦ, ᖃᓄᑐᐃᓐᓇᖅ ᐱᓕᕆᔪᓐᓇᖅᑐᑎᑦ, ᑭᓯᐊᓂ ᐱᙳᐊᖃᑕᐅᒍᕕᑦ ᑐᙵᕕᖕᓂ, ᑐᑭᓯᙱᖦᖢᑎᓪᓗ ᓂᔾᔭᐅᓯᔭᖅᑎᓂᑦ, ᓇᒧᙵᐅᔪᒪᓇᔭᙱᑦᑐᑎᑦ ᐱᓕᕆᐊᒃᓴᓕᒻᒪᕆᐊᓘᓪᓗᓂᓗ. ᑭᓯᐊᓂ ᐊᑑᑎᖃᖅᑐᐃᓐᓇᐅᕗᖅ ᐊᖅᓴᖅ ᐊᐅᓚᔾᔭᒃᐸᓪᓕᐊᑎᓪᓗᒍ," ᐅᖃᖅᑕᖓ. 2019−ᒥ, ᓴᖅᑭᑎᑦᑎᓪᓗᓂ ᓯᕗᓪᓕᖅᐹᒥ ᐃᓄᑑᓪᓗᓂ ᖃᖓᑦᑎᐊᓵᕐᓗ ᒥᒃᖠᒋᐊᖅᑎᖦᖢᓂᐅᒃ ᐃᓕᓴᐃᓂᕐᒧᑦ ᑳᓐᑐᐊᒃᖓ ᓂᔾᔭᐅᑎᓕᐅᒐᔪᖕᓂᖅᓴᐅᓂᐊᕐᒪᑦ.  

"ᑭᓇᑐᐃᓐᓇᖅ ᑐᓂᓯᔾᔮᖏᑦᑐᖅ, ᓇᖕᒥᓂᕆᔭᐅᔪᖅ."

ᐃᓕᓴᐃᔨᐅᓪᓗᓂ, ᓂᔾᔭᐅᑎᓂᒃ ᐊᒻᒪ ᔫᒐᓂᒃ ᐃᓕᓐᓂᐊᕐᕕᐊᕈᓯᕐᒧᑦ ᓇᒃᓴᓚᐅᖅᐳᖅ. ᐊᕐᕌᒍᒐᓴᐅᓕᖅᑐᓂᑦ, ᑕᑯᓯᒪᔪᖅ ᑮᓇᐅᔭᖃᖅᑎᑕᐅᔪᓂᑦ ᐱᓕᕆᐊᓂᓪᓗ ᓇᑲᑎᖅᑕᐅᔪᓂᑦ ᐃᑲᔫᑎᓂᓪᓗ ᒥᑭᓪᓕᕚᓪᓕᑎᑦᓯᓂᕐᒥᑦ ᖃᐅᔨᑦᓱᓂᓗ ᐱᔭᕆᐊᑐᒋᐊᖓᓂᑦ ᐱᔪᓐᓇᖏᒋᐊᖓᓂᑦ ᐱᔭᕆᐊᓕᖏᓐᓂᑦ ᐃᓕᓐᓂᐊᖅᑎᖁᑎᖏᑦᑕ. ᒪᒥᐊᓇᖅᑑᒐᓗᐊᖅ, ᐆᒻᒪᑎᖃᕐᔪᐊᕋᓗᐊᖅᖢᓂ ᓇᒡᓕᒍᓱᖕᓇᖅᖢᓂᓗ ᓄᑕᖅᑲᓄᑦ, ᐃᓕᓴᐃᖃᑦᑕᓚᐅᕐᓂᖓ ᐊᓂᒍᕐᒪᑦ. 

ᖃᓂᒪᓂᕐᒧᑦ ᓄᖅᑲᖓᔭᕆᐊᖃᓚᐅᖅᑐᖅ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐊᒃᑐᐃᔪᓂᒃ ᓄᓇᓯᐅᑎᒃᑯᑦ ᑲᑕᒃᑎᓪᓗᒍ ᐊᒻᒪ ᐊᔪᓕᖅᓯᒪᖅᑰᔨᓪᓗᓂ, ᐃᓕᓴᕆᔭᐅᒐᓗᐊᖅᖢᓂ ᐃᓕᓴᐃᔨᐅᓪᓗᓂ. ᐊᐅᓪᓚᖅᓯᒪᑎᓪᓗᒍ, ᕖᓰᓇ ᒪᒥᓴᕈᓐᓇᓚᐅᖅᑐᖅ ᑭᓯᐊᓂ ᖃᐅᔨᓪᓗᓂ ᐃᓕᓐᓂᐊᕐᕕᐊᕈᓯᖅ ᐃᓂᐅᙱᓐᓂᖓᓂᒃ ᑖᔅᓱᒧᖓ. ᐅᖃᓕᒫᕈᓐᓇᑦᑎᐊᖕᓂᖕᒧᑦ ᐃᑲᔪᖅᑐᐃᓃᑦ ᓈᒻᒪᖕᓂᕐᓴᐅᓚᐅᖅᑐᑦ, ᓂᐱᖃᓗᐊᕋᑎᒃ ᐃᓕᓐᓂᐊᕐᕕᖕᓂᑦ. 

ᖃᐅᔨᒪᓪᓗᓂ ᖃᓄᐃᒻᒪᖔᖅ ᐃᓅᓯᒃᑯᑦ ᐱᓱᕋᔭᓪᓗᓂ ᓂᕈᐊᕆᐊᖃᖅᑕᒥᓂᒃ, ᐅᖃᐅᔾᔨᒋᐊᕐᓂᖓ ᐃᓄᓐᓄᑦ ᐊᑦᔨᐸᓗᖏᓐᓂᒃ ᖃᓄᐃᓕᖓᓂᖃᑦᑐᓂ "ᐱᔪᒪᓂᖅᓴᐅᔪᖅ ᑲᑉᐱᐊᓱᓐᓂᕐᒥᒃ." ᑐᓴᕐᓇᕐᒪᑦ ᐃᓚᖓᓂ ᓄᑖᖅ ᐃᙱᐅᓯᖓ ᐊᒻᒪᓗ ᖃᐅᔨᒪᓪᓗᓂ ᖃᓄᖅ ᐱᔭᕆᐊᑭᑦᑑᔪᓐᓇᕐᒪᖔᑦ ᐱᙳᐊᕐᓗᓂ ᐊᑦᑕᓇᖏᑦᑐᒦᓪᓗᓂ ᐊᒻᒪᓗ ᐃᓅᓗᓂ ᓂᕆᐅᒋᔭᐅᔪᓄᑦ ᐊᓯᒥᓄᑦ. ᖃᐅᔨᒪᖕᒥᔪᖅᑕᐅᖅ ᑎᒥᒃᑯᑦ ᐊᑭᖃᙱᑦᑐᒥᒃ ᐱᔪᓐᓇᖅᑐᒥᒃ, ᐋᓐᓂᐊᕐᓂᕐᒥᒃ, ᐋᓐᓂᐊᕐᓂᕐᒥᒃ, ᓂᐊᖁᙳᓂᕐᒥᒃᓗ. ᐊᓯᔾᔩᓂᖅ ᑐᑭᖃᓚᐅᖅᑐᖅ ᓈᓚᖕᓂᖅ ᑎᒥᖓᓂᒃ ᐃᓕᑦᑎᓪᓗᓂᓗ ᑮᓇᐅᔭᖅ ᖁᕕᐊᓇᙱᖦᖢᓂ, ᓴᐃᓕᓐᓇᙱᖦᖢᓂ, ᐅᓚᕕᓴᐅᑕᐅᙱᖦᖢᓂᓘᓐᓃᑦ ᓇᖕᒥᓂᖅ ᐃᓅᖃᑎᖃᕐᓂᕐᒧᑦ. 

"ᑎᒥᕗᑦ ᐃᓕᖕᓂᒃ ᖃᐅᔨᑎᑦᑎᖃᑦᑕᐃᓐᓇᐅᔭᖅᐳᖅ ᑭᓱᑦ ᐱᐅᖕᒪᖔᑕ, ᑭᓇ ᖁᐊᖅᓵᕐᓇᖅᑐᒦᙱᒻᒪᖔᑦ ᑕᒫᓃᑦᑕᕆᐊᒃᓴᖅ, ᑭᓱᓂᒃ ᐊᑐᖃᑦᑕᖅᓯᒪᑎᒋᕕᑦ ᐅᖃᓕᒫᖅᐸᓪᓕᐊᓕᖅᖢᑎᑦ." 

ᑭᖑᓪᓕᕐᒥ ᓴᓂᒧᑦ, ᕙᓰᓇ ᓂᕆᐅᒃᐳᖅ ᐊᒥᐊᓕᑲᓄᐊᓛᕈᒪᓪᓗᑎᒃ ᐊᒻᒪ ᑕᕆᐅᑉ ᐊᑭᐊᓂᙶᖅᑐᓂᒃ ᓄᑖᓂᒃ ᓂᔾᔭᐅᓯᖃᓕᕐᓗᑎᒃ. ᐊᒃᓱᕈᖅᖢᓂ ᐱᓕᕆᔪᖅ ᓂᕐᔪᑎᓂᒃ ᑭᒡᒐᖅᑐᐃᓂᕐᒧᑦ, ᓂᕆᐅᒃᑐᖅ ᐊᒃᑐᖅᓯᓂᐊᕐᓂᕐᒥᒃ ᓄᓇᕐᔪᐊᕐᒧᑦ. "ᓴᐱᑦᑎᐊᖁᔨᔪᖓ ᐃᓅᓯᓐᓂ, ᓴᐃᓕᓗᖓ ᐊᖏᕐᕋᓐᓂ, ᓴᐃᓕᓗᖓ ᐆᒻᒪᑎᓐᓂ ᓯᐊᒻᒪᑐᐃᓐᓇᕐᓗᖓᓗ ᓇᒧᙵᐅᒐᓗᐊᕈᒪ," ᖁᖓᓪᓗᓂ. 

ᐱᔭᕇᖅᑎᓪᓗᒍ, ᐊᒥᖅᑳᖃᑎᖃᕈᒪᔪᖅ ᐃᓕᑕᖏᓐᓂᒃ ᐊᖅᑯᑎᒃᑯᑦ. ᐅᖃᕐᖢᓂ, "ᑕᕐᕆᔮᕆᑦ ᓴᙱᓂᕆᒐᕕᐅᒃ... ᐊᒥᓲᕗᑦ ᑕᒫᓂ ᓯᓚᕐᔪᐊᕐᒥᑦ ᓱᕋᑦᑎᕆᕙᑦᑐᑦ ᑕᕐᓂᓯᓐᓂᑦ, ᐃᓅᒐᓗᐊᖅᐸᑕ, ᓇᒦᒃᑲᓗᐊᖅᐸᑕ, ᑭᓱᑐᐃᓐᓇᐅᑉᐸᑕ... ᐅᖃᕋᔭᖅᐳᖓ ᐃᓕᖕᓂᒃ ᓇᒡᓕᒋᓂᕐᒥᒃ ᐃᓕᑦᑎᓗᖓ... ᐅᑎᖅᑎᑦᑕᕆᐊᖃᓕᖅᑕᕗᑦ ᑕᐃᒃᑯᐊ ᐱᐅᔪᑦ, ᐱᐅᔪᐊᓘᔪᑦ ᐅᕙᑦᑎᓐᓄᑦ ᐊᒻᒪᓗ ᐃᒃᐱᒍᓱᒃᓗᑎᒃ ᑕᐃᒃᑯᓂᖓ ᐊᑐᖅᓯᒪᔭᑦᑎᓐᓂᒃ." ᐱᓕᕆᐊᖃᕐᓂᖅ ᓯᓚᐅᑉ ᖃᓄᐃᓐᓂᕆᒐᔪᒃᑕᖓᓄᑦ ᑎᓕᐅᕆᒃᑲᓐᓂᖅᐳᖅ, ᐅᖃᖅᖢᓂ ᒫᓐᓇ ᐊᑕᓕᕆᐊᖃᓕᕐᓂᖓᓂᒃ ᓄᓇᕐᔪᐊᒧᑦ ᓴᐳᑎᓗᒍᓗ.  

ᐊᕐᓇᐅᓪᓗᓂ ᐅᖃᖅᑐᓂ ᐊᒻᒪᓗ ᐱᔪᒪᔭᒥᓂᒃ ᐱᓕᕆᓪᓗᓂ, ᐳᕆᓐᑎ ᕙᓰᓇ ᓂᔾᔭᐅᑎᓕᐅᖅᑐᖅ ᐊᒻᒪᓗ ᓂᔾᔭᐅᑎᓂᒃ ᓂᔾᔭᐅᓯᔭᖅᑐᖅ ᐃᒻᒥᓂᒃ ᓱᓕᓪᓗᓂ. ᑖᓐᓇ ᐅᐃᓂᐹᒡᒥ−ᑐᙵᕕᓕᒃ ᒥᑎᔅ ᐃᙱᖅᑎ, ᐅᖃᖅᑎ, ᓂᕐᔪᑎᓂᒃ ᑭᒡᒐᖅᑐᐃᔨ ᐃᓕᓴᐃᔨᓗ ᖃᐅᔨᓚᐅᖅᐳᖅ ᓂᐱᖓᒎᕈᓐᓃᕐᓂᖓᓂᒃ ᐃᓕᓐᓂᐊᕐᕕᖕᒥ ᐃᓂᐅᓕᖅᖢᓂᓗ ᐊᑐᕈᓐᓇᖅᖢᓂᐅᒃ ᓂᐱᖓ. ᐃᓅᓂᑯ ᐋᓪᐴᑕᒥ ᕉᔅ, ᓇᓂᓯᓚᐅᖅᑐᖅ ᑭᓱᓂᒃ ᐱᔭᕆᐊᖃᕐᒪᖔᑦ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.