"ᓄᓇᖃᖅᑳᖅᓯᒪᔪᑦ ᐃᒻᒥᓂᒃ ᓇᓂᓯᕙᓪᓕᐊᕗᑦ ᐊᑐᖅᖢᑎᒡᓗ ᑐᓐᓂᖅᑯᓯᐊᒥᓂᒃ, ᓲᖃᐃᒻᒪ ᑭᒃᑯᓕᒫᑦ ᑐᓐᓂᖅᑯᓯᐊᖃᕐᒪᑕ, ᑭᓇᐅᒐᓗᐊᕈᕕᑦ. ᑕᑯᙱᑐᐃᓐᓇᕆᐊᖃᖅᑕᑦ, ᑭᓯᐊᓂ ᐊᓯᖏᑦ ᐃᓄᐃᑦ ᐱᖃᑦᑕᖅᑐᑦ ᐊᒥᖅᑳᖃᑎᖃᕐᖢᑎᒃᓗ ᐊᓯᖏᓐᓂᒃ ᐃᓄᖕᓂᒃ ᓴᙱᓂᖃᕐᓂᖓᓂᒃᑕᐅᖅ," Hzel Dobersheck ᐅᖃᕐᖢᓂ ᐅᐃᒻᒪᒃᓗᓂ. ᐃᓕᓐᓂᐊᕐᓂᖅ ᑐᓂᕐᕈᓯᐊᕆᕙᐅᒃ ᐃᓱᒪᖅᓱᖅᖢᓂ.. 

"ᓄᓇᖃᖅᑳᖅᓯᒪᔪᑦ ᐃᒻᒥᓂᒃ ᓇᓂᓯᕙᓪᓕᐊᖕᒪᑕ ᐊᑐᖅᖢᑎᒡᓗ ᑐᓐᓂᖅᑯᓯᐊᒥᓂᒃ, ᓲᖃᐃᒻᒪ ᑭᒃᑯᓕᒫᑦ ᑐᓐᓂᖅᑯᓯᐊᖃᖕᒪᑕ, ᑭᓇᐅᒐᓗᐊᕈᕕᑦ."

ᐳᕆᓐᔅ ᐋᓪᐳᑦ, ᓴᔅᑳᑦᓱᐊᓐ ᐱᕈᖅᓴᓚᐅᖅᑐᖅ ᒫᓐᓇᓗ ᓄᓇᖃᓕᖅᑐᖅ. ᐱᔭᕇᓚᐅᖅᑐᖅ ᐃᓕᓐᓂᐊᕐᕕᐊᓗᒻᒥ ᐊᕐᕌᒎᓐᓂᒃ ᒪᕐᕉᓐᓂᒃ ᑭᖑᕙᖅᑐᓂ ᐊᒻᒪᓗ ᐃᖅᑲᓇᐃᔭᓕᖅᑐᓂ ᐊᕐᕌᒍᒐᓚᓐᓄᑦ ᓱᕈᓯᖃᓚᐅᖏᑎᓪᓗᒍ. ᑭᖑᓂᐊᒍᑦ, ᓴᔅᑳᑦᓱᐊᓐᒥ ᓄᓇᖃᖅᑳᖅᑐᓄᑦ ᐃᓕᓴᐃᔨᕈᖅᓴᓂᕐᒧᑦ ᐃᓕᓐᓂᐊᖃᑕᐅᓚᐅᖅᐳᖅ ᒫᓐᓇᓗ ᐱᓕᕆᓪᓗᓂ ᓄᓇᓕᖕᓂ ᑐᙵᕕᓕᖕᒥᒃ Master's degree−ᒥᒃ ᐃᓕᓐᓂᐊᕐᓂᓕᕆᓂᕐᒧᑦ ᐅᑯᑎᒎᓇᖅ, ᓯᓚᑦᑐᖅᓴᕐᕕᒡᔪᐊᒥ ᕆᔭᐃᓇᒥ.

ᑕᐃᒪᙵᓂᒃ ᐃᓕᓐᓂᐊᓕᓵᖅᑐᑯᓗᐃᑦ ᖃᐅᔨᒪᓚᐅᕐᒪᑕ ᐃᓕᓴᐃᔨᐅᓂᐊᕐᓂᕐᒥᓂᒃ. ᐃᓄᑦᑎᐊᕙᐅᓪᓗᓂ ᓇᒡᓕᒍᓱᒃᖢᓂᓗ ᐃᓕᓴᐃᔨ ᐱᔪᒪᓕᖅᑎᑦᑎᓪᓗᓂ ᐃᓚᒋᔭᐅᓪᓗᓂ ᓯᕗᓪᓕᕐᒧᑦ ᐊᕐᕌᒍᒧᑦ ᐃᓕᓐᓂᐊᕐᕕᖕᒥ ᖃᐅᔨᒪᓪᓗᓂᓗ ᑕᐃᒪᐃᑦᑕᕈᒪᓂᖓᓂᒃᑕᐅᖅ. ᒍᕋᐃᑦ 12-ᒥ, ᐊᔅᓱᕈᕐᓇᖅᑐᒃᑰᖅᑎᓪᓗᒍ, ᐊᓯᐊ ᐃᓕᓴᐃᔨᐅᔪᖅ ᐃᑲᔪᓚᐅᖅᑐᖅ ᐅᑉᐱᕈᓱᑦᑐᓂ ᐃᒻᒥᓂᒃ ᐱᔭᕇᖅᓯᒍᓐᓇᖅᑐᓂ. ᐊᑯᓂᑲᓪᓚᕈᓗᒃ ᐃᓕᓐᓂᐊᕋᓱᐊᓚᐅᖅᑐᖅ ᐃᖅᑲᓇᐃᔭᓚᐅᕐᒪᑦ ᑭᓯᐊᓂᓕ ᐃᒻᒥᓂᒃ ᐱᔪᓐᓇᓕᓚᐅᖅᑐᖅ. 

ᐅᓪᓗᒥ, ᑑᐳᓯᒃ ᐃᓕᓴᐃᖃᑦᑕᖅᐳᖅ ᖁᑦᑎᖕᓂᓕᖕᓂᑦ 5-ᒥᑦ, ᐃᓕᓴᐃᓚᐅᖅᖢᓂ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥᑦ ᐊᕐᕌᒍᓄᑦ ᖁᓕᓄᑦ. ᑕᒪᕐᒥᒃ ᐱᐅᔪᒥᒃ ᐊᑐᖅᓯᒪᔪᑦ ᑭᓯᐊᓂ ᖁᑦᑎᖕᓂᓕᒃ 5 ᐱᕕᒃᓴᑦᑎᐊᕙᐅᖅᑰᔨᔪᖅ ᑎᑭᐅᑎᓗᑎᒃ ᓄᑕᖅᑲᓄᑦ ᓱᓕ ᐋᖅᑭᒃᓯᓇᓱᒃᑎᓪᓗᒋᑦ ᐊᖅᑯᑎᒋᓂᐊᖅᑕᖓᓂᒃ.  

ᐃᓱᒪᓪᓗᓂ ᓇᖕᒥᓂᖅ ᐊᑐᕐᓂᑯᖏᓐᓂ ᖁᑦᑎᖕᓂᖅᓴᒥ ᐊᕐᕌᒍᒥ, ᐅᖃᐅᔾᔨᒋᐊᕈᑎᖃᖅᑐᖅ ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᐊᐅᓪᓚᕐᓗᑎᒃ ᓄᓇᓕᖏᓐᓂ ᑕᐅᑐᙳᐊᖅᑕᖏᓐᓂ. "ᓯᓐᓇᑦᑑᒪᒋᔭᑎᑦ ᐊᓂᒍᖅᑎᓪᓗᒋ ᓲᖃᐃᒻᒪ ᓱᓕᔪᓐᓇᕐᒪᑕ. ᑐᕌᒐᓕᐅᓚᐅᕋᒪ ᐅᕙᓐᓄᑦ ᐊᒻᒪᓗ ᐅᕙᓐᓄᑦ ᓱᓕᓪᓗᓂ. ᐃᖅᑲᓇᐃᔮᑦᑎᐊᕙᐅᓯᒪᕗᖅ, ᐃᓕᓴᐃᔨᐅᓪᓗᓂ, ᐊᒻᒪ ᐃᓕᑕᕆᔭᐅᔾᔪᑎᑖᖅᖢᖓ. ᓄᑖᒥᒃ ᐃᓱᒪᑖᕋᒪ ᐃᓕᓐᓂᐊᕐᓂᕐᒧᑦ ᐊᒻᒪᓗ ᖃᓄᖅ ᐃᓕᓐᓂᐊᖅᑏᑦ ᐊᑐᖃᑦᑕᕐᒪᖔᑕ, ᐊᒻᒪᓗ ᓇᒻᒥᓂᖅ ᐊᑐᖅᓯᒪᔭᒃᑯᑦ ᐊᒻᒪᓗ ᐊᑐᖅᓯᒪᔭᒃᑯᑦ ᖃᑕᙳᑎᓐᓄᑦ. ᐅᕙᓐᓄᑦ ᐊᑲᐅᒋᑦᑎᐊᕋᒃᑯ ᐊᓯᔾᔩᓇᓱᒍᓐᓇᕐᓂᐊᕋᒪ ᐃᓕᓐᓂᐊᕐᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᓄᑦ," ᑑᐸᓯᒃ. 

"ᐃᖅᑲᐅᒪᔭᕆᐊᖃᖅᐳᒍᑦ ᐅᕙᑦᑎᓐᓂᒃ ᑕᐃᒪᐃᓕᐅᕈᓐᓇᕐᓂᑦᑎᓐᓂᒃ. ᓯᓚᑐᔪᒍᑦ."

ᐃᓅᓯᖓᓂ, ᑑᐳᓯᒃ ᐊᒃᓱᕉᑎᖃᕆᐊᖃᖃᑦᑕᓚᐅᖅᐳᖅ. ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᕐᒥᒃ ᐊᒻᒪ ᓲᖑᓴᖕᓂᕐᒥᒃ ᐃᓕᓐᓂᐊᕐᕕᐊᕈᓯᕐᒥ ᐃᓕᓐᓂᐊᖅᑎᐅᓪᓗᓂ ᐊᒻᒪ ᐃᓕᓴᐃᔨᐅᓪᓗᓂ, ᓱᓕ ᓇᓗᓇᖅᑐᓂᒃ ᐅᖃᐅᓯᖃᖅᐳᖅ. ᒫᓐᓇ, ᑎᑭᐅᑎᓗᐊᖅᑎᙱᖦᖢᓂᐅᒃ ᑭᓯᐊᓂ ᐃᒃᐱᒍᓱᒃᑐᖅ ᐊᒃᑑᑎᓂᖓᓂᒃ ᓇᖕᒥᓂᖅ ᖁᓱᙱᓐᓂᕐᒥᓂᒃ ᐃᓛᓐᓂᒃᑯᑦ. "ᐃᓕᖕᓂᒃ ᐊᐃᒃᖠᕆᐊᖃᖅᑐᑎᑦ ᕿᓂᕆᐊᖃᖅᖢᑎᓪᓗ ᐃᓄᖕᓂᒃ ᐃᓕᖕᓂᒃ ᐃᑲᔪᖅᑐᐃᓂᐊᖅᑐᓂᒃ. ᐃᓚᑎᑦ ᓱᖏᖅᑑᑎᒋᓗᒋᑦ, ᐱᓗᐊᖅᑐᒥᒃ, ᐊᖓᔪᖅᑳᑎᑦ ᐊᒻᒪ ᖃᑕᙳᑎᑎᑦ, ᐃᑦᑐᒃᑯᑎᑦ/ᓂᖏᐅᒃᑯᑎᑦ, ᑭᓇᑐᐃᓐᓇᖅ ᐊᕙᓗᔭᐅᓯᒪᔪᖅ, ᓲᖃᐃᒻᒪ ᑖᒃᑯᐊ ᐃᑲᔪᖅᓱᐃᓂᓪᓚᕆᒋᒐᕕᒋᑦ ᑕᐃᑲᓃᖃᑕᐅᓂᐊᖅᑐᑦ ᐃᓕᓐᓂᐊᖅᑕᕕᑦ ᐃᓱᓕᓐᓇᓱᐊᕐᓂᖓᓂ ᐊᒻᒪ ᐃᓐᓇᕈᖅᓯᒪᓕᕈᕕᑦ," ᑎᓕᐅᕆᕗᖅ. 

ᐃᓕᓐᓂᐊᕐᕕᐅᑉ ᓯᓚᑖᓂ, ᑑᐸᔅᕼᐃᒃ ᐃᓕᑦᑎᓯᒪᕐᔪᐊᕐᒥᔪᖅ. ᐳᓛᕆᐊᕋᒥ ᐊᓈᓇᑦᑎᐊᒃᑯᒥᓂᒃ ᓄᓇᒥ, ᐃᒪᖃᕈᓐᓃᖅᑐᓂ ᐊᒻᒪᓗ ᐆᒻᒪᖅᑯᑎᑕᖃᕋᓂ, ᐃᒥᕐᒥ ᐅᓯᓚᐅᖅᑐᖅ ᑰᒻᒥᑦ ᐊᒻᒪᓗ ᐃᖃᓪᓕᐊᖅᑐᓂ. ᐃᓕᓐᓂᐊᓚᐅᖅᑐᖅ ᐱᖦᖤᙱᓴᕐᓂᕐᒥᒃ ᐊᒻᒪ ᑲᑎᖅᓱᐃᓂᕐᒥᒃ ᐸᐅᕐᖓᕐᓂᒃ ᐊᒻᒪ ᐃᓅᓕᓴᐅᑎᓂᒃ. "ᐊᖓᔪᖅᑳᑎᑦ ᐊᒻᒪ ᐃᑦᑐᒃᑯᑎᑦ/ᓂᖏᐅᒃᑯᑎᑦ ᐊᒻᒪ ᐃᓚᑎᑦ ᐃᓕᓐᓂᐊᕆᐊᖅᑎᓪᓗᒋᑦ ᐱᒻᒪᕆᐅᒋᕗᖅ," ᐊᒃᑐᐊᓂᖃᖅᐳᖅ. 

ᓇᓕᒧᒌᒃᑎᓐᓇᓱᒃᓗᒍ ᐃᖅᑲᓇᐃᔮᖓ, ᐊᖓᔪᖅᑳᖑᓂᖅ, ᐱᖃᑎᖃᕐᓂᖅ, ᑲᒪᑦᑎᐊᕐᓂᖅ ᐃᓐᓇᑐᖃᖓᓂᒃ ᐊᑖᑕᒥᓂᒃ ᐃᓕᓐᓂᐊᕆᐊᕐᓗᓂᓗ ᐊᒃᓱᕈᕐᓇᖅᑐᒃᑰᕈᓐᓇᖅᑐᖅ ᑑᐸᔅᑎᒃ ᓇᓂᓯᓗᓂ ᐊᑐᒐᒃᓴᓂᒃ ᐃᖕᒥᓂᒃ ᐃᓱᒪᑦᑎᐊᕐᓂᕐᒥ. ᑐᒃᓯᐊᖃᑦᑕᕐᖢᓂ ᓯᓚᒦᖦᖢᓂᓗ ᐃᒫᓄᑦ, ᐱᓱᔪᒃᖢᓂ, ᓄᓇᓕᖕᒧᓪᓗ ᐃᑲᔪᖅᖢᓂ. "ᓄᓇᒧᑦ ᐊᒃᑐᐊᓂᖃᕐᓂᖅ ᐊᖏᔪᒻᒪᕆᐊᓘᖕᒪᑦ ᐅᕙᓐᓄᑦ, ᓲᖃᐃᒻᒪ ᓴᐃᓕᑦᑎᐊᕋᒪ ᑕᐃᑯᙵᕋᔪᒃᖢᖓᓗ," ᐊᓕᐊᓇᖅᑐᖅ. ᓇᔭᖓ ᐅᐃᖓᓗ ᐃᑲᔪᕐᔪᐊᓲᑦ ᑎᓕᐅᕆᓪᓗᓂᓗ ᑕᓯᓯᓗᐊᓕᕌᖓᑦ. ᖁᔭᓕᔾᔪᑎᒋᕙᒃᐸᖏᑦ, ᖃᓄᐃᙱᑦᑎᐊᖕᓂᖏᑦ ᑭᓇᒧᓪᓗ ᓄᓇᖃᖅᑳᖅᓯᒪᖕᒪᖔᑦ ᐊᕐᓇᐅᓪᓗᓂ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᓄᑦ ᓇᖕᒥᓂᖅ ᐃᓕᑦᑎᓂᐅᓇᔭᖅᐳᖅ ᐱᖅᑯᓯᕐᒥᓂᒃ, ᑭᓇᐅᓂᕐᒥᓂᒃ ᐅᖃᐅᓯᕐᒥᓂᒡᓗ. ᐊᐅᔭᑕᒫᑦ, ᐃᓕᑦᑎᓪᓗᓂ ᐊᓈᓇᑦᑎᐊᒃᑯᒥᓂᑦ ᑭᓯᐊᓂ ᐃᓅᔪᓐᓃᓚᐅᖅᑎᓪᓗᒋᑦ ᐊᓯᐅᔨᓪᓗᓂ ᐊᒃᑐᐊᓂᖃᕐᓂᕐᒥᓂᒃ ᑕᐃᒃᑯᓄᖓ ᐊᑐᕋᓱᒃᐸᒃᑕᖏᓐᓄᑦ. ᐃᓕᑦᑎᓂᖅ ᐃᓅᑉ ᐅᖃᐅᓯᖅᑕᖓᓂᒃ ᐃᓱᒪᒋᔭᖓ ᐱᒻᒪᕆᐅᓇᓱᒋᓪᓗᒍ ᑎᓕᐅᕆᓪᓗᓂᓗ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂ ᓇᓂᓯᓗᑎᒃ ᐃᑲᔪᖅᑕᐅᓂᕐᒥᒃ ᐱᔭᕆᐊᖃᖅᑕᖏᓐᓂ ᐃᓕᑦᑎᓗᑎᒃ ᐃᖕᒥᖕᓄᑦ. 

ᑑᐸᔅᒃ ᐃᒻᒥᓂᒃ ᐃᓕᑦᑎᔪᒪᕗᖅ ᖃᕆᑕᐅᔭᕋᓛᒃᑯᑦ ᐊᒻᒪ ᐃᓕᓐᓂᐊᕐᕕᐊᕈᓯᒃᑯᑦ ᐃᓚᓕᐅᑎᕙᒃᖢᓂᐅᒃ ᐃᓕᓐᓂᐊᕐᕕᐊᕈᓯᖓᓄᑦ ᐊᔪᙱᓐᓂᓕᒫᒥᓄᑦ, ᐃᒻᒥᓂᒃ ᐃᓕᓐᓂᐊᖅᑎᖏᓪᓗ ᐊᑕᐅᑦᑎᒃᑯᑦ. ᓄᓇᓕᖕᓂ ᐃᓕᓐᓂᐊᕐᕖᑦ ᐱᒋᐊᖅᑎᓪᓗᒋᑦ ᐅᖃᐅᓯᕐᒧᑦ ᐃᓚᐅᓂᕐᒧᑦ ᐃᓕᓐᓂᐊᕐᓂᕐᒥᒃ, ᖁᕕᐊᓱᒃᑐᖅ ᑕᑯᔭᕆᐊᒃᓴᖅ ᐅᓄᖅᑐᓂᒃ ᓄᑕᖅᑲᓂᒃ ᑲᔪᓯᔪᓂᒃ ᐅᖃᐅᓯᓕᕆᓂᕐᒥ ᐃᓕᑦᑎᓂᕐᓂ. 

"ᓴᙱᓂᖅᑖᕐᓇᖅᑐᒻᒪᕆᐅᕗᖅ ᑕᑯᓪᓗᓂ ᐊᒥᓱᓂᒃ ᐃᓄᖕᓂᒃ ᐅᑎᖅᑎᑦᑎᔪᓂᒃ ᐃᓕᖅᑯᓯᑐᖃᕐᒥᓂᒃ ᑕᐃᒪᐃᔾᔪᑎᖃᖅᖢᓂ ᓅᑉᐸᓪᓕᐊᓂᖏᓐᓄᑦ ᓄᓇᖃᖅᑳᖅᑐᑦ ᐃᓄᐃᑦ ᐃᓕᑦᑎᕙᓪᓕᐊᔪᑦ ᐅᖃᐅᓯᕐᒥᓂᒃ ᐃᓕᑦᑎᕙᓪᓕᐊᓪᓗᑎᒡᓗ ᐃᓕᖅᑯᓯᑐᖃᕐᒥᓂᒃ. ᑖᒃᑯᐊ ᖃᓪᓗᓈᖅᑕᐃᑦ ᐃᖏᕐᕋᓂᖏᑦ, ᐊᒻᒪᓗ ᐊᓗᒐᓐᖑᐊᑦ, ᓴᓐᖏᓂᖅᑖᖅᑎᑕᐅᑐᐃᓐᓇᕐᖓᑕ ᑕᑯᒍᓐᓇᕐᓗᒋᑦ ᐃᓄᐃᑦ ᑕᖅᑳᓃᑦᑐᑦ... ᑕᒪᓐᓇ ᐆᒻᒪᑎᒃᑯᑦ ᐊᒃᓱᕈᐊᕆᔭᐅᑐᐃᓐᓇᖅᐳᖅ ᓲᖃᐃᒻᒪ ᑕᐃᒪᓐᓇ ᐱᔭᕆᐊᖃᕋᑦᑕ," ᐅᖃᐅᓯᖃᒃᑲᓐᓂᖅᐳᖅ, ᐃᓱᒪᓪᓗᓂ 20-ᓂᒃ 30-ᓂᒡᓗ ᐊᕐᕌᒍᓕᖕᓂᑦ ᐆᒻᒪᖅᑎᑦᑎᒃᑲᓐᓂᕋᓱᒃᑐᓂᒃ ᐃᓕᖅᑯᓯᑐᖃᕐᓂᒃ ᐊᑐᖅᑕᐅᕙᒃᑐᓂᒃ. 

ᑕᒪᓐᓇ ᑲᔪᖏᕐᓴᐃᒃᑲᓐᓂᖅᐳᖅ. ᑎᓕᐅᕆᖃᑦᑕᖅᑐᖅ. 

ᑐᓴᖅᑎᑦᑎᔪᓐᓇᕈᓂ ᒪᒃᑯᒃᑐᓄᑦ ᐃᒪᐃᒃᑲᔭᖅᑐᖅ, "ᑐᕌᒐᕐᓄᑦ ᐅᐸᒡᓗᑎᑦ ᐃᓕᑦᑎᓗᑎᓪᓗ ᑭᓇᐅᓂᕐᓂᒃ, ᐃᓕᑦᑎᓗᑎᑦ ᑭᓇᐅᖕᒪᖔᖅᐱᑦ, ᓇᑭᙶᕐᒪᖔᓪᓗ, ᐅᐱᒋᓗᒍᓗ. ᑭᓇᑐᐃᓐᓇᕐᒥᑦ ᐃᓱᒪᑎᑦᑎᑦᑕᐃᓕᒋᑦ ᐊᑑᑎᖃᕋᓱᒋᙱᑕᕐᓂᒃ. ᓲᖃᐃᒻᒪ ᐊᑑᑎᖃᕋᕕᑦ. ᕿᓂᕐᓗᒋᑦ ᐃᓄᐃᑦ ᐅᒃᐱᕆᔪᓐᓇᖅᑕᑎᑦ ᐊᒻᒪ ᐃᓄᐃᑦ ᓱᓕᑦᑎᐊᖅᑐᑦ, ᐃᑲᔪᕈᒪᓪᓗᑎᒡᓗ ᓲᖃᐃᒻᒪ ᑖᒃᑯᐊ ᐃᓄᐃᑦ ᐊᒃᓱᕈᕐᓇᖅᑐᒃᑰᖃᑦᑕᕐᓂᐊᕋᔅᓯ."

ᐱᔭᕇᓕᕐᓗᒍ, ᐅᖃᕈᒪᔪᖅ, "ᐅᒃᐱᕈᓱᒃᐳᖓ ᐃᓕᖕᓂᒃ. ᐃᒻᒥᓂᒃ ᓴᐱᓕᖅᑕᐃᓕᒋᑦ ᑐᓂᕐᕈᓯᐊᖃᕋᕕᑦ. ᐱᒻᒪᕆᐅᒐᕕᑦ, ᐊᒻᒪᓗ ᐅᑎᖅᑎᑦᑕᕆᐊᖃᖅᐸᑦᑎᒋᑦ ᐱᖅᑯᓯᕗᑦ. ᑐᓂᕐᕈᓯᐊᑎᑦ ᑐᓂᐅᑎᒋᔭᕆᐊᖃᖅᐸᕗᑦ ᐊᒻᒪ ᑲᔪᓯᑦᑎᐊᖁᕙᔅᓯ ᐃᓕᓐᓂᐊᖅᑎᓪᓗᒋᑦ."

ᓄᓇᖃᖅᑳᖅᓯᒪᔫᓪᓗᓂ, ᕼᐊᔪᓪ ᑑᐳᔅᒃ ᐃᒻᒥᓂᒃ ᓇᓂᓯᓚᐅᖅᑐᖅ ᐊᒻᒪᓗ ᑐᓐᓂᖅᑯᓯᐊᖅᖢᓂ ᐃᓕᓐᓂᐊᕐᓂᕐᒧᑦ. ᐊᒥᖅᑳᖃᑎᖃᖅᑐᖅ ᓄᓇᕐᔪᐊᒥ ᑭᒃᑯᓕᒫᑦ ᑕᑯᔪᓐᓇᕐᓂᐊᕐᒪᑕ, ᐱᔪᓐᓇᖅᑎᖦᖢᒋᑦ ᐃᖕᒥᓂᒃ ᐊᓯᖏᓐᓂᒃᓗ ᐊᖏᕐᕋᒥ ᐃᓕᓐᓂᐊᕐᕕᖕᒥᓗ. ᓄᓇ ᐃᓕᓐᓂᐊᕐᕕᐊᕈᓰᑦ, ᐃᖢᕐᕆᓪᓗᓂ ᓴᙱᓂᖃᖅᖢᓂᓗ, ᓄᓇᓕᖕᓂ ᑐᙵᕕᖃᖅᑐᖅ ᐊᒻᒪ ᐱᕕᖃᑦᑎᐊᖅᐸᒃᖢᓂ ᑕᐅᑐᒃᖢᓂ ᒪᒃᑯᒃᑐᓂᒃ ᑯᒃᑭᖐᔭᖅᑐᓂᒃ ᓄᓇᖃᖅᑳᖅᓯᒪᔪᓂᒃ ᐃᓄᖕᓂᒃ ᓄᓇᕐᔪᐊᕐᒥᐅᓂᒃ ᐊᑐᐃᓐᓇᐅᑎᑦᑎᔪᓐᓇᑦᑎᐊᖅᑐᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.