"ᐅᖁᖓᔪᐃᓐᓇᐅᖃᑦᑕᕋᑦᑕ ᐅᕐᕈᕙᒃᖢᑕᓗ ᐃᓛᓐᓂᒃᑯᑦ. ᑲᔪᓯᑎᑦᑏᓐᓇᕋᓱᑐᐃᓐᓇᖅᑐᖅ ᐅᕝᕙᓘᓐᓃᑦ ᓄᖅᑲᖓᓚᐅᑲᒋᐊᖃᕐᓂᕐᒥᒃ, ᖃᓄᐃᙱᖦᖢᓂᓗ," ᐅᖃᐅᔾᔨᔪᖅ ᔭᐃᒥᓐ ᓚ ᕙᓕᒥᒃ. ᔅᑯᐊᒥᔅ ᐊᒻᒪ ᒃᕙᕙ ̱ka̱wakw−ᒥ ᑭᖑᕚᖏᑦ ᐱᕈᖅᓴᓚᐅᖅᓯᒪᓪᓗᑎᒡᓗ ᕚᓐᑰᕙ ᐅᐊᖕᓇᖓᓂ. ᓄᓇᖃᖅᓯᒪᖕᒥᔪᖅ ᐱᐅᓪ ᐱᐅᓪᒥ ᑎᒍᐊᖑᓚᐅᖅᓯᒪᓪᓗᓂᓗ ᕼᐃᐅᓪᑦᓱᒃ ᐃᓄᖏᓐᓄᑦ. ᓇᒧᙵᐅᕙᓪᓕᐊᓂᕆᔭᖓ ᖄᖐᓐᓇᖅᓯᒪᙱᓚᖅ ᓄᖅᑲᖓᓚᐅᑲᒃᐸᙱᖦᖢᓂᓘᓐᓃᑦ ᑭᓯᐊᓂ ᒫᓐᓇ ᐃᖅᑲᓇᐃᔭᓕᖅᐳᖅ ᐅᖃᐅᓯᕐᓄᑦ ᐃᓕᓴᐃᔨᐅᓪᓗᓂ Gwa'sala-'Nakwaxda'xw Language Department−ᑯᓐᓂ. ᐅᖃᐅᓯᓕᕆᓂᕐᒧᑦ ᐃᓕᓴᐃᔨᖃᕐᖢᓂ, ᓴᖅᑭᑦᑎᔪᖅ ᐃᓕᓐᓂᐊᒐᒃᓴᓂᑦ ᐅᖃᐅᓯᓕᕆᓂᖕᒧᑦ ᐱᓕᕆᐊᑎᑐᑦ ᓲᕐᓗ ᐊᖓᔪᖓ ᓴᓇᓚᐅᕐᑕᖓ Squamish Nation−ᒧᑦ. 

ᓚ ᕙᓕ ᐃᓕᓴᐃᔨᐅᓕᓚᐅᖅᑐᖅ ᐊᓂᒍᐃᓚᐅᖅᑎᓪᓗᒍ NITEP−ᒥ (ᓄᓇᖃᖅᑳᖅᓯᒪᔪᑦ ᐃᓕᓴᐃᔨᙳᕆᐅᖅᓴᔪᑦ) 2020−ᒥ. ᐃᓕᓴᐃᓚᐅᖅᑐᖅ ᐱᖓᔪᖓᓂ ᖁᑦᑎᖕᓂᓕᖕᓂ ᐊᒻᒪᓗ ᐱᓕᕆᓚᐅᖅᓯᒪᓪᓗᓂ ᓄᓇᖃᖅᑳᖅᓯᒪᔪᓄᑦ ᐃᑲᔪᖅᓱᐃᓂᕐᒥ ᐃᓕᓴᐃᔨᐅᓪᓗᓂ ᑭᓯᐊᓂ ᖃᐅᔨᓚᐅᖅᑐᖅ ᐱᔪᒪᓂᖃᓛᖑᓂᖓᓂᒃ ᐃᓕᓴᐃᓂᕐᒥᒃ ᐊᒻᒪᓗ ᐃᓚᓕᐅᔾᔨᓂᕐᒥᒃ ᖃᐅᔨᒪᓂᕐᒥᒃ ᐊᒻᒪᓗ ᐃᓕᓴᐃᓂᕐᒧᑦ ᐊᑐᕋᓱᒃᐸᒃᑕᖓᓂᒃ. ᑕᐃᒪᐃᒻᒪᑦ ᐃᓕᓐᓂᐊᕈᑎᒃᓴᓕᐅᕐᓂᖅ ᑐᑭᓕᐊᕐᓂᖃᕐᓂᖅᓴᐅᓚᐅᖅᐳᖅ ᐱᔪᒪᓂᕆᔭᖓᓂᑦ ᑲᓇᑕᒥ ᐊᕕᑦᑐᖅᓯᒪᔪᓂᑦ ᐃᓕᓐᓂᐊᕐᕕᓪᓚᑦᑖᓂᑦ. 

ᐃᓚᐅᖃᑕᐅᓕᓵᓚᐅᖅᑐᖅ NITEP−ᒧᑦ ᐊᑐᓕᖁᔭᐅᓪᓗᓂ ᐱᖃᓐᓇᕆᔭᒧᑦ ᐃᓕᓐᓂᐊᖃᑕᐅᓚᐅᖅᑐᖅ ᖁᕕᐊᒋᑦᑎᐊᖅᖢᓂᐅᒡᓗ. ᑐᓵᓪᓗᓂ ᐱᓕᕆᐊᒃᓴᖅ ᓄᓇᓕᖕᓃᓪᓗᓂ ᐃᑲᔪᖅᓱᐃᓪᓗᓂᓗ ᐱᓕᕆᐊᒃᓴᖅ ᐱᔪᒥᓇᖅᑎᑦᑎᓪᓗᓂ ᐊᒻᒪ ᓚᕕᓕ ᐃᑲᔪᕈᒪᓪᓗᓂ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᖃᕐᓂᖅᓴᐅᓗᑎᒃ ᐃᓕᓐᓂᐊᕐᕕᖕᓂ.  ᐅᖃᐅᓯᓕᕆᓂᖅ, ᐃᓕᖅᑯᓯᓕᕆᓂᖅ ᐊᒻᒪ ᐱᕈᖅᑐᓂᒃ ᐃᓅᓕᓴᐅᑎᑦ ᐱᔪᒪᑦᑎᐊᓚᐅᖅᑐᑦ ᖃᐅᔨᓪᓗᓂᓗ NITEP−ᒦᒃᑲᓗᐊᖅᖢᓂ ᐃᓕᓐᓂᐊᒐᒃᓴᓪᓗᐊᑕᖏᑦ ᐃᓚᓕᐅᔾᔨᓯᒪᖕᒪᑕ ᐱᒻᒪᕆᐅᒋᔭᖏᓐᓂᒃ. 

ᐅᖃᐅᓯᓕᕆᓂᖕᒧᑦ ᐱᓕᕆᐊᒧᐊᖅᖢᓂ ᓈᒻᒪᑦᑎᐊᓚᐅᖕᒪᑦ ᐊᖓᔪᖓᑕ ᐅᖃᐅᓯᖕᓄᑦ ᐃᓕᓐᓂᐊᕐᑎᑦᑎᔾᔪᑎᒋᖃᑦᑕᓚᐅᕐᑕᖏᓐᓄᑦ. ᐃᓚᐅᖃᑕᐅᓚᐅᖅᑐᖅ ᑮᑎᑦ ᓇᓃᒻᒪᖔᑕ? ᐃᓕᓐᓂᐊᖅᑎᑕᐅᓪᓗᓂ ᒪᒃᑯᒃᑑᓪᓗᓂ ᐊᒻᒪᓗ ᐃᑲᔪᓚᐅᖅᑐᖅ ᐃᓕᓐᓂᐊᖅᑐᓂ ᐅᖃᐅᓯᓕᕆᓂᕐᒥᑦ. ᐱᓪᓗᓂ ᐱᔪᒪᓂᕐᒥᒃ ᐅᖃᐅᓯᓕᕆᓂᕐᒥ ᐱᓕᕆᓂᕐᒥ ᓅᑉᐸᓪᓕᐊᑦᑎᐊᕐᓇᓚᐅᖅᑐᖅ ᐱᔪᒪᓂᖓᓄᑦ. 

ᐃᓕᓴᐃᔨᑦᑎᐊᕙᐅᑎᓪᓗᒍ, ᐃᓕᓐᓂᐊᖅᑎᑦᑎᐊᕙᐅᖏᓐᓇᓚᐅᙱᑦᑐᖅ. ᓄᑲᖅᖡᑦ ᐃᓕᓐᓂᐊᕐᕕᖓᓃᑎᓪᓗᒍ, ᐃᓕᓐᓂᐊᑦᑎᐊᖅᓯᒪᓚᐅᖅᑐᖅ ᐅᖃᓕᒫᑦᑎᐊᖅᖢᓂᓗ. ᖃᖓᙳᖅᐸᓪᓕᐊᓂᖓᓄᑦ, ᐱᓕᕆᓂᕆᔭᖓ ᐅᓄᕈᓐᓃᕆᐊᓚᐅᖅᐳᖅ ᑭᓯᐊᓂ ᓄᖅᑲᕋᒥ 10−ᖓᓂ ᖁᑦᑎᖕᓂᓕᖕᒥ. ᑳᐱᑐᕐᕕᒻᒥ ᐃᖅᑲᓇᐃᔭᓚᐅᖅᓯᒪᔪᖅ, ᓅᑦᑐᓂᓗ ᐱᐅᓪ ᐱᐅᓪᒧᑦ ᑕᐃᑲᓂᓗ ᓄᓇᓕᕋᓛᒥ ᓯᕗᓕᖅᑎᐅᓪᓗᓂ ᓄᓇᒥ ᐃᓕᓐᓂᐊᖅᑐᓂ ᐊᒻᒪᓗ ᐃᑲᔪᖅᑎᒋᔭᖓ. 

ᐃᓚᖓᑦ ᑲᔪᖏᖅᓴᐃᔨᐅᑉ ᑲᔪᖏᖅᓴᐃᓚᐅᖅᑐᖅ ᐅᑎᖁᔨᓪᓗᓂ ᐃᓕᓐᓂᐊᕐᕕᖕᒧᑦ ᖁᑦᑎᖕᓂᓕᖕᓂ 11 ᐊᒻᒪ 12 ᐊᕐᕌᒍᒥ ᐊᑕᐅᓯᕐᒥ 19-ᖑᖅᑎᓪᓗᒍ. ᐱᔭᕇᖅᓯᓚᐅᖅᑐᖅ ᐃᓐᓇᕐᒥᑦ ᕿᒻᒥᓂᑦ ᐅᐱᒍᓱᑦᑐᓂ, ᐊᔅᓱᕈᓐᓇᖅᑐᓂᑦ ᖃᐅᔨᓴᕐᓂᕐᒧᑦ ᐃᓕᓐᓂᐊᖅᑐᓂ ᓴᓇᔨᕈᕈᒪᓪᓗᓂ.  ᐊᐃᑦᑖᖑᒐᓗᐊᕐᓕ, ᓯᓚᑦᑐᖅᓴᕐᕕᖕᔪᐊᒧᐊᕋᒥ ᐊᕙᑎᓕᕆᓂᕐᒧᑦ ᓴᓇᔪᓕᕆᔨᒻᒪᕆᐅᓂᕐᒧᑦ ᓇᓗᓇᐃᒃᑯᑕᖅᑖᖅᖢᓂ ᓅᑕᐅᓂᕐᒧᑦ ᐃᓕᓐᓂᐊᒐᒃᓴᒥᑦ, ᑲᔪᓯᓚᐅᖖᒋᒻᒪᑦ ᓯᕗᓪᓕᖅᐹᒥ ᐃᓕᓐᓂᐊᕐᓇᒥ. ᓄᖅᑲᖓᓕᓚᐅᖅᑐᖅ, ᐱᓇᔪᓕᕐᖢᓂ SFU−ᒧᑦ, ᐊᔪᕆᖦᖢᓂᐅᒡᓗ. 

ᐊᔪᓕᑲᐃᓐᓇᑐᐃᓐᓇᓚᐅᖅᑐᑦ. ᑭᖑᑉᐱᐊᖃᑦᑕᓚᐅᖅᐳᖅ ᐊᒻᒪ ᐃᓕᓴᐃᔨᐅᓂᕐᒧᑦ ᐃᓕᓐᓂᐊᖅᑐᓂ ᐱᐅᓂᖅᓴᒻᒪᕆᐅᓪᓗᓂ. ᓯᕗᓪᓕᕐᒥ ᐊᐃᑉᐸᖓᓂᓗ ᐊᕐᕌᒍᒥ ᐃᓕᓐᓂᐊᓚᐅᖅᑐᖅ ᖃᓄᐃᓗᐊᓚᐅᖖᒋᖦᖢᓂ ᑭᓯᐊᓂ ᑲᒪᒋᔭᖃᓚᐅᖅᑎᓪᓗᒍ ᐃᓚᖏᓐᓂᒃ ᐊᒃᓱᕈᕐᓇᖅᑐᒃᑰᖅᓯᒪᔭᖏᓐᓂ, ᑕᐅᑐᑦᑎᐊᕈᓐᓇᕐᓂᖅᓴᐅᓚᐅᖅᑐᖅ ᐃᓕᓐᓂᐊᑦᑎᐊᕐᓂᕐᒧᓪᓗ ᐊᑐᖃᑦᑕᖅᑕᖏᑦ ᐱᐅᓯᒋᐊᕐᖢᑎᒃ. 

ᐃᓕᓐᓂᐊᓚᐅᖅᑎᓪᓗᒍ, ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᓱᒪᔪᑦ ᓄᓇᒥᓂᒃ ᕿᒪᐃᔪᒪᓂᕐᒥᒃ ᑲᑎᙵᖃᑎᖃᓕᕈᒪᒧᑦ. "ᓄᓇᓕᒃ ᐱᒻᒪᕆᐅᑎᓪᓗᒍ. ᖃᐅᔨᒪᔪᖓ ᐊᔪᕐᓇᕈᔪᖕᒪᑦ ᓴᖅᑭᑦᑎᔭᕆᐊᒃᓴᖅ ᓄᑖᒧᑦ ᐃᓂᒃᓴᒧᑦ ᐃᓯᖅᑎᓪᓗᑎᑦ," ᓇᓗᓇᐃᖅᑕᖓ. UBC−ᑯᓐᓂ ᐊᑯᓂᐊᓗᒃ ᐅᐸᒍᒪᓚᐅᖅᑐᖅ ᐅᖃᖅᖢᓂᓗ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᖃᐅᔨᖁᓪᓗᒋᑦ ᑭᓱᓂᒃ ᓄᓇᖃᖅᑳᖅᓯᒪᔪᑦ ᐃᑲᔫᑎᒃᓴᓂᒃ ᐊᑐᐃᓐᓇᐅᔪᖃᕐᒪᖔᑦ ᐃᓕᓐᓂᐊᕐᕕᖕᒥᓂ ᐃᓚᐅᕙᒃᖢᑎᒡᓗ ᓄᓇᖃᖅᑳᖅᓯᒪᔪᑦ−ᑐᕌᖓᔪᓂᒃ ᐱᓕᕆᐊᒃᓴᓂᒃ ᐱᖃᓐᓇᕆᔭᖅᑖᕈᑎᒃᓴᓂᒃ.

ᓄᓇᓕᖃᙱᖦᖢᓂ, ᓚ ᕚᓕ ᓇᓂᓯᓪᓗᓂ ᓯᓚᑦᑐᖅᓴᕐᕕᒃᔪᐊᒥ ᐃᓄᑑᑎᑕᐅᓂᖓᓂᒃ. ᑲᙳᓲᑎᖃᒻᒪᕆᓚᐅᖅᑐᖅ ᐃᓕᓐᓂᐊᑦᑎᐊᖏᓐᓂᕐᒥᑦ ᐊᒻᒪᓗ ᐃᓄᐃᑦ ᐅᖃᐅᓯᖃᒃᑲᓐᓂᖁᓪᓗᓂᒋᑦ ᐃᓕᓐᓂᐊᑦᑎᐊᖏᓐᓂᕐᒥᑦ ᓲᖃᐃᒻᒪ ᑕᓗᕈᒃᑯᑎᔪᒻᒪᕆᐅᖕᒪᑦ.  ᑕᒪᒃᑯᐊ ᐊᐳᖅᑕᕈᑏᑦ ᐊᓂᒍᕈᓐᓇᓚᐅᕐᒪᒋᑦ ᐊᒻᒪᓗ ᒫᓐᓇ ᖁᑦᑎᓂᖅᐹᒥᒃ ᐸᐃᑉᐹᑖᖅᓯᒪᓕᖅᑐᓂ ᐱᔭᕇᑲᓴᑦᑐᓂ.

ᐊᓯᐊᑦᑕᐅᖅ ᐊᕝᕕᐊᕈᑎᒋᓚᐅᖅᑕᖓ ᐃᓕᓐᓂᐊᕐᕕᒻᒥ ᑮᓇᐅᔭᑎᒍᑦ. ᑎᑕᒃᑎᓄᑦ ᑮᓇᐅᔭᖃᖅᑎᑕᐅᑎᓪᓗᒍ ᐊᕐᕌᒍᓄᑦ ᐃᓚᖏᓐᓄᑦ, ᑕᐃᒪᐃᖏᓐᓇᐅᔭᓚᐅᙱᑦᑐᖅ ᐊᑭᓕᒃᓴᖓᓗ ᐊᑭᓕᒃᓴᖃᓗᐊᒧᑦ ᓱᓇᐃᕈᑎᓕᕐᖢᓂ ᐃᓕᓴᐃᔨᙳᕆᐅᖅᓴᑎᓪᓗᒍ. ᐃᓕᓐᓂᐊᕕᐅᑉ ᐊᒻᒪ ᐊᐅᓪᓚᖃᑦᑕᕐᓂᐅᑉ ᐊᑯᓐᓂᖓᓂ, ᐊᑭᓕᒃᓴᓂᒍᓐᓇᐅᑎᓂᒃ ᐊᐅᒃᑕᔫᓂᒃ ᐊᑭᓕᒃᓴᖃᓕᓚᐅᖅᑐᖅ ᑭᓯᐊᓂ ᑕᐃᒪᙵᓂᒃ ᑮᓇᐅᔭᒥᓂᒃ ᑲᒪᔪᓐᓇᖅᓯᓚᐅᖅᑐᖅ. ᑭᓯᐊᓂᓕ, ᓛᓕ ᕙᓕ ᐊᒃᓱᕈᓚᐅᕐᒪᑦ ᐃᓱᒪᓕᐅᕋᓱᐊᖅᑐᓂ ᖃᓄᐃᓕᐅᕐᓂᐊᕐᒪᖔᕐᒥᒃ ᐅᐱᓐᓇᕋᓂ ᐊᒥᓱᓂᒃ ᓇᓖᕌᕈᑎᒃᓴᖃᓚᐅᕐᒪᑦ ᐊᒻᒪᓗ ᐃᓚᒋᔭᐅᔪᒪᑐᐃᓐᓇᖅᑐᓂ ᑭᓱᓕᒫᓄᑦ. 

ᑭᖑᒧᑦ ᑕᑯᒋᐊᖅᑐᓂ ᐊᔅᓱᕈᕈᑎᒋᕙᑦᑕᖏᓐᓂᑦ, ᐅᖃᐅᑎᒍᓐᓇᖅᐸᒍ ᒪᒃᑯᓐᓂᖅᓴᖅ ᓇᒻᒥᓂᖅ ᓂᑲᒋᒐᔭᖅᑕᖓ, ᐱᓪᓗᒍ ᓇᒻᒥᓂᖅ ᐊᔅᓱᕈᖅᑐᒻᒪᕆᐅᓚᐅᕐᒪᑦ ᐊᒻᒪ ᑕᒪᓐᓇ ᓱᓕ ᐱᓕᕆᐊᕆᒻᒪᒍ. "ᐃᓕᖕᓂᒃ ᐅᖃᓪᓚᖃᑦᑕᖅᑕᑎᑦ ᐱᖃᓐᓇᕆᔭᕐᓄᑦ ᐅᖃᓪᓚᖃᑦᑕᓪᓗᐊᖅᐳᑎᑦ. ᑕᒪᓐᓇ ᐱᒻᒪᕆᐅᓱᒋᕙᕋ, ᓇᒻᒥᓂᖅ ᓇᓪᓕᒋᑐᐃᓐᓇᕐᓂᖅ," ᓛᓕ ᐅᖃᐅᓯᖃᖅᑐᖅ, ᐃᓱᒪᓪᓗᓂ ᖃᓄᖅ ᐱᔪᒪᒻᒪᖔᖅ ᐃᓅᓯᒃᑯᑦ ᐃᑉᐱᓐᓂᐊᓂᒃᑯᑦ ᐃᓕᓐᓂᐊᓂᕐᒥᑦ ᐃᓕᓐᓂᐊᕐᕕᒻᒥ. ᐃᓱᒪᑖᒃᑲᓐᓂᕈᒪᔪᖅ ᖃᓄᖅ ᐊᔪᕐᓇᖅᑎᒋᖕᒪᖔᑦ ᕿᓚᒥᑯᓗᒡᓗ ᐊᓂᒍᐃᓲᑦ ᐊᔪᕐᓇᕋᓗᐊᖅᑎᓪᓗᒍ.   

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓᓗ, ᔫᒐ ᐊᒻᒪ ᐱᓱᖃᑎᖃᓲᖅ ᐱᖃᓐᓇᕆᔭᖏᓐᓂ. ᐃᑲᔪᕐᓂᐊᕐᓗᓂ ᐊᐅᓚᓪᓗᒍ ADHD−, ᓇᓂᓯᓪᓗᓂ ᐃᖃᐃᓕᓴᕐᓂᕐᒥᒃ ᐃᑲᔪᕐᖢᓂ ᑕᐅᑐᓪᓗᐊᑕᖅᑕᖓᓂᒃ, ᐃᓱᒪᒃᑯᑦ ᑐᑭᓯᓇᕐᓂᕐᒥᒃ ᒥᒃᖠᒋᐊᖅᑎᑦᑎᓪᓗᓂᓗ ᖃᕋᓴᖓᑕ ᐱᐅᓂᖓᓂᒃ. ᑕᑯᖃᑦᑕᖅᑐᖅ ᓇᒡᒍᐊᕐᓗᖕᓂᕐᒥᒃ ᐊᑐᒐᔪᒃᑕᖓᓂᒃ ᖃᐅᑕᒫᖅᓯᐅᑎᓂᒃᓗ ᒪᒥᓴᐃᔾᔪᑎᓂᒃᓗ ᐃᑲᔪᕐᔪᐊᓲᖅ ᑕᖃᓂᕐᒧᑦ ᑕᖃᓂᕐᒧᓪᓗ ᓇᓃᓐᓂᖏᓐᓂ. ᑎᒥᖓ ᑲᒪᒋᓪᓗᒍ ᐃᑲᔪᖅᐸᒃᐳᖅ ᐊᐅᓚᑦᑎᓪᓗᓂ ᐊᒃᓱᕈᕐᓇᖅᑐᒥᒃ ᐊᓂᒍᐃᓂᕐᒧᑦ ᐃᓕᓐᓂᐊᕐᕕᖕᒥ, ᐅᓪᓗᓕᒫᖅ ᐃᖅᑲᓇᐃᔭᕐᓂᕐᒥᒃ ᓄᑖᒥᒡᓗ ᐃᓄᙳᐊᒥᒃ. 

ᑲᔪᖏᖅᓴᐃᖏᓐᓇᕆᐊᖃᖅᑎᓪᓗᒍ, ᓛ ᕙᓕ ᓄᓇᓕᒻᒥᓂᒃ ᑕᑯᓐᓇᖃᑦᑕᖅᑐᖅ ᐊᒻᒪᓗ ᐃᓄᓐᓂᒃ ᓄᓇᓕᓐᓂ ᐱᓕᕆᔪᓂᒃ. ᑲᒪᓇᖅᐳᖅ ᐱᒋᐊᖅᑎᑕᐅᔪᓂᑦ ᔅᑯᐊᒥᔅ-ᒥᑦ ᐊᒻᒪ ᐊᔅᓱᕈᖅᑐᓂ ᐱᓕᕆᓪᓗᓂ ᑯᕙᕙᒥ ̱ᑲ ̱ᐊᒃ ᓄᓇᓕᖓᓐᓂᑦ. "ᖃᓄᐃᓕᐅᕐᓂᕆᔭᕗᑦ ᑭᖑᕚᒃᓴᑦᑎᓐᓄᑦ," ᐃᒻᒥᓂᒃ ᐅᖃᖅᐳᖅ ᐃᖅᑲᐅᒪᔭᕆᐊᖃᓕᕌᖓᑦ ᐱᔾᔪᑎᒋᔭᒥᓂᒃ. 

ᐃᖅᑲᐅᒪᔪᖅ ᖃᓄᖅ ᐅᕐᕈᕙᖕᒪᖔᑦᑕ ᐅᕐᕈᕙᒃᖢᑕᓗ ᐃᓛᓐᓂᒃᑯᑦ ᖃᓄᕐᓗ ᓄᖅᑲᖓᑐᐃᓐᓇᖕᒪᖔᑦᑕ ᓄᖅᑲᖓᓚᐅᑲᒋᐊᖃᖕᒪᖔᓪᓘᓐᓃᑦ. ᖃᐅᔨᒪᔪᖅ ᓄᖅᑲᖓᑲᐃᓐᓇᕐᓂᖅ ᖃᓄᐃᓐᖏᒻᒥᔪᖅᑕᐅᖅ. ᐃᓕᓐᓂᐊᖅᑎᐊᖅᓯᒪᑦᑎᐊᙱᒃᑲᓗᐊᖅᖢᓂ ᑮᓇᐅᔭᑎᒍᓪᓗ ᐊᒃᓱᕈᖃᑦᑕᕋᓗᐊᖅᑎᓪᓗᒍ, ᔭᐃᒥᓐ ᕙᓕ ᐱᓕᕆᔪᖅ ᖁᕕᐊᒋᔭᒥᓂᒃ ᓄᓇᓕᖕᓂ, ᐱᓇᓱᐊᖅᖢᓂ ᖁᕕᐊᒋᔭᒥᓂᒃ ᐅᖃᐅᓯᖕᒥᑦ ᐃᓕᖅᑯᓯᒥᒡᓗ. ᐃᑲᔪᖅᑐᖅ ᐊᓯᒥᓂᒃ ᓇᓂᓯᓪᓗᓂ ᐅᖃᐅᓯᖅᑕᖏᓐᓂᒃ ᓇᓂᓯᓪᓗᓂᓗ ᐃᓂᒥᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.