ᒪᐃᑲ ᓚᕚᓐᑦ ᐊᒃᓱᐊᓗᒃ ᐱᔪᒪᓂᖃᑦᑎᐊᖅᑐᖅ ᐊᒻᒪᓗ ᑲᔪᖏᕐᓴᐃᓪᓗᓂ ᐊᕐᓇᒥᒃ. ᐃᓅᓚᐅᖅᑐᖅ ᐱᕈᖅᓴᓪᓗᓂᓗ ᐅᒥᖕᒪᑦ ᑕᓯᖓᓂ, ᐃᑲᕐᕋᒥ ᓵᔅᑲᑑᓐ ᐅᐊᖕᓇᖓᓂ, ᐃᓕᓴᐃᔨᐅᓪᓗᓂᓗ ᐊᒻᒪ ᐅᖃᓕᒫᒐᓕᐅᖅᑎᐅᓪᓗᓂ. ᓛᕙᓐ ᐱᔪᒃᓯᑦᑎᐊᓚᐅᖅᑐᖅ ᐃᖅᑲᓇᐃᔭᕆᐊᒃᓴᖅ ᑖᒃᑯᓂᖓ ᐃᖅᑲᓇᐃᔮᓂᑦ ᓱᕈᓯᐅᓚᐅᖅᑎᓪᓗᒍ, ᐅᖃᖅᖢᓂᓗ ᐱᓕᕆᖃᑎᖃᕈᒪᐃᓐᓇᐅᔭᕐᓂᕐᒥᓂᒃ ᓄᑕᖅᑲᓂᑦ.

"ᐊᖏᖅᓯᒪᓪᓚᕆᓚᐅᖅᑐᖓ ᖁᑦᑎᖕᓂᓕᖕᒦᑎᓪᓗᖓ 12-ᒥᑦ. ᐃᓕᓴᐃᔨᖃᓪᓚᕆᓚᐅᕋᒪ ᑕᐃᑲᓂ ᐊᕐᕌᒍᒥ. ᐊᓈᓇᙳᓚᐅᖅᑐᖓ ᖁᑦᑎᖕᓂᓕ 12-ᒥ, ᐊᓱᐃᓛᒃ ᐃᑲᔪᖅᓱᕐᖢᓂᖓ ᑕᐃᑰᓇ ᐊᕐᕌᒍᒥ. ᐊᒻᒪᐃᓛᒃ, ᐄ, ᑕᐃᒪᐃᓕᐅᕈᒪᓪᓚᕆᓚᐅᖅᑐᖓ," ᐅᖃᖅᑐᖅ ᓛᕙᓐ.

ᐱᔭᕇᕋᒥ ᖁᕝᕙᓯᓐᓂᓕᒻᒥᑦ 12-ᒥ, ᓛᕙᓐ ᓯᓚᑦᑐᓴᕐᕕᕐᔪᐊᕐᒨᑲᐅᑎᒋᔪᒪᓕᓚᐅᖅᑐᖅ ᐊᒻᒪᓗ "ᐱᔭᕇᖅᓯᑦᑎᐊᕋᓂ ᐃᓕᓐᓂᐊᖅᑕᓕᒫᓂᑦ" ᑕᐃᑲᓂ ᐊᕐᕌᒍᒥ. ᐃᓱᒪᓕᕐᖢᓂ ᐱᑐᐃᓐᓇᕆᐊᖃᙱᖦᖢᓂ ᓱᓕ ᓅᑉᐸᓪᓕᐊᓂᕐᒧᑦ, ᐃᖅᑲᓇᐃᔭᓚᐅᑲᒃᖢᓂᓗ.

ᓛᕙᓪᑦ ᖃᐅᔨᓕᓚᐅᖅᑐᖅ ᐃᖅᑭᓖᑦ ᐃᓕᓴᐃᔨᕈᖅᓴᓂᕐᒧᑦ ᐃᓕᓐᓂᐊᕈᑎᐅᑉ ᒥᒃᓵᓄᑦ ᐊᒻᒪᓗ ᐱᕕᒃᓴᑦᑎᐊᕙᐅᖅᑰᔨᓪᓗᓂ ᐱᓇᓱᐊᖅᑎᓪᓗᒍ ᐃᓯᖅᖢᓂᓗ.

"ᐊᔾᔨᒋᙱᑦᑎᐊᓚᐅᖅᑕᕋ ᐊᑐᖅᓯᒪᔭᕋ ᓯᕗᓪᓕᕐᒥ ᐊᕐᕌᒍᒥ ᓯᓚᑦᑐᖅᓴᕐᕕᒡᔪᐊᒥ ᐃᖏᕐᕋᓂᓪᓗᐊᑕᖓᓂ, ᓲᖃᐃᒻᒪ ᖃᑕᙳᑎᒌᖑᖅᑰᔨᓚᐅᕐᒪᑦ ᐱᒋᐊᕐᓂᖓᓂ. ᐊᒻᒪᓗ ᐃᓘᓇᑎᒃ ᐃᓪᓗᕈᓯᕐᒦᑦᑐᑦ ᐊᑦᔨᓴᐃᓐᓇᖓᓂᒃ ᐊᑐᖅᓯᒪᔪᑦ ᐅᕙᖓᑎᑐᑦ. ᑕᐃᒪᓐᓇ ᑲᑎᙵᖃᑎᖃᓪᓚᕆᓚᐅᖅᑐᒍᑦ," ᐅᖃᖅᑐᖅ ᓚᕚᓐ.

ᓄᑕᕋᖃᒃᑲᓐᓂᓚᐅᖅᑐᖅ ᐊᐃᑉᐸᖓᓂ ᐊᕐᕌᒍᒥ ᐅᖃᖅᖢᓂᓗ ᐊᐅᓚᑦᑎᓪᓗᓂ ᐃᓕᓐᓂᐊᕐᕕᖕᒥ ᒪᕐᕉᖕᓂᒃ ᒥᑭᑦᑐᓂᒃ ᓄᑕᖅᑲᓂᒃ "ᖁᕕᐊᓱᙱᖦᖢᓂ," ᑭᓯᐊᓂ ᐊᓂᒍᐃᑎᖦᖢᓂᐅᒃ ᐃᑲᔪᖅᑕᐅᓂᖓᓄᑦ.

ᐊᒻᒪᓗ ᐃᓕᓐᓂᐊᕋᓗᐊᖅᑐᓂ ᐊᒻᒪᓗ ᐱᕈᖅᓴᐃᓪᓗᓂ ᓱᕈᓯᕐᓂᒃ ᐃᓛᓐᓂᒃᑯᑦ, ᓛᕙᓐ ᐅᖃᖅᑐᓂ ᐃᓚᖓ ᐊᕝᕕᐊᕈᑎᐅᔪᖅ ᑕᑯᔭᕆᐊᖃᓚᐅᖅᑕᖓ ᐋᓐᓂᖅᑎᕆᓂᕐᒧᑦ ᐊᐃᑉᐸᖃᖅᑐᓂ ᐃᓕᓐᓂᐊᕕᔾᔪᐊᒦᑎᓪᓗᒍ.

"ᐊᒃᓱᕈᕐᓇᖅᑐᒻᒪᕆᐅᓚᐅᖅᐳᖅ ᓲᖃᐃᒻᒪ ᑭᖑᕙᕈᒪᓐᓂᕈᒪ ᖃᐅᔨᓴᕐᓂᐊᕈᒪ ᓇᖕᒥᓂᖅ ᓇᓗᓇᐃᕆᐊᖃᓚᐅᖅᐳᖓ. ᓇᓗᓇᐃᖅᓯᒋᐊᖃᖅᑲᐅᒐᒪ ᑭᓇᒧᑦ ᐅᖃᓕᒪᖅᑲᐅᕐᒪᖔᕐᒪ. ᑕᐃᒪᓕ, ᑕᐃᒪᐃᒋᐊᖃᓚᐅᙱᑦᑐᖓ, ᑭᓯᐊᓂ ᐱᓕᕆᖃᑎᒌᒃᑎᓪᓗᖓ, ᓂᕆᐅᒋᔭᐅᓚᐅᖅᑐᖅ," ᐅᖃᖅᑐᖅ ᓛᕙᓐ.

ᓚᕚᓐ ᓅᑦᑕᕆᐊᖃᓚᐅᖕᒥᔪᖅ ᓄᓇᒥᓂᑦ ᐱᓇᓱᐊᖅᖢᓂ ᐱᔪᒪᔭᒥᓂᒃ, ᐃᓕᓐᓂᐊᕐᑎᓪᓗ ᐃᓱᒪᔪᑦ ᐊᔾᔨᑦᑎᐊᖓᓂᑦ ᐱᓕᕆᔭᕆᐊᒃᓴᖅ ᐅᖃᖅᖢᓂ ᐱᕙᒌᔭᖅᓯᒪᓂᕋᖅᖢᓂ ᐊᓯᔾᔨᕐᔪᐊᖕᓂᖕᒧᑦ.

ᕿᒪᐃᔭᕆᐊᖃᓚᐅᕐᒪᑦ ᓇᔾᔨᓪᓗᓂ ᕿᑐᕐᖓᒥᓂᒃ ᓇᓖᕌᕐᕕᒃᓴᖃᙱᓗᐊᕐᓂᖓᓄᑦ ᐃᓕᓐᓂᐊᒃᑲᓐᓂᕈᓐᓇᐃᓕᓪᓗᓂ ᑕᐃᑲᓂ, ᑕᐃᒪᓕ ᓯᕗᓪᓕᖅᐹᒥ ᐊᑐᓚᐅᖅᑕᖓ ᕈᐃᐅᓪ ᑳᓕᒐᓕᐊᕐᓂᐊᓚᐅᖅᑐᖅ ᓄᓇᓕᐸᐅᔭᕐᒥ.

"ᒪᐅᓐᑦ ᕈᐃᔪᓪ-ᒧᑦ ᑎᑭᖦᖢᒍ, ᓲᕐᓗ, ᐅᐃᒻᒪᒃᖢᓂ, ᐊᒥᓲᖕᒪᑕ ᐃᓄᐃᑦ ᑕᕝᕙᓃᑦᑐᑦ. ᐊᒻᒪᓗ ᐊᒥᓱᐊᓘᓚᐅᕐᒪᑕ ᐃᓪᓗᕈᓯᐅᔪᑦ ᐊᒻᒪᓗ ᔭᒐᑉᐸᓪᓕᐊᓕᓚᐅᖅᑐᖓ. ᐊᒻᒪᓗ ᑕᒪᓐᓇ ᐊᖏᔪᒻᒪᕆᐅᓪᓗᓂ ᐅᕙᓐᓄᑦ, ᐊᖏᔪᒻᒪᕆᒻᒥᒃ ᐊᐅᓛᕐᓂᖃᓚᐅᖅᑐᖅ. ᐊᓯᐅᔨᖅᑰᔨᓚᐅᖅᑐᖓᓗ ᑕᒪᒃᑭᑲᓴᖕᓄᑦ ᓯᕗᓪᓕᕐᒥ ᐊᕐᕌᒍᒥ," ᐅᖃᖅᑐᖅ ᓛᕙᐃᓐ.

ᓛᕙᐃᓐ ᐊᔭᒃᓯᓯᒪᔪᖅ ᐊᐳᖅᑕᕈᑎᒃᑯᑦ ᐊᒻᒪᓗ ᑲᔪᓯᑦᑎᐊᖅᓯᒪᓪᓗᓂ, ᐊᒻᒪᓗ ᐱᑕᖃᕐᓂᖅᐸᑦ ᐅᖃᐅᑎᔪᓐᓇᖅᑕᒥᓂᒃ ᒪᒃᑯᖕᓂᖅᓴᒥᓂᒃ ᐃᒻᒥᓂᒃ ᐅᔾᔨᖅᓱᑦᑎᐊᕋᔭᖅᑐᖅ ᑭᓇᒥᒃ ᐅᒃᐱᕈᓱᖕᒪᖔᑦ ᒪᒃᑯᒃᑑᓗᓂ.

ᐅᖃᕐᖢᓂ ᕿᑐᕐᖓᒃᓴᖃᓕᕋᒥ, ᐊᑕᐅᓯᖅ ᐃᓕᓴᐃᔨ ᐅᖃᕐᖢᓂ ᓱᕋᐃᓪᓗᓂ ᐃᓅᓯᖓᓂᒃ ᐱᔭᕇᖅᓯᓚᐅᖅᓯᒪᙱᖦᖢᓂᓗ ᐱᔪᒪᔭᖓᓂᒃ ᐱᓪᓗᒍ. ᑭᓯᐊᓂ, ᐃᓕᓴᐃᔨᖃᒃᑲᓐᓂᓚᐅᕐᒥᔪᖅ ᐃᑲᔪᖅᑐᐃᔪᒥᒃ ᐊᒻᒪᓗ ᓇᒻᒥᓂᖅ ᐃᑲᔪᖅᑐᖅᑕᐅᑦᑎᐊᖅᑐᓂ.

"ᐅᒃᐱᕈᓱᑐᐃᓐᓇᕋᔭᓚᐅᖅᑐᖓ... ᑕᒪᓐᓇ ᐃᓅᓯᕆᓂᐊᓚᐅᖅᑕᕋ, ᑕᒻᒪᕐᓂᕋᒪ. ᐊᒻᒪᓗ ᐊᒃᓱᕈᕐᓂᐊᕋᑖᖅᑯᖓ. ᐊᒻᒪᓗ ᓈᓚᒍᒪᓚᐅᖅᑐᖓ ᐃᓕᓴᐃᔨᒥᒃ ᐅᖃᖅᑐᒥᒃ, ᐃᓕᓐᓂᒃ ᐅᖃᕈᓐᓇᖅᓯᓪᓗᖓ ᐊᒻᒪᓗ ᖃᓄᐃᔾᔮᖏᑦᑐᑎᑦ. ᓇᓂᓯᓗᑎᓪᓗ ᐃᓄᖕᓂᒃ ᐃᓕᖕᓂᒃ ᐃᑲᔪᖅᑐᐃᔪᓂᒃ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.