"ᐊᖏᕈᑎᓕᕆᓂᖅ ᐊᕐᕌᒍᓄᑦ 20-ᓄᑦ ᐅᖓᑖᓄᑦ ᑎᑭᖦᖢᒍ ᒫᓐᓇᒧᑦ ᑎᑭᖦᖢᒍ, ᓯᕗᕙᓯᓕᑕᐃᓐᓇᖅᖢᑕᓗ," ᐃᒪᓕ ᑭᐊᓕ ᓕ'á-ᒥᙶᖅᑐᖅ:mel First Nation-ᑯᑦ ᓇᓗᓇᐃᖅᑕᖓ. ᓯᓕᕚᒃᒥ ᓄᓇᖃᖅᓯᒪᓕᖅᑐᖅ ᐊᕐᕌᒍᓄᑦ ᖁᓕᓄᑦ ᑭᓯᐊᓂ ᐊᖏᕐᕋᓛᓕᖅᑐᖅ ᒫᓐᓇᕈᓗᒃ. ᑭᐊᓕ ᐱᓕᕆᖃᑎᖃᖅᓯᒪᔪᖅ Stè:lŪ Xwexwilmexww-ᑯᑦ ᑲᑐᔾᔨᖃᑎᒌᖓᑦ (SXTA) ᐊᕐᕌᒍᓄᑦ 6-ᓄᑦ, ᑎᒥᐅᔪᖅ 6-ᓂᒃ ᑎᑕᒃᑎᓂᒃ ᐋᔩᖃᑎᖃᖅᖢᓂ ᐳᕆᑎᔅ ᑲᓚᒻᐱᐊᒥ ᑲᓇᑕᒥᓗ. ᐱᓕᕆᐊᖃᖅᐳᑦ ᓇᒻᒥᓂᖅ ᒐᕙᒪᖃᕋᓱᐊᖅᑐᑎᒃ, ᓇᒻᒥᓂᖅ ᐊᐅᓚᑦᑎᓪᓗᑎᒃ ᓄᓇᒥᓐᓂᒃ, ᐊᒻᒪ ᐊᓂᕙᓪᓕᐊᓪᓗᑎᒃ ᐃᖅᑭᓖᑦ ᒪᓕᒐᖓᓐᓂᑦ.

"ᑖᓐᓇ SXTA−ᒧᑦ ᐊᖏᕈᑎ ᐊᔾᔨᐅᙱᑦᑑᕗᖅ ᐃᒪᐃᓐᓂᖓᓄᑦ, ᐃᓕᓯᕙᓪᓕᐊᒐᑦᑕ ᕿᕐᓂᖅᑕᒥᒃ ᖃᐅᓪᓗᖅᑕᒥᒡᓗ ᐱᑕᖃᕈᓐᓃᖅᑎᑦᑎᔾᔮᙱᖦᖢᑕ ᓇᓕᐊᖕᓂᑐᐃᓐᓇᖅ ᓄᓇᖃᖅᑳᖅᑐᑦ ᐱᔪᓐᓇᐅᑎᖏᓐᓂᒃ ᑕᐃᒎᓯᖏᓐᓂᒡᓗ, ᑕᒪᓐᓇᓗ ᑐᙵᕕᑦᑎᐊᕙᐅᓪᓗᓂ, ᐊᒻᒪᓗ ᓇᖕᒥᓂᖅ ᐊᖅᑯᑎᒋᕙᒃᑕᑦᑎᓐᓂᒃ ᐊᑐᖅᖢᑕ ᐃᓚᒋᔭᐅᔪᒪᓪᓗᑕ," ᑭᐊᓕ ᐅᖃᖅᖢᓂ. ᑕᒪᓐᓇ ᐃᓕᖅᑯᓯᐅᔪᖅ ᐱᖃᓯᐅᔾᔨᓯᒪᔪᖅ ᐅᖃᖃᑎᖃᖃᑦᑕᓂᕐᒥᒃ. 

"ᐃᓕᑦᑎᓯᒪᕐᔪᐊᖅᑐᒍᑦ ᐊᓯᖏᓐᓂᒃ ᐊᖏᕈᑎᓂᒃ. ᓯᕗᓕᖅᑎᖃᖅᑐᒍᑦ ᐊᓯᖏᓐᓄᑦ ᓄᓇᓕᖕᓄᐊᖃᑦᑕᖅᑐᓂᒃ ᐃᓕᑦᑎᔭᖅᑐᖅᑐᓂᒃ ᖃᓄᐃᓕᐅᕈᓐᓇᕋᔭᓚᐅᖅᑕᖏᓐᓂᒃ ᐊᔾᔨᒋᙱᑕᖓᒍᑦ, ᐃᓕᑦᑎᓗᑎᒃᓗ ᖃᓄᐃᓕᐅᕈᓐᓇᖅᑕᑦᑎᓐᓂᒃ ᒫᓐᓇ ᐊᑐᓕᖅᑎᓐᓂᐊᕐᓗᒍ," ᓇᓗᓇᐃᖅᓯᑦᑎᐊᕐᖢᓂ.

ᐊᖏᕈᑎ ᐊᔾᔨᐅᙱᑦᑐᒥᒃ ᐊᑐᖅᓯᒪᔪᖅ, ᑲᔪᓯᓪᓗᓂ ᑎᑎᕋᖅᓯᒪᔪᑎᒍᑦ ᑐᑭᓯᐅᒪᖃᑦᑕᐅᑎᓂᖅ (MOU) ᐊᖏᕈᑎᐅᙱᖔᖅᑐᖅ. ᑐᑭᓯᐅᒪᖃᑎᒌᖕᓂᕐᒧᑦ ᐊᖏᕈᑎᑕᖃᓕᖅᖢᓂ, ᓇᖕᒥᓂᖅ ᐊᐅᓚᑦᑎᔾᔪᑎᖏᓐᓄᑦ ᐊᒻᒪ ᐱᖁᔭᕐᔪᐊᖏᓐᓄᑦ. ᐱᕙᒌᔭᕐᓂᐊᕐᓗᓂ ᓂᕈᐊᕐᓂᐊᕐᓂᕐᒧᑦ ᑕᒪᑐᒧᖓ ᐱᔾᔪᑕᐅᔪᒧᑦ, ᑖᓐᓇ ᑲᑐᔾᔨᖃᑎᒌᖑᔪᖅ ᐃᓚᐅᑎᑦᑎᓯᒪᕗᖅ ᓄᓇᓕᖕᓂᒃ ᐊᔾᔨᒌᙱᑦᑐᑎᒍᑦ ᐃᓄᐃᑦ ᐅᖃᓪᓚᒍᓐᓇᖅᑎᑦᑐᒪᓪᓗᒋᑦ ᓯᐊᒻᒪᒃᑎᕆᔪᒪᓪᓗᑎᒡᓗ ᐅᖃᐅᓯᕐᒥᒃ ᑭᓱᓂᒃ ᐊᓂᒍᖅᑎᑦᑎᓇᓱᖕᒪᖔᑕ ᓄᕙᒡᔪᐊᕐᓇᖅ-ᖁᐊᖅᓵᕐᓇᖅᑕᐃᓕᒪᓂᕐᒥᓂ. ᓄᐊᑦᑎᓯᒪᔪᑦ ᐅᖃᐅᓯᒃᓴᓂᑦ ᐊᔾᔨᒌᙱᑦᑑᑎᑎᒍᑦ ᓲᕐᓗ ᓂᕆᖃᑎᒌᖕᓃᑦ ᓄᓇᕐᔪᐊᒥᓪᓗ ᓂᕆᖃᑎᒌᖕᓃᑦ ᑕᖅᑭᓄᑦ 6−ᓄᑦ. 

ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ ᐃᓚᖏᑦ ᐃᓚᐅᓂᐅᔪᑦ ᐊᓯᔾᔨᖅᓯᒪᓕᖅᐳᑦ ᖃᕋᓴᐅᔭᒃᑯᑦ. ᓴᙱᔪᑦ ᐱᓕᕆᖃᑎᒌᑦ Sto−ᒥ:ᐊᕐᓇᐃᑦ ᓯᕗᒻᒧᐊᒃᐸᓪᓕᐊᖏᓐᓇᖅᐳᑦ ᐊᒃᓱᕈᕐᓇᖅᑐᒃᑰᕋᓗᐊᖅᑎᓪᓗᒋᑦ, ᐱᓇᔪᑦᑎᐊᖅᐸᒃᖢᑎᒃ ᓄᓇᓖᑦ ᐃᓚᐅᑏᓐᓇᕋᓱᒃᖢᒋᑦ ᐊᖏᖃᑎᒌᒃᐸᓪᓕᐊᑎᓪᓗᒋᑦ. ᐱᓕᕆᔾᔪᑎᒃᓴᓄᑦ ᐸᕐᓇᐅᑎᑦ ᓴᓇᔭᐅᓚᐅᖅᑐᑦ ᐋᖅᑭᒋᐊᖅᑕᐅᔭᕆᐊᖃᓪᓚᕆᓚᐅᖅᐳᑦ ᑭᒡᓕᖃᖅᑎᑕᐅᓂᖏᓐᓄᑦ. ᐅᖄᓚᐅᑎᒃᑰᕋᓗᐊᕈᑎᒃ, ᐃᕐᖐᓐᓇᒃᑰᕈᑎᒃᑯᑦ, ᐃᓄᖕᓄᑦ ᑐᓴᐅᒪᔾᔪᑎᒃᑯᑦ, ᑎᑎᖅᑲᒃᑯᕕᒃᑯᑦ, ᐃᑭᐊᖅᑭᕕᒃᑯᓪᓘᓐᓃᑦ SXTA−ᑯᑦ ᐱᓕᕆᔨᖏᑦ ᐊᒃᓱᕈᖅᖢᑎᒃ ᐱᓕᕆᓯᒪᔪᑦ ᑐᓴᖅᑕᐅᑎᓐᓇᓱᒃᖢᒍ. 

ᑭᐊᓕ ᐊᒃᓱᕉᑎᖃᖅᓯᒪᔪᖅ ᐊᒃᑐᐃᓂᐅᔪᓂᑦ ᓄᓇᕐᔪᐊᒥᑦ ᖃᓂᒪᓂᖕᒧᑦ ᐱᓕᕆᖃᑎᒥᓃᙱᖦᖢᓂᓗ. "ᐊᖏᕐᕋᐅᑎᑕᐅᔪᐃᓐᓇᐅᓚᐅᖅᑐᒍᑦ ᑎᑎᕋᕐᕕᖕᒥᙶᖅᖢᑕ. ᐃᓯᕆᐊᖃᕈᓐᓃᓚᐅᖅᑐᒍᑦ, ᓄᑕᖅᑲᓪᓗ ᐊᖏᕐᕋᖅᓯᒪᔭᕆᐊᖃᓕᖅᖢᑎᒃ ᐃᓕᓐᓂᐊᕐᓗᑎᒃ," ᐃᖅᑲᐅᒪᔪᖅ. "ᐃᖅᑲᓇᐃᔭᖃᑎᒃᑲ ᑭᖑᓂᖃᓈᕆᕐᔪᐊᖅᑕᒃᑲ. ᐅᑕᖅᑭᔪᓐᓇᖏᓐᓇᒪ ᐅᑎᑐᐃᓐᓇᕆᐊᒃᓴᖅ ᑎᑎᕋᕐᕕᖕᒧᑦ ᖃᐅᑕᒫᓪᓗ ᐱᓕᕆᐊᒃᓴᖃᕐᓗᑕ ᑎᑎᕋᕐᕕᖕᒥ. ᐃᓅᖃᑎᖃᖃᑎᒋᙱᓐᓇᒃᑭᑦ. ᖁᕕᐊᓇᖅ ᐱᓕᕆᖃᑎᒌᑦᑎᐊᕋᒪᑦᑕᐅᖅ. ᐃᖅᑲᓇᐃᔭᖃᑎᒋᔭᕗᑦ, ᑭᓯᐊᓂ ᐱᖃᓐᓇᕆᑦᑎᐊᕐᒥᔭᕗᑦ," ᑲᔪᓯᓪᓗᓂ.

ᑖᓐᓇ ᐊᖅᑯᑎᐅᔪᖅ ᖁᕕᐊᓇᕋᓗᐊᖅᑎᓪᓗᒍ, ᑭᐊᓕᐅᑉ ᓂᕆᐅᒋᔭᖓ. ᐱᔭᕇᓚᐅᖅᑎᓪᓗᒍ ᐃᓕᓐᓂᐊᕐᕕᐊᓗᒻᒥ, ᐃᖃᐃᓕᓴᕐᓂᕐᒧᑦ ᐃᓕᓴᐃᔨᕈᕈᒪᓕᓚᐅᖅᑐᖅ. ᐃᓱᒪᓪᓗᓂ ᐃᖅᑲᓇᐃᔮᖃᕐᓂᕐᒥᒃ ᐃᓱᒪᓪᓗᓂ, "ᐅᕙᓐᓂᒃ ᐃᑲᔫᑎᖃᖅᑐᖓ, ᐃᑲᔪᖅᑐᖓ ᐃᓄᖕᓂᒃ, ᑮᓇᐅᔭᓕᐅᕐᓂᕐᒥᒃ. ᑭᓱ ᐱᐅᓂᖅᓴᐅᔪᓐᓇᖅᐸ?" ᑭᓯᐊᓂ ᐅᖃᕐᖓᑦ, "ᐱᐅᔪᖅ" ᓇᓂᔭᐅᓚᐅᖅᑐᖅ. ᑭᖑᒧᑦ ᑕᑯᓪᓗᓂ ᐃᖃᐃᓕᓴᕐᓂᕐᒧᑦ ᐱᓕᒻᒪᒃᓴᓂᕐᒥᒃ ᖁᕕᐊᒋᓂᖅᓴᐅᓪᓗᓂ ᐃᖕᒥᓄᑦ. 

ᑭᐊᓕᒧᑦ, "ᐱᐅᓂᖅᓴ" ᒪᕐᕉᖕᓂᒃ ᕿᑐᕐᖓᖃᖅᑰᔨᓚᐅᖅᑐᖅ, ᓄᖅᑲᖓᓚᐅᑲᒃᖢᓂ, ᐊᒻᒪ ᐊᔾᔨᒌᙱᑦᑐᓂᒃ ᐃᖅᑲᓇᐃᔮᒃᓴᓂᒃ ᐱᓕᕆᓪᓗᓂ ᑭᐅᔨᐅᓪᓗᓂ. ᐱᕕᖃᕐᓂᖅ ᐱᓕᕆᖃᑎᖃᕐᓂᕐᒥᑦ ᒫᓐᓇᐅᔪᖅ ᐃᖅᑲᓇᐃᔭᕐᕕᒋᔭᖓᓂᑦ ᓴᖅᑭᓚᐅᖅᑐᖅ ᐊᑖᑕᖓᓗ ᑎᓕᐅᕆᑦᓱᓂ ᑲᔪᓯᖁᔨᑦᓱᓂ. ᐱᒋᐊᓪᓚᙱᖦᖢᓂ, ᖁᕕᐊᓱᒃᑐᖅ ᐱᕕᖃᕈᓐᓇᓚᐅᕐᒪᑦ.

ᐱᒋᐊᓚᐅᖅᑐᖅ ᐃᖅᑲᓇᐃᔮᖓᓂᑦ ᑐᓴᐅᒪᑎᑦᑎᔨᐅᓪᓗᓂ ᐃᓕᓐᓂᐊᓚᐅᖅᑎᓪᓗᒍ ᐊᒃᓱᕈᖅᖢᓂ ᐊᐱᖅᓱᖅᑕᐅᓂᕐᒧᑦ ᑲᔪᓯᑦᑎᐊᕐᓂᕐᒧᓪᓗ. ᐸᐃᕆᕝᕕᒃᓴᖅᓯᐅᕐᓂᖅ ᐊᒃᓱᕈᕐᓇᖅᑑᓯᒪᔪᖅ ᑭᓯᐊᓂ ᐱᓇᔪᐃᓐᓇᖅᓯᒪᔪᖅ ᖁᕝᕙᕆᐊᖅᑎᑕᐅᓪᓗᓂᓗ ᓄᓇᓕᖕᓂ ᐃᓚᐅᑎᑦᑎᓂᕐᒧᑦ ᐊᐅᓚᑦᑎᔨᒧᑦ. ᐱᓕᕆᖃᑎᒋᔭᖏᑦ ᐊᓯᔾᔨᖅᓯᒪᔪᑦ ᐱᓕᕆᖃᑎᒌᑦ ᐊᓯᖏᓐᓂᒃ ᓯᕗᓪᓕᐅᑎᔭᕆᐊᓕᖕᓂᒃ ᐱᓇᔪᒃᓯᒪᓕᖅᖢᑎᒃ ᐊᒻᒪ ᐱᓕᕆᐊᖑᓚᐅᖅᑐᖅ ᐊᓯᔾᔨᖅᓯᒪᓕᖅᖢᓂ ᐊᓯᔾᔨᖅᑕᐅᓪᓗᓂ ᖃᕋᓴᐅᔭᒃᑯᑦ ᐃᓚᐅᑎᑦᑎᓂᕐᒧᑦ. 

ᖃᓄᑐᐃᓐᓇᖅ ᐱᓕᕆᐊᖑᒐᓗᐊᕈᓂ, ᐱᓕᕆᐊᒃᓴᖅ ᐱᒻᒪᕆᐅᕗᖅ ᑭᐊᓕᒧᑦ ᐱᓕᕆᖃᑎᖏᓐᓄᓪᓗ. "ᑕᐃᑲᓃᒍᒪᔪᒍᑦ. ᖃᐅᔨᒪᔪᒍ ᑕᒪᒃᑯᐊ ᓯᕗᓂᓃᑦᑐᑦ ᐊᒻᒪᓗ ᐱᓕᕆᔪᓐᓇᖅᑐᑕ ᓯᕗᓂᒃᓴᖃᑦᑎᐊᓂᕐᒧᑦ ᓄᓇᑦᑎᓐᓂ. ᓄᓇᓕᑐᐊᖑᙱᑦᑐᖅ, ᐅᕙᑦᑎᓐᓄ, ᕿᑐᕐᖓᕗᓪᓗ, ᑭᖑᕚᒃᓴᕗᑦ ᐊᒻᒪ ᓯᕗᓕᕕᓂᑦᑎᓐᓄᑦ," ᐅᖃᐅᓯᕆᓚᐅᖅᐹ. 

ᑭᐊᓕ ᐅᐱᒍᓱᒃᑐᖅ ᐃᓚᒋᔭᐅᔭᕆᐊᒃᓴᖅ ᐊᐅᓚᓂᕐᒧᑦ ᐊᒻᒪᓗ ᐱᕙᓪᓕᐊᓂᕐᒧᑦ ᐅᒃᐱᕆᔭᖓ ᐊᒻᒪᓗ ᐱᓕᕆᐊᖓ STXA-ᒧᑦ. "ᐆᒻᒪᕆᑦᑎᐊᖅᑐᖅ ᖁᕕᐊᓇᑦᑎᐊᖅᖢᓂᓗ. ᑕᒪᓐᓇ ᐃᖅᑲᓇᐃᔮᑦᑎᐊᕙᐅᓚᐅᖅᓯᒪᙱᑦᑐᖅ. ᖁᕕᐊᓇᖅ ᐃᓚᒋᔭᐅᒍᓐᓇᕋᒪ ᓇᒻᒥᓂᖅ ᐱᐅᓯᕆᓯᒪᔭᑦᑎᓐᓄᑦ. ᑕᒪᓐᓇ ᐊᖏᔪᐊᓘᖅᑰᔨᒋᔭᕋ ᐅᕙᑦᑎᓐᓄᑦ ᐃᓚᒋᔭᐅᕐᔪᐊᓕᖅᖢᖓᓗ," ᓴᓚᐅᓪᓗᓂ. ᐊᕐᕌᒍᑦ 20 ᐊᓂᒍᖅᓯᒪᓕᖅᑎᓪᓗᒋᑦ, ᓄᓇᓕᖓ ᐊᖑᒻᒪᑎᑦᑎᐊᓕᖅᐳᖅ ᐅᓪᓗᒥᒧᑦ ᑎᑭᖦᖢᒍ ᐊᖑᒻᒪᑎᓕᕐᓂᐊᖅᖢᓂ ᐱᔭᕆᐊᖃᖅᑕᖏᓐᓄᑦ ᑕᐃᒃᑯᓄᖓᓗ ᐊᕐᕌᒍᒐᓵᓗᖕᓄᑦ ᐊᒡᒋᖅᑐᓄᑦ. ᑭᖑᓪᓕᖅᐹᒥ, 6-ᖑᔪᑦ ᓇᒡᒍᐊᕐᒥᓕᖅᓯᒪᔪᑦ STXA-ᒥ ᓯᕗᕙᖅᐸᓪᓕᐊᕗᑦ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

ᒪᐃ 2022−ᒥ ᓄᑖᙳᕆᐊᖅᓯᒪᔪᑦ: ᐃᒪᓕ ᒫᓐᓇ ᑐᓴᐅᒪᑎᑦᑎᔨᓄᑦ ᑲᒪᔨᒋᔭᐅᓕᖅᑐᖅ ᐊᒻᒪ SXTA−ᑯᑦ ᖃᖓᑦᑎᐊᖅ ᐊᑎᕐᒥᓂᒃ ᐊᓯᔾᔩᓵᓚᐅᖅᐳᑦ Stè:lŪ Xwexwilmexw ᒐᕙᒪᒃᑯᑦ (SXG). ᑐᑭᓯᒋᐊᒃᑲᓐᓂᕈᒪᒍᕕᑦ ᐱᓕᕆᐊᖑᕙᓪᓕᐊᔪᓂᒃ, ᐃᑭᐊᖅᑭᕕᖓᓄᑦ ᑕᑯᒋᐊᕈᓐᓇᖅᐳᓯ: www.sxta.bc.ca