"ᐃᓱᒪᒋᔭᕋ ᑐᓴᕐᓈᕐᓂᖅ ᑭᒃᑯᓕᒫᓄᑦ ᑐᕌᖓᓇᓱᒋᓪᓗᒍ. ᑕᒪᓐᓇ ᐊᒃᑐᐊᓂᖃᕐᒪᑦ, ᐅᖃᐅᓯᖃᑎᒌᙱᖦᖢᓂ," ᐃᒪᓐᓇ ᐅᖃᖅᖢᓂ, ᐊᐃᓚ ᐹᑯᕐ, ᐊᓂᓰᓇᑉ ᐃᙱᖅᑎᖓ ᓴᓇᙳᐊᖅᑎᓗ ᐃᓂᖃᖅᖢᓂ ᐅᐃᓂᐹᒡᒥ, ᒪᓂᑑᐸᒥ. ᐅᒃᐱᕈᓱᒃᐳᖅ ᑎᑕᒃᑐᓂᒃ ᐅᖃᓪᓚᖃᑦᑕᕐᓗᓂ ᐊᒻᒪ ᑲᖐᒋᔭᐅᔪᓂᒃ ᐃᑲᔫᑎᒋᔪᓐᓇᖅᑕᕐᓂᒃ ᐅᖃᐅᓯᖃᖅᑎᓪᓗᑎᑦ ᑐᓴᕐᓈᕐᓂᕐᒥᒃ, ᑭᓯᐊᓂ ᑕᒪᓐᓇ ᖁᕕᐊᒋᔭᕆᐊᖃᙱᑕᐃᑦ ᐅᕝᕙᓘᓐᓃᑦ ᓇᖕᒥᓂᖅ ᓴᓇᔾᔪᑎᒋᔭᕆᐊᖃᙱᑕᐃᑦ. 

ᐊᔾᔨᒌᙱᑦᑐᓂᒃ ᐃᖅᑲᓇᐃᔮᖃᓚᐅᖅᑐᖅ ᑭᓯᐊᓂ ᐊᒃᑲᖓ ᑯᒃᑭᑕᐹᖅᑎᓪᓗᒍ, ᑐᓴᕐᓈᖅᖢᓂ ᐊᒻᒪ ᐃᙱᐅᓯᕐᒥᒃ ᐱᐅᒃᓴᖅᖢᓂ. ᐃᓕᑦᑎᓚᐅᖅᑐᖅ ᖃᓄᖅ ᐱᙳᐊᕆᐊᒃᓴᖅ youtube tutorials ᐊᒻᒪ ᑎᑎᕋᐅᔭᖅᓯᒪᔪᓂᒃ. ᐹᑯ ᖃᐅᔨᓚᐅᖅᑐᖅ ᐃᖅᑲᓇᐃᔮᖅᑖᕆᓛᕈᒪᔭᒥᓄᑦ ᐊᓕᐊᓇᐃᑐᐃᓐᓇᙱᖦᖢᓂ, ᑭᓯᐊᓂ ᓯᓚᑦᑐᖅᓴᕐᕕᒡᔪᐊᓕᐊᕈᒪᓕᓚᐅᖅᑐᖅ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓴᓇᙳᐊᕐᓂᕐᒧᑦ ᐊᑲᐅᙱᓪᓕᐅᕈᑎᓂᒃ ᐋᖅᑭᒃᓯᓂᕐᒧᑦ. 

"ᖃᐅᔨᒪᓚᐅᖅᑐᖓ ᐃᙱᕆᐊᒃᓴᖅ ᐊᓕᐊᓇᐃᒋᑦᑎᐊᕋᒃᑯ. ᖃᐅᔨᒪᓚᐅᖅᑐᖓ ᐃᙱᐅᓯᕐᓂᒃ ᑎᑎᕋᕆᐊᒃᓴᖅ ᐊᓕᐊᓇᐃᒋᑦᑎᐊᕋᒃᑭᑦ. ᐅᕙᓐᓄᓪᓕ, ᐋᖅᑭᑎᐊᖅᓯᒪᓪᓚᕆᓕᕋᔭᕐᒪᑦ."

ᐃᓕᑦᑎᓪᓗᓂ ᐱᒋᐊᕐᓂᕐᒥᒃ, ᐋᓐᓂᖅᑎᕆᓂᒃᑰᙱᑦᑐᖅ ᐊᑲᐅᙱᓕᐅᕈᑎᓂᒃ ᐋᖅᑭᒃᓯᓂᕐᓂ, ᐊᒻᒪ ᐱᑦᑎᐊᙱᓐᓂᕐᒧᑦ ᐊᑭᕋᖅᑐᕐᓂᖅ ᐃᒃᐱᒍᓱᒃᓗᓂᓗ ᐃᓂᖃᙱᖦᖢᓂ ᐱᓕᕆᐊᒃᓴᖓᓂ, ᐃᒃᐱᒋᓪᓗᓂ ᓈᒻᒪᖅᑰᔨᙱᖦᖢᓂ ᖃᓄᐃᑦᑑᓂᖓᓂᒃ ᐊᔭᐅᖅᑐᐃᔨ. ᖃᐅᔨᓚᐅᖅᑐᖅ ᖃᓄᖅ ᐅᐱᒍᓱᒃᑎᒋᖕᒪᖔᕐᒥ ᓴᓇᙳᐊᖅᑎᐅᓂᖓᓂᒃ ᖁᙱᐊᖅᑕᐅᑎᓪᓗᒍ ᖃᓂᙳᕐᓇᐅᑎᒃᑯᑦ, ᐃᓄᐃᑦ ᓈᓚᒃᖢᑎᒃ ᐅᖃᐅᓯᒃᓴᖏᓐᓂᒃ.

ᐹᑯ ᐊᒃᓱᕈᓚᐅᖅᑐᖅ ᐃᓕᓐᓂᐊᕐᕕᖕᒥ, ᐃᓕᓐᓂᐊᒃᑲᓐᓂᖅᖢᓂ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᑯᒃᑭᑕᐹᓗᐊᖃᑦᑕᓚᐅᕐᒪᑦ ᐃᙱᑲᑕᓗᐊᖅᖢᓂᓗ, ᐅᒡᒍᐊᕈᑎᒋᙱᖦᖢᓂᐅᒃ. ᐊᖏᕐᕋᖅᓯᒪᓪᓗᓂ ᐃᓕᓐᓂᐊᓚᐅᖅᑐᖅ ᖁᑦᑎᖕᓂᓕᒃ 10-ᒧᑦ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕐᕕᖕᒧᐊᕋᒥ. ᓂᔾᔭᐅᑎᓂᒃ ᐅᖃᓕᒫᕈᓐᓇᓚᐅᙱᑦᑐᖅ (ᐊᒻᒪ ᓱᓕ ᐊᔪᖅᖢᓂ). 

"ᐱᓕᕆᔾᔪᓯᕋ ᐆᒪᓂᖃᕐᓂᖅᓴᐅᓯᒪᔪᖅ, ᓯᐅᑎᒐ ᐊᑐᖅᖢᓂᖓ ᑕᒻᒪᙱᖦᖢᓂ," ᖁᖓᖦᖢᓂ. ᒫᓐᓇᓵᒃᑯᑦ, ᑎᑕᒃᑎᓂᒃ ᐱᙳᐊᖃᑎᖃᖃᑦᑕᖅᓯᒪᔪᖅ, ᐱᓕᕆᖃᑎᖃᖅᖢᓂ ᐊᓯᒥᓂᒃ ᑐᓴᕐᓈᖅᑐᓂᒃ ᓂᐊᖁᖓᒍᑦ, ᐃᓛᓐᓂᒃᑯᑦ ᐅᖃᓪᓚᒃᐸᙱᖦᖢᓂ ᐊᔪᕐᓇᙱᑦᑐᑯᓗᒃᑯᑦ. ᓯᕗᓪᓕᖅᐹᖅ 2013-ᒥ ᓂᔾᔭᐅᑎᖓ ᓴᖅᑭᓚᐅᖅᓯᒪᕗᖅ, ᐊᒻᒪ ᐊᕐᕌᒍᑦ ᖁᓕᑦ ᐊᓂᒍᖅᑎᓪᓗᒋᑦ ᐊᒻᒪ ᐱᑕᖃᙱᓐᓂᐅᔪᖅ ᐊᒥᓱᓂᒃ ᐊᒃᓱᕈᕐᓇᖅᑐᓂᒃ ᑭᒡᒐᖅᑐᐃᓚᐅᖅᐳᖅ.  

ᓯᓚᑦᑐᖅᓴᕐᕕᒡᔪᐊᒥᑦ ᐊᒻᒪ ᐊᐃᑉᐸᕇᑦᑎᐊᙱᓐᓂᕐᒥᑦ, ᐊᒃᓱᕈᓚᐅᖅᑐᖅ ᐃᒻᒥᓂᒃ ᐃᒃᐱᒍᓱᒐᓱᒃᖢᓂ. ᑕᐃᒪᓕ, ᐊᐅᓪᓚᕈᓐᓇᖅᓯᓚᐅᖅᑐᖅ ᐊᒻᒪᓗ ᐃᖏᕐᕋᓂᕆᔭᖓ ᐊᒻᒪᓗ ᐃᓕᑉᐸᓪᓕᐊᔭᖏᑦ ᐅᖃᐅᓯᐅᓕᓚᐅᖅᑐᖅ ᑎᑎᖅᑲᖁᑎᒥᓄᑦ. ᓯᓚᑖᓂ, ᐊᒥᓱᑎᑐᑦ ᓴᓇᙳᐊᖅᑎᑎᑐᑦ, ᓇᒻᒥᓂᖅ-ᓴᓇᙳᐊᕐᓂᖅ ᑎᑭᓚᐅᕐᒪᑦ. 

"ᐅᕙᓐᓂᒃ ᓱᓕ ᐅᒃᐱᕈᓱᖕᓂᖅᓴᐅᔪᖓ ᐊᓯᓐᓂᒃ... ᐃᓛᓐᓂᒃᑯᑦ ᐊᔪᕐᓇᖅᑐᒻᒪᕆᐊᓘᖃᑦᑕᕐᒪᑦ ᓂᐊᖁᐃᑦ ᒪᑭᑕᑏᓐᓇᕋᓱᒃᓗᒍ ᑲᔪᓯᑏᓐᓇᕋᓱᒡᓗᒍᓗ." 

ᒪᒥᓴᐃᓂᖅ ᐃᑲᔪᖅᓯᒪᔪᖅ ᐹᑯᒥᑦ, ᐃᓄᑑᓕᖅᑎᑉᐸᒃᖢᓂᔾᔪᒃ ᐊᑲᐅᙱᓕᐅᕈᑎᖃᖅᑎᓪᓗᒋᑦ. "ᐃᓚᖓ ᐊᖏᓛᖑᔪᖅ ᐃᖅᑲᐃᑎᖃᑦᑕᕆᐊᖃᖅᑕᕋ ᓯᓚᒧᐊᖃᑦᑕᕐᓗᖓ ᐊᒻᒪ ᐊᒃᑐᐊᖃᑎᖃᕐᓗᖓ ᓄᓇᒥᙶᖅᑐᓂᒃ ᓄᓇᕐᔪᐊᕐᒥ. ᑖᒃᑯᐊ ᑕᕝᕙ ᐅᕙᓐᓄᑦ ᐊᒃᑐᐊᓂᖃᖅᑎᑦᑎᔪᑦ ᓇᑭᙶᕐᓂᓐᓂᒃ, ᑭᓱᓪᓗ ᐅᕙᓐᓄᑦ ᐱᒻᒪᕆᐅᖕᒪᖔᑕ," ᐊᒃᑐᐊᓂᖃᖅᑐᖅ. 

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᓄᓇᒥᓂᒃ ᕿᒪᐃᔪᒪᓕᖅᖢᓂ ᕿᓂᖅᖢᓂ ᐃᖅᑲᓇᐃᔭᕐᓂᕐᒥᒃ ᐃᓕᓐᓂᐊᕐᕕᖕᒥᒡᓘᓐᓃᑦ ᐃᓱᒪᒋᔭᐅᔪᒪᕗᖅ ᑕᐃᒪᐃᑦᑕᕆᐊᖃᓪᓚᕆᖕᒪᖔᑦ. "ᐃᓱᒪᒋᔭᕋ ᖃᓄᕈᓘᔮᓗᒃ ᐱᓕᕆᔪᓐᓇᕋᕕᑦ ᓇᓃᑦᑕᕐᓂᕐᓂᒃ, ᐊᑐᕐᓗᒋᑦ ᐱᓕᕆᔾᔪᑎᑎᑦ ᐱᓯᒪᔭᑎᑦ. ᐊᓂᔪᒪᓕᕈᕕᑦ, ᐱᒻᒪᕆᐅᕗᖅ ᐃᑲᔪᖅᑐᐃᔾᔪᑎᖃᕐᓗᑎᑦ," ᐅᖃᐅᔾᔨᔪᖅ.  

ᑐᓴᖅᑎᑦᑎᒍᓐᓇᖅᐸᑦ ᒪᒃᑯᓐᓂᖅᓴᒧᑦ, ᓯᓐᓇᑦᑑᒪᓂᖅᓴᐅᒐᔭᖅᑐᖅ ᐊᖏᓂᖅᓴᒥᒃ ᐊᒻᒪᓗ ᖁᑭᕆᐊᕐᓗᓂ ᖁᑦᑎᓂᖅᓴᒥᒃ. ᒎᑎᑦᑎᐊᕙᐅᖁᓪᓗᓂᐅᒃ ᐊᒻᒪᓗ ᐃᒻᒥᓂᒃ ᐊᒃᓱᕈᓗᐊᖁᓇᓂ ᐊᒻᒪᓗ ᐅᑉᐱᕈᓱᑦᑎᐊᓚᐅᖅᑐᓂ ᐊᒻᒪᓗ ᒎᑎᒥᓂᒃ. ᐹᑯᕐ ᖃᐅᔨᓚᐅᖅᑐᖅ ᑐᑭᖓᓂᒃ ᐊᒃᓱᕈᕈᑎᖏᓐᓂ, ᑭᓯᐊᓂ ᒫᓐᓇ ᖃᐅᔨᒪᓕᖅᑐᖅ ᖃᓄᑎᒋ ᐱᒻᒪᕆᐅᑎᒋᖕᒪᖔᑦ ᐊᒃᑐᐊᓂᖃᕐᓗᓂ ᐃᖕᒥᖕᓄᑦ.

‍

ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ, ᐱᓕᕆᓯᑲᐅᑎᒋᖃᑦᑕᓚᐅᖅᐳᖅ ᓅᖦᖢᓂ ᐊᖏᕐᕋᒧᑦ ᐃᓚᒥᓄᑦ ᖃᓂᒋᔭᖓᓄᐊᖅᖢᓂ ᐃᓅᖃᑎᑖᒃᑲᓐᓂᕋᓱᒃᖢᓂ. ᐃᖃᐃᓕᓴᕐᖢᓂ ᐱᐅᔪᒥᒃᓗ ᐱᓇᓱᒃᖢᓂ. ᐊᔪᕋᒥ, ᓂᐊᖂᔭᙳᐊᓂᒃ ᑕᐅᑐᖃᑦᑕᓚᐅᖅᐳᖅ ᐊᒻᒪ ᐃᒻᒥᓂᒃ ᓂᐸᓱᒃᖢᓂ. ᓄᕙᒡᔪᐊᓕᓚᐅᖅᑐᖅ ᓯᕗᓪᓕᖅᐹᑦᑎᐊᒥᑦ ᑭᖑᕙᓯᓕᕐᖢᓂᓗ ᑭᓱᓄᑦ ᑭᓯᐊᓂᓕ ᑕᑯᓪᓗᓂ ᖃᓄᖅ ᖃᓪᓗᓈᖑᖃᑎᒌᓂᑦ ᓯᕗᓪᓕᐅᔾᔭᒃᓴᓂᑦ ᒥᑕᐅᑎᓕᖃᑦᑕᖕᒪᖔᑦ. "ᐱᓇᓱᐊᕈᓯᓕᒫᒥᑦ ᓄᖅᑲᖓᒍᒪ ᐋᓐᓂᖅᑐᖃᔾᔮᖏᓚᖅ," ᐅᖃᙳᐊᖅᑐᖅ. ᐃᓛᓐᓂᒃᑯᑦ ᐃᒻᒥᓂᒃ ᓇᒡᓕᒍᓱᒋᐊᖃᓲᖅ ᐱᔭᕇᖅᓯᔭᕆᐊᒃᓴᖅ, ᑭᓯᐊᓂ ᐃᓛᓐᓂᒃᑯᑦ ᓇᖕᒥᓂᖅ−ᑲᒪᒋᑦᑎᐊᕆᐊᖃᓲᖅ ᓇᖕᒥᓂᕐᓗ ᑲᒪᒋᑦᑎᐊᕐᓗᓂ.

ᓴᓇᙳᐊᕐᓂᒃᑯᑦ, ᐱᔪᒃᓯᑎᑦᑎᖃᑦᑕᖅᑐᖅ ᐃᓅᓯᒃᑯᑦ, ᑕᐅᑐᒃᖢᓂ ᐃᓄᖕᓂᒃ ᐅᓂᒃᑳᑲᑕᒃᖢᓂᓗ ᑕᓚᕖᓴᒃᑯᑦ ᖃᕆᑕᐅᔭᒃᑯᓪᓗ ᒪᒃᑯᒃᑐᓄᓪᓗ ᐃᓕᓴᐃᔨᖏᓐᓄᑦ. "ᐃᓱᒪᒋᔭᕋ ᐱᒻᒪᕆᐅᓇᓱᒋᓪᓗᒍ, ᑲᔪᖏᖅᓴᐃᔨᖃᕐᓗᓂ ᐃᖅᑲᓇᐃᔮᖏᓐᓂᑐᐊᖑᙱᑦᑐᖅ, ᑭᓯᐊᓂ ᒪᒃᑯᒃᑑᓪᓗᑎᒃ ᒪᒃᑯᒃᑐᓪᓗ, ᐃᓱᒪᓂᐊᕐᖢᑎᒃᓗ ᑭᓱᒥᑭᐊᖅ ᐊᔾᔨᒋᙱᑕᖓᒍᑦ," ᐊᒥᖅᑳᕈᑎᒋᔭᖓ. 

ᖃᐅᔨᒪᑎᑦᓯᒐᓱᐊᖅᑐᖅ ᓄᓇᖃᖅᑳᖅᓯᒪᔪᓂᑦ ᐃᓄᓐᓂᑦ ᑭᒡᒐᖅᑐᐃᓂᒃᑯᑦ ᐱᓕᕆᕝᕕᖓᓂᑦ. "ᐱᓗᐊᖅᑐᒥᑦ ᖃᐅᓪᓗᖅᑕᒥᑦ ᓴᖅᑭᔮᖅᑎᑦᑎᓪᓗᖓ ᓄᓇᖃᖅᑳᖅᓯᒪᔪᓂᑦ, ᐱᓕᕆᐊᒃᓴᖃᒃᑲᓐᓂᖅᑰᔨᔪᖓ ᐊᓯᔾᔩᓇᓱᒃᖢᖓᓗ ᑲᔪᖕᒥᑦ ᕿᕐᓂᖅᑕᒥᒡᓗ ᓴᖅᑭᔮᖅᑎᑦᑎᓂᖕᒥᑦ ᓄᓇᖃᖅᑳᖅᓯᒪᔪᑦ ᐃᓚᖏᓐᓂᑦ," ᐅᖃᖅᖢᓂ. 

"ᒫᓐᓇ ᕿᒃᓵᒃᓯᒪᕗᖓ ᖃᐅᔨᓕᖅᖢᖓ ᑕᑯᙱᑐᐃᓐᓇᕆᐊᖃᕋᒪ ᐊᓯᔾᔨᖅᑐᓂᒃ ᑕᑯᔪᒪᔭᓐᓂᒃ ᑭᖑᕚᑦᑎᓐᓂ. ᐊᔪᕐᓇᖏᑦᑐᖅ ᑕᐃᑯᙵᙱᑐᐃᓐᓇᕆᐊᖃᖅᑐᒍᑦ. ᐅᓇᑕᐃᓐᓇᕆᐊᖃᕋᒪ ᑭᖑᕚᒃᓴᕗᑦ ᑐᓄᓐᓂ ᖃᐃᕙᓪᓕᐊᔪᑦ ᐊᔪᕐᓇᙱᓐᓂᖅᓴᐅᓂᐊᕐᒪᑦ," ᐃᖅᑲᐅᒪᔪᖅ. ᑖᓐᓇ ᒪᒃᑯᒃᑐᑦᑎᐊᕚᓗᒃ ᑐᓄᑦᑎᐊᖓᓃᓕᖅᑐᖅ ᐊᒻᒪᓗ ᓂᕆᐅᖕᓂᖃᑦᑎᐊᖅᖢᓂ ᓯᕗᓂᒃᓴᑦᑎᓐᓄᑦ. 

"ᐅᑕᖅᑭᔪᓐᓇᙱᓐᓇᒪ ᑭᓯᐊᓂ ᓄᓇᖃᖅᑳᖅᓯᒪᔪᒥᒃ ᓴᓇᙳᐊᖅᑎᒥᒃ ᓴᓇᙳᐊᖅᑐᖃᑐᐃᓐᓇᖅᐸᑦ, ᐊᒻᒪ ᐱᒋᐊᖅᑎᑦᑎᔭᕆᐊᖃᙱᖦᖢᑎᒃ ᐊᓐᓇᐅᒪᓇᓱᖕᓂᕐᒥᒃ."

ᐃᓛᓐᓂᒃᑯᑦ ᑕᐃᓯᔭᕆᐊᖃᓲᖅ ᐊᔾᔨᒌᖏᓐᓂᖏᓐᓂᑦ ᐊᑐᖅᓯᒪᔭᖏᓐᓂᑦ. "ᐊᐱᕆᓯᒪᕙᒃᑲ ᐃᓚᖏᑦ ᖃᐅᓪᓗᖅᑐᑦ ᐱᖃᓐᓇᕆᔭᒃᑲ, 'ᐊᐱᖅᓱᖅᑕᐅᓚᐅᖅᓯᒪᕕᑦ ᐊᐱᖅᓱᖅᑕᐅᑎᓪᓗᑎᑦ ᖃᓄᖅ ᖃᐅᓪᓗᖅᑕᕐᓃᑦ ᑐᑭᖃᕐᒪᖔᑦ ᐃᓕᖕᓄᑦ ᓴᓇᙳᐊᖅᑎᐅᓂᕐᓄᑦ?'" ᓈᓴᐃᒃᑲᓐᓂᖅᐳᖅ. ᒪᑐᐃᖅᓯᓇᓱᐊᖅᑐᖅ ᐊᒥᓱᓂᒃ ᐹᓂᒃ ᐊᓯᖏᓐᓄᑦ ᓄᓇᖃᖅᑳᖅᓯᒪᔪᓄᑦ ᓴᓇᙳᐊᖅᑎᓄᑦ, ᓂᕆᐅᒍᒪᓪᓗᓂ ᑭᖑᕚᒃᓴᕗᑦ ᐱᔭᕆᐊᖃᔾᔮᖏᓐᓂᖏᓐᓂᒃ ᑕᐅᑐᓪᓗᐊᑕᕈᓐᓇᕐᓗᑎᒃ ᓴᓇᙳᐊᖅᑎᐅᓂᕐᒥᒃ. 

"ᓂᔾᔭᐅᓯᔭᕐᓂᕆᔭᕋ ᓄᓇᖃᖅᑳᖅᓯᒪᓂᓐᓄᑦ ᐃᓕᓴᕐᓇᐅᑎᒐ." 

ᐊᐃᓚ ᐹᑯ ᓂᔾᔭᐅᓯᔭᖅᑐᖅ ᑲᓲᑎᓂᕐᒧᑦ ᒪᑐᐃᖓᑦᓯᐊᖅᓱᓂᓗ ᑲᓲᒪᖃᑎᖃᕐᓂᕐᒧᑦ ᑐᓴᕋᑦᓴᓂᑦ ᐃᓄᓐᓄᑦ ᑐᓴᐅᒪᔾᔪᑎᓄᑦ. ᐊᔾᔨᐅᙱᑦᑐᒥᒃ ᐅᖃᐅᓯᒃᓴᖃᖅᑐᖅ ᖃᑦᑎᕆᔨᑦ ᓵᖓᓄᑦ ᓈᓚᒃᑎᓄᑦ. "ᐊᖏᔪᖅ. ᓄᓇᕐᔪᐊᖅ ᖃᐅᔨᒪᔮᕆᒐᕕᐅᒃ. ᓴᖅᑭᑕᐅᖏᓐᓇᕈᓐᓇᖏᑦᑐᖅ, ᑭᓯᐊᓂ ᐱᓯᒪᔪᓐᓇᓪᓚᕆᑦᑕᐃᑦ ᐱᔪᒪᒍᕕᐅᒃ. ᐃᒻᒪᖄᓕ ᐊᖏᔪᐊᓗᖕᒥᒃ, ᐊᖏᔪᐊᓗᖕᒥᒃ Hollywood ᓯᓐᓇᑦᑑᒪᒥᒃ ᐅᕝᕙᓘᓐᓃᑦ ᑭᓱᑭᐊᖅ, ᑭᓯᐊᓂ ᐊᕗᖓᒃᑲᓐᓂᖅ ᐱᓕᕆᒃᑲᓐᓂᔾᔮᖅᑰᙱᑦᑐᑎᑦ ᑐᕌᒐᓕᐅᕈᕕᑦ," ᐅᖃᐅᔾᔪᐃᓲᖅ. ᓲᖃᐃᒻᒪ, ᐅᒃᐱᕈᓱᒃᑐᖅ ᑐᓴᕐᓈᕐᓂᖅ ᑭᒃᑯᓕᒫᓄᑦ ᑐᕌᖓᓂᖓᓂᒃ ᐊᒻᒪᓗ ᑲᑎᙵᖃᑎᖃᕐᓂᕐᒧᑦ, ᓄᓇᕐᔪᐊᓕᒫᒥ ᐅᖃᐅᓯᕐᒧᑦ ᐃᓕᓴᐃᓂᖓᓄᑦ ᒪᒃᑯᒃᑐᓂᒃ ᐊᒻᒪᓗ ᓱᓕᔪᒥᒃ ᐅᖃᐅᓯᖃᖅᖢᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.