ᐅᒃᐱᕈᓱᒃᐳᖅ ᓂᔾᔭᐅᓯᔭᖃᑦᑕᕐᓂᕐᒥᓂᒃ ᐊᒻᒪ ᓂᔾᔭᐅᑎᓕᐅᕐᓂᕐᒥᒃ. ᑕᑰᑕ ᕙᕗᓪ ᐃᓅᓚᐅᖅᓯᒪᔪᖅ èle-à-la-Crosse, ᓴᔅᑳᑦᓱᐋᓐᒥ ᐊᒻᒪ ᐊᐅᖓ ᕗᐊᑦ ᑯᕗᐃᔭᓐᒥᙶᖅᖢᓂ. ᖃᐅᔨᓐᓂᖏᒻᒪᑦ ᐃᓚᒋᔭᐅᓂᕐᒥᓂᒃ ᑭᓯᐊᓂ 28-ᖑᓕᕋᒥ ᐃᓱᒪᓚᐅᕐᒪᑕ ᐊᑖᑕᑦᑎᐊᖓ ᐊᑎᓕᐅᖅᑐᒥᓂᐅᒋᐊᖓ ᐱᔪᓐᓇᐅᑎᒥᓂᒃ. ᕙᕗᓪ ᓂᔾᔭᐅᓯᔭᖅᑎᒻᒪᕆᐅᓯᒪᕗᖅ ᐊᕐᕌᒍᓄᑦ 25-ᓄᑦ, ᐃᖅᑲᓇᐃᔮᖃᕐᓂᖓ ᓄᖅᑲᓚᐅᖅᓯᒪᓪᓗᓂ ᔪᓚᐃ 1999-ᒥ. ᖃᐅᑎᓪᓗᒍ, ᐊᔪᕈᓐᓃᖅᓴᖃᑦᑕᓚᐅᖅᐳᖅ, ᐊᔪᙱᑦᑐᓂᒃ ᑕᑯᒃᓴᐅᑎᑦᑎᓪᓗᓂ ᐊᒻᒪ ᐊᑎᕐᒥᓂᒃ ᑕᖅᑲᐅᖓ ᓴᖅᑭᑦᑎᓇᓱᒃᖢᓂ ᐃᖅᑲᓇᐃᔭᓕᑕᐃᓐᓇᓚᐅᙱᑎᓪᓗᒍ.

ᑖᓐᓇ ᓄᓇᖃᖅᑳᖅᑐᓄᑦ ᐃᓕᓐᓂᐊᖅᑎᓄᑦ ᑲᔪᖏᖅᓴᐃᔨᐅᔪᖅ ᓴᔅᑳᑦᓱᐊᓐ ᑰᖏᓐᓄᑦ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕐᕕᖏᓐᓄᑦ. ᕙᕗᓪ ᐱᓕᕆᖃᑎᖃᓚᐅᖅᑐᖅ ᐄᒍᓪᔅ Nest Youth Ranch−ᒥᑦ ᒪᒃᑯᒃᑐᓄᑦ ᑲᒪᒋᔭᐅᓂᕐᒧᑦ ᓯᕗᓕᖅᑎᐅᓪᓗᓂ ᐊᕐᕌᒍᓄᑦ 6-ᓄᑦ ᓯᕗᓂᐊᒍᑦ. ᐸᓖᓯᓕᕆᔪᒪᓚᐅᕋᓗᐊᕐᒪᑦ, ᑭᓯᐊᓂ ᐃᓅᓯᕐᒥᒃ ᐃᓱᒪᓕᐅᖃᑦᑕᓚᐅᕐᒪᑦ ᑕᒪᓐᓇ ᐸᕝᕕᓵᖅᑕᐅᓚᐅᖅᑎᓐᓇᒍ ᐸᕐᓇᐅᑦ. ᐊᕐᕌᒍᓄᑦ ᑎᓴᒪᓄᑦ ᐊᒃᓱᕈᖅᓯᒪᓕᕐᒪᑦ ᑭᐅᑦᑕᖃᑦᑕᕈᓐᓇᖅᑐᓂ ᐊᒻᒪᓗ ᐊᓯᔾᔩᓇᓱᐊᖅᑐᓂ ᑕᐃᒃᓱᒪᓂ. "ᐊᓯᔾᔨᕈᓐᓇᙱᑕᒃᑲ ᑭᖑᓂᑦᑎᓐᓂ, ᑭᓯᐊᓂ ᐋᖅᑭᒋᐊᕈᓐᓇᖅᑕᒃᑲ ᑕᒻᒪᒃᑲᓐᓂᖁᙱᓪᓗᒋᓪᓗ," ᑕᑯᒃᓴᐅᑎᑦᑎᔪᖅ.

ᓂᔾᔭᐅᓯᔭᕐᓂᖅ ᐃᓅᓯᖃᕐᓂᖅ, ᐃᒥᕋᓚᒡᕕᖕᓂ ᐱᙳᐊᕐᓂᖅ, ᕙᕝ ᖃᐅᔨᓚᐅᖅᑐᖅ ᓂᔾᔭᐅᑎᒥᒃ ᓂᔾᔭᐅᓯᔭᖅᖢᓂ ᐃᓅᓯᖓ ᑭᕕᑎᓪᓗᒍ ᐃᒥᖃᑦᑕᕐᓂᖓᓄᑦ ᐊᒻᒪ ᑲᑎᙵᓂᖓᓄᑦ. ᐊᓂᖓ ᐃᓅᔪᓐᓃᕐᒪᑦ, ᖃᒥᖦᖢᓂ ᑯᒃᑭᖦᖢᓂ, ᓄᑖᓂᒃ ᓂᔾᔭᐅᑎᓂᒃ ᓴᖅᑭᑦᑎᙱᖦᖢᓂ. ᓂᕈᐊᒐᒃᓴᙳᖅᑎᑕᐅᓚᐅᖅᑐᖅ ᑐᓂᔭᐅᓪᓗᓂᓗ ᐊᖑᑎᑦ Vocalist−ᒧᑦ ᐊᕐᕌᒍᒧᑦ ᓵᔅᑳᑦᓱᐊᓐᒥ ᓄᓇᖃᖅᑳᖅᓯᒪᔪᑦ ᓂᔾᔭᐅᓯᔭᕐᓂᕐᒧᑦ ᑐᓐᓂᖅᑯᓯᐊᕐᓂᕐᒧᑦ ᑲᑐᔾᔨᖃᑎᒌᖏᓐᓄᑦ.

ᓴᓇᙳᐊᖅᑎᐅᓪᓗᓂ, ᕙᕗᓪ ᑳᓚᐅᖅᑐᖅ ᓈᓚᒋᐊᖅᑐᕈᒪᓪᓗᓂ. "ᑕᒪᕐᒥᑦᑎᐊᖅ, ᐃᑲᔪᕈᒪᑐᐃᓐᓇᖅᐳᖓ ᐊᑕᐅᓯᕐᒥᒃ ᐃᓄᖕᒥᒃ... ᓱᓕ ᐊᒥᓱᒃᑲᓐᓂᐅᒻᒪᑕ ᐃᓅᓯᐅᔪᑦ ᑕᖅᑳᓂ. ᐄ, ᐊᔪᖅᓯᐅᖅᑲᑐᐃᓐᓇᕆᐊᖃᖅᑐᒍᑦ ᐃᓂᒃᓴᓕᐅᖅᑕᐅᓂᕐᒧᑦ, ᐅᕝᕙᓘᓐᓃᑦ ᐊᔪᖅᓯᐅᖅᑲᑐᐃᓐᓇᕆᐊᖃᖅᑐᒍᑦ ᓄᓇᓕᕋᓛᖑᓂᖅᓴᒥ, ᐊᒻᒪᓗ ᐅᕙᑦᑎᓐᓂᒃ ᑲᑕᒍᓐᓇᖅᑐᒍᑦ ᐊᒻᒪᓗ ᓂᑲᓪᓗᖓᓕᖅᐸᒃᑐᑕ... ᑕᒪᒃᑯᐊ ᒫᓐᓇᑲᐃᓐᓇᖅ, ᑕᒫᓂ... ᐃᓚᒋᔭᐅᒍᕕᑦ ᑕᐃᒃᑯᓄᖓ ᐃᓄᓐᓄᑦ ᐊᔪᓕᑐᐃᓐᓇᖅᑐᓄᑦ, ᐊᓯᔾᔨᕆᐊᖃᖅᑕᐃᑦ ᐃᓱᒪᔾᔪᓯᖅ ᓲᕐᓗ, 'ᐊᑏ, ᑕᒪᓐᓇ ᕿᓚᒥᑲᐃᓐᓇᖅ. ᖃᓄᐃᓕᐅᓕᓚᐅᖅᐳᖓ ᐊᓂᓇᓱᒃᖢᖓ?' ᑐᕌᒐᓕᐅᓚᐅᖅᐲᑦ, ᓱᓕᓪᓗᓂ?" ᑎᓕᐅᕆᕗᖅ, ᑎᓕᐅᕆᓪᓗᓂ ᓄᖅᑲᖃᑦᑕᖁᔨᓪᓗᑎᒃ ᓯᓚᑦᑐᖅᓴᕐᕕᒡᔪᐊᓕᐊᕐᓂᒃᑯᑦ ᐅᕝᕙᓘᓐᓃᑦ ᐋᖓᔮᕐᓇᖅᑐᓂᑦ ᕿᒪᒃᓯᓗᑎᑦ, ᐱᓱᑲᑕᒍᓐᓃᕐᓗᑎᑦ ᑭᖑᕚᕇᓄᑦ.

"ᓇᓂᑭᐊᖅ ᐱᒋᐊᓲᖅ. ᑭᓯᐊᓂ ᓇᒥᑭᐊᖅ ᐱᒋᐊᕈᑎᖃᕆᐊᖃᕋᕕᑦ, ᓱᓕᕚ?" ᕙᕗᓪ ᑲᔪᓯᓪᓗᓂ, ᐃᓱᒪᓪᓗᓂ ᐅᔭᕋᐃᑦ ᐊᑖᓃᑦᑐᑦ ᐃᓄᐃᑦ ᐅᑎᖃᑦᑕᖅᑐᑦ ᐊᒻᒪ ᐃᖏᕐᕋᓂᓕᒫᖏᑦ ᓱᕋᒃᑕᐅᔪᓐᓇᖅᑐᑦ ᓂᕈᐊᕐᓂᒃᑯᑦ ᓅᑦᑐᓐᓇᕐᓂᕐᒥᒃ ᐅᐃᕆᓯᒪᓂᕐᒥᒃ, ᑭᖑᕚᕇᓄᑦ ᐊᒃᓱᕈᕐᓇᖅᑐᒃᑰᕐᓂᕐᒥᒃ ᐊᓯᖏᓐᓂᒃᓗ ᐊᒃᓱᕈᕐᓇᖅᑐᓂᒃ. "ᖁᕕᐊᓱᑦᑎᐊᖅᑐᖓ ᓱᕋᒃᐸᓪᓕᐊᓂᕐᒥᒃ ᓲᖃᐃᒻᒪ ᐊᒃᓱᕈᓚᐅᕋᒪ ᐊᑖᑕᒐᓗ ᐊᑖᑕᒐᓗ ᓄᑲᒃᑲᓗ ᓇᔭᒃᑲᓗ ᐊᒃᓱᕈᕐᖢᑎᒃ ᓱᓕᓗ ᑕᑯᓪᓗᒍ ᐅᓪᓗᒥ ᐃᖅᑲᓇᐃᔭᕐᖢᓂ ᒪᒃᑯᒃᑐᓂᒃ ᑲᒪᓂᕐᒥ," ᐅᖃᖅᑐᖅ.

ᕙᕗᓪ ᖃᐃᖁᔭᐅᓯᒪᔪᖅ ᑭᒃᑯᑐᐃᓐᓇᕐᓄᑦ ᐅᖃᓪᓚᖁᔭᐅᑦᓱᓂ ᐅᓂᒃᑳᖃᕐᓂᕐᒥᑦ ᐊᓂᒍᐃᓂᕐᒥᑦ ᐅᐃᕆᓯᒪᓂᕐᒥᑦ, ᖁᐊᖅᓵᖅᓯᒪᓂᕐᒥᑦ ᓄᑕᕋᐅᓂᕐᒥᓪᓗ ᐋᓐᓂᖅᑎᕆᓂᕐᒥᑦ. ᐱᕈᖅᓴᔭᐅᓪᓗᓂ ᐃᓱᒪᒥᑎᒍᑦ, ᑎᒥᒃᑯᑦ ᐊᒻᒪ ᐃᒃᐱᒋᔭᒃᑯᑦ ᓂᖓᖅᑕᐅᓪᓗᓂ ᐊᑖᑕᒋᔭᐅᔪᖅ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᒧᑦ, ᐊᑖᑕᖓᑕ ᓇᓪᓕᒋᑦᑎᐊᖅᑕᖓ ᑐᑭᓯᓪᓗᓂᓗ ᖃᐅᔨᒪᙱᖦᖢᓂ ᖃᓄᖅ ᐱᕈᖅᓴᐃᔭᕆᐊᒃᓴᖅ ᓄᑕᕋᕐᒥᒃ. ᐊᓈᓇᖓ ᑭᖑᕚᕇᓄᑦ ᐃᓅᖃᑕᐅᓚᐅᖅᑐᖅ ᐊᒻᒪ ᖁᐊᖅᓵᖅᓯᒪᓪᓗᓂ ᑕᒪᒃᑮᓐᓄᑦ ᐊᖏᔪᖅᑳᖏᓐᓄᑦ ᐊᔅᓱᕈᖅᑎᑦᑎᖃᑦᑕᓚᐅᕐᒪᑦ ᐊᒥᓱᓂᑦ. ᑕᒪᓐᓇ ᐅᖃᐅᓯᐅᖃᑦᑕᖅᑎᓪᓗᒍ ᐃᓕᓐᓂᐊᖅᑎᑕᐅᖃᑦᑕᓚᐅᕐᒪᑦ ᒪᒥᓴᕐᓂᕐᒥᒃ ᐊᒻᒪᓗ ᓇᓪᓕᒋᖅᑳᕆᐊᖃᕐᓂᕐᒥᒃ.

ᕙᕗᓪ ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ, "ᖃᓄᐃᔾᔮᙱᑦᑐᖅ. ᐊᒃᓱᕈᕐᓂᐊᖅᑐᑎᑦ, ᑭᓯᐊᓂ ᖃᓄᐃᔾᔮᙱᑦᑐᖅ."  ᓇᒻᒥᓂᖅ ᑕᑯᑎᑦᓯᕙᓚᐅᖅᑐᖅ ᓇᓪᓕᓐᓂᕐᒥᓂᒃ ᐱᕈᖅᓯᒪᙱᒋᐊᖓ, ᐅᐱᓐᓇᕋᓂ ᐱᑕᖃᖅᑎᓐᓇᒍ, ᕿᓂᓚᐅᕐᒪᑦ ᓱᓕᓂᓐᖏᓂᕐᒥᒃ ᓯᓚᑖᓂᒃ ᓄᓇᕐᔪᐊᕐᒥᒃ ᕿᓂᓐᖏᖔᖅᓱᓂ ᐃᓗᐊᓂ. "ᐱᐅᕚ ᓯᓚᒦᓪᓗᓂ ᐅᔾᔨᕆᔭᐅᓪᓗᓂ, ᑕᒻᒪᙱᖦᖢᓂ? ᑭᓯᐊᓂ ᖁᕝᕙᓯᒃᑑᑐᐃᓐᓇᖅᐳᖅ," ᐅᖃᑦᑎᐊᙱᖦᖢᓂ.

ᑭᓱᓂᒃ ᐊᓇᕐᓂᒃ ᐃᓕᑦᑎᕙᖕᒪᖔᑦ ᖃᖓᙳᖅᐸᓪᓕᐊᓂᖓᓄᑦ ᓇᖕᒥᓂᖅ: ᒥᑭᖦᖢᓂ ᐊᒻᒪ ᐅᑎᖅᑎᒐᒃᓴᐅᓪᓗᓂ. ᑕᒪᓐᓇ ᓱᓕᔪᕐᓇᕐᓂᖓ ᓈᓚᒃᑎᓄᑦ ᑲᓲᒪᖃᑎᖃᕐᒪᑦ ᐊᒻᒪᓗ ᓱᓇᒥᒃ ᒪᓂᒪᑎᑦᓯᒍᒪᒻᒪᖔᖅ. ᐃᓕᑦᑎᓯᒪᖕᒥᔪᖅ ᑲᕐᒪᐅᑉ ᒥᒃᓵᓄᑦ ᐊᒻᒪᓗ ᑐᓂᓯᓪᓗᓂ ᓄᓇᕐᔪᐊᕐᒧᑦ, ᖃᐅᔨᒪᓪᓗᓂ ᐅᑎᕐᓂᐊᕐᓂᖓᓂᒃ. ᕙᕗᓪ ᖃᐅᔨᓚᐅᕐᒥᔪᖅ ᐃᓱᒪᒥᓂᒃ ᐅᖃᐅᓯᖃᕆᐊᖃᕐᓂᕐᒥᓂᒃ ᑲᑉᐱᐊᓱᙱᖦᖢᓂ ᐊᓯᖏᑕ ᐃᓱᒪᒋᔭᖏᓐᓂᒃ, ᑕᒪᓐᓇᓗ ᐊᒃᓱᕈᕐᓇᖃᑦᑕᖅᓯᒪᓪᓗᓂ ᑖᔅᓱᒧᖓ ᐃᓄᖕᒧᑦ ᐱᕈᖅᓴᓚᐅᖅᑐᒧᑦ ᐱᓂᕐᓗᒡᕕᐅᓪᓗᓂ.

ᐃᓕᓐᓂᐊᖅᓯᒪᖕᒥᔪᖅ ᖃᓄᐃᓕᐅᕆᐊᒃᓴᖅ ᑕᒫᓂ ᓄᓇᕐᔪᐊᒥ ᑎᓕᐅᕆᓪᓗᓂᓗ ᐊᓯᒥᖕᓂᒃ ᑕᐃᒪᐃᖁᔨᓂᕐᒥᒃ. "ᑭᓱ ᐃᓕᖕᓂᒃ ᖁᕕᐊᓱᒃᑎᑦᑎᕙᒃᐸ ᐊᒻᒪᓗ ᐅᖃᐅᑎᓂᐊᖅᐸᒋᑦ ᐃᓅᓂᐊᕐᓂᕐᓂᒃ ᐃᓅᓯᕐᓂᒃ ᑕᐃᒪᐃᓕᐅᕈᕕᑦ. ᑕᐃᒪᐃᙱᒃᑯᕕᑦ, ᓇᒧᙵᕈᓘᔭᑲᑕᑐᐃᓐᓇᕐᓂᐊᖅᑐᑎᑦ ᖃᓂᒋᔭᖃᑲᑕᑐᐃᓐᓇᕐᓗᑎᓪᓗ," ᕙᕗᓪ ᐅᖃᐅᔾᔨᓪᓗᓂ. ᑎᑎᕋᖁᔨᔪᖅ ᓯᕗᓂᒃᓴᒥ ᑐᕌᒐᕆᔭᖏᓐᓂᒃ ᓯᓚᕐᔪᐊᒧᐊᖅᑎᖦᖢᒋᑦ ᑭᓯᐊᓂ ᖃᐅᔨᒪᖕᒥᔪᖅ ᐃᖅᑲᓇᐃᔭᕆᐊᖃᕐᓂᕐᓂᒃ. "ᑭᓱᑐᐃᓐᓇᑦ ᐊᓯᔾᔨᔾᔮᙱᑦᑐᑦ. ᓇᒻᒥᓂᖅ ᑕᐃᒪᐃᑎᒋᐊᖃᖅᑕᐃᑦ. ᕿᐅᒃᑲᖓᔪᓐᓃᕐᓗᑎᑦ. ᒪᑭᒋᑦ. ᑕᐃᒪᐃᓕᐅᑐᐃᓐᓇᖅᖢᓂ," ᑎᓕᐅᕆᕗᖅ.

ᑲᒪᒋᓂᐊᕐᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ, ᕙᕗᓪ ᐅᖃᓪᓚᒃᐳᖅ ᖁᑦᑎᖕᓂᖅᓴᒥᒃ ᓴᙱᓂᕐᒥᒃ. ᒫᓐᓇᕋᑖᖅ ᑎᒍᐊᕆᕋᑖᓚᐅᖅᑕᖓ. ᑐᓴᕐᓈᕐᓂᖅ ᐊᓯᐊᒍᑦ ᐆᒻᒪᕆᒃᓯᑎᑦᑎᔪᓐᓇᕆᕗᖅ, ᐱᙳᐊᖃᑕᐅᕙᒃᑭᓪᓗᓂ ᐱᙳᐊᕈᑎᓂᒃ, ᐊᒻᒪ ᑎᑎᕋᕐᓂᕐᒥᒃ.

ᓂᔾᔭᐅᓯᔭᕐᓂᖅ ᐊᒻᒪ ᓂᔾᔭᐅᓯᔭᕐᓂᖅ, ᑖᑯᑕ ᕙᕗᓪ ᐊᓯᔾᔩᔪᒪᑦᑎᐊᖅᑐᖅ ᓇᒧᑐᐃᓐᓇᖅ. ᐅᖃᖅᑎᐅᓪᓗᓂ, ᐅᓂᒃᑳᖅᑐᖅ ᐊᓯᒥᓄᑦ ᐊᖅᑯᓵᕈᓐᓇᕐᓂᐊᕐᒪᑦ ᐊᒻᒪ ᓯᕗᒧᐊᒍᒪᓪᓗᓂ. ᐸᓕᓯᓕᕆᔪᒪᓂᖓ ᐊᔪᓚᐅᕐᒪᑦ ᑭᓯᐊᓂ ᓇᓂᓯᓚᐅᕐᒪᑦ ᐃᓅᓯᖓᓂᒃ ᖁᕕᐊᓱᒍᑎᒋᓪᓗᓂᐅᒃ ᐊᔾᔨᒌᖏᓐᓇᕐᓂᒃ ᐊᒻᒪᓗ ᐃᓐᖏᐅᓯᕐᓂᒃ ᑐᓴᕈᒪᔫᔮᖅᑐᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑎᑎᕋᓵᕋᕕᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!