"ᐃᓱᒪᒋᑦᑎᐊᕋᒃᑯᓕ ᓂᕈᐊᕆᐊᖃᖅᑰᔨᒋᓪᓗᖓ. ᐊᑕᐅᓯᖅ ᓂᕈᐊᕆᔭᐅᔪᖅ ᐊᓯᔾᔩᔪᓐᓇᖅᑐᖅ ᑕᒪᒃᑭᕐᓗᒍ ᐃᓅᓯᕐᓂ," ᐅᖃᖅᑐᖅ ᒪᕇᔭ ᓯᑭᑑᖅ. ᕗᐊᑦ ᒪᒃᕘᓴᓐᒥᐅᑕᖅ, ᓄᓇᑦᑎᐊᒥᑦ ᐱᖓᔪᖓᓂᒡᓗ ᐊᕐᕌᒍᒦᓕᖅᑐᖅ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᓂᖕᒧᑦ ᐱᓕᕆᐊᓂᑦ ᔫᑳᓐ ᓯᓚᑦᑐᖅᓴᕐᕕᒡᔪᐊᒥᑦ. ᕗᐊᑦ ᕗᐊᑦ ᐱᖃᓐᓈᒥᓂᒃ ᐱᖃᑎᖃᖅᖢᓂ, ᐃᓕᓐᓂᐊᕆᐊᖅᖢᓂ, ᒪᑦᑐᑎᙳᐊᖅᖢᓂ, ᒥᖅᓱᖅᖢᓂ ᐊᒻᒪ ᓄᓇᒥᓃᖦᖢᓂ.  

ᐊᓂᒍᐃᓚᐅᖅᑎᓪᓗᒍ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ 2013-ᒥ, ᐊᐳᑕᐃᔭᐃᓂᖅ ᐃᓕᓐᓂᐊᒃᑲᓐᓂᕋᓱᓚᐅᖅᐳᖅ ᐃᓅᕕᖕᒥ ᐊᒻᒪ ᐅᐊᐃᑦᕼᐅᐊᔅᒥ. ᐃᖅᑲᓇᐃᔮᒥᓂᒃ ᓄᖅᑲᓚᐅᕐᒥᔪᖅ. ᐊᕐᕌᒍᑦ ᖁᓕᑦ ᐊᑐᖅᑎᓪᓗᒋᑦ, ᐊᒃᓱᕉᑎᖃᖅᑰᔨᓚᐅᖅᑐᖅ ᑭᓯᐊᓂ ᐅᓪᓗᕐᒥᒃ ᐊᑕᐅᓯᕐᒥᒃ ᐃᒃᓯᕚᓕᕋᒥ ᔫᑳᓐ ᓯᓚᑦᑐᖅᓴᕐᕕᒡᔪᐊᖓᓂ, ᐅᑕᖅᑭᓪᓗᓂ ᑕᑯᔭᕆᐊᒃᓴᖅ, ᐅᖃᓕᒫᖅᖢᓂᓗ ᐅᖃᓕᒫᒐᕋᓛᓂᒃ ᒫᓐᓇ ᐱᓕᕆᐊᕆᔭᒥᓄᑦ. ᐃᓱᒪᒋᔭᐅᓂᖓ ᐃᓕᑦᑎᕙᓪᓕᐊᓂᖅ ᓇᖕᒥᓂᖅ−ᒐᕙᒪᖃᕐᓂᕐᒥᒃ ᐱᕙᒌᔭᕐᓗᓂᓗ ᓇᖕᒥᓂᖅ ᐊᐅᓚᑦᑎᓂᕐᒧᑦ ᓯᕗᓕᖅᑎᐅᓂᕐᒧᓪᓘᓐᓃᑦ ᐃᓂᒧᑦ ᑖᔅᓱᒥᖓ ᐱᓇᔪᒃᑎᖦᖢᒍ ᐱᓇᔪᒃᖢᓂᓗ, ᐃᓯᖅᑎᑕᐅᕙᓪᓕᐊᓪᓗᓂ. "ᖃᐅᔨᒪᔪᖓ ᐃᑲᔪᕈᒪᒐᒪ ᓄᓇᖃᖅᑳᖅᓯᒪᔪᑦ ᒐᕙᒪᖏᓐᓂᒃ ᓯᕗᒻᒧᐊᒃᑎᓪᓗᒋᑦ," ᓇᓗᓇᐃᖅᓯᓪᓗᓂ.

"ᐅᓪᓗᒥ ᑭᓇᐅᓇᔭᙱᑦᑐᖓ ᑖᔅᓱᒥᖓ ᐱᓕᕆᐊᒃᓴᒧᐊᓚᐅᙱᒃᑯᒪ ᐃᓕᑦᑎᓗᖓᓗ ᐱᐅᓯᕆᕙᓚᐅᖅᑕᖏᓐᓂᒃ, ᖃᓄᖅ ᐊᒃᑐᖅᑕᐅᕙᖕᒪᖔᑦᑕ, ᑕᒪᒃᑯᐊ ᐱᒻᒪᕆᐅᔪᑦ ᐃᓄᐃᑦ ᖃᐅᔨᒪᔭᕆᐊᖃᖅᑕᖏᑦ," ᓯᑭᑑᑦ ᑕᑯᒃᓴᐅᑎᑦᑎᔪᑦ. ᐃᓕᓐᓂᐊᖅᑎᓪᓗᒍ, ᐊᔪᕐᓇᖅᑐᖅᓯᐅᖃᑦᑕᓚᐅᖅᐳᖅ ᐃᓕᓐᓂᐊᖅᖢᓂ ᐊᔪᕐᓇᖅᑐᓂᒃ ᑕᐃᔅᓱᒪᓂᓕᑕᕐᓂᒃ ᖃᓄᐃᓕᐅᖅᑕᐅᕙᓚᐅᖅᑐᓂᒃ ᐊᖏᕐᕋᒥᓂᒃ ᐊᐅᓪᓚᖅᓯᒪᑎᓪᓗᒍ. ᑕᐃᒪᐃᒻᒪᑦ ᐃᓱᒪᕗᖅ ᐃᓅᓯᐅᑉ ᐱᐅᓯᕆᕙᓚᐅᖅᑕᖏᑦ ᐃᓕᓐᓂᐊᖅᑕᐅᔭᕆᐊᖃᕋᓱᒋᓪᓗᓂᒋᑦ ᓄᑲᖅᖡᑦ ᐊᒻᒪ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᑦ ᓄᓇᓕᖕᓂ ᐃᑲᔪᖅᓱᖅᑕᐅᑎᓪᓗᒋᑦ. ᓂᕆᐅᒋᔭᖃᖅᐳᖅ ᓇᖕᒥᓂᖅ−ᒐᕙᒪᖃᕐᓂᕐᒧᑦ ᐃᓕᓐᓂᐊᕐᓂᕆᓯᒪᔭᒥᑎᒍᑦ ᐱᐅᓂᖅᓴᒃᑯᑦ ᐱᕙᒌᔭᖅᑎᑦᑎᔪᓐᓇᕐᓂᐊᕐᓂᖓᓂᒃ ᐃᓕᓐᓂᐊᖅᑎᓂᒃ ᖃᐅᔨᒪᓂᖅᓴᐅᓂᐊᕐᒪᑕ ᑭᖑᓂᑦᑎᓐᓂ ᐃᓕᑦᑎᕙᓪᓕᐊᔪᓐᓇᕐᓗᑎᒡᓗ ᖁᐊᖅᓵᕐᓇᙱᓐᓂᖅᓴᓂᒃ ᐃᓗᓕᖏᓐᓂᒃ, ᐊᓂᒍᐃᓂᕐᒥᒃ ᑐᓴᖅᑕᐅᔪᒃᓴᒃᑲᓐᓂᕐᓂᒃ, ᐃᓱᒪᒥᐅᑕᖃᙱᓐᓂᖅᓴᐅᓗᓂ ᐱᐅᓂᖅᓴᒥᒡᓗ ᓇᖕᒥᓂᖅ−ᐃᒃᐱᒋᑦᑎᐊᕈᓐᓇᕐᓂᕐᒥᒃ. ᐃᖅᑲᐅᒪᔪᖅ ᓂᙵᐅᒪᓂᖓ ᐃᓕᓐᓂᐊᖅᑎᑕᐅᓯᒪᖏᓐᓂᖓᓂᑦ ᐱᒻᒪᕆᐅᔪᓂᑦ ᑐᓴᐅᒪᔾᔪᑎᓂᑦ ᐱᐅᓂᖅᓴᒥᓪᓗ ᑭᖑᕚᑦᓴᑎᓐᓄᑦ.  

ᐱᔪᒃᓯᑎᑦᑎᓂᐊᕐᓗᓂ, ᐊᐳᒻᒥᒃ ᖁᕕᐊᒋᔭᖃᖅᐳᖅ ᐃᓕᑦᑎᕙᓪᓕᐊᓂᕐᒥᒃ ᓄᓇᖃᖅᑳᖅᑐᑦ ᐃᓄᖏᓐᓂᒃ. ᐃᓕᓐᓂᐊᕈᑎᑦᓴᐃᑦ ᑐᕌᒐᖃᖅᑐᑦ ᐱᕐᓗᐊᕿᓂᕐᒥᑦ ᐊᒻᒪᓗ ᓈᒻᒪᖏᑦᑐᓂᑦ ᐊᒻᒪᓗ ᓴᐱᓕᕈᓐᓇᖏᓐᓂᕐᒥᑦ ᓴᙱᓂᕐᒥᓪᓗ. "ᐅᓪᓗᒥ ᑕᒫᓃᓐᓇᔭᙱᑦᑐᒍᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐊᒃᓱᕈᓗᐊᓚᐅᙱᑉᐸᑕ ᓴᐱᓕᖅᓴᕋᐃᙱᒃᑯᑦᑕ. ᐱᔪᒃᓯᓕᖃᑦᑕᖅᑐᖓ ᖃᐅᑕᒫᑦ, ᑕᐃᒪᓐᓇᓗ ᐱᔾᔪᑎᒋᕙᕋ ᐱᓕᕆᐊᕇᓐᓇᖃᑦᑕᖅᑕᕋ," ᐅᖃᑦᑎᐊᓲᖅ.

ᐃᓕᓐᓂᐊᖅᑏᑦ ᓄᓇᒥᓂᒃ ᐊᐅᓪᓚᕌᖓᑕ ᐃᓕᓐᓂᐊᕆᐊᖅᖢᑎᒃ, ᓯᑭᑑᒃᑯᑦ ᐅᖃᐅᔾᔪᐃᒋᐊᕐᓗᑎᒃ, "ᐃᓕᑦᑎᓗᑎᒃ ᖃᓄᐃᓕᐅᖅᐸᓚᐅᕈᓯᕐᓂᒃ, ᐃᓕᑦᑎᓗᑎᑦ ᑕᒪᒃᑯᓂᖓᓕᒫᖅ ᐊᖏᕐᕋᖅᓯᒪᑎᓪᓗᑎᑦ ᐃᑲᔪᖅᑐᖅᑕᐅᓗᑎᓪᓗ ᐃᓚᖕᓄᑦ ᓄᓇᓕᔅᓯᓐᓄᓪᓗ ᑕᒪᓐᓇᓗ ᐊᒃᑐᐊᓂᖃᖅᖢᓂ ᑕᒪᐃᓐᓄᑦ ᐅᑎᒧᑦ." ᐱᖃᓐᓇᕇᒍᓯᖃᕐᓂᖅ ᐃᑲᔪᖅᓱᐃᓂᕐᒧᑦ ᓴᙱᔪᓂᒃ ᐃᒃᐱᖕᓂᐊᓂᕐᓂ ᓴᖅᑭᑦᑐᖃᕌᖓᑦ ᐱᒻᒪᕆᐅᔪᖅ, ᐅᒃᐱᕈᓱᒃᑐᖅ.  

"ᐃᓕᖅᑯᓯᐃᑦ ᐃᓕᓐᓂᐊᕐᓗᒍ. ᐃᓕᖅᑯᓯᓯ ᐊᒃᑐᐊᓂᖃᕐᕕᒋᒐᕕᐅᒃ. ᑕᒪᓐᓇ ᒪᒥᓴᕈᑎᒋᒐᒃᑯ ᐊᒻᒪᓗ ᓴᓐᖏᓂᕆᒐᒃᑯ. ᑲᑕᒐᐃᒐᒪ ᐊᖅᑯᑎᓐᓂᒃ ᐅᕝᕙᓘᓐᓃᑦ ᐅᔭᕋᓐᓂᒃ, ᖃᐅᔨᒪᐃᓐᓇᓲᖑᒐᒪ ᐊᖏᕐᕋᑐᐃᓐᓇᕆᐊᔅᓴᖅ, ᑕᒪᓐᓇ ᓴᓐᖏᓂᕆᒐᒃᑯ. ᐃᓱᒪᔪᖓᓕ ᐊᖏᓂᖅᐸᐅᖃᑕᐅᔪᖅ ᐃᓕᓯᒪᔭᓐᓂ ᐃᓅᓯᓐᓂ ᖃᐅᔨᓇᓱᐊᕐᓗᖓ ᑭᓇᐅᒻᒪᖔᖅᐱᑦ, ᓲᕐᓗ, ᑐᑭᓯᓪᓚᕆᓪᓗᑎᑦ. ᐱᕕᖃᕈᓐᓃᖅᓯᒪᕗᖓ ᐊᓯᓐᓄᑦ ᐃᓄᐃᑦ ᐱᔪᒪᔭᖏᓐᓂᑦ, ᐅᕝᕙᓘᓐᓃᑦ ᐊᓯᓐᓄᑦ ᐃᓄᐃᑦ ᓂᕆᐅᒋᔭᖏᓐᓂᑦ ᐱᓇᓱᐊᖅᓯᒪᕗᖓ... ᐱᓪᓚᕆᙳᐊᑐᐃᓐᓇᕐᓗᑎᑦ ᐃᓕᖕᓄᑦ, ᐱᐅᔪᑦ ᓴᖅᑭᖏᓐᓇᐅᔭᕐᓂᐊᖅᑐᑦ. ᐊᖅᑯᑎᒋᓂᐊᖅᑕᐃᑦ ᓂᕈᐊᖅᑕᐅᑦᑎᐊᕐᓂᐊᖅᑐᖅ ᐃᓕᖕᓄᑦ. ᓯᓚᕐᔪᐊᖅ ᑐᓄᖃᕐᓂᐊᖅᑐᖅ, ᐊᒻᒪᓗ ᓴᔪᑐᐃᓐᓇᕐᓗᑎᑦ. ᐱᓪᓚᕆᓪᓚᕆᒃᑯᕕᑦ ᐃᓕᖕᓄᑦ, ᓴᔪᒡᓗᑎᑦ," ᑲᔪᓯᓗᓂ.

ᐊᓯᐊᑦᑕᐅᖅ ᐊᔪᕈᓐᓃᖅᓴᒐᒃᓴᖅ ᐊᐳᒻᒧᑦ ᐃᓕᑦᑎᔾᔪᑕᐅᓯᒪᒋᕗᖅ ᐃᒪᓐᓇ, ᐋᓐᓂᖅᓯᕆᔪᖃᖅᐸᖕᓂᖓᓂᒃ ᐱᐅᓛᒃᑯᓪᓗ ᑲᒪᒋᔭᖃᕈᓐᓇᕐᓂᕐᒥᒃ ᓲᖑᓴᖕᓂᕆᔭᐅᕙᒃᑐᓂᒃ. ᐅᖃᕐᖢᓂ, "ᐃᑭᑎᑦᑎᑦᑕᐃᓕᒋᑦ ᐃᑭᑦᑐᒥᒃ, ᓲᖃᐃᒻᒪ ᖃᐅᔨᒪᙱᓐᓇᕕᑦ ᑭᓇᒥᑭᐊᖅ ᐊᑐᖅᑐᒥᒃ. ᐋᓐᓂᖅᑐᑦ ᐃᓄᐃᑦ ᐋᓐᓂᖅᓯᔪᑦ ᐃᓄᖕᓂᒃ."

ᐊᐅᓚᑦᑎᓂᐊᕐᓗᓂ ᖃᓄᐃᙱᑦᑎᐊᕐᓂᕐᒥᒃ ᐃᓱᒪᒥᒍᓪᓗ ᖃᓄᐃᙱᑦᑎᐊᕐᓂᕐᒥᒃ, ᐊᐳᑎᖃᖅᐸᒃᐳᖅ ADHD−ᒥᒃ ᐃᓕᑦᑎᓯᒪᕐᔪᐊᖅᖢᓂᓗ ᖃᓄᖅ ᖃᕋᓴᖓ ᐊᐅᓚᓲᖑᖕᒪᖔᑦ. ᖃᐅᔨᓯᒪᔪᖅ ᐋᖅᑭᑦᓱᐃᓯᒪᑦᓯᐊᕆᐊᖃᕆᐊᖓ ᐸᕐᓇᒋᐊᖃᖅᓱᓂᓗ ᑲᔪᓯᓂᖃᑦᓯᐊᕐᓂᕐᒧᑦ, ᑎᑎᕋᕐᓂᕐᒥᑦ ᐅᓪᓗᖅᓯᐅᑎᓂᓪᓗ ᐃᓱᓕᕝᕕᑦᓴᖏᓐᓂᑦ. ᑎᑎᕋᖅᓯᕙᓪᓕᐊᓂᖅ, ᐃᓱᒪᒃᓴᖅᓯᐅᕐᓂᖅ ᐱᓱᔪᖕᓂᕐᒧᓪᓗ ᐊᖏᔪᑲᓪᓚᖕᒥᒃ ᐊᓯᔾᔨᕐᓂᖃᖅᐳᒃ ᑖᔅᓱᒧᖓ. ᐆᒻᒪᕆᒃᖢᓂ ᐃᓕᖅᑯᓯᑐᖃᕐᒥᓂ, ᓄᓇᒦᖦᖢᓂ, ᐊᓂᖅᓵᖅᑐᑦᑎᐊᖅᐸᒃᖢᓂ, ᓂᕆᕙᒡᓗᓂ ᓂᕿᓪᓚᑦᑖᓂᒃ, ᒥᖅᓱᕐᓂᕐᓗ ᐱᐅᕗᑦ ᒪᒥᓴᕐᓂᖓᓄᑦ. "ᐃᒃᐱᒋᐃᓐᓇᐅᔭᖅᑕᕋ ᐃᓚᐅᓕᕌᖓᒪ ᖃᓄᑐᐃᓐᓇᖅ ᐃᓕᖅᑯᓯᒃᑯᑦ ᖃᓄᐃᓕᐅᕈᑎᓄᑦ, ᐃᒃᐱᒋᖃᑦᑕᖅᑕᕋ ᐊᐅᒃ ᑐᓂᔭᐅᓯᒪᔪᖅ ᓯᕗᓕᕕᓂᓐᓄᑦ, ᓲᕐᓗ ᐊᐅᒐ ᐃᖅᑲᐅᒪᔭᒃᑯᑦ ᐃᖅᑯᒻᒪᐅᑕᐅᒃᑲᓐᓂᕐᒪᑦ ᓲᖃᐃᒻᒪ ᐱᓕᕆᒐᔪᖃᑦᑕᓚᐅᕋᒪ ᐊᑐᖃᑦᑕᓚᐅᖅᑕᖏᓐᓂ," ᐊᓂᐊᔪᖅ.

ᑕᐃᒪᓕ ᑲᔪᖏᕐᓴᐃᓂᒃᑯᓪᓕ, ᓯᑭᑑᑦ ᐊᓈᓇᑦᑎᐊᒃᑯᒥᓃᓐᖔᖅᑐᑦ ᑭᒡᒐᖅᑐᐃᑦᑎᐊᖅᑐᑦ ᐃᓄᖁᑎᒥᓄᑦ. "ᐃᓛᓐᓂᒃᑯᑦ ᖃᐅᔨᖃᑦᑕᖅᑐᖓ ᑕᐃᒪᓐᓇᑦᑕᐃᓐᓇᖅ ᓴᙱᓂᖃᓲᖑᓂᓐᓂᒃ, ᐃᓕᓐᓂᐊᖅᑎᓯᒪᒻᒪᕆᒃᖢᒋᓪᓗ ᐃᓅᓯᓐᓂ, ᐱᔭᕆᐊᖃᖅᑕᓕᒫᒃᑲᓗ, ᓲᖃᐃᒻᒪ ᑭᓇᐅᓇᔭᙱᓐᓇᒪ ᐱᖃᙱᒃᑯᒃᑭᑦ," ᖁᖓᖦᖢᓂ. ᓴᙱᔪᒥᑦ, ᓯᓚᑐᔪᒥᑦ, ᐊᓈᓇᑦᑎᐊᒃᑯᒥᑦ,ᐊᑖᑕᑦᑎᐊᒥᑦ, ᖁᔭᓕᑦᑎᐊᖅᑐᖅ. ᓯᑭᑑᖅ ᖁᔭᓕᖕᒥᔪᖅ ᐊᖓᔪᖅᑳᒥᓄᑦ, ᐊᑖᑕᖓ ᐃᓕᓴᐃᓚᐅᖅᑐᖅ ᐃᙱᕐᓂᕐᒥᒃ ᓴᐱᓕᖅᓴᕋᐃᙱᓐᓂᕐᒥᓂᒡᓗ, ᓴᙱᔪᒥᒃ ᓇᒡᓕᒍᓱᖕᓂᕐᒥᒃᓗ ᐊᓈᓇᒥᒃ. ᐊᓂᖓ ᐃᓕᓐᓂᐊᖅᓯᒪᓂᕐᐹᖅ ᐊᒻᒪ ᓇᓪᓕᒋᔭᓕᒃ ᐱᒋᐊᕈᒪᓕᖅᓱᓂ. ᓴᐱᓕᖅᓴᕋᐃᙱᓐᓂᖅ ᓄᓇᖃᖅᑳᖅᓯᒪᔪᓂᒃ ᐱᔪᒃᓯᑎᑦᑎᖕᒥᔪᖅᑕᐅᖅ. "ᑐᓴᕐᓗᓂ ᕿᓚᐅᑎᒥᒃ, ᐅᕝᕙᓘᓐᓃᑦ ᐃᒡᓗᕈᓯᕐᒦᓪᓗᓂ ᓄᓇᖃᖅᑳᖅᓯᒪᔪᓂᒃ, ᕿᒥᕐᓗᒐ ᑲᑕᒐᖅᑎᑦᑎᓲᖅ, ᐊᒻᒪ ᐊᒃᑐᐊᓂᖃᑦᑎᐊᖅᑰᔨᓪᓗᖓ ᓇᒡᓕᒋᔭᐅᑦᑎᐊᓕᖅᖢᖓᓗ, ᓇᒡᓕᒋᑦᑎᐊᖅᖢᒍᓗ," ᓂᑲᒋᖃᑦᑕᖅᑕᖓ.

ᐊᑕᐅᓯᕐᒥᒃ ᓂᕈᐊᕈᓐᓇᕈᕕᑦ ᐃᓅᓯᕐᓂᒃ ᐊᓯᔾᔩᔪᓐᓇᕈᕕᑦ, ᒥᐅᕆᔭ ᓯᓅᓯ ᖁᕕᐊᓱᒃᐳᖅ ᓂᕈᐊᓚᐅᕐᒪᑦ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᔾᔪᓯᖏᓐᓂᒃ ᔫᑳᓐ ᓯᓚᑦᑐᖅᓴᕐᕕᒡᔪᐊᕐᒥ. ᐃᓕᓐᓂᐊᕐᕕᒃ ᐊᑦᓱᕈᓐᓇᖃᑦᑕᖅᓯᒪᑎᓪᓗᒍ ᓯᕗᓂᖓᒍᑦ, ᒪᓕᖃᑦᑕᖅᑐᖅ ᑲᔪᖏᖅᓴᐃᓂᕐᒥᑦ ᐃᑲᔪᖅᑐᕐᓂᕐᒥᑦ ᓇᒻᒥᓂᖅ-ᒐᕙᒪᖃᕐᓂᕐᒥᑦ ᓯᕗᓕᖅᑎᐅᓕᕐᓂᕐᒥᓪᓗ. ᐃᓕᑦᑎᓂᖅ ᓱᓕᑦᑎᐊᖅᑐᓂᒃ ᐊᑐᕐᓂᑯᓂᑦ ᐊᒃᓱᕈᕐᓇᖅᑑᓚᐅᖅᑐᖅ ᑭᓯᐊᓂ ᖃᐅᔨᒪᔪᖅ ᓴᙱᓂᖓᓂᒃ ᓴᐱᓕᖅᓴᕋᐃᙱᓐᓂᖓᓂᒃᓗ ᖃᑕᙳᑎᖏᓐᓂ ᓄᓇᓕᖓᓂᒃᓗ ᑖᓐᓇᓗ ᓇᖕᒥᓂᖅ ᑲᒪᒋᓪᓗᓂᐅᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!