"ᑕᐃᒪᓕ, ᓂᐱᖃᑐᐃᓐᓇᕋᒪ ᐃᓅᓇᓱᒃᖢᖓ," ᕙᓕᔅ ᕗᐊᕋᔅ ᐄᒍᔅᐱᑯ. ᑳᓪᒍᕆᒥ ᐃᓅᓂᑯ ᓂᔾᔭᐅᓯᔭᖅᑎᐅᔪᖅ ᓵᔅᑲᑑᓐᒥᐅᑕᐅᓪᓗᓂ ᓅᓚᐅᖅᓯᒪᔪᖅ ᐅᕕᒃᑲᐅᓪᓗᓂ. ᐅᑎᖅᑕᖃᑦᑕᓚᐅᖅᓯᒪᔪᖅ ᓄᓇᓕᐸᐅᔭᐃᑦ ᓵᔅᑲᑑᓐᒥ ᐊᕐᕌᒍᑦ ᑕᓪᓕᒪᑦ ᐊᓂᒍᖅᓯᒪᓕᖅᑐᑦ ᑭᓯᐊᓂ ᐱᒋᐊᕐᕕᖏᑦ ᐃᖏᕐᕋᓪᓗᑎᒃ ᑕᒪᒃᑮᓄᑦ ᓄᓇᓕᐸᐅᔭᕐᓄᑦ.

ᐱᕈᖅᓴᓪᓗᓂ, ᐄᒍᓪᑯᕐ ᐃᓐᓇᖃᐅᓚᐅᖅᐳᖅ ᐃᓅᓯᕐᒥᓂ ᐊᔾᔨᒌᙱᑦᑐᓂᒃ ᓂᕆᐅᖕᓂᖃᓚᐅᖅᑐᖅ, ᐊᓈᓇᑦᑎᐊᖓᓂᙶᖅᑐᒥᒃ ᐃᓕᓴᐃᔨᓄᐊᕈᓐᓇᕋᓱᒋᙱᖦᖢᓂ ᐊᓂᒍᐃᓂᐊᕋᓱᒋᙱᖦᖢᓂ. ᖃᑕᙳᑎᖏᑦ ᐅᓄᖅᑐᓂᒃ ᐱᔾᔪᑎᖃᕐᖢᑎᒃ ᑭᖑᕚᕇᓄᑦ ᐊᒃᓱᕈᕐᓇᖅᑐᒃᑰᕐᓂᕐᓂ, ᐊᓈᓇᖓ ᖃᐅᔨᒪᙱᖦᖢᓂ ᖃᓄᖅ ᐊᖓᔪᖅᑳᖑᔭᕆᐊᒃᓴᖅ, ᐊᓈᓇᑦᑎᐊᖓ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᖅ, ᐊᑖᑕᖓ ᐅᐸᒍᑎᙱᖦᖢᓂ, ᐃᒥᐊᓗᖕᒧᑦ ᐋᖓᔮᕐᓇᖅᑐᓄᓪᓗ ᐅᐃᕆᓯᒪᔾᔪᑎᖃᕐᖢᓂ. ᐊᖏᕐᕋᖓ ᑐᙵᑦᑎᐊᙱᓗᐊᖅᑐᖅ, ᐊᑦᑕᕐᓇᖅᑕᐃᓕᒪᓂᖅ ᐊᒻᒪ ᐱᐅᓯᕆᕙᒃᑕᖓ ᐊᒻᒪ ᓇᓗᓇᕈᔪᑐᐃᓐᓇᖅᖢᓂ. ᑮᓇᐅᔭᓕᐅᓗᐊᙱᑦᑐᑦ, ᐋᓐᓂᖅᑎᕆᔪᑦ ᓴᓂᓪᓕᖏᑦ, ᓂᒐᖅᑐᑦ ᖃᓄᐃᓕᐅᖕᓂᖏᑦ ᓈᒻᒪᓚᐅᖅᑐᑦ. hip hop-ᒨᓕᓚᐅᖅᑐᖅ, ᑐᓄᐊᓂ ᐃᓱᒪᖅᓱᖅᖢᓂ, ᓄᓇᓯᐅᑎᓄᑦ ᓄᖅᑲᖓᕝᕕᖕᒦᖦᖢᓂ ᐅᓪᓗᕈᒻᒥᓴᕐᓇᒥ.

"ᖁᕕᐊᒋᓗᐊᓚᐅᙱᑕᕋ hip hop-ᓚᓯᒪᔪᖅ, ᑭᓯᐊᓂ ᑎᑎᕋᐅᓯᖅ ᐊᓕᐊᓇᐃᒋᑦᑎᐊᖅᑕᕋ. ᐅᖃᐅᓯᐅᑉ ᐊᑐᖅᑕᐅᓂᖓ ᖁᕕᐊᒋᓚᐅᖅᑕᕋ, ᐊᒻᒪᓗ ᖁᕕᐊᒋᑦᑎᐊᓚᐅᖅᑕᕋ ᓂᔾᔭᐅᑎᓂᑦ ᐊᒻᒪᓗ ᑐᓴᕐᓂᕆᓚᐅᖅᑕᕋ ᐊᒻᒪᓗ ᖃᐅᔨᓚᐅᖅᑐᖓ ᑕᐃᒃᓱᒪᓂᑐᐊᖅ ᐃᑉᐱᒋᓚᐅᖅᑕᕋ," ᐄᒍᓪᐱᑯ ᐃᖅᑲᐅᒪᔪᖅ. ᐅᕕᒃᑲᐅᓪᓗᓂ, ᕿᓚᐅᔾᔭᖃᑦᑕᓕᓚᐅᕐᒪᑦ ᐊᒻᒪᓗ ᖃᐅᔨᓕᕋᒥ ᓂᔾᔭᐅᓯᔭᕐᓂᒥᓂᖓᓂᒃ, ᐊᓯᐊᒍᑦ ᐸᕐᓇᐅᑎᑕᖃᓚᐅᖏᑦᑐᖅ. "ᑖᓐᓇ ᓂᔾᔭᐅᓯᔭᕐᓂᖅ, ᐅᖃᐅᓯᐅᑉ ᐱᐅᒋᔭᒻᒪᕆᐊᓗᒋᒻᒪᒍ ᐊᒻᒪ ᓴᓇᓂᖅ, ᓄᑖᑦᑎᐊᒥᒃ ᓄᓇᕐᔪᐊᖃᓕᓚᐅᕋᒪ, ᐃᓱᒪᓚᐅᖅᑐᖓᓕ ᑎᒥᒪ ᐃᒡᓗᖔᖓᓂ ᐊᒻᒪ ᐃᓂᑦᑎᐊᕙᐅᓪᓗᓂ ᐅᕙᓐᓄᑦ ᑕᒪᒃᑯᐊᓕᒫᑦ ᓴᖅᑭᑎᑦᑐᒪᓪᓗᒋᑦ," ᑲᔪᓯᓪᓗᓂ.  

ᐊᒃᓱᕈᕐᓂᖅ ᐃᒥᐊᓗᓗᐊᖃᑦᑕᕐᓂᕐᒧᑦ ᐋᖓᔮᕐᓇᖅᑐᓄᓪᓗ ᐅᐃᕆᓯᒪᓂᖅ ᐊᕐᕌᒍᓄᑦ 13-ᓄᑦ ᐱᓪᓗᒍ ᖁᐊᖅᓵᖅᓯᒪᓂᖅ, ᐄᒍᓪᑯᕐᑦ, "ᐅᓪᓗᒥ ᑕᕝᕙᓃᒃᑲᔭᙱᑦᑐᖓ ᑐᓴᕐᓈᕐᓂᕐᒧᐊᙱᑉᐸᑦ. ᖃᐅᔨᒪᕕᑦ, ᓂᔾᔭᐅᑎᖓ ᐃᓅᓯᓐᓂ ᐱᐅᓕᑦᓯᓚᐅᖅᑐᖅ? ᐃᓛᒃ, ᑐᓴᕐᓈᕐᓂᖅ ᐅᕙᓐᓄᑦ ᑕᐃᒪᐃᓚᐅᖅᑐᖅ." ᑐᓴᕐᓈᕐᓂᖅ ᐃᓕᓴᕐᓇᐅᑎᖓᓃᓕᓚᐅᖅᑐᖅ ᑕᑯᔪᓐᓇᖅᓯᓪᓗᓂᓗ ᐃᓅᔪᓐᓇᕐᓂᕐᒥᓂᒃ.

ᐱᔪᒃᓯᑎᑦᑎᔪᒪᓕᕌᖓᑦ, ᐄᒍᓪᐱᑯ ᐃᓚᒥᓄᑦ ᑕᐅᑦᑐᖃᖅᑐᖅ, ᐸᓂᖏᑦ ᐊᒻᒪ ᐱᖃᑎᖏᑦ. ᐃᒻᒥᓂᒃᑕᐅᖅ ᑕᐅᑐᒃᑭᓪᓗᓂ, ᓇᓗᓇᐃᖅᓯᓪᓗᓂ, "ᐅᕙᓐᓂᒃ ᐊᑭᑦᑐᕋᐅᑎᖃᑎᖃᐃᓐᓇᓲᖑᔪᖓ, ᓲᖃᐃᒻᒪ ᐊᕐᕌᒍᒐᓴᖕᓂᒃ ᓇᓗᓕᖃᑦᑕᓚᐅᕋᒪ, ᐊᕐᕌᒍᒐᓴᖕᓂᒃ ᐃᓅᓚᐅᖅᓯᒪᕗᖓ ᐱᔪᓐᓇᕐᓂᕋ ᒪᓕᒃᖢᒍ, ᐊᖏᑐᐃᓐᓇᖅᖢᒍᓗ." ᓴᓇᙳᐊᖅᑎᑦ, ᐃᙱᖅᑎᐅᖃᑎᖏᑦ, ᐅᓂᒃᑳᖅᑐᐊᖅᑏᑦ ᐊᒻᒪ ᐅᖃᐅᓯᖅᑕᑦ ᐱᔪᒃᓯᓕᕈᑎᒋᓲᕆᕙᖏᑦ. ᐊᑖᑕᖓ ᓂᔾᔭᐅᑎᖃᑎᖃᓚᐅᖅᑐᖅ ᐊᒻᒪᓗ ᓂᔾᔭᐅᑎᒃᑲᓐᓂᖅᑐᓂᐅᒃ ᐊᒃᓱᐊᓗᒃ ᐊᒃᑐᐃᓂᖃᓚᐅᕐᒥᔪᖅ.  

ᐃᓕᓐᓂᐊᖅᑎᐅᓪᓗᓂ, ᐄᒍᓪᑯᑯ ᐊᒃᓱᕈᓚᐅᖅᑐᖅ ᓈᒻᒪᒐᓱᒃᖢᓂ ᖃᓪᓗᓈᖑᖃᑎᒌᙱᑦᑐᓄᑦ ᐃᓕᓐᓂᐊᕐᓂᕐᒧᑦ ᐊᑐᖃᑦᑕᖅᑐᓂ ᐊᑖᑕᖓᑕᓗ ᐃᓱᒪᒋᔭᖓ ᐊᔪᓕᕆᐊᖃᙱᖦᖢᓂ. ᖃᐅᔨᓚᐅᖅᑐᖅ ᐃᓕᑦᑎᓂᖅᐹᖑᓪᓗᓂ ᓈᓚᖕᓂᕐᒥᒃ ᐊᓈᓇᑦᑎᐊᖓᑕ ᐅᓂᒃᑳᖏᓐᓂᒃ. ᐊᒡᒐᐃᑦ, ᐃᓕᓐᓂᐊᑦᑎᐊᖅᓯᒪᔪᑦ, ᐃᒻᒥᓂᒃ ᖃᐅᔨᓇᓱᒍᒪᓂᖅᓴᐅᓲᖅ. ᓴᓐᖏᔪᒥᒃ ᓂᔾᔭᐅᓯᔭᕐᓂᕐᒧᑦ ᑐᓐᖓᕕᑖᓚᐅᖅᑐᖅ ᐅᓇᑕᖅᑐᒃᓴᕋᓛᓂ ᐊᐅᓪᓚᖅᑎᑕᐅᖃᑦᑕᓚᐅᕐᒪᑦ ᐱᓱᒋᐊᖅᑐᖅᑐᓂ. ᐃᓕᑦᑎᔪᒻᒪᕆᐅᓚᐅᖕᒥᔪᖅ ᑐᕌᓐᑐᒥᑦ ᑯᒃᑭᑕᐹᖅᑎᒥᑦ ᑎᓕᐅᕆᓚᐅᖅᑐᖅ ᓄᑖᓂᑦ ᐆᒃᑐᖁᔨᓪᓗᓂ ᐱᐅᓇᔭᖕᒪᑦ, ᐃᓱᒪᒋᔭᐅᓪᓗᓂ ᐊᔪᓕᕈᑕᐅᓚᐅᖅᑐᖅ. ᐃᓕᑦᑎᓇᓱᖃᑦᑕᖅᑐᖅ ᐊᓯᒥᖕᓂᒃ ᐱᕕᖃᑦᑎᐊᕋᓱᒃᐸᒃᖢᓂᓗ, ᐊᐱᖅᓱᑲᑕᒃᖢᓂ ᑎᔅᓯᓈᕿᕙᒃᖢᓂᓗ ᐃᓅᓯᓕᒫᒧᑦ ᐃᓕᑦᑎᕙᓪᓕᐊᓪᓗᓂ. ᑎᔅᓯᓈᕿᑎᓪᓗᒍ, ᑐᓴᖅᑎᑦᑎᔪᒪᑦᑎᐊᕐᒥᔪᖅ ᐃᓕᑕᒥᓂᒃ ᐃᑲᔪᕈᒪᓪᓗᓂᒋᑦ ᐃᖏᕐᕋᑎᓪᓗᒋᑦ.

ᐊᐳᖅᑕᕈᑕᐅᓕᕌᖓᑦ, ᐄᒍᓪᑯᕐ ᐊᓈᓇᖓ ᐋᓐᓂᐊᕕᖕᒦᑎᑕᐅᓚᐅᖅᑐᖅ ᐱᑦᑎᐊᖃᑦᑕᐅᑎᙱᖦᖢᓂ ᐱᖃᑎᖃᖅᖢᓂ ᕿᑐᕐᖓᒃᓴᖃᖅᑎᓪᓗᒍ ᓇᓗᓇᐃᖅᓯᓪᓗᓂᓗ ᐃᖕᒥᓂᒃ ᐃᓅᓚᐅᖅᓯᒪᓂᕐᒥᓂᒃ. ᐊᓈᓇᖓᑕ ᐱᖃᑎᒋᓚᐅᖅᑕᖓ ᐊᒻᒪᓗ ᐊᒃᓱᕈᖅᑐᑎᒃ ᐃᖅᑲᓇᐃᔭᖅᑐᓂ ᐊᒻᒪᓗ ᐃᓕᓐᓂᐊᖏᓐᓇᖅᑐᓂ ᐱᕈᕐᓴᐃᑎᓪᓗᒍ. ᐱᕈᖅᓴᖃᑎᒋᓪᓗᒋᑦ ᐃᓄᐃᑦ ᓂᕆᐅᖕᓂᑭᖦᖢᑎᒃ ᐊᒃᓱᕈᖅᖢᓂ ᐊᒻᒪ ᐅᐃᕆᔾᔪᑎᖃᑦᑎᐊᙱᖦᖢᓂ ᓇᖕᒥᓂᖅ ᐊᒃᓱᕈᕐᓇᖅᑑᓚᐅᖅᐳᖅ.

ᓇᖕᒥᓂᖅ ᐱᕙᓪᓕᐊᑎᑦᑏᓐᓇᕐᓗᓂ, ᐊᑲᐅᒋᔭᒥᓃᒍᓐᓃᕐᓗᓂ, ᐅᒃᐱᕈᓱᒃᓗᓂ ᐃᓕᕋᓱᒃᑕᒥᓂᒃ ᐊᒻᒪ ᑲᑕᒃᓴᕋᐃᙱᖦᖢᓂ ᐃᓗᐊᖅᓯᕚᓪᓕᕐᓇᓵᕆᕗᖅ. ᐅᐸᒃᓯᒪᐃᓐᓇᕐᓂᖅ ᐊᒻᒪ ᓇᖕᒥᓂᖅ ᖃᐅᔨᒋᐊᖃᑦᑕᕐᓂᖅ ᖃᓄᖅ ᑲᙳᓱᒃᑕᐃᓕᒪᕙᖕᒪᖔᑦ, ᐊᒃᓱᕈᕐᓇᖅᑐᒃᑰᖅᑕᐃᓕᒪᕙᖕᒪᖔᑦ, ᐃᓱᒫᓗᖕᒪᖔᑦ ᐊᒻᒪ ᓇᓗᓇᖅᖢᓂ. ᖃᐅᑕᒫᖅᓯᐅᑎᓕᐅᕐᓂᖅ ᐊᑐᖅᑕᐅᓚᐅᖅᑐᖅ ᐃᑲᔪᖅᑐᒻᒪᕆᐅᓪᓗᓂ ᐱᒋᐊᕋᑖᖅᑎᓪᓗᒍ. "ᑭᓱᑐᐃᓐᓇᑦᑎᐊᒥᒃ ᓇᖕᒥᓂᖅ ᖁᔭᓕᓂᕐᒥᒃ ᐲᖅᓯᕙᙱᓚᖅ, ᓱᓕᓪᓗᖓ," ᑕᐃᒪᓐᓇ ᐅᖃᖅᖢᓂ. "ᐱᔭᕇᖅᑎᓪᓗᒍ ᐅᓪᓗᖅ, ᐊᖏᓛᖑᔪᖅ ᑐᓗᕈᑎᒋᕙᒃᑕᕋ, ᐊᒃᓱᓪᓛᓗᒃ, ᐅᕙᖓᑎᑐᑦ, ᓲᖃᐃᒻᒪ ᓇᖕᒥᓂᖅ ᐅᐱᒋᒐᒃᑯ," ᐅᖃᑦᑎᐊᙱᖦᖢᓂ.

ᐄᒍᓪᑯᕐ ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᐃᒪᐃᒃᑲᔭᖅᑐᖅ, "ᓈᓚᒃᑕᐃᓕᓗᒋᑦ, ᐃᒻᒥᓂᒡᓗ ᐅᒃᐱᕆᓗᑎᑦ." ᒪᒃᑯᒃᖢᓂ ᐱᖏᒍᓱᓗᐊᖅᖢᓂ ᐊᓯᖏᑕ ᐃᓱᒪᒋᔭᖏᓐᓂᒃ, ᐃᓱᒪᒥᓂᒃ ᐅᖃᐅᓯᖃᓚᐅᖅᐳᖅ ᐃᓄᐃᑦ ᐃᓱᒪᒋᓚᐅᖅᑕᖏᓐᓂᒃ ᐃᓅᓯᕐᒥᓂᒃ ᐊᐅᓚᑦᑎᔪᒪᓂᕐᒥᓂᒃ. ᐃᓅᓪᓗᓂ ᑲᑉᐱᐊᓱᒃᖢᓂ ᐊᒃᓱᕈᕐᓇᓗᐊᓚᐅᖅᑐᖅ ᑭᓱᓕᒫᓄᑦ ᐊᑐᕐᑕᖏᓐᓄᑦ.

ᐃᒻᒥᓂᒃ ᑲᒪᒋᑦᑎᐊᕋᓱᒃᓗᒍ, ᐄᒍᓪᑯᕐ ᑕᐅᓇᓃᓲᖅ ᐅᓪᓗᒃᑯᑦ ᐱᑦᑕᐃᓕᑎᑦᑎᓪᓗᓂ ᖃᓪᓗᓈᖑᖃᑎᒌᙱᑦᑐᑦ ᐃᓕᖅᑯᓯᑐᖃᖏᓐᓂᒃ. ᐱᑦᑕᐃᓕᔾᔪᑎᒋᔭᖓ. "ᑕᐃᒪᓕ, ᖃᓄᐃᒋᙱᑕᕋ ᐊᑭᑐᔪᓕᕆᓃᑦ ᐃᑲᕐᕋᐅᑉ ᓇᑉᐸᖓᓄᑦ," ᐃᒡᓚᖅᑐᖅ. ᐅᖃᓪᓚᖃᑎᖃᑦᑎᐊᕆᐊᒃᓴᖅ ᐊᓕᐊᓇᐃᒋᕙᖕᒥᔭᖓ, ᐅᖃᓪᓚᑲᑕᙱᖦᖢᓂ ᐊᒻᒪ ᓄᓇᐅᑉ ᖄᖓᓂ ᐅᖃᓪᓚᑲᑕᒃᐸᙱᖦᖢᓂ. ᐅᓇᑦᑕᐅᖅ ᖁᕕᐊᒋᖕᒥᔭᖓ ᐃᓚᐅᕙᒡᓗᓂ ᐃᓅᖃᑎᒥᓄᑦ ᑐᙵᓇᕐᓗᓂ ᐅᖃᙱᓪᓗᓂ ᑭᓇᑐᐃᓐᓇᒥᒃ. ᐅᕕᓂᓕᕆᓂᖅ ᐱᒻᒪᕆᐅᒋᕗᖅᑕᐅᖅ ᑖᔅᓱᒧᖓ.

ᐃᓱᒪᒋᓗᒍ ᑐᓴᖅᑕᐅᔪᒃᓴᖅ ᐱᔪᒃᓯᑎᑦᑎᔪᒪᓪᓗᓂ ᓄᓇᖃᖅᑳᖅᑐᓂᒃ ᒪᒃᑯᒃᑐᓂᒃ, ᐄᒍᓪᐱᑯ ᐅᖃᖅᖢᓂ, "ᐱᒻᒪᕆᐅᕗᑎᑦ. ᐊᑑᑎᖃᖅᑐᑎᑦ. ᑭᓱᓕᒫᑦ ᐱᓕᕆᐊᕆᕙᑦᑕᕗᑦ ᐃᓅᓯᑦᑎᓐᓂ ᐅᓪᓗᒥ, ᐃᓐᓇᐅᓂᕐᓴᐅᓪᓗᑕ, ᑕᒪᓐᓇ ᐃᓕᑕᕆᒐᓗᐊᕈᑦᑎᒍ, ᐅᕝᕙᓘᓐᓃᑦ ᑕᑯᒍᑦᑎᒍ, ᐅᕝᕙᓘᓐᓃᑦ ᑕᒪᓐᓇ ᐊᖏᕈᑎᒋᕙᕗᑦ, ᐃᓕᓐᓄᑦ, ᐊᐅᓪᓚᖅᓯᒪᓕᕈᒪ, ᐃᓅᓱᓐᓂᖅᓴᐃᑦ ᓱᓕ ᑕᐃᑲᓃᓐᓂᐊᕐᒪᑕ. ᑖᓐᓇ ᓄᓇᕐᔪᐊᖅ ᐃᓕᖕᓄ ᑐᕌᖓᖕᒪᑦ, ᑕᐃᒪᐃᒻᒪᑦ ᐱᒻᒪᕆᐅᕗᑎᑦ."

ᓂᔾᔭᐅᑎᖃᑦᑕᖅᑕᖓ ᐃᓅᓇᓱᓪᓗᓂ, ᑭᓯᐊᓂ ᓂᔾᔭᐅᓯᔭᕐᓂᖓ ᐆᒪᑎᖃᑦᑕᕐᒪᒍ. ᐊᓂᒍᐃᕙᓪᓕᐊᓂᖅ ᐊᒥᓱᓂᒃ ᐃᓅᓯᕐᒥ ᐊᒃᓱᕈᕐᓇᖅᑐᓂᒃ ᐃᓱᒪᒃᓴᖅᓯᐅᑦᑎᐊᖅᓯᒪᓂᒃᑯᑦ, Forrest Eaglespeaker−ᑯᑦ ᓇᓂᓯᓚᐅᖅᐳᑦ ᐊᑐᖅᑕᐅᔪᓐᓴᖅᑐᒥᒃ ᐊᕐᕌᒍᖃᑎᒌᙱᑦᑐᓄᑦ ᐊᒃᓱᕈᕐᓇᖅᑐᓄᑦ, ᐅᐃᕆᓯᒪᔾᔪᑕᐅᓕᖅᐸᒃᑐᓄᑦ ᐅᕕᓂᖃᑎᒌᙱᓐᓂᒃᑯᓪᓗ. ᐃᓅᓪᓗᓂ ᓯᕝᕕᐊᕐᒧᑦ, ᑕᐃᒃᑯᐊ ᐃᒃᐱᖕᓂᐊᓃᑦ hip hop−ᖑᓕᕐᖢᑎᒃ ᐃᓕᑦᑎᓪᓗᓂᓗ ᖃᓄᖅ ᐃᖕᒥᓂᒃ ᐅᒃᐱᕆᒃᑲᓐᓂᕈᓐᓇᕐᓂᕐᒥᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!