"ᐅᕙᓐᓂᒃ ᐃᓂᖅᑎᕆᓂᕐᒥᒃ ᐃᓕᓐᓂᐊᖅᑎᑦᑎᔭᕆᐊᖃᓚᐅᖅᑐᖓ. ᐱᕈᖅᓴᔭᐅᓚᐅᙱᓐᓇᒪ," ᐃᖅᑲᐅᒪᔪᖅ ᒥᓚᕼᐋᑦ ᐹᓪ. ᐱᕈᖅᓴᓚᐅᖅᑐᖅ ᐅᐃᓂᐹᒡᒥ, ᑭᓯᐊᓂ ᐃᖅᑭᓖᑦ 3-ᒥᙶᖅᓯᒪᔪᖅ ᑭᓄᐊᕋ ᖃᓂᒋᔮᓂ. ᐃᒻᒥᓂᒃ ᐅᖃᐅᓯᖃᖅᑐᖅ ᓄᓇᓕᕐᔪᐊᖑᓂᕋᖅᓱᓂ ᐊᒻᒪᓗ ᓄᓇᖃᖅᓯᒪᑦᓱᓂ ᓄᓇᓕᐸᐅᔭᕐᒥ ᐃᓅᓯᓕᒫᖓᓂ. ᐹᓪ ᐊᖓᔪᒃᖠᖅᐹᖑᕗᖅ 6-ᓂᒃ ᖃᑕᙳᑎᒋᔭᐅᔪᓂᒃ ᓄᖅᑲᖅᖢᓂᓗ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᕆᐊᒃᓴᖅ. 

ᐃᓕᓐᓂᐊᕐᕕᖕᒥ ᐊᒃᓱᕈᓚᐅᖅᑐᖅ ᓯᕘᕋᓂᖓᓄᑦ ᐊᒻᒪ ADHD−ᒧᑦ ᑮᓇᐅᔭᓕᐅᕈᒪᑦᑎᐊᖅᖢᓂᓗ. ᓯᕗᓪᓕᖅᐹᒥ ᐃᖅᑲᓇᐃᔮᖓ ᑮᓇᐅᔭᙳᖅᑎᐅᓪᓗᓂ, ᐃᖅᑲᓇᐃᔮᖓ ᐃᑲᔪᕐᖢᓂ ᖃᐃᓪᓗᓂ ᖁᓕᕈᐊᖓᓂ, ᑭᓇᑭᐊᖅ ᓂᐸᐃᖏᓐᓇᐅᔭᖅᑐᖅ. ᐊᕐᕌᒍᒐᓴᐅᓕᖅᑐᓂᑦ ᐃᖅᑲᓇᐃᔭᖅᓯᒪᔪᖅ ᑐᙵᓇᕐᓂᕐᒧᑦ, ᐱᔨᑦᓯᕋᖅᑕᐅᓂᕐᒧᑦ ᐱᔨᑦᓯᕋᕐᓂᕐᒥᑦ ᐅᑎᕈᒪᓕᖅᓱᓂᓗ ᐃᓕᓐᓂᐊᕐᕕᒻᒧᑦ, ᐃᑉᐱᓐᓂᐊᓂᖃᕐᓂᕐᒥᑦ ᓂᑲᒍᓱᒍᒪᓂᕐᒥᑦ ᑖᒃᑯᓂᖓ ᐃᖅᑲᓇᐃᔮᓂᑦ.  

ᐅᐃᕆᓯᒪᓂᖅ ᐊᒃᓱᕈᕐᓇᖅᑑᕗᖅ ᑖᓐᓇ ᖃᑕᙳᑎᖏᓪᓗ ᐊᒃᓱᕈᕐᓇᖅᑐᖅᓯᐅᖃᑦᑕᖅᓯᒪᓪᓗᑎᒃ ᑕᐃᒪᓐᓇᓗ ᐃᓕᓐᓂᐊᖅᐳᖅ ᐱᓇᔪᒍᑎᖃᖅᖢᓂ ᐃᓅᓯᓕᕆᓂᕐᒥᒃ. ᐹᓪ ᐱᔪᒪᓂᖃᖅᑐᖅ ᐅᐃᕆᓯᒪᔭᖃᖅᑐᓕᕆᓂᕐᒧᑦ ᐃᓅᓯᓕᕆᓂᕐᒥᒃ ᐃᓕᑦᑎᓗᓂᓗ ᑭᒃᓕᓯᓂᐊᕐᓂᕐᒥᒃ ᐅᐃᕆᓯᒪᔭᖃᕐᓂᕐᒧᑦ. "ᐃᑲᔪᕈᒪᐃᓐᓇᐅᔭᖅᑐᖓ ᐃᓄᖕᓂᒃ," ᓇᓗᓇᐃᖅᓯᓪᓗᓂ, ᑭᓯᐊᓂ ᐊᑕᐅᑦᑎᒃᑯᑦ, ᐊᒃᓱᕉᑎᖃᖅᑐᖅ ᐃᓱᒪᑦᑎᐊᙱᖦᖢᓂ, ᐃᓱᒪᓪᓗᓂ ᑭᓇ ᐃᑲᔪᕐᓂᐊᕐᒪᖔᑦ ᐊᓯᒥᖕᓂᒃ ᐊᑲᐅᙱᓕᐅᕈᑎᖃᖅᑎᓪᓗᒍ ᐅᐃᕆᓯᒪᔭᖃᕐᓂᕐᒧᑦ. ᐊᒻᒪᓗᑦᑕᐅᖅ, ᖁᕕᐊᒋᔭᖃᖅᑐᖅ ᓇᒻᒥᓂᖅᓱᕈᓐᓇᓂᕐᒥᑦ ᐃᓐᓇᕐᓄᑦ ᐃᓕᓐᓂᐊᕐᓂᕐᒧᑦ ᑭᓪᓕᖃᖅᑎᑦᓯᖏᓐᓂᕐᓴᐅᓂᕐᒥᓪᓗ ᐃᓕᓐᓂᐊᕐᓂᕐᒧᑦ ᐊᕙᑎᒥᑦ. 

ᐅᐃᕆᓯᒪᓂᐅᑉ ᐅᖓᑖᓄᑦ, ᐃᓚᖏᑦ ᐊᓯᖏᑦ ᐊᒃᓱᕈᕐᓇᖅᑐᑦ ᐊᑐᖃᑦᑕᖅᑕᖏᑦ ᐃᓅᓯᕐᓂ ᐊᑲᐅᙱᓕᐅᕈᑎᓂᒃ ᐊᑐᖅᓯᒪᔪᑦ ᐊᓯᖏᓐᓄᑦ ᐃᓄᖕᓄᑦ ᑭᓯᐊᓂ ᐃᓚᐅᖃᑕᐅᒐᔪᙱᖦᖢᓂ ᐱᔪᒪᖔᕐᖢᓂᓗ ᐱᓱᑐᐃᓐᓇᕈᒪᓂᕐᒥᒃ. ᑐᓗᖅᑕᕈᑎᒃᑯᑦ ᑲᒪᒋᕙᖏᑦ ᐃᓕᖦᖢᓂᒋᑦ ᐱᒻᒪᕆᐅᔪᑦ ᐃᓕᑕᖏᑦ. "ᑭᒃᑯᓕᒫᑦ ᐃᓕᖕᓂᒃ ᐱᐅᑦᓴᔾᔮᖏᑦᑐᑦ. ᑭᓱᓕᒫᖑᖏᑦᑐᑦ ᐃᓕᓐᓄᑦ. ᖃᓄᐃᖏᑦᑐᖅ ᐱᒋᐊᕆᐊᔅᓴᖅ. ᖃᓄᐃᙱᑦᑐᖅ ᐊᓯᐊᓄᑦ ᐊᐅᓪᓚᕆᐊᒃᓴᖅ," ᐅᖃᖅᖢᓂ. ᐅᑎᑲᐃᓐᓇᕈᓐᓇᕈᓂ ᐊᒻᒪᓗ ᒪᒃᑯᓐᓂᖅᓴᐃᑦ ᐅᖃᐅᑎᒋᐊᕐᓗᓂᒋᑦ, "ᐃᓕᓐᓂᐊᕈᓐᓃᖅᑕᐃᓕᒋᑦ, ᐃᒻᒪᖃ ᐊᓯᐊᓅᑐᐃᓐᓇᖏᓪᓗᓂ ᐃᓕᓐᓂᐊᕐᕕᓄᑦ...ᓄᖅᑲᑐᐃᓐᓇᕐᓗᓂ ᑕᒻᒪᖅᑐᓂᒃ. ᑐᕌᒐᖅ."

ᐹᓪ ᖃᐅᔨᓪᓗᓂ ᐊᑲᐅᙱᓕᐅᕈᑎᖃᕐᓂᖓᓂᒃ ᐅᐃᕆᓯᒪᔭᖃᕐᓂᕐᒧᑦ ᐅᑭᐅᖃᕐᖢᓂ 19−ᓂᒃ, ᑲᑎᖃᑎᖃᕐᖢᓂᓗ ᐃᓐᓇᑐᖃᕐᒥᒃ, ᒍᕋᔾᔨᐅᓕᕐᖢᓂ ᓄᓇᓕᖕᒥ ᒍᕇᑕᓐᒥ. ᓱᓕ ᐃᓂᑕᖃᖅᑐᖅ, ᐃᑲᔪᖃᑦᑕᖅᑐᖅ ᐊᐅᔭᒃᑯᑦ ᐊᒻᒪᓗ ᒫᓐᓇᓵᒃᑯᑦ ᐱᓇᓱᓚᐅᖅᑐᖅ ᒍᕋᔾᔨᓐᒧᑦ ᐃᑲᔪᖅᑎᒥᒃ. ᖀᖅᓱᕐᓂᖅ ᖃᐅᔨᔭᐅᔪᖅ ᒪᒥᓴᐃᓂᕐᒥᒃ. "ᐊᒃᓱᐊᓗᒃ ᐃᑲᔪᕐᔪᐊᓚᐅᖅᑐᖅ ᐅᕙᓐᓄᑦ ᓄᒫᓱᖕᓂᕐᒥᒃ. ᐱᐅᕗᖅ ᑕᑯᓐᓇᖅᑐᓂ ᐱᕈᕐᐸᓪᓕᐊᑎᓪᓗᒍ ᐱᕈᖅᓯᐊᓂᑦ ᐊᒻᒪᓗ ᑲᒪᑦᑎᐊᓂᕐᒥᑦ ᐱᕈᖅᓯᐊᓂᑦ, ᐊᒻᒪᓗ ᒥᑭᔪᑯᓘᓪᓗᑎᑦ, ᓱᓕᕚ? ᖃᐅᔨᒪᙱᑦᑐᖓ, ᐱᐅᔪᐊᓘᖕᒪᑦ," ᖁᖓᖦᖢᓂ. 

ᓯᓚᑖᓂ ᒍᕇᑕᓐ, ᐹᓪ ᓈᒻᒪᒍᓱᑦᑎᐊᖅᑐᖅ. ᑐᒃᑲᕆᐊᓕᖕᓂ ᖁᕕᐊᒋᔭᖃᖅᑐᖅ ᐊᒻᒪ ᐊᑯᓂᐊᓗᒃ ᐅᒥᐊᕐᒦᔅᓲᔭᕈᓐᓇᖅᖢᓂ. ᑲᑎᒪᔨᐅᖃᑕᐅᓪᓗᓂ ᐱᓕᕆᐊᖑᕙᒃᐳᖅ ᐃᑲᔪᖅᐸᒃᖢᓂ ᑕᒪᑐᒥᖓ ᓯᕘᕋᓕᕌᖓᒥ, ᑖᓐᓇᓗ ᓂᐊᖂᑎᒦᑎᖦᖢᒍ. ᐃᖃᐃᓕᓴᕐᓂᖅ ᐊᒻᒪ ᐊᓐᓄᕋᔾᔨᐅᕐᓂᖅ, ᖃᐅᔨᓚᐅᖅᑐᖅ ᖃᓄᖅ ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ, ᑎᒥᒃᑯᑦ ᐅᒃᐱᕐᓂᒃᑯᓪᓗ ᖃᓄᐃᙱᑦᑎᐊᕐᓂᖓ. 

ᐱᔪᒃᓯᑎᑦᑎᖃᑦᑕᖅᑐᖅ ᑕᑯᒐᒥ ᐊᓯᖏᓐᓂᒃ ᐃᓄᖕᓂᒃ ᑲᔪᓯᑦᑎᐊᖅᑐᓂᒃ, ᐱᓗᐊᖅᑐᒥᒃ ᐃᓄᖕᓂᒃ ᐱᕈᖃᑎᒋᔭᒥᓂᒃ ᐅᕝᕙᓘᓐᓃᑦ ᐱᕈᖅᓴᔪᓂᒃ ᐊᔪᖅᓴᕐᓂᕐᒥᒃ. ᐹᓪ ᖃᐅᔨᒪᔪᖅ ᐊᒃᓱᕈᕈᓂ ᑲᔪᓯᑦᑎᐊᕐᓂᐊᕐᒥᔪᖅ. "ᑕᒪᕐᒥᑦᑎᐊᖅ ᐊᔭᖅᑭᑦᑕᕈᑎᖃᓚᐅᖅᐳᑦ ᒫᓐᓇᓗ ᓴᙲᓕᖅᐸᓪᓕᐊᓪᓗᑎᒃ. ᑕᒪᓐᓇ ᑕᑯᒍᒥᓇᖅᐳᖅ. ᐱᔪᒃᓯᓐᓇᑦᑎᐊᖅᑐᖅ, ᐅᖃᕋᔭᖅᐳᖓ," ᐅᖃᖅᐳᖓ. 

ᒪᒃᑯᒃᑐᓄᑦ ᑐᓴᖅᑕᐅᖁᔭᖓ ᐃᓕᑦᑎᔾᔪᑎᒋᓚᐅᖅᐸᐅᒃ ᐱᖃᓐᓇᕆᔭᕕᑦ ᐊᓈᓇᑦᑎᐊᖓᓂ," ᓴᐃᒻᒪᖅᑎᑦᑎᑲᑕᒡᓗᑎᑦ ᐅᕝᕙᓘᓐᓃᑦ ᐃᓕᑦᑎᓗᑎᑦ, ᖃᓄᐃᓕᔪᖃᙱᖦᖢᓂ ᐱᔾᔪᑎᖃᙱᖦᖢᑎᑦ." ᓇᓂᓯᓂᖅ ᑐᑭᖓᓂᒃ ᑭᓱᑦ ᐊᔪᕌᖓᑕ ᐱᑎᑦᑎᓲᑦ ᓴᐃᓕᓂᕐᒥᒃ. ᓂᕆᐅᒋᔭᖃᖅᐳᖅ ᒪᒃᑯᒃᑐᑦ ᐃᓕᑦᑎᓂᐊᕐᓂᖏᓐᓂᒃ ᑲᒪᒋᔭᖃᕈᓐᓇᕐᓂᕐᒥᒃ ᓄᓇᒥᒃ ᓇᖕᒥᓂᕐᓗ ᑲᒪᒋᔭᖃᕈᓐᓇᖅᓯᓗᑎᒃ ᐊᕙᑎᒥᒃ ᖄᖅᑎᑦᑎᓂᒃᑯᑦ ᐊᑐᒃᑲᓐᓂᕈᓐᓇᖅᑐᓂᒡᓗ, ᐃᓕᓴᖅᓯᓂᕐᒥᒡᓘᓐᓃᑦ ᑕᒪᒃᑯᐊ ᑯᐊᐳᕇᓴᐃᑦ ᐊᖏᓂᖅᓴᒻᒪᕆᖕᒥᒃ ᐊᒃᑐᖅᓯᕙᖕᓂᖏᓐᓂᒃ ᓱᕈᖅᑎᕆᓂᕐᒥᒃ. 

ᐱᓕᕆᐊᖃᖅᖢᓂ ᑕᒻᒪᙱᖦᖢᓂ ᑲᒪᒋᓗᒍ ᐊᓈᓇᐅᔪᖅ ᓄᓇᕐᔪᐊᖅ ᐃᓚᒋᔭᐅᔪᖅ ᐃᓂᖅᑎᕆᓂᕐᒧᑦ, ᐃᖕᒥᓂᒃ ᐃᓕᓴᐃᔭᕆᐊᖃᓚᐅᖅᑐᖅ ᓲᖃᐃᒻᒪ ᐱᕈᖅᓴᔭᐅᓚᐅᙱᓐᓂᖓᓄᑦ. ᓇᓂᓯᓪᓗᓂ ᐃᓕᑕᐅᔪᓂᒃ ᐊᒻᒪ ᓱᓐᓂᐅᒪᔪᓂᒃ ᐊᒻᒪ ᐅᐃᕆᓯᒪᔭᖃᕐᓂᕐᒧᑦ ᐃᓅᓯᓕᕆᔨᐅᓪᓗᓂ, ᑐᓴᖅᑎᑦᑎᔪᒪᒐᓗᐊᖅᐳᖅ ᐊᓯᒥᓄᑦ ᖃᓄᖅ ᐃᓐᓇᖓ ᐅᖃᐅᓯᕆᖃᑦᑕᕐᒪᖔᒍ. ᐃᓕᓐᓂᐊᕈᓐᓃᓚᐅᖅᑎᓪᓗᒍ, ᐃᓕᓐᓂᐊᕐᕕᖕᒧᑦ ᐅᑎᕈᓐᓇᖅᓯᓚᐅᖅᑐᖅ, ᐱᕈᖅᓯᐊᓪᓗ ᑲᒪᒋᖃᑦᑕᖅᑕᖏᑦ ᓄᓇᓕᖕᓂ ᒍᕇᑕᓐᒥ, ᒫᓐᓇ ᑐᙵᕕᖃᓕᖅᑐᖅ ᐃᔾᔪᕐᒥ ᐃᓕᓐᓂᐊᕐᕕᖕᒥ ᐃᑲᔪᕐᓂᐊᖅᑐᒥᒃ ᐱᕙᓪᓕᐊᑎᓪᓗᒍ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.