ᐊᒃᑐᐊᓂᖃᕐᓂᖅ ᐃᓱᒪᑐᓂᒃᑯᑦ: Elle-Máijá Tailfeathers Debuts a career in Filmming
"ᖃᐅᔨᓵᑦᑎᐊᓚᐅᖅᑐᖓ ᓴᓇᑐᓂᖅ ᑕᒪᓐᓇ ᐱᐅᔪᐊᓘᔪᓐᓇᕐᓂᖓᓂᒃ ᐃᓄᖕᓂᒃ ᑲᑎᖃᑎᖃᕆᐊᒃᓴᖅ ᐅᓂᒃᑳᕐᓗᓂᓗ, ᐊᓕᐊᓇᐃᑦᑎᐊᖅᖢᓂᓗ," ᓈᓴᐃᒃᑲᓐᓂᖅᖢᓂ ᐃᐅᓪ−ᒥ−ᒥᓚᐃᔭᒥᒃ Tailfeathers−ᖑᓪᓗᓂ Blackfoot ᐊᒻᒪ Sámi Northern Norway−ᒥ. ᐊᐅᖕᒥ ᐃᓂᖃᖅᑐᖅ ᐊᓈᓇᒥᓂᒃ ᒪᕐᕉᖕᓂᒡᓗ ᕿᒻᒥᖃᖅᖢᑎᒃ. ᑕᕐᕆᔭᓕᐅᖅᑎᐅᕗᖅ, ᑎᑎᕋᖅᑎᐅᓪᓗᓂ, ᑐᑭᒧᐊᖅᑎᑦᑎᓪᓗᓂ, ᑕᕐᕆᔮᒃᓴᓕᐅᓲᖅ ᐊᒻᒪ ᑕᕐᕆᔭᓕᐅᖅᑎᐅᓪᓗᓂ.
ᐱᒋᐊᓕᓚᐅᖅᑐᖅ ᑕᐅᑐᒃᖢᓂ ᐱᙳᐊᖅᑐᓂ ᐅᖃᐅᓯᕐᒥ Sámi-ᒥ ᐃᓄᐃᑦ ᑲᓇᑕᒥ ᑕᕐᕆᔭᕐᕕᖕᒥ ᐅᑭᐅᖅᑕᖅᑐᒥ ᓄᐊᕙᐃᒥ ᐊᖏᕐᕋᖏᓐᓂ. ᐊᖏᕐᕋᕐᖢᓂ ᐱᖃᓐᓇᕆᔭᒥᓂᒃ ᐱᙳᐊᖃᑎᖃᕆᐊᖅᑐᕐᖢᓂ ᐃᓚᒥᓄᑦ ᐱᖃᓐᓇᕆᔭᒥᓄᓪᓗ ᐳᓛᕐᕕᒋᔭᖓᓂ. ᑕᐃᒃᑯᐊ ᐊᑐᖅᓯᒪᔭᖏᑦ ᐱᔪᒃᓯᑎᑦᑎᓚᐅᖅᐳᑦ Tailfeathers−ᓂᒃ ᐱᓇᔪᖁᓪᓗᒋᑦ ᓴᓇᙳᐊᖅᑕᐅᕙᒃᑐᓂᒃ.
ᐱᕈᖅᐸᓪᓕᐊᓪᓗᓂ, Tailfeathers−ᑯᑦ ᑕᐅᑐᓚᐅᖅᐳᑦ ᐊᓈᓇᒥᓂᒃ ᐋᓐᓂᐊᕕᓕᐊᖅᖢᓂ ᐃᓕᓐᓂᐊᖅᖢᓂ. ᑖᓐᓇ ᐆᑦᑑᑎᒋᓗᒍ, ᑖᓐᓇ ᓕᑦᐳᕆᔾᒨᕈᒪᓕᓚᐅᖅᑐᖅ ᐊᕐᕌᒍᒧᑦ ᐱᔭᕇᓚᐅᖅᑎᓪᓗᒍ ᐊᖏᕐᕋᖅᓯᒪᐃᓐᓇᕈᓐᓇᕐᓂᐊᕐᒪᑦ. ᖃᐅᔨᔭᐅᓪᓗᓂ ᐃᓐᓇᐅᓂᖓᓂᒃ ADHD−ᖃᕐᓂᖓᓂᒃ ᑕᐃᒪᐃᓐᓂᖓᓄᑦ ᐃᓕᓐᓂᐊᕐᕕᒃ ᐊᔪᕐᓇᙱᑦᑐᑯᓘᓚᐅᖅᑐᖅ ᐱᔪᒪᓂᖃᖅᑎᓪᓗᒍ ᐃᓕᑦᑎᓂᕐᒥᒃ ᐊᒃᓱᕈᕐᓇᕐᖢᓂᓗ ᐃᓕᓐᓂᐊᙱᖦᖢᓂ. ᐊᒃᓱᕈᕐᓇᖅᑐᒃᑰᓗᐊᓚᐅᖅᑐᖅ ᓯᓚᑦᑐᖅᓴᕐᕕᖕᒧᙵᐅᔪᒪᓪᓗᓂ, ᐊᓈᓇᖓ ᑎᓕᐅᕆᒻᒪᕆᓚᐅᖅᑐᖅ ᐱᓇᓱᐊᖁᔨᓪᓗᓂ ᑲᑎᒪᕝᕕᖕᒧᑦ, ᑲᓇᑕᒥᑦ ᒪᒃᑯᒃᑐᓄᑦ ᐃᑲᔪᖅᑎᐅᓂᖕᒧᑦ ᐱᓕᕆᐊᒥᑦ ᐊᓯᔾᔩᓚᐅᖅᑐᖅ ᐃᓅᓯᖓᓂᑦ.
ᐃᓚᒋᔭᐅᓪᓗᓂ ᑲᑎᒪᔨᓄᑦ ᐃᓱᒪᑖᕈᑎᒋᓚᐅᖅᐸᐅᒃ ᕚᓐᑰᕙᒥ ᑕᕐᕆᔭᐅᓯᐅᕐᓂᕐᒧᑦ ᐃᓕᓐᓂᐊᕐᕕᖕᒧᐊᕈᒪᓕᖅᖢᓂ ᐃᓇᖐᓯᒪᓚᐅᑲᒡᓗᓂ. Tailfeathers-ᑯᑦ ᐃᓱᒪᓚᐅᙱᑦᑐᑦ ᑕᕐᕆᔭᐅᓯᐅᕐᓂᖅ ᐊᔪᕐᓇᙱᑐᐃᓐᓇᕆᐊᖃᕋᓱᒋᓪᓗᒍ ᓲᖃᐃᒻᒪ ᑕᑯᓗᐊᓚᐅᙱᖦᖢᓂ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᒃ ᑕᕐᕆᔮᒃᓴᓕᐅᖅᑎᓂᒃ. ᐱᔭᕇᓚᐅᖅᑎᓪᓗᒍ ᑕᕐᕆᔭᐅᓯᐅᕐᓂᕐᒧᑦ ᐃᓕᓐᓂᐊᕐᕕᖕᒥ, ᓈᒻᒪᒃᓴᙱᖦᖢᓂ ᓴᓇᕝᕕᐊᓗᖕᒥ. "ᖁᕕᐊᓇᑦᑎᐊᓵᖅᑐᒍᑦ ᓄᓇᖃᖅᑳᖅᓯᒪᔪᑦ ᐅᓂᒃᑳᖅᑐᐊᖅᑎᓪᓗᒋᑦ ᑕᕐᕆᔭᕐᕕᖕᒥ ᑭᓯᐊᓂ ᐱᒋᐊᓵᖅᑎᓪᓗᖓ, ᓱᓕ ᐊᑲᐅᙱᓪᓕᐅᕈᑎᓂᒃ ᐱᑕᖃᓚᐅᖅᐳᖅ ᑎᑎᕋᖅᑕᐅᔪᓂᒃ ᑐᑭᒧᐊᒃᑎᑕᐅᓪᓗᑎᒡᓗ ᓄᓇᖃᖅᑳᖅᓯᒪᔪᓄᑦ ᐅᓂᒃᑳᖅᑐᓄᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓂᒃ," ᐃᖅᑲᐅᒪᔪᖅ.
"ᑖᒃᑯᐊ ᐅᓂᒃᑳᑦ ᐃᓗᐊᓂ ᐊᑦᑕᕐᓇᖅᑑᕗᑦ ᑭᒃᑰᓂᑦᑎᓐᓂᒃ ᑭᒡᒐᖅᑐᐃᓪᓗᑎᒃ, ᐊᒻᒪᓗ ᑲᑎᖦᖢᒋᑦ ᑭᒡᒐᖅᑐᖅᑕᐅᑦᑎᐊᙱᖦᖢᑎᒃ ᑭᓇᐅᓂᑦᑎᓐᓂ. ᖁᕕᐊᓱᙱᓪᓚᕆᓕᓚᐅᖅᐳᖓ ᑕᒪᒃᑯᓂᖓ ᑕᒻᒪᖅᓯᒪᔪᖅᓯᐅᕐᓂᕆᔭᐅᔪᓂᒃ, ᐃᒃᐱᒋᔭᖃᑐᐃᓐᓇᖅᖢᖓᓗ ᐃᓕᓴᖅᓯᓚᐅᙱᓐᓇᒪ ᑕᒪᒃᑯᓂᖓ ᐃᓕᖅᑯᓯᕆᔭᐅᕙᒃᑐᓂᒃ ᐃᓄᓪᓚᕆᐅᓂᖏᓐᓂᒃ ᖃᐅᔨᒪᔭᓐᓂᒃ ᓄᓇᓕᑦᑎᓐᓂ, ᐃᒪᐃᓐᓂᖓᓄᑦ, ᑎᑎᕋᖅᑕᐅᓯᒪᓂᖏᓐᓄᑦ ᓄᓇᖃᖅᑳᖅᓯᒪᙱᑦᑐᓄᑦ ᐃᓄᖕᓄᑦ," Tailfeathers−ᑯᑦ ᑲᔪᓰᓐᓇᖅᐳᑦ.
"ᐃᓕᓐᓂᐊᕐᓂᖅ ᐅᕙᑦᑎᓐᓄᑦ ᖃᓄᐃᙱᒻᒪᑦ ᖃᓄᐃᙱᑦᑎᐊᕐᓗᑕᓗ."
ᓯᕗᒧᑦ ᐃᖏᕐᕋᓗᑕ ᐊᑲᐅᒃᓴᕈᓐᓃᕐᓂᕐᒧᑦ, Tailfeathers' Blackfoot Grand/ents, ᑕᒪᕐᒥᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ, ᑕᑯᓚᐅᖅᑐᑦ ᐃᓕᓐᓂᐊᕐᓂᕐᒥᒃ ᑲᔪᓯᑦᑎᐊᕐᓂᕐᒧᑦ ᐊᒻᒪᓗ ᒪᑭᑕᑦᑎᐊᕐᓂᕐᒧᑦ ᐊᒻᒪᓗ ᑎᓕᐅᖅᖢᒍ ᐅᑎᖁᓪᓗᒍ ᐃᓕᓐᓂᐊᕐᕕᖕᒧᑦ. UBC−ᒧᐊᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᖢᓂ, ᐅᑭᐅᑭᓗᐊᖅᖢᓂ ᐊᕐᓇᐃᑦ ᐊᖑᑏᓪᓗ ᐃᓕᓐᓂᐊᖅᖢᑎᒃ ᓇᓂᓯᓪᓗᑎᒡᓗ ᓄᓇᓕᖕᓂᑦ ᐊᓯᖏᓐᓂᑦ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᑎᓂᑦ. ᐱᔪᓐᓇᓚᐅᖅᑐᖅ ᑕᕐᕆᔮᒃᓴᓂᒃ ᐊᒻᒪᓗ ᐋᖅᑭᒋᐊᖅᓯᓂᕐᒥᒃ ᖃᕋᓴᐅᔭᓕᕆᔾᔪᑎᓂᒃ ᐊᒻᒪᓗ ᐃᒻᒥᓂᒃ ᐃᓕᓴᐃᓪᓗᓂ ᐊᑐᕐᓂᐊᕐᓗᒋᑦ. ᐊᑕᐅᓯᖅ ᐃᓕᓐᓂᐊᖃᑎᒌᑦ ᑐᓂᓯᔪᓐᓇᖅᓯᓚᐅᖅᐳᖅ ᐱᕙᓪᓕᐊᔪᓕᕆᔨᓄᑦ ᐱᓕᕆᐊᒃᓴᒥᒃ ᐸᐃᑉᐹᒃᑰᙱᖔᖅᑐᖅ ᐊᒻᒪ ᓯᕗᓪᓕᖅᐹᒥ ᑎᑎᕋᖅᖢᓂ.
ᐱᐅᓗᐊᕋᓱᒋᓚᐅᙱᑕᖓ ᑭᓯᐊᓂ ᑭᓱᓕᒫᓂᒃ ᐊᓯᔾᔩᓚᐅᖅᑐᖅ. "ᐊᑐᖅᓯᒪᓂᑰᓂᖅ ᐱᔪᓐᓇᕐᓂᖃᕐᓂᕐᒥᒃ ᐅᓂᒃᑳᖅᑕᐅᔪᒥᒃ, ᐊᒻᒪᓗ ᐅᕙᓐᓂᒃ ᐅᖃᕈᓐᓇᑦᑎᐊᖅᖢᖓ ᐃᓱᒪᒋᔭᓐᓂᓪᓗ, ᑕᒪᕐᒥᑦᑎᐊᕐᓗ ᓴᙱᓂᖃᖅᑎᑦᑎᑦᑎᐊᓚᐅᖅᑐᑦ ᐊᓯᔾᔩᔪᓐᓇᖅᖢᑎᒡᓗ ᐅᕙᓐᓄᑦ," ᑕᐃᓗᕖᔅ ᐃᖅᑲᐅᒪᔪᖅ. ᐱᕈᖅᓯᐊᒃᓴᒥᓂᒃ ᐱᕈᖅᓯᐊᖃᓚᐅᖅᐳᖅ ᑕᐃᒪᐃᓕᐅᕈᓐᓇᕐᓂᕐᒥᓂᒃ. ᓇᒻᒥᓂᖅ ᑕᕐᕆᔭᓕᐅᖃᑦᑕᓕᓚᐅᖅᓯᒪᔪᖅ ᐊᒻᒪᓗ ᑕᐃᒪᐃᖃᑦᑕᖅᓯᒪᓪᓗᓂ ᐊᕐᕌᒍᓄᑦ 12-ᓄᑦ.
"ᐊᖅᑯᑎᒃᑰᑐᐃᓐᓇᖅᑐᖓ ᓴᓇᕝᕕᒃᑯᑦ, ᐅᓂᒃᑳᖅᐸᒃᖢᖓ ᐊᒻᒪ ᑲᑐᔾᔨᖃᑎᒌᒃᖢᖓ ᖁᕕᐊᓇᖅᑐᓂᒃ ᑕᐃᒪᓐᓇᓗ ᐅᓪᓗᒥ ᑎᑎᕋᕐᕕᓐᓄᐊᓕᓚᐅᖅᐳᖓ."
ᑕᒪᒃᑯᓂᖓ ᐊᑐᓚᐅᖅᑎᓪᓗᒍ, ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᓄᓇᒥᓂᒃ ᕿᒪᐃᔪᒪᓪᓗᑎᒃ ᓯᓚᑦᑐᖅᓴᕐᕕᒡᔪᐊᓕᐊᕐᓗᓂᓗ ᐃᒃᐱᒋᔭᖃᑦᑎᐊᖅᐳᖅ. "ᑲᑉᐱᐊᓇᓪᓚᕆᑦᑐᖅ. ᑐᑭᓯᕙᕋ ᐱᒡᒐᓇᖅᑐᒻᒪᕆᐅᒻᒪᑦ ᐊᖏᕐᕋᒧᑦ ᐊᐅᓪᓚᕆᐊᖓ ᓯᕗᓪᓕᖅᐹᑦᑎᐊᕐᒥᑦ. ᐊᓕᐊᓇᐃᑦᑎᐊᕐᒥᔪᖅ," ᑐᓴᖅᑎᑦᑎᕗᖅ. ᐱᖃᓐᓇᕆᔭᒥᓂᒃ ᐊᓯᖕᓂᒃ ᑕᐃᒪᐃᓕᐅᖃᑎᖃᖁᔨᕗᖅ, ᐃᓕᖕᓂᒃ ᐊᓂᖁᔨᓕᕐᓇᖅᖢᓂ, ᑭᓯᐊᓂ ᐊᑭᓕᖅᑕᐅᓂᖅ ᐱᒻᒪᕆᐊᓘᕗᖅ, ᑕᐃᒪᓐᓇ ᐅᖃᖅᖢᓂ. "ᖃᐅᔨᒪᓚᐅᖅᓯᒪᙱᑦᑐᑎᑦ ᖃᓄᖅ ᑖᒃᑯᐊ ᐃᓄᐃᑦ ᐊᓯᔾᔩᓂᐊᕐᒪᖔᑕ ᐃᓅᓯᕐᓂᒃ," ᖃᐅᔨᒪᙱᖦᖢᓂ. ᒪᒃᑯᖕᓂᖅᓴᓂᒃ ᓇᖕᒥᓂᖅ ᐅᖃᐅᔾᔪᐃᕙᓚᐅᖅᑐᖅ.
"ᐱᒻᒪᕆᐅᖕᒪᑦ ᖁᕝᕙᖃᑦᑕᐅᑎᓗᓂ ᖁᕕᐊᓲᑎᒋᓗᒍᓗ ᐊᓯᕗᑦ ᐃᓄᐃᑦ ᐱᔭᕇᖅᓯᔭᕌᖓᑕ ᖁᕕᐊᓇᖅᑐᓂᒃ ᓲᖃᐃᒻᒪ ᑲᔪᓯᑦᑎᐊᕐᓂᖓ ᐊᑕᐅᓯᖅ ᐃᓄᒃ ᑲᔪᓯᑦᑎᐊᖅᑐᖅ ᐅᕙᑦᑎᓐᓂᓕᒫᖅ."
ᓄᓇᓕᖕᒥᐅᑦ ᐃᑲᔪᖅᓯᕙᒃᐳᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓂᒃ ᐱᓕᕆᐊᕆᔭᒥᓄᑦ. "ᐃᓱᒪᒋᔭᕋ ᐃᖅᑲᓇᐃᔭᕐᓂᖅ ᑕᕐᕆᔭᐅᓯᐅᖅᑎᓂᑦ ᐊᒃᓱᕈᕐᓇᖅᑐᒻᒪᕆᐊᓘᖕᒪᑦ... ᐱᕈᖅᐸᓪᓕᐊᒋᐊᖃᕋᕕᑦ ᐃᔾᔪᔪᒥᒃ ᐅᕕᓂᒻᒥᒃ, ᐅᐱᓐᓇᕋᓂ ᕿᐱᓗᓐᓂᖅ ᐊᑐᖅᑕᐅᒐᔪᒻᒪᑦ ᓴᓇᕕᒻᒥ, ᐊᒻᒪᓗ ᐊᑦᓱᕈᕆᐊᖃᓪᓚᕆᑦᑐᑎᑦ ᐱᓕᕆᐊᕆᓇᓱᐊᕐᓗᒋᑦ. ᑕᒪᓐᓇ ᖃᓕᕈᓯᐅᖏᓐᓇᕐᒪᑦ ᐊᒻᒪᓗ ᐃᓛᓐᓂᒃᑯᑦ ᖃᓕᕈᓯᐅᖅᑰᔨᓪᓗᓂ. ᑭᓯᐊᓂ ᐃᓱᒪᔪᖓ ᐃᑲᔪᕐᔪᐊᖅᑐᖅ ᖃᐅᔨᒪᑐᐃᓐᓇᕐᓗᖓ ᐃᒪᐃᑦᑕᕆᐊᖃᕐᓂᓐᓂᒃ, ᐊᔪᓕᕌᖓᒪ ᑲᑕᒃᑳᖓᒪᓘᓐᓃᑦ, ᓇᖕᒥᓂᖅ ᐊᐃᒃᖠᕆᐊᖃᑐᐃᓐᓇᕋᒪ ᐊᒻᒪ ᐳᔫᖅᑎᑉᐸᒃᖢᖓ ᓯᕗᒻᒧᐊᒃᐸᓪᓕᐊᖏᓐᓇᕐᓗᖓᓗ," ᓈᓴᐃᒃᑲᓐᓂᖅᐸᒃᖢᓂ.
"ᒪᑐᐃᖓᖃᑦᑕᐅᑎᒍᑦᑕ ᐋᓐᓂᐊᕐᓂᕆᔭᑦᑕ ᒥᒃᓵᓄᑦ, ᑕᐃᒫᒃ ᓯᕗᒻᒧᐊᒍᓐᓇᖅᐳᒍᑦ ᐊᑕᐅᑦᑎᒃᑯᑦ."
ᐃᑲᔪᖅᑐᕈᒪᓪᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ, Tailfeathers ᐊᕙᓗᓯᒪᕙᒃᐳᖅ ᐃᓄᑦᑎᐊᕙᖕᓄᑦ ᒪᑐᐃᙶᖅᐸᒃᖢᓂᓗ ᐊᓯᒥᓄᑦ ᐅᖃᓪᓚᒋᐊᖃᓕᕌᖓᑦ. ᐃᓂᖃᑦᑎᐊᓲᖅ ᖁᕕᐊᓇᖅᑐᓂᒃ, ᑕᐅᑐᒃᖢᓂ ᑎᔅᓯᓇᖅᑐᓂᒃ ᑕᕐᕆᔭᖅᑐᓂᒃ ᐅᕝᕙᓘᓐᓃᑦ ᓴᐃᓕᓐᓇᖅᑐᒥᒃ ᑕᕐᕆᔮᒃᓴᒥᒃ ᐱᖁᔨᓪᓗᓂᓗ ᐱᔪᓐᓇᕐᓂᕐᒥᒃ ᐃᓱᒪᓕᕆᓂᕐᒧᑦ ᐱᑕᖃᖅᑐᓂᒃ ᐱᔭᕆᐊᖃᖅᐸᑦ. ᓇᖕᒥᓂᖅ ᑲᒪᒋᑦᑎᐊᖃᑦᑕᕐᓂᖅ ᓂᕿᑦᑎᐊᕙᖕᓂᑦ, ᐃᖃᐃᓕᓴᕐᓂᕐᒥᑦ ᐊᒻᒪ ᑕᖃᐃᖅᓯᑦᑎᐊᕐᓂᕐᒥᑦ ᐃᑲᔪᕆᕗᖅ ᑲᔪᓯᑦᑎᐊᖏᓐᓇᕐᓂᕐᒧᑦ.
"ᖃᓄᐃᙱᑦᑎᐊᖅᑐᒥᒃ ᑎᒥᖃᕆᐊᖃᖅᑐᑎᑦ ᖃᓄᐃᙱᑦᑎᐊᖅᑐᒥᒃᓗ ᐃᓱᒪᒥᒃ ᖃᓄᐃᙱᑦᑎᐊᖅᑐᒥᒃᓗ ᐆᒻᒪᕆᖕᓂᕐᒥᒃ ᐊᐅᓚᔪᓐᓇᖁᓪᓗᑎᑦ ᐊᒃᓱᕈᕐᓇᖅᑐᒃᑯᑦ."
ᐱᔪᒃᓯᑎᑦᑎᔭᕆᐊᖃᓕᕌᖓᑦ, ᐱᖃᓐᓇᕆᔭᒥᓂᒃ ᐃᓚᒥᓂᒡᓗ ᑕᐅᑐᓕᖃᑦᑕᖅᐳᖅ ᑭᓱᑐᐃᓐᓇᑦᑎᐊᓂᒡᓗ ᐊᓂᒍᖅᑎᓯᒪᔭᒥᓂᒃ.
ᐱᔪᒃᓯᑎᑕᐅᑦᑎᐊᕐᖢᓂ ᒪᒃᑯᒃᑐᓄᑦ ᑲᑎᑕᖏᓐᓄᑦ ᐃᖅᑲᓇᐃᔮᖏᑎᒍᑦ ᓂᒡᓚᓱᒃᑐᓪᓗ ᐱᓕᕆᐊᕆᔭᖏᓐᓂ. "ᖁᕕᐊᓇᑦᑎᐊᖅᑐᖅ ᑕᑯᓪᓗᓂ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐱᒃᑯᒍᓱᒃᓗᑎᒃ ᑭᓇᐅᓂᕐᒥᓂᒃ ᓇᑭᙶᕐᓂᖏᓐᓂᒡᓗ," ᐱᙳᐊᖅᑐᖅ. ᐊᓯᖏᑦ ᓴᓇᙳᐊᖅᑏᑦ, ᑎᑎᕋᖅᑏᑦ ᐊᒻᒪ ᑕᕐᕆᔭᓕᐅᖅᑏᑦ ᑲᔪᖏᖅᓴᐃᕙᒻᒥᔪᑦᑕᐅᖅ.
ᐆᒃᑑᑎᖃᕐᖢᓂ ᖃᑕᙳᑎᖏᑕ ᐱᒻᒪᕆᐅᒋᔭᖏᓐᓂ ᐃᓕᓐᓂᐊᕐᓂᓕᕆᓂᐅᑉ ᒥᒃᓵᓄᑦ, ᑐᙵᕕᖃᑦᑎᐊᕐᖢᓂ ᖃᐅᔨᒪᓂᕐᓂ ᓄᓇᓕᖕᒥᓗ ᐅᐸᒐᔪᒃᑕᖓᓂᒃ ᐃᓕᓐᓂᐊᕆᐊᖅᓯᒪᑎᓪᓗᒍ ᐱᓇᓱᒃᓗᓂ ᖁᕕᐊᒋᔭᖓᓂᒃ. ᖃᐅᔨᓚᐅᖅᑐᖅ ᓴᓇᑐᓂᖅ ᑕᒪᓐᓇ ᐱᐅᔪᐊᓘᔪᓐᓇᕐᓂᖓᓂᒃ ᐃᓄᖕᓂᒃ ᑲᑎᖃᑎᖃᕆᐊᒃᓴᖅ ᐅᓂᒃᑳᕐᓗᓂᓗ, ᐊᓕᐊᓇᐃᑐᐃᓐᓇᖅᖢᓂᓗ. ᒫᓐᓇᓕ, ᐃᐅᓪ−ᒥᐃᔨ ᑕᓗᕙᔅ ᑕᕐᕆᔭᓕᐅᖅᑐᖅ ᐊᒻᒪᓗ ᓇᒻᒥᓂᖅ ᑕᕐᕆᔭᓕᐅᖅᑐᓂ ᖁᕕᐊᓱᒍᓐᓃᑎᑦᑎᕙᓚᐅᖅᑐᖅ. ᐊᑕᐅᓯᐊᖅᑐᓂ ᓇᒻᒥᓂᖅ ᑕᑯᒍᓐᓇᓚᐅᓐᖏᓚᖅ ᐱᕙᓪᓕᐊᔪᓕᕆᔨᓂᑦ ᐊᕙᓗᔭᐅᓯᒪᓪᓗᓂ ᐊᒻᒪ ᒫᓐᓇ ᑕᕐᕆᔮᓕᐅᖅᐸᓕᖅᑐᓂ ᐱᑕᖃᙱᓐᓂᐅᔪᒥᑦ ᐊᒻᒪ ᓴᓇᑐᔪᒥᑦ ᐃᕐᖑᓯᐅᔭᕐᒥᑦ ᐊᑕᐅᑦᑎᒃᑯᑦ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
