"ᐅᓪᓗᖅ ᐊᑕᐅᓯᖅ, ᑭᓱᖃᔾᔮᕈᓐᓃᖅᑐᖓ ᑭᓯᐊᓂ ᓴᓇᐅᒐᕋ, ᓂᕆᐅᒃᐳᖓᓗ ᓇᖕᒥᓂᖅ ᐅᖃᓪᓚᖕᓂᐊᖅᑐᖅ," ᒥᒃᑯᓕᐅᕐᓗᓂ ᑕᔅᑎᓐ ᓯᐅᑕᓐ. ᑎᑎᖅᑐᒐᖅᑎᐅᓪᓗᓂ ᐃᓅᓚᐅᖅᑐᖅ ᕕᒃᑑᕆᐊᒥ ᐊᒻᒪ ᐱᕈᖅᓴᓪᓗᓂ ᐅᐊᐃᑦᕼᐅᐊᔅᒥ. ᑎᐊᔅᓕᓐ ᑎᓕᖕᑦ ᐃᓚᒋᔭᐅᓪᓗᓂᓗ ᐊᒪᕈᐃᑦ ᑳᓚᓐᒧᑦ. ᓯᕗᒃᑲᑕᖅᑎᐅᓪᓗᓂ ᐆᑦᑑᑎᒋᓗᒍ, ᐱᐅᓯᕚᓪᓕᖅᑎᑦᑎᔪᒪᕗᖅ ᓴᓇᙳᐊᖅᑕᐅᕙᑦᑐᓂᒃ ᐊᖏᕐᕋᒥᓂᒃ ᑕᑯᓚᐅᖅᑎᓪᓗᒍ ᐊᒥᓱᓂᒃ ᐃᓄᓐᓂᒃ ᓅᓯᒪᔪᓂᒃ ᐊᒻᒪ ᐃᓚᖏᑦ ᐃᓅᔪᓐᓃᖅᓯᒪᔪᑦ. ᐊᑯᓂᐊᓗᒃ ᐊᒃᑐᐊᓂᖃᕐᓂᖅᓴᐅᕗᖅ, ᐃᑲᔪᖅᑐᐃᑦᑎᐊᖅᖢᓂᓗ ᐊᒻᒪ ᖃᐅᒪᑦᑎᐊᖅᖢᓂ ᓴᓇᙳᐊᖅᑎᓂᒃ ᓄᓇᓕᖕᓂ.

"ᐅᒃᐱᕈᓱᒃᐳᖓ ᓄᓇᓖᑦ ᐊᓯᔾᔨᖅᐸᓪᓕᐊᓂᖏᓐᓂᒃ ᐃᖏᕐᕋᔾᔪᑕᐅᓂᖓᓂᒃ."

ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᕌᓂᒃᑎᓪᓗᒋᑦ, ᓯᐅᑕᓐ ᐃᓕᓐᓂᐊᖃᑕᐅᓚᐅᖅᐳᖅ ᔫᑳᓐᒥ ᓴᓇᙳᐊᕆᐅᖅᓴᔪᑐᐊᑦᑎᐊᒧᑦ, ᐅᑭᐅᕐᒧᑦ ᐊᑕᐅᓯᕐᒧᑦ ᐃᓕᑕᕆᔭᐅᔾᔪᑎᑖᖅᖢᓂ. ᐃᖅᑭᓖᑦᑑᓚᐅᖅᑐᖅ ᐃᓕᓐᓂᐊᖅᑐᓂ. ᐃᒪᓐᓇᐅᒐᔪᒃᐸᒃᐳᖅ, ᐃᓕᓐᓂᐊᖅᑏᑦ ᐃᓕᓐᓂᐊᖏᓐᓇᖅᐸᒃᐳᑦ ᐊᓯᖏᓐᓂ ᐃᓕᓐᓂᐊᕐᕕᖕᓂ. "ᖁᕕᐊᓱᑐᐃᓐᓇᕋᒪ ᐊᕐᕌᒍᒥᒃ ᐊᑕᐅᓯᕐᒥᒃ ᓯᓚᑦᑐᖅᓴᕐᕕᖕᒥ, ᐅᕙᓂᓗ ᑐᖂᑦᑎᓕᖅᖢᖓ, ᐊᖏᔪᒥᒃ, ᐱᐅᙱᑦᑐᓂᒃ ᓴᓇᙳᐊᖅᑕᐅᔪᓂᒃ ᐱᓕᕆᓪᓗᖓ ᐱᓕᕆᐊᕆᔪᓐᓇᙱᑕᓐᓂᒃ," ᒥᑕᔅ.

ᐃᒻᒥᒃᑰᖅᖢᓂ ᑳᓐᑐᓛᒃᑎᐅᓪᓗᓂ ᓴᓇᐅᒐᓕᕆᔨᒃᑯᓐᓂ, ᓯᐅᑕᓐ ᐃᓅᓪᓗᓂ ᑎᑎᕋᐅᔭᓲᖅ ᐊᓯᖏᓐᓂᒡᓗ ᓴᓇᐅᒐᕐᓂᒃ−ᑐᙵᕕᓕᖕᒥᒃ ᐱᓕᕆᐊᒃᓴᓂᒃ. ᓇᐸᔪᓕᐅᓚᐅᖅᑐᖅ ᒥᙳᐃᖅᓯᕕᖕᓄᑦ ᑲᓇᑕᒥ, ᐱᓕᕆᐊᒃᓴᓕᐅᖅᐸᓪᓕᐊᔪᖅ, ᓂᐅᕕᐊᒃᓴᓕᐅᖅᑐᖅ ᓂᐅᕕᐊᒃᓴᖃᕐᓂᕐᒧᑦ ᖃᕆᑕᐅᔭᒃᑯᑦ ᐊᒻᒪᓗ ᐱᐅᑦᑎᐊᕐᖢᓂ ᑲᑎᓯᒪᔭᖓ. ᓇᓗᓇᐃᖅᓯᓂᖓ ᐃᖅᑲᓇᐃᔮᒥᓂᒃ, ᐅᓪᓗᖅ ᐊᑕᐅᓯᖅ, ᐃᖅᑯᒻᒪᓚᐅᖅᑐᖅ ᐊᒻᒪᓗ ᓇᒻᒥᓂᖅ ᐃᖅᑲᓇᐃᔭᕈᒪᓕᓚᐅᖅᑐᖅ ᐊᒻᒪᓗ ᑕᐃᒪᙵᓂᒃ ᑕᐃᒪᐃᖏᓐᓇᖅᑐᓂ.

ᓇᖕᒥᓂᖅ ᐃᓱᒪᒋᔭᖓᒍᑦ, ᓯᐅᑕᓐ ᐅᒃᐱᕈᓱᒃᐳᖅ ᐊᒃᓱᕈᖅᖢᓂ ᐱᓕᕆᖃᑦᑕᕐᓂᖓᓂᒃ. ᐸᒃᒥᓐᑕᒧᑦ ᐅᖃᖅᖢᓂ, "ᓯᕗᓂᒃᓴᖅ ᐱᒋᔭᐅᕗᖅ ᓴᓇᖃᑦᑕᖅᑐᓄᑦ". ᐃᓱᒪᔪᖅ ᖃᓄᖅ ᓇᖕᒥᓂᖅ ᐃᑲᔪᖅᓯᒪᖕᒪᖔᑦ ᑎᑎᕋᐅᔭᒐᓂᑦ ᓄᓇᓕᖕᓂᑦ, ᐃᓚᐅᓪᓗᓂ ᐃᓕᖅᑯᓯᓕᕆᕝᕕᒃ, ᐊᑐᕐᑎᑦᑎᓪᓗᓂ ᐃᓱᒪᒋᔭᒥᓂᒃ ᐱᓕᕆᐊᒧᑦ ᐊᓯᖏᓐᓄᓪᓗ.  

ᐃᓱᒪᒋᓪᓗᒍ ᐃᓕᓐᓂᐊᕐᓂᖅ, ᓯᐅᑕᓐ ᐃᓕᓐᓂᐊᕆᐊᕈᒪᑦᑎᐊᓚᐅᙱᑦᑐᖅ ᖃᑕᙳᑎᖏᑦ ᐊᑐᖃᑦᑕᕐᓂᑯᖏᓐᓄᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ. ᐃᓱᒪᒋᔭᐅᓂᖓ ᐊᐅᓪᓚᖃᑦᑕᕆᐊᖃᕐᓂᖅ ᓄᓇᕗᒻᒥ ᐃᓕᓐᓂᐊᕆᐊᕋᓱᐊᕐᓗᓂ ᑕᑯᓪᓗᓂ ᓯᓚᑖᓂᙶᖅᑐᓂᒃ ᐱᕕᑦᓴᖃᕐᓂᐅᔪᓂᒃ ᐊᑦᓱᕈᕐᓇᖅᓯᒪᒻᒥᔪᖅ. ᐱᓕᕆᓂᖅ ᖃᓪᓗᓈᖑᖃᑎᒌᙱᑦᑐᑦ ᐋᖅᑭᒃᓯᒪᓂᖏᓐᓂ ᑮᓇᐅᔾᔭᒃᓴᕋᓱᐊᖅᑎᐅᙱᑦᑐᓄᑦ ᓇᖕᒥᓂᖅ ᐊᒃᓱᕈᕐᓇᖅᑐᒃᑰᖅᑎᑦᑎᓲᖅ. ᑕᒪᓐᓇ ᐃᓱᒪᒋᔭᐅᑎᓪᓗᒍ, ᓯᐅᑕᓐ ᐃᓱᒪᓯᒪᔪᖅ ᑲᔪᓯᒋᐊᒃᓴᖅ ᐃᓕᓐᓂᐊᖅᑕᒥᓂᒃ ᐊᓛᔅᑲᒥ, ᑕᐃᓐᓇ ᐃᓚᖓᑦ ᐱᑐᖃᖅ ᐊᖓᔪᖅᑳᒻᒪᕆᖓ ᐅᖃᓚᐅᖅᓯᒪᒻᒪᑦ ᐊᐅᓚᑎᑦᑎᖃᑦᑕᖁᔨᓪᓗᓂ ᐃᓄᐃᑦ ᐃᓐᖏᐅᓯᖏᓐᓂᒃ ᐊᒻᒪᓗ ᐃᓕᖅᑯᓯᖓᓐᓂᒃ ᐃᓄᖁᑎᖏᑦ ᓅᑕᐅᑎᓪᓗᒋᑦ. ᑕᕝᕙᓂᑦᑕᐅᖅ ᓂᐱᓕᐅᖅᓯᒪᔪᖃᕐᒥᔪᖅ ᐊᓈᓇᑦᑎᐊᖓᑕ. ᐃᒃᐱᒍᓱᒃᑐᖅ ᐃᓚᒥᓄᑦ ᐊᖏᖅᓯᒪᔭᕆᐊᖃᕋᓱᒋᓪᓗᓂ ᑐᖅᑐᐊᒥᓂᒃ ᑲᔪᓯᑎᑦᑎᔭᕆᐊᖃᕋᓱᒋᓪᓗᓂ ᑕᐃᒪᓐᓇ, ᐱᐅᓯᒋᐊᖅᑎᑦᑎᓗᓂ ᐃᓕᖅᑯᓯᕐᒥᓂᒃ ᐊᒻᒪ ᖃᐅᔨᓇᓱᒡᓗᓂ ᓇᑭᙶᕐᒪᖔᑦ ᑕᐃᑲᓂ.

ᓯᐅᑕᓐ ᓇᒡᓕᒋᔭᖓ ᐱᓕᕆᔨᒻᒪᕆᒃᑐᑦ ᑎᑎᕋᐅᔭᒐᐅᕗᖅ. ᒫᓐᓇᒫᖑᓚᐅᖅᑐᖅ, ᓴᖅᑮᓚᐅᕐᒪᑦ ᐳᓚᕋᑦᑐᓕᕆᓂᕐᒧᑦ ᓄᖅᑲᖓᑎᑦᑎᓇᓱᐊᖅᑎᒥᒃ ᖃᖓᑕᓛᖅᑐᒥᒃ ᐊᕐᕌᒎᓂᐊᖅᑐᒥ. ᑎᑎᕋᐅᔭᖅᓯᒪᔪᖅ ᐱᒋᐊᓚᐅᖅᑐᖅ ᓄᑕᕋᐅᑎᓪᓗᒋᑦ ᖁᕕᐊᒋᓪᓗᒍ, ᑎᒍᓯᓂᖅ ᑕᕐᕆᔮᒃᓴᓂᒃ ᐱᙳᐊᕈᑎᓂᒃ ᑕᖅᓴᖃᕐᖢᓂ ᒪᒃᐱᖅᑐᒐᕐᒥ ᑎᑎᕋᖅᐸᓪᓕᐊᓂᕐᒧᑦ ᖃᐅᔨᑎᑦᑎᔾᔪᑎᓂᒃ ᐱᙳᐊᕐᓂᕐᓂ. ᑎᑎᕋᐅᔭᖅᐸᔪᒐᓗᐊᖅᑐᓂ ᐱᓪᓚᕆᓐᓂᒃ ᐊᒻᒪᓗ ᑎᑎᖅᑐᒐᕐᓂᒃ ᐊᒻᒪᓗ ᒫᓐᓇ ᓱᓕᓂᕐᓴᓂᒃ ᓴᖅᑮᓇᓱᐊᖅᐸᓕᖅᑐᖅ ᐃᓅᓯᕐᒧᑦ. ᑖᓐᓇ ᓇᓗᓇᐃᖅᑎᖅᓯᒪᑦᑎᐊᖅᑐᖅ.

ᐅᖃᐅᔾᔨᒋᐊᕐᓂᖓ ᓴᓇᙳᐊᖅᑎᓄᑦ, "ᐅᖃᓕᒫᒐᓕᐅᖅᐸᓪᓕᐊᑎᓪᓗᑕ, ᑭᓇᑐᐃᓐᓇᖅ ᑎᑎᕋᖃᑦᑕᖅᑐᖅ, ᑭᓇᑭᐊᖅ ᑎᑎᕋᖃᑦᑕᖅᑐᖅ, ᐊᒻᒪᓗ ᐊᓯᐊ ᑎᑎᕋᖃᑦᑕᖅᑐᖅ ᐴᖅᓯᒪᔪᓄᑦ, ᑕᒪᓐᓇ ᐱᒡᒐᓇᖅᑐᒻᒪᕆᐅᕗᖅ. ᑭᒃᑯᓕᒫᑦ ᐊᔾᔨᒌᙱᑦᑐᓂᒃ ᐊᔪᙱᓐᓂᖃᖅᐳᑦ ᐃᑲᔪᓲᓂᒃ ᐱᓕᕆᐊᒧᑦ ᑭᓯᐊᓂ ᐱᐅᓛᖑᔪᓐᓇᕋᕕᑦ ᐱᓕᕆᐊᔅᓯᓐᓂ ᐊᑕᐅᓯᕐᒥ ᐊᒻᒪ ᐱᐅᙱᓛᖑᓕᕐᓗᓂ. ᐱᒻᒪᕆᐅᕗᖅ ᐃᓕᖕᓂᒃ ᐊᒃᓱᕈᓗᐊᕆᐊᖃᙱᓐᓂᖅ. ᑐᑭᓯᐅᒪᓗᑎᒃ ᑕᒪᒃᑯᐊ ᐊᑯᓂᐅᕙᖕᓂᖏᓐᓂᒃ, ᓴᐱᓕᖅᑕᐃᓕᓗᑎᒃ. ᐊᒃᓱᕈᕐᓂᕆᔭᐃᑦ ᓄᖅᑲᕈᑕᐅᕗᖅ, ᐊᒻᒪᓗ ᑎᒍᒥᐊᒐᐃᑦ ᓇᖕᒥᓂᖅ ᐅᖃᓪᓚᖕᓂᐊᖅᐳᖅ. ᑖᒃᑯᐊ ᐊᔪᙱᔾᔪᑎᑦᑎᐊᕙᐃᑦ ᐅᕝᕙᓘᓐᓃᑦ ᓴᖅᑭᑕᐅᑐᐃᓐᓇᖅᐸᑕ ᓄᓇᕐᔪᐊᕐᒥᐅᓄᑦ, ᓴᓇᐅᒐᑎᑦ ᖃᐅᔨᓂᐊᖅᐳᑦ ᓈᓚᒋᐊᖅᑐᖅᓯᒪᔪᓂᒃ. ᑕᒪᓐᓇ ᐱᒻᒪᕆᐅᕗᖅ ᐃᖅᑲᐅᒪᓗᒍ. 7-ᐱᓕᐊᓐ ᐃᓄᐃᑦ, ᐃᒻᒪᖃ 8-ᐱᓕᐊᓐᖑᓂᐊᓕᖅᑐᑦ, ᐊᒻᒪᓗ ᓱᓕ ᐱᕈᖅᐸᓪᓕᐊᓪᓗᑎᒃ. ᑭᓱᑕᖃᕐᒪᑦ ᑭᒃᑯᓕᒫᓄᑦ. ᐅᓚᕕᓴᖅᑕᐅᑦᑕᐃᓕᒋᑦ ᐅᖃᖅᑐᖃᕌᖓᑦ, 'ᐃᖅᑲᓇᐃᔮᓪᓚᑦᑖᒥᒃ ᐱᓗᑎᑦ. ᐅᕝᕙᓘᓐᓃᑦ, ᓴᓇᙳᐊᕐᓂᖅ ᖁᕕᐊᒋᑐᐃᓐᓇᕐᓗᒍ, ᐅᕝᕙᓘᓐᓃᑦ ᐅᓪᓘᑉ ᐃᓚᐃᓐᓇᖓᓄᑦ ᑕᐃᒪᐃᓕᐅᕈᓐᓇᖅᑐᑎᑦ.' ᖁᕕᐊᒋᓪᓚᕆᒃᑯᕕᐅᒃ, ᐃᓕᖕᓄᐊᖅᑎᑦᑎᓂᐊᖅᑐᖅ. ᐅᓪᓗᖅ ᐊᑕᐅᓯᖅ ᐃᖅᑯᒻᒪᑐᐃᓐᓇᕐᓂᐊᖅᑐᑎᑦ ᓲᕐᓗ, 'ᐅᕙᖓ!'"

ᐊᐳᖅᑕᕈᑏᑦ ᐱᔾᔪᑎᒋᓪᓗᒋᑦ, ᓯᐅᑕᓐ ᐊᒃᓱᕉᑎᖃᓚᐅᖅᐳᖅ ᓯᓚᑦᑐᖅᓴᕐᕕᖕᒥ ᐊᖅᑯᑎᑕᖃᑦᑎᐊᙱᓐᓂᖓᓄᑦ ᓄᓇᕘᒥ ᐊᒻᒪ ᑲᑎᖦᖢᒋᑦ ᑮᓇᐅᔭᓂᒃ ᑐᙵᕕᖃᖅᑐᑦ ᑮᓇᐅᔭᓂᒃ ᑮᓇᐅᔾᔭᒃᓴᕋᓱᐊᖅᑎᐅᙱᑦᑐᓄᑦ. ᐊᓐᓇᐅᒪᓇᓱᒃᖢᓂ, ᓯᐅᑕᓐ ᖃᐅᔨᓚᐅᖅᑐᖅ ᓂᑲᒍᓱᒋᐊᖃᕐᓂᕐᒥᓂᒃ. "ᐃᓘᓐᓇᑎᒃ ᓴᓇᒋᐅᖅᓴᓂᕐᒧᑦ ᓇᓗᓇᐃᒃᑯᑕᐅᔭᕆᐊᖃᕋᕕᑦ. ᐊᒥᓱᓂᒃ ᓇᓴᖅᓯᒪᒋᐊᖃᕋᕕᑦ ᐊᒻᒪᓗ ᐊᑦᔨᒋᓇᓂᐅᒃ. ᐃᓕᑦᑎᕙᓪᓕᐊᓂᐅᖕᒪᑦ ᐊᒻᒪᓗ ᑕᒪᓐᓇ ᐱᒻᒪᕆᐅᓇᓱᒋᓪᓗᒍ, ᖃᐅᔨᒪᓗᑎᑦ ᒪᑐᐃᙶᕆᐊᖃᕋᕕᑦ ᐃᓕᓐᓂᐊᕐᓗᑎᑦ ᓴᓇᙳᐊᕐᓂᕐᒧᑦ," ᑕᑯᒃᓴᐅᑎᑦᑎᖕᒪᑦ. ᑎᓕᐅᕆᔪᖅ ᑕᑯᓐᓇᕐᓗᓂ ᐱᕕᖃᙱᓗᐊᕐᓂᖏᓐᓂᒃ ᐃᓄᐃᑦ ᑕᑯᖃᑦᑕᖅᑐᑦ ᐅᑭᐅᖅᑕᖅᑐᒥ, ᐅᖃᑦᑐᓂ, "ᐱᑕᖃᓐᖏᑉᐸᑦ, ᑕᐃᒪᓕ ᑐᑭᖃᑦᑐᖅ ᐱᕕᖃᑦᑐᖅ ᓯᕗᓂᒃᓴᑎᓐᓂ. ᔫᑳᓐ ᐅᐸᒡᕕᒃᓴᑦᑎᐊᕙᐅᕗᖅ ᐱᒋᐊᖅᑎᑦᑎᕝᕕᐅᓪᓗᓂᓗ ᓇᖕᒥᓂᖃᕐᓂᕐᒥᒃ ᖃᓄᐃᓕᖓᓂᖓᓂᒃ ᒪᑭᒪᔾᔪᑎᒃᓴᑦ, ᐃᓱᒪᑦᑎᐊᕐᓇᑦᑎᐊᖅᑐᖅ," ᐱᔪᒥᓵᕈᑎᒋᓪᓗᓂᐅᒃ.

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ, ᓯᓂᖕᓂᕐᒥ, ᓈᓚᒃᓗᓂ ᐃᓱᒪᒃᓴᖅᓯᐅᕐᓂᕐᒥᒃ ᑕᕐᕆᔮᒃᓴᓂᒃ, ᓇᓂᓯᓪᓗᓂᓗ ᓴᐃᓕᓐᓇᖅᑐᓂᒃ ᐅᓐᓄᒃᑯᑦ, ᖁᕕᐊᒋᓛᖓ ᐅᓪᓗᒃᑯᑦ. ᐅᓐᓄᐊᖅ ᓄᖅᑲᖓᑎᓚᐅᑲᒡᓗᒍ ᐱᔭᒃᓴᖃᕐᔪᐊᕐᓇᖅᑎᓪᓗᒍ ᑕᑯᑎᖦᖢᒍᓗ ᐅᓪᓗᕆᐊᓂᒃ. ᖁᔭᓕᖃᑦᑕᕐᒥᔪᖅ ᐊᒻᒪ ᐃᒻᒥᓂᒃ−ᐃᒃᐱᒋᑦᑎᐊᕐᓂᕐᒥᑦ ᐊᑐᖃᑦᑕᖅᖢᓂ. ᓴᓇᐅᒐᑐᖃᐅᑉ ᓴᓇᐅᒐᖏᑦ ᓂᕆᐅᓐᓂᖃᖅᑎᑦᑎᒋᕗᖅᑕᐅᖅ.

ᑲᔪᖏᖅᓴᐃᓂᕐᒧᑦ, ᓯᐅᑕᓐ ᑕᐅᑐᑦᑐᖅ ᐅᖃᐅᓯᕐᓂᑦ ᓂᕆᐅᒋᔭᖃᕐᓂᕐᒥᑦ ᑕᕐᕆᔭᕐᓂᑦ ᐱᙳᐊᕐᓂᕐᒥᑦ ᐊᒻᒪᓗ ᐊᖑᑎᓂᑦ ᖃᓄᐃᑦᑑᓂᖏᓐᓄᑦ ᑎᓕᐅᕆᓯᒪᔪᑦ ᓴᐱᓕᖁᔨᒐᑎᑦ. ᐊᒻᒪᓗ ᑕᐃᒃᑯᐊ ᑐᓴᖃᑦᑕᖅᑕᖏᑦ ᑲᔪᓯᑦᑎᐊᖅᓯᒪᔪᑦ. ᑎᑎᖅᑐᒐᖅᑎ ᒐᔅᑖᕝ ᑐᐊᕆ ᐱᔪᒃᓯᑎᑦᑎᕗᖅ ᑎᑎᕋᑦᑎᐊᒃᑲᐅᓪᓗᓂ ᔮᓐ ᕼᐊᐅᑎᑐᑦ. ᑕᒪᒃᑯᐊᓕᒫᑦ ᑲᔪᖏᖅᓴᐃᔪᑦ ᓯᓐᓇᑦᑑᒪᖃᖅᓯᒪᕗᑦ ᐆᒻᒪᑎᖓᒍᑦ ᐊᐅᐸᖅᑐᒥᑦ ᓇᓗᓇᐃᒃᑯᑎᒥᑦ ᓴᓇᙳᐊᕐᓂᕐᒧᑦ ᐱᓕᕆᐊᕐᒥᑦ ᐊᑭᓕᖅᓱᖅᑕᐅᓪᓗᑎᒃ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᑦ ᓄᓇᖃᖅᑳᖅᓯᒪᔪᑦ ᓴᓇᙳᐊᕐᓂᕐᒧᑦ, ᓴᓇᙳᐊᕐᓂᕐᒧᑦ ᐊᒻᒪ ᐅᖃᐅᓯᓕᕆᓂᕐᒧᑦ ᓴᓇᙳᐊᖅᑏᑦ ᑲᔪᓯᔪᓐᓇᖁᓪᓗᒋᑦ.  

ᐅᓪᓗᖅ ᐊᑕᐅᓯᖅ ᑕᔅᑎᓐ ᓯᐅᑕᓐ ᖃᐅᔨᒪᔪᖅ ᓴᓇᐅᒐᕐᒥᓂᒃ ᐱᓯᒪᑐᐃᓐᓇᕐᓂᐊᕐᓂᕐᒥᓂᒃ ᐊᒻᒪᓗ ᐃᒻᒥᓂᒃ ᓂᓪᓕᐊᓂᐊᖅᑐᒋᓪᓗᓂ. ᒫᓐᓇᒧᑦ ᑎᑭᖦᖢᒍ, ᓴᓇᙳᐊᕐᓂᕐᒥᒃ ᓴᓇᔪᖅ, ᐃᑲᔪᖅᐸᒃᖢᓂ ᓄᓇᓕᖕᓂ ᓴᓇᙳᐊᖅᑎᓄᑦ ᓄᓇᓕᖕᓂ ᐊᒻᒪ ᐊᔪᙱᓐᓂᕐᒥᓂᒃ ᐱᕚᓪᓕᖅᑎᖦᖢᓂᒋᑦ ᖃᐅᑕᒫᑦ ᐱᐅᓯᕙᓪᓕᐊᖏᓐᓇᖁᓪᓗᒋᑦ. ᑕᑯᓪᓗᓂ ᐃᒡᓗᕈᓯᕐᒥᑦ ᐱᕈᖅᐸᓪᓕᐊᓂᕐᒧᑦ ᐊᓯᖏᑦ ᑕᑯᓪᓗᑎᒃ ᐱᑕᖃᑦᑎᐊᙱᑦᑐᓂᒃ, ᐃᓱᒪᑦᑎᐊᕐᓂᖓ ᐊᑑᑎᖃᙱᖦᖢᓂ ᓇᒡᓕᒋᔭᐅᓂᖓᓂᒃ ᐊᖏᕐᕋᒧᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!