"ᐱᐅᒋᓛᕆᖅᑰᖅᑕᕋᓕ ᐅᓪᓘᑉ ᐃᓚᖓ ᓴᖅᑭᑦᑎᔪᓐᓇᖅᖢᖓ ᐱᐅᔪᐊᓗᖕᒥᑦ ᑕᑯᑎᑦᑎᓗᓂᓗ ᐱᔪᓐᓇᖕᓂᕆᔭᒥᑦ ᑭᓇᑐᐃᓐᓇᒧᑦ ᓄᓇᕗᒻᒥᑦ ᓴᖅᑭᑦᑎᔪᓐᓇᕐᓗᓂ ᐱᐅᓛᒥᑦ. ᐱᔪᒃᓯᑦᑎᐊᓕᓲᖑᔪᖓ ᑕᑯᒃᓴᐅᑎᑦᑎᔪᓐᓇᖅᖢᖓ ᐱᔪᓐᓇᕐᓂᕆᔭᐅᔪᓂᒃ ᓄᓇᓕᕋᓛᖑᔪᒧᑦ ᐊᕐᓇᒧᑦ," ᓂᑰᓪ ᑳᒻᐸᐅᔅ. ᑲᖏᖅᖠᓂᕐᒥᐅᑕᐅᔪᖅ ᑭᓯᐊᓂ ᓄᓇᖃᖅᑐᖅ ᐃᖃᓗᓐᓂ, ᓄᓇᕗᒻᒥ. ᑳᒻᐸᔅ ᓇᖕᒥᓂᖃᖅᐳᖅ ENB Artisan−ᒥᒃ ᐅᐃᒥᓂᒃ ᐱᖃᑎᖃᖅᖢᓂ, ᒥᑭᑦᑐᒥᒃ ᓇᖕᒥᓂᕆᔭᐅᔪᒥᒃ ᐋᖅᑭᒃᓱᐃᕙᒃᖢᓂ ᕿᓯᖕᓂᒃ ᐊᒥᕐᓂᒃ ᑲᒫᓗᖕᓂᒃ ᐱᐅᓴᐅᑎᓂᒡᓗ ᓴᓇᕙᒃᖢᓂ. ᐱᔪᒃᓯᑎᑕᐅᕗᖅ ᓴᓇᔭᐅᔪᓐᓇᖅᑐᓂᒃ ᓄᓇᒥᙶᖅᑐᓂᒃ, ᑭᓱᑐᐃᓐᓇᑦᑎᐊᓂᒃ ᐊᓐᓄᕋᔾᔨᐅᙱᖦᖢᓂ. 

"ᐅᖃᐅᓯᕆᔪᒪᕙᕋ ᐱᐅᓂᕆᔭᖓ ᐅᕙᑦᑎᓐᓄᑦ ᓈᒻᒪᑦᑎᐊᖅᑐᒥᒃ."

ᑖᓐᓇ ᐅᐃᖓᓗ ᑕᑯᒥᓴᐅᑎᓂᒃ ᑕᑯᒥᓴᐅᑎᓂᒃ ᐱᓕᕆᐊᖃᖅᑎᓪᓗᒍ, ᐊᐅᓪᓛᖅᓯᒪᓪᓗᓂ ᐃᓕᓐᓂᐊᓚᐅᖅᑐᖅ ᓇᑦᑎᓕᕆᓂᕐᒥᒃ ᐊᒻᒪ ᒥᖅᑯᓕᓐᓂᒃ ᐊᓈᓇᑦᑎᐊᒥᓂᒃ, ᐊᓈᓇᒥᓂᒃ, ᐊᒻᒪ ᐊᑦᑕᒥᓂᒃ. "ᐃᓕᓐᓂᐊᕐᕕᖕᒥ ᐅᓪᓗᑕᒫᖅᓯᐅᑎᓐᓄᑦ ᐋᖅᑭᒃᓯᒪᑦᑎᐊᕐᓇᕐᓂᖅᓴᐅᓚᐅᖅᐳᖅ ᐋᖅᑭᒃᓯᒪᑦᑎᐊᖅᖢᓂᓗ, ᐃᒪᐃᖦᖢᓂ ᐃᓕᓐᓂᐊᕐᓂᖅ ᐱᐅᓴᐅᑎᓕᐅᕐᓂᐊᕐᓗᓂ ᐅᕝᕙᓘᓐᓃᑦ ᓇᑦᑎᕕᓂᓕᐅᕐᓂᐊᕐᓗᓂ ᐅᕙᓐᓄᑦ ᓴᖅᑭᑐᐃᓐᓇᓚᐅᖅᑐᖅ ᐃᓅᓪᓗᖓ ᐊᕐᓇᐅᓪᓗᖓ," ᓇᓗᓇᐃᖅᓯᓪᓗᓂ. ᓇᖕᒥᓂᖃᕋᓱᒃᑎᓪᓗᒍ, ᐅᓪᓗᓕᒫᖅ ᐃᖅᑲᓇᐃᔭᖃᑦᑕᖅᑐᖅ ᒐᕙᒪᒃᑯᓐᓄᑦ. 

"ᐃᓱᒪᒋᔭᓐᓂᒃ ᐋᖅᑭᒃᓯᓇᓱᒃᑎᓪᓗᖓ ᑲᒫᓗᖕᓂᒃ, ᖁᕕᐊᓲᑎᒋᔪᓐᓇᓚᐅᕐᒥᔭᕗᑦ ᓇᑦᑏᑦ ᐅᕙᑦᑎᓐᓄᑦ ᐱᒻᒪᕆᐅᖕᒪᑕ, 1000−ᓄᑦ ᐊᕐᕌᒍᓄᑦ."  

ᐅᑭᐅᒃᑯᑦ ᑕᑯᒥᓴᐅᑎᓕᐅᓲᖅ, ᐃᒡᓗᒥᐅᑕᓂᒃ, ᐃᓯᒐᐅᔭᓂᒃ, ᐊᑭᓯᕐᓂᒡᓗ. ᓄᓇᕗᒻᒥ ᐊᐅᔭᒃᑯᑦ ᓇᐃᓗᐊᕐᓂᖓᓄᑦ, ᓇᖕᒥᓂᕐᒥᓂᒃ ᐱᓕᕆᙱᓐᓂᖅᓴᐅᓇᓱᖃᑦᑕᖅᑐᖅ ᐊᓃᓚᐅᑲᒍᓐᓇᕐᓂᐊᕐᒪᑦ, ᓄᓂᕙᒋᐊᕐᓗᓂ ᐅᕝᕙᓘᓐᓃᑦ ᖁᕕᐊᓱᑐᐃᓐᓇᕐᓗᓂ. ᐱᒋᐊᕐᓂᖓᓂ, ᐊᒃᓱᕈᕐᓇᓚᐅᖅᑐᖅ ᐱᓕᕆᐊᕆᔭᐃᓐᓇᕆᓇᓱᒃᖢᒋᑦ ᑭᓯᐊᓂ ᐃᓕᑦᑎᓪᓗᓂ ᓇᓂᓯᓂᕐᒥᒃ ᓇᓕᒧᒌᒃᑎᑦᑎᓂᕐᒥᒃ ᐱᕙᓪᓕᐊᑎᓪᓗᒍ ᐱᕙᒌᔭᕐᓂᕐᒥ ᐊᒡᒋᖅᑐᒧᑦ ᐃᖅᑲᓇᐃᔮᒧᑦ ᑕᑯᒃᓴᐅᑎᑦᑎᓂᕐᓂ ᐱᔭᕆᐊᖃᖅᑕᖏᓐᓂ. 

ᐃᓅᓯᖅ ᐱᓕᕆᐊᒃᓴᖃᕐᔪᐊᖅᑐᖅ ᓄᓇᓕᕋᓛᕐᒥ, ᐊᓈᓇᐅᓪᓗᓂ 10-ᓂᒃ ᐅᑭᐅᓕᒃ ᐸᓂᖓ. ᐃᓚᒥᓂᒃ ᑲᒪᖃᑦᑕᖅᑐᖅ, ᐃᖅᑲᓇᐃᔭᖅᐸᒃᖢᓂ, ᐊᒻᒪᓗ ᐱᓕᕆᓕᕆᓪᓗᓂ ᐱᓕᕆᐊᒥᓂᒃ. ᐃᖅᑲᐅᒪᔪᖅ ᖃᓄᖅ ᐱᒋᐊᖅᓴᕋᐃᓐᓂᕆᓚᐅᖅᑕᖓ ᐸᓂᖓ ᐊᔭᒃᓯᓚᐅᖅᓯᒪᓂᖓᓂᒃ ᐊᒻᒪᓗ ᐱᓕᕆᓇᓱᐊᑦᑎᐊᖁᓪᓗᓂᐅᒃ ᐊᒻᒪᓗ ᑕᐃᒪᓐᓇ ᐊᐅᓚᑦᑎᕙᒍᓐᓃᖅᑐᓂ. 

‍

ᑳᒻᐸᐅᒃᑯᑦ ᓂᐅᕕᖅᑎᑦᑎᑐᐃᓐᓇᕆᐊᖃᓕᓚᐅᖅᓯᒪᕗᑦ ᖃᓪᓗᓈᓂ ᐊᒻᒪ ᑭᖑᓂᐊᒍᑦ, ᐃᓱᒪᓚᐅᙱᑉᐳᖅ. ᐃᓄᐃᑦ ᐃᒡᓚᓚᐅᖅᑐᑦ ᓴᓇᓚᐅᖅᑕᒥᓂᒃ ᐊᒻᒪᓗ 20-ᓂᒃ 30-ᓂᒡᓘᓐᓃᑦ ᐃᓯᒐᐅᔭᕐᓂᒃ, ᓂᐅᕐᕈᑎᖃᑐᐃᓐᓇᓚᐅᖅᑐᖅ. "ᓱᓕ ᐃᓕᑦᑎᕙᓪᓕᐊᖕᒪᑕ ᓇᑦᑎᐅᑉ ᐱᒻᒪᕆᐅᓂᖓᓂᒃ, ᖃᓄᕐᓗ ᐅᕙᑦᑎᓐᓄᑦ ᐱᒻᒪᕆᐅᖕᒪᖔᑦ," ᓇᓗᓇᐃᖅᓯᓪᓗᓂ. ᐱᕕᖃᕐᓂᓕᒫᒥᓂᒃ ᐃᓕᓐᓂᐊᖅᑐᖅ ᐱᖅᑯᓯᕐᒥᓂᒃ ᓇᒧᑐᐃᓐᓇᖅ, ᑭᓯᐊᓂ ᐃᓕᓚᐅᕐᒥᔪᖅ ᐊᖏᕐᓂᕐᒥᒃ ᐃᓚᖏᑦ ᐃᓄᐃᑦ ᐊᖏᖃᑦᑕᖏᓐᓂᖏᓐᓂᒃ ᐃᓄᐃᑦ ᐊᑐᖃᑦᑕᕐᓂᖏᓐᓂᒃ ᒥᖅᑯᓕᓐᓂᒃ.  

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐆᒻᒪᖅᑎᑦᑎᒃᑲᓐᓂᕈᒪᔪᓄᑦ ᐅᑎᖅᑎᑦᑎᔪᒪᔪᓄᓪᓘᓐᓃᑦ ᐃᓕᖅᑯᓯᑐᖃᕐᒥᓂᒃ ᓴᓇᙳᐊᕐᓂᒃᑯᑦ ᐱᓇᔪᑐᐃᓐᓇᕐᓂᐅᕗᖅ. "ᖃᐅᔨᒪᓪᓚᕆᓚᐅᖅᓯᒪᙱᑦᑐᒍᑦ ᐊᔪᙱᓐᓂᑦᑎᓐᓂᒃ ᑭᓯᐊᓂ ᓱᓕᑦᑎᐊᕐᓗᑕ ᐆᒃᑐᓚᐅᙱᓐᓂᑦᑎᓐᓂᒃ," ᐅᖃᐅᔾᔨᕗᖅ. "ᖃᐅᔨᒪᓚᐅᖅᓯᒪᙱᑦᑐᖓ ᐱᐅᔪᒻᒪᕆᐊᓗᖕᓂᒃ ᐱᓕᕆᔪᓐᓇᕐᓂᓐᓂᒃ ᐃᓯᒐᐅᔭᕐᓂᒃ. ᐊᓐᓄᕌᖅᓯᒪᓇᓱᖃᑦᑕᓚᐅᖅᑐᖓ ᐃᓄᖕᓂᒃ ᐃᓯᒐᐅᔭᕐᓂᒃ ᓇᓂᑐᐃᓐᓈᕈᓐᓇᙱᖦᖢᑎᒃ ᓄᓇᕐᔪᐊᕐᒥ, ᑕᐃᒪᐃᓕᐅᕋᓱᑐᐃᓐᓇᖅᖢᓂᓗ," ᑲᔪᓯᓪᓗᓂ. ᐆᒃᑐᖅᑕᓕᒫᖏᑦ ᖁᕕᐊᒋᔭᐃᓐᓇᕆᙱᑕᖏᑦ. ᓴᐸᖓᓕᖅᓯᒪᔪᑦ ᒥᓱᒃᑕᒐᓕᐅᖅᖢᓂ ᐃᓕᑕᖓ ᐊᔪᙱᖦᖢᓂ ᑭᓯᐊᓂ ᖁᕕᐊᒋᙱᖦᖢᓂᐅᒃ, ᐊᓱᐃᓛᒃ ᖁᕕᐊᒋᔭᒥᓂᒃ ᐊᑐᑐᐃᓐᓇᖅᐳᖅ.

ᓯᕗᓂᒃᓴᖅ ᑕᑯᓐᓇᕐᓗᒍ, "ᓂᕆᐅᒋᔭᒪ ᐃᓚᖓ ᓂᕆᐅᒋᓚᐅᖅᑕᕋ ᓇᑦᑎᐅᑉ ᒥᒃᓵᓄᑦ ᐆᒻᒪᖅᑎᑕᐅᒃᑲᓐᓂᕐᒪᑦ ᐱᐅᔪᐊᓘᓂᖓᓄᑦ." ᑐᑭᓯᐅᒪᔪᖅ ᐃᓱᒫᓘᑕᐅᔪᓂᒃ ᓂᕐᔪᑎᑦ ᐱᔪᓐᓇᐅᑎᖏᓐᓂᒃ ᓯᕐᓈᖅᑎᓄᑦ ᑭᓯᐊᓂ ᐊᔭᐅᖅᑐᐃᔨ, "ᐱᔪᓐᓇᖅᑎᑦᑎᔪᑦ, ᐱᐅᖏᑦᑑᖕᒪᑦ ᓄᓇᓕᖕᓄᑦ." ᐊᑕᐅᑦᑎᑯᑦᑕᐅᖅ, ᑕᑯᔪᒪᔪᖅ ᒥᖅᓱᖅᑎᓂᒃ ᐊᒻᒪᓗ ᐊᖑᓇᓱᒃᑎᓂᒃ ᐊᑭᓕᖅᑕᐅᑦᑎᐊᖃᑦᑕᕐᓗᑎᒃ ᓴᓇᐅᒐᖏᓐᓄᑦ ᐊᒻᒪᓗ ᖃᐅᒪᓂᖓᓄᑦ ᒥᕐᓱᖅᑕᐅᓗᓂ ᐃᓕᖅᑯᓯᖏᑎᒍᑦ. ᖃᖓᓕᒫᒃᑯᑦ, ᐅᓪᓗᓕᒫᖅ ᓴᓇᐅᒐᐅᔪᒪᓇᔭᖅᑐᖅ, ᓴᓇᔪᓐᓇᕐᓗᓂ ᕿᓯᖕᓂᒃ ᐊᒻᒪ ᐱᐅᓴᐅᑎᓂᒃ ᐅᓪᓗᓕᒫᖅ ᐊᒻᒪ ᒐᕙᒪᒃᑯᓐᓂ ᐃᖅᑲᓇᐃᔮᒥᓂᒃ ᑕᑎᖃᕆᐊᖃᙱᖦᖢᓂ. 

ᐱᔭᕇᖅᑎᓪᓗᒍ, ᓂᕆᐅᒋᔭᖃᖅᑐᖅ ᐃᓄᐃᑦ ᓈᓚᒃᑐᑦ ᐅᓂᒃᑳᖓᓂ ᐱᔪᓐᓇᕐᓗᑎᒃ ᐱᔪᒪᔭᖏᓐᓂ ᐃᓅᓯᕐᒥᓂ. "ᒐᕙᒪᒃᑯᓐᓄᑦ ᐃᖅᑲᓇᐃᔮᕆᒍᒪᒍᓂᐅᒃ ᐃᖅᑲᓇᐃᔭᐃᓐᓇᕈᒪᑉᐸᑕ, ᐅᕝᕙᓘᓐᓃᑦ ᓇᒻᒥᓂᖃᕐᓗᑎᒃ ᐅᕝᕙᓘᓐᓃᑦ ᓴᓇᙳᐊᖅᑎᐅᓗᑎᒃ, ᑕᒪᒃᑯᐊ ᐱᒻᒪᕆᐅᔪᐃᓐᓇᐅᓱᒋᕙᒃᑲ ᐃᓄᐃᑦ ᐊᓂᑐᐃᓐᓇᕆᐊᖃᖅᑕᖏᓐᓂᒃ ᐊᒻᒪᓗ ᐱᔪᒪᔭᖏᓐᓂᒃ ᐱᓇᓱᐊᕐᓗᑎᒃ. ᐃᓅᓯᕆᕙᐅᒃ," ᐅᖃᖅᖢᓂ. 

ᒫᓐᓇᓕ, ᓂᑰᓪ ᑳᒻᐸᐅᒡ ᐱᓕᕆᔪᖅ ᐱᔪᒪᔭᒥᓂᒃ ᐃᓅᓯᖓᓂ, ᓴᖅᑭᑎᑦᑎᓪᓗᓂ ᑕᑯᑎᑦᑎᔪᓂᒃ ᖃᓄᖅ ᒥᑭᑦᑐᖅ ᐊᕐᓇᖅ ᓴᓇᔪᓐᓇᕐᒪᖔᑦ ᐱᐅᔪᒥᒃ. ᑐᓂᓯᓪᓗᓂ ᐱᔪᓐᓇᕐᓂᕐᒥᓂᑦ ᐊᒻᒪᓗ ᓴᓇᓪᓗᓂ ᐱᔪᓐᓇᖅᑕᒥᓂᒃ ᓄᓇᒥ, ᐅᔾᔨᑐᑦᑎᐊᖅᑐᖅ ᒥᑕᐅᑎᖃᑦᑕᐃᓕᓂᕐᒥᒃ, ᐱᓗᐊᖅᑐᒥᒃ ᐱᔪᓐᓇᖏᓐᓂᖓᓂᒃ ᐊᒻᒪᓗ ᐱᕕᖃᕐᓂᖓᓂᒃ ᐱᔪᒪᔭᒥᓂᒃ ᐱᓇᓱᐊᖅᑎᓪᓗᒍ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.