"ᐃᓄᐃᑦ ᑎᓕᐅᖅᑕᐅᖁᕙᒃᑲ ᒥᑭᑦᑐᓂᒃ ᐱᓕᕆᓕᕌᖓᔅᓯ, ᖃᓄᐃᓕᐅᕌᕐᔪᖕᓂᐊᕐᓂᖏᓐᓄᑦ," ᑎᓕᐅᕆᕗᖅ ᒪᐃᑯ ᕋᑦᕼᐊᑦ ᑦᓵᒡᓂ, ᐱᕈᖅᓴᓚᐅᖅᑐᖅ ᐅᐃᓂᐹᒡᒥ ᓄᓇᖃᖅᖢᓂᓗ, ᖃᑕᙳᑎᖏᑦ 5-ᒥᙶᕋᓗᐊᖅᖢᑎᒃ ᐅᑭᐅᖅᑕᖅᑐᒥ. ᐱᓕᕆᑎᓪᓗᒍ ᐅᓂᒃᑳᖅᑎᐅᓪᓗᓂ, ᑭᒃᑯᑐᐃᓐᓇᕐᓄᑦ ᐅᖃᖅᑎᐅᓪᓗᓂ, ᖃᓄᐃᓕᐅᖅᑐᖃᖅᑎᓪᓗᒍ, ᑎᑎᕋᖅᑎᐅᔪᖅ ᐊᒻᒪᓗ ᓄᓇᓕᓐᓂ ᐋᖅᑭᒃᓱᐃᔨᐅᔪᖅ, ᑕᒪᒃᑯᐊ ᒥᑭᔪᑦ ᖃᓄᐃᓕᐅᕈᑎᒋᔭᖏᑦ ᐃᓚᕙᓪᓕᐊᓯᒪᔪᑦ. 

ᐃᓅᕋᑖᖅᑎᓪᓗᒍ, ᐃᓕᔭᐅᓚᐅᖅᑐᖅ ᑎᒍᐊᖑᐊᖑᕙᑦᑐᓄᑦ ᐊᒻᒪᓗ ᑎᒍᐊᕆᔭᐅᓪᓗᓂ ᐃᓚᒌᓄᑦ ᑕᑯᑎᑦᓯᓪᓗᓂ ᖃᓄᑎᒋ ᐱᒻᒪᕆᐅᒻᒪᖔᖅ ᐸᖅᑭᑦᓯᓂᖅ ᓱᕈᓯᕐᓂᒃ ᓄᓇᓕᓐᓂ. ᐱᕈᖅᓴᓚᐅᖅᑐᖅ ᐅᐊᓂᐸᐃᒡ ᐅᐊᖕᓇᖓᓂ, ᐊᕙᓗᔭᐅᓯᒪᓪᓗᓂ ᐊᔪᖅᓴᕐᓂᕐᒧᑦ, ᐋᓐᓂᖅᓯᕆᓂᕐᒧᑦ ᐊᓯᖏᓐᓄᓪᓗ ᓄᓇᖃᖅᑳᖅᓯᒪᔪᓄᑦ.  "ᑭᓇᐅᓂᓐᓂᒃ ᖃᐅᔨᕗᖓ... ᐃᓱᒪᒋᓕᕌᖓᒃᑭᑦ ᓄᓇᓕᖁᑎᒃᑲ, ᐃᓱᒪᒋᖃᑦᑕᕋᒃᑭᑦ ᓴᐱᓕᖅᓴᕋᐃᙱᓐᓂᖅ ᐊᒻᒪ ᓴᙱᓂᖅ ᐊᒻᒪ ᓴᓇᑐᓂᖅ ᐊᒻᒪ ᑎᔅᓯᓈᕿᓂᖅ, ᐊᒻᒪ ᐱᐅᔪᒻᒪᕆᐃᑦ ᐱᑕᖃᖅᑕᕗᑦ ᑕᒫᓂ ᖃᓂᒋᔭᑦᑎᓐᓂ," ᒥᑕᖅᑐᖅ.

ᐱᔪᒃᓯᓂᖓ ᑕᕝᕙᙶᖅᐳᖅ ᑎᒍᐊᕆᓯᒪᔭᒥᓂᑦ ᓄᓇᕐᔪᐊᕐᒥᙶᖅᖢᓂ ᐊᒻᒪ ᑕᒻᒪᕈᒪᓂᕆᔭᖓᑦ ᑎᒍᐊᙳᐊᖃᖅᐸᒃᑐᑦ. "ᖁᕕᐊᒋᑦᑎᐊᓚᐅᖅᑕᕋ, ᐊᒃᓱᕉᑎᖃᖅᖢᖓ ᐃᑲᔪᖅᑐᐃᔪᒪᓪᓗᖓ ᐊᖓᔪᖅᑳᕆᔭᐅᔪᓂᒃ ᐱᓕᕆᔪᓂᒃ ᕿᑐᕐᖓᖏᑦ ᐊᖏᕐᕋᐅᔾᔭᐅᓪᓗᑎᒃ, ᐃᑲᔪᖅᓱᕐᓗᒋᓪᓗ ᒪᒃᑯᒃᑐᑦ ᐃᓐᓇᕈᖅᐸᓪᓕᐊᑎᓪᓗᒋᑦ ᑲᒪᒋᔭᐅᔪᓐᓃᕌᖓᑕ ᐊᒃᑐᐊᓂᖃᙱᑉᐸᑕ ᐱᔭᕆᐊᖃᖅᑕᖏᓐᓄᑦ," ᓇᓗᓇᐃᖅᓯᓪᓗᓂ. ᐱᔪᒃᓯᑎᑦᑎᓯᒪᔪᖅ ᐃᓕᖅᑯᓯᖓᑕ ᐃᓕᓴᐃᔾᔪᓯᖏᓐᓂᒃ ᐃᓚᒌᖕᓂᕐᒥᒃ, ᑕᑯᑎᖦᖢᒍ ᖃᓄᖅ ᐊᒃᑐᐊᓂᖃᖅᑐᐃᓐᓇᐅᓂᑦᑎᓐᓂᒃ ᐊᒻᒪ ᐊᒃᑐᐊᖃᑎᒌᖕᓂᑦᑎᓐᓂ ᐊᒻᒪ ᑲᒪᒋᖃᑦᑕᐅᑎᔭᕆᐊᖃᕐᓂᑦᑎᓐᓂᒃ. 

ᐅᐃᓂᐹᒡ ᐊᑦᑎᖅᑕᐅᒻᒪᑦ ᐃᓄᐊᖅᑕᐅᓯᒪᔪᓄᑦ ᑐᑦᑕᕐᕕᒻᒧᑦ ᑲᓇᑕᒥ, ᒪᒃᑯᑦᑐᐃᑦ ᓄᓇᖃᖅᑳᖅᓯᒪᔪᑦ ᒪᒃᑯᑦᑐᖏᑦ ᐱᕕᔅᓴᖃᖅᑎᑕᐅᓚᐅᖅᑐᑦ ᓯᕙᓕᒃ ᐊᖅᑯᑎᒃᑯᑦ, ᕿᑎᐊᓂ ᐋᓐᓂᖅᑎᕆᓂᐅᑉ, ᐊᒻᒪ ᓯᕙᓂᖅᑎᑦᑎᓪᓗᑎᒃ ᐃᒃᑮᕐᓇᖅᑐᒥᑦ ᑕᓪᓕᒥᕐᒥᑦ ᐅᓐᓄᒃᑯᑦ. ᐱᓇᓱᐊᕈᓯᑕᒫᑦ ᑲᑎᖃᑦᑕᓚᐅᖅᑐᑦ ᐊᕐᕌᒍᓄᑦ 8-ᓄᑦ ᓄᓇᓕᓕᐅᖅᖢᑎᒃ ᐃᓇᖐᓪᓗᑎᒡᓗ ᐋᓐᓂᖅᑎᕆᓂᖕᒥᑦ ᐱᐅᓂᖅᓴᒥᑦ, ᓂᕆᖃᑎᒌᒃᖢᑎᒃ, ᐅᖃᐅᓯᖃᖅᖢᑎᒃ ᐊᒃᓱᕈᕈᑎᖏᓐᓂᑦ, ᓵᓚᒃᓴᐅᓯᐊᓂᑦ ᑐᓂᓯᓪᓗᑎᒃ, ᐱᕙᒌᔭᐃᓪᓗᑎᒡᓗ ᐱᓇᓱᐊᕈᓯᐅᓛᖅᑐᒥᑦ ᑲᑎᙵᓂᖕᒥᑦ. ᑲᑎᖃᑎᒋᙵ ᐱᐅᓪ ᑕᐅᕗᒃᑯᑦ ᖃᑕᙳᑎᙳᕐᖢᑎᒃ.  

"ᐅᕙᖓ ᐱᐅᓪ ᑕᐅᕗᒥ ᖃᖓᑦᑕᖅᑎᑦᑎᕕᐅᓚᐅᖅᑐᖅ, ᑲᑎᕝᕕᐅᓚᐅᖅᑐᖅ, ᑕᐃᐃᓐᓇᐅᔭᖅᑕᕋ ᐃᓱᒪ ᓱᓕᔪ."

ᐊᒥᓱᑦ ᐱᒋᐊᖅᑎᑕᐅᓯᒪᔪᑦ ᓴᖅᑭᓚᐅᖅᐳᑦ ᑕᐃᑲᙵᑦ ᐊᕐᕌᒍᓂᑦ ᐋᖅᑭᒃᓱᐃᓪᓗᑎᒃ, ᐃᓚᒋᔭᐅᓪᓗᓂ ᐊᑭᖃᙱᖦᖢᓂ ᐊᑭᕋᖅᑐᕐᓂᕐᒧᑦ ᑲᑎᒪᕐᔪᐊᕐᓂᖅ ᓯᕙᑖᕐᕕᖕᒥᓗ ᐅᓐᓄᒃᑯᑦ ᐱᓕᕆᐊᖑᕙᒃᑐᑦ ᐊᑐᖅᑕᐅᖔᓕᕈᓐᓇᖅᖢᓂ ᐋᖓᔮᕐᓇᖅᑐᓄᑦ ᐊᑐᖅᐸᖕᓂᕐᒧᑦ. ᑖᓐᓇ ᓴᖅᑭᓚᐅᖅᑐᖅ ᑲᑉᐱᐊᓱᙱᖦᖢᓂ R2W−ᒧᑦ, ᑖᓐᓇ ᑲᑐᔾᔨᖃᑎᒌᖑᔪᖅ ᐱᓕᕆᖃᑎᖃᖅᐸᒃᖢᓂ ᑕᒪᑐᒥᖓ ᓄᑕᖅᑲᓂᒃ ᑲᒪᒋᔭᖃᖅᐸᖕᓂᕐᒧᑦ ᐃᓕᓐᓂᐊᖅᑎᑦᑎᕙᖕᓂᕐᒥᒃ ᑭᒡᒐᖅᑐᐃᓂᕐᒥᒡᓗ ᐊᖓᔪᖅᑳᕆᔭᐅᔪᓂᒃ ᓄᑕᖅᑲᒥᓂᒃ ᐅᑎᖁᔨᔪᓂᒃ ᓄᑕᖅᑲᓂᒡᓗ ᐃᓐᓇᕈᖅᐸᓪᓕᐊᔪᓂᒃ ᑲᒪᒋᔭᐅᔪᓐᓃᕐᓗᑎᒃ. ᑕᓪᓕᒥᕐᒥ ᐅᓐᓄᒃᑯᑦ ᖃᓄᐃᓕᐅᕐᓂᐅᔪᑦ ᐱᑕᖃᕈᓐᓃᖅᑎᓪᓗᒋᑦ, ᐊᑦᑐᐃᓂᖏᑦ ᐅᑎᖃᑦᑕᖅᑐᑦ ᓲᕐᓗ ᓯᕙᓂᖅᑎᕈᑎᑎᑐᑦ ᑕᐃᔅᓱᒪᓂᐊᓗᒃ. 

"ᖃᐅᑕᒫᑦ ᐱᓕᕆᕙᒃᑲ ᑲᑎᒪᔾᔪᑎᒃᓴᓄᐊᖃᑦᑕᖅᐳᖓ, ᖃᐅᔨᓇᓱᒃᖢᖓ ᑭᓱᓂᒃ ᐊᓂᒍᖅᑎᑦᑎᔪᓐᓇᕐᒪᖔᕐᒪ, ᐊᒻᒪᐃᓛᒃ ᐱᓕᕆᓕᕐᒥᓗᖓ ᐱᐅᓯᒋᐊᖅᑎᑦᑎᔪᒪᓪᓗᖓ ᓄᓇᓕᖕᓂᒃ."

‍

ᐊᐃᑉᐸᖓ ᐱᓕᕆᐊᕆᖃᑦᑕᖅᑕᖓ ᐱᔾᔪᑎᒋᓪᓗᒍ, ᓴᐹᒡᓐ ᐅᖃᓪᓚᒃᐳᖅ ᐃᓕᓐᓂᐊᕐᕕᖕᓄᑦ, ᐱᓕᕆᑎᑦᑎᕙᒃᖢᓂ, ᐊᒻᒪ ᑲᑎᒪᔨᕋᓛᑦ ᑲᑎᒪᖃᑕᐅᕙᒃᖢᓂ. ᑲᑎᒪᔨᐅᖃᑕᐅᔪᖅ ᓄᐊᑦᓚᓐᒥ ᓄᓇᓕᓐᓂ ᓄᑖᕈᖅᑎᑦᑎᓂᕐᒧᑦ ᑯᐊᐳᕇᓴᓐᑯᓐᓄᑦ, ᑕᐃᓐᓇ ᑕᕐᕆᔭᕐᕕᒃ ᓴᓇᐅᒐᓕᐅᕐᕕᐅᖔᓕᖁᓪᓗᒍ ᐊᒻᒪᓗ ᐃᓕᖅᑯᓯᓕᕆᕕᐅᓕᕐᓗᓂ. ᒫᓂᑑᕙᒥ ᐋᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᓃᖃᑕᐅᕗᖅ ᐊᒻᒪ ᑕᕝᕙᓂ ᐊᕐᕌᒍᒥ ᑕᑯᓐᓇᒐᖃᓚᐅᖅᐳᖅ ᐃᓱᒪᑐᔪᓂᒃ ᐅᓂᒃᑳᖅᑐᐊᓂᒃ ᐃᓚᖃᖅᑐᓂᒃ ᐃᓕᓐᓂᐊᖅᑎᑦᑎᓂᕐᒥᒃ, ᓴᖅᑮᓪᓗᓂ ᐃᓂᔅᓴᒥᒃ ᒪᒃᑯᑦᑐᐃᑦ ᑎᑎᕋᕈᓐᓇᕐᓗᑎᒃ ᐊᒻᒪ ᐃᓕᓐᓂᐊᖅᑎᑦᑎᓗᑎᒃ ᐃᓄᓐᓂᒃ ᖃᓄᖅ ᐃᓱᒪᑖᕈᓐᓇᕐᒪᖔᑕ ᐸᐃᑉᐹᒃᑯᑦ ᓯᓐᓇᑦᑑᒪᖏᑦ ᐊᕗᖓᐅᔨᒃᑲᓐᓂᖁᓪᓗᒋᑦ. 

"ᐃᓘᓐᓇᓯ ᐅᐱᒍᓱᖁᕙᑦᓯ ᑭᓇᐅᓂᔅᓯᓐᓂᒃ. ᓇᖏᖅᓯᖁᕙᒋᑦ... ᖃᓄᑐᐃᓐᓇᖅ ᓇᓂᓯᓇᓱᒡᓗᑎᑦ ᓱᓇᐅᖕᒪᖔᑦ ᑐᓐᓂᖅᑯᓯᐊᕆᔭᐃᑦ. ᐊᒥᖅᑳᕈᑎᒋᓗᒍ ᓄᓇᕐᔪᐊᕐᒧᑦ."

"ᐱᐅᒋᓛᕆᖅᑰᖅᑕᕋ ᐱᓕᕆᐊᕋ ᐆᒻᒪᑎᒃᑯᑦ ᑐᙵᕕᖃᕐᒪᑦ. ᐅᓪᓛᒃᑯᑦ ᐃᖅᑯᒻᒪᖃᑦᑕᖅᑐᖓ ᐊᒻᒪᓗ ᐅᕙᓐᓂᒃ ᐊᐱᕆᓕᓲᖑᓪᓗᖓ, 'ᑭᓱᒥᒃ ᐆᒻᒪᑎᒐ ᐱᔭᕆᐊᖃᖅᐸ ᐅᓪᓗᒥ?'" ᐅᖃᖅᑐᓂ. ᐃᓄᖕᓂᒃ ᑲᑎᙵᑎᑦᑎᖃᑦᑕᖅᐳᖅ ᐃᑲᔫᑎᒃᓴᓂᒃ ᐱᔭᕆᐊᖃᖅᑕᖏᓐᓂᒃ ᐊᒻᒪ ᐃᒻᒥᓂᒃ ᐅᖄᓚᓪᓗᓂ "ᐱᓕᕆᔾᔪᑎᓄᑦ ᐃᑲᔪᖅᑎᒧᑦ". ᐃᓕᓐᓂᐊᕆᐊᖃᖅᓯᒪᔪᖅ ᖃᓄᖅ ᑐᑭᓯᒍᓐᓇᓂᕐᒥᒃ ᐊᒻᒪᓗ ᐅᖃᐅᔾᔨᒋᐊᕐᓂᕐᒥᒃ ᐊᑐᖅᑕᐅᖃᑦᑕᖅᑐᓂᒃ, ᐃᓛᓐᓂᒃᑯᑦ ᐅᖃᖅᑐᓂ ᑐᓂᓯᒃᑲᓐᓂᕆᐊᖃᕐᓂᕐᒥᓂᒃ ᓴᓐᖏᓂᕐᒥᒃ ᐃᓄᓐᓄᑦ ᐊᒻᒪᓗ ᐃᒻᒥᓂᒃ ᐱᔪᓐᓇᕈᓐᓃᕐᓗᑎᒃ. 

"ᐊᒃᓱᕈᕐᓇᖅᐳᖅ ᐃᓄᖕᓂᒃ ᐅᒃᐱᕈᓱᓕᖅᑎᑦᑎᓇᓱᒋᐊᒃᓴᖅ ᐱᔪᓐᓇᕐᓂᖃᖅᑐᓂᒃ ᐊᒻᒪ ᐊᐅᓚᑦᑎᔪᓐᓇᖅᑐᓂᒃ ᐃᓱᒪᖅᓱᕐᓗᑎᒃ ᐊᓯᒥᓄᑦ ᑐᓂᓯᔭᕆᐊᒃᓴᖅ, ᑕᐃᒪᐃᒻᒪᑦ ᐃᓛᓐᓂᒃᑯᑦ ᐊᔭᐅᖅᑕᐅᕌᕐᔪᖃᑦᑕᓚᐅᖅᑐᖓ ᐊᒻᒪ ᓲᖑᒐᓚᒃᖢᖓ. ᑭᓯᐊᓂ ᓱᓕ ᑕᐃᒪᐃᓕᐅᕈᒪᔪᖓ ᐆᒻᒪᑎᒃᑯᑦ ᐅᖃᕋᓗᐊᖅᑎᓪᓗᖓ, 'ᐱᑦᑎᐊᕐᓂᖅᓴᐅᕗᑎᑦ', ᖃᐅᔨᒪᖕᒪᑕ ᓇᒡᓕᖕᓂᕐᒦᙶᕐᓂᖓᓂᒃ," ᓴᐹᒡᓂᙶᖅᑐᖅ. 

ᐅᖃᐅᓯᖃᖅᑐᖅ ᓯᓚᑐᓂᕐᒥᑦ ᒪᒃᑯᒃᑐᓄᑦ ᐃᓚᐅᔪᒪᔪᓄᑦ ᐆᒻᒪᑎᒥᑦ−ᑐᙵᕕᓕᖕᒥᑦ, ᐊᒃᑐᐃᓂᖃᖅᑐᓂᑦ ᓄᓇᓕᖕᓂᑦ ᐱᓕᕆᐊᓂᑦ. "ᒫᓐᓇ ᐱᒋᐊᓕᕆᑦ. ᐅᑕᖅᑭᒋᐊᖃᖏᑦᑐᒍᑦ ᐱᔭᕇᕋᓱᐊᕐᓗᒍ ᐃᓕᓐᓂᐊᕐᓂᖅ ᐅᕝᕙᓘᓐᓃᑦ ᐸᐃᑉᐹᖅ ᐱᓗᒍ ᐅᕝᕙᓘᓐᓃᑦ ᑭᓇᑐᐃᓐᓇᕐᒧᑦ ᓇᓗᓇᐃᒃᑯᑕᕋᓛᖓᓂᒃ ᐱᓗᑕ ᐊᒻᒪᓗ ᐅᖃᕐᓗᓂ, 'ᐱᔪᓐᓇᖅᑎᑉᐸᒋᑦ ᑎᑎᕋᖅᑎᐅᓂᕐᒥᒃ'. ᑕᐃᒪᐃᒋᐊᑐᙱᑦᑐᑎᑦ. ᐃᕝᕕᑦ, ᐃᓕᖕᓂᒃ, ᐱᔪᓐᓇᖅᑎᑕᐅᔪᑎᑦ ᐋᖅᑭᒃᓯᓂᕐᒥᒃ ᑕᐃᒪᓐᓇ ᐱᔪᒪᖕᒪᖔᖅᐱᑦ," ᐅᖃᖅᑐᖅ. 

"ᐅᑕᖅᑭᑦᑕᐃᓕᒋᑦ. ᑎᑎᕋᕈᒪᒍᕕᑦ, ᒫᓐᓇ ᑎᑎᕋᓕᕆᑦ. ᐅᖃᓪᓚᒍᒪᒍᕕᑦ, ᐅᖃᓪᓚᕆᑦ ᒫᓐᓇ. ᐃᑲᔪᖅᑎᐅᔪᒪᒍᕕᑦ, ᒫᓐᓇ ᐃᑲᔪᕆᑦ. ᐅᑕᖅᑭᒋᐊᖃᙱᓚᒍᑦ ᐊᓯᑦᑎᓐᓂᑦ ᐊᖏᖅᑎᑦᑎᓗᑕ ᖃᓄᐃᓕᐅᕈᓐᓇᖁᓪᓗᑕ. ᐅᑕᖅᑭᑦᑕᐃᓕᒋᑦ ᖃᐅᒃᐸᒧᑦ. ᐅᑕᖅᑭᙱᓪᓗᑎᑦ ᖃᐃᖁᔭᐅᔾᔪᑎᒥᑦ. ᒫᓐᓇ ᐱᒋᐊᓕᑕᐃᓐᓇᕆᑦ."

ᐃᓕᓐᓂᐊᓕᕋᑖᕐᓂᑯᖓᓄᑦ, ᓴᐹᒡᓐ ᖃᐅᔨᒪᓚᐅᖅᑐᖅ ᑎᑎᕋᖅᑎᐅᔪᒪᓂᕐᒥᓂᒃ. ᑎᓕᐅᕆᔪᖅ ᒪᒃᑯᑦᑐᓂᑦ ᐃᓱᒪᒋᔭᖃᖁᔨᑦᓱᓂ ᓱᓇᓂᑦ ᐱᔪᒪᓂᖏᓐᓂᑦ ᒪᒃᑯᓐᓂᖅᓴᐅᑎᓪᓗᒋᑦ ᖃᓄᐃᑦᑑᓂᖏᓐᓂᓪᓗ. ᐱᕈᖅᐸᓪᓕᐊᓪᓗᓂ, ᖃᑕᙳᑎᖏᑦ ᐅᖃᐱᓘᑎᖃᐃᓐᓇᖅᐸᓚᐅᖅᑐᑦ ᐅᖃᓪᓚᓗᐊᕐᓂᕐᒥᓂᒃ ᐊᐱᕆᓪᓗᓂᓗ ᐊᓈᓇᒥᓂᒃ ᓄᖅᑲᖁᓪᓗᓂᐅᒃ. ᕿᐱᓗᓚᐅᖅᑐᖅ ᐊᒻᒪᓗ ᒫᓐᓇ ᐊᑭᓕᖅᑕᐅᓪᓗᓂ ᐅᖃᕈᓐᓇᖅᓯᓪᓗᓂ ᐃᓅᓇᓱᓪᓗᓂ. 

"ᖃᐅᔨᒪᑦᑎᐊᕆᐊᕐᓗᑎᑦ ᐱᐅᓂᕆᔭᓕᒫᑎᑦ ᐅᓄᖅᑐᓂᑦ ᑐᓐᓂᖅᑯᓯᐊᕐᓂᑦ, ᓲᖃᐃᒻᒪ ᖃᐅᔨᒪᓚᐅᖅᓯᒪᙱᓐᓇᕕᑦ ᑭᓇᒥᑦ ᐱᔪᒃᓯᑎᑦᑎᓂᐊᕐᒪᖔᖅᐱᑦ ᐃᓕᖅᑯᓯᕆᕙᒃᑕᕐᓂᒃ."

ᐱᓕᕆᐊᕆᓂᐊᕐᓗᒋᑦ ᐊᖏᓛᑦ ᐊᒃᓱᕈᕐᓇᖅᑐᑦ ᓄᓇᓕᖕᓂ, ᓴᐹᒡᓐ ᑎᓕᐅᕆᕗᖅ ᐃᓄᖕᓂᒃ ᕿᒥᕐᕈᖁᓪᓗᒋᑦ ᐊᖏᓛᓂᒃ ᐱᔾᔪᑎᒃᓴᓂᒃ, ᐃᒪᐃᒐᔪᒃᑐᖅ, ᐱᒐᔪᖕᓂᖅᓴᐅᓪᓗᓂ, ᐃᓄᖕᓂᒃ. "ᑕᐃᒪᐃᒻᒪᑦ ᐱᒻᒪᕆᐅᓇᓱᒋᔭᕋᓕ ᐅᕙᑦᑎᓐᓄᑦ ᐋᖅᑭᒃᓱᐃᕙᓪᓕᐊᓗᑕ ᖃᓄᐃᙱᑦᑎᐊᖅᑐᓂᒃ ᐃᓅᖃᑎᖃᖅᐸᖕᓂᕐᓂᒃ ᐊᓯᑦᑎᓐᓄᑦ, ᑎᓕᐅᕆᓇᓱᒡᓗᑕᓗ ᓴᙱᔪᓂᒃ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᕐᒥᒡᓗ ᐃᓄᖕᓄᑦ. ᓲᖃᐃᒻᒪ ᐅᕙᖓ ᐃᓄᐃᓪᓗ ᓄᓇᓕᓐᓃᑦᑐᑦ ᖃᓄᐃᙱᑦᑎᐊᖅᐸᑕ ᖃᓄᐃᙱᑦᑎᐊᖅᐸᑕᓗ, ᐊᑕᐅᑦᑎᒃᑯᑦ ᐱᓕᕆᐊᕆᔪᓐᓇᖅᑕᕗᑦ ᐊᒃᓱᕈᕐᓇᕐᓂᖅᐹᕗᑦ," ᐅᖃᖅᑐᖅ.  

ᒥᑭᑦᑑᒐᓗᐊᒥᒃ ᐊᓪᓗᕆᐊᕐᓂᖅ ᒪᐃᑯ ᕋᑦᕼᐊᑦ ᑦᓵᒡᓐ ᐃᓚᓯᒪᔪᖅ ᐊᖏᔪᒥᒃ. ᐅᓂᒃᑳᖅᑎᐅᓪᓗᓂ, ᑭᒃᑯᑐᐃᓐᓇᕐᓄᑦ ᐅᖃᖅᑎᐅᓪᓗᓂ, ᐅᖃᖅᑎᐅᓪᓗᓂ, ᑎᑎᕋᖅᑎᐅᓪᓗᓂ ᐊᒻᒪᓗ ᓄᓇᓕᓐᓂ ᐋᖅᑭᒃᓱᐃᔨᐅᓪᓗᓂ, ᓯᕗᓕᖅᑎᐅᔪᓐᓇᖅᓯᒪᔪᖅ ᐋᓐᓂᖅᑎᕆᑦᑕᐃᓕᒪᓂᕐᒥᒃ, ᐃᓄᓐᓂᒃ ᑭᓐᖒᒪᒋᔭᖏᓐᓂᒃ, ᐃᓚᒋᔭᐅᓂᕐᒥᓂᒃ ᐊᒻᒪᓗ ᖁᕕᐊᓱᒍᑎᖃᕐᓗᑎᒃ ᑐᓂᕐᕈᑎᓂᒃ ᐃᓄᓐᓄᑦ ᓄᓇᕐᔪᐊᕐᒥ ᐊᒻᒪᓗ ᐅᐊᓐᓇᖅᐸᓯᐊᓂ ᐅᐊᓂᐸᐃᒡᒥ ᐱᐅᓂᖅᓴᒥᒃ ᐃᓂᖃᓕᖁᓪᓗᒍ. ᑲᑎᒪᖃᑦᑕᓕᓚᐅᖅᑐᖅ ᓯᕙᓂᖅᑎᑕᐅᑎᓪᓗᒍ, ᒫᓐᓇᓗ ᓄᑖᓂᒃ ᐊᒃᓱᕈᕐᓇᖅᑐᓂᒃ ᐊᒻᒪ ᐱᕕᒃᓴᓂᒃ ᓴᖅᑭᑦᑎᖃᑦᑕᓕᖅᖢᓂ ᖃᐅᑕᒫᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.