"ᑕᕐᕆᔮᒃᓴᓕᐅᕈᒪᐃᓐᓇᐅᔭᖅᑐᖓ ᐊᒻᒪ ᑕᕐᕆᔮᒃᓴᓕᐅᕈᒪᐃᓐᓇᐅᔭᖅᑐᖓ," ᐅᖃᖅᑐᖅ ᕙᐃᓐᑕ ᓂᑰᕙᐃ, ᐊᐃᑕᐃᓐ (Cree) ᑕᕐᕆᔭᐅᓯᐅᖅᑎ ᐊᒻᒪ ᑐᑭᒧᐊᒃᑎᑦᑎᔨ ᓂᑯᓴᕙᐃᒃ ᑯᕇᓴᒥᙶᖅᑐᖅ ᒫᓂᑑᐸᐅᑉ ᐅᐊᖕᓇᖓᓂ. ᐱᓕᕆᖃᑦᑕᖅᓯᒪᓂᑰᔪᖅ ᐊᔪᙱᓐᓂᖃᖅᑐᓂᒃ ᐱᓕᕆᖃᑎᒌᓂᒃ ᐊᒻᒪᓗ ᐱᒋᐊᖅᑎᑦᑎᓯᒪᓪᓗᓂ ᓇᖕᒥᓂᖅ ᓴᖅᑭᑎᑦᑎᓂᕐᒧᑦ ᑲᒻᐸᓂᒥᒃ ᐊᑎᖃᖅᖢᓂ ᓂᑭᐅᕗᐃ ᑕᕐᕆᔮᔅᓴᓕᐅᖅᑎᑦ ᐅᐃᓂᐹᒡᒥ ᑕᐃᑲᓂ ᓄᓇᖃᐃᓐᓇᐅᔭᖅᑐᖅ. 

"ᐃᓚᖓ ᑲᔪᖏᖅᓴᐃᔨᒪ ᐅᖃᐅᑎᓚᐅᖅᐹᖓ, ᓄᖅᑲᓚᐅᖅᓯᒪᙱᑦᑐᒍᑦ ᐱᓕᒻᒪᒃᓴᕐᓂᕐᒥᑦ."

ᐱᒋᐊᕐᓂᖓᓂ, ᓂᑰᕙᐃ ᐱᓕᕆᐊᖃᓚᐅᖅᑐᖅ ᓴᖅᑭᑎᑦᑎᓂᕐᒧᑦ ᐃᑲᔪᖅᑎᐅᓪᓗᓂ, ᐱᔭᕇᖅᓯᓪᓗᓂ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᓂ ᑕᕐᕆᔮᒃᓴᓕᕆᓂᕐᒧᑦ ᐱᓕᒻᒪᒃᓴᕐᓂᒃᑯᑦ ᒫᓂᑑᐸᒥ. ᖃᐅᔨᔪᒪᓕᓚᐅᖅᑐᖅ ᕿᓂᕐᓂᕐᒥᑦ ᐊᒻᒪᓗ ᑕᒻᒪᖅᓯᒪᔪᖅᓯᐅᕐᓂᕐᒥᑦ ᐊᒻᒪᓗ ᓵᓚᖃᖅᖢᓂ ᐃᓕᓐᓂᐊᕆᐊᒃᑲᓐᓂᕈᓯᐊᕐᒥᑦ ᐃᓇᖐᓯᒪᓂᕐᒧᑦ, ᐊᒻᒪᓗ ᐱᒋᐊᖅᖢᓂ ᐃᓇᖐᓯᒪᓂᕐᒧᑦ ᐃᓕᓐᓂᐊᕐᕕᖕᒥᑦ. ᐃᓕᓐᓂᐊᕌᓂᒃᑯᓂ ᐃᓚᐅᓕᓚᐅᖅᑐᖅ ᑲᓇᑕᒥ ᑕᕐᕆᔭᕐᕕᖕᒥ ᐱᓕᕆᐊᒃᓴᒥ ᓄᑖᓄᑦ ᓂᐱᓄᑦ, ᐱᓕᕆᒃᑲᓐᓂᓕᕐᖢᓂ ᓴᖅᑭᑎᑦᑎᓂᕐᓂ ᐃᑲᔪᕐᓂᕐᒥᒃ ᐊᐅᓚᑦᑎᓂᕐᓂᒃᓗ. 

ᑲᐱᓯᓂᖅ ᓂᑭᓕᐅᕐᕕᒃ ᕿᒡᒋᖅᑕᖅᖢᓂ ᑭᖑᓪᓕᕐᒥ, ᓄᖅᑲᖓᓚᐅᑲᓚᐅᖅᑎᓪᓗᒋᑦ ᓴᓇᕝᕕᐊᓗᖕᒥ, ᑭᓯᐊᓂ ᖃᓂᒻᒪᒍᑕᐅᕙᓪᓕᐊᔪᖅ ᐱᔭᕆᐊᖃᓕᓚᐅᖅᑐᖅ. ᐱᔭᕇᖅᓯᓚᐅᖅᑐᖅ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᒥᒃ ᑕᐃᔭᐅᔪᒥᒃ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᕿᓂᕐᓂᕐᒥᒃ ᓇᖕᒥᓂᖃᕐᓂᕐᒥᒃ, ᐃᓕᓐᓂᐊᖅᖢᓂ ᕿᓂᕐᓂᕐᒥᒃ ᐊᒻᒪᓗ ᑕᒪᓐᓇ ᐱᒻᒪᕆᐅᓂᖅᓴᐅᖁᓪᓗᒍ. ᐃᓕᓐᓂᐊᕐᕕᖕᒧᑦ ᐅᑎᓚᐅᖅᑐᖅ ᖃᕋᓴᐅᔭᒃᑯᑦ ᑕᕐᕆᔭᐅᓯᐅᕐᓂᕐᒧᑦ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᓴᖅᑭᑎᑦᑎᓂᕐᒧᑦ ᐱᓕᕆᐊᒃᓴᓄᑦ ᐊᒻᒪ ᐱᓕᕆᕝᕕᖕᒥᓂ ᐱᒋᐊᖅᑎᑦᑎᓪᓗᓂ, ᖁᔭᓕᓪᓗᓂ ᐃᓕᓐᓂᐊᕐᓇᓕᒫᓄᑦ ᐊᒻᒪ ᐱᓕᕆᖃᑎᒌᓄᑦ.

"ᒥᑭᓐᓂᖅᓴᓂᒃ ᐃᓕᓐᓂᐊᒐᒃᓴᖃᖅᑐᖓ, ᐊᕐᕌᒍᒥ ᑕᒫᓂ, ᐱᓇᓱᐊᕈᓯᑦ ᐊᕐᕕᓂᓕᑦ ᑕᒫᓂ, ᑭᓯᐊᓂ ᑖᒃᑯᐊᓕᒫᑦ ᑲᑎᓪᓚᕆᓚᐅᖅᑐᑦ ᐃᓕᓐᓂᐊᖅᑎᖦᖢᒋᓪᓗ." 

ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᑦ ᐊᔭᖅᑭᑦᑕᕈᑕᐅᓚᐅᖅᐳᑦ, ᓄᖅᑲᖓᓚᐅᑲᒃᖢᑎᒃ ᓇᓂᓯᓪᓗᑎᒡᓗ ᐊᑐᖅᑕᐅᔪᓐᓇᖅᑐᓂᒃ ᐱᔭᕇᖅᓯᓂᐊᕐᓗᓂ ᐊᖏᕐᕋᒥᓂᒃ. ᐅᐸᓗᖓᐃᔭᖅᓯᒪᔾᔪᑎᓄᑦ ᐱᕙᒌᔭᕐᓂᖅ ᐱᒻᒪᕆᐅᔪᖅ ᐱᔭᕇᕋᓱᒃᓗᒍ ᑐᕌᕆᔭᖏᑦ ᐹᓯᒻᒫᑦ ᓂᕆᐅᓇᙱᑦᑐᒃᑯᑦ. ᓇᓕᒧᒌᒃᑎᑦᑎᓂᖅ ᐊᖓᔪᖅᑳᖑᓂᕐᒥᒃ, ᐃᓕᓐᓂᐊᕐᕕᖕᒥ ᐊᒻᒪ ᐊᖏᕐᕋᖓᓂ ᐊᒃᓱᕈᕐᓇᖅᑐᒃᑰᖅᑎᑦᑎᓯᒪᔪᖅ ᐅᐸᒍᑎᔭᕆᐊᒃᓴᖅ ᐱᔪᒪᓂᖓᒍᑦ ᑭᓯᐊᓂ ᐊᑲᐅᒋᔭᖓ ᓴᙱᔪᒥᒃ ᐃᑲᔪᖅᑕᐅᓂᕐᒥᒃ ᐊᑐᖃᑦᑕᖅᑐᒥᒃ. ᑲᒪᓇᖅᑐᓂᒃ ᐃᓕᓴᐃᔨᖃᕐᖢᓂ ᐃᓕᓴᐃᔨᖃᑦᑎᐊᕐᖢᓂᓗ, ᐃᓄᑑᔭᕆᐊᖃᙱᖦᖢᓂ. ᖃᓄᐃᑦᑐᓐᓃᖅᐸᓪᓕᐊᓪᓗᓂ ᐱᕐᕈᓗᐊᕿᓂᒃᑯᑦ, ᐃᓕᑦᑎᓪᓗᓂ ᖃᓄᖅ ᐃᑲᔪᖅᓱᐃᖕᒪᖔᑦ ᓴᓇᕝᕕᖓᓂ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃᓗ ᑲᔪᓯᔪᓐᓇᕐᒪᖔᑦ ᐱᔪᒪᓕᖅᑎᖦᖢᒍ ᐃᖅᑲᓇᐃᔮᖓ ᓄᓇᕐᔪᐊᕐᒧᑦ. 

ᐅᓪᓗᒥ ᐱᓕᕆᔪᒻᒪᕆᐅᕙᓕᖅᐳᖅ ᑭᓯᐊᓂ ᓂᕆᐅᒃᑐᖅ ᓈᒻᒪᓈᖅᑐᒃᑯᑦ ᐋᖅᑭᒍᓐᓇᕐᓂᐊᕆᐊᖏᑕ ᐊᑲᐅᔪᒃᑯᑦ. ᖁᕕᐊᒋᔭᖃᕐᓂᖓ ᐱᓕᕆᐊᖓᓄᑦ ᑲᔪᓯᑎᑦᑏᓐᓇᓲᖅ ᐱᕕᖃᕐᓂᕐᒥᑦ ᐃᓚᒋᔭᐅᑎᑦᓯᓂᕐᒥᑦ ᐃᓚᖏᓐᓂᑦ ᐱᓕᕆᐊᓂᑦ. ᐃᕐᓂᖓ ᐱᖃᑎᒋᓪᓗᒍ ᖁᕕᐊᓱᒃᑎᑦᑎᕙᒃᐳᖅ ᐊᒻᒪ ᐱᕕᒃᓴᖃᑦᑎᐊᖅᑎᑦᑎᓪᓗᓂ ᓄᖅᑲᖓᓚᐅᑲᒍᓐᓇᕐᓂᕐᒥᒃ ᐊᒻᒪ ᑲᑎᙵᔪᓐᓃᕐᓂᕐᒥᒃ ᐃᓚᒥᓂᒃ ᑲᒪᑦᑎᐊᕈᓐᓇᕐᓂᐊᕐᒪᑦ ᐃᖅᑲᓇᐃᔮᖓᑕ ᓯᓚᑖᒍᑦ. 

ᑕᐃᒃᑯᐊ ᓴᓇᔪᑦ ᑲᒻᐸᓂᐅᔪᑦ ᐱᒋᐊᓕᓚᐅᖅᓯᒪᔪᖅ ᑕᑯᓐᓇᖑᐊᖅᑕᒥᓂᒃ ᐅᐊᑦᑎᐊᕈᐊᓗᒃ, ᐃᓇᖐᓯᒪᑎᓪᓗᒍ ᐊᒻᒪᓗ ᐱᔪᒪᑐᐃᓐᓇᖅᑐᓂ ᐊᒥᓱᒃᑲᓂᕐᓂᒃ ᐃᓄᓐᓂᒃ ᓲᕐᓗ ᑕᓚᕖᓴᒃᑯᑦ. ᑐᑭᓕᐅᕈᒪᓪᓗᓂᒋᑦ ᐃᓱᒪᒋᔭᖏᑦ ᓴᖅᑭᔮᖅᑐᒧᑦ.  "ᐱᓕᕆᔪᓐᓇᕐᓗᓂ ᐱᒋᐊᕐᓂᖓᓂᑦ ᐱᔭᕇᕐᓗᓂᓘᓐᓃᑦ ᐃᓱᒪᑦᑎᐊᕐᓂᒃᑯᑦ, ᐅᕙᓐᓄᑦ, ᐱᔪᒃᓯᓐᓇᑦᑎᐊᖅᑐᖅ," ᐱᙳᐊᖅᑐᖅ. ᓂᑭᕙᐃ ᐃᕐᓂᖓ ᑕᑯᕐᕈᒪᑎᑦᑎᔪᒪᕗᖅ ᑭᓱᑐᐃᓐᓇᑦᑎᐊᒥᒃ ᐊᔪᕐᓇᙱᓐᓂᕋᐃᓪᓗᓂ ᐊᒻᒪ ᐊᒃᓱᕈᖅᖢᓂ ᐱᓕᕆᖃᑦᑕᕐᓂᖓᓂᒃ ᖃᐅᑕᒫᑦ. ᐱᔪᒃᓯᑎᓐᓇᐅᔭᖅᑕᖓ ᐱᓕᕆᔭᕆᐊᒃᓴᖅ ᐃᓕᑦᑎᕙᓪᓕᐊᓪᓗᓂᓗ ᓴᓂᑦᑎᐊᖓᓂ. 

ᑖᓐᓇ ᑕᕐᕆᔭᓕᐊᖑᓯᒪᔪᖅ, ᐅᖃᐅᓯᕐᒥᒃ ᐱᓯᒪᑦᑎᔩᑦ, ᒪᒃᑯᓐᓂᖅᓴᓂᒃ ᑕᑯᓐᓇᕆᐊᖅᓯᒪᔪᓂᒃ, ᑭᖑᕚᕇᓂᒃ ᒪᓕᒐᓱᐊᖅᑐᓂ ᒪᕐᕉᓐᓂᒃ ᑕᕐᕆᔭᓕᐊᒥᓂᕐᒥᓂᒃ. "ᖃᐅᔨᒪᔪᖓ ᖃᓄᖅ ᐱᒻᒪᕆᐅᑎᒋᖕᒪᖔᑦ ᐃᓐᓇᖁᑎᑦᑎᓐᓄᑦ ᐅᖃᐅᓯᖅᐳᑦ ᑲᔪᓯᑏᓐᓇᕆᐊᖃᕋᑦᑎᒍᑦ. ᑕᑯᓯᒪᔭᕋ ᑲᓱᑦᑕᐅᑎᙳᐊᖏᑦ ᐃᔨᖏᓐᓂ," ᐅᖃᙳᐊᖅᑐᖅ. ᓯᕗᓪᓕᖅᐹᖅ ᑕᕐᕆᔭᓕᐊᖓ ᐃᑰᑕᓚᐅᖅᑐᖅ ᐱᒻᒪᕆᐅᓂᖓᓄᑦ ᐃᓕᓐᓂᐊᕐᓗᓂ ᐅᖃᐅᓯᕐᒥᓂᒃ ᐊᒻᒪᓗ ᕿᓂᖅᓯᒪᓪᓗᓂ ᑲᔪᓯᑎᓐᓂᐊᕐᓗᒍ ᓯᓚᑐᓂᖓ ᓯᕗᓂᑦᑎᓐᓂ ᐱᓕᕆᓂᐊᕐᓗᓂ. ᐃᓕᓐᓂᐊᖃᑦᑕᖅᓯᒪᔪᖅ ᐅᖃᐅᓯᕐᒥᓂᒃ ᐊᒻᒪᓗ ᓂᕆᐅᒃᑭᕗᖅ ᑕᕐᕆᔮᒃᓴᖅ ᑲᔪᖏᖅᓴᐃᓗᓂ ᐊᓯᒥᓂᒃ ᑕᐃᒪᐃᓕᐅᖁᔨᓗᓂ. ᓂᑭᕙᐃ ᖃᐅᔨᓯᒪᔪᖅ ᓱᕈᓯᑯᓗᐃᑦ ᐅᖃᐅᓯᕐᒥᓂᒃ ᐊᐃᒃᓯᕈᓐᓇᕐᓂᖅᓴᐅᓂᖏᓐᓂᒃ ᐊᒃᓱᕈᕐᓇᖅᑑᓪᓗᓂ ᐅᑭᐅᑭᓗᐊᖅᑎᓪᓗᒍ. 

ᓂᑭᕙᐃ ᐅᖃᐅᔾᔨᔪᓐᓇᖅᐸᑕ ᒪᒃᑯᖕᓂᖅᓴᓄᑦ ᐱᔪᒪᔭᖏᓐᓄᑦ ᐊᑐᕋᔭᖅᑐᑦ ᐊᒻᒪ ᐱᓕᕆᑦᑎᐊᕈᓐᓇᕐᓂᓕᒫᒥᓂᒃ ᐱᓕᕆᓗᑎᒃ ᐱᔪᒪᔭᒥᓂᒃ ᓴᖅᑭᑎᑦᑎᖁᓪᓗᒋᑦ. "ᓄᓇᐃᑦ ᕿᒪᒋᐊᖃᕈᕕᐅᒃ, ᑲᑉᐱᐊᓱᙱᑦᑐᑎᑦ ᐃᓱᒪᒋᔭᕐᓂᑦ... ᐊᒥᓱᑦ ᐱᓕᕆᐊᕆᔭᒃᑲ, ᐃᓕᑉᐸᓪᓕᐊᒐᒪ ᐃᖏᕐᕋᑎᓪᓗᖓ. ᑖᓐᓇ ᓯᕗᓪᓕᖅᐹᑦᑎᐊᖑᓪᓗᓂ ᐊᓪᓗᕆᐊᕈᑎᒋᑐᐃᓐᓇᖅᑕᖓ," ᐅᖃᖅᖢᓂ. 

ᑭᒡᒐᖅᑐᐃᔨᖓ ᐋᖅᑭᒃᓯᓗᓂ ᑐᕌᒐᒃᓴᓂᑦ, ᐊᒃᓱᕈᕐᓗᓂ ᓇᓂᓯᓗᓂᓗ ᑲᔪᓯᑦᑎᐊᕐᓂᕐᒥᒃ ᑲᔪᓯᓂᒃᑯᑦ. "ᖃᑕᙳᑎᓯ ᐅᐱᒍᓱᑦᑎᐊᕐᓂᐊᖅᑐᑦ ᐃᓕᖕᓂᒃ... ᑕᐃᒪᑐᖅ ᓇᓂᓯᓂᐊᖅᐳᑎᑦ ᐃᑲᔪᖅᑐᐃᓂᕐᒧᑦ ᐊᑐᖅᑕᐅᖃᑦᑕᕋᔭᖅᑐᒥᒃ ᐃᓕᖕᓂᒃ ᐃᑲᔪᕐᓂᐊᕐᓗᓂ... ᐃᓄᐃᑦ ᑕᑯᔪᒪᔪᑦ ᐃᓕᖕᓂᒃ ᑲᔪᓯᑦᑎᐊᕐᓂᕐᒥᒃ," ᐱᔭᕇᖅᑐᖅ. 

ᑭᓇᑐᐃᓐᓇᖅ ᑕᕐᕆᔭᓕᐅᕈᒪᐃᓐᓇᖅᑐᖅ ᐊᒻᒪᓗ ᑕᕐᕆᔭᓕᐅᕈᒪᐃᓐᓇᖅᑐᓂ, ᕙᐃᓐᑕ ᓂᑰᕙᐃ ᒫᓐᓇ ᑕᒪᓐᓇ ᓴᖅᑭᖅᐸᓪᓕᐊᓕᖅᑐᖅ. ᐊᔪᕈᓐᓃᖅᐸᓪᓕᐊᑎᓪᓗᒍ ᐃᖅᑲᓇᐃᔮᖓᓗ ᑮᑕᑲᐃᓐᓇᖅ ᐃᓕᓐᓂᐊᓂᒃᑯᑦ, ᓴᖅᑮᔪᖅ ᑭᒡᒐᖅᑐᐃᓂᕐᒥᒃ ᑕᑯᒍᒪᓕᕋᒥᐅᒃ ᑕᓚᕖᓴᒃᑯᑦ. ᐃᓱᒪᒋᔭᒥᓂᒃ ᑕᕐᕆᔭᓕᐅᖅᑐᖅ ᐊᒻᒪᓗ ᓄᓇᖃᖅᑳᖅᓯᒪᔪᓂᒃ ᑕᕐᕆᔭᓕᐅᖅᑎᐅᓕᖅᖢᓂ ᐅᓄᖅᓯᕙᓪᓕᐊᑎᓪᓗᒋᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.