"ᐃᓄᖕᓄᑦ ᐅᖃᓪᓚᒃᕕᒋᓗᒍ. ᐱᑦᑎᐊᕆᑦ. ᐃᓗᐊᕆᔭᐃᑦ ᕿᒪᒡᓗᒍ. ᓇᑦᓴᕐᓂᐊᖅᑐᖅ ᐊᒥᓱᓂᑦ ᓇᒦᕝᕕᐅᔪᓂᑦ ᐃᓅᓯᕐᓂᑦ. ᐊᑐᑐᐃᓐᓇᕐᓗᒍ ᒎᓕᒧᑦ ᒪᓕᒐᖅ: ᐊᓯᑎᑦ ᑲᒪᒋᑦᑎᐊᕐᓗᒋᑦ ᖃᓄᖅ ᑲᒪᒋᔭᐅᔪᒪᓇᔭᕐᒪᖔᖅᐱᑦ." ᑖᓐᓇ ᐅᖃᐅᔾᔨᒋᐊᕈᑎᐅᔪᖅ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᒦᒐᓐ ᔅᓚᐃᑦ ᑲᔪᖏᖅᓴᐃᒋᐊᓕᒃ ᓄᓇᖃᖅᑳᖅᓯᒪᔪᓂᑦ ᒪᒃᑯᑦᑐᓂᑦ. ᐊᓪᓚᖓᔪᖅ ᐊᒻᒪᓗ ᓄᓇᖃᖅᑳᖅᑐᖅ ᓄᓇᑦᓯᐊᕐᒧᑦ ᐊᒻᒪᓗ ᐃᓅᓚᐅᖅᓯᒪᔪᖅ ᐊᒻᒪᓗ ᐱᕈᖅᓴᓪᓗᓂ ᕼᐊᐃ ᕆᕗᒥ, ᓄᓇᑦᑎᐊᕐᒥ.

ᔅᓚᐃᑦ ᐱᒋᐊᓚᐅᖅᑐᖅ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐃᖅᑲᓇᐃᔭᖅᖢᓂ ᓂᕿᓕᕆᔨᓂᑦ ᕆᒃᓯᐅᓪᒥᑦ. ᖁᕕᐊᓇᒻᒪᕆᓚᐅᖅᑐᖅ ᐱᖃᑎᖃᖅᑐᓂ ᑲᒻᐸᓂᐅᔪᒥᒃ, ᑕᐃᒃᑯᐊ ᕼᐋᑭᖅᑎᐅᔪᑦ ᔅᑖᓐᓕ ᑲᑉ-ᒨᓚᐅᖅᑎᓪᓗᒋᑦ, ᑭᓯᐊᓂᓕ ᐃᖅᑲᓇᐃᔭᖅᑐᑎᒃ 3-ᒨᕋᓱᐊᕐᓂᖓᓂ ᕼᐊᑭᖅᑐᖃᓚᐅᖅᑎᓪᓗᒍ ᐊᒃᓱᕈᓐᓇᑐᖅᓯᐅᓕᓚᐅᖅᑐᖅ ᐱᓕᕆᖃᑎᖃᕆᐊᖅᑐᖅᑐᓂ ᒐᕙᒪᒃᑯᓐᓂᑦ ᐊᓪᐳᑕᒥ ᕿᓂᖅᑐᓂ ᐱᐅᓂᖅᓴᒥᒃ ᐃᖅᑲᓇᐃᔭᕐᓂᕐᒥᒃ ᐊᒻᒪᓗ ᐃᑲᕐᕋᐅᒐᔪᑦᑐᓂᒃ. ᑭᖑᓂᐊᒍᑦ, ᓅᖦᖢᓂ NAIT−ᑯᓐᓄᑦ ᐃᖅᑲᓇᐃᔭᕐᖢᓂ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐅᓚᓂᖏᑕ ᐅᖃᐅᔾᔨᒋᐊᖅᑎᖓᓄᑦ ᐱᓕᕆᖃᑎᒌᓄᑦ ᓯᕗᓕᖅᓯᔨᐅᓪᓗᓂ.

ᒫᓐᓇ ᐱᓕᕆᐊᖓ ᓈᒻᒪᑦᑎᐊᖅᑐᖅ ᓲᖃᐃᒻᒪ ᖁᕕᐊᒋᑦᑎᐊᖅᑕᖓ ᐃᖅᑲᓇᐃᔭᕆᐊᒃᓴᖅ ᐃᖅᑲᓇᐃᔭᖅᑐᓕᕆᔨᒃᑯᓐᓂ, ᐱᓕᕆᐊᖃᖅᖢᓂ ᑭᓱᓕᒫᓂᒃ ᐃᖅᑲᓇᐃᔭᓕᖅᑎᑦᑎᓂᕐᒥᒃ, ᓅᑎᓪᓗᒋᑦ ᐃᖅᑲᓇᐃᔮᑦ, ᑮᓇᐅᔾᔭᒃᓵᖏᑦ ᐅᓄᖅᓯᒋᐊᖅᑐᑦ, ᓅᑎᑕᐅᔪᑦ, ᖃᓄᑐᐃᓐᓇᕐᓗ ᐊᓯᔾᔨᕈᑎᑦ ᐃᖅᑲᓇᐃᔭᖅᑎᐅᑉ ᐊᑐᕐᓂᑯᖏᓐᓂ. Slade−ᑯᑦ ᐱᔭᒃᓴᖃᖅᑎᑕᐅᕗᑦ ᓇᓗᙱᑦᑎᐊᕈᒪᓂᕐᒥᓄᑦ ᐃᖅᑲᓇᐃᔭᖅᑏᑦ ᐊᖏᖃᑎᒌᒃᐸᖕᓂᖏᓐᓄᑦ, ᒪᓕᒋᐊᖃᖅᐸᒃᑐᓄᑦ ᒪᓕᒋᐊᖃᖅᐸᒃᑐᓄᓪᓗ ᒪᓕᒃᑕᐅᒐᓗᐊᕐᒪᖔᑕ, ᐱᓕᕆᐊᖃᖅᐸᒃᑭᓪᓗᓂᓗ ᐃᖅᑲᓇᐃᔭᖅᑏᑦ ᓄᖅᑲᖅᑎᑕᐅᓂᖏᓐᓂᒃ. ᑖᓐᓇ ᑭᖑᓪᓕᖅᐸᖅ ᑲᑉᐱᐊᓇᖅᑑᔮᖅᑐᖅ, ᑭᓯᐊᓂ ᐊᕕᑕᐅᔪᖃᐃᓐᓇᕈᓐᓇᖏᒻᒪᑦ.

ᓯᕗᓪᓕᕐᒥ, ᖃᐅᔨᒪᓚᐅᙱᑦᑐᖅ ᖃᓄᐃᓕᐅᕈᒪᖕᒪᖔᑦ ᐃᖅᑲᓇᐃᔭᕆᐊᒃᓴᖅ, ᐊᔪᖖᒋᓐᓂᖃᑦᑎᐊᕐᓗᓂ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᓈᓴᐅᓯᕆᓂᕐᓂ ᑭᒃᓕᓯᓂᐊᕈᑎᓂᒃᓗ. ᓯᓚᐃᕐᕆᓯᑦ ᐃᓱᒪᓚᐅᖅᑐᑦ ᐋᓐᓂᐊᕕᓕᕆᓂᕐᒥᑦ ᑭᓯᐊᓂ ᑕᐃᒪᐃᒍᒪᓚᐅᖏᑦᑐᑦ. ᐊᓈᓇᖓ ᑎᓕᐅᕆᓪᓗᓂ ᐅᐸᒍᑎᖁᓗᒍ ᐅᐊᖕᓇᖓᓂ ᐊᐅᓪᐴᑕ ᐃᓕᓐᓂᐊᕐᕕᒃ ᓄᑖᙳᖅᐸᓪᓕᐊᔪᓄᑦ ᓲᕐᓗ ᐊᒃᑲᖓ ᓇᖕᒥᓂᓕᕆᓂᕐᒧᑦ ᐃᓕᓐᓂᐊᕌᓂᒍᓯᐊᖅ. ᐃᓱᒪᓕᐅᓕᓚᐅᖅᑐᖅ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐃᓕᑕᕆᔭᐅᔾᔪᑎᑖᖅᑐᓂ. ᓈᒻᒪᑦᑎᐊᖅᑰᔨᓚᐅᖅᑐᖅ ᐃᖅᑲᓇᐃᔭᓚᐅᖅᓯᒪᓂᖓᓄᑦ ᑮᓇᐅᔭᒃᑯᕕᖕᒧᑦ ᐅᖃᐅᔾᔨᓪᓗᓂ ᐃᓕᓐᓂᐊᕐᓇᐃᑦ ᓄᖅᑲᖓᑎᓪᓗᒋᑦ ᖁᕕᐊᒋᓪᓗᒍᓗ.

ᑮᓇᐅᔭᒃᑯᕕᓕᕆᔨᙳᕐᓂᖅ ᐸᕐᓇᐅᑎᑦᑎᐊᕙᐅᖅᑰᔨᓚᐅᖅᑐᖅ ᑭᓯᐊᓂ ᐃᓱᐊᓂ, ᖃᐅᔨᓚᐅᖅᑐᖅ ᖃᓄᐃᓕᐅᕈᒪᙱᖦᖢᓂ. Slade ᐅᑎᓚᐅᖅᑐᖅ NAIT−ᑯᓐᓄᑦ ᐱᔭᕇᖅᓯᓂᕐᒧᑦ ᐊᓯᐊᓂᒃ ᐊᓂᒍᐃᔾᔪᑎᒥᒃ ᐊᐅᓚᑦᑎᓂᕐᒧᑦ, ᐱᓕᕆᐊᖃᓪᓗᐊᑕᖅᖢᓂ ᐃᖅᑲᓇᐃᔭᖅᑐᓕᕆᔨᒃᑯᓐᓂ. ᐊᑎᓕᐅᖃᑕᐅᓯᒪᒻᒪᕆᓚᐅᖅᑐᖅ ᐱᖓᔪᖓᓄᑦ ᐃᓕᓴᕆᔭᐅᔾᔪᑎᒧᑦ ᓂᐅᕐᕈᑎᖃᕋᓱᐊᕐᓂᕐᒧᑦ ᑭᓯᐊᓂ ᐱᒋᐊᓚᐅᕋᓂ, ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐃᖅᑲᓇᐃᔮᖅᑖᓚᐅᖅᑐᖅ ᐊᒻᒪᓗ ᖁᕕᐊᒋᔭᖃᓚᐅᖅᑐᖅ ᓄᑖᒥᒃ ᐃᖅᑲᓇᐃᔮᕆᓛᕈᒪᔭᒥᓂᒃ.

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐊᖏᕐᕋᒧᑦ ᐊᐅᓪᓚᖅᑐᓄᑦ ᐃᓕᓐᓂᐊᕆᐊᕐᓗᑎᒃ ᑭᓇᑐᐃᓐᓇᑦᑎᐊᒧᑦ ᖃᐅᔨᒋᐊᕋᓱᒃᓗᓂ ᖃᐅᔨᒪᔭᒥᓄᑦ ᓇᓂ ᓄᓇᖃᕐᓂᐊᕐᒪᖔᑕ ᐃᓕᓐᓂᐊᕆᐊᕐᓗᑎᒃ ᐅᕝᕙᓘᓐᓃᑦ ᐃᓕᓐᓂᐊᕆᐊᕐᓂᐊᖅᑐᑦ ᑕᕝᕙᓂᑦᑕᐃᓐᓇᖅ ᓄᓇᓕᐸᐅᔭᕐᒥ. "ᑲᑉᐱᐊᓱᙱᓪᓗᑎᑦ ᐅᖃᖃᑎᖃᕆᐊᒃᓴᖅ ᐃᓄᖕᓂᒃ ᐊᐱᕆᕙᒡᓗᑎᓪᓗ ᐊᐱᖅᑯᑎᒃᓴᓂᒃ. ᐃᓄᐃᑦ ᐃᑲᔪᕈᒪᑦᑎᐊᖅᑐᑦ ᐃᓕᖕᓂᒃ, ᐊᒻᒪᓗᑦᑕᐅᖅ, ᐱᖃᓐᓇᕆᔭᖅᑖᑦᑎᐊᕐᓂᐊᖅᐳᑎᑦ ᑕᐃᒪᐃᓕᐅᖅᑎᓪᓗᒋᑦᑕᐅᖅ. ᐱᖃᓐᓂᕆᓂᖅᐹᕋ ᐊᕐᕌᒍ 1-ᒥᑦ ᓱᓕ ᐱᖃᓐᓇᕆᔭᒻᒪᕆᒋᒐᒃᑯ ᐅᓪᓗᒥ, 20-ᑲᓴᐅᓕᖅᑐᑦ ᐊᕐᕌᒍᐃᑦ ᐊᓂᒍᖅᑎᓪᓗᒋᑦ," ᓯᓚᐃᑦ ᐃᓅᓯᓕᕆᔨᖏᑦ.

ᐊᐳᖅᑕᕈᑕᐅᓕᕋᐃᒻᒪᑦ ᐃᓅᓯᖓᓂ, ᓄᑦᑎᖅᑐᓂ 3,000-ᓂᒃ ᐃᓄᓐᓂᒃ ᓄᓇᓕᐸᐅᔭᕐᒧᑦ ᒥᓕᐊᓄᑦ ᐱᒡᒐᓇᖅᑐᒻᒪᕆᐅᓚᐅᖅᐳᖅ. ᖃᐅᔨᒪᙱᖦᖢᓂ ᓇᒧᙵᐅᕙᓪᓕᐊᓂᖓᓂᒃ ᐊᑐᓚᐅᖅᓯᒪᙱᖦᖢᓂᓗ ᑭᒃᑯᑐᐃᓐᓇᓄᑦ ᓄᒃᑕᕐᓂᕆᔭᐅᕙᒃᑐᒥᒃ ᐃᓕᕋᓇᓚᐅᖅᐳᖅ. ᐊᐱᖅᓱᖅᖢᓂ ᐃᑲᔪᓚᐅᖅᐳᖅ ᓄᓇᓕᐸᐅᔭᐅᑉ ᐃᓅᓯᖓᓂ ᓂᕕᖓᓕᕋᒥ, ᕙᓯᒃᑯᑦ ᐊᖁᑎᑦ ᐅᖃᐅᑎᓪᓗᓂᒋᑦ ᐊᖅᑯᑎᖏᓐᓂᒃ.

Slade−ᑯᑦ ᑐᓴᖅᑎᑦᑎᔪᓐᓇᖅᐸᑕ ᒪᒃᑯᖕᓂᖅᓴᒧᑦ ᓇᖕᒥᓂᖅ ᐃᒪᐃᑦᑑᓇᔭᖅᐳᖅ, "ᐃᖢᕐᕆᔪᓐᓃᕐᓗᑎᑦ. ᖃᐅᔨᒋᐊᕐᓗᒋᑦ. ᓄᓇᖃᖅᑳᖅᓯᒪᔪᒃᑯᕕᒃᑕᖃᖅᐳᖅ ᑕᒪᐃᓐᓂᑲᓴᑦᑎᐊᖅ ᓯᓚᑦᑐᖅᓴᕐᕕᖕᒥ ᐃᓚᐅᔪᓂᒃ ᐱᓕᕆᖃᑎᒌᓂᒃ, ᐱᙳᐊᕈᑎᓂᒃ, ᑭᓱᑐᐃᓐᓇᑦᑎᐊᓂᒃ ᐱᔪᒪᔭᕐᓂᒃ, ᑲᑎᑉᐸᒡᓗᑎᑦ ᐃᓱᒪᒥᐅᑕᓂᒃ ᐃᓄᖕᓂᒃ, ᐱᖃᓐᓇᕆᔭᖅᑖᕐᓂᐊᖅᑰᖅᖢᑎᓪᓗ ᐃᓅᓯᕐᓄᑦ ᑕᐃᒪᐃᓕᐅᖃᑕᐅᓗᓯ."

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓᓗ, Slade ᐱᔪᒪᔪᖅ ᐆᒻᒪᕆᖕᓂᕐᒥᒃ, ᐅᐸᒍᑎᖃᑦᑕᕐᓂᖅ ᐃᖃᐃᓕᓴᕐᓂᕐᓂ. ᐊᒥᓱᓂᒃ ᐊᔾᔨᒌᙱᑦᑐᓂᒃ ᐃᓕᓐᓂᐊᕐᕕᐊᕈᓯᕐᓂᒃ ᐆᒃᑐᖃᑦᑕᖅᓯᒪᕗᖅ ᖃᐅᔨᔪᒪᓪᓗᓂ ᑭᓱᓂᒃ ᐱᐅᒃᓴᕐᒪᖔᑦ ᑲᑎᖃᑎᖃᖅᐸᖕᒪᖔᓪᓗ ᓄᑖᓂᒃ ᐃᓄᖕᓂᒃ. ᑕᐃᒪᓐᓇ ᐱᖃᓐᓇᕆᔭᒥᓂᒃ ᐅᖃᐅᓯᖃᓚᐅᖅᐳᖅ ᐱᒻᒪᕆᐅᒋᔭᒥᓂᒃ ᐊᒻᒪ ᐱᓕᕆᑦᑎᐊᕈᓐᓇᖅᖢᓂ, ᐃᖏᕐᕋᔪᒪᑦᑎᐊᖅᑰᔨᙱᒃᑲᓗᐊᖅᖢᓂ.

"ᐃᓛᓐᓂᒃᑯᑦ ᐃᓱᒪᒃᓴᖅᓯᐅᓗᐊᕆᐊᖃᙱᑦᑐᑎᑦ ᐅᕝᕙᓘᓐᓃᑦ ᐊᔪᕐᓇᖅᓯᑎᑦᑎᓗᐊᕆᐊᖃᙱᖦᖢᑎᑦ ᐱᔭᕆᐊᖃᖅᑕᒥᓂᒃ"

ᑐᓱᓐᓇᕐᓂᖓ ᒪᓕᒃᖢᒍ, ᔅᓚᐃᑦ ᐊᖓᔪᖅᑳᒥᓂᒃ ᑕᐅᑐᒃᐳᖅ. ᐱᕈᖅᓴᓪᓗᓂ, ᐃᓕᑦᑎᓪᓗᓂ ᐱᒻᒪᕆᐅᓂᖓᓂᒃ ᐃᓄᑦᑎᐊᕙᐅᓂᕐᒥᒃ ᐊᖓᔪᖅᑳᖏᓐᓂ ᐃᓕᑦᑎᔾᔪᑎᒋᔭᖏᓐᓂᒃᓗ ᐃᑲᔪᕐᓂᕐᒥᒃ ᐊᓯᒥᖕᓂᒃ ᐊᔪᕐᓇᙱᑐᐊᕌᖓᑦ. "ᖃᐅᔨᒪᔪᖓ ᐱᐅᖏᓐᓇᐅᔭᕐᓂᖓᓂᒃ ᐃᓄᐃᑦ ᑐᙵᓇᕌᖓᑕ, ᐊᓱᐃᓛᒃ ᑕᖅᑲᐅᖓᖅᑎᓐᓇᓱᖃᑦᑕᖅᑕᕋ ᑭᒃᑯᓕᒫᓄᑦ ᑲᑎᕝᕕᒋᔭᓐᓄᑦ," ᐅᖃᖅᑐᖅ.

ᐅᖃᖃᑎᖃᕐᓂᖅ ᐃᓄᓐᓂᑦ, ᐃᓄᑦᑎᐊᕙᐅᓂᕐᒥᑦ, ᐊᑲᐅᒋᔭᒥᓐᓂᑦ ᐊᒻᒪᓗ ᒪᓕᓪᓗᓂ ᒎᓕᒧᑦ ᒪᓕᒐᕐᒥᑦ ᐃᑲᔪᖅᓯᒪᔪᖅ ᒦᒐᓐ ᔅᓚᐃᑦ ᐃᓅᓯᖓᓂᑦ ᐃᖅᑲᓇᐃᔮᖃᖅᓱᓂᓗ ᐃᖅᑲᓇᐃᔭᖅᑐᓕᕆᓂᕐᒥᑦ. ᓅᖦᖢᓂ ᒥᑭᑦᑐᒥᒃ ᓄᓇᓕᖕᒥ ᓄᓇᓕᐸᐅᔭᕐᒧᑦ ᐊᒃᓱᕈᕐᓇᖅᑐᖃᓚᐅᖅᑐᖅ ᑭᓯᐊᓂ ᐊᖅᑯᑎᐅᓪᓗᐊᑕᓚᐅᖅᑐᖅ ᐊᖏᓛᒧᑦ ᐱᔪᒪᔭᖏᓐᓄᑦ ᓱᓕᓪᓗᓂ. ᖃᐅᔨᒪᓐᖏᑐᐃᓐᓇᕆᐊᓕᒃ ᖃᓄᐃᓕᐅᕈᒪᓂᕐᒥᓂᒃ ᐱᒋᐊᕐᓂᖓᓂᑦ, ᑭᓯᐊᓂ ᓯᓐᓇᑦᑑᒪᒥᓂᒃ ᐱᓕᕆᔪᓐᓇᖅᓯᓚᐅᖅᑐᖅ, ᓲᕐᓗ ᖃᐅᔨᒐᒥᐅᒃ ᕙᓯᒃᑰᖅᑐᓂ, ᐊᒻᒪᓗ ᓇᒦᒋᐊᖃᕐᒪᖔᖅ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.