"ᐱᔪᓐᓇᕐᓂᖃᓗᐊᙱᑦᑐᖓ. ᑕᒪᒃᑯᓂᖓ ᖃᐅᔨᒪᑦᑎᐊᖅᑐᓂᒃ ᐱᓯᒪᓐᖏᓐᓇᒪ. ᖃᐅᑕᒫᑦ ᐃᖅᑯᒻᒪᐃᓐᓇᖃᑦᑕᖅᑐᖓ ᐊᕐᕌᒍᓄᑦ ᑕᓪᓕᒪᓄᑦ ᐊᒻᒪᓗ ᐱᓕᕆᖃᑦᑕᖅᓯᒪᓪᓗᖓ ᑦᓯᒃᐴᓐ ᐱᐅᑎᒥᒃ, ᐊᒻᒪᓗ ᖃᐅᑕᒫᑦ ᐊᓪᓗᒐᓛᑐᐃᓐᓇᐸᑦᑐᓂ. ᐃᓱᒪᔪᖓᓕ ᐊᔾᔨᒌᔾᔫᒥᔪᓂᒃ, ᑕᑯᒐᔭᖅᑐᑎᑦ ᖃᓄᐃᒍᑕᐅᔪᓂᒃ ᓲᕐᓗ ᖃᓄᑐᐃᓐᓇᖅ ᐱᓕᕆᑎᓪᓗᑎᑦ ᐃᓅᓯᕐᓂ. ᖃᓄᐃᑦᑑᒐᓗᐊᖅᐸᑦ ᓱᖁᑕᐅᙱᑦᑐᖅ, ᑕᐃᑲᓃᖏᓐᓇᕐᓗᑎᑦ ᑕᑯᓂᐊᖅᐳᑎᓪᓗ ᖃᓄᐃᑦᑐᖃᖅᑎᓪᓗᒍ." ᑖᒃᑯᐊ ᐅᖃᐅᓰᑦ ᓯᓚᑐᓂᖏᑦ ᔨᓐ ᕼᐋᐸᒦᙶᖅᑐᑦ, ᐊᓂᓰᓇᐱ ᐊᕐᓇᖅ ᓄᐊᑦᐅᐃᔅ ᓄᐊᑦᐅᐃᔅᑦ 33-ᒥᙶᖅᑐᖅ, ᐅᐊᓐᓇᖓᓂ ᐋᓐᑎᐅᕆᐅ, ᐱᒋᐊᖅᑎᑦᑎᓚᐅᖅᑐᖅ ᑦᓯᒃᐴᓂ ᐱᐅᑎᒥᑦ. 

ᐃᓅᓚᐅᖅᓯᒪᔪᖅ ᑕᓐᑐ ᐸᐃᒥ, ᑐᕌᓐᑐᒧᑦ ᓅᓚᐅᖅᓯᒪᔪᖅ ᐊᖓᔪᖅᑳᖏᓪᓗ ᐊᒻᒪᓗ ᓴᐃᓐᑦ ᑳᑐᕋᓐᔅᒧᑦ ᐊᓈᓇᖓᓗ. Hᐋᐳ ᐅᑎᓚᐅᖅᑐᖅ ᑐᕌᓐᑐᒧᑦ ᐃᓕᓐᓂᐊᕆᐊᖅᖢᓂ ᓯᓚᑦᑐᖅᓴᕐᕕᒡᔪᐊᒧᑦ, ᓇᖕᒥᓂᖃᖕᓂᖕᒥᑦ ᐃᓕᓐᓂᐊᖅᖢᓂ ᕋᐃᐅᓴᓐᒥᑦ, ᑭᓯᐊᓂ ᓄᖅᑲᖅᖢᓂ ᐃᖅᑲᓇᐃᔭᓕᕐᖢᓂᓗ. ᑖᓐᓇ ᐅᐃᖓᓗ ᑐᕌᓐᑐᒧᑦ ᓅᓚᐅᖅᓯᒪᒻᒪᑖ ᐃᖅᑲᓇᐃᔭᕆᐊᖅᑐᖅᖢᓂ ᑭᓯᐊᓂ St. Catharines-ᒧᑦ ᐅᑎᖅᖢᓂ. 

"ᐱᖅᑯᓯᑐᖃᒃᑯᑦ ᐊᖅᑯᑎᖃᙱᑦᑐᖓ ᓇᖕᒥᓂᖃᕐᓂᕐᒧᑦ ᓇᖕᒥᓂᖃᕐᓂᕐᒧᓪᓘᓐᓃᑦ," Hᐋᐳ ᑲᓐᑐᕇᔅ. ᐱᖃᓐᓇᕆᔭᐅᔪᖅ ᐃᓕᓐᓂᐊᕐᕕᐊᓗᒻᒥ ᓇᒻᒥᓂᖃᖅᑎᐅᓪᓗᓂ, ᐊᐱᕆᓚᐅᖅᑐᖅ ᖃᓄᖅ ᑐᑭᖃᕐᒪᖔᖅ ᐅᖃᐅᓯᖅ. ᖃᐅᔨᒪᒐᓗᐊᕈᓂ ᑭᓱᒥᒃ ᐱᒋᐊᖅᑎᑦᑎᔪᖃᓚᐅᕐᒪᖔᑦ ᓇᖕᒥᓂᕆᔭᐅᔪᒥᒃ ᑕᐃᔭᐅᔪᖃᓚᐅᕐᒪᖔᑦ ᐋᒃᑲᓘᓐᓃᑦ, ᐱᒋᐊᓚᐅᖅᓯᒪᕗᖅ ᓇᓗᓇᐃᒃᑯᑕᒥᓂᒃ ᓯᓐᓇᑦᑑᒪᒋᔭᖃᓚᐅᖅᑎᓪᓗᒍ ᓄᓇᖃᖅᑳᖅᑐᑦ ᓂᕕᐊᖅᓵᓂᒃ ᑯᒃᑭᖐᔭᖅᑕᐅᓚᐅᖅᑎᓪᓗᒋᑦ. ᐃᖅᑯᒻᒪᓚᐅᖅᑐᖅ ᐃᓕᑦᑎᔪᒪᓪᓗᓂ ᖃᓄᖅ ᑯᒃᑭᖐᔭᕈᓐᓇᕐᓂᕐᒥᑦ ᐊᑐᕈᓐᓇᕐᓂᐊᕐᒪᑦ ᐃᓚᖓᓂ ᑮᓇᐅᔭᓕᐊᓂᑦ ᖃᓄᐃᓕᐅᕐᓗᓂ ᐃᑲᔪᕐᓗᒍ ᓄᓇᓕᖓ. ᐱᒋᐊᕈᒪᓚᐅᕐᒪᑦ ᐃᓕᓐᓂᐊᕈᑎᒃᓴᖅᑖᕐᓂᕐᒥᒃ ᓂᖏᐅᖓ ᐊᓈᓇᑦᑎᐊᒥᓄᑦ.

 Hᐋᐳ ᐃᓅᓯᖓᑕ ᐃᓚᖓᓃᓚᐅᖅᑐᖅ, ᐃᒥᓗᐊᖃᑦᑕᓕᖅᖢᓂ ᐊᕐᕌᒍᒐᓵᓗᖕᓄᑦ ᐃᒥᐊᓗᓗᐊᖃᑦᑕᓚᐅᖅᑎᓪᓗᒍ. ᐃᓕᓐᓂᐊᓚᐅᖅᑐᖅ ᐊᒃᑐᐃᓂᕆᓇᔭᖅᑕᖏᓐᓂᒃ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᖃᑕᙳᑎᖏᓐᓄᑦ, ᐃᓅᓯᖓᓂ ᐊᑐᖅᖢᓂ ᐊᐅᓚᑦᑎᐊᕈᓐᓃᖅᖢᓂ ᐊᒻᒪ ᖃᑕᙳᑎᖏᑦ ᐊᒃᓱᕈᖅᑎᓪᓗᒋᑦ ᐱᔾᔪᑎᖃᑦᑎᐊᖅᑰᔨᙱᖦᖢᑎᒃ. ᐊᓯᖏᓐᓂᒃ ᐅᖃᐅᓯᕐᓂᒃ ᐃᓕᑦᑎᒐᒥ, ᑭᖑᕚᕇᓄᑦ ᖁᐊᖅᓵᖅᓯᒪᓂᖅ, ᑐᑭᓯᓇᖅᓯᕚᓪᓕᓚᐅᖅᑐᖅ. 

"ᐊᑎᕐᒥᒃ ᐃᓕᓯᔪᓐᓇᕈᕕᑦ ᑲᒪᓇᖅᑐᒧᑦ ᖃᓄᖅ ᒪᒥᓴᖅᐸᓪᓕᐊᔪᓐᓇᕐᒪᖔᖅᐱᑦ. ᒪᒥᓴᓕᓚᐅᖅᑐᖓ ᐊᒻᒪᓗ ᖃᐅᔨᓪᓗᖓ ᐃᓄᑦᑎᐊᕙᐅᒐᒪ, ᐊᕝᕙᖓ ᐊᓃᔅᓈᐱ, ᐊᕝᕙᖓ ᖃᐅᓪᓗᖅᑐᖅ, ᓂᕈᐊᕆᐊᖃᓚᐅᖏᑦᑐᖓ ᓴᓂᒧᑦ. ᐅᕙᖓᐅᔪᖓ. ᓈᒻᒪᒃᑑᔪᖓ," ᐃᖅᑲᐅᒪᔪᖅ.  ᐊᒃᓱᕈᕐᖢᓂ ᐃᒃᐱᖕᓂᐊᙱᖦᖢᓂ ᓈᒻᒪᖅᑰᔨᙱᖦᖢᓂ ᐃᓅᓯᓕᒫᖓᓂ ᒫᓐᓇᓗ ᐃᒃᐱᒋᓕᑕᐃᓐᓇᕐᖢᓂ ᓈᒻᒪᒋᓕᕐᖢᓂᐅᒃ ᐅᕕᓂᖓ. 

ᓴᐃᓕᓇᖅᑐᒦᙱᖦᖢᓂ ᐋᓐᓂᐊᕈᑕᐅᕐᔪᐊᓚᐅᖅᐳᖅ. "ᐃᒥᐊᓗᒃ ᐊᑐᕐᓂᕐᓗᒐᔭᖅᑕᕋ ᓲᖃᐃᒻᒪ ᐃᓕᖕᓂᒃ ᓇᒡᓕᒋᙱᒃᑳᖓᕕᑦ, ᖃᓄᐃᓕᐅᖃᑦᑕᙱᓐᓇᕕᑦ ᑲᒪᒋᓗᒍ ᑐᓐᓂᖅᑯᓯᐊᖅ ᑎᒥᖕᓂ ᐃᓱᒪᖕᓂ. ᐃᓕᑦᑎᕚᓪᓕᓚᐅᖅᑐᖓ ᑕᒪᒃᑯᓂᖓ, ᒪᒥᑦᑐᓐᓇᕐᓂᖅᓴᐅᓚᐅᖅᑐᖓ ᐃᓱᒪᖅᓱᓕᕐᖢᖓᓗ ᐃᓅᓪᓗᖓᓗ," ᑲᔪᓰᓐᓇᕐᖢᓂ.

ᐱᕈᖅᐸᓪᓕᐊᓪᓗᓂ, ᕼᐋᐸ ᐊᒃᓱᕈᓚᐅᖅᑐᖅ ᐃᓕᓐᓂᐊᕐᕕᖕᒥ ᐊᒻᒪ ᖁᕕᐊᓱᙱᖦᖢᓂ. "ᑕᐃᒪᓕ ᑕᐃᒪᐃᙱᑦᑐᖓ. ᑲᒻᐸᓂᓕᐅᕋᑖᑦᑎᐊᕋᒪ. ᖃᐅᔨᒪᔭᕆᐊᖃᕋᒪ ᑭᓱᒥᑭᐊᖅ... ᐊᐃᑦᑖᖑᒐᓗᐊᕐᓕ, ᓲᖃᐃᒻᒪ ᐃᓕᓐᓂᐊᕐᕕᐅᑉ ᐋᖅᑭᐅᒪᓂᖓ, ᐋᖅᑭᒃᑕᐅᓯᒪᓚᐅᕐᒪᑦ ᑕᐃᒪᓐᓇ ᐃᒃᐱᒍᓱᓕᕈᒪᒧᑦ," ᐃᖅᑲᐅᒪᔪᖅ. ᐊᓂᒍᐃᙱᑐᐃᓐᓇᕆᐊᓕᒃ ᖁᑦᑎᖕᓂᓕᖕᒥᑦ 9−ᒥᑦ ᖃᐅᔨᓴᖕᓂᖕᒥᑦ, ᑭᓯᐊᓂᓕ ᒫᓐᓇ ᓇᖕᒥᓂᖃᓕᖅᑐᖅ ᖃᐅᔨᓴᕐᕕᖕᒥᑦ, ᐃᖅᑲᓇᐃᔭᖅᑎᑦᑎᕗᖅ ᐅᓪᓗᓕᒫᖅ ᐃᓚᐅᕈᑎᒃᓴᓕᕆᔨᒥᑦ ᐱᓕᕆᖃᑎᖃᖅᖢᓂᓗ ᑲᔪᓰᓐᓇᕈᓐᓇᖅᑐᓂᑦ ᖃᐅᔨᓴᖅᑎᓂᑦ. 

"ᐃᓕᑦᑎᕙᓪᓕᐊᑦᑎᐊᕋᒪ, ᐃᒃᐱᒍᓱᒃᑐᖓ ᐃᓕᑦᑎᔪᐃᓐᓇᐅᔪᓐᓇᕐᓂᑦᑎᓐᓂᒃ ᐃᓅᓯᓕᒫᑦᑎᓐᓄᑦ. ᑕᒪᓐᓇ ᐃᓱᓕᓐᖏᒻᒪᑦ." 

ᐊᑐᖅᖢᓂ ᑲᔪᓰᓐᓇᕈᓐᓇᕐᓂᕐᒧᑦ, ᖃᐅᔨᓴᕐᖢᓂ ᑕᒪᒃᑮᓂᒃ ᐅᐊᓕᓂᕐᒥ ᓄᓇᖃᖅᑳᖅᓯᒪᔪᓪᓗ ᐃᔭᕈᕙᐅᔭᖏᓐᓂ, ᑲᑎᖦᖢᒋᑦ ᒪᕐᕉᒃ ᐱᖁᑎᖏᓐᓂ ᓴᓇᖃᑦᑕᖅᑕᖏᓐᓂ. "ᕿᓪᓕᖅᑐᒥᒃ ᑕᖅᓴᖃᙱᑦᑐᖅ. ᑭᐅᔾᔪᑎᒃᓴᖅᑕᖃᙱᓚᖅ. ᐱᑕᖃᕋᓂ ᐊᑕᐅᓯᖅᒥ ᖃᓄᐃᒋᐊᕈᑎᒥ ᑕᒪᐃᓄ ᓂᐅᕕᖅᓂᕐᓄ ᓯᓚᖅᔪᐊᒧ. ᑭᓯᐊᓂ ᖁᔭᓕᔪᒻᒪᕆᐅᕗᖓ ᑕᒪᑐᒥᖓ ᐱᓕᕆᐊᖃᕈᓐᓇᕋᒪ, ᖁᕕᐊᓱᒃᖢᖓᓗ ᐊᒥᖅᑳᖃᑎᒋᔪᓐᓇᕋᒃᑯ ᓄᓇᓕᑦᑎᓐᓄᑦ ᖁᕕᐊᓱᒃᖢᖓᓗ ᐃᓕᓯᓚᐅᕋᒪ ᐱᐅᒻᒪᕆᒃᑐᒥᒃ ᐱᓕᕆᓂᐅᕙᒃᑐᒥᒃ, ᐊᑕᖐᓪᓗᓂ ᐊᔾᔨᒋᙱᑕᖓᓂᒃ ᐃᓱᒪᒥᐅᑕᖃᖅᖢᖓ," ᑕᐃᒪᓐᓇ ᐅᖃᐅᓯᖃᖅᖢᓂ.  

"ᒥᑭᑦᑐᑯᓘᓪᓗᓂ ᓇᓗᓇᐃᒃᑯᑕᐅᓪᓗᓂ, ᒫᓐᓇ ᐃᓂᖃᓕᖅᑐᒍᑦ ᐊᓯᔾᔩᔪᒪᓪᓚᕆᒃᖢᑕ ᐊᔪᕐᓇᙱᖦᖢᓂᓗ." 

ᓂᕿᓕᕆᔨᐅᓚᐅᖅᖢᓂ, ᐊᑲᐅᙱᓕᐅᕈᑎᓂᒃ ᐱᓕᕆᓕᖅᐸᒃᐳᖅ ᐊᔾᔨᒋᙱᑕᖓᒍᑦ. ᐃᓱᒪᓪᓗᓂ ᓇᒃᓯᐅᑎᓯᒪᓂᕐᒥᓂᒃ ᐱᖁᑎᒥᓂᒃ, ᓲᖃᐃᒻᒪ ᑕᓗᕈᒃᑯᑎᓯᒪᙱᒻᒪᑦ ᖃᓄᐃᓕᐅᕈᑕᐅᖏᓐᓇᐅᔭᖅᑐᓂᒃ. "ᐃᓚᖓ ᐱᐅᒋᓛᕆᔭᑦᑕ ᐅᖃᖅᑕᖓᑕ ᐅᕙᓂ, Cheekbone Beauty ᐅᓇᐅᕗᖅ, 'ᖃᐅᔨᓂᐊᖅᑕᕗᑦ.' ᐊᒻᒪᓗ ᐊᖅᑯᑎᒃᑰᖅᐸᓪᓕᐊᑎᓪᓗᑕ," ᐅᖃᑦᑎᐊᙱᖦᖢᓂ. 

"ᐱᒻᒪᕆᐅᓇᓱᒋᔭᕋ ᐅᕙᑦᑎᓐᓂᒃ ᐃᓕᓴᐃᓗᑕ ᐅᕙᑦᑎᓐᓂᒃ ᐅᒃᐱᕈᓱᒍᓐᓇᕐᓂᕐᒥᒃ. ᐅᓐᓄᐊᖏᓐᓇᖅ ᑕᐃᒪᐃᖃᑦᑕᖏᒻᒪᑦ. ᑕᒪᓐᓇ ᐱᓕᕆᐊᒃᓴᕐᔪᐊᒻᒪᕆᐊᓗᒃ." 

ᐅᖃᐅᔾᔪᖅᓱᖅᑕᐅᑦᑎᐊᓚᐅᖅᐳᖅ ᐊᒃᓱᕈᒃᑲᓐᓂᖁᔭᐅᓪᓗᓂ ᓇᖕᒥᓂᕐᒥᓂᒃ, ᐊᔪᕈᓐᓃᖅᐹᓪᓕᖅᑎᑦᑎᓪᓗᓂ ᓲᕐᓗ ᑎᔅᓯᓈᕿᓂᕐᒥᒃ ᐊᒻᒪ ᐃᒃᐱᒍᓱᑦᑎᐊᕐᓂᕐᒥᒃ, ᓱᓕᓂᕐᒥᒃ ᐊᒻᒪ ᖃᐅᔨᓴᕐᓗᓂ ᑭᓱᓂᒃ ᓴᖅᑭᑦᑎᕙᖕᒪᖔᑦ ᓄᓇᕐᔪᐊᕐᒧᑦ. ᖃᐅᔨᒪᔪᖅ ᑕᒻᒪᖃᑦᑕᕐᓂᐊᕐᒪᑦ ᐊᒻᒪᓗ ᐃᓱᒪᒋᔪᓐᓇᐃᕆᐊᖃᖅᑐᓂᒋᑦ ᐊᒻᒪᓗ ᑲᔪᓯᓗᓂ. "ᑲᔪᓯᔪᓐᓇᖅᑐᖓ ᖃᓄᑎᒋ ᑕᒻᒪᖃᑦᑕᕐᒪᖔᕐᒪ, ᑭᓯᐊᓂ ᖃᐅᔨᓕᑕᐃᓐᓇᖅᑐᖓ ᑕᒪᒃᑯᐊ ᐃᓕᑦᑎᕙᓪᓕᐊᓂᑐᐃᓐᓇᐅᓂᖏᓐᓂᒃ. ᐃᓕᑉᓯᒪᔭᕗᑦ. ᐃᒃᓯᕚᕐᕕᒋᓗᐊᙱᓪᓗᒋᑦ. ᐃᓕᑉᐸᓪᓕᐊᔭᑎᑦ ᐱᓗᒋᑦ ᑕᒻᒪᖅᑕᕐᓂᑦ ᓯᕗᒻᒧᐊᒃᓗᑎᓪᓗ," ᖁᖓᖦᖢᓂ. 

"ᐃᓚᒋᔭᐅᔪᒍᑦ ᑖᔅᓱᒧᖓ ᓄᑖᒧᑦ ᐅᓂᒃᑳᕐᒧᑦ, ᑖᓐᓇ ᓄᑖᖅ ᐅᓂᒃᑳᖅ ᑭᓱᑐᐃᓐᓇᖅ ᐊᔪᕐᓇᙱᑐᐃᓐᓇᕆᐊᓕᒃ ᓄᓇᖃᖅᑳᖅᓯᒪᔪᓄᑦ ᓄᑕᖅᑲᓄᑦ." 

ᐅᖃᐅᑎᒍᓐᓇᕈᓂᐅᒃ ᓄᑲᖅᑎᐅᓂᕐᓴᖅ ᓇᒻᒥᓂᖅ ᓱᓇᑐᐃᓐᓇᕐᒥᒃ ᓱᓇᑐᐃᓐᓇᑦᓯᐊᖅ ᐊᔪᕐᓇᕋᔭᙱᑦᑐᖅ. ᐅᑉᐱᕈᓱᓚᐅᓐᖏᓚᖅ ᐱᕈᖅᓴᓂᕐᒥᒃ ᑕᑯᓚᐅᖏᓐᓇᒥᐅᒃ ᓯᓚᕐᔪᐊᕐᒥ. "ᑭᒡᒐᖅᑐᖅᑎᑕᖃᓚᐅᙱᑦᑐᖅ, ᐅᒃᐱᕈᓱᓚᐅᙱᑦᑐᖓ ᐊᔪᕐᓇᙱᑦᑑᓂᖓᓂᒃ ᐅᕙᓐᓄᑦ," ᐃᖅᑲᐅᒪᔪᖅ. ᑕᒪᓐᓇ ᐊᓯᔾᔨᕈᒪᒻᒪᒍ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᐊᒻᒪᓗ ᓱᒻᒪᑦ ᐊᖏᔪᒥᒃ ᓯᓐᓇᑦᑑᒪᖃᕐᒪᖔᖅ ᑦᓯᒃᐴᓐ ᕙᐅᑎᒥᒃ ᓄᓇᕐᔪᐊᕐᒧᑦ ᓇᓗᓇᐃᒃᑯᑕᐅᓕᕐᓗᓂ. ᐅᓄᖅᑐᓂᒃ ᓄᓇᖃᖅᑳᖅᓯᒪᔪᓂᒃ ᓇᖕᒥᓂᖃᕐᕕᐅᓪᓗᓂ ᑕᖅᑳᓂ, ᐃᒃᐱᒍᓱᒃᑐᖅ ᒪᒃᑯᒃᑐᑦ ᐅᓄᖅᑐᓂᒃ ᐱᕕᒃᓴᖃᖅᑐᑦ.  

ᓇᓕᒧᒌᒃᑎᓐᓇᓱᒃᓗᒍ, ᑎᒥᖓ ᐊᐅᓚᑎᓐᓇᓱᖃᑦᑕᖅᑕᖓ ᖃᐅᑕᒫᑦ, ᓯᓚᒦᓪᓗᓂ, ᑐᒃᓯᐊᕐᓂᒃᑯᑦ ᐃᓱᒪᒃᓴᖅᓯᐅᑦᑎᐊᕐᓂᒃᑯᓪᓗ. ᖁᕕᐊᒋᔭᓕᒃ ᐃᓚᒥᓂᒃ ᐱᖃᑎᖃᕆᐊᒃᓴᖅ ᓄᓇᒥᓄᓪᓗ ᐅᑎᕆᐊᒃᓴᖅ ᐊᑭᓕᖅᓱᖅᑕᐅᙱᖦᖢᓂ ᐱᓕᕆᖃᑦᑕᕐᓂᒃᑯᑦ. Hᐋᐳ ᐃᓅᓯᖃᑦᑎᐊᕋᓱᓲᖅ ᓂᕿᑦᑎᐊᕙᖕᓂᓪᓗ ᓂᕆᕙᒃᖢᓂ ᐃᒻᒥᓂᒃ ᑲᒪᒋᑦᑎᐊᕋᓱᒃᖢᓂ ᖃᓄᐃᓕᐅᖃᑦᑕᕐᓂᐊᕐᒪᑦ ᓄᓇᕐᔪᐊᕐᒥ. 

ᐱᔪᓐᓇᕐᓂᖃᙱᑐᐃᓐᓇᕆᐊᓕᒃ. ᐊᔪᖖᒋᓐᓂᖃᓚᐅᖖᒋᓚᖅ. ᑭᓯᐊᓂ ᖃᐅᑕᒫᑦ ᐃᖅᑯᒻᒪᐃᓐᓇᖃᑦᑕᖅᑐᖅ ᐊᕐᕌᒍᓄᑦ ᑕᓪᓕᒪᓄᑦ ᐊᒻᒪᓗ ᐱᓕᕆᕙᒃᖢᓂ ᑦᓯᒃᐴᓐ ᐱᐅᑎᒥᑦ, ᖃᐅᑕᒫᑦ ᐊᓪᓗᑲᑕᐃᓐᓇᖅᐸᒃᖢᓂ. ᔭᓐ Hᐋᐸ ᑕᑯᑎᑦᑎᓯᒪᔪᖅ ᒪᓕᑦᑎᐊᕐᓂᖅᓴᐅᓂᕐᓂᒃ, ᑕᑯᓂᐊᖅᑐᑎᑦ ᖃᓄᐃᓕᖓᔾᔪᑎᓂᒃ, ᖃᓄᑐᐃᓐᓇᖅ ᐱᓕᕆᐊᖃᕋᓗᐊᕈᕕᑦ ᐃᓅᓯᕐᓂ. ᓇᓗᓇᐃᖅᓯᓯᒪᕗᖅ ᖃᓄᐃᓐᖏᒃᑲᓗᐊᖅᐸᑦ, ᑕᐃᑲᓃᖏᓐᓇᕋᓗᐊᕈᕕᑦ ᐊᒻᒪ ᑕᑯᓂᐊᖅᑐᑎᑦ ᖃᓄᐃᑦᑐᖃᖅᑎᓪᓗᒍ... ᐱᐅᓂᖅᓴᒥᒡᓗ: ᖃᖅᖢᐊᙳᐊᒥᒃ ᐊᑐᕐᓗᑎᑦ ᓄᓇᓕᖕᓄᑦ ᐅᑎᕈᑕᐅᔪᓐᓇᖅᑐᒥᒃ!

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.