ᒪᒃᑯᒃᖢᓂ, ᑕᐃᐋᓐ ᒥᓗ ᒥᖅᓱᑦᑎᐊᖏᓐᓇᐅᔭᓚᐅᖅᑐᖅ − ᐃᒻᒥᓂᒡᓗ ᐃᖅᑲᓇᐃᔮᖅᑖᕈᓐᓇᖅᓯᓪᓗᓂ. ᒥᓗ ᐅᐃᓂᐹᒡᒥᐅᑕᖅ, ᒫᓂᑑᐸᒥᐅᑕᖅ, ᐃᖅᑲᓇᐃᔭᖅᓯᒪᓪᓗᓂᓗ ᐊᕐᕌᒍᓄᑦ 7-ᓄᑦ ᒥᖅᓱᖅᑎᓄᑦ ᐃᑲᔪᖅᑎᐅᓪᓗᓂ/ᒥᖅᓱᖅᑎᓄᑦ ᕈᐃᐅᓪ ᐅᐃᓂᐹᒡᒥ.

"ᖁᕕᐊᓇᑦᑎᐊᖅᑐᖅ ᐃᖅᑲᓇᐃᔮᖅ. ᐊᑭᓕᖅᑕᐅᖃᑦᑕᖅᑐᑎᑦ ᐱᐅᔪᐊᓗᖕᓂᒃ ᐊᓕᓚᔪᕐᒥᙶᖅᑐᒥᒃ, ᑎᑎᕋᐅᔭᖅᑎᒥᑦ, ᐃᓅᓯᕐᒧᑦ ᖁᙱᐊᖅᑕᐅᕝᕕᖕᒧᑦ," ᐅᖃᖅᑐᖅ ᒥᓗ.

ᑕᕝᕗᖓ ᐃᖅᑲᓇᐃᔮᕆᔪᒪᓚᐅᖅᑕᖓ ᒪᒃᑯᒃᑑᑎᓪᓗᒍ, ᓂᐅᕕᕈᓐᓇᓚᐅᖏᒻᒪᑦ ᐊᓐᓄᕌᒥᒃ ᒍᕋᐃᑦ 9-ᒧᑦ. ᒥᓗ ᐃᓱᒪᓪᓗᓂ ᓱᓇᒐᓚᓐᓂᒃ ᑐᓂᔭᐅᑦᓱᓂ ᐊᒻᒪᓗ ᒥᖅᓲᑎᒥᒃ ᓴᓇᒍᓐᓇᕐᓂᕋᖅᓱᓂ ᕿᑦᑐᒐᐅᔭᕐᒥᒃ.

ᐃᑲᔪᖅᑕᐅᓪᓗᓂ ᐊᑦᑕᒥᓄᑦ, ᐊᓐᓄᕌᓕᐅᕈᓐᓇᖅᓯᓚᐅᖅᑐᖅ ᐅᖃᖅᖢᓂᓗ ᑕᐃᑲᙵᑦ "ᐊᔪᖅᓯᓯᒪᓂᕐᒥᓂᒃ" ᒥᖅᓱᖅᖢᓂ ᓇᓂᓯᓪᓗᓂᓗ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᕕᖕᒥᒃ ᐱᑎᑦᑎᔪᒥᒃ ᐱᓕᕆᐊᒃᓴᒥᒃ ᐃᓕᑦᑎᓪᓗᓂ ᖃᓄᐃᓕᐅᒃᑲᓐᓂᕈᓐᓇᕐᓂᕐᒥᒃ.

"ᑕᐃᑲᓂ, ᐱᕕᒃᓴᖃᐃᓐᓇᓕᓚᐅᖅᑐᖅ ᐱᕕᖃᓕᖅᖢᖓ ᑎᒍᑐᐃᓐᓇᖅᖢᒍᓗ. ᒫᓐᓇᓕ ᑮᓇᐅᔭᓕᐅᑦᑎᐊᓕᖅᖢᖓ ᖁᕕᐊᒋᑦᑎᐊᖅᑕᓐᓂᒃ," ᒥᓗ ᐅᖃᖅᐳᖅ.

ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᓚᐅᖅᑎᓪᓗᒋᑦ ᓄᖅᑲᖓᓚᐅᑲᓚᐅᖅᖢᓂᓗ, ᐃᓕᓐᓂᐊᖅᑕᒥᓂᒃ ᑲᔪᓯᓚᐅᖅᐳᖅ ᐱᓇᔪᒃᖢᓂ ᓄᑖᒧᑦ ᐅᒃᑯᐃᖅᑕᐅᓵᖅᑐᒧᑦ ᐊᓐᓄᕌᓄᑦ ᐋᖅᑭᒃᓯᒪᐅᑎᒃᓴᓄᑦ ᐱᓕᕆᐊᒧᑦ MC ᓯᓚᑦᑐᖅᓴᕐᕕᖕᒥ ᐅᐃᓂᐹᒡᒥ.

ᑕᐃᑲᙵᑦ, ᐱᓕᕆᓂᑯᖃᓚᐅᖅᑐᖅ ᐊᒻᒪᓗ ᑲᑎᖃᑎᖃᖅᖢᓂ ᐃᓄᖕᓂᒃ ᐱᓕᕆᔪᓂᒃ ᐊᒻᒪᓗ ᑐᓂᔭᐅᓪᓗᓂ ᐃᖅᑲᓇᐃᔮᒥᒃ ᐱᓕᕆᓂᐊᕐᓗᓂ ᐊᖅᓴᕐᒥᑦ. ᑖᓐᓇ ᐱᓯᒪᑐᐃᓐᓇᓕᓚᐅᖅᑕᖓ, ᑕᐃᒪᓐᖓᓂᑦ ᑕᐃᑲᓃᖏᓐᓇᖅᑐᓂ.

ᒥᓗ ᐱᕕᖃᖅᓯᒪᖕᒥᔪᖅ ᐊᖏᒡᓕᒋᐊᕐᓗᒍ ᐊᓯᖏᓐᓄᑦ ᐃᖅᑲᓇᐃᔮᓄᑦ ᓲᕐᓗ ᑕᕐᕆᔭᓕᐊᓄᑦ ᐊᒻᒪ ᑎᑕᒃᑎᓄᑦ ᑕᕐᕆᔭᕐᕕᖕᒥ.

ᒥᓗ ᐱᓕᕆᑦᑎᐊᖅᓯᒪᒐᓗᐊᖅᑎᓪᓗᒍ ᐃᖅᑲᓇᐃᔮᒥᓂᒃ, ᐊᔪᕐᓇᓚᐅᙱᑦᑐᖅ ᐱᒋᐊᕐᓂᖓᓂ. ᐅᖃᕐᖢᓂ ᓲᖃᐃᒻᒪ ᒪᒃᑯᖕᓂᑯᒧᑦ, ᐊᔪᕐᓇᓚᐅᖅᑐᖅ ᐃᓯᒐᖓ ᐹᒧᐊᕋᓱᒃᓗᒍ.

"ᒪᒃᑯᒃᑐᖅ ᐊᒻᒪ ᐃᓯᒐᐃᑦ ᐹᒧᐊᕋᓱᒃᓗᒍ, ᐊᒥᓱᑦ ᐃᓄᐃᑦ ᐃᓱᒪᓲᖑᙱᒻᒪᑕ ᑭᓱᒥᒃ ᐅᖃᐅᓯᖃᕐᒪᖔᖅᐱᑦ," ᒥᓗ ᐅᖃᖅᐳᖅ.

"ᑭᓯᐊᓂ ᖃᐅᔨᒪᒍᕕᑦ ᖃᓄᐃᓕᐅᕐᒪᖔᖅᐱᑦ, ᐃᓄᐃᑦ ᐱᓗᐊᖃᑦᑕᙱᑦᑐᑦ... ᐱᓇᔭᖅᑐᑦ ᑭᓇᒥᑭᐊᖅ ᐊᖓᔪᒃᖠᐅᓂᖅᓴᒥᒃ ᐊᑐᕐᓂᑯᖃᕐᓂᖅᓴᐅᔪᒥᒃ ᓲᖃᐃᒻᒪ ᐃᔨᖏᑎᒍᑦ, ᐱᓕᒻᒪᒃᓴᐃᔪᒪᙱᒻᒪᑕ ᑭᓇᒥᑭᐊᖅ."

ᑭᓯᐊᓂ ᐅᖃᕐᖢᓂ ᐅᐸᒍᑎᑐᐊᕈᕕᑦ ᒪᑐᐃᖓᔪᒥᒃ ᐃᓱᒪᒥᒃ ᐃᓕᑦᑎᔪᒪᑦᑎᐊᕐᓗᓂᓗ, ᐃᓄᐃᑦ ᒪᑐᐃᖓᔪᓐᓇᖅᑐᑦ ᐃᓕᑦᑎᔪᓐᓇᕐᓂᐊᕋᕕᑦ ᐊᔪᙱᓐᓂᓕᒫᕐᓂᒃ.

ᑲᔪᓯᑦᑎᐊᓚᐅᖅᑎᓪᓗᒍᓗ ᒫᓐᓇᒧᑦ ᑎᑭᖦᖢᒍ, ᖃᓄᑐᐃᓐᓇᖅ ᐅᖃᐅᔾᔨᔪᓐᓇᕈᓂ ᒪᒃᑯᖕᓂᖅᓴᒥᓂᒃ "ᐃᓕᖕᓂᒃ ᑕᐅᑐᒍᓐᓃᕐᓗᓂ" ᐊᓯᖕᓄᑦ ᐅᒃᐱᕈᓱᙱᖦᖢᓂᓗ ᖃᓄᖅ ᐃᓄᐃᑦ ᐅᖃᕐᒪᖔᑕ ᐅᖃᕌᖓᕕᑦ "ᓈᒻᒪᙱᓗᐊᕋᕕᑦ."

"ᐅᓄᖅᑐᐊᓘᖕᒪᑕ ᐊᔾᔨᒌᙱᑦᑐᑦ ᐱᓕᕆᔾᔪᓯᑦ ᐊᒻᒪ ᖃᓄᐃᓕᐅᕈᓐᓇᕐᒪᖔᑕ ᐃᓛᓐᓂᒃᑯᑦ ᐅᒃᐱᕆᑐᐃᓐᓇᕆᐊᖃᖅᑕᑎᑦ," ᒥᓗ ᐅᖃᖅᐳᖅ.

ᒥᓗ ᐱᓕᕆᓯᒪᔪᒻᒪᕆᐅᕗᖅ ᐃᖅᑲᓇᐃᔮᒥᓂᒃ. ᐃᓕᓐᓂᐊᕌᓂᓵᖅᑎᓪᓗᒍ, ᐊᓐᓄᕌᓂᒃ ᑕᑯᒃᓴᐅᑎᑦᑎᓚᐅᖅᐳᖅ ᓄᓇᓕᖕᓂ ᐊᓐᓄᕋᔾᔨᐅᖅᑎᓂᒃ ᐊᒻᒪ 8-ᓂᒃ ᐊᓐᓄᕌᓕᐅᕆᐊᖃᓚᐅᖅᖢᓂ ᐊᒻᒪ ᓵᓚᒃᓴᖅᖢᓂ.

ᐊᓐᓄᕌᖃᓚᐅᖅᑐᖅ ᓅᑦ ᑉᓛᓂᔅ ᒥᕝᕕᖓᓂ ᐊᒻᒪᓗ ᐃᓚᖏᑦ ᐱᖁᑎᖏᑦ ᐃᓕᔭᐅᓪᓗᑎᒃ ᐅᐊᓂᐸᐃᒡ-ᒧᑦ ᐊᑭᖃᙱᑦᑐᒧᑦ ᑐᓴᒐᒃᓴᓄᑦ.

ᐊᒻᒪᓗ ᐅᕕᒃᑲᐅᔪᓄᑦ ᑕᖅᑳᓂ ᐃᓱᒪᔪᓄᑦ ᖃᓄᐃᓕᐅᕈᒪᔪᓄᑦ, ᒥᓗ ᐅᖃᖅᐸᒻᒪᑦ ᑭᓱᑐᐃᓐᓇᕐᒧᑦ ᐱᔪᒪᔭᕋᓗᐊᒥᓄᑦ.

"ᑕᐅᑐᒐᖃᕐᓂᖅᓴᐅᓂᐊᖅᑐᒃᓴᐅᕗᑎᑦ ᐱᐅᙱᑦᑐᒥᒃ, ᓲᕐᓗ ᐱᐅᙱᑦᑐᒥᒃ ᓴᖅᑭᑦᑐᖃᕈᓐᓇᕐᓂᖓᓄᑦ, ᑭᓯᐊᓂᑦᑕᐅᖅ ᐱᑕᖃᑐᐃᓐᓇᕆᐊᖃᕆᕗᖅ ᐊᒥᓱᓂᒃ ᐱᐅᔪᓂᒃ ᓴᖅᑭᓕᕈᓐᓇᖅᑐᓂᒃ," ᑕᐃᒪᓐᓇ ᒥᓗ ᐅᖃᖅᖢᓂ.

"ᐱᐅᓂᖅᓴᐅᔪᖅ ᐊᓂᑐᐃᓐᓇᕐᓗᓂ ᐆᒃᑐᑐᐃᓐᓇᕐᓗᒍᓗ ᑭᖑᒻᒧᑦ ᐃᓱᒪᙱᖔᕐᓗᖓᓗ, 'ᐆ, ᑕᐃᒪᐃᖁᓇᔭᖅᑕᕋ. ᑕᐃᒪᐃᒍᒪᒐᓗᐊᖅᑐᖓ. ᑕᐃᒪᐃᒍᒪᒐᓗᐊᖅᑐᖓ.' ᐊᐃᑦᑖᕈᓱᒍᒪᔪᖃᓐᖏᒻᒪᑦ, ᑕᐃᒪᓕ ᐊᓪᓗᕆᐊᑐᐃᓐᓇᕆᑦ, ᓇᓂᓯᓗᑎᑦ ᐃᓄᓐᓂᒃ ᐃᑲᔪᖅᑐᐃᓂᐊᖅᑐᓂᒃ ᐃᓱᒪᓕᐅᕈᑕᐅᔪᒥᒃ ᐊᒻᒪᓗ ᑲᔪᓯᑐᐃᓐᓇᕐᓗᑎᑦ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.