ᐱᒋᐊᓚᐅᖅᑐᖅ ᒪᕐᕉᖕᓂᒃ ᐃᒡᓗᒌᖕᓂᒃ ᑲᑎᙵᓪᓗᑎᒃ ᐊᒻᒪᓗ ᑕᑯᒥᓇᖅᓯᓪᓗᑎᒃ. ᔪᐃ ᑯᒪᒃᔪᐊᖅ ᐊᕐᕕᐊᕐᒥᐅᑕᖅ, ᓄᓇᕗᒻᒥ ᐊᒻᒪᓗ ᐱᙳᐊᖅᑐᓂ ᐃᓄᐃᑦ ᐱᓐᖑᐊᕈᓯᖏᓐᓂᒃ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᓐᖑᐊᕕᔾᔪᐊᖅᑐᓂ. ᐱᓂᑭᓴᐅᑎᖃᑕᐅᕗᖅ ᐃᓕᒌᓄᑦ ᓄᓇᕗᒻᒧᑦ ᐊᒻᒪ ᑭᒡᒐᖅᑐᐃᓪᓗᓂ ᓄᓇᓕᖓᓐᓂᑦ.

ᑯᒪᒃᔪᐊᖅ ᐱᙳᐊᖃᑦᑕᓕᓚᐅᖅᑐᖅ ᐅᑭᐅᖃᖅᖢᓂ 15-ᓂᒃ ᑕᐅᑐᓚᐅᖅᑎᓪᓗᒍ ᐃᓪᓗᖓ ᑭᐊᕕᓐ ᐱᙳᐊᖅᑎᓪᓗᒍ. ᐊᓕᐊᓇᐃᒋᓛᖏᑦ ᐱᙳᐊᕈᓰᑦ ᐊᓛᔅᑲᒥ ᖁᑦᑎᒃᑐᖅ ᐊᕿᓯᓂᖅ, ᐃᓯᒐᐃᑦ, ᕿᔪᖕᒧᑦ ᕿᒡᒋᖅᑕᕐᓂᖅ, ᓰᖅᑯᒃᑯᑦ ᕿᒡᒋᕐᓂᖅ, ᐊᒻᒪ ᑲᑭᐊᒃ. ᐊᑕᐅᑦᑎᒃᑯᓪᓗ, ᖁᕕᐊᒋᔭᖃᖅᑐᖅ ᐱᙳᐊᕐᓂᓕᒫᓂᑦ ᓇᒻᒥᓂᖅ.

ᐃᓚᖓᑦ ᐊᒃᓱᕈᕈᑎᒋᕙᑦᑕᖓ ᐊᔪᕈᓐᓃᖅᓴᓗᐊᖃᑦᑕᖏᒻᒪᑦ. ᐊᑭᑦᑐᕋᐅᑎᔪᖃᕐᓂᐊᓕᕋᐃᒻᒪᑦ, ᑯᒪᔾᔪᐊᖅ ᓂᐊᖂᔭᖅ ᐊᖏᕐᕋᒧᑦ ᐸᕐᓇᑦᑐᓂ ᓯᕗᓂᐊᒍ. ᐱᓕᒻᒪᒃᓴᕈᒪᙱᑉᐸᑦ, ᐊᓂᑲᑕᐃᓐᓇᓲᖅ, ᐃᓱᒪᒥᓂᒃ ᐲᖅᖢᓂ ᐊᒻᒪ ᐱᓕᕆᒃᑲᓐᓂᖅᖢᓂ ᐱᑐᐃᓐᓇᕆᐊᖃᓕᕐᓂᐊᕐᒪᑦ ᑭᖑᓪᓕᕐᒥ ᐊᑭᑦᑐᕋᐅᑎᔪᓄᑦ.

ᒫᓐᓇᕋᑖᖅ, ᐃᓕᓴᐃᖃᑦᑕᖅᓯᒪᔪᖅ ᐃᓅᓱᒃᑐᓂᒃ ᓄᓇᓕᖓᓂ ᖃᓄᖅ ᐃᓄᐃᑦ ᐱᓐᖑᐊᕈᓯᖏᓐᓂᒃ ᐱᓐᖑᐊᕐᓂᕐᒥᒃ. ᑯᒪᒃᔪᐊᖅ ᖁᕕᐊᓇᖅᑐᒥᑦ ᐱᕕᖃᓕᓚᐅᖅᑐᖅ ᐃᓕᓐᓂᐊᕐᕕᒃ ᖃᐅᔨᒋᐊᕐᒪᑦ ᖃᐃᖅᑯᓯᒪᑦᓱᓂᐅᓪᓗ ᐅᖃᐅᓯᖃᖁᔨᑦᓱᓂ ᐊᔪᙱᓐᓂᖏᓐᓂᑦ ᐃᓕᓐᓂᐊᖅᑎᖁᑎᖏᓐᓄᑦ. ᓯᕗᓪᓕᕐᒥ, ᖁᒃᓴᓱᓚᐅᖅᑐᖅ ᐊᒻᒪ ᑲᙳᓱᒃᖢᓂ ᑭᓯᐊᓂ ᐅᓪᓗᐃᑦ ᖃᔅᓯᐊᕐᔪᐃᑦ ᐊᓂᒍᖅᑎᓪᓗᒋᑦ, ᐃᓕᓴᐃᖃᑦᑕᓚᐅᖅᓯᒪᔪᖅ ᐊᒻᒪ ᑲᙳᓱᒍᓐᓃᖅᖢᓂ ᐅᓂᒃᑳᖅᑎᓪᓗᒍ.

ᐃᓕᓴᐃᑎᓪᓗᒍ ᐃᓕᓐᓂᐊᕐᕕᒻᒥ, ᑯᒪᔪᐊᖅ ᐱᓕᕆᖃᑎᖃᓚᐅᖅᑐᖅ ᐃᓕᓐᓂᐊᖅᑎᓂᒃ ᒍᕋᐃᑦ 9-ᒥᑦ 11-ᒧᑦ. ᑭᒃᑯᓕᒫᑦ ᐃᓚᐅᓚᐅᙱᑦᑐᑦ ᑭᓯᐊᓂ ᐃᓚᖏᑦ ᖁᕕᐊᓱᖃᑕᐅᓚᐅᖅᐳᑦ. ᐃᓕᓐᓂᐊᖅᑏᑦ ᖁᕕᐊᒋᔭᖃᓚᐅᖅᑐᑦ ᐊᒻᒪᓗ ᑲᔪᓯᓪᓗᑎᒃ ᐃᓄᐃᑦ ᐱᙳᐊᕈᓯᖏᓐᓂᒃ ᐃᓕᓐᓂᐊᖃᑎᒌᑦᑐᑎᒃ ᐃᓱᓕᒐᓱᐊᕐᓂᖓᓂ ᐃᓕᓐᓂᐊᕐᓇᐅᑉ ᐊᕐᕌᒍᖓ. ᓂᕆᐅᒃᑐᖅ ᐃᓕᓴᐃᒃᑲᓐᓂᕈᓐᓇᓛᕐᓂᕐᒥᓂᒃ ᖁᕕᐊᒋᓪᓚᕆᓚᐅᕐᒪᒍ.

ᐅᖃᐅᔾᔪᐃᓂᖓ ᐊᓯᖏᓐᓄᑦ ᐃᓄᖕᓄᑦ ᐱᙳᐊᖅᑎᓄᑦ ᐱᒋᐊᓕᑕᐃᓐᓇᕐᓗᑎᒃ ᐱᙳᐊᖅᑎᓂᒃ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓇᒧᑦ ᐃᓐᓇᐅᓂᖅᓴᐅᓕᖅᐸᑕ, "ᐊᔪᕈᓐᓃᖅᓴᖃᑦᑕᕆᑦ, ᐃᖃᐃᓕᓴᕐᓗᑎᑦ ᐊᒻᒪ ᓂᕿᑦᑎᐊᕙᖕᓂ ᓂᕆᑦᑎᐊᖅᐸᒡᓗᑎᑦ. ᓴᐱᓕᖅᑕᐃᓕᒋᑦ. ᖃᐅᑕᒫᑦ ᐊᔪᕈᓐᓃᖅᓴᐃᓐᓇᕐᓗᑎᑦ, ᖃᐅᑕᒫᑦ. ᐳᐃᒍᖅᑕᐃᓕᒋᑦ ᑕᓯᓯᔭᕆᐊᒃᓴᖅ."

ᓱᓕ ᖃᓄᐃᑦᑐᓐᓃᖅᐸᓪᓕᐊᑎᓪᓗᒍ ᐋᓐᓂᓚᐅᖅᑎᓪᓗᒍ, ᑯᒪᒡᔪᐊᖅ ᐊᖏᔪᒥᒃ ᑐᕌᒐᖃᖅᐳᖅ ᐅᑭᐅᖅᑕᖅᑐᒥ ᐱᙳᐊᕕᒡᔪᐊᕐᓇᒧᑦ ᐊᕐᕌᒍ. ᐊᔪᕈᓐᓃᖅᓴᖅᐸᓪᓕᐊᓂᐊᖅᑐᖅ ᐊᒻᒪᓗ ᐱᓕᕆᓗᓂ ᓂᕆᐅᓪᓗᓂ ᑎᑭᐅᑎᓂᕐᒧᑦ ᓇᖕᒥᓂᖅ ᑎᑎᖅᑲᖁᑎᖏᓐᓄᑦ ᐊᑐᓂ ᐱᙳᐊᕐᓂᐅᔪᓄᑦ. ᓵᓚᒃᓴᕈᒪᔪᖅ ᐅᐊᐃᑦᕼᐅᐊᔅᒥ.

ᐃᓚᒥᓄᑦ, ᓇᓂᓯᓚᐅᕐᒪᑦ ᐱᙳᐊᕐᓂᕐᒥᒃ ᖁᕕᐊᒋᔭᒥᓂᒃ ᐊᒻᒪᓗ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᓐᖑᐊᕕᔾᔪᐊᕐᓂᕐᒧᑦ. ᖃᐅᔨᒪᔭᒥᓂᒃ ᐅᖃᐅᓯᖃᖅᑐᓂ ᓄᓇᓕᒻᒥᓂᒃ, ᐱᕈᖅᐸᓪᓕᐊᑎᑦᑎᕗᖅ ᐃᓄᐃᑦ ᐱᓐᖑᐊᕈᓯᖏᓐᓂᑦ ᓵᓚᔅᓴᕋᓱᐊᖅᑐᓂᒃ ᓯᕗᓂᔅᓴᖅᑎᓐᓄᑦ ᐊᒻᒪ ᓴᖅᑭᔮᖅᑎᑦᑎᓪᓗᓂ ᒪᒃᑯᑦᑐᓂᒃ ᖃᓄᖅ ᐊᔪᕐᓇᓐᖏᒻᒪᖔᖅ ᐊᔅᓱᕈᖅᑐᑎᒃ ᐃᖅᑲᓇᐃᔭᖅᐸᑉᐸᑕ. ᐅᑎᕐᓗᓂ ᐋᓐᓂᕐᓂᕐᒧᑦ, ᓂᕆᐅᖕᓂᖃᑦᑎᐊᕐᖢᓂ ᑭᓱᓂᒃ ᐱᔪᖃᕐᓂᐊᕐᒪᖔᑦ ᑭᖑᓪᓕᕐᒥ ᓵᓚᖃᕋᓲᑎᒧᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.