ᔪᓖᓐ ᒥᑦᑕᓐ ᐱᒋᐊᖅᑎᑦᑎᔨᐅᕗᖅ ᕚᓐᑰᕙᒥ ᓄᓇᖃᖅᑳᖅᓯᒪᔪᑦ ᐊᓐᓄᕌᖏᓐᓄᑦ ᐱᓇᓱᐊᕈᓯᖓᓂ. ᓇᓗᓇᐃᖅᑕᐅᓪᓗᓂ Plains Cree−ᖑᓂᖓᓂᒃ Sawridge Nation−ᑯᓐᓂ ᐋᓪᐴᑕᒥ, ᔫᓖᓐ ᐃᓅᓚᐅᖅᓯᒪᕗᖅ ᐱᕈᖅᓴᓪᓗᓂᓗ ᕚᓐᑰᕙᒥ, ᐳᕆᑎᔅ ᑲᓚᒻᐱᐊᒥ.

ᓱᕈᓯᐅᓪᓗᓂ, ᔪᓖᓐ ᐸᓖᓯᐅᔪᒪᓚᐅᖅᑐᖅ ᐊᒻᒪᓗ ᐹᔅᑲᑦᐹᖅᑎᐅᓪᓗᓂ, ᑭᓯᐊᓂᓕ ᐊᐅᓪᓚᕈᓐᓇᓚᐅᖅᑐᖅ ᑕᐃᐅᐊᓐᒧᑦ ᐊᓐᓄᕌᓕᐅᕆᐊᖅᑐᖅᑐᓂ 15-ᓂᒃ ᐅᑭᐅᖃᑐᐃᓐᓇᖅᑎᓪᓗᒍ ᐊᔾᔨᒋᙱᑕᖓᓂᒃ ᐊᑐᓚᐅᖅᑐᖅ. ᐊᕐᕌᒍᓄᑦ 8-ᓄᑦ ᐃᖅᑲᓇᐃᔭᓚᐅᖅᓯᒪᔪᖅ ᓄᓇᕐᔪᐊᕐᒥ ᑲᔾᔮᓇᖅᑐᒥᒃ ᐊᒻᒪᓗ ᐊᓐᓄᕌᑦᑎᐊᖅᓯᒪᓪᓗᓂ.

ᐊᒻᒪᓗ ᖁᕕᐊᓇᒻᒪᕆᓚᐅᖅᑐᖅ ᖃᐅᔨᕋᑖᕐᓂᑰᓪᓗᓂ, ᐊᑦᓱᕈᕐᓇᑐᒃᑰᕈᑕᐅᓚᐅᖅᑐᖅ. "ᐊᑐᖅᑕᐅᔪᓐᓇᖅᑐᖅ ᓲᕐᓗ ᑭᓇᐅᖕᒪᖔᖅᐱᑦ ᓇᓗᓇᐃᒃᑯᑕᖃᙱᖦᖢᓂ ᓲᖃᐃᒻᒪ ᑎᑎᕋᕐᕕᐅᓯᒪᙱᖦᖢᑎᑦ ᑖᒃᑯᓄᖓ ᐊᔾᔨᒌᙱᑦᑐᓄᑦ ᑲᒪᒋᔭᐅᔪᓄᑦ." ᑕᐃᒪᐃᒻᒪᑦ, ᔪᓖᓐ ᑲᓇᑕᒧᑦ ᐅᑎᕐᒪᑦ, ᐃᓱᒪᓚᐅᖅᑐᖅ ᑲᓲᑎᒃᑲᓐᓂᕆᐊᖃᕋᓱᒋᓪᓗᓂᐅᒃ ᐱᒋᐊᕐᕕᒋᓚᐅᖅᑕᒥᓄᑦ.

ᔪᓖᓐ ᐊᑭᓕᖅᓱᖅᑕᐅᙱᖦᖢᓂ ᐱᓕᕆᓯᒋᐊᓚᐅᖅᐳᖅ (ᑭᖑᓂᐊᒍᓪᓗ, ᐱᓕᕆᖃᑎᖃᖅᖢᓂ Pacific Association of First Nations−ᑯᓐᓂ ᐊᕐᓇᓄᑦ, ᐊᒻᒪ Urban Butterflies Programme. ᑕᕝᕘᓇ ᐱᓕᕆᐊᒃᓴᑎᒍᑦ, ᐃᖅᑭᓖᑦ ᐊᒻᒪ ᐊᓪᓚᖓᔪᑦ ᐊᕐᓇᐃᑦ ᐅᑭᐅᓖᑦ 7-ᒥᑦ 14-ᒧᑦ ᒫᓐᓇ ᑎᒍᐊᙳᐊᕆᔭᐅᔪᑦ ᑲᑎᖃᑦᑕᖅᐳᑦ ᖃᐅᔨᓇᓱᒃᖢᑎᒃ ᐃᓕᖅᑯᓯᕐᒥᓂᒃ, ᐅᒃᐱᕐᓂᖏᑦ, ᐊᒻᒪ ᐃᒃᐱᒋᔭᖏᑦ ᐊᒃᓱᕈᕐᓇᕐᓂᖏᑦ ᐊᕕᒃᓯᒪᑎᑕᐅᓪᓗᑎᒃ ᐃᓚᒥᓂᑦ. ᑖᒃᑯᐊ ᐊᕐᓇᐃᑦ ᔪᓖᓐᒥᒃ ᑐᓂᓯᓚᐅᖅᑐᑦ ᐊᔾᔨᒋᙱᑕᖓᓂᒃ. "ᓄᑕᖅᑲᑦ ᑲᒪᓇᖅᑐᒻᒪᕆᐅᓚᐅᖅᐳᑦ ᐊᒻᒪ ᓰᕐᓇᑦᑎᐊᓚᐅᖅᐳᑦ. ᐃᓱᒪᓚᐅᖅᑐᖓᓕ ᐱᑕᖃᙱᓐᓂᐅᔪᒥᑦ ᓲᖃᐃᒻᒪ ᐃᔾᔪᐊᒐᒃᓴᓕᐅᕐᓂᖅ ᐊᒻᒪᓗ ᓄᓇᕐᔪᐊᓕᒫᖅ ᐃᒃᑲᑦᑐᑯᓘᖕᒪᑦ."

ᐊᕐᓇᐃᑦ ᔪᓖᓐᒥᒃ ᐃᓱᒪᒋᐊᒃᑲᓐᓂᖁᔨᓚᐅᖅᐳᑦ ᐊᓐᓄᕌᓕᐅᕐᓂᕐᒥᒃ. "ᐊᒥᓱᑦ ᑖᒃᑯᐊ ᓄᑕᖅᑲᑦ ᖃᑕᙳᑎᖃᕐᒪᑕ ᐃᖅᑭᓕᒥᐅᙱᑦᑐᓂᒃ... ᕿᓂᖁᑐᐃᓐᓇᕋᑖᖅᑕᒃᑲ ᑭᓇᒧᒃᑭᐊᖅ ᑕᐅᑐᖅᑰᔨᔪᓄᑦ ᑖᒃᑯᐊᖑᙱᖔᖅᑐᑦ ᑕᖅᑐᖏᑦ ᐱᔾᔪᑎᖃᙱᖦᖢᑎᒃ ᐅᕝᕙᓘᓐᓃᑦ ᑭᒡᒐᖅᑐᖅᑕᐅᓪᓗᑎᒃ ᖃᓄᑐᐃᓐᓇᖅ."

ᔪᓖᓐ ᑲᑎᑦᑐᒪᓕᓚᐅᖅᑐᖅ ᒪᕐᕉᖕᓂᒃ ᓄᓇᕐᔪᐊᖕᓂᒃ ᐱᑎᖦᖢᓂᒋᓪᓗ ᒪᒃᑯᒃᑐᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᐃᓚᓕᐅᔾᔨᓯᒪᓂᒃᑯᑦ ᐊᔾᔪᒥᓇᖅᑐᓂᒃ ᓴᖅᑭᑦᑎᓂᒃᑯᑦ ᕚᓐᑰᕙᒥ ᓄᓇᖃᖅᑳᖅᓯᒪᔪᑦ ᐊᓐᓄᕌᖏᓐᓄᑦ ᐱᓇᓱᐊᕈᓯᖓᓂ. "ᐱᖃᓐᓇᕆᔭᖃᕐᔪᐊᖅᑐᖓ ᓴᓇᙳᐊᖅᑎᓂᒃ, ᐱᖃᓐᓇᕆᔭᖃᐅᑦᑎᐊᖅᖢᖓ ᐃᓅᓯᓕᕆᔪᓂᒃ, ᐱᖃᓐᓇᕆᔭᖃᐅᑦᑎᐊᖅᑐᓂᒃ ᐃᓕᖅᑯᓯᕐᒥᓄᑦ ᐃᑎᔪᒻᒪᕆᐊᓗᖕᓂᒃ. ᑕᐃᒪᐃᒻᒪᑦ [ᐅᕙᖓ] ᐊᑕᐅᑦᑎᒃᑯᑦ ᑭᐳᒃᑎᓇᓱᖃᑦᑕᖅᑕᒃᑲ ᐊᑕᐅᑦᑎᒃᑯᑦ."

ᖃᔅᓯᑲᓪᓚᑦ ᐊᕐᓇᐃᑦ Urban Butterflies-ᑯᓐᓂᙶᖅᑐᑦ ᒥᕝᕕᖕᒥ ᐃᔾᔪᐊᒐᒃᓴᑦᑎᐊᕙᐅᓕᓚᐅᖅᐳᑦ ᔫᓖᓐ ᕚᓐᑰᕙᒥ ᓄᓇᖃᖅᑳᖅᓯᒪᔪᑦ ᐊᓐᓄᕌᖏᓐᓄᑦ ᐱᓇᓱᐊᕈᓯᕐᒧᑦ, ᐱᒋᐊᓚᐅᖅᓯᒪᓪᓗᓂ 2017−ᒥ. "ᓯᕗᓪᓖᑦ ᒪᒃᑯᒃᑐᑦ ᐱᓚᐅᖅᓯᒪᔭᕗᑦ, ᒥᕝᕕᖕᒧᑦ ᐱᓱᓚᐅᖅᓯᒪᙱᑦᑐᑦ. ᑭᒃᑯᑦ ᑕᑯᔭᐅᓚᐅᖅᓯᒪᓐᖏᓚᑦ. ᐊᒥᓱᑦ ᑖᒃᑯᐊ ᓱᕈᓰᑦ ᑕᑯᔭᐅᖅᑰᔨᕙᙱᒻᒪᑕ ᐊᖏᕐᕋᒥᓐᓂ. ᐱᓱᒃᑎᓪᓗᒋᑦ ᒥᕝᕕᖕᒧᑦ ᐊᓯᔾᔨᕐᔪᐊᓚᐅᕐᒪᑦ ᐃᓅᓯᖏᑦ, ᐃᒃᐱᒋᔭᒃᑯᑦ."

ᕚᓐᑰᕙᒥ ᓄᓇᖃᖅᑳᖅᓯᒪᔪᑦ ᐊᓐᓄᕌᖏᓐᓄᑦ ᐱᓇᓱᐊᕈᓯᖅ ᐊᖏᔪᐊᓘᒻᒪᑦ ᐊᕐᕌᒍᑕᒫᑦ ᐊᒃᓱᕈᕆᐊᖃᒻᒪᕆᑦᑐᓂ, ᐱᓕᕆᖃᑎᒌᒐᓱᐊᕆᐊᖃᑦᑐᓂ, ᐸᕐᓇᒍᑎᓂᒃ, ᐊᒻᒪᓗ ᑮᓇᐅᔭᓂᒃ. ᑭᓯᐊᓂ ᖃᐅᔨᓴᕈᑎᒥᓃᑦ ᐊᑑᑎᖃᕈᓐᓇᖅᑐᑦ. ᔪᓖᓐ ᓴᖅᑭᔮᖅᑎᑦᑎᔪᖅ ᐱᐅᔪᒥᒃ ᐊᑦᑐᐃᓂᖃᕐᓂᖓᓂᒃ ᓱᕈᓯᕐᓄᑦ ᐃᓚᐅᖃᑕᐅᓚᐅᖅᑐᓄᑦ ᑕᑯᑦᓴᐅᑎᑕᐅᔪᓂ: "ᐃᓚᖏᑦ ᓱᕈᓯᐅᔪᑦ ᐅᑭᐅᓪᓗᐊᒥᒃ ᐊᒻᒪᓗ ᑕᑯᑦᑕᓯᓐᓇᓕᖅᑐᒋᑦ ᐱᓱᑦᑎᓪᓗᒋᑦ ᒥᕝᕕᒻᒧᑦ ᐊᒻᒪᓗ ᑭᓱᓕᒫᑦ ᐊᑑᑎᖃᒻᒪᕆᑦᑐᑎᒃ. ᑕᒪᒃᑯᐊᕈᓘᔭᐃᑦ ᓴᓇᖃᑦᑕᖅᑐᑦ, ᓲᕐᓗ ᑮᓇᐅᔭᓕᕆᓂᖅ, ᑕᒪᒃᑯᐊᕈᓘᔭᐃᑦ. ᑕᒪᓐᓇ ᐱᐅᕗᖅ ᑕᑯᓪᓗᓂ ᑕᐃᓐᓇ ᐊᕐᓇᐅᔪᖅ ᒥᒋᐊᖅᑐᖅᑐᖅ ᒥᒋᐊᖅᑐᖅᑐᓂ ᐊᒻᒪᓗ ᑐᖁᑦᑎᓪᓗᓂ. ᑲᒪᓇᑦᑎᐊᖅᑐᖅ!"

ᔪᓖᓐ ᐃᓚᐅᔪᓕᒫᓂᒃ ᐃᓚᐅᖁᔨᕗᖅ ᑕᑯᒃᓴᐅᑎᑦᑎᑎᓪᓗᒍ ᐅᐱᒍᓱᖁᔨᓪᓗᓂ ᑭᓇᐅᓂᕐᒥᓂᒃ. "ᐱᓇᓱᐊᕈᓯᖅ ᖃᓄᐃᑦᑑᑎᓪᓗᒍ ᐃᓕᖕᓂᒃ ᐅᓂᒃᑲᐅᓯᖃᕈᓐᓇᖅᐳᑎᑦ ᐊᔪᙱᓐᓂᓕᒫᒃᑯᑦ. ᑭᒡᒐᖅᑐᐃᔪᑎᑦ ᐃᓚᓐᓂᑦ. ᑭᒡᒐᖅᑐᐃᔪᓯ ᓛᓐᓛᓐᒥᒃ, ᑕᒪᒃᑯᐊᓕᒫᑦ. ᑖᓐᓇ ᐱᐅᔪᐊᓘᖃᑕᐅᕗᖅ ᕚᓐᑰᕗᒥ ᓄᓇᖃᖅᑳᖅᓯᒪᔪᑦ ᐊᓐᓄᕌᖏᓐᓄᑦ ᐱᓇᓱᐊᕈᓯᖓᓂ."

ᔪᓖᓐ ᐊᓈᓇᖓ ᐊᑐᕐᖢᓂ ᐊᒃᓱᕈᕐᓇᖅᑐᒃᑰᕐᓂᕐᒥᒃ "60−ᖏᓐᓂ ᓯᖏᖅᓯᓂᕐᒥ": ᐅᓄᖅᑐᑦ ᓄᓇᖃᖅᑳᖅᓯᒪᔪᑦ ᓄᑕᖅᑲᑦ ᕿᒫᑎᑕᐅᓪᓗᑎᒃ ᐊᖏᕐᕋᖏᓐᓂ ᑲᓇᑕᐅᑉ ᒐᕙᒪᖓᓂ ᐊᐅᓪᓚᖅᑎᑕᐅᓪᓗᑎᒃᓗ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ, ᐊᒃᓱᕈᒐᔪᒃᖢᑎᒃ ᑎᒥᒃᑯᑦ ᐃᒃᐱᖕᓂᐊᓂᒃᑯᓪᓗ ᓱᐊᒃᑕᐅᓪᓗᑎᒃ ᐊᖏᖅᑕᐅᙱᖦᖢᑎᒃᓗ ᐱᔪᓐᓇᙱᖦᖢᑎᒃ ᓇᖕᒥᓂᖅ ᐃᓕᖅᑯᓯᖏᓐᓂ. ᑕᐃᒪᐃᒻᒪᑦ ᓈᒻᒪᖅᑰᔨᕗᖅ ᓴᖅᑭᑕᐅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᐊᓐᓄᕋᔾᔨᐅᖅᑏᑦ, ᕚᓐᑰᕗᒥ ᓄᓇᖃᖅᑳᖅᓯᒪᔪᑦ ᐊᓐᓄᕌᖏᓐᓄᑦ ᐱᓇᓱᐊᕈᓯᖅ ᑲᔪᓯᑎᑦᑎᒋᕗᖅ ᓴᙱᔪᓂᒃ ᒐᕙᒪᓕᕆᓂᕐᒧᑦ ᑐᓴᒐᒃᓴᓂᒃ. "ᐊᐅᐸᖅᑐᒥᒃ ᐊᓐᓄᕌᖅᓯᒪᓂᖅᐳᑦ ᐊᖏᖅᓯᒪᓂᖏᓐᓄᑦ ᐃᓄᐊᖅᑕᐅᓯᒪᔪᓄᑦ ᐊᓯᐅᓯᒪᔪᓄᓪᓗ ᐊᕐᓇᓄᑦ, ᑲᒪᓇᖅᑐᒻᒪᕆᐅᓚᐅᖅᑐᖅ, ᐊᒻᒪᓗ ᐅᓐᓄᑦᑎᐊᕙᐅᒋᓂᖅᐹᕆᓚᐅᖅᑕᕋ. ᐃᓚᖏᑦ ᑖᒃᑯᐊ ᓂᐅ ᔪᐊᒃ-ᑎᑐᑦ. [ᐅᕙᒍᑦ] ᐊᔪᙱᑦᑎᐊᕋᑦᑕ ᑕᒫᓂ ᑐᕐᑐᕈ ᕿᑭᖅᑕᒥ ᐊᒥᓱᑦ ᐃᓄᐃᑦ ᖃᐅᔨᒪᙱᖦᖢᑎᒃ."

ᔪᓖᓐ ᐊᓈᓇᖓ ᐅᑎᖅᑎᑦᑎᔪᓐᓇᖅᓯᓚᐅᖅᐳᖅ ᐃᓚᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓐᓂ ᔫᓖᓐ ᖃᓄᐃᓕᐅᖅᑎᑦᑎᑎᓪᓗᒋᑦ, ᒪᒃᑯᒃᑑᑎᓪᓗᒋᑦ ᐊᒻᒪ ᐃᓐᓇᐃᑦ ᑲᑎᑦᑐᐃᓐᓇᐅᓚᐅᖅᐳᑦ ᖁᕕᐊᓲᑎᖃᖅᖢᑎᒃ ᓄᓇᖃᖅᑳᖅᓯᒪᔪᑦ ᐊᓐᓄᕌᖏᓐᓂᒃ. "ᐊᓈᓇᒐ, ᑖᕐᓂᖅᓴᐅᓪᓗᓂ ᐅᕕᓂᖓ ᐅᕙᓐᓂᐅᙱᑦᑐᖅ, ᐊᒃᓱᕉᑎᖃᖃᑦᑕᓚᐅᕐᒪᑦ ᐃᓕᓐᓂᐊᕐᕕᖕᒥ ᐃᖢᕐᕆᙱᖦᖢᓂᓗ ᓄᓇᖃᖅᑳᖅᓯᒪᓂᕐᒥᓂᒃ. ᐊᓈᓇᒐᓗ ᑐᓕᒫᙳᐊᒥᒃ [ᐱᖅᑯᓯᑐᖃᒃᑯᑦ ᐊᓐᓄᕋᔾᔨᐅᕐᓂᖅ ᓇᓗᓇᐃᒃᑯᑕᖅ ᐊᕐᓇᐅᓂᖓᓂᒃ] ᓯᕗᓪᓕᖅᐹᑦᑎᐊᕐᒥ ᐊᒻᒪ ᑕᒪᒃᑯᓂᖓ ᐱᓕᕆᓪᓗᓂ, ᖃᓄᐃᒃᓴᙱᖦᖢᓂ ᐅᑎᕆᐊᒃᓴᖅ ᐅᓪᓗᒥ. ᓲᕐᓗ ᐊᓐᓄᕌᓄᑦ ᐱᓇᓱᐊᕈᓯᖅ ᑖᔅᓱᒧᖓ ᑐᕌᖓᒻᒪᑦ ᐊᒻᒪᓗ ᐃᓐᓇᐅᓂᖅᓴᓄᑦᑕᐅᖅ, ᒪᒃᑯᑦᑐᓄᑑᖏᑦᑐᖅ."

ᕚᓐᑰᕙᒥ ᓄᓇᖃᖅᑳᖅᓯᒪᔪᑦ ᐊᓐᓄᕌᓄᑦ ᐱᓇᓱᐊᕈᓯᖓᓂ, ᔫᓖᓐ ᐅᐱᒍᓱᒃᑐᖅ ᐅᖃᕆᐊᒃᓴᖅ, "ᖁᕕᐊᓲᑎᖃᕐᓂᖅᓴᐅᖕᒪᑦ, ᑭᓯᐊᓂ ᖁᕕᐊᓇᑦᑎᐊᖅᑐᖅ ᑭᓱᑕᖃᕐᓂᖓᓂᒃ ᑭᒃᑯᓕᒫᓄᑦ ᐱᓇᓱᐊᕈᓯᕐᒧᑦ!"

ᖁᔭᓐᓇᒦᑦᑎᐊᕐᒥᔭᕋ ᔭᓯᑲ ᑎ ᕼᐊᒻᕗᕆᔅ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.