ᓇᓂᓯᓪᓗᓂ ᐃᖅᑲᓇᐃᔮᒥᒃ ᖁᕕᐊᒋᔭᒥᓂᒃ, ᐃᖅᑲᓇᐃᔮᕆᙱᒃᑲᓗᐊᕈᓂᐅᒃ ᐃᓕᓐᓂᐊᖅᑕᓂ. ᑭᐅᕆ ᓛᔾᕕᓐ ᐃᓄᕕᐊᓗᐃᑦ ᐊᕐᓇᐅᔪᖅ ᐃᓅᕕᒻᒥᑦ, ᓄᓇᑦᓯᐊᕐᒥᐅᑕᖅ ᐱᖓᓐᓇᖅᐸᓯᒻᒥ ᑭᓘᓇᒥ ᓄᓇᖃᖅᑐᖅ. ᓄᓇᖃᖅᑐᖅ ᐱᖅᑯᓯᑐᖃᒃᑯᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐅᐊᔅᐹᖕᒃ ᓄᓇᖃᖅᑳᖅᓯᒪᔪᓂ. ᐃᖅᑲᓇᐃᔭᖃᑦᑕᖅᑐᖅ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᑭᒡᒐᖅᑐᐃᔨᐅᓪᓗᓂ ᓄᓇᓕᓐᓂᑦ ᖁᑦᓯᓂᖅᓴᓄᑦ ᐃᓕᓐᓂᐊᕐᕕᒻᒥ. ᖁᕕᐊᒋᑦᑎᐊᖅᑕᖓ ᑭᓯᐊᓂ ᐊᒃᓱᕈᕐᓇᖅᑐᖃᓚᐅᖅᑐᖅ ᐃᖅᑲᓇᐃᔮᖓᓄᑦ ᑎᑭᐅᑎᓇᓱᒃᖢᓂ ᐊᒻᒪ ᐃᓱᒪᓚᐅᙱᖦᖢᓂ ᐱᓕᕆᓂᐊᕋᓱᒋᙱᖦᖢᓂ.

ᓛᔾᕕᓐ ᐱᒋᐊᓚᐅᖅᑐᖅ ᐃᖅᑲᓇᐃᔮᕆᓛᕈᒪᔭᖃᕐᓂᕐᒧᑦ ᓇᓗᓇᐃᒃᑯᑕᖅᑖᕈᒪᓪᓗᓂ ᐃᓕᓴᐃᔨᓄᑦ ᐃᑲᔪᖅᑎᐅᓂᕐᒧᑦ. ᐃᓕᓐᓂᐊᖅᑎᓪᓗᒍ ᐱᓇᓱᒃᑎᓪᓗᒍ ᐊᔪᙱᔾᔪᑎᒥᒃ, ᐃᓕᑦᑎᓪᓗᓂ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᑭᒡᒐᖅᑐᐃᔨᖓᑕ ᐃᖅᑲᓇᐃᔮᖓᓂᒃ ᐱᔪᒃᓯᑎᑕᐅᓪᓗᓂᓗ. ᐃᖅᑲᓇᐃᔮᖅᑖᕋᓱᐊᓚᐅᖅᑐᖅ ᐱᔭᕇᕋᒥ ᐅᖃᐅᔾᔭᐅᑐᐃᓐᓇᖅᑐᓂ ᐱᔪᓐᓇᕐᓂᖃᑦᑎᐊᖏᓐᓂᕋᖅᑐᓂ ᑎᒃᑯᐊᖅᑕᐅᓂᕐᒧᑦ. ᐆᒻᒪᓯᕆᔪᖅ ᐆᒻᒪᓯᕆᓚᐅᖅᑐᖅ ᑭᓯᐊᓂ ᐃᒻᒥᓂᒃ ᐅᑎᓚᐅᖅᑐᖅ. ᓛᔾᕕᓐ ᐃᓕᓐᓂᐊᖅᑐᓕᕆᓂᕐᒧᑦ ᐃᑲᔪᖅᑎᐅᓚᐅᖅᓯᒪᔪᖅ ᐊᕐᕌᒍᓄᑦ ᐱᖓᓱᓄᑦ ᑭᒡᒐᖅᑐᐃᔨᙳᕈᓐᓇᖅᓯᑕᐃᓐᓇᓚᐅᖅᑐᖅ ᓯᕗᓪᓕᖅᐸᐅᔪᒪᓪᓗᓂ.

ᐅᑭᐅᖅᑕᖅᑐᒦᙶᖅᓯᒪᔪᖅ, ᖃᐅᔨᒪᔪᖅ ᖃᑦᑎᑦ ᐃᓕᓐᓂᐊᖅᑏᑦ ᐊᐅᓪᓚᕆᐊᖃᕐᒪᖔᑕ ᐱᔪᒪᔭᖏᓐᓂᑦ. ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᓐᓂᒃ ᓄᓇᒥᓂᒃ ᕿᒪᐃᔭᕆᐊᖃᖅᐸᒃᑐᓄᑦ ᐃᓕᓐᓂᐊᕋᓱᒃᓗᑎᒃ, "ᐱᕕᒃᓴᑦᑎᐊᕙᒻᒪᕆᐊᓘᕗᖅ ᐊᐅᓪᓚᕐᓂᐊᕐᓗᓂ, ᖃᐅᔨᓇᓱᒡᓗᒍ ᓄᓇᕐᔪᐊᖅ. ᓇᓂᓯᓗᑎᑦ ᑭᓱ ᖁᕕᐊᓱᖕᓇᕐᒪᖔᑦ ᖃᐅᔨᓇᓱᒃᐸᒃᓗᑎᓪᓗ ᐊᔾᔨᒌᖏᑦᑐᓂᒃ ᐃᖅᑲᓇᐃᔮᕆᓛᕈᒪᔭᖃᕐᓂᕐᒧᑦ ᐃᓕᓐᓂᐊᕐᕕᖕᓂᓗ."

ᐊᐳᖅᑕᕈᑕᐅᓕᕌᖓᑕ ᐃᓅᓯᕐᒥ, ᓛᔾᕕᓐ ᖃᐅᔨᒪᑦᑎᐊᕋᓱᓲᖅ ᑲᒪᒋᔭᖃᑦᑎᐊᕋᓗᐊᕐᒪᖔᑦ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ ᐊᒃᓱᕈᕐᓇᖅᓯᔪᓂᒃ ᓴᖅᑭᑎᑦᑎᔪᓐᓇᕐᓂᐊᕐᒪᑦ. ᐃᓚᒥᓂᒃ ᓯᕗᓪᓕᐅᑎᑦᑎᒐᔪᒃᑑᒐᓗᐊᖅ ᑭᓯᐊᓂ ᓯᕗᓪᓕᐅᑎᑐᐃᓐᓇᙱᖦᖢᓂᒋᑦ. "ᐃᖅᑲᐅᒪᔪᖓ ᓯᕗᓪᓕᐅᖃᑕᐅᓲᖑᒐᒪ, ᑕᐃᒪᐃᓐᓂᖓᓄᓪᓗ ᐅᕙᓐᓂᒃ ᐱᕕᒃᓴᖃᑦᑎᐊᕐᓂᐊᖅᐳᖓ ᐃᓱᒪᒐᓗ ᖃᓄᐃᙱᑦᑎᐊᕐᓗᓂ ᖃᓄᐃᙱᑦᑎᐊᕐᓗᓂᓗ," ᑕᐃᒪᓐᓇ ᐅᖃᐅᓯᖃᖅᐳᖅ. ᐃᒻᒥᓂᒃ ᖃᓄᐃᙱᑦᑎᐊᖁᓪᓗᒍ, ᓛᔾᕕᓐ ᐆᒻᒪᕆᐃᓐᓇᖅᐳᖅ, ᑎᒥᖓ ᐊᐅᓚᔾᔭᒃᐸᓪᓕᐊᖏᓐᓇᖅᖢᓂ, ᐱᓱᔪᒃᐸᒃᖢᓂ ᐳᐃᔾᔪᕋᖅᖢᓂᓗ.

ᑭᖑᒧᑦ ᑕᑯᓪᓗᓂ ᐅᖃᐅᔾᔪᐃᓂᕐᒥᒃ ᒪᒃᑯᖕᓂᖅᓴᒥᒃ, ᐅᖃᖅᖢᓂ, "ᐃᓅᓱᖕᓂᖅᓴᐅᑎᓪᓗᖓ ᐃᓱᒪᒐ ᐅᖃᐅᓯᕆᒃᑲᓐᓂᕋᔭᓚᐅᖅᑕᕋ. ᐃᓐᓇᕈᖅᐸᓪᓕᐊᓕᕋᒪ, ᓂᓪᓕᐊᔪᓐᓇᖅᓯᕙᓪᓕᐊᓕᕋᕕᑦ. ᓂᐱᐃᑦ ᐊᑐᕆᐊᖃᖅᐸᐃᑦ ᐊᒻᒪ ᐃᒻᒥᓂᒃ ᓂᐱᒋᔭᐅᓗᑎᑦ."

ᐅᖃᐅᔾᔨᒋᐊᕐᓂᖓ ᒪᒃᑯᓐᓂᖅᓴᓄᑦ ᒫᓐᓇ ᐱᒻᒪᕆᐅᒐᔭᓕᖅᑐᖅ ᐃᓕᓐᓂᐊᕐᓂᖅ. "ᑖᓐᓇ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥ ᐊᓂᒍᐃᔾᔪᑎ, ᓲᖃᐃᒻᒪ ᐃᓅᓯᐅᑉ ᐃᓚᒋᖕᒪᒍ ᐊᒻᒪ ᓇᓃᑦᑐᒪᖕᒪᖔᑦ ᐃᓐᓇᐅᓕᖅᑎᓪᓗᑎᑦ. ᐃᓕᓐᓂᐊᕐᓗᑎᑦ..." ᐊᖏᖅᑐᖅ.

ᑭᖑᓪᓕᖅᐹᒥ, ᑎᓕᐅᕈᒪᓪᓗᒋᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐅᑯᓂᖓ ᐅᔾᔨᕆᔭᒥᓂᒃ ᑐᓴᖅᑎᑦᑎᖃᑦᑕᕐᒪᑦ, "ᐃᒃᐱᒋᑦᑎᐊᖅᑕᒃᑲ ᓄᓇᖃᖅᑳᖅᓯᒪᔪᑦ ᐃᓄᐃᑦ ᓂᐅᖏᑦ ᓂᓪᓕᐊᕌᕐᔪᖕᒪᑕ, ᓲᖃᐃᒻᒪ ᐃᓄᐃᑦ ᕿᓂᐃᓐᓇᐅᔭᕐᒪᑕ ᓄᓇᖃᖅᑳᖅᓯᒪᔪᓂᒃ ᐃᖅᑲᓇᐃᔭᕐᓂᐊᖅᑐᓂᒃ ᐃᓕᓴᐃᓂᐊᖅᑎᓪᓗᒋᓪᓗ. ᐊᑐᕐᓗᒍ ᐊᔪᙱᓐᓂᖅ. ᐊᑐᕐᓗᒍ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖓ ᐃᓕᓐᓂᐊᖅᑎᑦᑎᔾᔪᑎᒋᓗᒋᑦ ᐃᓄᖕᓂᒃ."

ᓯᕗᓪᓕᖅᐹᒥ "ᐋᒃᑳᕋᒥ" ᐱᔪᒪᔭᒥᓂᒃ ᐱᓇᔪᒃᖢᓂ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓄᑦ ᑭᒡᒐᖅᑐᐃᔨᙳᕈᒪᓪᓗᓂ, ᑭᐅᕆ ᓛᒋᕕᓐ ᐊᓯᖏᓐᓂᒃ ᐱᕕᒃᓴᓂᒃ ᓇᓂᓯᓚᐅᖅᐳᖅ ᑭᓯᐊᓂ ᓯᓐᓇᒃᑑᒪᔭᖓ ᐅᑎᕐᒪᑦ. ᐃᖅᑲᓇᐃᔮᕆᓚᐅᙱᑕᖓ ᐱᓕᒻᒪᒃᓴᓚᐅᖅᑕᖓ ᐅᖃᐅᔾᔭᐅᓪᓗᓂᓗ ᐊᔪᙱᓐᓂᕆᔭᖏᑦ ᓈᒻᒪᙱᓐᓂᖏᓐᓂᒃ ᐃᖅᑲᓇᐃᔮᒧᑦ, ᑭᓯᐊᓂ ᖃᐅᔨᒪᓚᐅᖅᑐᖅ ᐃᑲᔪᖅᓱᐃᔪᒪᓂᕐᒥᓂᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᓐᓂᒃ ᓄᖅᑲᐃᓐᓇᕐᖢᓂᓗ ᑭᓯᐊᓂ ᐱᕕᖃᓕᕋᒥ. ᐱᔪᒃᓯᓕᖅᑎᑦᑎᓂᖅ ᓄᓇᖃᖅᑳᖅᑐᑦ ᒪᒃᑯᒃᑐᖁᑎᖏᓐᓂᒃ ᐱᓇᔪᖁᓪᓗᒋᑦ ᐃᓕᓐᓂᐊᕐᓂᕐᒧᑦ ᑐᕌᕆᔭᒥᓂᒃ, ᐃᑲᔪᖅᐸᒃᖢᓂ ᓯᕗᓂᒃᓴᑦᑎᐊᕙᖕᒧᑦ ᐃᑲᔪᖅᑐᐃᕙᒃᖢᓂ ᑎᓕᐅᕆᕙᒃᖢᓂᓗ ᖃᐅᑕᒫᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.