ᑲᑎᑎᑦᑎᓂᖅ ᒪᓕᒐᓕᕆᓂᕐᒧᑦ ᐊᑐᖅᑕᐅᕙᒃᑐᓂᒃ ᐃᓕᓐᓂᐊᕐᕕᖕᒥ ᓴᓇᙳᐊᕐᓂᕐᒧᓪᓗ ᐊᑐᖅᑕᐅᕙᒃᑐᓂᒃ ᐃᓕᓐᓂᐊᕌᓂᒃᑳᖓᑕ, ᐃᒪᓕ ᓴᐳᐃᓐ ᕿᓂᖅᐳᖅ ᓄᑖᓂᒃ ᐃᓱᒪᒋᔭᐅᓯᒪᔪᓂᒃ ᐅᖓᓯᒋᒐᓗᐊᖅᖢᒍ ᐊᖏᕐᕋᕆᔭᒥᓂ. ᐱᕈᖅᓴᓚᐅᖅᑐᖅ ᔨᐊᓗᓇᐃᒥ ᐊᒻᒪᓗ ᐱᔭᕇᕋᒥ, ᑳᕈᑕᓐ ᐃᓕᓐᓂᐊᕐᕕᔾᔪᐊᖓᓅᓚᐅᖅᑐᖅ ᐋᑐᕚᒥ ᑕᐃᑲᓂᓗ ᐃᓱᒪᓕᕆᔪᒻᒪᕆᐅᓪᓗᓂ ᐊᒻᒪᓗ ᒥᑭᔪᒥ ᒪᓕᒐᒃᑯᑦ. ᒫᓐᓇ ᒪᓕᒐᓕᕆᓂᕐᒧᑦ ᐃᓕᓐᓂᐊᓕᖅᑐᖅ ᕕᒃᑑᕆᐊᒥ ᐊᕐᕌᒍᓄᑦ ᑎᓴᒪᓄᑦ ᐃᓕᓐᓂᐊᖅᖢᓂ ᑲᑐᔾᔨᖃᑎᒌᒍᑕᐅᓪᓗᓂ ᓄᓇᖃᖅᑳᖅᓯᒪᔪᑦ ᒪᓕᒐᖅᑎᒍᑦ ᑎᓕᓯᔾᔪᑎᖏᑦ ᐊᒻᒪ ᑲᓇᑕᒥ ᒪᓕᒐᕆᔭᐅᒐᔪᒃᑐᑦ.

ᐃᓱᒪᓕᕆᔨᒥᒃ ᐱᔪᒪᓚᐅᖅᑐᖅ ᐃᓄᖕᓂᒃ ᐱᔪᒪᓂᖓᓄᑦ. ᑕᐅᑐᒃᖢᒋᑦ Suits on Netflix−ᒥ ᐱᔪᒪᓂᕆᔭᖓᑦ ᒪᓕᒐᒃᑯᑦ ᐊᒻᒪ ᐃᓕᓐᓂᐊᕌᓂᙱᖦᖢᓂ ᒪᓕᒐᓕᕆᓂᕐᒧᑦ ᐃᓕᓐᓂᐊᖅᑕᖏᑦ ᐃᑲᔪᓚᐅᖅᑐᑦ ᓴᐳᐃᓐᒥᑦ ᑐᑭᓯᐅᒪᓂᕐᒥᑦ ᖃᔅᓯᑦ ᐱᑕᖃᙱᓐᓂᐅᔪᑦ ᐱᑕᖃᕐᒪᖔᑕ ᒪᓕᒐᓕᕆᓂᕐᒧᑦ ᐊᑐᖃᑦᑕᖅᑐᓂᑦ, ᐱᓗᐊᖅᑐᒥᒃ ᐅᑭᐅᖅᑕᖅᑐᒥ. ᖃᐅᔨᒪᓪᓗᑕ ᖃᓄᖅ ᐊᓪᓚᐃᑦ ᒪᓕᒐᖏᑦ ᐃᑲᔪᕋᔭᕐᒪᖔᑕ ᐊᑐᖅᑕᐅᔪᒥᒃ ᐊᒻᒪᓗ ᑕᒪᒃᑯᐊ ᐊᑲᐅᙱᓕᐅᕈᑕᐅᔪᑦ ᐃᓗᐊᖏᔾᔪᑎᐅᔪᑦ ᐃᓄᐃᑦ ᖃᓄᐃᖏᑎᐊᕐᓂᖏᓐᓄᑦ ᐱᔪᒪᓕᖅᑎᑕᐅᓪᓗᓂ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᓂᕐᒧᑦ ᐊᒻᒪᓗ ᑖᒃᓱᒧᖓ ᐃᓕᓐᓂᐊᕐᕋᔅᓴᒧᑦ ᐱᓗᐊᖅᑐᒥᒃ.

ᓴᐳᕆᓐ ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐊᐅᓪᓚᖅᑐᓄᑦ ᓄᓇᒥᓂᒃ ᐃᓕᓐᓂᐊᕆᐊᕐᓗᑎᒃ ᓇᓂᓯᔪᒪᓂᐅᕗᖅ ᓄᓇᓕᖕᒥᓂᒃ ᐊᖏᕐᕋᕆᔭᒥᓂᒃ ᕿᒪᐃᓯᒪᓂᕐᒥᒃ. ᑲᑎᖃᑎᖃᕐᓂᖅ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓂᒃ ᐃᑲᔪᓚᐅᖅᑐᖅ ᑲᒪᒋᔭᖃᖅᑎᓪᓗᒍ ᕿᒪᕉᑎᓯᒪᓂᕐᒥᒃ ᖃᑕᙳᑎᖏᓐᓄᑦ ᐃᑲᔪᖅᑕᐅᓂᕐᒥᒃ. ᖃᐅᔨᓴᕐᓂᖅ, ᐅᖃᓕᒫᖃᑕᐅᓂᖅ, ᐃᓚᐅᖃᑕᐅᓂᖅ ᐱᓕᕆᐊᒃᓴᓕᕆᓂᕐᓂ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᓂᖏᓐᓂ ᓇᓂᓯᓪᓗᓂ ᓄᓇᓕᖕᒥ ᐊᔪᕐᓇᙱᓐᓂᖅᓴᐅᑎᑦᑎᓪᓗᓂ ᓄᓇᓕᖕᒥ ᐅᖓᓯᖕᓂᖅᓴᐅᓗᓂ ᐊᖏᕐᕋᒥ ᐱᒋᐊᕈᑎᑦᑎᐊᕙᐅᓪᓗᓂᓗ ᑲᙳᓱᒃᓗᓂ ᐃᓄᒃ ᐅᖃᖃᑎᖃᖅᐸᓪᓕᐊᓗᓂ ᐃᓄᖕᓂᒃ. ᐃᓕᑦᑎᓚᐅᕐᒥᔪᖅ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓐᓂᒃ ᐊᒻᒪ ᓇᖕᒥᓂᖅ ᖃᐅᔨᒪᔭᒥᓂᒃ ᑐᓴᖅᑎᑦᑎᓪᓗᓂ.

ᐃᓚᖓᑦ ᐊᖏᓛᖑᓪᓗᓂ ᑐᓗᖅᑕᕈᑕᐅᔪᖅ ᓵᑦᑎᐊᕐᒥᐅᑕᕆᖃᑦᑕᓚᐅᖅᑕᖓ ᕿᒪᐃᓪᓗᓂ ᐊᖏᕐᕋᕆᔭᒥᓂᒃ ᐃᓚᒥᓂᒡᓗ 17−ᓂᒃ ᐊᕐᕌᒍᖃᖅᖢᓂ. ᓂᕈᐊᓚᐅᖅᑐᖅ ᐋᑐᕚᒥᒃ ᖃᖓᑕᖃᑦᑕᕐᓂᖏᓐᓄᑦ Air North-ᑯᑦ ᑭᓯᐊᓂ ᐊᐃᑉᐸᕆᓕᖅᑕᖓᓂ ᐊᕐᕌᒍᒥ ᒪᓂᒪᑎᖃᑦᑕᕈᓐᓃᓚᐅᖅᑕᖏᑦ. ᑕᒪᓐᓇ ᑐᑭᖃᓚᐅᖅᐳᖅ ᐊᖏᕐᕋᒥᓂᒃ ᐅᖓᓯᑐᐃᓐᓇᓚᐅᕐᒪᑦ ᐊᐅᓪᓚᕈᓐᓇᑦᑎᐊᕋᓂ ᓂᕆᐅᒋᓚᐅᖅᑕᖓᑎᑐᑦ. ᓴᐳᕆᓐ ᐊᒃᓱᕈᖅᑐᒻᒪᕆᐅᓚᐅᖅᐳᖅ ᐃᓚᒥᓃᙶᖅᑐᓂ ᐃᑲᔪᖅᓱᖅᑕᐅᑦᑎᐊᖅᑐᓂ. ᐃᓄᑑᓗᐊᓕᓚᐅᖅᑐᖅ ᑲᑎᖃᑎᖃᖅᖢᓂ ᐊᓯᖏᓐᓂᑦ ᐃᓕᓐᓂᐊᕐᑎᓂᑦ ᖃᓄᐃᓕᐅᖕᓂᒃᑯᑦ ᓄᓇᖃᖅᑳᖅᓯᒪᔪᑦ ᑐᖕᖓᕕᐊᓂᑦ.

ᓴᐳᕆᓐ ᐅᖃᐅᔾᔨᔪᓐᓇᕈᓂ ᒪᒃᑯᖕᓂᖅᓴᒧᑦ, "ᐊᓈᓇᐃᑦ ᓈᓚᒡᓗᒍ. ᓯᓚᑐᔪᒻᒪᕆᐊᓗᒃ, ᓯᓚᑐᔪᖅ." ᐊᓈᓇᖓ ᐱᖃᓐᓂᕆᓛᕆᓪᓗᓂᐅᒃ ᓇᒡᓕᒋᓪᓗᓂᐅᒡᓗ, ᐃᓕᑦᑎᒐᔪᓚᐅᖅᑐᖅ ᐊᒃᓱᕈᕐᓇᖅᑐᓂᒃ ᓈᓚᙱᖔᕐᖢᓂ ᐊᓈᓇᖓᑕ ᐅᖃᐅᔾᔨᒋᐊᕈᑎᖓᓂᒃ. ᐃᓕᑦᑎᕙᓪᓕᐊᓕᓚᐅᖅᑐᖅ ᖃᓄᐃᔾᔪᑎᓂᒃ ᐊᑐᖅᖢᓂ ᖃᓄᐃᔾᔪᑎᓂᒃ ᑐᓵᙱᖦᖢᓂ ᐊᓈᓇᖓᑕ ᐃᓅᓯᖓᑕ ᐊᑐᕐᓂᑯᖏᓐᓂᒃ.

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ, ᓴᐳᕆᓐ ᓂᓕᕐᓇᖏᑦ ᓴᓇᐅᒐᖏᓐᓄᑦ ᓇᓂᓯᓪᓗᓂᓗ ᐱᓐᓇᕆᔭᖓᓂᒃ ᓴᓇᑐᔪᒥᒃ ᑲᐳᔾᔭᕐᕕᖃᕐᓂᕐᒥᒃ ᐃᖕᒥᓂᒃ ᐅᖃᐅᓯᕆᓂᐊᕐᓗᒍ. ᑎᑎᕋᐅᓯᓕᒫᑦ ᐊᒻᒪ ᖃᐅᔨᓴᖅᑕᐅᖃᑦᑕᖅᓯᒪᔪᑦ ᐃᓕᓐᓂᐊᕐᕕᖕᒥ, ᓴᓇᐅᒐᓕᕆᓂᖅ ᐃᓱᒪᖅᓱᕐᓇᖅᑑᓯᒪᕗᖅ ᑖᔅᓱᒧᖓ. ᐊᑖᑕᖓ ᑎᑎᖅᑐᒐᖅᑎᐅᒻᒪᑦᑕᐅᖅ, ᑕᒪᓐᓇ ᐱᕈᖅᓴᔭᐅᓚᐅᖅᑐᖅ. "ᐃᓱᒪᒋᔭᕋ ᓴᓇᐅᒐᖅ ᑭᒃᑯᓕᒫᓄᑦ ᑐᕌᖓᓇᓱᒋᓪᓗᒍ. ᐱᐅᓗᐊᕆᐊᖃᙱᒻᒪᑦ ᐃᓱᒪᑐᔫᓗᓂ. ᐃᓛᓐᓂᒃᑯᑦ ᑎᑎᕋᐅᑎᒥᒃ ᑎᒍᓯᔭᕆᐊᖃᖃᑦᑕᖅᐳᑎᑦ ᐊᒻᒪ ᐊᓕᓚᔪᕐᒥᒃ ᑎᒍᓯᓗᑎᑦ ᐊᒻᒪ ᑭᓱᓂᒃ ᓴᖅᑭᑦᑐᖃᕐᒪᖔᑦ, ᖃᕋᓴᐃᑦ ᖃᓄᖅ ᐊᓂᓇᓱᖕᒪᖔᑦ," ᓇᓗᓇᐃᖅᓯᓪᓗᓂ. ᕿᒻᒥᖅᑖᕐᓂᖅ ᐊᐃᑉᐸᖓᓂ ᐊᕐᕌᒍᒥ ᐃᑲᔪᖅᓯᒪᔪᖅ ᐅᐱᓐᓇᕋᓂ ᐊᓂᖃᑦᑕᕐᒪᑦ ᐃᓪᓗᒥ.

ᐃᒡᓗ ᕿᒪᒃᓯᓪᓗᓂ ᓴᐳᕆᓐᒥᑦ ᕿᒻᒥᖓ ᐃᑲᔪᕐᔪᐊᖅᓯᒪᔪᖅ ᐱᔪᒃᓯᑎᑦᑎᓪᓗᓂ ᖁᓱᙱᖦᖢᓂᓗ. ᐱᓱᔪᒋᐊᖅᑐᓲᑦ, ᑲᓱᖃᑎᖃᒃᑲᓐᓂᕐᖢᑎᒃ ᓄᓇᒥᑦ ᓄᓇᒦᑉᐸᒃᖢᑎᒡᓗ. ᐊᕕᒃᓯᒪᓪᓗᓂ ᓄᓇᒥ ᐱᕈᖅᓴᕝᕕᒋᔭᖓᓂ ᐊᒃᓱᕈᕐᓇᕐᔪᐊᖅᓯᒪᔪᖅ ᑭᓯᐊᓂ ᓄᓇᒥ ᐱᓕᕆᓪᓗᓂ ᐃᑲᔪᕐᕕᒋᔭᖓᓂ. ᓴᓇᙳᐊᕐᓂᒃᑯᑦ ᑕᐅᑐᒃᑕᒃᑯᑦ, ᐊᒃᑐᐊᓂᖃᕐᓂᖅ ᓯᓚᒧᑦ ᐃᑲᔫᑎᖃᕐᒥᔪᖅ, ᐱᔪᒪᓕᖅᑎᖦᖢᒍ ᒥᖑᐊᕆᐊᕐᓂᕐᒥᒃ, ᐱᓕᕆᐊᕆᓚᐅᖅᓯᒪᙱᑕᖓ ᐊᒻᒪᓗ ᐊᔾᔨᐅᙱᑦᑐᒥᒃ ᐱᐅᔪᒥᒃ ᓴᓇᓯᒪᔭᖓᓄᑦ. ᓴᐸᖓᓕᖃᑦᑕᖅᑕᖓ ᐊᖏᕐᕋᖓᓂ ᐊᔾᔨᒋᙱᑕᖓᓂᒃ ᓴᐸᖓᓕᕆᓪᓗᓂ ᐃᓕᓐᓂᐊᕐᕕᖕᒦᖏᑎᓪᓗᒍ.

ᐱᐊᓂᒍᑎᒋᓗᒍ, ᐃᒪᓕ ᓴᐳᕆᓐ ᑎᓕᐅᕆᕗᖅ ᒪᒃᑯᒃᑐᓂᒃ ᒪᑐᐃᙶᖁᓪᓗᒋᑦ ᐃᑲᔪᖁᓪᓗᒋᑦ ᐋᖅᑭᒋᐊᖅᓯᓂᕐᒥᒃ ᓄᑖᓄᑦ ᐊᕙᑎᒋᔭᐅᔪᓄᑦ ᐊᐅᓪᓚᖅᓯᒪᓕᕌᖓᑕ, ᓇᓂᓯᖁᓪᓗᒋᑦ ᐃᓄᖁᑎᒥᓂᒃ ᐃᓂᓂᒡᓗ ᓄᑖᒥ ᓄᓇᓕᖕᓂ, ᓅᖁᓪᓗᒋᑦ ᐃᓗᐊᕆᔭᒥᓂᒃ ᓯᕗᒻᒧᐊᖅᐸᓪᓕᐊᓗᑎᒡᓗ ᓅᑉᐸᓪᓕᐊᑎᓪᓗᒋᑦ ᓄᑖᓄᑦ ᓇᒧᙵᐅᕙᓪᓕᐊᓂᕆᔭᐅᔪᓄᑦ. ᕿᒻᒥᖓ ᓴᓂᐊᓃᖦᖢᓂ, ᑎᓴᒪᓂᒃ ᐱᖃᓐᓇᕆᔭᓕᒃ ᐱᖃᑖᓄᑦ ᓯᓚᑦᑐᖅᓴᕐᕕᔾᔪᐊᕐᒧᑦ, ᓯᓚᒧᐊᖅᑎᖦᖢᒍ ᐃᑲᔪᕋᓱᒃᓗᓂ ᖃᐅᒪᓂᖓᓂᒃ. ᐊᖏᕐᕋᖓᓂ, ᐃᓕᓐᓂᐊᖅᑐᖅ ᒪᓕᒐᕐᒥᒃ ᐊᒻᒪ ᓴᓇᐅᒐᕐᓂᒃ ᑲᑎᑎᑦᑎᓪᓗᓂ ᒪᓕᒐᖅᑎᒍᑦ ᐱᖅᑯᓯᕐᓂᒃ ᒥᖒᑎᖃᑦᑕᕐᒪᒍ ᐃᓄᑑᓪᓗᓂ ᐅᓪᓗᒃᑯᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.