"ᓄᓇᕐᔪᐊᒧᑦ ᐃᓯᒐᒃᑲ ᓄᓇᕐᔪᐊᕐᒧᑦ ᐃᓯᖅᑎᑐᐃᓐᓇᕈᒪᒐᒃᑭᑦ," ᐅᓂᒃᑳᖅᑐᖅ ᐃᔾᔪᐊᒐᒃᓴᖅ, ᑕᕐᕆᔭᐅᓯᐊᑦ, ᑕᓚᕖᓴᒃᑰᖅᑐᑦ ᐊᒻᒪ ᑎᑎᕋᖅᑎ ᒪᐃᑯᓪ ᓵᓇᓐ. ᐃᓯᒐᖏᑦ ᒪᓂᖅᑲᒦᑎᖦᖢᓂᒋᑦ ᐱᕐᓕᕋᕋᓱᒃᑎᓪᓗᒍ ᐃᖅᑲᓇᐃᔮᖓᓄᑦ. ᓵᓇᓐ Frog Lake-ᒥᐅᑕᖅ, ᐊᐅᓪᐴᑕᐅᑉ ᐅᐊᓐᓇᖓᓂ ᑭᓯᐊᓂ ᐱᕈᖅᓴᓚᐅᖅᑐᖅ ᓴᔅᑳᑦᓱᐋᓐᒥ.   

ᓵᓇᓐ ᑕᑯᒃᓴᐅᑎᑦᑎᓚᐅᖅᐳᖅ APTN−ᑯᑦ ᑕᐃᔭᐅᓪᓗᓂ ᐊᓯᐊᓂ, ᖃᓄᐃᓕᐅᕈᓯᐅᒐᔪᙱᑦᑐᒥᒃ ᓄᓇᖃᖅᑳᖅᓯᒪᔪᑦ ᑕᐅᑐᖅᑰᖅᑕᖏᓐᓂᒃ ᐊᒻᒪ ᓇᖕᒥᓂᖅ ᐅᖃᐅᓯᖃᖅᖢᓂ ᑕᐃᔭᐅᔪᒥᒃ ᐱᓱᖃᑎᒋᓪᓗᒍ. ᒫᓐᓇᒧᑦ ᑎᑭᖦᖢᒍ ᐊᓈᓇᖓ ᐃᔾᔪᐊᒐᒃᓴᓕᐅᓚᐅᖅᑎᓪᓗᒍ ᐊᒻᒪ ᐃᒻᒥᓂᒃ ᐅᐱᒋᔪᓐᓇᖅᓯᓪᓗᓂ ᐃᓕᓐᓂᐊᖅᖢᓂ ᓵᔅᑲᑑᓐᒥ ᓄᓇᓕᖕᓂ ᐃᔾᔪᐊᒐᒃᓴᓕᐅᖅᑎᓄᑦ. ᒥᑭᑦᑐᒥ ᖃᐅᓪᓗᖅᑕᒥ ᓄᓇᓕᖓᓂ ᑕᐃᔭᐅᔪᖅ ᐱᒡᒑᕐ, ᓴᔅᑳᑦᓱᐊᓐ, ᐊᑐᕐᖢᓂ ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᕐᒥᒃ ᓲᖑᓴᖕᓂᕐᒥᒡᓗ ᑭᓯᐊᓂ ᖁᕕᐊᒋᓪᓗᒍ ᐃᔾᔪᐊᒐᒃᓴᓕᐅᕐᓂᕐᒥ ᐃᓕᓐᓂᐊᖅᑕᖏᑦ ᐆᒃᑐᕋᕈᓐᓇᕐᖢᓂᐅᒃ ᐅᐸᒍᑎᑎᓪᓗᒍ. 

ᐃᓱᓕᓕᖅᑎᓪᓗᒍ ᐃᓕᓐᓂᐊᕐᓂᐅᔪᖅ ᐱᕕᖃᖅᑎᑦᑎᓚᐅᖅᑐᖅ ᓵᓇᓐᒥᑦ ᖃᐅᔨᓴᕈᓐᓇᖅᓯᑎᑦᑎᓪᓗᓂ ᑕᓚᕖᓴᒃᑯᑦ ᑕᐃᔭᐅᔪᒥᑦ ᕋᐱᑦ ᐅᑭᐊᒃᓵᒃᑯᑦ, ᑕᕐᕆᔭᖅᑕᐅᓚᐅᖅᑐᖅ APTN-ᑯᑦ. ᐱᓕᕆᖃᑕᐅᓚᐅᖅᑐᖅ ᓇᒡᓕᒋᔭᐅᓪᓗᓂᓗ. ᑕᐃᒪᙵᓂᑦ ᓵᓇᓐ ᐃᓚᐅᓕᓚᐅᖅᓯᒪᕗᖅ ᓂᖀᑦ ᐊᔾᔨᒌᙱᕈᓘᔭᖅᑐᑦ ᓂᐱᓄᑦ ᐱᓕᕆᐊᖑᕙᒃᑐᒧᑦ ᑖᓐᓇᓗ ᐃᓚᖃᓚᐅᖅᖢᓂ ᐃᓚᐅᓂᕐᒥᒃ Banff World Media Film Festival−ᒥᒃ ᑕᓚᕖᓴᒃᑯᑦ ᑕᑯᒃᓴᐅᑎᖦᖢᒍ ᑕᐃᑲᓂ ᐱᓕᕆᓂᐅᔪᒥ ᑕᒪᒃᑯᐊ ᑮᓇᐅᔭᓕᐅᕐᕕᐅᕙᒃᑐᑦ ᐱᓕᕆᔨᓪᓚᕇᑦ ᕿᓂᖅᖢᑎᒃ ᓄᓇᖃᖅᑳᖅᑐᑦ ᐃᓗᓕᖏᓐᓂᒃ.  ᐱᓕᕆᔪᖅ ᒪᕐᕈᑲᓐᓃᓐᓂᒃ ᐃᓅᓯᕐᒨᖅᓯᓪᓗᓂ ᐊᒻᒪᓗ ᓅᑦᑐᓂ ᑐᕌᓐᑐᒧᑦ ᓴᖅᑮᑲᓐᓂᕆᐊᖅᑐᖅᑐᓂ ᐃᖅᑲᓇᐃᔮᒃᓴᐅᔪᓂᒃ. 

ᐃᓱᒪᒋᓪᓗᒍ ᐊᑐᕐᓂᑯᖓ ᒥᑭᓐᓂᖅᓴᒥᒃ ᓅᑎᓪᓗᒍ, ᐱᒡᒑᕐᒥᑦ ᓵᔅᑲᑑᓐᒧᑦ ᐱᔭᕇᕐᓂᕐᒧᑦ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ, ᖃᐅᔨᒪᒃᑲᓐᓂᕈᒪᓚᐅᖅᑐᖅ ᓄᓇᓕᐸᐅᔭᐅᑉ ᐃᓅᓯᖓᓂ ᐊᒻᒪ ᐱᔪᒪᓂᓕᒫᖏᓐᓂ ᐅᓚᕕᓴᕈᑎᖏᓐᓂᒃᓗ. ᐃᒥᐊᓗᒃᑖᕈᓐᓇᕐᓂᖅ ᐊᒻᒪ ᐱᐅᙱᑦᑐᑦ ᐃᓄᐃᑦ ᓯᕗᓪᓕᖅᐹᒥ ᓄᓇᓕᐸᐅᔭᕐᒦᖃᑕᐅᓚᐅᖅᐳᖅ ᕿᓚᒥᕈᓗᒃ. ᐊᖏᕐᕋᑲᐃᓐᓇᓚᐅᖅᑐᖅ ᕿᓚᒥᕈᓗᒃ ᐃᒻᒥᓂᒃ ᐅᑎᖅᑐᓂ ᐊᒻᒪᓗ ᐅᑎᖅᑐᓂ ᓄᓇᓕᐸᐅᔭᒃᑯᓐᓄᑦ ᖃᐅᔨᒪᓂᖅᓴᐅᓪᓗᓂ.

ᓯᓚᑦᑐᖅᓴᕐᕕᔾᔪᐊᕐᒥ, ᖃᐅᔨᓚᐅᖅᑐᖅ ᓇᒻᒥᓂᖅ ᐋᓐᓂᖅᑎᕆᓂᕐᒧᑦ ᐊᐃᑉᐸᖃᕆᐊᖃᕐᓂᕐᒥᑦ ᓄᑖᒥᓪᓗ ᐃᖅᑲᓇᐃᔮᖃᕐᓂᕐᒧᑦ ᓯᕗᓂᖓᓂᑦ, ᓄᖅᑲᓚᐅᖅᑐᖅ ᓯᓚᑦᑐᖅᓴᕐᕕᔾᔪᐊᕐᒥᑦ ᓅᑦᓱᓂᓗ ᐋᓪᕘᑕᒧᑦ. ᐃᓕᓐᓂᐊᖃᑦᑕᖅᓯᒪᓂᖓ ᓄᓇᖃᖅᑳᖅᓯᒪᔪᓄᑦ ᒪᓕᒐᓕᕆᓂᕐᒧᑦ ᑭᓯᐊᓂ ᓴᓇᙳᐊᖃᑦᑕᖅᓯᒪᓂᖓ ᐊᓯᔾᔨᖅᑐᒻᒪᕆᐅᓚᐅᖅᐳᖅ. ᐅᑎᓛᕈᒪᔪᖅ ᐃᓕᓐᓂᐊᖅᑕᖏᓐᓄᑦ ᐅᓪᓘᑉ ᐃᓚᐃᓐᓇᖓᓄᑦ ᑕᐃᒪᓐᓇᓗ ᐅᖃᐅᔾᔪᐃᓂᖓ ᒪᒃᑯᒃᑐᓄᑦ "ᐃᓕᓐᓂᐊᖏᓐᓇᐅᔭᕐᓂᐊᖅᑐᖅ ᐊᒻᒪᓗ ᐃᒻᒥᓂᒃ ᓵᓚᒋᔭᕆᐊᖃᙱᖦᖢᓂ ᓄᖅᑲᖓᑲᐃᓐᓇᕆᐊᖃᕈᕕᑦ ᐅᑎᕐᓗᑎᓪᓗ ᓲᖃᐃᒻᒪ ᐃᓄᐃᑦ ᓂᕆᐅᙱᒻᒪᑕ ᖃᓄᐃᓕᐅᕈᒪᖕᒪᖔᖅᐱᑦ 18-ᓂᒃ ᐅᑭᐅᖃᓕᕈᕕᑦ."

ᐅᖃᐅᔾᔨᒋᐊᕈᓐᓇᕈᓂ ᒪᒃᑯᓐᓂᖅᓴᒧᑦ ᓇᒻᒥᓂᖅ, "ᑲᒪᒋᓗᐊᓐᖏᓪᓗᒍ. ᒪᒃᑯᓐᓂᖅᓴᐅᑎᓪᓗᖓ, ᐃᑉᐱᒍᓱᑦᑐᐹᓘᖃᑦᑕᓚᐅᖅᑐᖓ ᖃᓄᖅ ᐊᓯᒃᑲ ᐃᓄᐃᑦ ᐃᓱᒪᒻᒪᖔᑕ ᐊᒻᒪᓗ ᐊᓯᖏᑦ ᐃᓄᐃᑦ ᐃᓱᒪᒋᔭᖏᑦ ᐊᑦᑐᐃᓂᖃᕋᔪᒻᒪᑕ ᐃᓱᒪᓕᐊᓐᓂᒃ ᐊᒻᒪᓗ ᓂᕈᐊᒐᓐᓂᒃ. ᐅᑎᑲᐃᓐᓇᕈᓐᓇᕈᒪ, ᓄᖅᑲᖅᓴᕋᐃᒍᒪᒐᔭᓚᐅᕋᓗᐊᖅᑐᖓ ᐅᐱᓐᓇᕋᓂ ᑕᐃᒪᐃᒃᑯᕕᑦ, ᐊᕗᖓᐅᔨᒃᑲᓐᓂᕋᕕᑦ. ᐊᒥᓱᑦ ᓴᖅᑭᓲᑦ ᖁᓱᔪᓐᓃᖅᐹᓪᓕᖅᑎᑦᑎᓂᖕᒥᑦ ᐃᓕᑦᑎᕙᓪᓕᐊᓂᖕᒥᓪᓗ ᓇᒡᓕᒍᓱᖕᓂᖕᒥᑦ ᐊᑐᖕᓂᖕᒥᒡᓗ ᓇᖕᒥᓂᖅ ᐸᖅᑭᓂᖕᒥᑦ. ᐃᓕᖕᓂᒃ ᓇᒡᓕᒋᓕᕈᕕᑦ ᐃᓕᖕᓂᒃᓗ ᖁᓱᔪᓐᓃᕐᓗᑎᑦ, ᐊᓯᖕᓂᒃ ᐲᖅᓯᔪᖃᕈᓐᓇᙱᓚᖅ."

ᐋᓪᓚᐅᓪᓗᓂ ᐊᒃᓱᕈᕐᓇᖅᑐᒃᑰᕐᓂᕐᒧᑦ, ᓵᓇᓐ ᓇᓂᓯᓯᒪᔪᖅ ᐊᑐᒐᒃᓴᓂᒃ ᐃᓱᒪᖓ ᖃᐅᔨᒋᐊᕐᓗᓂ ᓄᓇᕐᔪᐊᒥ ᖃᓂᒪᓐᓇᒥ. ᓄᖅᑲᖅᑎᓪᓗᒍ ᑏᕖᒃᑯᑦ ᓴᓇᓯᒪᔪᖅ, ᐃᖕᒥᓂᒃ ᐊᒃᓱᕈᓗᐊᓕᕐᖢᓂ ᓯᕘᕋᓂᕐᒥᒃ. ᐃᓕᖅᑯᓯᑐᖃᕐᒥᓄᑦ ᑕᕐᓂᕐᓄᓪᓗ ᑐᙵᑦᑎᐊᓕᓚᐅᖅᑐᖅ, ᐅᑎᖅᖢᓂ ᓴᔅᑳᑦᓱᐊᓐᒧᑦ ᐃᓚᒥᓂᒃ ᐱᖃᑎᖃᕆᐊᖅᑐᖅᖢᓂ ᐊᒻᒪ ᓄᓇᒥᓂᒃ. ᓵᓇᓐ ᑎᑎᕋᖅᐳᖅ ᐊᓕᓚᔪᕐᒧᑦ ᑎᑎᕋᖅᐸᓪᓕᐊᓪᓗᓂ ᐊᓂᒍᖅᑎᓯᒪᔭᖏᓐᓂᒃ ᐊᒻᒪ ᑕᐅᑐᖅᑰᖅᑕᖏᓐᓂᒃ ᓯᕗᓂᒃᓴᑦᑎᓐᓄᑦ, ᑕᐅᑐᒐᖃᐃᓐᓇᕋᓱᒃᖢᓂ ᓴᖅᑭᑦᑎᕙᓪᓕᐊᓂᕐᒥᒃ. 

"ᐊᔪᕐᓇᙱᑦᑐᑯᓘᖕᒪᑦ ᒫᓐᓇ ᓂᑲᒍᓱᑐᐃᓐᓇᕆᐊᒃᓴᖅ ᖃᓄᐃᓕᐅᙱᖦᖢᓂᓗ, ᑕᐃᒪᐃᒻᒪᑦ ᐃᓕᖕᓂᒃ ᐱᔪᒃᓯᑎᑦᑎᓇᓱᑐᐃᓐᓇᕐᓗᑎᑦ ᐱᔪᒃᓯᑎᑦᑎᓇᓱᑐᐃᓐᓇᕐᓗᑎᓪᓗ ᓄᑖᓂᒃ ᑐᕌᒐᓕᐅᕐᓗᑎᑦ ᐃᓕᖕᓄᑦ ᑎᑎᕋᑲᑕᒃᐸᒃᖢᖓᓗ, ᑎᑎᕋᕈᓘᔭᖃᑦᑕᖅᑐᖓ , ᐊᔾᔨᐸᓗᒋᓪᓗᓂᐅᒃ ᑎᑎᕋᕐᕕᖕᒧᑦ, ᑭᓯᐊᓂ ᑭᒃᑯᑐᐃᓐᓇᓄᑦ ᐅᖃᓕᒫᖅᑕᐅᔪᓐᓇᑦᑎᐊᖅᑐᖅ. ᒪᒥᓴᐃᔨᖃᖅᑐᖓ ᐊᒻᒪᓗ ᐃᓅᓯᓕᕆᔨᖃᖅᑐᖓ. ᐅᖃᓪᓚᒃᑐᖃᕈᒪᔪᖓ, ᐅᖃᐅᓯᕆᓗᐊᕈᓐᓇᙱᑕᕋᓗ ᐱᒻᒪᕆᐅᓂᖓ ᑭᓇᒥᑭᐊᖅ ᐅᖃᓪᓚᒃᑐᖃᕆᐊᖃᕐᓂᖓᓂᒃ," ᐅᖃᖅᑐᖅ. 

ᓵᓇᓐ ᐱᔪᒃᓯᑎᑦᑎᕗᖅ ᓄᒃᑕᕐᓂᕐᒥᒃ, ᑐᓴᕐᓈᕐᓂᕐᒥᒃ ᓯᓚᒥᓗ ᓯᓚᒦᓐᓂᕐᒥᒃ. "ᖁᕕᐊᒋᑦᑎᐊᖅᑕᕋ ᐃᒃᓯᕚᑐᐃᓐᓇᕆᐊᒃᓴᖅ ᓇᐹᖅᑐᓂᑦ ᐃᒃᓯᕚᖃᑎᒋᓗᒋᓪᓗ ᓇᐹᖅᑐᑦ ᑎᑎᕋᕐᓗᑎᒡᓘᓐᓃᑦ ᐅᖃᓕᒫᕐᓗᑎᒡᓘᓐᓃᑦ ᐅᖃᓕᒫᒐᒥᑦ. ᑕᒪᓐᓇ ᐃᑲᔪᓪᓚᕆᑉᐸᒻᒪᑦ ᐃᓱᒪᓐᓂᒃ ᐊᒻᒪᓗ ᐅᕙᓐᓄᑦ ᓇᓪᓕᓇᖅᑐᓂ. ᑕᒪᓐᓇ ᐅᕙᓐᓄᑦ ᑲᔪᖏᖅᓴᐃᔾᔪᑎᒋᒃᑲᓐᓂᕋᒃᑯ, ᓄᓇᓕᐸᐅᔭᐃᑦ ᓯᓚᑖᓅᑐᐃᓐᓇᕐᓗᖓ, ᐊᒻᒪᓗ ᓄᓇᒧᑦ ᐊᒃᑐᐊᖃᑎᒌᖏᓐᓇᕐᓗᖓ.

ᐃᓯᒐᖏᑦ ᒪᓂᕋᕐᒦᖦᖢᑎᒃ ᐃᖅᑲᓇᐃᔮᖓᑕᓗ ᒪᑭᑉᐸᓪᓕᐊᓂᖓ, ᒪᐃᑯᓚ ᓵᓇᓐ, ᐄᒍᓪ ᕙᑐᔅ ᐊᓄᕆᒥᒃ ᐊᑕᐅᓯᐊᒃᑲᓐᓂᖅᖢᓂ, ᑭᒡᒐᖅᑐᐃᕙᓪᓕᐊᕗᖅ ᓄᓇᖃᖅᑳᖅᓯᒪᔪᑦ ᑕᐅᑐᒃᑕᖓᒍᑦ. ᑲᑎᖦᖢᒋᑦ ᐱᖅᑯᓯᒃᑯᑦ ᐱᒻᒪᕆᐅᒋᔭᖏᑦ ᓇᒡᓕᒍᓱᖕᓂᖏᓪᓗ ᓄᑖᓂᒃ ᐱᕙᓪᓕᐊᔪᓕᕆᔨᓂᒃ, ᐃᖅᑲᐅᒪᔪᖅ ᓇᑭᙶᕐᓂᕐᒪᖔᑦ ᕿᓂᖅᑎᓪᓗᒍ ᓇᒧᙵᐅᓂᐊᕐᓂᕐᒥᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

ᐊᐃᕆᓕ 2022−ᒥ ᓄᑖᙳᕆᐊᖅᓯᒪᔪᑦ: ᒪᐃᑯᓪ ᒫᓐᓇ ᐱᓕᕆᖃᑎᖃᓕᖅᑐᖅ CTV ᕆᔾᔭᐃᓇᒥ ᐃᓚᒋᔭᐅᒃᑲᓐᓂᖅᖢᓂ ᓴᖅᑭᑦᑎᔨᐅᖃᑕᐅᓪᓗᓂ ᐃᖏᕐᕋᕙᓪᓕᐊᓪᓗᓂᓗ ᑭᓴᕐᕕᙳᕋᓱᒃᓗᓂ ᐱᐅᓪ ᑐᓴᐅᒪᔪᓕᕆᔨᒃᑯᓐᓄᑦ.