"ᑲᔪᓯᔪᒪᕗᖓ ᐅᔾᔨᕐᓇᖅᓯᑎᑦᑎᖃᑦᑕᐅᑎᓂᕐᒥᒃ, ᖁᕝᕙᖅᑎᖦᖢᒍ ᒪᒃᑯᒃᑑᓪᓗᑕ ᑖᒃᑯᓇᓂ ᐃᓅᓱᒃᑑᓪᓗᑕ, ᑕᐃᒪᐃᒃᑯᑎᒃ ᐋᖅᑭᒃᓯᔪᓐᓇᕐᓂᐊᕋᑦᑕ ᐱᐅᔪᓂᒃ ᑕᑯᔾᔪᑕᐅᔪᓐᓇᖅᑐᓂᒃ ᓯᕗᓂᒃᓴᒥ ᐃᓅᓛᖅᑐᓄᑦ," ᐊᒥᖅᑳᖃᑎᖃᖅᐳᖅ ᐆᒥᖓ, ᑏᓐᑐ ᑖᒪᔅ ᕼᐋᑦ, ᐃᓅᓚᐅᖅᓯᒪᓪᓗᓂ ᐱᕈᖅᓴᓪᓗᓂᓗ ᐅᐃᓂᐹᒡᒥ, ᒪᓂᑑᐸᒥ. urban-ᒥ ᐃᓚᒋᔭᐅᔪᖅ ᐱᒍᐃᔅ ᓄᓇᖃᖅᑳᖅᓯᒪᔪᓄᑦ, ᑐᑭᒧᐊᒃᑎᑦᑎᔨᒻᒪᕆᒃ ᐸᕙᓗ Hyde Creative-ᑯᓐᓄᑦ, Cree ᐊᒻᒪ Metis ᓇᖕᒥᓂᕆᔭᐅᔪᖅ ᖃᕋᓴᐅᔭᒃᑯᑦ ᐱᕙᓪᓕᐊᔪᓕᕆᔨᓄᑦ. 

ᕼᐋᑦ ᐱᕈᖅᓴᓚᐅᖅᓯᒪᕗᖅ ᐅᐊᓂᐸᐃᒡ ᐅᐊᖕᓇᖓᓂ, ᐊᓈᓇᒧᑦ ᐱᕈᖅᓴᓚᐅᖅᑐᖅ 60−ᓂᒃ ᓯᑰᑉ ᐃᓅᓂᑯᒥᒃ, ᐊᑖᑕᒋᔭᐅᓪᓗᓂᓗ ᑭᖑᕚᕇᓄᑦ ᐊᓂᒍᐃᓯᒪᔪᖅ ᐊᖓᔪᖅᑳᒥᓂᒃ ᖃᑕᙳᑎᒥᓂᒡᓗ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᓪᓗᓂ. ᐊᓈᓇᖓᑕ ᓴᓂᑦᑎᐊᖓᓂ ᑲᑎᙵᔪᓐᓃᖅᖢᓂ, ᖃᑕᙳᑎᖃᓚᐅᙱᑦᑐᑦ ᐅᑎᕆᐊᒃᓴᖅ ᐱᒍᐃᔅᒧᑦ ᐃᓅᓚᐅᖅᐳᑦ ᑭᖑᕚᕇᓄᑦ ᖃᑕᙳᑎᒋᔭᐅᓪᓗᑎᒃ ᓄᓇᓕᐸᐅᔭᕐᒥ. ᐊᑖᑕᖓ ᐃᓅᓯᖓᓃᓚᐅᖅᑐᖅ ᐊᓂᓪᓗᓂᓗ ᐃᓱᒪᒋᔪᓐᓇᐃᖅᑕᐅᓪᓗᓂ ᐃᓕᑦᑎᒃᑲᓐᓂᕋᒥ ᐊᑐᖅᓯᒪᔭᒥᓂᒃ. 

ᐱᕈᖅᓴᓪᓗᓂ ᒪᒃᑯᒃᖢᓂ ᓄᓇᖃᖅᑳᖅᓯᒪᔪᓄᑦ ᐊᕐᓇᐅᓪᓗᓂ ᐅᑭᐅᖅᑕᖅᑐᒥ ᐊᒃᓱᕈᕐᓇᖅᑐᒻᒪᕆᐅᓚᐅᖅᐳᖅ ᐊᒻᒪ ᓄᑕᕋᐅᓪᓗᓂ, ᐱᓕᕆᕈᓘᔭᖃᑦᑕᓚᐅᖅᐳᖅ ᓇᖕᒥᓂᖅ. ᐊᓈᓇᖓ ᐅᓐᓄᐊᒃᑯᑦ ᐃᖅᑲᓇᐃᔭᕐᖢᓂ, ᐊᑖᑕᖓ ᐊᒃᓱᕈᕐᖢᓂ ᐃᒥᐊᓗᖕᒧᑦ ᐋᓐᓂᖅᑎᕆᓂᖅᑕᖃᕐᖢᓂᓗ ᐊᖏᕐᕋᒥᓂᒃ. ᐃᓚᐅᖃᑕᐅᓕᕐᖢᓂ ᓄᓇᓕᖕᒥ ᐃᑲᔪᕐᖢᓂ ᐊᓂᓯᒪᑎᓪᓗᒍ ᐃᒡᓗᒥ. ᐃᓚᐅᓂᖅᓴᐅᓕᖅᑎᓪᓗᒍ, ᐃᓱᒪᓕᓚᐅᖅᑐᖅ ᖃᓄᐃᒻᒪᑦ ᑕᐃᒪᐃᓚᐅᕐᒪᖔᑕ ᖃᓄᐃᒻᒪᓪᓗ ᐃᓚᖏᑦ ᓄᑕᖅᑲᑦ ᑐᓗᖅᑕᕈᑎᖃᕐᓂᖅᓴᐅᖕᒪᖔᑕ ᐊᓯᖏᓐᓂᒃ. ᒫᓐᓇ ᐊᖓᔪᖅᑳᑦᑎᐊᕙᐅᓕᖅᑐᖅ, ᕼᐋᑦ ᓯᕗᓪᓕᐅᔾᔨᕗᖅ ᖃᓄᐃᙱᑦᑎᐊᖅᑐᓂᒃ ᖃᑕᙳᑎᖃᓕᕐᓂᕐᒥᒃ.

ᐃᓕᓐᓂᐊᖅᑎᐅᓪᓗᓂ, ᐊᖏᔪᕐᔪᐊᒧᑦ, ᐊᔾᔨᒌᙱᑦᑐᓄᑦ ᐃᖅᑲᓇᐃᔭᕆᐅᖅᓴᓂᕐᒧᑦ ᐃᓕᓐᓂᐊᕐᕕᖕᒧᐊᓚᐅᖅᑐᖅ ᓄᓇᓕᐸᐅᔭᕐᒥ ᐃᓕᓐᓂᐊᖃᑎᒋᖃᑦᑕᓚᐅᖅᑕᖓ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᓄᑕᖅᑲᓂᒃ. ᐊᕿᔭᖅᑎᖓᑕ ᑲᒪᔨᖓ ᑐᓂᓯᓚᐅᖅᐳᖅ ᓇᓗᓇᐃᒃᑯᑕᕐᒥᑦ ᐅᖃᖅᓯᒪᔪᒥᑦ "ᑭᓱᓕᒫᓂᑦ ᐱᖃᑕᐅᓪᓗᓂ". ᐱᙳᐊᕐᓂᖅ, ᑕᕐᕆᔭᕐᕕᖕᒦᑦᑐᖅ, ᐃᓕᓐᓂᐊᕐᖢᓂ ᐱᕙᓪᓕᐊᔪᓕᕆᓂᕐᒥᑦ ᑕᕐᕆᔮᒃᓴᓂᒡᓗ ᒫᓂᑑᐸᒥᑦ ᑕᕐᕆᔭᕐᕕᖕᒥ ᒪᒃᑯᒃᑐᓄᑦ ᐅᓪᓗᓄᑦ ᐱᖓᓱᓄᑦ ᐱᓇᓱᐊᕈᓯᕐᒥ, ᐅᐸᑲᑕᕈᓘᔭᖃᑦᑕᕐᖢᓂ. ᐃᒻᒥᒃᑰᕈᒪᓚᐅᖅᑐᖅ ᐆᒻᒪᕆᖕᓂᖓᓗ ᐱᐅᔪᒧᑦ ᐃᓅᓯᑦᑎᐊᕙᓕᐅᖁᓪᓗᒍ. 

"ᐱᕈᖅᓴᐃᓂᖅ ᓄᓇᖃᖅᑳᖅᓯᒪᔫᓗᓂ, ᑲᑎᑎᓪᓗᒋᑦ ᓄᑖᖑᖅᐸᓪᓕᐊᔪᑦ ᐊᒻᒪ ᐱᖅᑯᓯᖏᑦ, ᐃᓱᒪᑐᐃᓐᓇᓚᐅᖅᑐᖓ ᐱᐅᓇᔭᕐᓂᖓᓂᒃ ᑕᐅᑐᓪᓗᐊᑕᕐᓗᒍ ᖃᓄᕐᓗ ᑕᐃᒪᐃᒍᓐᓇᖅᐳᖓ. ᐃᓕᑦᑎᕙᓪᓕᐊᑐᐃᓐᓇᕐᓂᖅ ᓄᓇᖃᖅᑳᖅᓯᒪᓂᑰᓪᓗᖓ ᐱᔪᒃᓯᑎᑦᑎᓪᓚᕆᖕᒪᑦ ᑭᓱᓂᒡᓗ ᐱᓯᒪᖕᒪᖔᕐᒪ ᐃᓕᓐᓂᐊᕐᕕᖕᒥ ᐊᑐᖅᓯᒪᔭᓐᓂᒃ," ᐃᖅᑲᐅᒪᔪᖅ. 

ᐊᕐᕌᒎᓵᖅᑐᓂ, ᓇᓂᓯᓯᒪᔪᖅ ᐊᑐᒐᒃᓴᓂᒃ ᓴᖅᑭᑎᑦᑎᓂᕐᒥᒃ ᐱᐅᔪᓂᒃ ᖃᓄᐃᓕᖓᔾᔪᑎᓂᒃ ᐊᑐᕐᓂᑯᓂᒃᓗ, ᑲᒪᒋᓗᒋᑦ ᑭᒃᑯᓕᒫᑦ ᐃᒃᐱᒍᓱᑦᑎᐊᕐᓗᑎᒃ ᐃᓄᑦᑎᐊᕙᐅᓗᑎᒃᓗ, ᓴᖅᑭᑎᑦᑎᓪᓗᓂ ᐅᓄᖅᑐᓂᒃ ᓄᓇᓕᖕᓂ ᐃᑲᔪᕐᓂᕐᒥᒃ ᐃᖕᒥᓄᑦ. ᑕᐅᑐᓪᓗᐊᑕᕐᖢᓂ ᓄᓇᓕᖓᓂᒃ, ᖃᑕᙳᑎᖏᓐᓂ ᐋᖅᑭᒃᓯᑦᑎᐊᕐᓂᖅᓴᐅᓪᓗᓂᓗ ᐃᖕᒥᖕᓄᑦ, ᑕᐃᑲᙶᕐᖢᓂ ᑐᑭᓯᓂᕐᓂ ᐃᓄᐃᑦ ᐊᑐᕐᓂᑯᖏᓐᓂ ᐃᓄᖁᑎᖏᓐᓂ. 

ᐱᓕᕆᖃᑎᖃᖅᖢᓂ ᒪᒃᑯᒃᑐᓂᒃ ᐊᒻᒪᓗ ᐋᕿᒋᐊᕈᑎᖃᕐᓂᕐᒧᑦ-ᑐᙵᕕᓕᖕᒥᒃ ᐅᖃᖃᑎᖃᕐᓂᕐᒥᒃ ᖁᕕᐊᓱᒃᑎᑦᑎᓚᐅᖅᑐᖅ, ᐊᒻᒪᓗ ᓅᖦᖢᓂ ᑐᕌᓐᑐᒧᑦ ᐅᑭᐅᖃᖅᖢᓂ 21-ᓂᒃ ᐱᓕᕆᖃᑎᖃᕆᐊᖅᑐᖅᖢᓂ ᑲᓇᑕᒥ ᒪᒃᑯᒃᑐᓄᑦ ᑲᑐᔾᔨᖃᑎᒌᒥᒃ. ᐱᓕᕆᐊᖃᖃᑦᑕᓚᐅᖅᐳᖅ ᐸᕐᓇᐃᓪᓗᓂᓗ ᒪᒃᑯᒃᑐᓄᑦ ᑲᑎᒪᓂᖕᓂᑦ, ᐱᒋᐊᖅᐸᓪᓕᐊᓪᓗᓂ ᐱᓕᕆᓕᒪᓪᓗᓂ ᑲᔪᖏᖅᓴᐃᓪᓗᓂ ᒪᒃᑯᒃᑐᓂᑦ.

ᑭᖑᓂᐊᒍᑦ, ᐃᓕᑦᑎᒃᑲᓐᓂᕐᖢᓂ ᒐᕙᒪᓕᕆᓂᕐᒥᒃ ᒐᕙᒪᒥᒃᓗ, ᐅᖃᐅᑎᓪᓗᓂᐅᒃ ᒪᐃᔭ ᐅᐃᓂᐹᒡᒧᑦ ᐊᕐᕌᒍᓄᑦ 8−ᓄᑦ ᐃᖅᑲᓇᐃᔭᕐᖢᓂᓗ ᑕᒪᐃᓐᓄᑦ ᐱᖓᓱᓄᑦ ᖁᑦᑎᖕᓂᓕᕇᓄᑦ ᒐᕙᒪᓄᑦ ᐅᓄᖅᑐᓄᑦ ᓄᓇᓕᐸᐅᔭᕐᓄᑦ ᐊᑐᓕᖅᑎᑕᐅᔪᓄᑦ ᐱᖓᓲᓕᖓᔪᓄᑦ ᐱᓕᕆᐊᒃᓴᓄᑦ ᐃᑲᔪᖅᑎᒧᑦ. ᓄᖅᑲᕋᑖᓚᐅᖅᑐᖅ ᓂᕈᐊᖅᑕᐅᓯᒪᔪᒥᑦ ᒪᒃᑯᑦᑐᓄᑦ ᓯᕗᓕᖅᑎᐅᓂᕐᒧᑦ ᐃᖅᑲᓇᐃᔮᒥᑦ ᖃᓪᓗᓈᑦ ᓄᓇᖓᓐᓂᑦ ᐊᖏᔪᖅᑳᒻᒪᕆᒻᒥᑦ, ᐃᓕᓐᓂᐊᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᓂᖏᓐᓂᑦ. 

ᐱᓕᕆᐊᖃᖅᖢᓂ ᐊᐅᓚᑦᑎᕝᕕᖃᖅᐸᖕᓂᕐᒥᒃ, ᕼᐋᕐᑦ ᐃᓕᑦᑎᒃᑲᓐᓂᓚᐅᖅᐳᖅ ᓄᓇᖃᖅᑳᖅᑐᑦ ᓄᓇᓕᖏᓐᓂᒃ, ᐱᔭᕆᐊᖃᖅᑕᖏᓐᓂᒃ ᓯᕗᓪᓕᖅᐸᐅᑦᑎᐅᑎᓯᒪᔭᖏᓐᓂᒡᓗ. ᕿᓂᓚᐅᖅᑐᖅ ᐃᓄᓐᓂᒃ ᓲᕐᓗ ᓈᕼᐊᓂ ᕚᓐᑕᐃᓐ ᐊᒻᒪᓗ ᐴᓇᑕᑦ ᓯᒥᑦ. ᐊᑖᑕᖓ ᐃᖅᑲᓇᐃᔭᖅᑎᓪᓗᒍ ᒪᓕᒐᓕᐅᕐᕕᒻᒥ, ᐃᓕᒋᐊᖃᓕᓚᐅᖅᑐᖅ ᒐᕙᒪᒃᑯᑦ ᐃᖅᑲᓇᐃᔮᖏᑕ ᒥᒃᓵᓄᑦ ᐅᓪᓗᖓᓂ ᐊᒻᒪᓗ ᓇᖏᖅᑐᓂ ᓯᕗᓕᖅᑎᒧᑦ ᐃᖃᐃᓕᓴᖅᑐᓂ. 

"ᐃᓱᒪᒋᔭᕋᓕ ᑕᐃᒪᐃᑦᑐᖅ ᐊᐅᓚᑦᑎᓂᖅ ᑐᑭᖃᑦᑎᐊᕋᓱᒋᓪᓗᒍ, ᓲᖃᐃᒻᒪ ᐃᓄᖁᑎᑐᐊᕆᙱᓐᓇᑦᑎᒍᑦ, ᑭᒡᒐᖅᑐᐃᒐᑦᑕ ᑭᒃᑯᓕᒫᓂᑦ ᓄᓇᓕᑦᑎᓐᓂ ᐃᓄᖕᓂᓪᓗ ᓄᓇᖃᖃᑎᒋᔭᑦᑎᓐᓂ. ᐊᖏᖃᑎᒌᑦᓯᒪᓪᓗᖓ, ᑕᒪᓐᓇ ᐱᒻᒪᕆᐅᓱᒋᕙᕋ ᐅᐱᒋᓗᒋᑦ ᐊᔾᔨᒌᓐᖏᕈᓘᔭᖅᑐᑦ ᓄᓇᐃᑦ ᑲᑐᔾᔨᖃᑎᒋᔭᕗᑦ. ᖃᓄᖅ ᐱᓕᕆᖃᑎᒌᒃᐸᖕᒪᖔᑦᑕ, ᖃᓄᖅ ᓄᓇᓕᕗᑦ ᐱᓕᕆᖃᑎᒌᒃᑎᑦᑐᓐᓇᕐᒪᖔᑦᑎᒍᑦ, ᐱᒻᒪᕆᐅᓇᓱᒋᔭᕋ," ᐊᒃᑐᐊᓂᖃᖅᑐᖅ. 

ᐊᐅᓚᑦᑎᓂᕐᒥ, ᐃᓕᑦᑎᓪᓗᓂ ᓅᑕᒃᓴᐅᔪᓂᒃ ᐊᔪᙱᓐᓂᕐᓂ ᐃᑲᔪᕐᓂᐊᖅᑐᓂᒃ ᓇᖕᒥᓂᕆᔭᖓᓂ, ᐱᓗᐊᖅᑐᒥᒃ ᖁᓱᙱᓐᓂᕐᒥ ᐅᖃᓪᓚᖕᓂᕐᒥ. ᑕᒪᓐᓇ ᐅᐱᒍᓇᒻᒪᕆᓚᐅᖅᑐᖅ ᐃᓕᓐᓂᐊᕐᕕᐊᓗᒻᒥ ᐃᓕᓐᓂᐊᖅᑐᓂ. "ᐃᓕᑦᑎᓂᖅ ᖃᓄᖅ ᓂᐱᖕᓂᒃ ᐊᑐᕆᐊᒃᓴᖅ ᐅᖃᕐᓂᕐᓗ ᑭᓱᑐᐃᓐᓇᓂᒃ ᐆᒻᒪᑎᖕᓂ ᐱᔭᕆᐊᖃᕌᖓᑦ ᐅᖃᑐᐃᓐᓇᙱᓪᓗᓂᓗ, ᑕᒪᓐᓇ ᐱᒻᒪᕆᐊᓘᓇᓱᒋᔭᕋ, ᐱᓗᐊᖅᑐᒥᒃ ᓯᕗᓕᖅᓯᓂᕐᒥ ᑕᐅᑐᓪᓗᐊᑕᕆᐊᖃᖅᑕᑦᑎᓐᓂᒃ," ᐱᑎᑕᖓ.

 ᑭᖑᓪᓕᕐᒥ ᓄᖅᑲᓚᐅᖅᑐᖅ ᐱᓇᓱᐊᖅᖢᓂ ᐱᔪᒃᓯᑦᑎᐊᕐᓂᖓᓄᑦ ᐱᓕᕆᐊᖅ ᐃᓱᒪᑐᔫᓪᓗᓂ ᖁᕕᐊᓲᑎᖃᖅᖢᓂᓗ ᓄᓇᖃᖅᑳᖅᓯᒪᔪᑦ ᐊᔪᙱᑕᖏᓐᓂᒃ. "ᑲᑎᖅᓱᐃᓂᖅ ᑕᒪᐃᓐᓂᒃ ᓴᓇᙳᐊᖅᑕᐅᔪᓂᒃ ᐊᒻᒪ ᐱᓕᕆᔾᔪᑎᓂᒃ ᐊᒻᒪ ᐃᓚᓕᐅᔾᔨᓂᕐᒥᒃ ᐃᓄᖁᑎᑦᑎᓐᓂᒃ, ᑕᒪᓐᓇ ᑕᐃᒪᐃᑐᐃᓐᓇᖅᐳᖅ. ᑕᒪᓐᓇ ᐊᖅᑯᑎᒋᓯᒪᓕᖅᑕᕋ, ᖁᕕᐊᒋᑦᑎᐊᖅᖢᒍᓗ," ᐊᓕᐊᓇᖅᐳᖅ.

ᐊᑕᐅᑦᑎᒃᑯᑦ ᕼᐋᕐᑦ ᐱᓕᕆᖃᑎᖏᓪᓗ ᐋᖅᑭᒃᓱᐃᕙᓪᓕᐊᕗᑦ ᓇᖕᒥᓂᕆᔭᒥᓂᒃ ᐃᓕᑦᑎᕙᓪᓕᐊᓪᓗᑎᒡᓗ ᐅᖃᐅᓯᕐᒥᓂᒃ ᓴᓂᓕᕇᒃᖢᑎᒃ, ᐱᓕᕆᐊᖃᖅᖢᑎᒃ ᑎᑎᕋᐅᔭᖅᓯᒪᔪᓂᒃ ᑕᐅᑦᑐᒃᓴᖓᓄᑦ ᐱᓕᕆᐊᖑᔪᓂᒃ ᖃᐅᔨᓴᖅᓯᓂᕐᒥᒡᓗ ᓇᖕᒥᓂᕆᔭᐅᔪᓄᑦ ᑐᓐᓂᖅᑯᑕᐅᑐᐃᓐᓇᖅᐸᒃᑐᓂᒃ ᐊᖏᒡᓕᒋᐊᖅᑎᑦᑎᔪᒪᓪᓗᑎᒃ ᐱᕕᒃᓴᓂᒃ ᓄᓇᖃᖅᑳᖅᑐᓄᑦ ᓇᖕᒥᓂᕆᔭᐅᓂᖏᓐᓄᑦ. ᐃᓚᓕᐅᔾᔨᓂᐊᕐᒪᑕ ᐱᓇᓱᐊᕈᓐᓇᖁᓪᓗᒋᑦ ᓇᒻᒥᓂᖁᑎᖃᖅᑐᓄᑦ ᐊᑐᖅᑐᐊᕋᔅᓴᓂᒃ ᐊᒻᒪ ᑐᓂᕐᕈᑎᓂᒃ ᓂᕆᐅᓪᓗᑎᒃ ᓄᓇᖃᖅᑳᖅᓯᒪᔪᓄᑦ ᓇᒻᒥᓂᕆᔭᐅᓗᑎᒃ ᐊᒻᒪ ᓴᖅᑮᕕᐅᓗᑎᒃ, ᑕᕐᕆᔮᔅᓴᓕᐅᕐᓗᑎᒃ ᐊᒻᒪ ᑐᑦᑕᕐᕕᐅᓗᑎᒃ ᐱᕙᓪᓕᐊᔪᓕᕆᔨᓄᑦ ᑯᕇ ᐊᒻᒪ ᐊᓪᓚᓄᑦ ᐊᐅᓚᑕᐅᓪᓗᑎᒃ ᐃᓄᐃᑦ ᐃᓕᕝᕕᒋᔪᓐᓇᖅᑕᖏᓐᓂᑦ. "ᐃᓱᒪᒋᔭᕋ ᐱᓕᕆᐊᒃᓴᓕᕆᓂᖅ ᐱᒻᒪᕆᐅᓇᓱᒋᓪᓗᒍ. ᐃᓱᒪᒋᒻᒥᔭᕋᑦᑕᐅᖅ ᐃᓚᑎᑦ ᒪᑭᒪᑎᒋᐊᖃᕆᐊᖏᑦ ᐱᒻᒪᕆᐅᒋᐊᖓ. ᖃᐅᔨᔪᒪᕗᖓ ᖃᓄᖅ ᐱᔨᑦᑎᕋᕈᓐᓇᕐᒪᖔᕐᒪ ᓄᓇᑦᑎᓐᓂᒃ ᑕᒪᕐᒥᒡᓗ ᐱᓕᕆᓗᖓ," ᐅᖃᑦᑎᐊᙱᖦᖢᓂ. 

ᐅᓂᒃᑳᖅᑎᓪᓗᒍ, ᕼᐋᑦ ᓂᕆᐅᒃᐳᖅ ᐱᔪᒃᓯᑎᑦᑎᔪᒪᓪᓗᓂ ᓄᓇᖃᖅᑳᖅᓯᒪᔪᓂᒃ ᒪᒃᑯᒃᑐᓂᒃ ᐱᔪᒃᓯᑦᑎᐊᓚᐅᖅᑎᓪᓗᒋᑦ ᐱᓇᔪᒃᐸᒃᖢᑎᒡᓗ ᐅᓄᖅᑐᓂᒃ ᐱᕕᒃᓴᐅᔪᓐᓇᖅᑐᓂᒃ ᒪᒃᑯᒃᑐᓄᑦ ᐅᓪᓗᒥ. "ᐅᓄᖅᑐᒻᒪᕆᐊᓗᖕᓂᒃ ᐊᔾᔨᒌᙱᑦᑐᓂᒃ ᐃᖅᑲᓇᐃᔮᒃᓴᖅᑕᖃᖅᐳᖅ ᖃᐅᔨᓇᓱᒐᒃᓴᓂᒃ, ᐅᓄᖅᑐᓂᒃ ᐊᔾᔨᒌᙱᑦᑐᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᓕᓐᓂᐊᕐᓂᕐᒧᑦ, ᐊᔪᕐᓇᙱᑦᑎᐊᖅᑐᓂᒃ ᐊᒻᒪ ᐃᑲᔪᖅᑐᐃᔾᔪᑎᓂᒃ ᐊᑐᕈᓐᓇᖅᑕᑦᑎᓐᓂᒃ ᑭᖑᕚᑦᑎᓐᓄᑦ ᒫᓐᓇ," ᐅᖃᑦᑎᐊᓕᖅᑐᖅ. 

ᒪᒃᑯᒃᑐᓄᑦ ᓯᕗᓕᖅᑎᐅᓚᐅᖅᖢᓂ ᒐᕙᒪᓕᕆᓚᐅᖅᖢᓂᓗ, ᐊᔪᕈᓐᓃᖅᑎᖦᖢᓂᒋᑦ ᓇᖕᒥᓂᖃᕐᓂᕐᒥᒃ ᐊᒻᒪ ᐊᓈᓇᐅᓪᓗᓂ. ᐃᓚᐅᖃᑕᐅᓗᐊᕐᓂᖅ ᑭᓱᓕᒫᓂᒃ ᐃᑲᔪᕐᖢᓂ ᕿᓄᐃᓵᕐᓂᕐᒥᒃ ᒪᒃᑯᒃᑐᖑᓂᕐᒧᑦ ᒫᓐᓇᓗ ᐃᓐᓇᕈᖅᐸᓪᓕᐊᓕᕐᖢᓂ. ᐅᔾᔨᕐᓇᖅᓯᑎᑦᑎᓂᖅ ᖁᕝᕙᖅᑎᑦᑎᓂᕐᓗ ᐊᓯᖏᓐᓂᒃ ᓄᓇᖃᖅᑳᖅᑐᓂᒃ ᒪᒃᑯᒃᑐᓂᒃ ᖃᓄᖅ ᑖᓐᓇ ᑕᐃᓐᑐ ᕼᐋᕐᑦ ᕿᓂᖅᐸᖕᒪᖔᑦ ᐱᐅᔪᓂᒃ ᑕᑯᔾᔪᑕᐅᔪᓐᓇᖅᑐᓂᒃ ᓯᕗᓂᒃᓴᒥ ᐃᓅᓛᖅᑐᓄᑦ ᐱᓕᕆᔪᒻᒪᕆᐊᓘᑎᓪᓗᒍ ᓇᖕᒥᓂᖅ ᐱᕈᖅᓴᐃᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.