"ᓯᓐᓇᑦᑑᒪᓚᐅᖅᑐᖓ ᓯᐊᕐᕆᔮᖃᑕᐅᔪᒪᓪᓗᖓ ᐃᓅᓇᓱᒃᖢᖓ. ᐊᑯᓂᐊᓘᓚᐅᖅᑐᖅ ᓇᒦᓕᕐᒪᖔᕐᒪ ᑭᓯᐊᓂ ᖁᕕᐊᓇᖅᐳᖅ ᒫᓐᓇᒧᑦ ᑎᑭᖦᖢᒍ, ᓲᖃᐃᒻᒪ ᐱᓕᕆᐊᕆᓯᒪᒐᒃᑯ ᐊᒻᒪ ᐱᔪᒪᐃᓐᓇᐅᔭᖅᑕᕋ" ᓈᓴᐃᒃᑲᓐᓂᖅᖢᓂ ᑕᔅᑎᓐ ᕼᐃᓐᕆᒥᑦ, ᐱᕈᖅᓴᓚᐅᖅᑐᖅ ᑳᓪᒍᕆᒥ ᒫᓐᓇᓗ ᓄᓇᖃᓕᖅᖢᖓ Squamish-ᒥ. ᑕᐃᒪᐃᓕᐅᑐᐃᓐᓇᓕᕆᕗᖅ; ᓯᓐᓇᑦᑑᒪᖓ ᓱᓕᓕᓚᐅᖅᑐᖅ.  

Hᐊᓄᕆ Tr'ondëk Hwëch'in First Nation−ᑯᓐᓄᑦ ᐃᓚᒋᔭᐅᔪᖅ ᐊᒻᒪ ᓄᓇᖃᖅᑳᖅᓯᒪᔪᓂᒃ ᐱᒋᐊᖅᑎᑦᑎᖃᑕᐅᓯᒪᔪᖅ, ᑲᑐᔾᔨᖃᑎᒌᒡᕕᒃ ᓴᖅᑭᑕᐅᓂᑰᓪᓗᓂ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂᒃ ᓯᐊᕐᕆᔮᖅᑎᑦᑎᓂᒃᑯᑦ. ᐳᓚᕋᖃᑦᑕᖅᑐᑦ ᓄᓇᓕᓐᓄᑦ ᐊᒻᒪᓗ ᐃᑲᔪᖅᐸᑦᑐᑎᒃ ᓯᐊᕐᕆᔮᕐᕕᓕᐅᖅᑐᑎᒃ ᓄᓇᓕᓐᓂᑦ ᓇᒧᑐᐃᓐᓈᕋᓗᐊᕋᐃᒻᒪᑕ, ᖁᕕᐊᓱᑦᑎᑦᑎᓪᓗᑎᒃ ᐊᒻᒪᓗ ᐃᓄᓐᓂᒃ ᑲᑎᑎᑦᑎᓪᓗᑎᒃ.  ᑭᒃᑯᓕᒫᑦ ᐱᓕᕆᐊᒃᓴᖃᖅᑎᓪᓗᒋᑦ ᐃᖅᑲᓇᐃᔮᓂᒃ ᐊᒻᒪ ᐃᓅᓯᕐᒥᓂ ᐱᓕᕆᓪᓚᕆᒍᒪᔪᓂᒃ, ᐃᓕᓐᓂᐊᖅᑎᑦᑎᖃᑦᑕᙱᒻᒪᑕ ᐊᑕᐅᑦᑎᒃᑯᑦ ᑕᐃᒪᐃᖃᑦᑕᓚᐅᕐᓯᒪᖕᒪᑕ. Hᐊᓄᕆ ᓄᑕᕋᓛᖃᕐᖢᓂ ᑎᑭᑉᐸᓪᓕᐊᓪᓗᓂ ᐃᓅᓪᓗᓂᓗ ᔅᑯᐊᒥᔅ, ᐅᖓᓯᖕᓂᖅᓴᖅ ᐃᓕᓐᓂᐊᓚᐅᑲᖕᓇᓂᑦ ᓄᓇᓕᐸᐅᔭᒥᑦ ᑭᓯᐊᓂ ᐅᐸᒐᓱᖃᑦᑕᕐᖢᓂ ᐊᔪᙱᓐᓂᓕᒫᖓᒍᑦ. 

ᐅᑭᐅᑦ ᐊᕙᑎᐅᓗᐊᖅᑐᑦ, ᕼᐊᓐᕆ ᓯᐊᕐᕆᔮᖃᑦᑕᖅᓯᒪᔪᖅ. ᐱᒋᐊᓚᐅᖅᓯᒪᔪᖅ 8-ᓂᒃ ᐅᑭᐅᖃᖅᑎᓪᓗᒍ ᐊᒻᒪᓗ ᓯᐊᕐᕆᔮᕐᓂᖅ ᑕᐃᓐᓇᐅᓚᐅᕐᒪᑦ ᐊᒻᒪᓗ Nation Skate-ᑯᑦ ᐱᒋᐊᖅᑎᑦᑎᖃᑕᐅᓚᐅᖅᑐᑦ ᒪᒃᑯᒃᑐᓂᒃ ᑐᓴᖅᑎᑦᑎᔪᒪᓚᐅᖅᑐᑦ. "ᐃᓱᒪᒋᔭᕋᓕ ᑕᒪᓐᓇ ᐱᒻᒪᕆᐅᓇᓱᒋᓪᓗᒍ Nation Skate−ᒥ: ᐱᖃᑎᖃᕐᓂᖅ ᐃᖕᒥᖕᓄᑦ, ᐊᒥᖅᑳᖃᑎᒌᖕᓂᖅ, ᐃᓕᑦᑎᕙᓪᓕᐊᓂᖅ ᐃᓕᓴᐃᓂᕐᓗ. ᐊᔪᕐᓇᐃᓐᓇᐅᔭᖅᑐᖅ ᐊᓂᔭᕆᐊᒃᓴᖅ ᐅᓪᓗᖅ ᐊᓂᒍᖅᑎᓪᓗᒍ," ᖁᖓᖦᖢᓂ. Hᐊᓄᕆ ᑲᙳᓱᓕᖃᑦᑕᖅᑐᖅ ᐊᒻᒪᓗ ᑯᒃᓴᓱᓕᖃᑦᑕᖅᑐᖅ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ ᐊᒻᒪᓗ ᖃᐅᔨᓪᓗᓂ ᓱᕈᓯᑦ ᑕᐃᒪᓐᓇᑦᑕᐃᓐᓇᖅ ᐃᒃᐱᒍᓱᖕᒪᑕ, ᑭᓯᐊᓂ ᐅᓪᓗᖅ ᐊᓂᒍᖅᑎᓪᓗᒍ, ᑭᒃᑯᓕᒫᑦ ᐃᓗᐊᖅᓴᖅᑐᑦ ᐊᒻᒪᓗ ᐱᓕᕆᓂᖅᓴᐅᖃᑦᑕᕐᖢᓂ ᐃᓕᓐᓂᐊᓚᐅᑲᖕᓂᕐᒥᒃ. 

"ᐃᒃᐱᒋᖃᑦᑕᖅᑕᕋ ᒪᒃᑯᒃᑎᓪᓗᑎᑦ, ᐃᓛᓐᓂᒃᑯᑦ ᐳᐃᒍᖃᑦᑕᕋᕕᑦ ᐃᓚᒌᑦ ᐱᒻᒪᕆᐅᑎᒋᓂᖏᓐᓂ. ᑭᒃᑯᓕᒫᑦᑎᐊᑦ ᓇᒧᙵᐅᕙᓪᓕᐊᓂᕆᔭᖓᑦ ᐊᔾᔨᒋᙱᑦᑎᐊᕐᒪᒍ. ᑭᓯᐊᓂ ᐊᑯᓂᑲᓪᓚᕈᓗᒃ ᖃᐅᔨᓚᐅᖅᐳᖓ ᐃᓚᒌᑦ ᐱᒻᒪᕆᐅᑎᒋᖕᒪᖔᑕ." 

Hᐊᓄᕆᐅᑉ ᓯᐊᕐᕆᔮᕈᓯᖓᓄᐊᖃᑦᑕᓚᐅᖅᐳᖅ ᐃᓕᓐᓂᐊᓕᓵᖅᑎᓪᓗᒍ ᐊᓂᖓ. "ᐱᕈᓚᐅᖅᑐᒍᑦ ᓯᐊᕐᕆᔮᖃᑎᒌᒃᖢᑕ, ᖁᔭᓕᔾᔪᑎᒋᑦᑎᐊᖅᑕᕋ. ᐊᔪᓕᕋᔭᓚᐅᖅᑰᖏᑦᑐᖓᓕ ᐊᔪᕐᓇᖅᑐᒻᒪᕆᒃᑯᑦ ᐱᓯᒪᓐᓂᖏᒃᑯᒃᑯ. ᐱᖃᑎᒌᒃᑲᑦᑕ. ᐃᓱᒪᔪᖓ ᐃᑲᔪᖅᑕᐅᓂᖅ ᐱᒻᒪᕆᐅᓇᓱᒋᓪᓗᒍ," ᐱᑎᑕᖓ.

"ᐃᒃᐱᒋᑦᑎᐊᖅᑰᔨᔪᖓ ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᕐᒥᒃ ᓲᖃᐃᒻᒪ ᖃᐅᓪᓗᖅᑕᒥᒃ−ᓇᕿᑦᑎᒐᒪ, ᑕᐃᒪᐃᒻᒪᑦ ᐃᓂᖃᖅᑰᔨᕗᖓ ᐊᒥᖅᑳᖃᑎᒋᔪᒪᓇᔭᖅᑕᓐᓂᒃ," Hᐊᓄᕆ ᐊᒃᑐᐊᓂᖃᖅᑐᖅ. ᑖᓐᓇ ᓯᐊᕐᕆᔮᕐᕕᒃ ᓴᓇᓚᐅᖅᑕᖓ, ᖃᖓᓕᒫᒃᑯᑦ, ᐃᓚᖏᑕ ᒥᑕᐅᑎᖏᓐᓂᒃ ᐊᒻᒪᓗ ᒪᑦᑖᓂᒃ ᐊᒻᒪᓗ ᐃᓚᒋᔭᐅᓚᐅᖅᑐᖅ ᐱᓇᓱᐊᕐᓂᕆᓯᒪᔭᖓᓄᑦ ᒥᑭᓪᓕᑎᕆᓇᓱᐊᖅᑐᓂ ᓯᐊᕐᕆᔭᐅᑎᑯᑖᓂᒃ. ᐊᒃᑐᐊᓂᖃᕐᒪᑦ ᐱᐅᓯᑐᖃᕐᒥᓄᑦ ᐊᓯᒥᓄᑦ ᐅᖃᐅᓯᕆᔪᓐᓇᕐᓂᐊᕐᒪᒍ. 

ᑐᓴᖅᑎᑦᑎᔪᒪᓇᔭᖅᑐᖅ ᒪᒃᑯᖕᓂᖅᓴᓄᑦ ᓇᖕᒥᓂᖅ ᐱᓗᓂ ᐊᓯᖏᑕ ᐅᖃᐅᔾᔪᐃᔾᔪᑎᖏᓐᓂᒃ ᑕᕆᐅᕐᒧᑦ. Hᐊᓄᕆ ᐃᒃᐱᒍᓱᒃᑐᖅ ᑭᓇᒥᑭᐊᖅ ᐊᒃᑐᖅᑕᐅᓴᕋᐃᑦᑐᓐᓇᖅᑐᒥᒃ ᑕᐃᒪᓐᓇᓗ ᐅᒃᐱᕈᓱᒃᑐᖅ ᐱᒻᒪᕆᐅᓂᖓᓂᒃ ᑕᐅᑐᓪᓗᐊᑕᕐᓗᓂ ᐱᔪᒪᔭᕐᓂᒃ ᖃᓄᕐᓗ ᐃᒃᐱᒋᖕᒪᖔᖅᐱᑦ. "ᓈᓚᒡᓗᒍ ᐆᒻᒪᑎᕕᑦ ᐅᖃᐅᓯᕆᔭᖓ ᒪᓕᖅᑳᕐᓗᒍᓗ," ᐅᖃᐅᔾᔨᕗᖅ.

ᐃᓄᐃᑦ ᖃᐅᔨᒐᒥᒃ ᓯᐊᕐᕆᔮᕈᑎᙳᐊᓂᒃ ᐃᓅᓇᓱᒍᑎᒥᓂᒃ, Hᐊᓄᕆ ᖃᐅᔨᖃᑦᑕᖅᑐᖅ ᐃᓄᖕᓂᒃ ᓇᓗᓕᖅᓯᒪᔪᓂᒃ. "ᑲᙳᓵᕆᔭᕆᐊᖃᙱᑦᑐᖓ ᐅᐱᒋᓪᓚᕆᒃᑲᒃᑯ, ᑭᓯᐊᓂ ᐃᔪᕐᓇᖅᑰᔨᔪᖓ ᐅᖃᕐᓗᒍ ᐃᓄᖕᓄᑦ," ᐅᖃᖅᑐᖅ. ᐃᓱᒪᖅᓱᖅᑐᓂ ᐱᓕᕆᖃᑦᑕᖅᑐᖅ ᐊᒻᒪᓗ ᓇᒻᒥᓂᖅ ᐃᖅᑲᓇᐃᔭᖅᑐᓂ ᐃᖅᑲᓇᐃᔭᑎᓐᓇᓂ ᐃᖅᑲᓇᐃᔮᒥᓂᒃ. Hᐊᓄᕆ ᓂᕐᕆᓯᓄᑦ ᐅᐊᓴᖅᑎᐅᖃᑦᑕᓚᐅᖅᓯᒪᔪᖅ ᐊᒻᒪᓗ ᒫᓐᓇ ᐃᖅᑲᓇᐃᔭᓕᕆᓪᓗᓂ ᒑᓯᑖᕐᕕᒻᒥ ᐊᓂᒍᖅᑎᑐᐃᓐᓇᖅᑐᓂᐅᒃ.  

"ᓇᖕᒥᓂᖅ ᐊᖓᔪᖅᑳᕆᓪᓚᕆᒃᑲᕕᐅᒃ ᐊᒻᒪ ᑕᒪᓐᓇ ᐊᔪᕐᓇᕈᓐᓇᖅᑰᔨᒋᔭᕋ." 

ᓯᐊᕐᕆᔮᖅᑎᓪᓗᒍ, Hᐊᓄᕆ ᐱᔪᒃᓯᑎᑦᑎᕙᒃᐳᖅ ᐊᐃᑉᐸᕐᒥᓂᒃ ᓄᑕᕋᓛᒥᓂᒡᓗ. ᐱᔪᒃᓯᑎᑕᐅᖃᑦᑕᕐᒥᔪᖅ ᐃᓱᒪᑐᔫᓪᓗᓂ ᓲᕐᓗ ᑎᔭᐃᖕ ᐊᒻᒪ ᑎᑎᕋᐅᔭᕐᓂᖅ, ᓴᖅᑭᑦᑎᒃᑲᓐᓂᕈᒪᓪᓗᓂ ᓵᓚᒋᖃᑦᑕᖅᑕᒥᓂᒃ ᐊᒻᒪ ᓴᓇᙳᐊᕐᓂᕐᒥᒃ. ᒥᖅᓱᕐᓂᖅ ᓴᐸᖓᓕᐅᕐᓂᕐᓗ ᐱᔪᒃᓯᑎᑦᑎᒋᕗᖅᑕᐅᖅ ᑖᔅᓱᒥᖓ, ᐃᓚᒥᓂᒡᓗ. "ᖃᐅᔨᒪᓇᔭᙱᑦᑐᖓ ᖃᓄᐃᓕᐅᕆᐊᒃᓴᖅ ᐃᓕᓴᐃᙱᒃᑯᑎᑦ ᐅᕙᓐᓂᒃ," ᖁᖓᓪᓗᓂ. 

ᓯᓐᓇᑦᑑᒪᓚᐅᖅᑐᖅ ᓯᐊᕐᕆᔮᕈᒪᓪᓗᓂ ᐃᓅᓇᓱᓪᓗᓂ. ᐊᑯᓂᐊᓘᓚᐅᖅᑐᖅ ᓇᒦᓕᕐᒪᖔᕐᒥ ᑭᓯᐊᓂ ᑕᒪᓐᓇ ᐱᓕᕆᐊᕆᓯᒪᒻᒪᒍ ᐊᒻᒪᓗ ᐱᔪᒪᔭᐃᓐᓇᕆᓪᓗᓂᐅᒃ. ᑕᔅᑎᓐ ᕼᐃᐊᓐᓄᕆ ᓯᓐᓇᑦᑑᒪᖓ ᓱᓕᕗᖅ, ᒫᓐᓇᓗ ᓯᓐᓇᑦᑑᒪᒋᔭᒥᓂᒃ ᑐᓴᖅᑎᑦᑎᓕᖅᐳᖅ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂᒃ ᐃᒻᒥᓂᒃ ᐱᓕᕆᔪᓐᓇᖁᓪᓗᒋᑦ ᐱᔪᒪᒍᑎᒃ. ᓇᒻᒥᓂᖅ ᐱᓐᖑᐊᕆᐊᖅᑐᖅᑐᓂ, ᓴᖅᑮᒻᒪᑦ ᐃᓂᒥᒃ ᐊᒻᒪᓗ ᐱᕕᖃᑦᑎᑦᑎᓪᓗᓂ ᐅᑎᖅᑎᑦᑎᓂᕐᒥᒃ, ᑲᑎᒪᔨᒥᓄᑦ ᐊᒻᒪᓗ ᓄᓇᓕᒻᒥᓄᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.