ᐃᓕᓐᓂᐊᕐᕕᖕᒧᑦ ᐅᑎᕐᑎᑕᐅᓪᓗᓂ ᐃᓅᓯᓕᕆᔨᙳᕈᒪᓪᓗᓂ ᓄᓇᖃᖅᑳᖅᓯᒪᔪᓄᑦ, ᕼᐃᓕ ᐴᑦᓴᓐ ᐱᓕᕆᐊᖃᖅᐳᖅ ᖁᑦᑎᖕᓂᖅᐹᒥᑦ ᐃᓄᓕᕆᔨᐅᓂᖕᒥᑦ ᓯᓚᑦᑐᖅᓴᕐᕕᒡᔪᐊᒥᑦ ᒫᓂᑑᐸᒥᑦ. ᐱᒍᐃᔅ ᓄᓇᖃᖅᑳᖅᓯᒪᔪᓄᑦ ᐃᓚᒋᔭᐅᔪᖅ, ᓅᓵᓚᐅᖅᑐᖅ ᐅᐃᓂᐹᒡᒧᑦ, ᓄᓇᓕᖓᑕ ᐱᖅᑯᓯᑐᖃᖓᒍᑦ ᓄᓇᕗᒻᒥ, ᐱᕈᓚᐅᖅᑎᓪᓗᒍ ᐳᕆᑎᔅ ᑲᓚᒻᐱᐊᒥ. ᑖᓐᓇ ᐱᓕᕆᐊᖑᔪᖅ ᑐᕌᖓᑎᑕᐅᕗᖅ ᓄᓇᖃᖅᑳᖅᑐᓄᑦ, ᑐᙵᓇᖅᖢᓂ ᐊᓯᔾᔨᕐᓂᕆᔭᐅᔪᖅ.

"ᐊᒃᓱᕈᒻᒪᕆᓚᐅᖅᑐᖓ ᐃᓄᓕᕆᔨᐅᓂᕐᒧᑦ ᐃᓕᓐᓂᐊᑎᓪᓗᖓ, ᓲᖃᐃᒻᒪ ᓄᓇᖃᖅᑳᖅᓯᒪᔪᓄᑦ ᑐᕌᖓᖅᑰᔨᓚᐅᙱᓐᓇᒪ. ᐅᖃᐅᓯᖃᖅᑐᒻᒪᕆᐅᓚᐅᖅᐳᑦ ᐅᕙᑦᑎᓐᓂᑦ, ᑭᓯᐊᓂ ᐃᓛᑎᒍᑦ ᐃᒡᓗᕈᓯᕐᒦᓚᐅᕋᑦᑕ ᐅᖃᐅᓯᖃᓚᐅᖅᑐᑎᓪᓗ ᐱᐅᙱᑦᑐᒻᒪᕆᒻᒥᑦ," ᐃᖅᑲᐅᒪᔪᖅ. ᐃᓕᓐᓂᐊᕐᕕᖕᒧᑦ ᐅᑎᖅᑎᓪᓗᒍ ᐃᓅᓯᓕᕆᔨᙳᕈᒪᓕᓚᐅᖅᓯᒪᕗᖅ ᐊᓯᖏᓐᓄᑦ ᓄᓇᖃᖅᑳᖅᓯᒪᔪᓄᑦ, ᐃᓕᑕᕆᔭᐅᔾᔪᑎᑖᕆᐊᖃᖅᖢᓂ ᐃᓄᓕᕆᔨᐅᓂᕐᒧᑦ ᐱᓕᕆᓂᐊᕐᓗᓂ. "ᖃᐅᔨᒪᓚᐅᖅᑐᖓ ᑕᐃᒪᐃᓕᐅᕆᐊᖃᕐᓂᓐᓂᒃ, ᐊᒻᒪ ᐅᐊᓕᓂᕐᒥᐅᓄᑦ ᐱᓕᕆᐊᖑᒃᑲᓐᓂᕈᓐᓇᓚᐅᙱᓐᓇᒪ," ᐃᖅᑲᐅᒪᔪᖅ.

ᐱᕈᖅᐸᓪᓕᐊᓂᖅ, ᐱᐅᙱᑦᑐᑦ ᐊᑐᖅᓯᒪᔪᑦ ᐃᓄᓕᕆᔨᓄᑦ ᐋᖅᑭᒃᓯᓪᓗᑎᒃ ᑕᐅᑐᒃᑕᖏᓐᓂ ᐃᖅᑲᓇᐃᔮᖏᓐᓂ. ᐱᓂᕐᓗᒡᕕᐅᓯᒪᔪᓄᑦ ᐱᔨᑦᑎᕋᕐᕕᖃᖅᐸᖕᓂᖓᓄᑦ ᐱᓕᕆᔨᒥᒃ ᑲᑎᖦᖢᓂ 16−ᓂᒃ ᐊᕐᕌᒍᖃᓕᖅᖢᓂ ᑕᒪᓐᓇ ᐊᓯᔾᔨᖅᖢᓂ. "ᑕᐃᒪᓕ ᑲᑎᖃᑎᒋᓚᐅᖅᑕᕋ ᖃᐅᔨᓚᐅᖅᑐᖓᓗ ᖃᓄᖅ ᐱᒻᒪᕆᐅᖕᒪᖔᑦ ᐃᓅᓯᓐᓄᑦ, ᖃᐅᔨᓚᐅᖅᑐᖓ ᑕᒪᓐᓇ ᐃᒃᐱᒋᓚᐅᖅᑕᕋ ᖃᓄᐃᓕᐅᕈᓐᓇᖅᑰᔨᓪᓗᖓ ᐊᓯᓐᓄᑦ ᐃᓄᖕᓄᑦ," ᐃᖅᑲᐅᒪᔪᖅ.

ᑎᖕᒥᐊᑦ−ᒫᑎᓴᓐ ᐱᓕᕆᖃᑎᖃᕋᔪᒃᐳᑦ ᓄᓇᖃᖅᑳᖅᓯᒪᔪᓂᒃ ᒪᒃᑯᒃᑐᓂᒃ ᐊᒻᒪ ᓄᓇᖃᖅᑳᖅᓯᒪᔪᓂᒃ, ᐃᓄᐃᑦ ᐋᖓᔮᕐᓇᖅᑐᖅᑐᖃᑦᑕᖅᑐᑦ ᐱᔾᔪᑎᒋᓪᓗᒋᑦ, ᐊᒻᒪ ᐃᓅᓕᓴᐅᑎᑐᖃᐃᑦ ᐊᒻᒪ ᐃᓚᒋᔭᐅᓕᕈᓐᓇᕐᓂᖏᑦ. "ᐃᓄᓕᕆᓂᖅ ᐅᕙᓐᓂᒃ ᑕᑯᑎᖃᑦᑕᕋᒃᑯ ᐃᓂᖃᕈᓐᓃᖅᑎᖦᖢᒍᓗ ᑕᐃᒪᓐᓇ, ᐃᓱᒪᓕᐅᕆᔪᓐᓇᕐᓗᖓᓗ ᖃᓄᖅ ᐃᑲᔪᑦᑎᐊᓛᖑᔪᓐᓇᕐᒪᖔᕐᒪ ᐃᓄᖕᓂᒃ ᐊᔾᔨᒌᖏᓐᓇᕆᐊᖃᙱᖦᖢᓂᓗ ᐅᕝᕙᓘᓐᓃᑦ ᐊᔾᔨᑐᐃᓐᓇᕆᙱᖦᖢᓂᐅᒃ," ᐅᖃᖅᖢᓂ.

ᐃᓕᓐᓂᐊᕐᕕᖕᒥ ᓴᙲᓐᓇᖃᑦᑕᓚᐅᙱᑦᑐᖅ, ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐊᒃᓱᕉᑎᖃᖅᖢᓂ ᐋᖓᔮᕐᓇᖅᑐᓂᒃ ᐊᑐᖃᑦᑕᖅᖢᓂ, ᕿᒃᓵᒃᓴᕋᐃᖦᖢᓂ ᐊᒻᒪ ᐊᒃᓱᕈᕐᓇᖅᑐᒃᑰᖅᖢᓂ. "ᐊᒥᓱᑦ ᖃᓄᐃᓕᐅᕐᓂᕆᔭᒃᑲ ᑕᐅᑐᒐᖃᓗᐊᓚᐅᙱᑦᑐᑦ ᓯᕗᓂᒃᓴᓐᓄᑦ, ᑕᐅᑐᓪᓗᐊᑕᓚᐅᖅᑐᑦ ᐅᕙᓐᓂᒃ ᐊᓂᒍᐃᓇᓱᑐᐃᓐᓇᕐᓂᕐᒥᒃ ᖃᐅᑕᒫᑦ," ᐃᖅᑲᐅᒪᔪᖅ. ᐃᓕᓐᓂᐊᖅᑐᓕᕆᔨᒃᑯᑦ ᓯᕗᓪᓕᐅᑎᓯᒪᓚᐅᙱᒻᒪᒍ ᐊᒻᒪᓗ ᖃᐅᔨᒪᒐᓂ ᖃᓄᖅ ᑕᒪᓐᓇ ᕿᒪᒍᓐᓇᕐᒪᖔᒍ ᑕᒪᒃᑯᓄᖓ ᐊᒃᓱᕈᕈᑕᐅᔪᓄᑦ.

ᒪᒃᑯᒃᓯᑎᓪᓗᒍ, ᐴᑦ ᒫᑎᓴᓐ ᐃᓱᒪᓕᓚᐅᖅᑐᖅ ᖃᓄᖅ ᐊᓯᔾᔩᔪᓐᓇᕐᒪᖔᑦ ᖃᓄᐃᓕᖓᓂᕆᔭᒥᓂᒃ ᕿᒥᕐᕈᓗᓂᓗ ᐃᓄᓕᕆᓂᕐᒧᑦ ᐱᓕᕆᐊᒃᓴᓂᑦ ᐃᓄᖕᓄᑦ ᐅᐃᕆᓯᒪᔭᖃᖅᑐᓄᑦ, ᐊᒃᓱᕈᖅᑎᓪᓗᒍ. ᑮᓇᐅᔭᖅᑖᓚᐅᖅᑐᖅ UBC-ᑯᓐᓄᑦ ᑭᓯᐊᓂ ᐊᒃᓱᕈᓚᐅᖅᑐᖅ ᖃᐅᔨᒪᓇᓂ ᐊᒥᓱᓂᒃ ᐃᓄᓐᓂᒃ ᓄᓇᓕᐸᐅᔭᒥ. ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᑦ ᐃᑲᔪᖅᑕᐅᕕᒃ ᐃᑲᔪᓚᐅᖅᐳᖅ ᐊᓂᒍᐃᑎᓪᓗᒍ ᖁᐊᖅᓵᕐᓇᖅᑐᒃᑰᕐᓇᖅᑐᒥᒃ ᐃᓕᓐᓂᐊᖅᑎᑦᑎᑎᓪᓗᒍ.

ᐃᓕᓐᓂᐊᕐᕕᐊᕈᓯᕐᒥ, ᓄᑖᒥᒃ ᑕᐅᑐᖅᑰᖅᑕᖃᓕᓚᐅᖅᐳᖅ ᖃᓄᐃᓕᐅᕐᒪᖔᑕ ᐃᓕᓐᓂᐊᕐᕕᐅᑉ ᓯᓚᑖᓂ ᐊᒻᒪ ᐃᓅᓯᖓᑕ ᓯᓚᑖᓂ. "ᐃᓕᑦᑎᕈᓘᔭᓚᐅᖅᑐᖓ ᐃᓕᓐᓂᐊᕐᕕᖕᒥ, ᐱᓕᕆᔾᔪᓯᕐᓂᒃ, ᒪᓕᒐᕐᓂᒃ, ᐊᒻᒪ ᐅᔾᔨᕆᓚᐅᙱᑕᓐᓂᒃ ᐃᓅᓯᖅ ᐊᔪᕐᓇᕈᑕᐅᓂᖓᓂᒃ ᓄᓇᖃᖅᑳᖅᓯᒪᔪᓄᑦ. ᑕᑯᖃᑦᑕᖅᓯᒪᕗᖓ ᐊᒥᓱᓂᒃ ᐊᒻᒪᓗ ᖃᐅᔨᖃᑦᑕᖅᓯᒪᓪᓗᖓ ᐊᒥᓱᓂᒃ, ᑭᓯᐊᓂᓕ ᖃᐅᔨᒪᓚᐅᖏᑦᑐᖓ ᐊᒥᓱᑦ ᐱᔮᖅᑯᑕᐅᓂᖏᓐᓂᒃ, ᐊᒻᒪᓗ ᐱᔾᔪᑎᒋᓪᓗᒍ ᑲᓇᑕ ᖃᓪᓗᓈᖑᖅᑎᑕᐅᓚᐅᕐᒪᑦ ᐊᒻᒪᓗ ᓴᓇᔭᐅᓪᓗᓂ," ᓈᓴᐃᒃᑲᓐᓂᓚᐅᖅᑐᖅ.

"ᖁᔭᓕᔪᖓ ᓯᓚᑦᑐᖅᓴᕐᕕᔾᔪᐊᖅ ᐃᓱᒪᒋᔭᓐᓂᒃ ᑐᓂᓯᓯᒪᒐᒪ ᑕᒪᒃᑯᓂᖓ. ᑭᓯᐊᓂ ᐃᓱᒪᒋᖕᒥᔭᕋᓕ ᖃᓄᑐᐃᓐᓇᖅ ᑭᓯᐊᓂ ᐅᕝᕙᓘᓐᓃᑦ ᐊᑲᐅᓛᖑᓇᓱᒋᓪᓗᒍ ᐃᓕᓐᓂᐊᕐᓗᓂ ᓲᖃᐃᒻᒪ ᐃᓕᑦᑎᕚᓪᓕᖅᑰᓚᐅᕋᒪ ᐃᓄᓕᕆᔨᐅᖅᑰᔨᙱᒃᑯᒪ, ᐃᑲᔪᖅᑎᐅᙱᖔᕐᓗᓂᓘᓐᓃᑦ, ᓄᓇᓕᖕᓂ ᐋᖅᑭᒃᓯᒪᔪᓂᒃ ᓄᓇᓖᑦ ᑲᓇᖕᓇᖔᖓᓂ ᐊᒻᒪ ᐃᓐᓇᕐᓂ ᐊᒻᒪ ᖃᐅᔨᒪᔪᓂᒃ," ᑲᔪᓯᓪᓗᓂ, ᐃᓱᒪᒋᓗᒍ ᑭᓱᓂᒃ ᐃᓕᑦᑎᓚᐅᕐᒪᖔᑦ ᓇᖕᒥᓂᖅ ᐊᓯᒥᓂᒡᓗ ᑲᒪᑦᑎᐊᕐᓂᕐᒥᒃ.

ᐃᓕᑦᑎᓯᒪᑎᓪᓗᒍ ᐊᑐᕐᓂᑯᖏᓐᓂ, ᐱᐅᔪᖅ ᐊᔪᕐᓇᕐᖢᓂᓗ, ᑐᓴᖅᑎᑦᑎᔾᔪᑎ ᐱᔪᒪᔭᖓ ᐱᑎᓪᓗᒍ ᒪᒃᑯᖕᓂᖅᓴᖅ ᐃᖕᒥᓂᒃ ᐃᒪᓐᓇᐅᓇᔭᖅᑐᖅ, "ᐊᑕᐅᓯᐅᔭᕆᐊᖃᙱᑦᑐᑎᑦ. ᓂᕈᐊᕆᐊᖃᖏᑦᑐᑎᑦ ᐃᖅᑲᓇᐃᔮᒥᒃ ᐅᕝᕙᓘᓐᓃᑦ ᖃᓄᐃᑦᑑᓂᐅᔪᒥᒃ ᐅᕝᕙᓘᓐᓃᑦ ᑕᐃᒪᐃᑦᑐᒐᓚᒻᒥᒃ. ᖃᐅᔨᓴᖅᑎᒻᒪᕆᐅᔪᓐᓇᖅᑐᑎᑦ ᐊᒻᒪ ᓴᓇᙳᐊᖅᑎᐅᓗᑎᑦ... ᑕᒪᒃᑯᐊ ᐊᑕᐅᑦᑎᒃᑯᑦ ᐊᔾᔨᒌᖏᒻᒪᑕ... ᓂᕈᐊᕈᓐᓇᖅᑐᖓ ᑭᓱᒥᑭᐊᖅ ᐊᓯᔾᔨᕐᓗᒍᓗ ᐃᓱᒪᒐ ᑐᑭᖃᙱᖦᖢᓂᓗ ᑕᒻᒪᕐᓂᓐᓂᒃ."

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓱᒪᔪᓄᑦ ᐃᓕᓐᓂᐊᕆᐊᒃᑲᓐᓂᕆᐊᒃᓴᖅ, ᑭᓯᐊᓂ ᖃᓄᐃᙱᑦᑐᖅ ᓄᖅᑲᕆᐊᒃᓴᖅ ᑕᖃᐃᖅᓯᓚᐅᑲᒡᓗᓂᓘᓐᓃᑦ ᐃᓕᑦᑎᓗᓂᓘᓐᓃᑦ ᐊᔾᔨᒋᙱᑕᖓᓂᒃ, ᓄᓇᓕᖕᓂ ᐃᓐᓇᑐᖃᕐᓂ. ᐃᓕᓐᓂᐊᕐᕕᓕᐊᕐᓗᓂ ᒪᑐᐃᖓᔪᒥᒃ ᐹᒥᒃ ᑖᔅᓱᒧᖓ ᑭᓯᐊᓂ ᐃᒪᓐᓇᐅᖁᔨᔪᖅ ᐱᕙᒌᔭᕐᓗᓂ ᐃᓱᒪᓗᓂ ᑭᓱᓂᒃ ᐱᔭᕆᐊᖃᕐᒪᖔᖅᐱᑦ ᐱᐅᔪᒥᒃ, ᐊᑦᑕᕐᓇᙱᑦᑐᒥᒃ ᑲᒪᒋᔭᐅᓂᕐᒥᒃᓗ ᐊᒻᒪ ᖃᓄᖅ ᐃᑲᔪᖅᑕᐅᔪᒪᔪᓐᓇᕐᒪᖔᑦ.

ᐸᕐᓇᓐᓂᖅ ᑕᒪᒃᑯᓄᖓ ᐱᒻᒪᕆᐅᕗᖅ ᐱᓪᓗᒍ ᖁᑦᑎᓂᖅᓴᒥᒃ ᐃᓕᓐᓂᐊᕋᓱᐊᕐᓂᖅ ᐱᒡᒐᓇᕈᓐᓇᕐᒪᑦ. "ᐅᖃᐅᓯᖃᖅᑰᙱᑦᑐᒍᑦ ᖃᓄᑎᒋ ᐊᒃᓱᕈᕐᓇᖅᑎᒋᖕᒪᖔᑦ, ᑭᓯᐊᓂᑦᑕᐅᖅ ᑲᔪᓯᑦᑎᐊᕐᓂᖅ ᐃᓕᓐᓂᐊᕆᐊᕐᓗᓂ. ᑲᑕᑎᖃᑦᑕᖅᐸᕗᑦ. ᑭᓯᐊᓂ ᐱᒡᒐᓇᖅᑐᒻᒪᕆᐅᕗᖅ. ᐊᔪᕐᓇᒃᑲᓐᓂᕐᒪᑦ, ᐱᓗᐊᖅᑐᒥᒃ ᓄᓇᖃᖅᑳᖅᓯᒪᒍᕕᑦ, ᐅᐱᓐᓇᕋᓂ ᐊᒥᓱᑦ ᑕᒪᒃᑯᐊ ᐋᖅᑭᒃᓯᒪᓂᐅᔪᑦ ᓴᓇᔭᐅᓚᐅᙱᒻᒪᑕ ᐅᕙᑦᑎᓐᓄᑦ ᐊᒻᒪᓗ ᐱᓗᐊᖅᑐᒥᒃ, ᐊᑯᓂᒃ ᐅᕙᑦᑎᓐᓂᒃ ᓄᖅᑲᖓᑎᑦᑎᓚᐅᙱᒻᒪᑕ. ᖃᐅᔨᒪᙱᓪᓗᒍ ᖃᓄᖅ ᐊᔪᕐᓇᖅᑎᒋᖕᒪᖔᑦ. ᐱᓕᕆᑦᑎᐊᖅᑐᒻᒪᕆᐅᕗᑎᑦ ᐅᐸᒐᓱᑐᐃᓐᓇᖅᖢᒍ ᐃᓱᒪᒋᔭᕐᓄᑦ," ᑎᓕᐅᕆᕗᖅ.

ᓇᓂᓯᓂᖅ ᓇᓕᒧᒌᒃᑎᑦᑎᓂᕐᒥᒃ ᐱᓕᕆᐊᕆᓚᐅᖅᑖ ᑐᕌᕋᓱᒃᑕᖓ ᐊᒻᒪ ᑕᐅᑐᖅᑰᔨᓪᓗᓂ ᖃᐅᔨᒋᐊᕐᓂᕐᒥᒃ ᓄᓇᖃᖅᑳᖅᓯᒪᔪᓄᑦ ᐃᓕᓴᐃᔨᒻᒪᕆᖕᒧᑦ ᖃᓄᖅ ᐊᒃᓱᕈᕐᓇᖅᑎᒋᖕᒪᖔᑕ. ᐃᓕᓴᐃᔨᒻᒪᕆᒃ ᒧᔅᑯᕌᒻ ᒍᕇᑕᓐᓕᐊᓚᐅᖅᐳᖅ ᖃᐅᔨᒪᔨᖏᓐᓂᒡᓗ ᑲᑎᖃᑎᖃᖅᖢᓂ ᑕᐃᑲᓂ ᐃᖅᑲᓇᐃᔭᖅᑐᓂᒃ, ᐃᖅᑲᓇᐃᔭᖅᓯᓐᓇᖅᖢᓂ ᐃᓕᓐᓂᐊᓕᓚᐅᖅᑐᖅ. ᑕᐃᑲᓂ ᐃᓕᑦᑎᓚᐅᖅᑐᖅ ᐱᕈᖅᐸᓪᓕᐊᓂᕐᒥᒃ ᐊᒻᒪᓗ ᐊᖑᓇᓱᖕᓂᕐᒥᒃ ᐃᓅᓕᓴᐅᑎᓂᒃ ᐊᒻᒪᓗ ᐊᑐᓚᐅᖅᑕᖓᓂᒃ, ᐃᖅᑲᐃᑎᖦᖢᒍ ᐃᓕᓐᓂᐊᕐᕕᒃ ᑭᓱᓕᒫᖑᙱᒻᒪᑦ. ᐊᐅᒪᔮᕐᓂᖅ, ᖃᓪᓗᓈᑦ ᐃᓅᓯᓕᕆᔨᖏᑦ ᐊᒻᒪᓗ ᓇᓂᓯᓂᖅ ᓄᓇᓕᓐᓂ ᐱᖃᓐᓇᕆᔭᖃᕐᕕᓐᓂ ᐃᑲᔪᕐᓂᖃᓚᐅᕐᒥᔪᑦ.

ᒫᓐᓇ ᕚᓐᑰᕗᒦᙶᖅᖢᓂ ᓇᓂᓯᓚᐅᖅᐳᖅ ᐃᑲᔪᖅᑕᐅᓂᕐᒥᒃ, ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᒥᓂ ᑲᒪᒋᔭᒃᓴᕆᔭᒥᓂᒡᓗ ᑕᒪᑐᒧᖓ ᓯᕗᕚᖏᓐᓄᓪᓗ ᐱᔪᒃᓯᑎᑦᑎᓕᖅᐸᒃᖢᓂ. ᐊᓕᐊᓇᐃᒍᓲᑎᖃᕐᓂᖅ ᓄᓇᖃᖅᑳᖅᑐᑦ ᒪᒃᑯᒃᑐᑦ ᐃᓚᐅᓂᖏᓐᓄᑦ ᐃᓕᖅᑯᓯᕐᒥᓂᑦ ᐱᓕᕆᐊᖃᕐᓂᕐᓗ ᐱᔪᒃᓯᑎᑦᑎᒋᕗᖅᑕᐅᖅ.  "ᖁᕕᐊᓇᖅᑐᒻᒪᕆᐅᖕᒪᑕ ᖃᓄᐃᓕᐅᖅᑐᑦ ᐃᓛᓐᓂᒃᑯᓪᓗ ᐳᐃᒍᖅᓴᕋᐃᓐᓇᖅᖢᓂ ᐅᖃᓕᒫᓕᕌᖓᕕᒋᑦ ᐱᐅᙱᑦᑐᑦ ᐱᕙᓪᓕᐊᔪᓂ, ᑭᓯᐊᓂ ᓄᓇᓕᕗᑦ ᐱᓕᕆᖕᒪᑕ ᐱᐅᔪᒻᒪᕆᖕᓂᑦ ᐃᓚᒋᔭᐅᔪᒪᓪᓗᖓᓗ," ᐱᙳᐊᖅᑐᖅ.

ᐃᓕᓐᓂᐊᓕᓵᖅᑎᓪᓗᒍ ᐃᓄᓕᕆᔨᙳᕋᓱᒃᑎᓪᓗᒍ, ᐅᐊᓕᓂᕐᒥᐅᑕᐅᓇᓱᒋᙱᖦᖢᓂ ᐃᓕᓐᓂᐊᕆᐊᕐᕕᒋᓚᐅᖅᑕᒥᓂᒃ. ᐃᓕᓐᓂᐊᓚᐅᖅᑎᓪᓗᒍ, ᐃᑲᔪᕈᓐᓇᖅᓯᒪᔪᖅ ᓄᓇᖃᖅᑳᖅᓯᒪᔪᓂᑦ ᒪᒃᑯᑦᑐᓂᑦ ᓇᒻᒥᓂᖅ ᐊᑦᓱᕈᕐᓂᖏᓐᓂᑦ ᐃᓚᒋᔭᐅᓂᕐᒧᑦ. ᐱᓕᕆᐊᖃᖅᖢᓂ Master's Degree−ᒧᑦ, ᓂᕆᐅᒋᔭᖃᖅᐳᖅ ᐊᒃᑐᖅᓯᓂᐊᕐᓂᕐᒥᓂᒃ. ᑐᙵᕕᖃᖅᖢᓂ ᐃᓕᓴᐃᓂᕐᒥᒃ ᐅᑯᓇᙵᑦ, ᐅᒥᖕᒪᖕᓂᒃ, ᒫᓐᓇ ᑐᙵᕕᖃᓕᖅᑐᖅ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥᓂ, ᐊᖏᒡᓕᕙᓪᓕᐊᕗᖅ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᓂᕆᔭᒥᑎᒍᑦ ᓄᑖᓂᒡᓗ ᐊᑐᖅᑕᐅᔪᓐᓇᖅᑐᓂᒃ ᐃᑲᔪᕐᓂᕐᒥᒃ ᓄᓇᓕᖕᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.