ᑕᒪᒃᑯᐊ ᐱᒡᒐᓇᖅᑐᒻᒪᕆᐅᑎᓪᓗᒋᑦ, ᑯᕆᔅᑐᓪ ᒐᐃᐅᓪ ᕗᕋᐃᓱ ᓴᖅᑭᖃᑦᑕᓚᐅᕐᒪᑦ ᐊᒻᒪᓗ ᐊᒥᓱᓄᑦ ᐃᓅᓯᕐᒥᓄᑦ ᐊᔅᓱᕈᕈᑎᒋᕙᑦᑕᖏᓐᓄᑦ. Gwichyà Gwich'in-ᒥᙶᖅᑐᖅ ᐊᒻᒪ ᓄᓇᑖᖃᑕᐅᓯᒪᓪᓗᓂ, ᐃᓅᕕᖕᒥᙶᕐᓂᑰᓪᓗᓂ ᐊᒻᒪ ᐃᐊᑦᒪᑕᓐᒥ ᓄᓇᖃᖅᓯᒪᓪᓗᓂ ᐅᑭᐅᑦ ᐊᕙᑎᑦ ᐊᓂᒍᖅᑐᓂᒃ. ᐊᓈᓇᐅᔪᖅ ᒪᕐᕉᖕᓂᒃ, ᓇᖕᒥᓂᖅ ᓄᑕᕋᐅᓚᐅᖅᓯᒪᓪᓗᓂ ᓄᓇᒥᓂ, ᐊᓈᓇᑦᑎᐊᒥᓂᒃ ᐃᓕᑦᑎᓪᓗᓂ.

ᐱᓕᕆᕙᒃᑐᖅ ᐃᑦᑕᕐᓂᓴᓕᕆᔨᐅᓪᓗᓂ ᐊᒻᒪ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᐸᒃᖢᓂ ᐋᓪᐴᑕᒥ ᓯᓚᑦᑐᖅᓴᕐᕕᒡᔪᐊᖓᓂ ᐊᒻᒪ ᐃᓕᓐᓂᐊᖃᑕᐅᓚᐅᖅᖢᓂ ᐃᓕᓐᓂᐊᒃᑲᓐᓂᕈᒪᓪᓗᓂ. ᐃᖅᑲᐅᒪᔪᖅ 15-ᒥ, ᐃᓕᓐᓂᐊᕈᓐᓃᓚᐅᖅᑐᖅ ᐊᒻᒪᓗ ᐊᖏᕐᕋᖃᕈᓐᓃᖅᖢᓂ, ᐅᑎᖅᖢᓂ 20-ᓄᑦ ᐊᓂᒍᐃᓂᕐᒧᑦ ᓄᖅᑲᖓᑯᑖᓚᐅᖅᑎᓪᓗᒍ. ᐃᖅᑲᓇᐃᔭᖅᖢᓂ ᐃᒥᕋᓚᒡᕕᖕᒥ ᐅᓪᓗᓕᒫᖅ ᐅᓪᓛᙳᕋᓱᖕᓂᖓᓂ, ᐊᒃᓱᕈᕐᖢᓂ ᐊᖑᒻᒪᑎᔭᕆᐊᒃᓴᖅ ᑭᓯᐊᓂ ᓱᓕ ᓴᖅᑭᖦᖢᓂ.

ᐃᓕᓐᓂᐊᕌᓂᓚᐅᖅᑎᓪᓗᒍ, ᐃᐊᑦᒪᓐᑕᓐᒧᑦ ᓅᓚᐅᖅᓯᒪᔪᖅ ᓯᕗᓪᓕᖅᐹᒥ ᐃᓕᑕᕆᔭᐅᔾᔪᑎᑖᖅᖢᓂ ᐊᒻᒪ ᐊᔾᔨᑦᑎᐊᖓᓂᒃ ᐱᓕᕆᓪᓗᓂ: ᓴᖅᑭᖃᑦᑕᓚᐅᖅᐳᖅ ᑕᑯᓪᓗᓂᓗ ᖃᓄᐃᓐᓇᔭᕐᒪᖔᑦ. ᐊᓯᐊᓂᒃ ᐱᒃᑲᓐᓂᓕᕆᓪᓗᑎᒃ, ᐊᓯᐊᓂᒡᓗ. ᐋᓪᕘᑕᒥ ᓯᓚᑦᑐᖅᓴᕐᕕᔾᔪᐊᖅ ᑕᐃᑲᓂ ᐱᓚᐅᖅᑐᖅ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐊᒻᒪ PhD ᐊᒻᒪ ᐸᐃᑉᐹᖁᑎᑖᖅᑐᓂ ᓯᓚᑦᑐᓴᕐᕕᔾᔪᐊᖓᓂ ᕕᒃᑐᐊᕆᐊᒥ. 

ᑲᔪᓯᑦᑎᐊᖅᓯᒪᒐᓗᐊᖅᑎᓪᓗᒍ, ᖃᐅᔨᓚᐅᖅᑐᖅ ᓯᓚᑦᑐᖅᓴᕐᕕᔾᔪᐊᖅ ᐊᑦᓱᕈᓐᓇᕆᐊᖓᓂᑦ ᐊᒻᒪᓗ ᓈᒻᒪᖏᑦᑐᓂᑦ ᐊᑭᕋᖅᑐᕐᓂᕐᒧᑦ ᐃᓄᓐᓂᑦ. ᑭᒃᑯᓕᒫᑦ ᖃᐅᔨᓴᖅᑕᕕᓂᕐᒥᓂᒃ ᐱᒻᒪᕆᐅᑎᑦᑎᓚᐅᙱᑦᑐᑦ, ᐅᖃᖅᖢᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐅᖃᐅᓯᐅᓪᓚᑦᑖᓚᐅᙱᒻᒪᑕ. ᐅᖃᐅᓯᖃᖅᑐᖅ "ᐃᓕᑦᑎᓂᖅ ᐱᑕᖃᕐᓂᖓᓂᒃ ᐃᓂᒥᒃ ᐊᒃᓱᕈᖅᑎᑦᑏᓐᓇᖅᑐᒥᒃ ᐱᑎᓐᓇᓱᒃᑕᕐᓂᒃ ᐱᑕᖃᑐᐃᓐᓇᙱᖦᖢᓂᓗ ᑕᕝᕙᓂ ᐃᓂᐅᔪᒥ, ᑭᓯᐊᓂ ᑲᔪᓯᓂᖃᑦᑎᐊᖅᑐᖅ ᐱᓕᕆᑦᑎᐊᕐᖢᓂᓗ, ᑲᑎᓪᓗᒋᓪᓗ ᓈᒻᒪᒃᑐᑦ ᐃᓄᐃᑦ ᑲᔪᓯᑦᑎᐊᕐᓗᑎᒃᓗ ᐃᖅᑲᓇᐃᔮᖅᑖᕐᓗᑎᒃᓗ... ᑕᒪᒃᑯᐊ ᒥᑭᔪᕈᓗᐃᑦ ᑲᑎᖃᑦᑕᖅᑐᑦ, ᐱᕐᓗᐊᕿᓂᒃᑯᑦ ᖃᓄᐃᓕᔪᖃᕈᓐᓇᖏᑦᑐᖅ."

ᖃᐅᔨᓴᖅᑎᓪᓗᒍ, ᕗᕋᐃᓱ ᐅᖃᐅᓯᖃᓚᐅᖅᐳᖅ Gwich'−ᑯᑦ ᐃᓱᒪᒋᔭᖏᓐᓂᒃ ᓴᙱᓂᕐᒥᒃ. ᖃᐅᔨᓴᓕᓵᖅᑎᓪᓗᒍ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ ᑭᒡᓕᓯᓂᐊᖅᑏᑦ ᐱᓕᕆᓪᓚᕆᓚᐅᖅᐳᑦ ᐊᒻᒪ ᑲᓇᑕ ᑐᐹᖅᓯᓚᐅᖅᖢᓂ ᐊᓂᒍᐃᓯᒪᔪᓂᒃ ᐅᓂᒃᑳᖅᑕᐅᔪᓂᒃ. "ᑕᒪᕐᒥᑦᑎᐊᖅ ᐃᓐᓇᐃᑦ ᐊᒻᒪ ᖃᐅᔨᒪᓂᓕᒫᑦ ᐊᒻᒪ ᐊᓂᒍᐃᓯᒪᔪᑦ ᐅᖃᖃᑎᒋᓚᐅᖅᑕᒃᑲ ᖃᓄᖅ ᓴᙱᑎᒋᖕᒪᖔᑕ ᓄᑕᕋᐅᑎᓪᓗᒋᑦ, ᐅᕝᕙᓘᓐᓃᑦ ᖃᓄᖅ ᓴᙱᑎᒋᖕᒪᖔᑕ ᓄᓇᖅᑲᑎᖏᑦ, ᐅᕝᕙᓘᓐᓃᑦ ᖃᓄᖅ ᓴᙱᑎᒋᓚᐅᕐᒪᖔᑕ ᐅᓪᓗᒥ ᐊᓂᒍᐃᔪᓐᓇᖁᓪᓗᒋᑦ ᑕᒪᐃᓐᓂᒃ. ᓈᒻᒪᖏᑦᑑᒐᓗᐊᖅ, ᓈᒻᒪᖏᒃᑲᓗᐊᖅᑎᓪᓗᒍ, ᐊᒻᒪ ᐊᔾᔨᒌᑎᑦᑎᖏᒃᑲᓗᐊᖅᑎᓪᓗᒋᑦ ᑕᒪᒃᑯᓂᖓ ᐱᔾᔪᑎᖃᖅᑎᓪᓗᒋᑦ ᖃᐅᔨᒪᐃᓐᓇᖃᑦᑕᓚᐅᖅᑐᖓ ᓴᙱᓂᖃᕐᓂᕐᒥᑦ ᖃᐅᔨᓴᖅᓯᒪᔭᓐᓂᑦ. ᑭᓯᐊᓂᓕ, ᓲᖃᐃᒻᒪ, ᖃᐅᔨᓴᕐᓂᕆᔭᐃᑦ ᐃᓕᖕᓄᑦ ᓅᑉᐸᓪᓕᐊᓕᖅᐸᒃᐳᖅ ᑕᐃᒪᐃᓐᓂᖓᓄᓪᓗ ᓴᙱᓂᖅᓴᐅᓕᓚᐅᖅᐳᖓ ᐊᑐᕈᓐᓇᓚᐅᖅᖢᒍᓗ ᑕᒪᓐᓇ ᓴᙱᓂᕆᔭᐅᔪᖅ ᖃᐅᔨᓴᕐᓂᕆᔭᓐᓂ," ᐃᖅᑲᐅᒪᔪᖅ. 

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐊᖏᕐᕋᒧᑦ ᐊᐅᓪᓚᕈᒪᔪᓄᑦ ᐃᓕᓐᓂᐊᕆᐊᕐᓗᓂ ᐊᐅᓪᓚᕐᓂᐊᕐᓗᓂᓘᓐᓃᑦ. ᐃᓕᓐᓂᐊᖅᑕᖓᑎᒍᑦ, ᓂᐅ ᓰᓚᓐᓕᐊᖅᓯᒪᔪᖅ, ᔭᐹᓐ, ᐃᑕᓕ, ᕗᕌᓐᔅ ᐊᒻᒪ ᓄᐊᕙᐃ. "ᑲᑉᐱᐊᓱᓕᓲᖑᔪᖓ. ᑕᒪᒃᑯᐊ ᐃᑉᐱᓐᓂᐊᓃᑦ ᐱᑕᖃᕈᓐᓃᓚᐅᖅᓯᒪᕙᓪᓚᐃᖏᒻᒪᑕ. ᐃᓕᑐᐃᓐᓇᖅᐸᑦᑐᒍᑦ ᓱᖁᑎᒋᓐᖏᓪᓗᒋᑦ ᐊᒻᒪᓗ ᐱᓕᕆᖃᑎᒋᑦᑎᐊᕐᓗᒋᑦ ᐊᒻᒪᓗ ᐊᓂᒍᖅᑎᒐᓱᐊᕐᓗᒋᑦ. ᑭᓯᐊᓂ ᑲᑉᐱᐊᓇᕈᓐᓇᖅᑐᖅ," ᓇᓗᓇᐃᖅᐳᖅ. 

"ᖃᐅᔨᒪᑦᑎᐊᕆᐊᕐᓗᑎᑦ ᑭᓇᐅᓂᕐᓂᒃ. ᐃᓱᒪᔪᒃᓴᐅᕗᑎᑦ ᖃᐅᔨᒪᙱᓐᓇᕕᑦ ᑭᓇᐅᖕᒪᖔᖅᐱᑦ, ᑭᓯᐊᓂ ᐅᖃᐅᑎᔪᓐᓇᖅᐸᒋᑦ ᓯᕗᓕᕕᓂᑎᑦ ᖃᐅᔨᒪᖕᒪᑕ ᑭᓇᐅᖕᒪᖔᖅᐱᑦ, ᐃᓚᑎᑦ ᖃᐅᔨᒪᖕᒪᑕ ᓄᓇᖅᑲᑎᑎᓪᓗ ᖃᐅᔨᒪᓪᓗᑎᒃ."

ᐃᓚᖏᑦ ᐅᖃᐅᔾᔨᒋᐊᕈᑎᖏᑦ ᑐᙵᕕᖃᖅᐳᑦ ᑭᓇᐅᓂᖏᓐᓂᑦ. "ᖃᐅᔨᒪᑦᑎᐊᕆᐊᕐᓗᑎᑦ ᑭᓇᐅᓂᕐᓂᒃ. ᐃᓱᒪᔪᒃᓴᐅᕗᑎᑦ ᖃᐅᔨᒪᙱᒋᐊᕕᑦ ᑭᓇᐅᖕᒪᖔᖅᐱᑦ, ᑭᓯᐊᓂ ᐅᖃᐅᑎᔪᓐᓇᖅᐸᒋᑦ ᓯᕗᓕᕕᓂᑎᑦ ᖃᐅᔨᒪᖕᒪᑕ ᑭᓇᐅᖕᒪᖔᖅᐱᑦ, ᐃᓚᑎᑦ ᖃᐅᔨᒪᖕᒪᑕ ᓄᓇᖅᑲᑎᑎᓪᓗ ᖃᐅᔨᒪᓪᓗᑎᒃ. ᖃᐅᔨᒪᖅᑰᖏᓐᓇᕕᐅᒃ ᑭᓇᐅᒻᒪᖔᖅᐱᑦ," ᑲᔪᓯᓪᓗᓂ. ᐅᖓᑖᓄᑦ, ᕗᕋᐃᓱ ᐃᒪᐃᖁᔨᔪᖅ ᐋᖅᑭᒃᓯᓗᓂ ᑐᕌᒐᒃᓴᓂᑦ ᑕᐅᑐᙳᐊᕐᓗᓂᓗ ᐱᔪᒪᔭᕐᓂᒃ ᐃᓅᓯᕐᓂ. 

ᕗᕋᐃᓱ ᓄᓇᖃᖅᑳᖅᓯᒪᔪᑐᐊᑦᑎᐊᖑᓪᓗᓂ ᐃᓕᓐᓂᐊᖅᑎ ᐊᑎᓕᐅᖅᑕᐅᓚᐅᖅᓯᒪᔪᖅ ᐋᓪᐴᑕᒥ ᐃᓕᓐᓂᐊᓚᐅᖅᓯᒪᓂᖓᓄᑦ ᐅᖃᐅᔾᔭᐅᓪᓗᓂᓗ ᓄᓇᖃᖅᑳᖅᓯᒪᔪᓂᒃ ᐱᑕᖃᙱᓐᓂᖓᓂᒃ ᐋᓪᐴᑕᒥ ᖃᐅᔨᓴᖅᑕᐅᓇᔭᙱᖦᖢᑎᒃ. ᑭᖑᓂᐊᒍᑦ, ᑐᓗᖅᑕᕈᑎᓂᒃ ᖃᐅᔨᖃᑦᑕᓚᐅᖅᐳᖅ ᑮᓇᐅᔭᑎᒍᑦ ᐊᖏᕐᕋᕈᓐᓇᖅᓯᓪᓗᓂᓗ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᓄᑦ ᐊᒻᒪ ᐳᓛᕆᐊᖅᑕᐅᔪᓄᑦ. ᐃᓚᓕᐅᔾᔨᓂᖅ ᐃᓕᖅᑯᓯᕐᒥᓂᒃ ᐃᓕᓐᓂᐊᕐᕕᖕᓂ ᐃᓂᓂ ᐊᒃᓱᕈᕐᓇᓵᕆᕗᖅ.

ᐃᑦᑕᕐᓂᓴᓕᕆᔨᐅᓪᓗᓂ, ᖃᐅᔨᓚᐅᖅᑐᖅ ᐃᓂᖅᑎᕆᓂᖓ ᐋᖅᑭᒃᑕᐅᓯᒪᓂᖓᓂᒃ ᑎᑎᖅᑲᖁᑎᑐᖃᕆᔭᐅᔪᓄᑦ ᐊᒻᒪ ᑐᑭᓕᐅᖅᑕᐅᓯᒪᔪᓄᑦ ᑎᑎᕋᖅᓯᒪᔪᓂᒃ ᐊᒻᒪ ᐃᓕᓐᓂᐊᖅᑎᑕᐅᓚᐅᙱᖦᖢᓂ ᓄᓇᖃᖅᑳᖅᓯᒪᔪᓂᒃ ᐃᑦᑕᕐᓂᓴᓕᕆᔨᑕᖃᙱᓐᓂᖓᓄᑦ. "ᖃᐅᔨᒪᕗᑎᑦ 100%−ᐸᓗᐃᑦ ᑎᑎᕋᖅᑕᐅᓯᒪᔪᑦ ᑎᑎᕋᖅᓯᒪᓂᖏᓐᓂᒃ ᖃᐅᓪᓗᖅᑕᓂᑦ ᐃᓄᖕᓂᑦ, ᐊᖑᑎᓂᒡᓗ, ᑕᒪᕐᒥᑲᓴᒡᓗ ᐊᓪᓚᓄᑦ ᑭᒡᒐᖅᑐᐃᔨᒋᔭᐅᔪᓄᑦ ᐊᔪᕆᖅᓱᐃᔨᓄᓪᓗ. ᐅᔾᔨᕈᓱᓕᖃᑦᑕᖅᐳᑎᑦ ᖃᓄᖅ ᐃᖅᖢᒃᑯᑦ ᖃᓪᓗᓈᖑᖕᒪᖔᑕ ᐊᒻᒪ... ᖃᕋᓴᕐᓂᒃ ᐃᓱᒪᒋᐊᒃᑲᓐᓂᕐᓇᖅᐳᖅ. ᖃᓄᕐᓕ ᐅᕙᓐᓂᒃ ᑕᑯᔪᓐᓇᖅᐳᖓ ᑕᕝᕙᓂ ᐱᓕᕆᑎᓪᓗᖓ? ᖃᓄᖅ ᐃᕐᖑᑕᕋ ᐅᖃᕋᔭᖅᐸ ᒫᓐᓇᐅᔪᖅ? ᖃᓄᕐᓕ ᑕᒪᓐᓇ ᐅᕙᑦᑎᓐᓄᑦ ᐅᖃᐅᓯᕆᒃᑲᓐᓂᕈᓐᓇᖅᐱᑎᒍᑦ ᐊᒻᒪ ᐱᙱᓐᓂᖅᓴᐅᓗᒋᑦ?" ᓂᐱᖃᓗᐊᕈᒪᕙ. ᐊᑯᓂᐊᓗᒃ ᖃᐅᔨᓴᖃᑦᑕᓚᐅᖅᐳᖅ ᑎᑎᕋᖅᓯᒪᔪᓂᒃ ᓄᓇᖃᖅᑳᖅᓯᒪᔪᑦ ᐅᖃᓪᓚᒡᕕᒋᖃᑦᑕᖅᑕᖏᓐᓂᒃ. 

"ᖃᓄᕐᓕ ᑕᒪᓐᓇ ᐅᕙᑦᑎᓐᓄᑦ ᐅᖃᐅᓯᕆᒃᑲᓐᓂᕈᓐᓇᖅᐱᑎᒍᑦ ᐱᙱᓐᓂᖅᓴᐅᓗᑕᓗ?"

ᐋᖅᑭᒃᓯᒪᑎᓪᓗᒍ ᐃᓱᒪᖓ, ᕗᕋᐃᓱ ᓯᓂᒃᓗᓂ ᓯᓂᑦᑎᐊᕈᓐᓃᕐᓗᓂ ᓄᑕᕋᓛᒥᒃ ᐱᕈᖅᓴᐃᓗᓂ. ᓱᓐᓂᐅᒪᙱᖦᖢᓂ ᐊᕐᕌᒍᓄᑦ ᖃᔅᓯᐊᕐᔪᖕᓄᑦ, ᓂᕿᑦᑎᐊᕙᖕᓂ ᓂᕆᖃᑦᑕᖅᑐᖅ ᐊᒻᒪ ᐃᓱᒪᑦᑎᐊᕐᓇᖅᑐᓂᒃ. ᐊᓃᓚᐅᑲᖕᓂᖅ ᕿᓚᒥᑯᓗᒡᓘᓐᓃᑦ ᐃᑲᔪᖅᐸᒃᐳᖅ ᑲᔪᓯᑎᑦᑎᓪᓗᓂ ᑕᐅᑐᒃᑕᒥᓂᒃ. 

ᐱᔪᒃᓯᑎᑦᑎᓂᐊᕐᓗᓂ, ᕗᕋᐃᓱ ᐱᔪᒃᓯᓕᖅᑎᑕᐅᕙᒃᐳᖅ ᓄᑖᓂᒃ ᖃᐅᑕᒫᑦ, ᑭᒃᑯᑐᐃᓐᓇᓄᑦ ᑐᓴᐅᒪᑎᑦᑎᕙᖕᓂᕐᒧᑦ ᓴᖅᑭᑎᑕᐅᔪᓂᑦ, ᐋᖅᑭᒃᓱᐃᕙᓪᓕᐊᓪᓗᓂ ᐅᖃᓕᒫᒐᓕᐊᒥᓂᒃ, ᑎᑎᕋᖅᓯᕙᓪᓕᐊᕙᒃᖢᓂ ᐅᖄᓚᐅᑎᒃᑯᑦ ᐃᓕᑦᑎᕙᓪᓕᐊᔪᒪᕙᖕᓂᕐᒥᒡᓗ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ. ᐊᒥᓱᑦ ᐃᓗᕖᑦ ᐅᖃᐅᓯᐅᕙᓪᓕᐊᓕᖅᑎᓪᓗᒋᑦ ᐱᕙᓪᓕᐊᔪᑎᒍᑦ ᐅᔾᔨᕈᓱᓕᒃᑲᓐᓂᓚᐅᕐᒪᑕ ᖃᓄᖅ ᖃᐅᔨᒪᔭᐅᓗᐊᓚᐅᖏᒻᒪᖔᑕ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᒥᒃᓵᓄᑦ. ᓄᑖᑦ ᑮᓇᐅᔭᐃᑦ ᐊᑐᐃᓐᓇᐅᓕᖅᑐᑦ ᐊᒻᒪᓗ ᕗᕋᐃᓱ ᐅᖃᖅᑐᓂ, "ᐱᔪᒪᓂᖃᖅᑑᔮᖅᑐᖅ ᐊᒻᒪᓗ ᐱᓕᕆᐊᖑᓇᓱᐊᖅᑐᓂ ᑕᒪᑐᒧᖓ." 

ᕗᕋᐃᓱ ᐱᒋᐊᖅᑎᑦᑎᔨᐅᖃᑕᐅᖕᒥᔪᖅ ᑲᓇᑕᒥ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᓄᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ ᐊᓯᐅᓯᒪᔪᓄᑦ ᐊᒻᒪ ᓇᓗᓇᐃᒃᑯᑦᑎᖅᓯᒪᙱᑦᑐᓄᑦ ᐃᓗᕕᕐᓄᑦ. ᐱᓕᕆᖃᑎᖃᖃᑦᑕᖅᑐᖅ ᑲᑐᔾᔨᖃᑎᒌᓂᑦ, ᐅᑭᐅᖅᑕᖅᑐᒥᐅᓂᑦ, ᓄᓇᓕᖓᓂᑦ, ᐃᓄᑐᖃᕐᓂᑦ ᐃᓚᒌᓂᓪᓗ ᓇᓗᓇᐃᖅᓯᓂᕐᒥᑦ ᖃᐅᔨᓴᕐᓂᕐᒧᑦ ᐱᔭᕆᐊᓕᓐᓂᑦ ᖃᓄᕐᓗ ᐱᓕᕆᐊᖑᒍᓐᓇᕐᒪᖔᑦ ᐊᔾᔨᒌᑎᑦᓯᓂᕐᒥᑦ, ᕿᑎᖓᓃᑦᑐᓂᑦ ᐊᓐᓇᑦᓯᒪᔪᑦ ᓂᐱᖏᓐᓂᑦ ᐅᑭᐅᖅᑕᖅᑐᒥᓪᓗ ᑕᐅᑐᑦᑕᒃᑯᑦ. ᑲᔪᖏᖅᓴᖅᑕᐅᕗᖅ ᓱᕈᓯᐅᑎᓪᓗᒋᑦ ᑕᒪᒃᑯᓂᖓ ᐊᑐᖅᓯᒪᔪᑦ, ᓯᕗᓕᒥᓂᑐᐃᓐᓇᐅᖏᑦᑐᖅ ᑭᓯᐊᓂᑦᑕᐅᖅ ᐃᓄᐃᑦ ᐅᑭᐅᖏᓐᓂᑦ. 

ᑲᔪᖏᖅᓴᐃᓂᕐᒧᑦ ᑕᑯᓐᓇᖅᑎᓂᑦ, ᕗᕋᐃᓱ ᐅᖃᐅᓯᖃᖅᑐᖅ, "ᐃᓅᓯᕐᓂᑦ ᐃᖅᑲᓇᐃᔮᕐᓂᓪᓗ, ᐊᒥᓱᓂᑦ ᑲᒪᓇᖅᑐᓂᑦ ᐱᔪᓐᓇᕐᓂᐊᖅᑐᑎᑦ... ᐃᒻᒥᓂᒃᑕᐅᖅ ᐊᖕᒪᓗᕆᐊᖃᙱᒻᒥᔪᑎᑦ. ᐊᒥᓱᓂᒃ ᐱᓕᕆᔪᒪᒍᕕᑦ, ᐃᓅᓯᕐᓂᑦ ᐋᖅᑭᒍᓐᓇᖅᑕᐃᑦ ᐃᖅᑲᓇᐃᔮᑎᓪᓗ ᐊᓯᔾᔨᕈᓐᓇᕐᓂᖃᕐᓗᑎᑦ. ᒪᓕᒋᐊᖃᙱᑦᑐᑎᑦ, ᐃᒪᓐᓇᐅᖅᑰᔨᒐᓗᐊᖅᑎᓪᓗᒍ. ᑭᓯᐊᓂ ᐃᓕᖕᓂᒃ ᐅᒃᐱᕆᓗᑎᑦ ᓲᖃᐃᒻᒪ ᐊᒥᓱᑦ ᐃᓄᐃᑦ ᐱᖃᑦᑕᕐᒪᑕ ᐊᒻᒪ ᐃᓛᓐᓂᒃᑯᑦ ᑕᑯᔭᕆᐊᒃᓴᖅ ᐊᔪᕐᓇᖃᑦᑕᕐᒪᑦ." 

ᐱᓕᕆᐊᖃᕈᒪᔪᖅᑕᐅᖅ ᐊᒥᓱᓂᒃ, ᐅᖃᓕᒫᒐᖁᑎᖃᖅᑐᖅ ᑕᐃᔭᐅᔪᒥᒃ "ᓴᙱᓂᖅ, ᓱᓕ ᑕᒫᓃᒃᑲᑦᑕ", ᐅᑭᐅᖅᑕᖅᑐᒥ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ. ᐱᓕᕆᖃᑎᖃᕐᒥᔪᖅ ᐅᑭᐅᖅᑕᖅᑐᒥ ᐃᕐᓂᓱᒃᓰᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᕐᓂᓱᒃᓰᔨᖏᓐᓂᒃ ᐊᒻᒪ ᐃᕐᓂᓱᒃᓰᓂᕐᒥᒃ. ᐃᖅᑲᓇᐃᔮᖓᑕ ᐊᖏᓂᖓ ᐊᖏᔫᕗᖅ ᐊᒻᒪᓗ ᐊᑦᑐᐃᓂᖃᖅᑐᓂ ᐊᒻᒪᓗ ᑕᒪᓐᓇ ᐱᔪᓐᓇᖅᓯᒪᓪᓗᓂ ᐱᔾᔪᑎᒋᓪᓗᒍ ᑯᕆᔅᑐᓪ ᒐᐃᐅᓪ ᕗᕋᐃᓱ ᓴᖅᑭᖃᑦᑕᓚᐅᕐᒪᑦ. ᐅᐸᒍᑎᓪᓗᓂ ᖃᐅᔨᓪᓗᓂ ᖃᓄᐃᑦᑐᖃᕋᔭᕐᒪᖔᑦ ᑭᖑᓂᐊᒍᓪᓗ ᖃᐅᔨᓗᓂ ᖃᓄᐃᑦᑐᖃᓚᐅᕐᒪᖔᑦ. ᓄᓇᖃᖅᑳᖅᓯᒪᔪᑐᐊᑦᑎᐊᖑᓪᓗᓂ ᐃᓕᓐᓂᐊᖃᑦᑕᓚᐅᖅᓯᒪᔪᖅ ᓄᓇᖃᖅᑳᖅᓯᒪᔪᑐᐊᑦᑎᐊᖑᓪᓗᓂ ᖃᐅᔨᒪᓚᐅᖅᑕᖓ, ᐃᒥᕋᓚᒡᕕᖕᒥ ᐃᖅᑲᓇᐃᔭᓚᐅᖅᓯᒪᔪᖅ ᒫᓐᓇᓗ ᐱᕈᖅᓴᓕᖅᖢᓂᐅᒃ ᓴᓇᕝᕕᐊᓗᖕᒥ ᐋᖅᑭᒃᑕᐅᓚᐅᖅᓯᒪᙱᑦᑐᒥᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.