ᓯᓚᑦᑐᖅᓴᕐᕕᖕᒥ ᐱᓇᔫᑎᒥᒃ ᓇᒃᓯᐅᔾᔭᐅᓚᐅᖅᑐᖅ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ ᒪᒃᐱᖅᓯᓚᐅᖅᐳᖅ ᓄᑖᒥᒃ ᑳᓕ ᐋᓐᑐᓴᓐ ᐃᓅᓯᖓᓂ. ᑯᕇ ᐊᒻᒪ ᓴᐅᑦ ᓱᑦᓂᔅ ᐊᕐᓇᖅ, ᐋᓐᑐᓴᓐ ᐃᓅᓚᐅᖅᑐᖅ ᐱᕈᖅᓴᓪᓗᓂᓗ ᐋᑐᕚᒥ, ᐋᓐᑎᐅᕆᐅᒥ. ᓅᓯᒪᓕᖅᑐᖅ ᕆᔭᐃᓇᒧᑦ ᐃᓕᓐᓂᐊᖅᖢᓂ ᓄᓇᖃᖅᑳᖅᓯᒪᔪᑦ ᐃᓄᓕᕆᔾᔪᓯᖏᓐᓂᒃ ᓄᓇᖃᖅᑳᖅᓯᒪᔪᑦ ᓯᓚᑦᑐᖅᓴᕐᕕᒡᔪᐊᖓᓂ ᑲᓇᑕᒥ, ᓂᕈᐊᓚᐅᖅᑕᖓᓂᒃ ᐱᓕᕆᖃᑎᖃᕈᒪᓚᐅᕐᒪᑦ ᓄᑕᖅᑲᓂᒃ ᖃᕋᓴᒃᑯᑦ ᐃᓕᖅᑯᓯᖅᓱᙱᔾᔪᑎᓕᖕᓂᒃ. ᖃᐅᔨᒪᙱᖦᖢᓂ ᐃᓯᕋᔭᕐᒪᖔᑦ ᑭᓯᐊᓂ ᑕᐅᑐᒃᖢᒋᑦ ᐱᓕᕆᐊᒃᓴᑦ, ᓄᓇᖃᖅᑳᖅᓯᒪᔪᑦ ᐃᓄᓕᕆᔨᒃᑯᑦ ᐅᖃᖃᑎᒋᓂᖅᐹᖏᑦ. ᐃᖅᑲᓇᐃᔭᕈᒪᓚᐅᕐᒪᑦ ᓴᓂᕐᕙᒃᑕᐅᓯᒪᔪᓂᒃ ᐊᒻᒪᓗ ᐃᖅᑲᐅᒪᓪᓗᓂ ᖃᓄᑎᒋ ᖁᔭᓕᓂᖃᓚᐅᕐᒪᖔᑦ ᐃᓄᓕᕆᔨᓂᒃ ᓱᕈᓯᐅᓪᓗᓂ. ᐊᖏᕐᓂᖓ ᑎᑭᓚᐅᖅᑐᖅ ᐅᓪᓗᐃᑦ ᐃᓗᐊᓂ ᓄᑖᒥᓪᓗ ᐃᖏᕐᕋᓯᒋᐊᖅᖢᓂ.

ᓯᓚᑦᑐᖅᓴᕐᕕᔾᔪᐊᖑᓚᐅᖅᑎᓐᓇᒍ, ᐃᓕᓐᓂᐊᕐᓂᖓ ᐊᓯᔾᔨᕋᔪᓚᐅᖅᑐᖅ ᐃᓕᓐᓂᐊᕐᕕᓄᑦ ᐊᒻᒪᓗ ᐃᓕᓐᓂᐊᕐᕕᓕᐊᖅᑐᓂ ᓈᒻᒪᒋᔮᕋᓂ. ᐋᓐᑐᓴᓐ ᐃᓕᓐᓂᐊᕆᐊᓕᓚᐅᖅᑐᖅ ᑭᓯᐊᓂ ᐱᔭᕇᕈᒪᓕᓚᐅᖅᑐᖅ ᐱᔭᕇᕈᓐᓇᖅᓯᓂᐊᕐᒪᑦ. ᓂᖏᐅᖓ ᓵᑕᒃᓴᐅᔪᓐᓇᓚᐅᖅᑐᖅ ᐊᒻᒪᓗ ᐃᓕᓐᓂᐊᓚᐅᖅᑐᓂ ᓯᓚᑦᑐᓴᕐᕕᒻᒥ ᐋᑐᐋᒥ. ᐃᓕᓐᓂᐊᕌᓂᖕᓂᖓᓄᑦ, ᒪᕐᕉᖕᓂᒃ ᐊᓂᒍᐃᔪᖃᓕᓚᐅᖅᑐᖅ ᓵᓚᒃᓴᖅᖢᓂᓗ ᐱᖓᓱᓂᑦ ᑐᓐᓂᖅᑯᓯᐊᓂᑦ. Algonquin ᓯᓚᑦᑐᖅᓴᕐᕕᖕᒥ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑕᖏᑦ ᓄᖅᑲᒃᑲᓐᓂᓚᐅᖅᐳᖅ ᐊᕐᕌᒍᒧᑦ ᐊᑕᐅᓯᕐᒧᑦ ᐃᓕᓐᓂᐊᖅᑕᖓᓄᑦ ᖃᐅᔨᓚᐅᖅᖢᓂᓗ ᑎᑎᕋᖅᓯᒪᔪᑦ ᑕᖃᖓᓪᓗᑎᒃ. ᐊᕐᕌᒍᒥᒃ ᓄᖅᑲᖓᓚᐅᖅᑐᖅ ᐃᓕᓐᓂᐊᒃᑲᓐᓂᓚᐅᕋᓂ.

ᐃᓚᐃᖅᑐᑦ ᐃᓚᒥᓂᒃ ᐊᐳᖅᑕᕈᑕᐅᓂᖅᐹᖑᓯᒪᔪᖅ ᐋᓐᑐᓴᓐᒧᑦ. ᐊᑖᑕᑦᑎᐊᒃᑯᒥᓂᒃ ᐊᓯᐅᔨᓚᐅᖅᑎᓪᓗᒍ, ᐃᓚᒥᓂᒃ ᐱᖃᑎᖃᕈᒪᑐᐃᓐᓇᓕᓚᐅᖅᑐᖅ ᓴᓂᕐᕙᒃᑕᐅᒪᔪᒥᒃ ᐊᒻᒪ ᐃᓕᓐᓂᐊᕐᕕᖕᒥ ᑲᑎᖃᑎᒋᔪᒪᓪᓗᓂᐅᒃ. ᐃᓕᓴᐃᔨᐅᖃᑎᖏᑦ ᕿᒪᒃᓯᓚᐅᖅᐳᑦ ᐃᒃᐱᒋᔭᒥᓂᒃ ᐊᒻᒪ ᐱᙳᐊᑲᑕᓚᐅᖅᖢᓂ ᓲᕐᓗ ᐊᓗᒡᕕᖕᒥ ᐱᓕᕆᓪᓗᓂ ᐊᒃᓱᕈᕐᓇᖅᑐᒥᒃ. ᐃᓕᓐᓂᐊᕆᐊᕐᓂᖅ ᐃᓚᒌᑎᒍᑦ ᐊᒃᓱᕈᕐᓇᖅᑑᓚᐅᖅᑐᖅ. "ᑭᓱᑐᐃᓐᓇᑦᑎᐊᓂᒃ ᖃᓄᐃᓕᐅᖅᑐᖃᖅᑐᖅ ᐊᕙᑎᖕᓂ. ᐃᒪᓐᓇᐅᖅᑰᔨᔪᑎᑦ, 'ᑕᒪᓐᓇ ᐱᒻᒪᕆᐅᓛᖑᖅᑰᔨᙱᓚᖅ ᐱᓕᕆᐊᕆᔭᕆᐊᒃᓴᖅ.' ᑭᓯᐊᓂ ᐊᔭᐅᕆᐊᖃᑐᐃᓐᓇᖅᑕᕗᑦ ᐅᐱᓐᓇᕋᓂ ᐃᓕᓐᓂᐊᕆᐊᖃᖅᑐᐃᓐᓇᐅᒐᑦᑕ. ᒥᖦᖤᙱᖦᖢᓂ, ᑭᓯᐊᓂ ᐃᓕᑕᕆᔭᐅᔾᔪᑎᑖᕆᐊᖃᕋᕕᑦ ᐱᓕᕆᓂᐊᕐᓗᓂ," ᒥᑕᐅᑎᒋᔪᖅ.

ᒪᒃᑯᓐᓂᖅᓴᐃᑦ ᓇᒻᒥᓂᖅ ᑐᓴᖅᑎᑦᑎᔪᓐᓇᖅᐸᑕ ᐱᐅᓂᖅᓴᐅᒐᔭᕐᒪᑦ ᐃᓕᓐᓂᐊᕐᕕᕐᔪᐊᕐᒥᑦ ᐃᓕᓐᓂᐊᕇᖅᐸᑕ. "ᐊᖓᔪᒃᖡᑦ ᐃᓕᓐᓂᐊᕐᕕᖓ ᑕᐃᔅᓱᒪᓂ ᑭᓱᓕᒫᖅᑰᔨᖕᒪᑦ, ᐱᓕᕆᑦᑎᐊᕋᓱᒋᐊᖃᖅᐳᑎᑦ ᐅᕝᕙᓘᓐᓃᑦ ᐱᓕᕆᙱᒃᑯᕕᑦ ᓂᕆᐅᒋᓚᐅᖅᑕᕐᓂᓪᓗ, ᒥᖦᖤᖅᐳᖅ, ᓄᓇᕐᔪᐊᖅ ᐃᓱᓕᒻᒪᑦ.  ᑭᓯᐊᓂᓕ ᓱᓕᓪᓗᖓ, ᐊᒃᓱᕈᐃᓐᓇᕐᓗᑕ, ᐱᔭᕇᕋᓱᐊᕐᓗᒍ, ᐱᐅᔪᒥᒃ ᐱᓇᓱᐊᖃᑦᑕᕐᓗᓯ ᐃᓕᓐᓂᐊᕐᕕᒻᒥ, ᑕᒪᓐᓇ ᐊᒃᓱᕈᕐᓇᕐᓂᐊᕋᓗᐊᖅᑎᓪᓗᒍ ᐊᒻᒪᓗ ᐊᔪᖅᑐᒍ. ᖁᕕᐊᓱᖕᓂᐊᖅᐳᑎᑦ ᐃᓱᒪᓕᐅᕈᑎᒋᓯᒪᔭᖕᓂᑦ ᑲᔪᓯᓂᐊᕐᓗᑎᒃ ᐃᓕᓐᓂᐊᕐᕕᖕᒥᑦ," ᐋᓐᑐᓴᓐ ᓇᓗᓇᐃᕐᓯᕗᖅ. ᒫᓐᓇ, ᐋᓐᑐᓴᓐ ᖁᕕᐊᒋᔭᖃᖅᑐᖅ ᐃᓕᓐᓂᐊᕐᕕᒻᒥᑦ.

ᑲᔪᓯᑎᑦᑐᒪᓪᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ ᐊᒃᓱᕈᕐᓇᖅᑐᖅᓯᐅᕐᓇᖅᑎᓪᓗᒍ, ᐱᖃᓐᓇᕆᔭᒥᓂᒃ ᐱᖃᑎᖃᖅᐸᒃᖢᓂ, ᓯᓚᒧᐊᖅᐸᒃᖢᓂ, ᓄᓇᒦᑉᐸᒃᖢᓂ ᐱᓱᒃᐸᒃᖢᓂᓗ. "ᓯᓚᒥ, ᐊᑲᐅᓯᕚᓪᓕᕐᓇᕐᓂᖅᓴᐅᕗᑎᑦ. ᐊᓂᖅᑎᕆᑦᑎᐊᕐᓇᖅᑐᖅ, ᐃᓕᖕᓄᑦ ᐱᐅᑐᐃᓐᓇᖅᐳᖅ," ᐋᓐᑐᓴᓐ ᐅᖃᐅᔾᔨᕗᖅ. ᑭᓱᑭᐊᖅ ᖁᕕᐊᒋᔭᖓ ᖁᕕᐊᒋᓪᓗᒍ ᖁᕕᐊᓱᒍᑎᒋᓪᓗᓂᐅᒃ ᓴᐸᖓᓕᕐᓇᖅᐳᖅ, ᓯᐅᒻᒥᒑᓕᐅᖅᖢᓂ ᐊᖏᓂᖅᓴᓂᒡᓗ. ᐅᔭᒥᒃᓕᐅᖅᐸᓚᐅᖅᑐᖅ, ᑎᕆᖅᑯᓕᐅᖅᐸᓚᐅᖅᑐᖅ, ᐊᕙᓗᓕᐅᖅᐸᒃᑭᓪᓗᓂ ᐊᒻᒪ ᑕᑯᒥᓴᐅᑎᓂᒃ ᐊᔾᔨᒌᓂᒃ. ᓂᖏᐅᖓ, ᐊᓐᓄᕋᔾᔨᐅᖅᑎ, ᓴᓇᖃᑦᑕᓚᐅᕐᒪᑦ ᐊᒻᒪᓗ ᐊᖏᕐᕋᖓ ᓴᐸᖓᔮᖅᑰᔨᓪᓗᓂ.

ᑲᔪᖏᖅᓴᐃᓂᕐᒧᑦ, ᐋᓐᑐᓴᓐ ᑕᐅᑐᒃᐳᖅ ᓴᙱᔪᓂᑦ ᐊᕐᓇᓂᑦ ᐃᓅᓯᖓᓂᑦ, ᓲᕐᓗ ᓇᔭᖓᑎᑐᑦ, ᐃᕐᖑᑕᖓ ᐊᓈᓇᖓᓗ ᐱᕈᖅᓴᐃᓚᐅᖅᑐᖅ ᐊᐃᑉᐸᖃᙱᖦᖢᓂ ᐊᓈᓇᐅᓪᓗᓂ.  ᐃᕐᖑᑕᖓ ᐊᔪᙱᑦᑎᐊᖅᑐᖅ ᐊᒻᒪᓗ ᐃᓄᑦᑎᐊᕙᐅᓪᓗᓂ ᐊᒻᒪᓗ ᑕᐸᐃᖏᓐᓇᐅᔭᖅᖢᓂ. ᓇᓪᓕᒋᔭᖏᓪᓕ ᐊᑦᑕᖏᑦ, ᐊᒻᒪ ᐱᖓᓱᑦ ᐊᓂᖏᑦ ᐱᖃᓐᓇᕆᓂᖅᐹᕆᓪᓗᓂᒋᑦ.

ᐃᓱᒪᒋᓪᓗᒋᑦ ᑖᒃᑯᐊ ᐱᒻᒪᕆᐅᔪᑦ ᐱᖃᓐᓇᕇᒍᓰᑦ, ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐅᓇᐅᕗᖅ, "ᐃᓄᖕᓄᑦ ᐅᖃᓪᓚᒃᐸᖕᓂᖅ. ᐅᖃᐅᑎᓗᒋᑦ ᐃᓄᐃᑦ ᖃᓄᖅ ᐃᒃᐱᒋᔭᖃᕐᒪᖔᖅᐱᑦ... ᐃᓄᖕᓂᒃ ᑲᑎᖃᑎᖃᖅᐸᒡᓗᑎᑦ, ᐱᓗᐊᖅᑐᒥ ᐃᓐᓇᕐᓂᒃ ᐅᕝᕙᓘᓐᓃᑦ ᖃᐅᔨᒪᔭᖏᓐᓂᒃ ᓄᓇᔅᓯᓐᓂ. ᑕᐃᑲᓃᖏᓐᓇᕐᒪᑕ ᐃᓕᔅᓯᓐᓄᑦ, ᖃᐅᔨᒪᓪᓚᑦᑖᙱᒃᑲᓗᐊᕈᕕᒋᑦ. ᐊᓯᖕᓂᒃ ᑲᑎᖃᑎᖃᑐᐃᓐᓇᕐᓗᑎᑦ. ᐊᑲᐅᓯᕚᓪᓕᕐᓂᐊᖅᑐᑎᑦ."

ᑭᐱᙳᓇᓵᖅᑎᓪᓗᒍ ᑲᓕ ᐋᓐᑐᓴᓐ ᐃᓕᓐᓂᐊᕐᕕᖕᒧᑦ ᐅᑎᓚᐅᖅᑐᖅ, ᐃᓕᑉᐸᓪᓕᐊᓂᖓ ᐱᕈᖅᐸᓪᓕᐊᒐᓗᐊᖅᑎᓪᓗᒍ ᐊᒃᓱᕈᕐᓇᕋᓗᐊᖅᑎᓪᓗᒍ. ᐃᖅᑲᐅᒪᓪᓗᒋᑦ ᐃᓄᓕᕆᔨᑦ ᖃᐅᔨᒪᓚᐅᖅᑕᖏᑦ ᓄᑕᕋᐅᓪᓗᓂ, ᐱᔪᒃᓯᑎᑕᐅᓚᐅᖅᑐᖅ ᐃᓕᓐᓂᐊᕐᕕᖕᒥ ᐱᕕᖃᒃᑲᓐᓂᖁᔭᐅᓪᓗᓂ, ᐊᒻᒪ ᐃᒻᒥᓂᒃ ᐃᓕᓐᓂᐊᖅᑎᐅᔪᓐᓇᖅᓯᒃᑲᓐᓂᖅᖢᓂ ᐊᒻᒪ ᐃᓕᓐᓂᐊᕈᓐᓇᖅᓯᓪᓗᓂ ᐱᕈᖅᐸᓪᓕᐊᓪᓗᓂᓗ. ᓴᙱᔪᑦ ᐊᕐᓇᐃᑦ ᖃᑕᙳᑎᖏᓐᓂ ᐃᓄᐃᓪᓗ ᓇᒡᓕᒋᔭᖏᑦ, ᐊᖅᑯᑎᖃᖅᑐᖅ ᓄᑖᒧᑦ ᓯᕗᓂᒃᓴᒧᑦ, ᑲᔪᓯᑎᑦᑎᓪᓗᓂ ᐃᓕᑦᑎᕝᕕᒋᔭᓕᒫᖏᓐᓂᒃ (ᐊᒻᒪᓗ ᐃᓚᖏᑦ ᐱᐅᑦᑎᐊᖅᑐᑦ ᓴᐸᖓᐃᑦ!) ᐃᖅᑭᓖᑦ ᓯᓚᑦᑐᖅᓴᕐᕕᒡᔪᐊᖓᓄᑦ.  

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.