ᑲᐃᓚ ᒧᕇᔅ ᐃᓚᒌᓄᑦ ᐋᓐᓂᖅᑎᕆᓂᕐᒧᑦ ᐃᖅᑲᖅᑐᐃᕕᒻᒥ ᐃᖅᑲᓇᐃᔭᖅᑎᐅᔪᖅ ᐊᒻᒪᓗ ᐃᑲᔪᖃᑦᑕᖅᑐᓂ ᐃᓄᓐᓂᒃ.

"ᐊᓕᐊᓇᐃᒋᔭᕋ ᑕᒪᓐᓇ, ᐃᑲᔪᕈᓐᓇᖅᓯᕗᑎᑦ ᐃᓄᖕᓂᒃ ᐃᖅᑲᖅᑐᐃᕕᖕᒧᓪᓗ ᐃᑲᔪᖅᑐᖅᑕᐅᓂᕐᒥᒃ ᐃᖅᑲᖅᑐᐃᕕᓕᕆᓂᕐᒧᓪᓗ ᐱᖃᑎᖃᕐᓂᕐᒥᒃ, ᑕᐃᒪᓐᓇ ᐅᖃᖅᑰᓚᐅᖅᑐᖓ, ᐅᖃᖃᑎᒋᔪᓐᓇᖅᖢᑎᒋᓪᓗ, ᒪᓂᒪᑎᑦᑎᓗᑎᒃ ᐅᖃᐅᔾᔪᐃᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ. ᐊᒥᓲᕗᑦ ᐱᔨᑦᓯᕐᓃᑦ ᑕᖅᑳᓂ. ᐊᒥᓱᑦ ᖃᐅᔨᒪᙱᑦᑐᑦ," ᐅᖃᖅᑐᕕᓂᖅ ᒧᕇᔅ. 

"ᐊᒻᒪᓗ ᐊᒥᓱᑦ ᐋᓐᓂᖅᑎᕆᓂᖅ ᐅᖃᐅᓯᐅᖃᑦᑕᖏᑦᑐᖅ ᐱᔾᔪᑎᒋᓪᓗᒍ ᕿᐱᓗᑦᑐᒥᓂᐅᒻᒪᑕ. ᑲᑉᐱᐊᓱᒻᒪᑕ. ᑲᑉᐱᐊᓱᖕᒪᑕ ᐋᓐᓂᖅᑕᐅᒃᑲᓐᓂᑐᐃᓐᓇᕆᐊᖃᕋᓱᒋᓪᓗᑎᒃ."

ᒧᕇᔅ ᖃᐅᔨᒪᐃᓐᓇᖅᐸᓚᐅᙱᑦᑐᖅ ᐃᖅᑲᓇᐃᔮᕆᓛᕈᒪᔭᖓᓂ. ᐃᓕᓐᓂᐊᕆᐊᖃᑦᑕᓕᓚᐅᖅᑐᖅ ᓄᔭᓕᕆᓂᕐᒧᑦ, ᐸᓖᓯᐅᓂᕐᒧᑦ ᐅᐸᓗᖓᐃᔭᕐᓂᕐᒧᑦ, ᐃᑲᔪᖅᑕᐅᕕᓕᕆᓂᕐᒧᑦ ᐊᒻᒪᓗ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᒪᓕᒐᓕᕆᓂᕐᒧᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᖅᑐᓂ ᓚᑦᐳᕆᔾ ᓯᓚᑦᑐᓴᕐᕕᖓᓂ. ᐃᓱᒪᓚᐅᖅᑐᖅ ᑐᐊᕕᖅᖢᓂ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐊᒻᒪ ᓂᕆᐅᒃᖢᓂ ᐊᓯᒥᓂᒃ ᐃᓱᒪᓕᐅᕆᔪᓐᓇᕐᓂᖅᓴᐅᓂᐊᕋᓱᒋᓪᓗᓂ.

ᒧᕇᔅ ᒪᕐᕉᖕᓂᒃ ᕿᑐᕐᖓᓕᒃ ᐅᖃᖅᖢᓂᓗ ᐃᓕᓐᓂᐊᖃᑕᐅᓂᖅ ᓄᑕᖅᑲᒥᒃ ᐊᒃᓱᕈᕐᓇᕐᓂᖓᓂᒃ.

"ᐃᓕᓐᓂᐊᕆᐊᕆᐊᒃᓴᖅ ᐊᔪᕐᓇᓚᐅᖅᑐᖅ. ᐊᒥᓱᐊᖅᑎᖅᑐᖓ ᐃᓕᓐᓂᐊᕆᐊᖅᐸᓚᐅᖅᑐᖓ, ᓱᕈᓯᖃᓚᐅᖅᑐᖓ ᐊᒻᒪᓗ ᐱᔭᕆᐊᑭᑦᑐᑯᓘᒐᓂ, ᑭᓯᐊᓂᓕ ᐊᐳᖅᑕᕈᑎᖃᖃᑦᑕᓚᐅᖅᑐᖓ ᐊᒻᒪᓗ ᐊᓂᒍᖅᑐᒍ. ᐃᓛᓐᓂᒃᑯᑦ ᐊᔪᕐᓇᕐᓂᖅᓴᐅᖃᑦᑕᓚᐅᖅᐳᖅ ᐊᓯᖏᓐᓂᑦ," ᒧᕇᔅᒥᑦ ᐅᖃᖅᖢᓂ. 

ᖃᐅᑕᒫᑦ ᓂᐸᓱᖃᑦᑕᖅᑐᖅ, ᐃᖅᑲᓇᐃᔭᖃᑦᑕᖅᑐᖅ ᐊᒻᒪ ᐅᖃᖃᑎᖃᖃᑦᑕᖅᑐᖅ ᐱᖃᓐᓇᕆᔭᖏᓐᓂᑦ ᐊᒻᒪ ᐃᓚᖏᓐᓂᑦ ᓇᒻᒥᓂᖅ ᑲᒪᒋᓂᕐᒧᑦ.

ᐃᓄᖕᓄᑦ ᐊᐃᑉᐸᕐᒥᓂ ᐋᓐᓂᖅᓯᕆᖃᑦᑕᖅᑐᓄᑦ, ᐃᑲᔫᑎᒃᓴᑦ ᐅᕙᓂ ᓇᓂᔭᐅᔪᓐᓇᖅᐳᑦ.

ᖁᔭᓐᓇᒦᒃ ᐋᔅᑳᕐ ᐸᐃᑯᕐ III ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ.