ᔪᐊᓯᒻ ᐹᓐᑐᕉ ᐃᓅᓚᐅᖅᓯᒪᔪᖅ ᓄᓇᑦᓯᐊᕐᒥ. ᐱᕈᖅᓴᓚᐅᖅᑐᖅ ᐊᕙᓗᔭᐅᓯᒪᓪᓗᓂ, ᐃᓕᓐᓂᐊᖅᑎᑕᐅᓪᓗᓂ ᐊᒻᒪ ᐃᓕᓐᓂᐊᖅᑎᑕᐅᓪᓗᓂ ᐃᓐᓇᖏᓐᓄᑦ ᐃᓕᖅᑯᓯᑐᖃᖅᑎᒍᑦ ᐊᖏᕐᕋᖏᓐᓂ, ᓯᓚᑖᓂ 13 ᐊᕐᕌᒍᐃᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᖅ. ᐃᓐᓇᑐᖃᐃᑦ ᑕᑯᓐᓇᐃᓐᓇᖃᑦᑕᓚᐅᖅᐳᑦ.

ᐊᖏᔪᑦᑎᐅᑎᓪᓗᒍ, ᐃᐊᑦᒪᓐᑕᓐᒧᑦ ᐃᓕᓐᓂᐊᕆᐊᖏᓐᓇᓚᐅᖅᑐᖅ, ᐃᖅᑲᓇᐃᔭᓕᖅᑐᓂ ᓄᓇᓕᐸᐅᔭᒥ ᐊᕐᕌᒍᒧᑦ. ᐊᖏᕐᕋᒧᑦ ᐅᖃᓗᒃᖢᓂ ᐅᑎᖅᖢᓂᓗ ᕗᐊᑦ 22−ᓂᒃ ᐅᑭᐅᖃᓕᖅᖢᓂ. ᓄᓇᒥᓄᑦ ᐅᑎᕋᒥ, ᐃᓕᖅᑯᓯᕐᒥᓄᑦ ᐅᑎᖅᖢᓂ ᐃᓕᖦᖢᓂᐅᒡᓗ ᖃᓄᖅ ᓇᑭᓪᓗ ᐊᖑᓇᓱᒋᐊᒃᓴᖅ ᐊᒃᑲᒥᓂᒃ.

ᑕᖅᑭᒧᑦ, ᖃᑦᑎᕆᔨᐅᓚᐅᖅᐳᖅ ᐊᒻᒪ ᓄᓇᒥ ᐃᖅᑲᓇᐃᔭᖅᑎᕈᖅᑐᓂ ᓄᓇᓕᓐᓂᑦ ᐱᕙᓪᓕᐊᑎᑦᑎᓂᕐᒧᑦ. ᓄᓇᓕᓐᓄᑦ ᐳᓚᕋᓚᐅᖅᑐᖅ ᑲᑎᒪᖃᑎᖃᕆᐊᖅᑐᖅᑐᓂ ᐊᒻᒪᓗ ᐃᓕᕝᕕᒋᔭᖅᑐᖅᑐᓂᒋᑦ, ᖃᐅᔨᓴᖅᑐᓂ ᐊᖏᖃᑎᒌᒍᑎᓂᒃ 11-ᓂᒃ ᓄᓇᕗᒻᒥ. 30-ᓂᒃ 40-ᓄᑦ ᐊᕐᕌᒍᓄᑦ, ᐃᖅᑲᓇᐃᔭᓚᐅᖅᑐᖅ ᓄᓇᓕᖓᓄᑦ, ᓂᔾᔭᐅᓯᔭᖅᑎᓄᑦ ᐊᒻᒪᓗ ᐊᕕᑦᑐᖅᓯᒪᔪᓄᑦ, ᑲᑎᒪᔨᐅᓪᓗᓂ.

ᐃᖅᑲᓇᐃᔭᓚᐅᖅᑐᖅ ᒪᑲᓐᔨ ᕚᓕᒥ ᓱᓪᓗᓕᒃᑯᑦ ᖃᐅᔨᒋᐊᕐᓂᕐᒥᑦ, ᐅᖃᐅᓯᖃᖅᑐᖅ "ᐱᐅᓂᖅᐹᒥᑦ ᐃᓕᓐᓂᐊᕐᓂᕐᒧᑦ ᐱᓕᕆᔾᔪᑎᓂᑦ... ᑭᖑᕚᓐᓄᑦ, ᐃᓕᑦᑎᓚᐅᕋᑦᑕ ᖃᓄᖅ ᐅᖃᕆᐊᒃᓴᖅ ᐱᔾᔪᑎᑦᑎᓐᓂᒃ, ᖃᓄᑎᒋᓗ ᐱᓕᕆᔭᕆᐊᖃᕐᓂᑦᑎᓐᓂᒃ ᖃᓄᕐᓗ ᑕᑎᖃᖅᑎᒋᖕᒪᖔᑦᑕ ᓄᓇᒥ, ᐃᒫᓂ, ᐊᒻᒪ ᓂᕐᔪᑎᓂ ᖃᓄᕐᓗ, ᖃᓄᑎᒋ ᑕᑎᖃᖅᑎᒋᓚᐅᕐᒪᖔᑦᑕ ᐃᓐᓇᕐᓂᒃ ᐱᐅᓯᑐᖃᑦᑎᓐᓄᑦ, ᐃᓕᑦᑎᕚᓪᓕᕐᓗᑕᓗ ᐅᕙᑦᑎᓐᓂᒃ ᐃᓕᖅᑯᓯᑦᑎᓐᓂ ᑭᓱᓂᒡᓗ ᐱᒻᒪᕆᐅᒋᔭᖃᕐᒪᖔᑦᑕ."

"ᐃᓐᓇᑐᖃᐃᑦ ᐅᖃᐃᓐᓇᐅᔭᖅᑐᑦ,' ᐃᓕᓐᓂᐊᑦᑎᐊᓲᑦ, ᐅᑎᓕᖅᐸᒃᖢᑎᒃ ᐅᕙᑦᑎᓐᓄᑦ... ᑕᐃᒪᐃᓚᐅᖅᑐᖓ. 17-ᓂᒃ ᐊᕐᕌᒍᓂᒃ ᓯᕗᓕᖅᑎᐅᑦᑎᐊᓚᐅᖅᑐᖓ ᓄᓇᓕᓐᓂ. ᐃᓕᓐᓂᐊᖅᑎᑦᑎᖃᑦᑕᓚᐅᖅᑐᒍᑦ ᐃᓛᓐᓂᒃᑯᑦ ᐅᓪᓗᕐᓂᒃ ᐅᓪᓗᕐᓂᒃ ᐊᒻᒪ ᐅᓪᓗᕐᓂᒃ ᓇᖕᒥᓂᖅ ᒐᕙᒪᖃᕐᓂᕐᒥᒃ, ᐱᔪᓐᓇᕐᓂᖅᑖᖅᐸᓪᓕᐊᓂᕐᒥᒃ, ᐊᒻᒪ ᐱᓕᒻᒪᒃᓴᕐᓂᕐᒥᒃ. ᐅᓪᓗᖅ ᐊᓂᒍᖅᑎᓪᓗᒍ, ᐅᖃᐃᓐᓇᖃᑦᑕᓚᐅᖅᑐᒍᑦ, 'ᑕᒪᓐᓇ ᐱᓕᕆᐊᕆᕙᕗᑦ ᓄᑕᖅᑲᑦ ᑭᒡᒐᖅᑐᖅᖢᒋᑦ. ᑕᐃᒪᐃᓕᐅᕐᒥᔪᒍᑦ ᑭᒡᒐᖅᑐᕐᖢᑎᒍᑦ ᒪᒃᑯᒃᑐᑦ ᐊᓪᓚᑦ ᓱᓕ ᐃᓅᙱᑦᑐᑦ," ᑲᔪᓯᔪᖅ.

ᐃᖅᑲᐅᒪᔪᖅ ᐃᓅᓱᒃᑑᑎᓪᓗᒍ ᐊᒻᒪᓗ ᐊᑐᕆᐊᑯᑖᒃ ᓄᓇᓕᖓᓐᓄᑦ ᐅᖓᕙᕆᐊᖅᑕᐅᓚᐅᖅᓯᒪᒻᒪᑦ, ᑎᑭᑎᑦᑎᓪᓗᓂ ᐊᒥᓲᓂᖅᓴᓂᒃ ᐃᓄᓐᓂᒃ ᓄᓇᑖᕋᔭᖅᑐᓂᒃ ᓄᓇᕗᒻᒥ, ᓴᖅᑮᓪᓗᓂ ᓄᑖᓂᒃ ᐃᓅᓯᓕᕆᓂᕐᒧᑦ ᐊᑲᐅᖏᓕᐅᕈᑎᓂᒃ ᐅᓪᓗᒥᒧᑦ ᓱᓕ. "ᐃᓱᒪᒋᔭᕋ ᐃᓚᒌᑦ ᓱᓕ ᓱᖏᐅᑎᔪᑦ, ᐱᓗᐊᖅᑐᒥᒃ. ᓄᓇᖃᕐᓂᖅ ᖃᓂᑦᑐᓂ ᐃᓚᒋᔭᐅᓪᓚᕆᓚᐅᖅᓯᒪᙱᑦᑐᖅ ᐃᓕᖅᑯᓯᑦᑎᓐᓄᑦ... ᓇᒻᒥᓂᖅ ᒐᕙᒪᑖᕈᒪᒐᓗᐊᖅᑎᓪᓗᑕ, ᐊᑦᑕᑎᖃᙱᓪᓗᑕ, ᓱᓕ ᒪᑭᒪᒐᓱᐊᕆᐊᖃᖅᐳᒍᑦ ᐊᒻᒪ ᐃᓕᖅᑯᓯᑐᖃᕗᑦ ᓴᙱᔫᖁᓪᓗᒍ. ᓱᓕ ᐅᐸᒍᑎᔭᕆᐊᖃᖅᐳᒍᑦ ᐃᓚᖏᓐᓄᑦ ᐃᓅᖃᑎᒌᓄᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓄᑦ ᓄᓇᑦᑎᓐᓂ, ᐊᓯᖏᑎᑐᑦ ᐃᖅᑭᓕᓂᕐᒥᐅᑦ, ᑕᐃᒪᐃᓐᓂᖓᓄᓪᓗ ᐆᒻᒪᕆᒃᑐᒻᒪᕆᐊᓗᖕᒥᒃ ᐱᔭᕆᐊᖃᖅᐳᒍᑦ, ᑕᐅᑐᒐᖃᕐᓂᖅᓴᐅᓗᑕ," ᑕᐃᒪᓐᓇ ᐊᒃᑐᐊᓂᖃᖅᐳᖅ.

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᕿᒪᐃᔪᒪᓂᕐᒥᒃ ᓄᓇᒥᓂᒃ ᐊᔪᕈᓐᓃᖅᓴᕆᐊᖅᑐᕐᓗᓂ ᐃᓕᓐᓂᐊᕐᕕᖕᓂᓗ ᑖᓐᓇᑦᑕᐃᓐᓇᖅ ᑕᓯᐅᖅᓯᔾᔪᑕᐅᕙᒃᐳᖅ ᓇᖕᒥᓂᖅ, ᕿᒪᒃᓯᔪᒪᓪᓗᓂ, ᐃᓕᑦᑎᔪᒪᓪᓗᓂ ᐅᑎᕐᓗᓂᓗ.  "ᐅᕙᑦᑎᓐᓄᑦ ᐅᑎᕆᐊᖃᖅᐳᒍᑦ ᐃᑲᔪᕆᐊᖅᑐᕐᓗᑎᑦ ᓄᓇᑦᑎᓐᓂ, ᐃᓚᑦᑎᓐᓄᑦ ᐊᓯᖏᓐᓄᓪᓗ," ᑐᓴᖅᑎᑦᑎᕗᖅ. ᐊᖏᕐᕋᕋᒥ, ᑕᐸᐃᓚᐅᖅᑐᖅ ᖃᓄᖅ ᐃᓕᖅᑯᓯᖓᑦ ᐊᒃᑐᖅᑕᐅᕐᔪᐊᖅᓯᒪᖕᒪᖔᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ. ᒪᒥᓴᕋᓱᓚᐅᖅᑐᖅ ᒪᒥᓴᕈᒪᓪᓗᓂᓗ ᐃᒥᖃᑦᑕᕐᓂᕐᒥᓄᑦ ᐋᖓᔮᕐᓇᖅᑐᖅᑐᖃᑦᑕᕐᓂᕐᒧᓪᓗ. ᐅᑭᐅᓂᒃ ᖁᓕᓂᒃ ᓱᓐᓂᐅᒪᑎᓪᓗᒍ, ᕿᓚᐅᑎᒥᒃ ᐊᐃᒃᓯᓚᐅᖅᑐᖅ.

ᐱᓂᖅᓴᐅᒍᓂ, ᑐᒃᓯᐊᖅᖢᓂ ᐊᒻᒪ ᕿᓚᐅᔾᔭᖅᖢᓂ, ᐃᙱᕐᓂᖅᓴᐅᕙᓚᐅᖅᑐᖅ ᐊᑖᑕᑦᑎᐊᖓᑕ ᐃᙱᖃᑦᑕᓚᐅᖅᑕᖓᓄᑦ ᐅᑎᖅᖢᓂ, ᐊᒻᒪᓗ ᐃᓕᑕᖏᑦ ᐃᓐᓇᕐᓂᙶᖅᑐᑦ. ᐅᖃᐅᑎᓚᐅᖅᐹᖓ, "ᓄᓇᒃᑯᑐᐊᖅ, ᐊᓪᓚᐃᑦ ᐃᓕᖅᑯᓯᖏᑎᒍᑦ, ᓴᖅᑮᓚᐅᖅᓯᒪᓂᐊᖅᐱᑖ ᓯᕗᓂᑦᑎᐊᕙᒻᒥᑦ. ᓲᖃᐃᒻᒪ, ᖃᓪᓗᓈᑎᑐᑦ ᐱᑕᖃᕐᓂᐊᖅᑐᒍᑦ, ᐃᓕᓐᓂᐊᕐᓂᖃᕐᓂᐊᖅᑐᒍᑦ ᑭᓯᐊᓂ ᓴᙱᔪᒻᒪᕆᐊᓗᖕᒥᒃ ᐊᓪᓚᐃᑦ ᐃᓕᖅᑯᓯᖓᓐᓂᒃ ᐃᓗᓕᖃᕐᓂᐊᖅᑐᒍᑦ ᐃᓅᓯᑦᑎᓐᓂ ᓯᕗᓂᒃᓴᑦᑎᓐᓄᑦ ᐱᕈᖅᐸᓪᓕᐊᖁᓪᓗᒍ."

ᐅᖃᕈᓐᓇᕈᓂ ᒪᒃᑯᖕᓂᖅᓴᓄᑦ ᓇᒻᒥᓂᖅ ᐅᐱᒍᓲᑎᖃᕋᔭᕐᑐᖅ ᐊᓪᓚᖑᓂᕐᒥᒃ. ᑕᑯᓪᓗᓂ ᐅᐱᒍᓱᓐᓂᕐᒥᑦ ᒪᒃᑯᑦᑐᓂᑦ ᐊᓇᕐᓂᑦ ᐊᑐᖅᓱᑎᒃ ᐃᓕᖅᑯᓯᕐᒥᓂᑦ ᖁᕕᐊᓱᑦᑎᑦᓯᓯᒪᔪᖅ ᑲᔪᖏᖅᓴᐃᑦᓱᓂᓗ ᑕᑯᓐᓇᙳᐊᕐᓂᕐᒥᑦ ᖃᓄᐃᒃᑲᔭᕐᒪᖔᑦ ᐊᐅᓚᑦᓯᓂᕐᒥᑦ ᐃᓕᖅᑯᓯᕐᒥᑦ ᑐᓴᐅᒪᖃᑦᑕᐅᑎᓂᕐᒥᑦ ᓄᓇᓕᓐᓂᑦ. "ᑲᔪᓯᙱᒃᑯᑦᑎᒍᑦ, ᓄᒫᓱᒻᒪᕆᖕᓂᐊᖅᑐᖅ ᖁᕕᐊᓇᙱᕐᔪᐊᕐᓗᓂᓗ... ᐊᔭᐅᖅᓯᒋᐊᒃᑲᓐᓂᕆᐊᖃᖅᑰᖅᑐᒍᑦ ᒪᒃᑯᑦᑐᓄᑦ.. ᐱᓕᕆᔾᔪᑎᓄᑦ. ᓂᐱᓕᐅᕆᔪᓐᓇᖅᑕᓕᒫᑎᑦ ᓂᐱᓕᐅᕐᓗᒋᑦ, ᓲᖃᐃᒻᒪ ᐊᑐᓂ ᐃᙱᐅᓰᑦ ᐅᓂᒃᑳᒃᓴᖃᕐᒪᑕ ᐊᒻᒪ ᓴᓇᑐᐃᓐᓇᕐᓂᐊᖅᖢᑎᒃ ᐃᓄᖕᓂᒃ ᐊᐱᕆᔪᓐᓇᕈᑦᑕ ᐃᑲᔪᕈᓐᓇᕐᒪᖔᑕ ᐅᓄᖅᑐᓂᒃ ᐃᙱᐅᑎᓂᒃ ᐃᙱᐅᑎᓂᒃ ᕿᓚᒻᒥᐅᓂᖅᐹᒃᑯᑦ," ᓯᓐᓇᒃᑑᒪᔪᖅ ᓂᐱᖅᑯᖅᑐᓗᓂ.

ᑕᑯᔪᖅ ᖃᓄᖅ ᓴᙱᓂᖃᕐᓂᖓ ᓄᓇᓕᖓᑕ ᑕᐃᒪᐃᒍᓐᓇᕐᓂᖓᓂᒃ. "Fort providence−ᒥ, ᐅᖃᐅᓯᐅᖏᓐᓇᐅᔭᖅᐳᒍᑦ ᐃᙱᖅᑎᐅᔪᓐᓇᕐᓂᑦᑎᓐᓂᒃ. ᐱᑕᖃᕋᑦᑕ ᓂᔾᔭᐅᑎᓂᑦ, ᐃᓐᖏᒐᕐᓂᑦ ᐱᓯᒪᑦᑎᔨᖃᖅᑯᒍᑦ. ᐃᓄᐃᑦ ᑕᕝᕙᓂ ᓄᓇᓕᖕᓂ ᓱᓕ ᐅᓂᒃᑳᒃᓴᖃᖅᐳᑦ, ᐊᒻᒪ ... ᐃᙱᐅᑎᑦ. ᒥᖦᖤᙱᓴᕐᓂᖅ ᐅᑎᖅᑎᓐᓇᓱᒡᓗᒍ ᐱᓗᒍᓗ," Bonnetrouge muses.

ᓄᖅᑲᐅᓯᕐᓗᖓ, ᐅᖃᐅᓯᖃᖅᑐᖅ, "ᐅᕙᒍᑦ, ᐃᖅᑭᓕᐅᑉ ᓄᓇᓕᖁᑎᖓᑎᑐᑦ, ᐊᔭᐅᖅᑕᐅᔭᕆᐊᖃᒻᒪᕆᒃᑲᑦᑕ ᐊᒻᒪᓗ ᑐᒃᓯᐊᕆᐊᖃᒻᒪᕆᒃᑲᑦᑕ ᐊᒻᒪᓗ ᐃᖅᑲᐃᑎᑦᑎᓗᑕ ᑕᐃᒪᐃᓕᐅᕋᑦᑕ ᐊᒻᒪᓗ ᐃᓄᐃᑦ ᑕᐃᒪᐃᓕᐅᖅᑐᑎᒃ ᐊᒻᒪᓗ ᓱᕈᓯᕐᓄᑦ ᑐᕌᖓᓪᓗᑎᒃ."

ᐃᓅᓂᑰᓪᓗᓂ ᐱᕈᖅᓴᓂᑰᓪᓗᓂᓗ ᓄᓇᑦᑎᐊᒥ ᐊᕙᓗᔭᐅᓯᒪᓪᓗᓂ ᐃᓐᓇᕐᓄᑦ, ᔪᐊᓯᒻ ᐹᓐᑐᕉ ᖃᐅᔨᒪᕗᖅ ᖃᓄᖅ ᐊᓯᔾᔨᖅᐸᖕᓂᖓᓂᒃ ᑕᒪᒃᑯᐊ ᐊᕐᕌᒍᖃᑎᒌᙱᑦᑐᓄᑦ ᐃᑲᔪᖅᑐᖅᑕᐅᓂᖅ ᐊᑐᖅᑕᐅᔪᓐᓇᕐᒪᖔᑦ. ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᓪᓗᖓ, ᖃᐅᔨᒪᔪᖅ ᖃᓄᑎᒋ ᐱᔭᕆᐊᑐᑎᒋᒻᒪᖔᖅ ᑎᒍᔭᐅᑎᓪᓗᒍ. ᒫᓐᓇ ᐱᓕᕆᓕᖅᑐᖅ ᐃᑲᔪᕈᓐᓇᖅᑕᒥᓂᒃ ᖃᐅᔨᒪᔭᒥᓂᒃ ᐊᓂᒍᐃᑎᑦᑎᓪᓗᓂ ᒪᒃᑯᒃᑐᑦ ᐃᑲᔪᖅᑐᖅᑕᐅᔪᓐᓇᕐᓂᐊᕐᒪᑕ ᐊᒻᒪ ᑕᑯᔪᓐᓇᖅᓯᓪᓗᓂᐅᒃ ᐊᓪᓚᖏᑦ ᐃᓕᖅᑯᓯᖏᑦ ᑲᔪᓯᑎᓪᓗᒋᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.