Glen Sharpe−ᑯᑦ ᐊᓂᒍᐃᑎᑦᑎᕗᑦ ᐊᐳᖅᑕᕈᑕᐅᓕᕈᓐᓇᖅᑐᓂᒃ ᑭᖑᕚᒃᓴᑦᑎᓐᓄᑦ ᐃᓕᓴᐃᔨᓄᑦ
ᐃᓕᓴᐃᓂᕐᒧᐊᕌᖓᑦ, ᒋᓚᓐ ᓵᑉ ᐃᖅᑲᓇᐃᔮᖓᓂᒃ ᐃᓕᓴᐃᔨᐅᓪᓗᓂ ᐱᒻᒪᕆᐅᑎᑦᑎᕗᖅ. ᓵᑉ ᐃᓅᓚᐅᖅᓯᒪᔪᖅ ᑐᕌᓐᑐᒥ, ᑭᓯᐊᓂ ᓅᓚᐅᖅᓯᒪᔪᖅ ᐳᕆᓐᑕᓐᒧᑦ ᒪᒃᑯᒃᑎᓪᓗᒍ ᐊᒻᒪᓗ ᐊᐅᔭᒃᑯᑦ ᐃᓂᖃᖅᑎᓪᓗᒍ ᑕᐃᑎᓇᒐ ᒧᕼᐊᒃᒥ.
ᓵᑉ ᐱᔭᕇᖅᓯᓪᓗᓂ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐱᒋᐊᕐᖢᓂᓗ ᐃᓕᓐᓂᐊᒃᑲᓐᓂᕐᓂᕐᒧᑦ ᐃᖏᕐᕋᓂᕐᒥ ᓯᐅᕆᑕᓐ ᓯᓚᑦᑐᖅᓴᕐᕕᖕᒥ. ᑭᖑᓂᐊᒍᑦ, ᐱᓇᓱᐊᓕᓚᐅᖅᑐᖅ ᔪᐊᒃ ᓯᓚᑦᑐᓴᕐᕕᕐᔪᐊᖓᓅᖅᑐᓂ ᐊᒻᒪᓗ ᐱᔭᕇᖅᑐᓂ ᑎᓴᒪᓂᒃ ᐊᕐᕌᒍᓂᒃ ᑕᐃᑲᓂ.
ᓵᑉ ᐃᓕᓐᓂᐊᓕᕋᒥ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓕᓐᓂᐊᕐᓂᓕᕆᓂᕐᒥ, ᐃᓕᓐᓂᐊᕌᓂᒍᓯᐊᖓ, ᐊᓱᐃᓛᒃ PhD−ᖓ ᐃᖅᑲᓇᐃᔮᖓᓂ − ᑭᓯᐊᓂ ᐅᖃᕐᖢᓂ ᐱᕙᓪᓕᐊᓂᖓ ᐊᑐᓂ ᑖᒃᑯᐊ ᑕᑕᑎᖅᑕᐅᓪᓗᑎᒃ ᐱᓇᔪᒃᓗᑎᒃ ᐃᓯᕐᓗᑎᒃ, ᐊᖏᖅᑕᐅᙱᓪᓗᑎᒃ, ᐱᖃᑖᓂᒃᓗ ᐱᓇᓱᒃᓗᑎᒃ.
"ᐅᕙᖓ ᑕᐃᔭᕋ ᑲᔪᓯᑦᑎᐊᖅᑐᖅ ᐃᓄᒃ ᑲᔪᓯᑦᑎᐊᓚᐅᙱᑦᑐᖅ. ᐊᒻᒪᓗ ᑖᒃᑯᐊ ᑕᕝᕙ ᐃᓚᖏᑦ ᐊᐳᖅᑕᕈᑏᑦ ᖃᐅᔨᖃᑦᑕᖅᓯᒪᔭᒃᑲ ᐊᒻᒪᓗ ᐱᓇᓱᐊᑐᐃᓐᓇᖅᑐᒋᑦ," ᐅᖃᖅᑐᖅ ᓵᑉ.
ᐃᓕᓐᓂᐊᓕᓵᖅᑎᓪᓗᒋᑦ, ᐅᖄᓚᓚᐅᖅᓯᒪᔪᖅ ᐊᐱᕆᓪᓗᓂᓗ ᖃᓄᐃᓕᐅᕈᓐᓇᕐᒪᖔᑦ ᐃᓕᓐᓂᐊᕐᓂᐊᕐᓗᓂ ᐅᖃᐅᔾᔭᐅᓪᓗᓂᓗ ᖃᐅᔨᒃᑲᓐᓂᕆᐊᖃᕐᓂᐊᕐᓂᖓᓂᒃ.
ᑕᐃᒪᓕ ᓵᑉ ᐃᓕᓴᐃᔨᓄᑦ ᐃᑲᔪᖅᑎᑖᕋᓱᐊᓚᐅᖅᑐᖅ ᐊᒻᒪᓗ ᐱᓪᓗᓂᐅᒃ, ᓚᐃᒃᕼᐃᑦ ᓯᓚᑦᑐᓴᕐᕕᕐᔪᐊᖓᓅᖔᖅᑐᓂ ᔪᐊᒃᒨᙱᖔᖅᑐᖅ ᐊᑐᓚᐅᖅᑕᖓ.
"ᑕᒪᓐᓇ ᑐᙵᕕᒋᓯᒪᕙᕋ ᐱᓕᕆᖃᑦᑕᖅᓯᒪᓂᑰᓂᖅ ᐃᓕᓐᓂᐊᕐᕕᐊᕈᓯᕐᒧᐊᖅᐸᓪᓕᐊᓪᓗᖓ ᐊᒥᓱᑦ ᐱᓕᕆᖃᑎᒌᖁᑎᒃᑲ ᐊᑐᖃᑦᑕᖅᓯᒪᙱᑕᒃᑲ, ᑖᓐᓇ ᐊᕐᕌᒍᒥᒃ ᐊᑕᐅᓯᕐᒥᒃ ᐃᓕᓴᐃᔨᓄᑦ ᐃᑲᔪᖅᑎᒋᔭᐅᓚᐅᖅᓯᒪᕗᖓ ᐊᑖᒍᑦ, ᑕᒪᓐᓇᓗ ᐅᕙᓐᓄᑦ ᐃᑲᔪᕐᓂᖃᓪᓚᕆᓚᐅᖅᖢᓂ," ᑕᐃᒪᓐᓇ ᓵᑉ ᐅᖃᖅᖢᓂ.
ᑭᓯᐊᓂ ᐃᓕᓴᐃᔨᕈᓚᐅᖅᑎᓐᓇᒍ ᐊᓪᓛᑦ ᓯᐅᕆᑕᓐᒨᓚᐅᖅᑎᓐᓇᒍ, ᓵᑉ ᐅᖃᖅᑐᓂ ᖃᐅᔨᒪᓗᐊᙱᓐᓂᕋᖅᑐᓂ ᖃᓄᐃᓕᐅᕆᐊᖓ ᑭᓯᐊᓂ ᖃᓄᖅ ᐃᓕᓐᓂᐊᖅᑎᑦᑎᕙᒻᒪᖔᖅ ᕼᐋᑭᕐᓂᕐᒧᑦ ᐃᓕᓐᓂᐊᕐᕕᒻᒥᑦ ᐃᓕᓴᐃᔨᐅᓪᓗᓂ.
ᐅᖃᕐᖢᓂ ᐱᓕᕆᖃᑎᖃᕐᓂᕐᒥᒃ ᓄᑕᖅᑲᓂᒃ ᑭᐅᑎᖦᖢᒍᓗ ᑭᐅᖃᑎᒋᓪᓗᓂᒋᓪᓗ ᐃᓱᒪᓕᕐᖢᓂ "ᐊᔪᙱᑦᑐᖓ."
ᓵᑉ ᐃᖅᑲᓇᐃᔮᖃᑦᑎᐊᖅᓯᒪᔪᖅ, ᑭᓯᐊᓂ ᐊᓯᖏᑎᒍᑦ ᐊᐳᖅᑕᕈᑎᖃᖅᓯᒪᔪᖅ ᐊᖅᑯᑎᖓᒍᑦ ᐱᖃᓯᐅᑎᓪᓗᓂᑦ ᐱᐅᙱᑦᑐᖅ ᓇᒻᒥᓂᖅ-ᐅᖃᐅᓯᖃᕐᓂᖅ ᐊᑑᑎᖃᕐᓂᖓᓄᑦ.
"ᐃᓱᒪᒋᔭᕋᓕ ᑕᒪᑦᑕ ᐱᐅᙱᑦᑐᒥᒃ ᓇᖕᒥᓂᖅ ᐅᖃᓪᓚᖃᑦᑕᕐᓂᑦᑎᓐᓂᒃ, ᑭᓯᐊᓂ ᑕᒪᓐᓇ ᑭᐳᒃᑎᑦᑐᓐᓇᕈᕕᐅᒃ, ᑕᐅᑐᒡᓗᒍᓗ ᐊᕝᕕᐊᕈᑎᒋᔭᐅᔪᖅ ᐅᕝᕙᓘᓐᓃᑦ ᐅᑎᕆᐊᕈᑎ ᐱᕈᖅᐸᓪᓕᐊᓂᕐᒧᑦ ᐱᕕᒃᓴᐅᓗᓂ. ᑕᐃᒪᓐᓇ ᐃᓱᒪᒐ ᐋᖅᑭᒐᓱᖃᑦᑕᖅᑕᕋ," ᐅᖃᖅᑐᕕᓂᖅ ᓵᑉ.
"ᐊᑐᕐᓂᖅ ᐱᐅᕗᖅ. ᐊᑐᕈᒪᙱᒻᒪᕆᑦᑕᐃᑦ ᐅᖃᐅᓯᖅ ᐊᔪᓕᖅᑐᖅ, ᑭᓯᐊᓂ ᐊᑐᕈᒪᒍᕕᐅᒃ ᐅᖃᐅᓯᖅ ᐊᐳᖅᑕᕈᑎ ᐅᕝᕙᓘᓐᓃᑦ ᑲᔪᓯᑦᑎᐊᖏᓐᓂᖓ. ᐱᐅᕗᖅ ᖁᕕᐊᒋᓪᓗᒍ ᐃᓕᑦᑎᕙᓪᓕᐊᓗᓂᓗ ᐱᕈᖅᑎᓐᓇᓱᒡᓗᒍᓗ ᑖᔅᓱᒧᖓ ᐃᓂᒧᑦ ᐊᔪᙱᒃᑯᕕᑦ."
ᐊᒻᒪᓗ ᐃᓕᓐᓂᐊᖅᑏᑦ ᐊᖏᕐᕋᒥᓂᒃ ᕿᒪᐃᔭᕆᐅᖅᑎᓪᓗᒋᑦ ᓯᕗᓪᓕᖅᐹᒥ ᐃᖅᑲᓇᐃᔮᖅᑖᕋᓱᐊᕐᓗᑎᒃ ᐅᕝᕙᓘᓐᓃᑦ ᐃᓕᓐᓂᐊᑲᓐᓂᕐᓗᑎᒃ, ᓵᑉ ᓇᓗᓇᐃᖅᓯᒻᒪᑦ ᑲᑉᐱᐊᓇᕐᓂᖓᓂᒃ ᑕᐃᒪᐃᓕᐅᕆᐊᔅᓴᖅ ᐊᒻᒪᓗ ᐃᓕᕋᓇᖅᑐᓂ.
"ᐃᓕᓐᓂᐊᖅᑎᓕᒫᓄᑦ ᐅᖃᖃᑦᑕᖅᓯᒪᕗᖓ, ᐊᔪᕐᓇᕐᒪᑦ ᐊᓯᔾᔨᕋᓱᒋᐊᒃᓴᖅ. ᑕᐃᒪᐃᖏᓐᓇᐅᔭᕐᒪᑦ ᐊᒻᒪᓗ ᐅᕙᖓ ᕿᑎᐊᓂ 1950-ᒦᓕᖅᑐᖓ ᐊᒻᒪᓗ ᓅᓪᓗᖓ ᐊᒻᒪᓗ ᐊᓯᔾᔨᕐᓂᖅ ᓄᑖᒧᑦ ᐃᖅᑲᓇᐃᔮᒧᑦ ᐊᒃᓱᕈᕐᓇᕐᓂᐊᖅᑐᖅ. ᐅᔾᔨᕆᑐᐃᓐᓇᕐᓗᒍ ᐊᒻᒪ ᐊᑭᕋᖅᑑᑎᑦᑕᐃᓕᓗᒍ," ᐅᖃᖅᐳᖅ ᓵᑉ.
ᐃᓚᐅᖁᔨᕗᖅ ᖃᐅᔨᒪᓕᕈᒪᓪᓗᓂᓗ ᐃᓄᖕᓂᒃ, ᐱᓇᔪᒡᓗᓂᓗ "ᐃᓚᖏᑦ ᐃᓗᐊᙱᓕᐅᕈᑎᒋᔭᑎᑦ ᓴᓂᕐᕙᒡᓗᒋᑦ" ᑕᒪᒃᑯᐊ ᐃᓅᖃᑎᖃᕐᓂᕐᒧᑦ ᐊᑕᓂᕆᔭᐅᔪᑦ ᐊᔪᕐᓇᕈᓐᓃᖅᑎᑦᑎᕚᓪᓕᖅᑎᑦᑐᒪᓪᓗᒋᑦ ᓅᑉᐸᓪᓕᐊᓂᕆᔭᐅᔪᒥᒃ.
"ᐱᐅᓛᖑᔪᖅ ᐱᓕᕆᐊᕆᓗᒍ. ᐃᓄᑑᑎᓪᓗᑎᑦ ᐃᑲᔫᑎᖃᔾᔮᙱᑦᑐᖅ. ᐃᓗᐊᕆᔭᕐᓅᕆᐊᖃᑐᐃᓐᓇᖅᑐᑎᑦ ᐊᒻᒪᓗ ᑐᑭᖃᑦᑎᐊᖅᑐᒥᒃ ᐊᒃᑐᐊᓂᖃᕋᓱᒡᓗᑎᑦ ᓅᑉᐸᓪᓕᐊᓂᖅ ᐊᔪᕐᓇᕈᓐᓃᖅᑎᓐᓇᓱᒡᓗᒍ."
ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.
