ᒪᒡᑕᓖᓇ ᑭᐊᓕ ᐃᓅᓯᓕᒫᒥᓂ ᐃᓅᓯᒪᔪᖅ. ᑭᐊᓕ ᓄᓇᖃᖅᑐᖅ Deroche B.C., ᐅᕙᓂ Leq'a:mel First Nation, ᐊᒻᒪᓗ ᐱᓕᕆᓪᓗᓂ TakingITGlobal-ᒧᑦ ᐊᒃᑐᐊᖃᑦᑕᐅᑎᔪᓄᑦ ᐅᑭᐅᖅᑕᖅᑐᒥ ᐱᓕᕆᐊᒧᑦ.

ᓄᑲᖅᑎᐅᓂᕐᓴᐅᑎᓪᓗᒍ, ᑭᐊᓕ ᐅᖃᓚᐅᕐᓯᒪᒻᒪ ᐅᑎᖅᕕᑦᓴᒥ ᐊᒻᒪ ᐃᓕᓐᓂᐊᑎᓪᓗᒍ ᕚᓐᑰᕗᒥ, ᐃᓚᒋᔭᐅᑦᓱᓂ ᒪᖅᕉᓐᓄ ᐃᖅᓂᓕᓂᖅᓄ ᐃᓕᓐᓂᐊᖅᑎᓂ.

ᓄᖅᑲᓚᐅᖅᑐᖅ ᐃᓕᓐᓂᐊᕐᕕᐊᓗᒻᒥ, ᐊᒻᒪᓗ ᐅᖃᖅᑐᓂ ᐃᓚᖓ ᐱᑦᔪᑎᖓᑕ ᖃᓄᐃᒻᒪᑦ "ᐃᓱᒪᖃᓚᐅᕐᒪᑦ ᐃᓱᒪᒥᓂᒃ."

"ᐃᓕᓐᓂᐊᖅᑎᑕᐅᓗᐊᖅᑰᔨᓚᐅᙱᑦᑐᒍᑦ ᓄᓇᖃᖅᑳᖅᓯᒪᔪᑦ ᐱᐅᓯᕆᕙᓚᐅᖅᑕᖏᓐᓂᒃ, ᑭᓯᐊᓂ ᖃᐅᔨᒪᓚᐅᖅᑐᒍᑦ ᑭᓱᒥᑭᐊᖅ ᐱᑕᖃᕐᓂᖓᓂᒃ. ᓲᖃᐃᒻᒪ ᐅᕙᑦᑎᓐᓂᒃ ᑕᐅᑐᐃᓐᓇᓚᐅᕐᒪᑕ ᐃᓅᑎᓪᓗᑕ ᓲᕐᓗ, 'ᕼᐄ, ᖃᐅᔨᒪᓪᓗᐊᖅᑐᑎᑦ ᐃᓅᓂᕐᓂᒃ," ᐅᖃᖅᑐᕕᓂᖅ ᑭᐊᓕ.

"ᑕᐃᒪᓕ, ᑐᓵᒐᑦᑕ ᐅᓂᒃᑳᓕᒫᑦᑎᓐᓂᒃ ᐊᒻᒪ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᐃᓅᓯᑦᑎᓐᓄᑦ ᑎᑭᑉᐸᓪᓕᐊᓕᑕᐃᓐᓇᖅᖢᑎᒃ."

ᐊᑖᑕᖓ ᕿᒪᒍᒪᓚᐅᖅᑕᖓ ᖁᐊᖅᓵᖅᓯᒪᓂᖓᓄᑦ, ᑭᓯᐊᓂ ᐊᐅᓪᓚᐸᓪᓕᐊᓕᕋᒥ ᓄᓇᕐᔪᐊᕐᒧᑦ ᑭᐊᓕ ᐊᐱᖅᑯᑎᑖᓚᐅᖅᑐᖅ 'ᖃᓄᖅ ᑐᑭᖃᖅᑲ ᐃᓅᓗᓂ?' ᐊᒻᒪᓗ ᐃᓱᒪᒐᔭᕐᖓᑦ ᐊᐱᖅᑯᑎᐅᒋᐊᖓ ᐊᒻᒪᓗ ᖃᐅᔨᒪᒐᔭᖏᑦᑐᖅ ᖃᓄᖅ ᑭᐅᔭᕆᐊᒃᓴᖅ.

"ᑕᐃᒪᓐᓇ ᐱᒋᐊᓚᐅᖅᑐᖅ ᑕᕐᓂᖅ... ᒥᑭᔪᕈᓗᒻᒥᒃ ᑲᓱᑦᑕᐅᑎᙳᐊᖃᓚᐅᖅᑐᖅ ᑎᑎᖅᑐᖅᓯᒪᓂᖃᑦᑐᓂ ᓲᕐᓗ ᑕᕐᓂᖅᑎᑐᑦ ᕿᓂᕐᓂᖅ. ᑭᓯᐊᓂ ᐊᖓᔪᖅᑳᒃᑲ ᐊᕕᖃᑦᑕᓚᐅᕐᒥᔪᑦ ᑕᓪᓕᒪᐅᑎᓪᓗᖓ ᐱᓕᕆᐊᕆᓗᐊᓚᐅᖅᓯᒪᓇᒋᓪᓗ ᑕᒪᒃᑯᐊ ᐱᕈᖅᐸᓪᓕᐊᔪᑦ," ᑭᐊᓕ ᐅᖃᖅᑐᖅ.

ᑕᐃᒪᓕ 14-ᖑᑎᓪᓗᖑ, ᐊᖏᕐᕋᕋᒥ ᐊᐅᓪᓚᓚᐅᖅᑐᖅ ᐊᒻᒪᓗ ᐅᖃᖅᑐᓂ ᓂᕕᖓᖃᑦᑕᓕᕋᒥ ᐊᑐᕆᐊᖏᓐᓂ ᕚᓐᑰᕗᒥ. ᐅᖃᕆᓪᓗᓂᓗ ᒫᓐᓇᐅᔪᖅ, ᑐᕌᒐᖃᓚᐅᖅᑐᖅ ᓲᖑᓵᖃᑦᑕᕐᓂᕐᒥᑦ ᐊᒻᒪᓗ ᑎᒍᒥᐊᕆᐊᖃᖅᓱᓂ 'ᓱᐴᑎᕋᓛᓂᑦ' ᓇᒻᒥᓂᖅ ᓴᐳᑎᒐᓱᐊᕐᓂᕐᒥᑦ ᕿᒡᒋᑳᓪᓚᓂᖅᐸᑦ, ᐊᒻᒪᓗ ᑕᐃᒪᐃᓚᐅᖅᑐᖅ.

ᑭᐊᓕ ᐅᖃᖅᖢᓂ ᐱᖃᓐᓈᖓ ᑕᐃᔅᓱᒪᓂ ᐃᓅᓕᒃᓯᓚᐅᖅᓯᒪᓂᕋᖅᖢᓂᐅᒃ, ᐅᖃᖅᖢᓂᓗ ᐃᓄᐃᑦ ᓇᖏᖅᑐᑦ ᓵᑦᑎᐊᖓᓂ ᐋᓐᓂᕈᒪᓚᐅᖅᑐᖅ ᑭᓯᐊᓂ ᐱᖃᓐᓈᖓ ᐃᑲᔪᓚᐅᖅᑐᖅ ᓄᖅᑲᖅᑎᖦᖢᓂᔾᔪᒃ ᑕᐃᒪᐃᒃᑲᓐᓂᖁᙱᖦᖢᒍ.

ᓅᖃᑎᒋᓕᓚᐅᖅᑕᖓ ᐊᒻᒪᓗ ᐊᖅᑯᑎᒦᒍᓐᓃᖅᑐᓂ, ᓯᕗᓪᓕᖅᐹᒥ ᐃᖅᑲᓇᐃᔭᓕᓚᐅᖅᑐᖅ Subway-ᒥ ᐊᒻᒪᓗ ᑳᐱᑐᓕᖅᑐᓂ ᕚᓐᑰᕗᒥ ᑳᐱᑐᖅᑐᓂ.

ᖃᖓᑭᐊᖅ, ᑭᐊᓕ ᓄᔭᐃᔭᖅᑕᐅᔭᖅᑐᓚᐅᖅᑐᖅ ᖃᐅᔨᓪᓗᓂᓗ ᓇᕿᑦᑕᖅᓯᒪᓂᖓ "ᓂᒡᓕᓇᑦᑎᐊᖅᑐᖅ" ᐊᐱᕆᓪᓗᓂᐅᒡᓗ ᖃᓄᖅ ᓄᔭᐃᔭᓕᓚᐅᕐᒪᖔᑦ. ᑕᐃᑲᙵᓪᓕ, ᑭᐊᓕ ᖃᐅᔨᓚᐅᖅᑐᖅ ᑎᑕᒃᑎᖏᑦ ᐃᑲᔪᕋᔭᕆᐊᖏᓐᓂᒃ ᓄᔭᓕᕆᓂᕐᒧᑦ ᐃᓕᓐᓂᐊᓕᕋᒥ ᐊᒻᒪᓗ ᓄᑖᒥᒃ ᐱᓕᕆᐊᖃᓕᕋᒥ.

"ᐄ, ᓄᔭᖏᑦ ᐆᓯᒪᑦᑎᐊᖅᑐᑦ. ᑭᐱᔭᐅᓯᒪᕗᖓ ᐃᓄᐃᑦ ᓄᔭᖏᑦ ᓇᐃᓗᐊᖅᑐᑎᒃ. ᐊᒻᒪᓗ ᐊᕐᓇᐃᑦ ᕿᐊᖃᑦᑕᖅᓯᒪᓪᓗᑎᒃ ᐃᒃᓯᕙᐅᑕᓐᓂ. ᑕᐃᒪᓐᓇ ᐃᓕᑦᑎᕗᑎᑦ ᖃᓄᖅ ᐱᓕᕆᐊᕆᔭᕆᐊᒃᓴᖅ," ᑭᐊᓕ ᐅᖃᖅᖢᓂ.

"ᑕᒪᒃᑯᐊ ᐊᒥᓱᑦ ᓴᖅᑭᓲᑦ ᑎᔅᓯᓈᕿᑎᑦᑎᓲᑦ."

ᓄᔭᓕᕆᓚᐅᖅᑎᓪᓗᒍ ᐊᕐᕌᒍᓄᑦ ᖃᔅᓯᐊᕐᔪᖕᓄᑦ, ᐊᖓᔪᖅᑳᖏᒃ ᓂᐅ ᔪᐊᒃᒧᑦ ᐃᓕᓐᓂᐊᕆᐊᖅᑎᖦᖢᓂᒋᑦ salon-ᒥ ᑕᐃᔭᐅᔪᒥᒃ Bumble ᐊᒻᒪ Bumble-ᒥᒃ ᐅᓪᓗᓄᑦ ᑕᓪᓕᒪᓄᑦ "ᐱᒻᒪᕆᐅᓛᒥᒃ ᐊᑐᕐᓂᑰᓪᓗᓂ."

ᑭᐊᓕ ᕚᓐᑰᕗᒦᖁᔪᓐᓃᓚᐅᖅᐸᐅᒃ, ᑕᐃᒪᓕ ᐸᐃᑉᐹᓕᕆᓕᓚᐅᖅᑐᖅ ᒥᐊᓕᒐᐃᑦ ᓄᓇᖓᓐᓃᖦᖢᓂ ᓅᖦᖢᓂ "ᑭᓇᑭᐊᖅ ᒪᑐᕕᖓ" ᕚᓐᑰᕙᒥ ᓅᖦᖢᓂ ᓅᖦᖢᓂ ᓂᐅ ᔪᐊᒃᒧᑦ.

ᑐᓂᓯᓚᐅᖅᑐᖅ ᓱᓇᓕᒫᓂᒃ ᐊᒻᒪᓗ ᓄᓇᓕᐸᐅᔭᕐᒨᖅᑐᓂ ᐊᓐᓄᕌᖃᑐᐃᓐᓇᖅᑐᓂ.

"ᖃᐅᔨᒪᑦᑎᐊᓚᐅᙱᑦᑐᖓ ᑕᐃᑲᓂ. ᒪᓕᑐᐃᓐᓇᕋᑖᕋᒪ ᐆᒻᒪᑎᓐᓂᒃ. ᐆᒻᒪᑎᒐ ᐅᖃᐅᑎᓚᐅᕐᒪᖓ ᐊᒻᒪᓗ ᐅᒐᓕᐊᑐᐃᓐᓇᓚᐅᖅᑐᖓ ᐊᒻᒪᓗ ᑲᑉᐱᐊᓇᖅᑐᓂ, ᑭᓯᐊᓂᓕ ᖁᕕᐊᓇᓚᐅᕐᒥᔪᖅ ᐃᒪᐃᓚᐅᕐᒪᑦ, 'ᑖᓐᓇ ᓄᑖᖑᒻᒪᑦ ᐃᓅᓯᓐᓂ," ᐅᖃᖅᑐᖅ ᑭᐊᓕ.

ᐊᕐᕌᒍᓄᑦ ᖁᓕᓄᑦ ᑭᐊᓕ ᓂᐅ ᔪᐊᒃᒥ ᓄᓇᖃᓚᐅᖅᑐᖅ, ᐃᖅᑲᓇᐃᔭᖅᖢᓂ ᓂᕆᕝᕕᖕᓂ ᐊᒻᒪ ᓄᔭᓕᕆᓪᓗᓂ. ᐅᖃᖅᖢᓂ ᐃᖅᑲᓇᐃᔭᓚᐅᖅᓯᒪᓂᕋᖅᖢᓂ ᐊᖑᑏᑦ ᑲᑎᕝᕕᖏᓐᓂ ᓇᑲᑎᕆᓪᓗᓂ ᓄᔭᖏᓐᓂᒃ ᐊᑭᓐᓇᒥ ᐊᖅᑯᑎᒥ ᐊᖑᑎᓂᒃ ᐅᖃᖅᖢᓂᓗ "ᐊᒃᓱᕈᕐᓇᕐᓂᖓᓂᒃ."

ᑭᐊᓕ ᐊᔾᔨᒌᙱᑦᑐᓂᒃ ᐱᓕᕆᓚᐅᖅᑐᖅ ᓂᐅ ᔪᐊᒃᒥ ᓄᓇᖃᖅᖢᓂ, ᓲᕐᓗ ᑎᔾᔭᕆᖕ, ᒧᒥᖅᑎᐅᓪᓗᓂ, ᐊᒻᒪ ᐃᒥᕋᓚᒃᑎᐅᓪᓗᓂ.

ᓇᔾᔨᓕᓚᐅᕐᒪᑦ ᓂᐅ ᔪᐊᒃᒥ ᐊᒻᒪᓗ ᐃᓱᒪᓕᐅᓕᓚᐅᖅᑐᖅ ᐊᑲᐅᓂᖅᓴᐅᒐᔭᕆᐊᖓᓂᒃ ᓱᕈᓯᐅᔪᖅ ᐅᑎᕐᓗᓂ ᑲᓇᑕᒥ. ᑕᐃᒪᓕ, ᐴᖅᑲᐃᓚᐅᖅᑐᖅ ᐱᖁᑎᒥᓂᒃ ᐊᒻᒪᓗ ᐅᑎᖅᑐᓂ ᕚᓐᑰᕗᒧᑦ.

"ᓅᕝᕕᒋᓚᐅᖅᑕᕋ ᓂᐅ ᔪᐊᒃᒧᑦ, ᐃᒪᓐᓇᐅᓚᐅᖅᑐᖅ, ᑖᓐᓇ ᓄᑖᖅ ᖁᕕᐊᓱᒍᑎᒋᓪᓗᒍ. ᒫᓐᓇᓕ ᕿᑐᕐᖓᖃᓕᕈᒪ ᑭᖑᓪᓕᐅᒐᔭᖅᐳᖓ. ᐊᒻᒪ ᐅᑭᐅᑦ ᖁᓕᑦ ᐊᓂᒍᖅᑎᓪᓗᒋᑦ."

ᐸᓂᖓ ᐱᔭᕇᖅᑎᓪᓗᒍ, ᓄᔭᓕᕆᒃᑲᓐᓂᓕᕐᖢᓂ ᑭᓯᐊᓂ ᐱᔪᒪᓕᕐᖢᓂ ᐅᓪᓗᐃᓐᓇᕐᒧᑦ ᐃᖅᑲᓇᐃᔮᖅᑖᕈᒪᓂᕐᒥᒃ ᐃᓕᓐᓂᐊᕐᓗᓂᓗ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᓇᖕᒥᓂᖃᕈᒪᔪᓄᑦ.

ᑕᕝᕘᓇ ᐱᓕᕆᐊᒃᑯᑦ ᑲᑎᖃᑎᖃᓚᐅᖅᑐᖅ ᑲᔪᖏᖅᓴᐃᔨᒥᑦ, ᐅᖄᓚᓚᐅᖅᑐᖅ ᐊᐱᕆᓪᓗᓂ ᐃᖅᑲᓇᐃᔭᕈᒪᒻᒪᖔᑦ ᑲᓇᑕᒥ ᓄᓇᖃᖅᑳᖅᓯᒪᔪᑦ ᐆᒻᒪᖅᑯᑎᓕᕆᓂᕐᒧᑦ ᐊᒻᒪ ᐆᒻᒪᖅᑯᑎᓕᕆᔨᒃᑯᑦ ᑲᑐᔾᔨᖃᑎᒌᖏᓐᓄᑦ ᓵᒥᑦ ᐃᖅᑲᓇᐃᔮᖃᕐᓗᓂ.

ᑭᐊᓕ ᐅᖃᖅᖢᓂ ᐄ ᐊᒻᒪᓗ ᐱᓕᕆᔭᖅᑐᖅᖢᓂ ᖃᓄᐃᓕᐅᕐᓂᐅᔪᓄᑦ ᐸᕐᓇᐃᔨᐅᓪᓗᓂ ᐊᒻᒪᓗ ᐊᐅᓚᑦᑎᔨᙳᖅᖢᓂ. ᐃᖅᑲᓇᐃᔭᓚᐅᖅᓯᒪᔪᖅ ᐊᕐᕌᒎᓐᓄᑦ ᒪᕐᕉᓐᓄᑦ ᑭᓯᐊᓂ ᓄᖅᑲᖅᑎᑕᐅᒻᒪᑦ.

ᓄᖅᑲᖅᑎᑕᐅᑎᓪᓗᒍ, ᖃᐅᔨᒪᓚᐅᖅᑐᖅ ᐊᒃᑲᖓ ᐃᖅᑲᓇᐃᔭᓚᐅᕐᓂᖓᓂᑦ ᑎᒥᐅᔪᒥᑦ ᐅᖄᓚᓪᓗᓂᓗ ᐊᐱᕆᓪᓗᓂ ᖃᐅᔨᒪᖕᒪᖔᑦ ᐃᖅᑲᓇᐃᔮᒃᓴᓂᑦ ᐊᑐᐃᓐᓇᐅᔪᓂᑦ. ᐊᖏᖅᑐᓂ, ᐊᒻᒪᓗ ᐊᐅᓚᖅᑎᑦᑐᓂᐅᒃ ᐅᓂᒃᑳᖅᓯᒪᔪᖅ ᑖᒃᑯᓄᖓ ᑲᑐᑦ ᓄᐊᑦ-ᒧᑦ ᐱᓕᕆᐊᒧᑦ.

ᑭᐊᓕ ᐃᓅᓯᖃᖅᓯᒪᔪᖅ, ᐊᒻᒪᓗ ᐃᓕᓐᓂᐊᖅᑏᑦ ᐃᓱᒪᔪᑦ ᓄᓇᒥᓂᒃ ᕿᒪᐃᒍᒪᓪᓗᑎᒃ ᐅᖃᖅᑐᓂ ᐱᐅᓂᖅᐹᖑᒋᐊᖓᓂᒃ, ᐊᒻᒪᓗ ᐃᑲᔪᒻᒪᕆᑦᑐᓂ ᐊᓂᖓᓂᒃ ᓄᓇᓕᖓᑕ ᓯᓚᑖᓅᕋᓱᐊᖅᑐᓂ.

"ᓇᖕᒥᓂᖅ ᐊᕙᑎᖕᓂ ᐊᓂᒍᕕᑦ ᓄᑖᒥᒡᓗ ᐊᕙᑎᖃᓕᖅᑎᓪᓗᑎᑦ ᖃᐅᔨᓇᓱᒃᐸᓪᓕᐊᓗᑎᓪᓗ, ᐃᓕᖕᓂᒃ ᖃᐅᔨᔪᓐᓇᑦᑎᐊᖅᐳᑎᑦ ᓲᖃᐃᒻᒪ ᑕᐃᒪᓐᓇᑐᐊᖅ ᐱᓯᒪᒐᕕᑦ," ᑭᐊᓕ ᐅᖃᖅᐳᖅ.

"ᖃᓄᖅ ᐅᖃᖃᑦᑕᕐᒪᖔᑕ, 'ᐆᒻᒪᑎ ᐱᕈᖅᓴᑎᑦᑎᕗᖅ,' ᓱᓕᕗᖅ ᓲᖃᐃᒻᒪ ᖁᔭᓕᑦᑎᐊᕋᕕᑦ ᐱᓯᒪᔭᕐᓂᒃ ᐊᒻᒪ ᓇᑭᙶᕐᒪᖔᖅᐱᑦ. ᑕᐃᒪᐃᒻᒪᑦ, ᑕᐅᕗᙵᕐᓗᑎᑦ, ᕿᒥᕐᕈᓗᑎᑦ, ᑭᓯᐊᓂ, ᐳᐃᒍᓚᐅᖅᓯᒪᙱᓪᓗᑎᑦ ᓇᑭᙶᕐᒪᖔᖅᐱᑦ ᐅᑎᕐᓗᑎᓪᓗ ᐃᕿᓪᓗᒋᓪᓗ ᐊᓈᓇᐃᑦ ᐃᕿᓪᓗᒋᓪᓗ ᖃᑕᙳᑎᑎᑦ ᐅᖃᓗᒃᕕᒋᓗᒋᓪᓗ ᖃᐅᔨᖃᑦᑕᖅᓯᒪᔭᑎᓪᓗ ᐅᖃᐅᓯᕆᕙᒡᓗᒋᑦ ᓲᖃᐃᒻᒪ ᑕᑯᒥᓇᑦᑎᐊᕐᒪᑦ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.