ᔫᓕ ᐃᕙᓗ ᐃᓅᓯᖃᖅᑐᖅ ᐱᓕᕆᑦᑎᐊᖅᓯᒪᓪᓗᓂᓗ. ᐃᕙᓗ ᐱᕈᖅᓴᓚᐅᖅᑐᖅ ᐃᒡᓗᓕᖕᒥ, ᓄᓇᕗᒻᒥ, ᐊᒻᒪᓗ ᐃᖅᑲᓇᐃᔭᓯᒋᐊᓚᐅᖅᓯᒪᓪᓗᓂ ᓴᖅᑭᑎᑦᑎᔨᐅᓪᓗᓂ, ᑎᑎᕋᖅᑎᐅᓪᓗᓂ, ᐊᒻᒪᓗ ᑐᙵᓱᒃᑎᑦᑎᔨᐅᓪᓗᓂ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᖏᓐᓄᑦ ᑕᓚᕖᓴᒃᑰᖅᑎᓪᓗᒋᑦ ᐅᑭᐅᖅᑕᖅᑐᒥ, ᓵᙵᓪᓗᑎᒃ ᐅᖁᒪᐃᑦᑐᓂᒃ ᐱᓂᑭᓴᐅᑎᓪᓗᑎᒃ.

ᐅᖃᖅᖢᓂ ᐊᑕᐅᓯᑐᐊᕐᒥᒃ ᐊᕐᓇᒥᒃ ᐃᓕᓐᓂᐊᖅᑎᑦᑎᔪᒪᓂᕋᖅᖢᓂ ᐃᖅᑲᓇᐃᔮᒃᓴᒧᑦ, ᐳᐃᔾᔪᕋᕐᕕᖃᖅᖢᓂᓗ 32-ᓂᒃ ᐊᓯᖏᓐᓂᒃ ᐱᓇᔪᒃᑐᓂᒃ.

"ᐱᓇᓱᐊᕈᓯᑦ ᐱᖓᓱᑦ ᓂᕈᐊᕋᓱᓚᐅᖅᑐᑦ. ᑕᒪᓐᓇ ᐱᒡᒐᓇᖅᑐᒻᒪᕆᐅᓚᐅᖅᐳᖅ ᑕᐃᒃᑯᓄᖓ. ᐱᓪᓗᑎᒃᖓᓗ," ᐅᖃᖅᑐᖅ ᐃᕙᓗ.

ᐃᓕᓐᓂᐊᖅᑎᑦᑎᔭᖅᑐᓚᐅᖅᑐᖅ ᐊᖑᑎᓕᒫᓂᒃ, ᑭᓯᐊᓂ ᐅᖃᖅᑐᓂ ᐃᑲᔪᖅᓱᖅᑎᐊᕐᓂᕋᖅᑐᓂᒋᑦ ᑭᒡᒐᖅᑐᐃᓪᓗᓂ ᐃᓄᓐᓂᒃ ᐊᕐᓇᓂᒃ ᐊᒻᒪ ᐅᑉᐱᕆᔭᖏᓐᓂᑦ ᐊᒻᒪ ᓴᖅᑭᔮᖅᑎᑦᑎᑎᓪᓗᒋᑦ.

ᑕᑯᒃᓴᐅᑎᑦᑎᑎᓪᓗᒍ, ᐃᕙᓗ ᐅᖃᖅᐳᖅ ᓴᖅᑭᔮᖅᑎᑦᑎᖃᑦᑕᕐᓂᕋᖅᖢᑎᒃ ᐅᖃᐅᓯᕐᒥᓂᒃ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᑦ ᑯᐊᐳᕇᓴᒃᑯᓐᓄᑦ ᐊᒻᒪ ᐱᓕᕆᐊᒃᓴᓕᕆᓪᓗᑎᒃ ᓄᑕᖅᑲᓄᑦ ᒪᒃᑯᒃᑐᓄᓪᓗ.

ᑕᒪᓐᓇ ᐅᓪᓗᒥ ᐱᓕᕆᐊᕆᔭᒥᓄᑦ ᑐᕌᕈᑎᒋᓯᒪᒻᒪᒍ, ᑐᑭᓕᐅᕆᕙᓪᓕᐊᓪᓗᓂ ᐊᔾᔨᒌᓐᖏᑦᑐᓄᑦ ᐅᖃᐅᓯᓕᕆᓂᕐᒧᑦ ᐊᕝᕕᐊᕈᑕᐅᔪᓄᑦ.

ᐃᕙᓗᐅᑉ ᐃᓕᓐᓂᐊᕐᓂᖓᓄᑦ, ᐅᖃᖅᐳᖅ ᑕᒪᒃᑮᑎᒍᑦ ᐋᖅᑭᑦᑎᐊᖅᓯᒪᓂᖓᓂᒃ ᐊᒻᒪ ᐋᖅᑭᑦᑎᐊᖅᓯᒪᙱᖦᖢᓂ.

"ᐃᓕᓴᐃᔨᑦᑎᐊᕚᓘᓚᐅᖅᑐᖓ ᐱᕈᖅᐸᓪᓕᐊᓪᓗᖓ ᓲᖃᐃᒻᒪ ᐊᑖᑕᒐ ᐃᓕᓴᐃᔨᓄᐊᖏᓐᓇᖅᐸᓚᐅᕐᒪᑦ ᐅᖃᐅᑎᓪᓗᓂᒋᓪᓗ, "ᐃᓕᓐᓂᐊᖅᑎᖦᖢᒋᑦ." ᐃᓕᓴᐃᔨᑦᑎᐊᕙᖃᓚᐅᖅᑐᖓ," ᐃᕙᓗ ᐅᖃᖅᖢᓂ.

ᐅᖃᕐᖢᓂ ᐃᓕᓴᐃᔨᑦᑎᐊᕙᐅᓛᖑᖃᑕᐅᓂᖓᓂᒃ ᐃᖅᑲᐅᒪᔭᖓᓂ ᐊᖑᑦ ᐅᖃᓪᓚᒐᔭᕐᖢᓂ ᐸᐃᒃᐹᓂᒃ ᑭᓯᐊᓂ ᐅᖃᓪᓚᒃᖢᓂ ᐅᖃᐅᓯᕐᒥᓂ ᐱᕈᖅᓴᑎᓪᓗᒍ ᐃᒃᓯᕋᕐᔪᐊᒃᑯᑦ ᐱᕈᖅᐸᓪᓕᐊᑎᓪᓗᒍ.

ᐃᓕᓴᐃᔨᒃᑲᓐᓂᐅᔪᖅ ᐃᖅᑲᐅᒪᔪᖅ 'ᒪᓕᒐᕐᓂᒃ ᓱᕋᐃᓚᐅᖅᓯᒪᓂᖓᓂᒃ' ᖁᑦᑎᖕᓂᓕᒃ 7-ᒦᖦᖢᓂ ᐊᒻᒪ ᓯᓚᑦᑐᖅᓴᕐᕕᒡᔪᐊᓂ ᐃᓕᓐᓂᐊᖅᑎᖦᖢᓂᒋᑦ ᑐᑭᓯᐅᒪᑦᑎᐊᖁᓚᐅᕐᒪᒋᑦ ᐊᒻᒪ ᐃᓕᓐᓂᐊᑦᑎᐊᖁᓪᓗᓂᒋᑦ.

ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᐊᐅᓪᓚᕈᒪᓗᑎᒃ ᓄᓇᒥᖕᓂᒃ ᐃᓕᓐᓂᐊᒃᑲᓐᓂᕐᓂᕐᒧᑦ ᐅᕝᕙᓘᓐᓃᑦ ᐃᖅᑲᓇᐃᔮᒃᓴᒧᑦ, ᐃᕙᓗ ᐅᖃᖅᐳᖅ ᑭᓱᑦ ᐃᑲᔫᑎᒃᓴᑦ ᐊᑐᐃᓐᓇᐅᖕᒪᖔᑕ ᓇᒧᙵᐅᒐᓗᐊᕈᕕᑦ.

ᐃᕙᓗ ᐅᖃᐅᔾᔨᕙᒃᑭᕗᖅ ᐃᓄᖕᓂᒃ ᐊᑐᖃᑦᑕᖁᓪᓗᒋᑦ ᐅᖃᐅᓯᕐᒥᓂᒃ ᐊᔪᕐᓇᙱᓐᓂᓕᒫᖓᒍᑦ.

"ᐅᖃᐅᓯᕋ ᐅᖃᓪᓚᒃᑯᒪ, ᑐᑭᓯᐊᑦᑎᐊᕐᓂᖅᓴᐅᖃᑦᑕᖅᑐᖓ ᖃᓄᖅ ᐅᖃᕐᒪᖔᑦ. ᖃᓪᓗᓈᑎᑐᑦ ᐅᖃᓪᓚᓕᕌᖓᒪ, ᐅᖃᐅᓯᖅᑕᖅᑕᖃᖅᐳᖅ ᐃᒪᓐᓇ ... ᖃᓄᖅ ᐅᖃᕈᓐᓇᖅᐳᖓ ... ᐃᓄᐃᑦ, ᐅᖃᓕᒪᑎᓪᓗᒋᑦ, ᐃᙱᖃᑦᑕᖅᑐᑦ. ᖃᓪᓗᓈᑎᑐᑦ ᐅᖃᓪᓚᕌᖓᑦᑕ, ᓂᐱᖓ ᐊᔾᔨᒋᙱᒻᒪᒍ," ᐃᕙᓗ ᐅᖃᖅᖢᓂ.

ᑭᓯᐊᓂ ᓲᖃᐃᒻᒪ ᐊᔪᕐᓇᙱᑦᑐᑯᓘᓚᐅᙱᑦᑐᖅ ᐃᕙᓗᒧᑦ, ᐊᐳᖅᑕᕈᑎᖃᓕᓚᐅᖅᓯᒪᓪᓗᓂᓗ.

"ᐊᒃᓱᐊᓗᒃ, ᑕᑯᓚᐅᖅᑐᖓ ᑕᒻᒪᖅᑐᓂᒃ ᐃᓄᖕᓂᒃ ᑲᑎᖃᑎᒋᓚᐅᖅᑕᒃᑲ ᐋᑐᕚᒥ ᐅᑯᐊᖑᕗᑦ ... ᐃᓕᓐᓂᐊᖅᓯᒪᙱᑦᑎᐊᒻᒪᕆᑦᑐᖓ ᐅᕝᕙᓘᓐᓃᑦ ᑐᑭᓯᓯᒪᙱᑦᑎᐊᖅᑐᖓ ᓇᑭᙶᕐᒪᖔᕐᒪ. ᓯᓚᐃᕐᕆᔩᑦ, ᐋᓐᓂᖅᑎᕆᔩᑦ. ᐃᒥᐃᓐᓇᕈᓐᓇᖅᑖᑎᑦ," ᐅᖃᖅᑐᖅ ᐃᕙᓗ.

ᐅᖃᖅᑐᓂ ᐊᕐᓇᒥᒃ ᖃᐅᔨᒍᑎᒥᒃ ᐃᑲᔪᓚᐅᖅᑐᖅ ᐊᓂᓪᓗᓂ ᐊᐱᖅᓱᖅᑐᓂ ᐃᓚᖏᑕ ᒥᒃᓵᓄᑦ ᐊᒻᒪᓗ ᕿᑐᕐᖓᖏᑕ ᒥᒃᓵᓄᑦ, ᑕᐃᒪᓐᓇ ᑲᔪᓯᑎᓚᐅᖅᐸᐅᒃ.

"ᐊᒃᓱᕈᕐᓇᖅᑑᕗᖅ. ᑕᒪᒃᑯᐊᕈᓘᔭᐃᑦ ᐱᐅᓐᖏᑦᑑᔮᓐᖏᒻᒪᑕ. ᑕᐃᒪᐃᑦᑐᖅᑕᖃᐅᖅᑐᖅ ᑕᖅᑳᓂ, ᐅᔾᔨᖅᓱᑦᑎᐊᖏᓐᓇᕆᑦ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.