"ᐅᕙᓐᓂᒃ ᓇᓗᓇᐃᖅᓯᔪᒪᓇᔭᙱᑦᑐᖓ ᓂᖀᑦ ᓂᖀᑦ ᐅᕝᕙᓘᓐᓃᑦ ᐅᓇ... ᓴᓇᙳᐊᖅᑎᐅᒐᒪ, ᓴᓇᑐᔫᓪᓗᖓ ᐊᒻᒪᓗ ᓇᒥᑐᐃᓐᓈᓗᒃ. ᑕᐃᒪᐃᒻᒪᑦ ᓇᓗᓇᐃᕋᓱᐊᕆᐊᖓ ᐱᒡᒐᓇᖅᐳᖅ, ᐃᒻᒪᖃ," ᓇᓗᓇᐃᖅᓯᕗᖅ ᑐᕌᕙᔅ ᕼᐆᐳᑦ, ᖃᐅᔨᒪᔭᐅᒻᒥᔪᖅ ᓯᓚᕐᔪᐊᕐᒥ ᓱᕈᓯᐅᒋᐊᖓ. ᐊᑎᖓ ᓴᖅᑭᔮᖅᑎᑦᑎᔪᖅ ᐱᔪᒪᓂᕆᔭᐅᔪᒥᒃ ᓴᖅᑭᑎᑦᑎᓂᕐᒥᒃ ᓂᔾᔭᐅᑎᓂᒃ ᑭᓇᑐᐃᓐᓇᑦᑎᐊᒥᒃ ᐊᒃᑐᐊᓂᖃᕈᓐᓇᖅᑐᒥᒃ ᐃᓅᓚᐅᖅᓯᒪᓪᓗᓂᓗ ᐅᕙᓂ, Prince George, BC. ᓴᓇᖑᐊᖅᑎᐅᔪᖅ, ᑎᑎᖅᑐᒐᖅᑎᐅᔪᖅ, ᐊᒻᒪᓗ MC, ᐊᒻᒪᓗ 2011-ᒥ, hip hop-ᒦᓚᐅᖅᑐᖅ ᑕᐃᔭᐅᔪᖅ ᒨᑦ ᐸᓐᔅ. 

ᑖᒃᑯᐊ ᐊᕕᓚᐅᖅᑐᑦ ᐊᕐᕌᒍᑦ 9 ᐊᓂᒍᖅᑎᓪᓗᒋᑦ ᐃᓚᒥᓂᒃ ᐱᕈᖅᓴᐃᓪᓗᑎᒃ. ᑕᐃᒪᙵᓂᑦ, ᒪᓕᖃᑦᑕᖅᑐᖅ ᓂᔾᔭᐅᓯᔭᕐᓂᕐᒧᑦ ᓯᓐᓇᑦᑑᒪᒋᔭᖏᓐᓂᒃ. ᐱᓕᕆᔪᒻᒪᕆᐅᓪᓗᓂ ᐊᖓᔪᖅᑳᖑᓪᓗᓂ, ᑕᒪᓐᓇ ᐊᒃᓱᕈᕈᑎᒋᓗᐊᓚᐅᙱᒻᒪᒍ. "ᖁᕕᐊᓱᑐᐃᓐᓇᓕᓚᐅᖅᑐᖅ ᓂᔾᔭᐅᑎᓕᐅᖅᐸᓪᓕᐊᓪᓗᓂ," ᓇᓗᓇᐃᖅᓯᓪᓗᓂ. ᐱᓕᕆᓗᐊᓚᐅᖅᑐᖅ ᐃᓄᖕᓄᑦ ᑐᓴᐅᒪᔾᔪᑎᒃᑯᑦ, ᐱᕕᖃᓕᓚᐅᖅᑐᖅ ᓴᓇᙳᐊᕆᐊᒃᓴᖅ ᓂᐱᒥᓂᒃ ᓴᓇᓪᓗᓂᓗ. 

ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᖅ ᓴᖅᑭᑎᑦᑎᓚᐅᖅᐳᖅ ᑭᓱᓂᒃ ᐱᔭᕆᐊᖃᕐᒪᖔᑕ ᒪᒥᓴᕐᓂᐊᕐᓗᑎᒃ ᐱᕈᖅᐸᓪᓕᐊᓗᑎᒡᓗ. "ᐱᕕᒃᓴᐅᓚᐅᖅᐳᖅ ᑲᒪᒋᓂᐊᕐᓗᒋᑦ ᓱᓇᑐᐃᓐᓇᐃᑦ ᐱᕕᒃᓴᖃᓚᐅᙱᖦᖢᖓ ᑲᒪᒋᔭᕆᐊᒃᓴᖅ ᓯᕗᓂᐊᒍᑦ," ᐃᖅᑲᐅᒪᔪᖅ. ᐅᐊᑦᑎᐊᕈᓕ, ᐊᖅᑯᑎᒦᖃᑦᑕᓚᐅᕐᒪᑦ ᐊᒻᒪᓗ ᕿᑐᕐᖓᒥᓂᒃ ᐱᖃᑎᖃᕈᓐᓇᓗᐊᕋᓂ ᑭᓯᐊᓂᓕ ᑕᒪᓐᓇ ᐊᓯᑦᔨᕐᓯᒪᒻᒪᑦ. 

ᓴᓇᓂᐊᓕᕌᖓᑕ, ᓄᓇᕐᔪᐊᖅ ᓄᑕᕋᖅ ᓇᖕᒥᓂᖅ−ᐃᓕᓐᓂᐊᖅᑎᑦᑎᕙᒃᐳᖅ, ᒥᖒᔭᖅᖢᓂ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥᑦ ᖃᕆᓴᐅᔭᓕᕆᔾᔪᑎᒥᑦ ᑕᐃᔭᐅᕙᓕᖅᖢᓂ FL Studio. ᕿᓚᐅᔾᔭᖅᑎᐅᓯᒪᔪᖅ ᐊᒻᒪᓗ ᓂᔾᔭᐅᓯᔭᖃᑕᐅᓯᒪᓪᓗᓂ ᐊᒻᒪᓗ jazz-ᑯᑦ ᓂᔾᔭᐅᓯᔭᖅᑎᖏᑦ ᐃᓕᓐᓂᐊᕐᕕᒻᒥ. ᐃᓚᒋᔭᐅᓪᓗᓂ ᒨᑦ ᐹᓐᔅᒧᑦ, ᐃᒻᒥᓂᒃ ᑕᖅᑲᐅᖓᖅᑎᖃᑦᑕᓚᐅᕐᒪᑦ. "ᐊᑲᐅᔪᒦᒍᓐᓃᓚᐅᖅᑐᒍᑦ, ᐅᖃᓪᓚᒃᖢᑕ ᐊᑐᖅᖢᑕᓗ ᑐᙵᕕᑦᑎᓐᓂᑦ ᓂᔾᔭᐅᑎᑦᑎᓐᓂᓪᓗ ᐅᖃᐅᓯᖃᖅᖢᑕ ᑭᓱᓪᓚᕆᖕᓂᑦ ᓄᓇᕐᔪᐊᒥᑦ, ᓲᕐᓗ ᐊᕙᑎᕗᑦ ᖃᐅᔨᒃᑲᓐᓂᕐᖢᑎᒍᓪᓗ ᐃᓕᖅᑯᓯᕗᑦ," ᐃᖅᑲᐅᒪᔪᖅ. 

ᐱᕈᖅᐸᓪᓕᐊᓪᓗᓂ, ᓄᓇᕐᔪᐊᖅ ᓄᑕᕋᖓ ᑲᑎᙵᔪᓐᓃᓚᐅᖅᑐᖅ ᐃᓕᖅᑯᓯᒧᑦ ᑭᓯᐊᓂ ᓴᙱᒃᑎᒋᐊᖅᓯᒪᔪᖅ ᑭᓇᐅᓂᕐᒥᓂᒃ ᕿᒥᕐᕈᓪᓗᓂᓗ ᑐᓴᕐᓈᕐᓂᒃᑯᑦ. ᐃᓕᓐᓂᐊᓚᐅᖅᑐᖅ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᓂᐅᔪᓂᑦ ᓯᓚᑦᑐᓴᕐᕕᒡᔪᐊᒥᑦ ᐋᓪᐴᑕᒥᑦ ᐊᕐᕌᒍᒧᑦ, ᐃᓕᓐᓂᐊᖅᖢᓂ ᐊᓪᓚᓂᑦ ᐅᖃᐅᓯᖕᓂᑦ, ᐃᓕᖅᑯᓯᓕᕆᓂᖕᓂᑦ, ᐊᓯᖏᓐᓂᒡᓗ ᐃᔨᖏᓐᓂᑦ ᐅᒃᑯᐃᕐᓯᓚᐅᖅᑐᑦ. "ᑕᐃᒪᓕ ᐊᐅᐸᖅᑐᖅ ᐊᕗᑎᑎᓪᓗᒍ, ᓂᙵᐅᒪᓕᖅᖢᖓ ᐊᒻᒪ ᐆᒻᒪᕆᒃᓯᓪᓗᖓ ᓲᕐᓗ, 'ᖃᓄᐃᓕᐅᕆᐊᖃᖅᑐᖓ, ᐅᖃᕐᓗᖓ', ᐅᐱᒍᓱᓕᓚᐅᖅᑐᖓᓗ ᑭᓇᐅᓂᓐᓂᒃ ᑕᐃᔅᓱᒪᓂ," ᑕᑯᒃᓴᐅᑎᖦᖢᓂᐅᒃ. 

ᐊᔪᖅᓴᕐᓂᖅ ᐱᕈᖅᐸᓪᓕᐊᓪᓗᓂ ᐊᓯᖏᓪᓗ ᐊᒃᓱᕈᕐᓇᖅᑐᑦ ᐋᓐᓂᐊᕈᑎᒋᕙᓚᐅᖅᑕᖏᑦ ᐃᓱᒪᑐᓪᓗᓂᓗ ᐆᒻᒪᕆᖕᓂᖓ ᓂᔾᔭᐅᑎᒧᑦ. "ᖁᕕᐊᒋᔭᕆᐊᖃᓚᐅᖅᑕᕋ ᐱᐅᓂᖅᓵᓗᖕᒧᑦ," ᐅᖃᖅᑐᖅ. ᓄᓇᓕᖕᓂᑦ ᐃᒃᐱᒍᓱᒃᖢᓂ ᐃᓛᓐᓂᒃᑯᑦ ᐃᓱᒫᓗᒃᖢᓂᓗ ᐅᑭᐅᖓ, ᐊᖓᔪᖅᑳᖑᓪᓗᓂ, ᓈᒻᒪᙱᓗᐊᖅᖢᓂ ᓯᓐᓇᒃᑑᒪᔭᒥᓂᒃ ᐱᓯᒪᐃᓐᓇᖅᐸᖕᒪᑦ, ᖃᐅᔨᒪᐃᓐᓇᖅᖢᓂ ᓂᔾᔭᐅᑎᖓ ᐊᒃᑐᐃᓂᖃᕐᓂᖓᓂᒃ. ᑲᑎᖃᑎᖃᒃᑲᓐᓂᓚᐅᖅᐳᖅ ᐱᖃᓐᓇᕆᔭᒥᓂᒃ, ᐱᓕᕆᖃᑎᒋᕙᒃᑕᒥᓂᒃ, ᐊᓯᖏᓐᓂᒃ MC−ᓂᒃ ᓴᖅᑭᑎᑦᑎᔨᓂᒡᓗ ᓇᓂᓯᔪᒪᓪᓗᑎᒃ ᐊᑐᕈᓐᓇᕐᓂᕐᒥᒃ. ᐳᓚᕋᓵᖅᑎᓪᓗᒍ ᐊᒻᒪ ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᑦ Hiphop−ᑯᓐᓂ ᐃᓕᑕᕆᔭᐅᔾᔪᑎᑖᖅᑎᓪᓗᒋᑦ, ᓄᓇᓕᖕᓃᖃᑕᐅᔪᓐᓇᖅᓯᓚᐅᖅᐳᖅ ᐊᑕᐅᓯᐊᒃᑲᓐᓂᖅᖢᓂ. 

"ᑕᑯᓗᒋᑦ ᐃᓄᖁᑎᕗᑦ ᐊᕙᑎᑦᑎᓐᓂ, ᖃᓄᕐᓗ ᓴᙱᑎᒋᖕᒪᖔᑦᑕ ᓴᓇᙳᐊᖅᑎᐅᑎᓪᓗᑕ ᐃᓄᐃᓪᓗ, ᖃᐅᔨᒪᓪᓗᑕᓗ ᓴᙱᓂᖅᓴᐅᓕᕐᓂᖓᓂᒃ, ᓵᓚᖃᕈᓐᓇᖅᖢᓂ ᑐᓐᓂᖅᑯᓯᐊᒥᒃ ᑕᐃᑲᓂᓗ ᐃᓂᒥ, ᐃᓱᒪᓚᐅᖅᑐᖓ ᐊᒃᑐᐊᓂᖃᕐᓂᕐᒥᒃ, ᑕᐃᒪᓐᓇᐅᓇᓱᒋᒐᒃᑯ," ᐱᙳᐊᕈᓱᒃᑐᖅ, ᐃᓱᒪᓪᓗᓂ ᐊᕐᕌᒍᒐᓴᖕᓂᑦ ᐃᒃᐱᒍᓱᖕᓂᖓᓂᒃ ᐃᓄᑑᓪᓗᓂ ᐊᒪᖅᑯᖅ. ᓂᕆᐅᓚᐅᓐᖏᓚᖅ ᓵᓚᔅᓴᕐᓂᐊᕆᐊᖓ ᐊᕐᕌᒍᒥ ᑭᓯᐊᓂ ᓂᕈᐊᕐᓂᐅᑉ ᐊᐅᓚᓂᖓ ᓇᓗᓇᐃᖅᓯᓚᐅᖅᐳᖅ ᐃᓕᑕᖅᓯᒻᒪᑦ ᐱᔪᓐᓇᕐᓂᖏᓐᓂᑦ, ᓇᓗᓇᐃᖅᓯᓪᓗᓂ ᐊᒻᒪ ᐊᖁᒃᑲᓐᓂᖅᑐᓂ. 

ᐱᓕᕆᖃᑎᖃᕈᒪᖃᑦᑕᖅᑐᖅ ᓴᖅᑭᑕᐅᓯᒪᔪᓂᑦ ᐊᒻᒪ ᓴᓇᙳᐊᖅᑎᕈᕈᒪᔪᓂᑦ ᐊᒻᒪ ᐃᑲᔪᖃᑦᑕᖅᑐᓂ ᓄᓇᓕᓐᓄᑦ. ᑭᖑᓂᑦᑎᓐᓂ, ᐃᒃᐱᒍᓱᖃᑦᑕᓚᐅᖅᐳᖅ ᐊᒃᑐᐊᓂᖃᕐᓂᖓᓂᒃ ᑲᑕᒃᓯᒪᓪᓗᓂ ᐃᓕᑦᑎᓪᓗᓂᓗ ᑕᐃᒃᑯᓇᙵᑦ ᐊᑐᖅᓯᒪᔭᒥᓂᒃ ᓴᖅᑭᑎᑦᑎᔪᒪᓪᓗᓂ ᐊᒃᑐᐊᓂᖃᕐᓂᖅᓴᐅᔪᓂᒃ. ᐱᕈᖅᓴᓪᓗᓂ, ᓅᕐᔪᐊᓚᐅᖅᑐᖅ, ᐊᔪᕐᓇᖅᑎᑦᑎᓪᓗᓂ ᐋᖅᑭᒃᓯᓇᓱᒃᓗᓂ ᓴᙱᔪᓂᒃ ᑲᑎᙵᔾᔪᑎᓂᒃ. 

ᐅᓪᓗᐃᓐᓇᒃᑯᑦ, ᓄᓇᕐᔪᐊᖅ ᓱᕈᓯᖅ ᐱᓕᕆᖃᑎᖃᓲᖅ ᒪᒃᑯᑦᑐᓂᑦ ᓴᓂᕐᕙᑦᑕᐅᓯᒪᔪᓂᑦ ᖁᑦᓯᓂᖅᓴᓄᑦ ᐃᓕᓐᓂᐊᕐᕕᒻᒥ, ᐃᓕᓐᓂᐊᑎᑦᓯᓂᕐᒥᑦ ᐱᕙᓪᓕᐊᔪᓂᑦ, ᓂᔾᔭᐅᓯᔭᕐᓂᕐᒥᑦ, ᐊᔾᔨᓕᐅᕆᓂᕐᒥᑦ, ᑕᕐᕆᔭᕋᑦᓴᓂᑦ, ᖃᕆᑕᐅᔭᒃᑯᑦ ᓴᓇᓂᕐᒥᑦ, ᑕᐅᑐᙳᐊᕐᓂᕐᒥᑦ ᐊᒥᐊᕆᓂᕐᒥᓪᓗ. ᕿᑐᕐᖓᒥᓂᒃ ᐊᓐᓄᕋᔾᔨᐅᖃᑦᑕᓚᐅᕐᒪᑦ ᐊᒻᒪᓗ ᐱᓕᕆᐊᖃᖅᑐᓂ ᓯᓚᑖᓃᑦᑐᓂᒃ ᐅᕕᒃᑲᖏᑕ ᐃᖅᑲᓇᐃᔭᖅᑐᓂᒃ. ᐃᖅᑲᓇᐃᔭᕇᕋᒥ, ᕿᑐᕐᖓᒥᓂᒃ ᐱᖃᑎᖃᖃᑦᑕᖅᑐᖅ. 

ᒪᒃᑯᒃᑐᓕᕆᓯᒋᐊᓚᐅᖅᓯᒪᔪᖅ 2011-ᒥ ᒪᒃᑯᒃᑐᒃᑯᕕᖕᒥ ᐱᖃᓐᓇᕆᔭᖓᑕ ᓯᓚᑖᓂ ᐊᒻᒪ ᓂᔾᔭᐅᑎᖓ ᐊᑐᖅᑕᐅᔪᒪᔪᓐᓃᖅᖢᓂ. ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ ᑐᙵᓱᒃᑎᑕᐅᓚᐅᖅᐳᖅ ᐃᓕᓴᐃᖃᑕᐅᖁᔭᐅᓪᓗᓂ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ, ᐃᑲᔪᖅᖢᓂ ᓯᓚ ᐱᔾᔪᑕᐅᓪᓗᓂ ᐊᔪᕐᓇᖅᑐᖅᓯᐅᖅᑎᓪᓗᒋᑦ. ᖁᕕᐊᒋᔭᖃᖅᑐᖅ ᓴᓇᑐᓂᕐᒥᑦ, ᐃᓕᓐᓂᐊᑎᑦᓯᒍᒪᔪᖅ ᐱᒋᐊᖅᑎᑦᓯᓂᕐᒥᑦ ᐊᔪᙱᑕᖃᕐᓂᕐᒥᑦ ᒪᒃᑯᑦᑐᓄᑦ ᐱᔪᓐᓇᕐᓂᖃᑦᓯᐊᖏᒃᑲᓗᐊᕈᓂ.

ᓴᓇᖃᑦᑕᖅᑕᒥᓂᒃ ᑲᔪᓯᑎᑦᑎᓇᓱᒃᖢᓂ, ᐅᑕᖅᑭᕙᒃᐳᖅ ᐃᓚᒥᓂᒃ ᓯᓂᒋᐊᖅᑐᓕᕌᖓᒥᒃ, ᓯᓂᑦᑎᐊᑲᑕᒍᒪᓪᓗᓂ ᐆᒻᒪᕆᒃᖢᓂᓗ ᐃᙱᕆᐊᖅᑐᖅᖢᓂ. "ᐃᓛᓐᓂᒃᑯᑦ ᑕᖃᖃᑦᑕᖅᑐᖓ ᐊᔪᙱᓐᓂᓕᒫᓐᓂᐅᙱᑦᑐᖅ ᐅᓪᓗᒃᑯᑦ ᑭᓯᐊᓂ ᐅᐱᒋᓇᓱᒋᐊᖃᕋᒃᑯ ᓇᓕᒧᒌᒃᑎᓐᓇᓱᒡᓗᒍᓗ," ᓇᓗᓇᐃᖅᓯᓪᓗᓂ. ᐱᔪᒃᓯᓕᖅᑎᑦᑐᒪᓪᓗᒍ, ᖃᓄᓗᒃᑖᖅ ᐱᓕᕆᔪᓐᓇᖅᑕᒥᓂᒃ ᓴᖅᑭᑦᑎᔪᓐᓇᖅᐳᖅ ᖃᕆᑕᐅᔭᒃᑯᑦ ᐃᓱᒪᑐᓂᕐᒥᒃ, ᐃᒻᒥᓂᒃ ᐱᓕᕆᓪᓗᓂ. ᐃᓛᓐᓂᒃᑯᑦ, ᑎᓕᐅᕆᓯᒪᔪᖅ ᐃᕐᖐᓐᓇᖅ ᓴᓇᓗᓂ, ᐃᑲᕐᕋᓕᐅᕐᓗᓂ ᓵᓚᒋᔭᐅᓗᓂ. ᐱᖃᓐᓇᕆᔭᖏᑦ ᕿᑐᕐᖓᖏᓪᓗ ᐱᔪᒃᓯᑎᑦᑎᒃᑲᓐᓂᓕᓲᖑᕗᑦ ᑎᑎᕋᖅᖢᓂᓗ ᐃᓚᒥᓂᒃ ᖃᓂᒻᒪᒍᑕᐅᕙᓪᓕᐊᔪᖅ ᐱᒋᐊᓚᐅᖅᑎᓪᓗᒍ. 

ᓄᓇᕐᔪᐊᕐᒥ ᓄᑕᖅᑲᑦ ᑐᓴᕐᓈᒐᒃᓴᖏᑦ ᓂᔾᔭᐅᓯᔭᖅᑕᐅᓲᑦ, ᐋᐳ ᓂᔾᔭᐅᓯᔭᖅᑐᑦ, ᔫᑑᑉ ᐊᓯᖏᓪᓗ ᓂᔾᔭᐅᓯᔭᖅᑏᑦ. ᓂᔾᔭᐅᑎᓕᐅᖏᓐᓇᙱᒃᑲᓗᐊᖅᖢᓂ, ᐱᓕᕆᖃᑎᖃᓚᐅᖅᑐᖅ ᐱᖃᓐᓇᕆᔭᒥᓂᒃ CJ ᐊᒃᖤᓂᒃ, ᑕᒪᕐᒥᒃ ᐱᓕᕆᓗᐊᖅᓯᒪᙱᖦᖢᑎᒃ. ᐱᓕᕆᖃᑎᒌᒡᓗᑎᒃ ᐱᔪᒃᓯᑦᑎᐊᕐᓗᑎᒃ ᐱᔪᒃᓯᓕᖅᑎᓪᓗᒋᓪᓗ. ᐃᒃᓯᕚᖅᑐᖅ 100-ᖏᓐᓃᑦᑐᓂᑦ, ᓂᐱᓂᑦ, ᐅᖃᕈᓯᕐᓂᑦ ᐃᓱᒪᖏᓐᓂᑦ ᐊᔅᓱᕈᖅᑐᓂ, ᒫᓐᓇ ᖃᒥᑦᑎᓇᓱᐊᓕᖅᑐᖅ, ᐃᓂᖃᓕᑕᐃᓐᓇᖅᑐᓂ ᓴᓇᑐᓂᖅᓴᓂᑦ. 

ᐃᒻᒥᓂᒃ ᓂᑲᒍᓱᓕᖃᑦᑕᕐᒪᑦ ᐃᓱᒪᓕᐅᕈᑎᒥᓂᕐᓂᒃ ᑭᓯᐊᓂᓕ ᓯᕗᒧᑦ ᑕᐅᑐᒻᒪᑦ. "ᒫᓐᓇ ᐱᕕᒃᓴᕆᓕᕋᒃᑯᑦ ᐅᕙᓐᓂᒃ ᐋᖅᑭᒃᓯᓪᓚᕆᒋᐊᖃᓕᖅᖢᖓ ᑕᑯᑎᖦᖢᒋᓪᓗ ᐱᓯᒪᔭᒃᑲ," ᑕᐃᒪᓐᓇ ᐅᖃᖅᖢᓂ. ᓴᖅᑭᔮᖅᑎᑦᑎᓇᓱᐊᑐᐃᓐᓇᖏᑦᑐᖅ ᓇᒻᒥᓂᖅ ᖃᕋᓴᐅᔭᒃᑯᑦ, ᓇᒻᒥᓂᖅ ᑕᖅᑲᐅᖓᖅᑎᒐᓱᐊᖅᑐᖅ. 

"ᐱᔪᒪᓂᖃᕈᕕᑦ ᑭᓱᒥᑭᐊᖅ, ᐱᓕᕆᐊᕆᑐᐃᓐᓇᕆᐊᖃᖅᑕᑦ."

ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, ᓄᓇᕐᔪᐊᖅ ᓄᑕᕋᖅ ᐃᒪᓐᓇ ᐅᖃᖅᖢᓂ, "ᐱᔪᒪᓂᖃᓪᓚᕆᒃᑯᕕᑦ ᑭᓱᑐᐃᓐᓇᒥᒃ, ᑕᐃᒪᐃᓕᐅᖏᓐᓇᕆᐊᖃᖅᐳᑎᑦ. ᐃᓛᓐᓂᒃᑯᑦ ᐊᔪᓕᖃᑦᑕᕐᓂᐊᖅᑐᓯ ᐊᒻᒪᓗ ᓇᒧᑐᐃᓐᓈᖅᑑᔮᔾᔮᓇᑎᑦ, ᑭᓯᐊᓂᓕ ᖃᓗᕋᕆᐊᖃᕋᕕᑦ ᐊᒻᒪᓗ ᐃᒻᒥᓂᒃ ᐅᒃᐱᕆᓗᑎᑦ ᐊᒻᒪᓗ ᐅᖃᕐᓗᑎᑦ ᑕᒪᒃᑯᓂᖓ ᐅᖃᐅᓯᕐᓂᒃ ᓱᓕᓂᐊᕐᓂᕋᖅᑐᓂᒃ. ᓇᖕᒥᓂᖅ ᐱᔪᒃᓯᓂᖃᕆᐊᖃᓪᓚᕆᒡᓗᑎᑦ." ᖃᓗᕋᕆᐊᖃᓚᐅᕐᒪᑦ ᐊᕐᕌᒍᓂ ᐊᓂᒍᕋᑖᖅᑐᓂ ᐊᒻᒪᓗ ᓴᐱᓕᕈᒪᓯᒪᒐᓂ ᐃᓚᒥᓄᑦ. "ᐱᓕᕆᐊᖃᐃᓐᓇᕐᓗᑎᑦ ᐊᒻᒪᓗ ᒪᑐᐃᖅᓯᖏᓐᓇᕐᓂᐊᖅᑐᑎᑦ ᐊᒻᒪᓗ ᐊᓯᖏᓐᓂᒃ ᐱᕕᒃᓴᖃᕐᓂᐊᕆᓪᓗᓂ," ᑲᔪᓯᓗᓂ.  

ᓇᓗᓇᐃᒐᒃᓴᐅᙱᑦᑐᖅ, ᓴᓇᙳᐊᖅᑎ ᐊᒻᒪ ᓴᓇᑐᔪᖅ ᓄᓇᕐᔪᐊᖅ ᓄᑕᕋᖓ ᓇᓂᑐᐃᓐᓈᖅᑐᖅ ᑭᓯᐊᓂ ᓇᓃᑦᑐᒪᖕᒪᖔᑦ, ᑐᓴᕐᓈᖅᖢᓂ ᓇᒡᓕᒍᓱᒃᖢᓂᓗ ᐃᓚᒥᓂᒃ. ᐱᓕᕆᖃᑎᖃᖅᑐᓂ ᒪᒃᑯᑦᑐᓂᒃ ᖃᐅᑉᐸᑦ ᓴᓇᙳᐊᖅᑎᓂᒃ, ᖁᕕᐊᒋᔭᖃᖅᑐᖅ ᐃᓅᓯᕆᓚᐅᖅᑕᖓᓂᒃ ᐅᓪᓗᒥ. ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᒥᒃ ᓄᖅᑲᖓᓚᐅᕐᓗᓂ, ᐃᓗᑐᔪᒥᒃ ᐳᐊᕐᕆᔭᖅᐳᖅ ᐊᒻᒪ ᓂᔾᔭᐅᓯᒃᑲᓐᓂᖅᖢᓂ, ᑐᓴᕐᓈᒐᒃᓴᓕᐅᖅᖢᓂ ᑭᒃᑯᓕᒫᓄᑦ ᐊᒃᑐᐊᓂᖃᕈᓐᓇᖅᖢᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.