ᐆᕇᓐ ᐊᐱᕆᕗ, ᖃᐅᔨᒪᔭᐅᖕᒥᔪᖅ ᑎᔭᐃ ᐆ, DJ−ᖑᓪᓗᓂ ᐊᒻᒪ ᐅᖃᖅᑎᐅᓪᓗᓂ. Afro-ᑲᓇᑕᒥᐅᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ ᓄᓇᖃᖅᑳᖅᑐᓄᑦ, ᐊᒻᒪ Squamish Nations-ᒥᙶᖅᑐᖅ, ᓂᕈᐊᖅᑕᐅᓯᒪᓪᓗᓂ ᐃᓚᒋᔭᐅᖕᒥᔪᖅ ᐊᒻᒪ ᐅᖃᖅᑎᐅᓪᓗᓂ Squamish Nation Council &.ᒃᑯᑦ ᐊᖓᔪᖅᑳᖓᓐᓄᑦ.

ᑐᓴᕐᓈᕐᓂᖅ ᐊᒻᒪ ᐱᙳᐊᕐᓂᖅ ᐃᓚᒋᔭᐅᖃᑦᑕᖅᓯᒪᕗᖅ ᐃᓅᓯᖓᓄᑦ ᒪᒃᑯᒃᓯᓕᓚᐅᖅᑎᓪᓗᒍ ᑲᑎᖅᓱᐃᑎᓪᓗᒍ ᕿᓪᓕᖅᑐᓂᒃ ᐱᖃᓐᓇᕆᔭᖏᓐᓄᑦ ᐊᒻᒪ ᓇᖕᒥᓂᖅ ᓂᐱᒥᓂᒃ ᐃᓚᓯᓪᓗᓂ ᐊᒻᒪ ᐃᓱᒪᖅᓱᕐᓇᙱᖦᖢᓂ. ᑕᒪᒃᑯᓂᖓ ᐱᓕᕆᐊᒃᑯᒥᒋᔭᖏᓐᓂᒃ ᐋᖅᑭᒃᓱᐃᓚᐅᖅᐳᖅ ᐃᖅᑲᓇᐃᔮᒥᓄᑦ, ᓈᓚᐅᑎᒃᑯᑦ ᐃᓕᓐᓂᐊᖃᑕᐅᓪᓗᓂ ᐳᕆᑎᔅ ᑲᓚᒻᐱᐊᒥ ᓄᑖᙳᖅᐸᓪᓕᐊᔪᓄᑦ, ᐊᒻᒪᐃᓛᒃ ᐃᓕᓐᓂᐊᕈᓐᓇᖅᓯᓪᓗᓂ ᐃᓕᓐᓂᐊᖅᑕᓕᒫᒥᓂᒃ ᐱᐊᑦ 94.5-ᒥ ᐊᒻᒪ ᐱᓕᕆᓪᓗᓂ ᓄᒃᑕᕈᓐᓇᖅᑐᓄᑦ DJ ᑲᒻᐸᓂᐅᔪᓄᑦ ᕚᓐᑰᕙᒥ.

ᑭᓯᐊᓂ ᐃᓕᓐᓂᐊᓚᐅᖅᑎᓪᓗᒍ ᐃᓗᐊᓂ ᐊᒻᒪᓗ ᐊᓂᕙᓪᓕᐊᓂᖓᓄᑦ ᓇᒻᒥᓂᖃᕐᓂᐅᑉ, ᖃᐅᔨᒪᓚᐅᖅᑐᖅ ᓇᒻᒥᓂᖅ ᐱᓕᕆᒍᒪᓂᕐᒥᓂᒃ ᓂᔾᔭᐅᓯᔭᕐᓂᕐᒧᑦ. ᑭᓯᐊᓂ ᓯᕗᓪᓕᕐᒥ, ᐊᓂᒍᐃᔭᕆᐊᖃᓚᐅᖅᑐᖅ ᓇᖕᒥᓂᖅ ᑲᑉᐱᐊᒋᔭᒥᖕᓂᒃ. "ᓇᖕᒥᓂᖃᖅᑎᓄᑦ ᑲᒪᔨᖃᖅᑐᖓ, ᐃᓚᖏᑦ ᐊᕐᓇᐃᑦ ᐊᒻᒪ ᐃᓚᖏᑦ ᓄᓇᖃᖅᑳᖅᓯᒪᔪᑦ ᐊᒻᒪ ᐃᒪᐃᑦᑐᑦ, 'ᓯᕗᓪᓕᖅᐹᒥ ᐃᓕᓐᓂᐊᕐᕕᑦᑎᓐᓄᐊᕆᐅᕋᕕᑦ, ᑖᓐᓇ ᐊᕐᓇᑯᓗᒃ ᐅᖃᐅᑎᓚᐅᕋᕕᐅᒃ ᐃᓱᒪᒋᔭᐃᑦ.' ᐊᒻᒪᓗ ᐅᖃᐅᔾᔭᐅᓪᓗᖓ ᐱᔪᓐᓇᑎᐊᕐᓂᕋᖅᑕᐅᓪᓗᓂ, ᑭᓯᐊᓂᓕ ᑲᖑᓱᒻᒪᕆᓚᐅᖅᑐᖓ ᐊᒻᒪᓗ ᓱᓕ ᑯᒃᓴᓱᓕᓚᐅᖅᑐᖓ. ᑭᓯᐊᓂ ᖃᐅᔨᒪᕕᑦ ᑭᓱ? ᑕᐃᒪᐃᓕᐅᕈᒪᒍᕕᑦ, ᑕᑉᐸᐅᙵᕆᐊᖃᖅᑐᑎᑦ ᑕᐃᒪᐃᓕᐅᕐᓗᑎᓪᓗ."

ᐃᑲᔪᖅᑕᐅᓂᖓ ᐱᒻᒪᕆᐅᓚᐅᖅᑐᖅ ᐱᒋᐊᕐᓂᕐᒧᑦ ᐃᑲᔪᓚᐅᖅᑐᖅ ᐊᓂᒍᐃᓂᕐᒧᑦ ᓇᓗᓈᕿᓂᖓᓄᑦ. "ᓇᖕᒥᓂᖅ ᐱᐅᙱᓛᖑᔪᒍᑦ... DJ-ᒨᖅᓯᒪᕗᖓ, ᓈᓚᐅᑎᖃᕐᕕᓕᐊᖅᓯᒪᕗᖓ. ᐅᐸᓗᖓᐃᖅᓯᒪᒐᓗᐊᖅᑐᖓ ᑕᒪᑐᒧᖓ, ᑭᓯᐊᓂ ᑕᑉᐹᓃᒃᑯᕕᑦ, ᐃᒻᒥᓂᒃ ᓇᓗᓕᕋᕕᑦ. ᑕᒪᓐᓇ ᓇᒻᒥᓂᖅ ᓇᓗᓈᕿᒻᒪᑦ, ᑭᓯᐊᓂᓕ ᑕᐃᒃᑯᐊ ᐃᓄᐃᑦ ᐃᓕᓐᓂᒃ ᑲᔪᖏᕐᓴᐃᔪᑦ ᐊᒻᒪᓗ ᐅᖃᐅᑎᓗᒋᑦ ᑕᐃᒪᐃᒍᓐᓇᕐᓂᕋᕐᓗᑎᒃ. ᐱᔭᕆᐊᖃᑐᐃᓐᓇᖅᑕᐃᑦ ᑖᓐᓇ ᐃᓄᒃ... ᐊᑕᐅᓯᑐᐊᖅ ᐃᓄᒃ ᐃᓕᓐᓄᑦ ᐅᖃᕐᓗᓂ ᐊᒻᒪᓗ ᐊᑐᕐᓂᖃᕈᓐᓇᖅᑐᓂ. ᐊᐅᓚᓂᖃᑦᑎᐊᖅᑐᖅ."

ᑎᔭᐃ ᐆ ᑕᑯᒃᓴᐅᑎᑦᑎᓂᖓ ᐃᑲᔪᖅᑕᐅᔪᓐᓇᓚᐅᕐᒥᔪᖅ ᓄᓇᒥᓂᒃ. "ᐱᔪᓐᓇᓚᐅᕋᒪ ᓇᖕᒥᓂᖃᖕᓂᖕᒧᑦ ᐃᑲᔫᓯᐊᓂᑦ Squamish Nation−ᑯᓐᓂᑦ. ᑐᓂᓯᓚᐅᕋᒪ ᐱᓕᕆᓂᕐᒧᑦ ᐸᕐᓇᒍᑎᒥᒃ ᐊᒻᒪᓗ ᐱᓚᐅᖅᑐᖓ ᑮᓇᐅᔭᓂᒃ ᓂᐅᕕᕐᓂᐊᕐᓗᖓ DJ-ᒥᒃ. ᓛᑭᓕ ᑎᔭᖕ ᓂᒪᒍᓐᓇᕐᒪᑦ, ᑕᐃᒪᓕ ᒪᒃᐳᒃ ᐊᒻᒪᓗ ᓴᖑᔾᔪᑎᒃᑲ, ᐊᓂᓚᐅᕐᓚᕗᑦ ᓯᓚᕐᔪᐊᒥ. ᐊᒻᒪᓗ ᐅᕙᖓ ᑏᔭᐃ ᓇᓪᓕᐅᑎᔪᑦ, ᑲᑎᑎᑕᐅᔪᑦ, ᑲᑎᑦᑕᖅᑐᑦ ᐅᓐᓄᒃᑯᑦ, ᐃᓅᓱᒃᑐᐃᑦ ᑲᑎᒪᓂᖃᑦᑎᓪᓗᒋᑦ, ᓇᒥᑐᐃᓐᓇᖅ ᐱᔭᕆᐊᖃᑦᑎᓪᓗᒋᑦ DJ-ᒥᒃ."

ᐃᖅᑲᓇᐃᔮᖓᑦ DJ−ᑯᓐᓄᑦ ᐃᑲᔪᖅᓯᒪᖕᒥᔪᖅ ᐃᓱᒪᒋᔭᖏᓐᓂᑦ ᐊᒃᑐᐊᖃᑎᖃᕐᖢᓂᓗ ᐊᓯᔾᔨᖅᐸᓪᓕᐊᔪᓂᑦ ᓄᓇᖃᖅᑳᖅᓯᒪᔪᓂᑦ ᑲᓇᑕᒥᑦ. "ᖁᕕᐊᒋᑦᑎᐊᖅᑰᖅᑕᕋ ᐅᔪᕈᒐ ᓲᖃᐃᒻᒪ ᓄᓇᖃᖅᑳᖅᑐᑐᐊᖑᒐᒪ ᐊᕐᓇᐅᓪᓗᖓ DJs ᕚᓐᑰᕙᒥ. ᐱᓕᕆᐊᒃᓴᖃᖅᑐᖓ," ᐅᖃᖅᑐᖅ. "[ᓄᓇᖃᖅᑳᖅᓯᒪᔪᑦ ᖃᓄᐃᓕᐅᕐᓂᖏᑦ] ᐊᔾᔨᐅᙱᑦᑑᕗᑦ ᐱᒻᒪᕆᐅᓪᓗᑎᒡᓗ. ᐅᖃᐅᓯᕆᖃᑦᑕᖅᑕᕗᑦ 'ᐋᕿᒋᐊᕈᑎᖃᕐᓂᖅ', ᑭᓯᐊᓂ ᑕᑯᓯᒪᕙᕋ ᐊᓯᔾᔨᕐᓂᖓ ᕚᓐᑰᕗᒥ. ᐃᕐᖐᓐᓈᖅᑕᐅᒃᑯᑦ ᑎᑎᖅᑲᐅᓯᐊᕗᑦ ᐅᑎᕐᑎᑕᐅᓲᑦ ᓲᖃᐃᒻᒪ ᐃᓄᐃᑦ ᑕᐅᕗᙵᖁᔨᖕᒪᑕ ᓄᓇᕘᒥ ᐃᓕᑕᖅᓯᖁᔨᓪᓗᑎᒃ ᐅᕝᕙᓘᓐᓃᑦ ᐃᓕᑕᖅᓯᔪᒪᖕᒪᑕ ᐅᕙᑦᑎᓐᓂ,.. ᑕᑯᓚᐅᕐᓯᒪᙱᑦᑐᖓ, 10 ᐊᕐᕌᒍᐃᑦ ᐊᓂᒍᓕᖅᑐᑦ. ᐊᓯᔾᔨᕐᔪᐊᖅᑐᖅ."

ᐊᒻᒪᓗ ᓯᕗᕌᓃᖦᖢᑎᒃ ᓈᓚᒋᐊᖅᑐᖅᓯᒪᔪᑦ ᑐᕌᖅᑎᑦᑎᓯᒪᕗᑦ DJ O-ᒥᒃ ᑕᑯᒃᓴᐅᑎᑦᑎᓪᓗᑎᒃ ᐊᓯᖏᓐᓄᑦ ᓇᖕᒥᓂᖃᕐᓂᕐᒧᑦ ᐱᕕᒃᓴᐅᔪᓐᓇᖅᑐᓄᑦᑕᐅᖅ. "DJing-ᒥ ᐱᒋᐊᓕᖅᑎᓪᓗᖓ, ᐅᖃᓪᓚᖃᑦᑕᓕᓚᐅᖅᑐᖓ ᐊᒻᒪ ᐱᔪᒃᓯᓕᖅᖢᖓ ᐅᖃᓪᓚᓕᖅᖢᖓ ᒫᓐᓇ, ᐅᓂᒃᑳᓚᐅᕋᒪ ᓇᖕᒥᓂᖃᓕᓵᖅᑎᓪᓗᖓ. ᐃᓪᓗ ᐃᑭᑦᑎᓪᓗᒍ ᐃᓚᐅᓚᐅᕋᒪ ᐊᒻᒪᓗ ᓄᖑᕈᑎᕋᑖᑦᑎᐊᕋᒪ DJ-ᒧᑦ ᐊᓐᓄᕌᒃᑲ. ᑕᒪᓐᓇ ᐅᓂᒃᑳᕈᑎᒋᓕᓚᐅᕋᒃᑯ ᐊᒻᒪᓗ ᑕᑯᓚᐅᖅᑐᖓ ᐊᑦᑐᐃᓂᖏᓐᓂᒃ ᐃᓄᐃᑦ ᑐᓵᔪᑦ. ᐃᒪᐃᓕᓚᐅᖅᑐᖓ, 'ᑎᔾᔪ, ᒥᑕᕐᓂᖅ, ᒥᑕᕐᓂᖅ, ᓇᒻᒥᓂᖃᖅᑎᐅᔪᖅ ᓯᕙᓂᖅᑎᑕᐅᓚᐅᖅᑐᖅ'. ᐱᔭᕆᐊᑭᑦᑐᑯᓘᒻᒪᑦ ᐊᒻᒪᓗ ᐅᓂᒃᑳᖃᑦᑐᐃᓐᓇᐅᓪᓗᑕ. ᐅᓂᒃᑳᒃᓴᖃᖅᑐᐃᓐᓇᐅᔪᒍᑦ. ᑕᒪᓐᓇ ᐅᑉᐱᕆᑦᑎᐊᖅᑕᕋ."

ᐃᓚᐅᖃᑕᐅᓯᒪᒻᒥᔪᖅ ᓄᓇᓕᓐᓂ ᒐᕙᒪᓕᕆᓂᕐᒥᒃ Squamish Nation Council-ᑯᓐᓄᑦ. "ᓂᕈᐊᖅᑕᐅᓚᐅᖅᑐᖓ ᑎᓯᐱᕆ 2017−ᒥ ᓂᕆᐅᓗᐊᓚᐅᙱᑦᑐᖓᓗ ᐃᓯᕆᐊᒃᓴᖅ, ᑭᓯᐊᓂ ᐃᓐᓇᑐᖃᖅ ᓂᕈᐊᒐᒃᓴᙳᖅᑎᖦᖢᓂᖓ. ᐅᖃᖅᑲᐅᔪᖓ, 'ᖃᐅᔨᒪᕗᑎᑦ, ᐆᑦᑐᕐᓂᐊᖅᑯᖓ ᐊᒻᒪᓗ ᖃᐅᔨᓇᓱᐊᕐᓗᖓ ᖃᓄᐃᓕᓂᐊᕐᒪᖔᖅ'. ᐃᓕᑦᑎᕙᓪᓕᐊᓂᑦᑎᐊᕙᐅᓪᓗᓂᓗ."

"ᐱᓕᕆᐊᖃᕐᔪᐊᖅᓯᒪᕗᒍᑦ ᐅᐱᒍᓱᒃᖢᑕᑦᑕᐅᖅ ᓲᖃᐃᒻᒪ ᒪᕐᕈᐃᓕᖓᓕᖅᑎᓪᓗᖓ, ᐊᒻᒪ ᐅᐱᒋᔭᒻᒪᕆᒋᕙᒃᑲ ᑲᑎᒪᔨᕗᑦ ᐱᓱᒡᕕᖃᕋᑦᑕ ᓄᓇᑦᑎᓐᓂ. ᓯᕗᓪᓕᖅᐸᐅᖃᑕᐅᓚᐅᖅᑐᒍᑦ ᓄᓇᖅᐸᓯᒃᑐᒥ ᑕᐃᒪᐃᓕᐅᖅᑐᑕ, ᐊᒻᒪᓗ ᓇᓪᓕᒋᓪᓗᒍ. ᖃᐅᑕᒫᑦ ᐊᖁᑉᐸᒃᑲᒪ ᐊᒻᒪᓗ ᐊᐅᒪᖃᖅᑐᖓ ᓯᕿᓐᓂᖅᑎᓪᓗᒍ. ᖁᕕᐊᓱᒍᑎᒋᑐᐃᓐᓇᖅᑕᕋ. ᑐᓴᖅᑎᑕᐅᖃᑦᑕᖅᖢᖓᓗ ᓄᓇᓕᖕᓂᙶᖅᑐᓂᒃ, ᓄᑕᖅᑲᑦ ᓇᒡᓕᒋᑐᐃᓐᓇᖅᐸᖏᑦ."

ᓄᓇᓕᓐᓂ ᒐᕙᒪᓕᕆᓂᖅ ᐊᒻᒪᓗ ᒐᕙᒪᓕᕆᓂᖅ ᐱᒻᒪᕆᐅᓯᒪᕗᖅ. "ᐃᓕᓐᓂᐊᖃᑦᑕᖅᓯᒪᓂᑰᓂᖅ ᐊᐅᓚᑦᑎᕝᕕᖃᕐᓂᕐᒥᒃ ᐱᓕᕆᖃᑎᖃᕐᓂᕐᒥᒡᓗ ᐊᓯᖏᓐᓂᒃ ᕼᐋᒻᓚᒋᔭᐅᔪᓂᒃ, ᐃᓕᑦᑎᕙᓪᓕᐊᓂᕐᓗ ᖃᓄᖅ ᑕᒪᓐᓇ ᐊᑐᖅᑕᐅᕙᒃᑐᖅ ᐱᓕᕆᐊᖑᕙᖕᒪᖔᑦ. ᐃᑉᐸᒃᓵᓂᐅᓚᐅᖅᑐᖅ ᐃᓅᖃᑎᓐᓂᒃ ᖃᓂᒃᓴᓗᐊᖅᑕᐃᓕᒪᓂᕐᒧᑦ ᐃᒐᓯᒪᓚᐅᕋᒪ ᐊᒻᒪᓗ ᐃᓪᓗᐊᕐᔪᒃᑲ ᐅᖃᐅᓯᕆᓪᓗᒋᑦ ᐃᓚᖏᓐᓂᒃ. ᐊᒻᒪᓗ ᐃᒪᐃᓚᐅᖅᑐᑦ, 'ᖃᐅᔨᒪᓚᐅᖏᑦᑐᒍᑦ ᑕᒪᑐᒥᖓ.' ᑕᐃᒪᐃᒻᒪᑦ ᑐᓴᖅᑎᑦᑎᔾᔪᑎᕗᑦ ᐱᐅᓯᒃᑲᓐᓂᕆᐊᖃᕐᒪᑦ ᐃᓄᓐᓄᑦ ᖃᐅᔨᒪᓂᖅᓴᐅᓂᐊᕐᒪᑕ ᖃᓄᐃᓕᐅᖅᑐᖃᓕᕐᒪᖔᖅ, ᑭᓯᐊᓂ ᖃᐅᔨᒪᑐᐃᓐᓇᕐᓗᑕ ᐊᑐᖅᑕᐅᕙᑦᑐᒥᒃ. ᐃᓕᑦᑎᔾᔪᑕᐅᓯᒪᔪᖅ ᓇᓗᓇᙱᑦᑐᖅ."

"ᖃᐅᔨᒪᓗᐊᙱᑦᑐᖓ ᓂᕈᐊᒐᒃᓴᐅᒃᑲᓐᓂᕐᓂᐊᕐᒪᖔᕐᒪ, ᑭᓯᐊᓂ ᖃᐅᔨᑦᑎᐊᕐᓇᕐᒪᑦ ᐃᓕᑉᐸᓪᓕᐊᓪᓗᖓᓗ ᓄᓇᓕᖕᓃᓐᓂᖅᓴᐅᓕᖅᖢᖓᓗ. ᐱᐅᒋᔭᕋᓗ ᓱᓕ DJ-ᒧᑦ ᑎᑭᖃᑦᑕᕐᒥᒐᒪ."

ᐊᒻᒪᓗ ᓄᓇᓕᖓᓃᓪᓗᓂ ᐱᒻᒪᕆᐅᕗᖅ ᑏᔭᐃ ᐆ-ᒧᑦ, ᐱᓗᐊᖅᑐᒥᒃ ᑕᐃᒃᑯᐊ ᕿᓂᖅᑐᑦ ᐊᖏᓂᖅᓴᒥᒃ ᓄᓇᕐᔪᐊᕐᒥ ᑕᐃᒪᐃᓚᐅᕐᒪᑦ. "ᖃᐅᔨᒪᔪᖓ ᑭᓱᒥ ᐊᖏᑎᒋᖕᒪᖔᑦ ᓲᖃᐃᒻᒪ BCIT-ᒧᐊᕋᒪ, ᑕᐃᒪᓐᓇ ᐃᓕᓐᓂᐊᖅᑎᑦᑎᓚᐅᖅᐳᑦ, ᑕᐅᕗᙵᕆᐊᖃᕋᕕᑦ ᓄᓇᕐᔪᐊᕐᒧᑦ ᐊᖅᑯᑎᑦ ᓇᓗᓇᐃᒃᑯᑕᖅᑖᖅᑎᓪᓗᒍ ᐅᑎᕐᓗᓂᓗ. ᑭᓯᐊᓂ ᐅᕙᓐᓄᑦ, ᑕᐃᑲᓃᑐᐃᓐᓇᓚᐅᖅᑐᖓ ᐅᖃᕐᖢᖓᓗ, 'ᖃᐅᔨᒪᔪᑎᑦ ᑭᓱ, ᐃᖅᑲᓇᐃᔭᕈᒪᔪᖓ ᓄᓇᓕᖕᒥ ᓲᖃᐃᒻᒪ ᐱᔭᕆᐊᖃᖅᑰᔨᖕᒪᑕ ᐅᕙᓐᓂᒃ.'"

ᑎᔭᐃ ᐅᓛ ᓴᖅᑭᔮᖅᑎᑦᑎᓂᖓ ᐃᑲᔪᖅᓱᐃᖏᓐᓇᖅᐳᖅ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᒪᒃᑯᒃᑐᓂᒃ. "BCIT−ᒧᐊᓲᖑᕗᖓ ᐃᓛᓐᓂᒃᑯᑦ ᐅᖃᓪᓚᒋᐊᖅᑐᖅᖢᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᓄᑦ ᑕᐃᑲᓂ ᐅᕝᕙᓘᓐᓃᑦ ᐅᖃᓪᓚᖃᑎᒋᓪᓗᒋᑦ ᓈᓚᐅᑎᒃᑯᑦ ᐃᓕᓐᓂᐊᖅᑎᑦ ᓯᕗᓪᓕᖅᐹᒥ ᐊᕐᕌᒍᒥ ᐱᒋᐊᓵᖅᑐᓂᒃ ᐅᕝᕙᓘᓐᓃᑦ ᐊᐃᑉᐸᖓᓂ ᐊᕐᕌᒍᒥ ᐅᖃᐅᑎᓗᒋᓪᓗ ᖃᓄᐃᓕᐅᓕᕐᒪᖔᕐᒪ ᒫᓐᓇ. ᐃᓕᓐᓂᐊᕐᕕᖕᒥ ᒥᑕᐅᑎᒃᓴᖃᖅᑐᖅ ᑎᑎᕋᕐᕕᖕᒧᐊᖅᓯᓂᐊᕐᓂᕐᒥᒃ ᓲᖃᐃᒻᒪ ᑕᐃᑲᓃᓗᐊᕋᒪ."

"ᐊᓕᐊᓇᐃᒍᓱᒃᐳᖓ ᑕᐃᑲᓃᑦᑐᓐᓇᕋᒪ ᑲᔪᖏᖅᓴᐃᔨᒥᑦ ᐱᖃᓐᓇᕆᔭᐅᓗᖓᓗ, ᖃᐅᔨᑎᓪᓗᒋᓪᓗ ᖃᓄᐃᔾᔮᖏᓐᓂᖓᓂ."

ᖁᔭᓐᓇᒦᑦᑎᐊᕐᒥᔭᕋ ᑮᑦ ᑳᓕᐊᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.