ᐃᖅᑲᓇᐃᔭᖅᑎᓪᓗᒍ ᐃᓕᓴᐱ ᓕᔅᒃ ᓇᒧᓕᒫᖅ ᐊᐅᓪᓚᖃᑦᑕᖅᑐᖅ ᓄᓇᕐᔪᐊᓕᒫᒥ, ᑭᓯᐊᓂ ᐆᒻᒪᑎᖓ ᐊᒻᒪ ᐱᓇᓱᐊᕐᓂᖓ ᐃᓱᒪᒋᔭᐅᑦᑎᐊᖃᑦᑕᖅᑐᖅ ᓄᓇᓕᓐᓂᑦ. ᐸᓕᐊᖓ ᐊᒃᓱᐊᓗᒃ ᐱᖃᖅᑐᖅ, ᑭᓯᐊᓂ ᐃᖕᒥᓂᒃ ᓂᐸᓱᒃᑐᖅ ᐊᒻᒪᓗ ᓴᓂᓪᓕᖏᑦ ᖃᓄᐃᓕᐅᖅᑕᓕᒫᒥᓂᒃ. ᐊᖅᑯᑎᑯᑖᖑᓚᐅᖅᐳᖅ ᐅᓪᓗᒥᒧᑦ ᑎᑭᖦᖢᒍ ᑭᓯᐊᓂ ᐅᐱᒋᔭᒻᒪᕆᒋᔭᕆᐊᖃᖅᑕᖓ. ᓕᓯᒃ ᖁᖅᓱᖅᑕᖅ ᐊᓪᓚᓄᑦ ᐊᓪᓚᓄᑦ ᐃᓚᒋᔭᐅᑦᓱᓂ ᐊᒻᒪᓗ ᐊᓪᓚᕝᕕᓕᕆᓯᒪᑦᓱᓂ ᐊᓈᓇᕈᓚᐅᖅᑎᓐᓇᒍ ᕿᑐᕐᖓᒥᓄᑦ ᒪᕐᕉᓐᓂᒃ. ᐊᖏᕐᕋᖅᓯᒪᓪᓗᓂ ᐊᓈᓇᐅᓚᐅᖅᐳᖅ ᐊᕐᕌᒍᓄᑦ ᑕᓪᓕᒪᑲᓴᖕᓄᑦ ᐃᖅᑲᓇᐃᔭᒃᑲᓐᓂᓚᐅᙱᓐᓂᖓᓂᑦ ᓂᐅᕕᕐᕕᖕᒥᑦ ᐃᖅᑲᓇᐃᔮᖃᖅᖢᓂ ᕆᑦᒪᓐᔅᒥᑦ. ᐱᓇᓱᐊᕈᓰᖕᓄᑦ ᒪᕐᕉᖕᓄᑦ ᓄᑖᒧᑦ ᐃᖅᑲᓇᐃᔮᖓᓄᑦ ᐅᖃᓗᒡᕕᐅᓚᐅᖅᑐᖅ Deton'Cho Corporation-ᑯᓐᓂᑦ, ᐱᕙᓪᓕᐊᔪᓕᕆᔨᒃᑯᓐᓂᑦ ᑲᓇᑕᒥ ᖃᐃᖁᔨᓪᓗᓂ ᐱᓕᕆᖁᔭᐅᓪᓗᓂ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ. 

ᑕᐃᑲᓂ ᐃᖅᑲᓇᐃᔭᓚᐅᖅᑐᖅ ᑕᖅᑮᓐᓂᒃ ᒪᕐᕉᓐᓂᒃ ᐃᖅᑲᓇᐃᔮᖅ ᒪᑐᐃᓚᐅᖅᑎᓐᓇᒍ ᑐᔪᕐᒥᕕᒻᒥ, ᐊᖏᕐᕋᕆᔭᐅᔪᖅ ᐃᓄᐃᑦ ᓄᓇᓕᓐᓃᙶᕆᐊᖃᖅᑐᑎᒃ ᐋᓐᓂᐊᕕᓕᐊᖅᑐᑎᒃ. ᓕᓯᒃ ᐃᖅᑲᓇᐃᔭᓚᐅᖅᑐᖅ ᑕᐃᑲᓂ ᐊᕐᕌᒍᒥᒃ, ᐃᑲᔪᖅᑐᒋᑦ ᐱᐅᓯᕚᓕᑎᑦᑎᓪᓗᑎᒃ ᐊᐅᓚᓂᖓᓂᒃ ᐊᒻᒪᓗ ᐃᓕᓐᓂᐊᖅᑐᑎᒃ ᓄᓇᕗᒻᒥ ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᐅᑉ ᐃᖅᑲᓇᐃᔭᖅᑎᖏᓐᓂᒃ ᖃᐅᔨᓇᓱᐊᖅᑐᑎᒃ ᑭᓱᑦ ᐊᑑᑎᖃᑦᑎᐊᕐᒪᖔᑕ. ᐃᓚᖏᑦ ᐱᓕᕆᔾᔪᑎᖏᑦ ᐃᑲᔪᓚᐅᖅᑕᖏᑦ ᓱᓕ ᒫᓐᓇᒧᑦ ᑎᑭᖦᖢᒍ ᐊᒻᒪ ᐃᖅᑲᓇᐃᔮᖓᒍᑦ, ᐱᓕᕆᖃᑎᖃᓕᓚᐅᖅᑐᖅ ᐋᓐᓂᐊᕕᓕᐊᖅᑐᓄᑦ ᖃᖓᑦᑕᐅᑎᓕᕆᔨᒃᑯᓐᓂ ᒐᕙᒪᒃᑯᓐᓂ. ᐃᖅᑲᓇᐃᔮᖅᑖᕋᓱᐊᖅᑎᓪᓗᒍ ᑕᐃᑲᓂ, ᐃᖅᑲᓇᐃᔮᖅᑖᖅᑎᑕᐅᓚᐅᖅᑐᖅ ᑕᐃᑲᓂᓗ ᐃᖅᑲᓇᐃᔭᖅᑐᓂ ᐊᕐᕌᒍᒐᓚᓐᓄᑦ. 

ᐃᖅᑲᓇᐃᔭᖅᖢᓂ ᐋᓐᓂᐊᕕᓕᐊᕐᓗᓂ ᐊᐅᓪᓚᖅᐸᒃᑐᓄᑦ, ᓕᓯ ᐃᑲᔪᖅᑐᐃᔪᓐᓇᓚᐅᖅᑐᖅ ᓄᓇᖃᖅᑳᖅᓯᒪᔪᓂᑦ ᐋᓐᓂᐊᕕᓕᐊᖅᓯᒪᔪᓂᑦ ᖃᐅᔨᒪᓪᓗᓂᓗ ᖃᓄᖅ ᑐᓴᐅᒪᖃᑎᒌᑦᑎᐊᕈᓐᓇᖕᒪᖔᖏᑦ. ᐃᑲᔪᕈᓐᓇᓚᐅᖅᑐᖅ ᐃᓐᓇᕐᓂᒃ ᑐᑭᓯᐅᒪᑎᓪᓗᒋᑦ ᐊᒻᒪᓗ ᑐᓴᐅᒪᑎᑦᑎᔪᓐᓇᖅᖢᓂ ᑐᑭᓯᓇᖅᑐᒃᑯᑦ ᐅᖃᐅᓯᒃᑯᑦ ᑕᒪᒃᑯᐊ ᐱᓕᕆᔾᔪᓰᑦ ᓇᓗᓇᙱᓐᓂᖅᓴᐅᓂᐊᕐᒪᑕ. ᐊᒃᑐᐊᓂᖃᕈᓐᓇᕐᓂᖓ ᐊᒻᒪ ᐃᓄᐃᑦ ᐊᑲᐅᒃᓴᖅᑎᓪᓗᒋᑦ ᐃᖅᑲᓇᐃᔮᖓᓂ ᐱᓕᕆᑦᑎᐊᕈᓐᓇᓚᐅᕐᒪᑦ ᑕᒪᓐᓇᓗ ᖁᕕᐊᒋᓚᐅᖅᖢᓂᐅᒃ. ᓕᔅᒃ ᓅᖦᖢᓂ ᑕᐃᑲᙵᑦ ᐃᖅᑲᓇᐃᔮᒥᒃ ᐃᓗᐃᑦᑑᓂᖅᓴᐅᓪᓗᓂ ᐊᒃᓱᕈᕐᓇᙱᓐᓂᖅᓴᐅᓪᓗᓂᓗ ᑎᑎᕋᕐᕕᖕᒥᐅᑕᓕᕆᔾᔪᑎᓄᑦ ᐃᖅᑲᓇᐃᔮᖏᓐᓂ. 

ᑕᐃᑲᙵᑦ ᐃᖅᑲᓇᐃᔮᒥᑦ, ᐱᓕᕆᖃᑎᖃᓕᓚᐅᖅᑐᖅ ᓄᓇᖃᖅᑳᖅᓯᒪᔪᓂᑦ ᐊᐅᓚᑦᑎᓪᓗᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒃᑑᑎᔪᓄᑦ ᖃᐅᔨᓴᐃᓐᓇᕐᓂᕐᒧᑦ ᐱᓕᕆᐊᒃᓴᒥᑦ ᐊᒃᑐᐊᓂᓕᖕᒥᑦ ᓴᓗᒻᒪᖅᓴᕐᓂᕐᒧᑦ ᐃᓚᖓᓂ ᐊᖏᕈᑎᐅᔪᒥ ᑲᓇᑕᒥ ᐊᒃᑐᐊᓂᖃᕐᖢᓂ ᑐᒃᓯᕋᖅᑕᒧᑦ ᐊᒃᑐᐊᓂᓕᖕᓄᑦ ᐊᒃᑑᑎᔪᓄᑦ ᐅᔭᕋᑦᑎᐊᕙᖕᒧᑦ ᐅᔭᕋᖕᓂᐊᕐᕕᖕᒥᑦ. ᓕᔅᑭ ᐃᑲᔪᓚᐅᖅᑐᖅ ᐋᖅᑭᒃᓱᐃᓪᓗᓂ ᖃᐅᔨᓴᖕᓂᖕᒥᑦ ᓄᓇᓕᖕᒥᐅᓂᑦ, ᐃᓂᒃᓴᓕᐅᖅᖢᓂ ᐱᓕᕆᖃᑎᖃᖅᖢᓂᓗ ᐋᓐᓂᐊᓯᐅᑎᓂᑦ ᓄᐊᑦᑎᓚᐅᖅᑐᑦ ᑎᑎᖅᑲᓂᑦ ᓲᕐᓗ ᐊᐅᑉ ᓯᖒᔭᕐᓂᖓ ᐊᓯᖏᓪᓗ ᐱᒻᒪᕆᐅᔪᑦ. 

ᐃᖅᑲᓇᐃᔭᖅᑎᓪᓗᒍ ᓄᓇᖃᖅᑳᖅᓯᒪᔪᓄᑦ, ᐃᑲᔪᓚᐅᕐᒥᔪᖅ ᐋᖅᑭᒃᓱᐃᓂᕐᒥᑦ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓐᓄᑦ ᖁᕕᐊᓲᑎᖃᕐᓂᕐᒥᑦ ᐃᓚᖃᓚᐅᖅᑐᖅ ᐊᓐᓄᕌᓂᑦ ᑕᑯᒃᓴᐅᑎᑦᑎᓂᕐᒥᑦ ᓄᓇᖃᖅᑳᖅᓯᒪᔪᑦ ᓴᓇᙳᐊᖅᑎᖏᑦ ᑕᑯᒃᓴᐅᑎᑦᑎᔪᓐᓇᕐᓗᑎᒃ ᐱᓕᕆᐊᖏᓐᓂᑦ. ᓄᓇᓕᖕᓂ ᐃᓐᓇᐃᑦ ᐳᐊᓘᓕᐅᖅᐸᒃᑐᑦ ᐊᐃᓯᓕᐅᖅᐸᒃᑐᓪᓗ ᐱᕕᒃᓴᖃᖅᐳᑦ ᐃᓕᓴᕆᔭᐅᓂᕐᒥᒃ ᐊᓐᓄᕋᔾᔨᐅᖅᑎᐅᓂᖏᓐᓂᒃ ᓄᓇᓕᖕᓂᓗ ᐊᓐᓄᕋᔾᔨᐅᖅᑎᐅᓂᖏᓐᓂᒃ, ᑕᒪᒃᑯᐊᓗ ᐱᓕᕆᐊᖏᑦ ᑕᑯᔭᐅᒐᔪᒃᐸᒃᐳᑦ ᓄᓇᓕᖕᓂ ᖁᕕᐊᓱᖃᑎᒌᒍᑕᐅᓕᖅᐸᒃᖢᑎᒃ. ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ, ᐱᓕᕆᐊᖑᕙᓪᓕᐊᔪᒪᔪᖅ ᐊᔾᔨᓕᐅᖅᑕᐅᓚᐅᖅᐳᖅ ᑲᑎᑦᑕᕌᖓᒥᒃ ᐊᔪᕐᓇᓚᐅᖅᐳᖅ. ᑭᖑᓂᐊᒍᑦ, ᐱᓕᕆᖃᑎᖃᓚᐅᖅᐳᑦ ᓄᓇᖃᖅᑳᖅᓯᒪᔪᑦ ᐱᙳᐊᖅᑐᓕᕆᔨᒃᑯᓐᓂ ᐅᐸᒍᑎᓯᒪᓪᓗᑎᒡᓗ ᑕᑯᒃᓴᐅᑎᑦᑎᓪᓗᑎᒃ ᐊᐅᔭᒃᑯᑦ ᓄᓇᖃᖅᑳᖅᓯᒪᔪᑦ ᐱᙳᐊᕕᒡᔪᐊᖅᑎᓪᓗᒋᑦ.

ᐱᔪᒃᓯᑎᖦᖢᒍ ᑲᔪᓯᖁᓪᓗᒍ ᐱᓕᕆᐊᕆᔭᐅᔪᖅ ᐊᒃᑐᐊᓂᖃᕐᓂᖓ ᓴᓇᙳᐊᖅᑎᓄᑦ, ᓴᓇᑐᔪᓄᑦ, ᐱᕕᖃᕐᓂᕐᒧᑦ ᐃᓄᖕᓂᒃ ᑲᑎᑎᑦᑎᓂᕐᒥᒃ ᐊᒻᒪᓗ ᓴᓇᙳᐊᕐᓂᕐᒥᒃ ᑎᑎᕋᐅᔭᕐᓂᕐᒥᒃ ᐊᒻᒪᓗ ᐱᓕᕆᖃᑎᖃᕈᓐᓇᖅᓯᓗᓂ ᓴᓇᙳᐊᖅᑎᓂᒃ. ᓴᖅᑭᑎᑦᑎᓪᓗᓂ ᓴᓇᔭᐅᔪᒥᒃ ᑖᔅᓱᒥᖓ ᐊᖏᓂᖓᓂᒃ ᐃᓅᓯᕐᒧᑦ ᐊᐅᓚᔾᔭᒍᑎᖃᕐᔪᐊᖅᑐᖅ ᐃᓚᖏᓐᓂᒃ ᐃᓅᖃᑎᒌᓄᓪᓗ ᓴᙱᔪᒥᒃ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ, ᑲᑎᑦᑎᔪᓐᓇᖅᓯᒪᔪᖅ ᓄᓇᖃᖅᑳᖅᓯᒪᔪᑦ ᐃᓄᖁᑎᖏᓐᓂ ᐱᒃᑯᒥᒍᓱᒃᓗᑎᒃ ᐱᑎᑦᑎᓗᑎᒃᓗ ᑎᑕᒃᑎᓂᑦ ᓂᔾᔭᐅᑎᓂᑦ ᓂᔾᔭᐅᑎᒧᑦ ᐋᖅᑭᒃᓯᓗᑎᒃ ᓄᓇᖃᖅᑳᖅᓯᒪᔪᑦ−ᐊᐅᓚᑕᐅᔪᒥᒃ ᐅᓐᓄᖓᓂ ᖁᕕᐊᓲᑎᖃᕐᓗᑎᒃ ᓄᓇᖃᖅᑳᖅᓯᒪᔪᑦ ᐊᔪᙱᓐᓂᖏᓐᓂ. ᑎᑕᒃᑎᓕᒫᑦ, ᓴᓇᙳᐊᖅᑎᑦ, ᐃᔾᔪᐊᒐᒃᓴᑦ, ᐊᓐᓄᕋᔾᔨᐅᖅᑎᑦ, ᐱᕈᖅᓯᐊᓕᐅᖅᑎᑦ, ᑭᒃᑯᓕᒫᑦ ᐃᓚᐅᔪᑦ ᓄᓇᖃᖅᑳᖅᓯᒪᔪᑦ. ᓂᕆᕕᔾᔪᐊᕐᓂᖅ ᐱᕕᖃᖅᑎᑦᓯᔪᖅ ᓄᓇᖃᖅᑳᖅᓯᒪᔪᓂᑦ ᐅᖃᐅᓯᖃᕐᓂᕐᒥᑦ ᑭᓇᐅᓂᖏᓐᓂᑦ ᓄᓇᓕᓐᓂᐅᓄᓪᓗ ᐃᓕᓐᓂᐊᑲᓐᓂᕐᓂᕐᒥᑦ ᑭᓇᐅᓂᖏᓐᓂᑦ ᐱᔪᒪᓕᖅᑎᑕᐅᓗᑎᓪᓗ. 

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᓄᓇᒥᓂᒃ ᐊᐅᓪᓚᖁᔨᓪᓗᑎᒃ ᐃᓕᓐᓂᐊᕆᐊᖅᖢᑎᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᕿᓂᖅᐳᑦ ᐃᓕᓐᓂᐊᕐᕕᑖᓵᒥᓂᒃ. ᓕᓯᒃ ᐊᐅᓪᓚᓚᐅᖅᑐᖅ ᔭᓗᓇᐃᕝᒥ ᐃᓕᓐᓂᐊᕆᐊᖅᖢᓂ ᕗᐊᑦ ᓯᒥᑦᒥᑦ ᓱᓕ ᐊᒥᓲᓂᕐᓴᐃᑦ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᑎᓖᑦ ᑭᓯᐊᓂᓕ ᓇᔭᖓ ᓅᓚᐅᖅᑐᖅ ᖃᓪᓗᓈᓄᑦ ᐃᓕᓐᓂᐊᕆᐊᖅᖢᓂ ᐃᓄᑑᓗᐊᕐᓯᒪᓪᓗᓂᓗ. "ᓄᓇᖃᖅᑳᖅᓯᒪᓪᓗᑕ, ᖃᑕᙳᑎᒌᓂᙶᖅᑐᒍᑦ, ᐊᑦᑕᒐᓕᒡᔪᐊᓂᒃ ᐊᒃᑲᑦᑎᓐᓂᒡᓗ ᐊᒻᒪ ᐃᒡᓗᐊᕐᔪᖕᓂᒃ. ᖃᐅᔨᒪᙱᑲᓴᑦᑎᐊᖅᑐᑎᑦ ᖃᓄᖅ ᐃᓄᑑᓗᐊᕐᓂᖅ ᐃᒃᐱᖕᓇᕐᒪᖔᑦ ᑭᓯᐊᓂ ᐊᓂᒍᕕᑦ," ᐊᒃᑐᐊᓂᖃᖅᑐᖅ. ᑕᐃᒪᐃᒻᒪᑦ ᐊᑐᓕᖁᔨᕗᖅ ᓇᓂᓯᖁᔨᓪᓗᓂ ᓴᙱᔪᒥᑦ ᐃᑲᔪᖅᑐᐃᔾᔪᑎᒥᑦ ᐊᒻᒪᓗ ᐃᓚᒥᓂᒃ ᐅᖃᖃᑎᖃᐃᓐᓇᕐᓗᓂ ᐃᑲᔪᖅᑐᐃᓂᒃᑯᑦ. "ᐃᖅᑲᐅᒪᒋᑦ ᖃᓄᐃᒻᒪᑦ ᑕᐃᑲᓃᒻᒪᖔᖅᐱᑦ ᓇᓂᓯᓗᑎᓪᓗ ᓄᓇᓕᖕᒥ ᐃᓄᖕᓂᒃ ᓇᓂᓯᔪᓐᓇᖅᑕᕐᓂᒃ ᐃᓗᐊᕆᔭᕐᓂᒃ ᐃᑲᔪᖅᓱᐃᔾᔪᑎᓂᒃᓗ," ᓇᐃᓈᖅᓯᔪᖅ.

"ᐃᖅᑲᐅᒪᒋᑦ ᖃᓄᐃᒻᒪᑦ ᑕᐃᑲᓃᒻᒪᖔᖅᐱᑦ ᓇᓂᓯᓗᑎᓪᓗ ᓄᓇᓕᖕᒥ ᐃᓄᖕᓂᒃ ᓇᓂᓯᔪᓐᓇᖅᑕᕐᓂᒃ ᐃᓗᐊᕆᔭᕐᓂᒃ ᐃᑲᔪᖅᓱᐃᔾᔪᑎᖕᓂᓪᓗ"

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᕐᓗ ᐊᓈᓇᐅᓪᓗᓂ ᐊᖓᔪᒃᖠᐅᓂᖅᓴᓄᑦ ᓄᑕᖅᑲᓄᑦ ᑭᓇᒧᓪᓗ ᐱᓕᕆᕐᔪᐊᕐᖢᓂ ᐊᐅᓪᓚᑲᑕᖕᓂᖅᓴᐅᓗᓂ, ᓕᓯ ᐱᕕᖃᕐᓂᖅᓴᐅᓗᓂ ᓇᖕᒥᓂᖅ ᑲᒪᒋᓂᕐᒥᒃ ᓈᓚᒃᓗᓂᓗ ᑎᒥᖓᓂᒃ ᑕᖃᐃᖅᓯᓕᕌᖓᑦ. ᐃᓕᓴᐃᑎᓪᓗᒍ ᐃᖅᑲᓇᐃᔭᖅᑎᒥᓂᒃ, ᑎᓕᐅᕆᓪᓗᓂ ᑲᒪᑦᑎᐊᕐᓂᕐᒥᒃ ᑭᓯᐊᓂ ᒪᓖᓐᓇᖃᑦᑕᙱᑦᑐᖅ ᓇᖕᒥᓂᖅ ᐅᖃᐅᔾᔨᒋᐊᕈᑎᖏᓐᓂ ᑖᓐᓇ ᐃᔾᔪᐊᒐᒃᓴᐅᔭᕆᐊᖃᕋᓗᐊᕐᖢᓂ ᓯᕗᓕᖅᓯᔨᐅᓗᓂ. ᑕᒪᓐᓇ ᐱᓕᕆᐊᕆᕙᐅᒃ ᑕᖃᑦᑕᐃᓕᒐᓱᐊᖅᑐᓂ. 

ᐱᔪᒃᓯᑎᑦᑎᔪᒪᓕᕌᖓᑦ, ᓕᓯᒃ ᑕᐅᑐᒃᐳᖅ ᓄᓇᓕᖕᒥᓄᑦ, ᖃᑕᙳᑎᒥᓄᑦ, ᓄᓇᖃᖅᑳᖅᑐᑦ ᓄᓇᕐᔪᐊᕐᒥ ᑕᐅᑐᖕᓂᖏᓐᓄᑦ ᐃᓕᓴᐃᕙᖕᓂᖏᓐᓄᓪᓗ. ᑕᒻᒪᙱᖦᖢᓂ ᐱᓕᕆᓇᓱᓲᖅ, ᐃᑲᔪᕋᓱᒃᐸᒃᖢᓂ ᐱᔨᑦᑎᕋᑦᑎᐊᕋᓱᒃᐸᒃᖢᓂᓗ. ᑐᑭᒧᐊᒃᑎᑦᑎᔨᐅᓪᓗᓂ ᐅᑭᐅᖅᑕᖅᑐᒥ ᑮᓇᐅᔭᖃᖅᑎᑦᑎᔨᓄᑦ ᑲᑐᔾᔨᖃᑎᒌᒃᖢᓂ, ᐃᖅᑲᓇᐃᔭᖅᑐᖅ ᐊᓐᓄᕋᔾᔨᐅᖅᑎᓂᒃ. ᐊᐱᕆᔭᐅᓚᐅᖅᑐᖅ ᐃᖅᑲᓇᐃᔮᖅᑖᕋᓱᐊᖁᔭᐅᑦᓱᓂ ᐱᑦᓱᓂᓗ. "ᑕᒪᓐᓇ ᐱᕕᒃᓴᖅ ᑎᑭᒻᒪᑦ, ᖃᐅᔨᒪᓚᐅᖅᑐᖓ ᐱᕕᒃᓴᑦᑎᐊᕙᐅᓂᖓᓂᒃ ᓄᑖᓂᒃ ᐊᑕᖃᑦᑕᐅᑎᔪᓐᓇᕐᓂᕐᒥᒃ, ᐊᖏᒡᓕᒋᐊᖅᑎᑦᑎᓂᕐᒥᒃ ᐊᔪᙱᓐᓂᕆᔭᓐᓂᒃ, ᐃᓕᑦᑎᓗᖓᓗ ᓄᒃᑕᕐᓂᕆᔭᓐᓂᒃ ᓄᓇᕐᔪᐊᓕᒫᒥ, ᐊᒻᒪᐃᓛᒃ ᐅᓪᓗᖅ ᐊᑕᐅᓯᖅ ᐅᑎᖅᑎᑦᑐᓐᓇᓕᖅᖢᒍ ᓄᓇᑦᑎᓐᓄᑦ," ᑕᐃᒪᓐᓇ ᑕᑯᒃᓴᐅᑎᑦᑎᕗᖅ. 

ᐅᓪᓗᒥ, ᓕᓯᒃ ᐃᑲᔪᐃᓐᓇᖅᐳᖅ ᓄᓇᒥᓄᑦ ᐃᒃᓯᕚᖅᖢᓂ ᐊᖓᔪᖅᑳᒥᑦ ᑲᑎᒪᔨᓂᒡᓗ ᐊᒻᒪ ᐱᓕᕆᓪᓗᓂ ᑑᓚᒥᑦ. ᐱᓕᕆᖃᑎᖃᖅᖢᓂ ᓯᖓᐃᔪᓂᒃ, ᓕᔅᑮᒃ ᐱᔪᒃᓯᑎᑦᑎᕗᖅ ᑭᖑᕚᒃᓴᑦᑎᓐᓂᑦᑕᐅᖅ. ᑭᓱᓕᒫᑦ ᐊᑐᖅᑕᖏᑦ ᐊᑐᕐᖢᒍ, ᐱᓕᕆᐊᒃᓴᖃᐃᓐᓇᕐᖢᓂ ᓇᓂᓯᓪᓗᓂᓗ ᖃᓄᑐᐃᓐᓇᖅ ᐅᑎᖅᑎᑦᑎᓂᕐᒥᒃ. 

ᐱᓕᕆᑎᓪᓗᒍ ᐅᑭᐅᖅᑕᖅᑐᒥ ᑮᓇᐅᔭᖃᖅᑎᑦᑎᔨᓂᑦ ᐱᓕᕆᖃᑎᖃᖅᖢᓂ, ᐃᓕᓴᐱ ᓕᔅᒃ ᐊᐅᓪᓚᖃᑦᑕᖅᑐᖅ ᓄᓇᕐᔪᐊᓕᒫᒥᑦ, ᑭᓯᐊᓂ ᐆᒻᒪᑎᖓ ᐊᒃᓱᕈᕐᓂᖓᓗ ᑕᐅᑐᓪᓗᐊᑕᖅᑐᖅ ᓄᓇᓕᖕᓂ. ᐊᒃᓱᐊᓗᒃ ᐸᓕᐊᖃᕋᓗᐊᖅᑎᓪᓗᒍ, ᐃᒻᒥᓂᒃ ᓂᐸᓱᒃᑐᖅ ᐊᒻᒪᓗ ᓴᓂᓪᓕᖏᑦ ᖃᓄᐃᓕᐅᖅᑕᓕᒫᒥᓂᒃ ᐊᒻᒪᓗ ᓴᓇᓯᒪᔭᖏᑦ ᐃᑲᔪᕐᓂᐊᖅᑐᑦ ᑭᖑᕚᒃᓴᑦᑎᓐᓄᑦ ᐱᕈᖅᐸᓪᓕᐊᑎᓪᓗᒋᑦ. ᐅᐱᒍᓱᒃᖢᓂ ᖁᖅᓱᖅᑕᒥᒃ ᐊᓪᓚᓂᒃ, ᐅᑎᖅᑎᑦᑎᔪᖅ ᓄᓇᖃᖅᑳᖅᓯᒪᔪᓄᑦ ᐊᔪᙱᓐᓂᖏᓐᓄᑦ, ᐊᔪᙱᑕᖏᓐᓄᑦ ᓴᙱᓂᖏᓐᓄᓪᓗ ᐃᓕᑦᑎᒃᑲᓐᓂᕐᖢᓂᓗ ᐊᒥᖅᑳᕈᑎᒋᔪᓐᓇᖅᑕᒥᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.