"ᑕᒪᕐᒥᑦᑎᐊᖅ ᐃᓄᐃᑦ ᓇᒧᙵᐅᕙᓪᓕᐊᓂᕆᔭᒥᓂ ᐃᓕᑦᑎᔭᕆᐊᖃᖅᑐᐃᓐᓇᐅᕗᑦ ᓇᖕᒥᓂᖅ," ᑕᐃᒪᓐᓇ ᕋᐃᔭᓐ ᑐᐊᐃᑦ ᒪᒃᑖᕕᔅ ᐅᖃᖅᖢᓂ, ᐃᓕᓐᓂᐊᖅᑎ ᓯᓚᑦᑐᖅᓴᕐᕕᒡᔪᐊᒥ ᐅᐊᑐᓘᒥ ᐃᓄᓕᕆᔨᒥᒡᓗ. ᒧᕼᐊᒃ, ᐃᓚᒋᔭᐅᔪᖅ ᑐᐊᑐᓪ ᒃᓚᓐᒧᑦ ᐃᓚᒋᔭᐅᓪᓗᓂᓗ 6-ᓄᑦ ᑲᑐᔾᔨᖃᑎᒌᓄᑦ ᒍᕌᓐ ᑰᖕᒥ. ᐱᕈᖅᓴᓚᐅᖅᑐᖅ ᓴᓂᕐᕙᒃᑕᐅᓯᒪᔪᒥ 6-ᖑᕋᓱᖕᓂᖓᓂ ᐊᓈᓇᖓᓗ ᓅᑦᑕᕆᐊᖃᕐᖢᓂᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᔾᔪᑎᓄᑦ ᐳᕆᐊᓐᕗᑦᒧᑦ. ᐊᑖᑕᖓ ᐊᒃᑐᖅᑕᐅᕐᔪᐊᓚᐅᖅᑐᖅ ᖁᐊᖅᓵᖅᓯᒪᓂᕐᒧᑦ ᐋᓐᓂᕐᔪᐊᕐᖢᓂᓗ. ᐊᓈᓇᖓ ᑲᑎᑎᑕᐅᒃᑲᓐᓂᕐᖢᓂ ᑭᓇᒥᑭᐊᖅ ᐃᕿᑦᑎᓪᓗᓂ ᒪᒃᑖᕕᔅᒥᒃ ᐊᓂᖓᓂᒡᓗ ᓇᖕᒥᓂᖅ ᕿᑐᕐᖓᕆᓪᓗᓂᒋᑦ. ᓄᓇᖃᕐᓂᖅ ᐊᔪᕐᓇᕈᑕᐅᓚᐅᖅᐳᖅ ᐊᕕᒃᑎᑦᑎᓂᕐᒧᑦ ᐅᖃᐅᓯᕐᒥᑦ, ᐃᓕᖅᑯᓯᕐᒥᑦ ᐊᒻᒪᓗ ᓄᓇᓕᖕᓂᑦ, ᑎᒥᒃᑯᑦ ᖁᐊᖅᓵᕐᓇᖅᑐᒦᖁᔨᙱᖦᖢᓂᑦ ᐊᒻᒪᓗ ᒥᐊᓂᖅᓯᓂᕐᒧᑦ. ᑭᖑᓂᐊᒍᑦ ᐃᓅᓯᖓᓂ, ᑲᑎᒃᑲᓐᓂᕐᖢᓂ ᓴᐱᓕᕐᖢᓂᓗ ᐊᒃᑐᐊᓂᖃᕐᓂᖓ ᐃᓕᖅᑯᓯᒧᑦ.

ᐃᓕᓐᓂᐊᕐᓂᖓ ᐱᔾᔪᑎᒋᓪᓗᒍ, ᒪᒃᑕᕙᔅ ᐃᓕᓐᓂᐊᕐᕕᕐᔪᐊᕐᒨᓚᐅᖅᑐᖅ ᐳᕆᐊᓐᕗᑦᒥ, ᐃᓚᐅᖃᑕᐅᓪᓗᓂ ᐱᓐᖑᐊᖅᑏᑦ ᑲᑎᒪᔨᖏᓐᓄᑦ, ᐃᓕᓐᓂᐊᖅᑏᑦ ᑲᑎᒪᔨᖏᓐᓄᑦ, ᐱᑦᑎᐊᖅᑐᒻᒪᕆᒋᔭᐅᓚᐅᖅᑐᖅ ᐊᒻᒪᓗ ᑐᓂᔭᐅᓪᓗᓂ ᑎᑕᒃᑎᓂᒃ ᑮᓇᐅᔭᓂᒃ ᓯᓚᑦᑐᓴᕐᕕᕐᔪᐊᕐᒨᕐᓂᐊᖅᑐᓂᒃ ᐃᓱᒪᓕᕆᓂᕐᒥᒃ. ᐃᓕᓐᓂᐊᑦᑎᐊᖅᓯᒪᓚᐅᙱᒻᒪᑦ ᓄᖅᑲᑐᐃᓐᓇᓕᖅᑐᓂᓗ. ᐃᖅᑲᓇᐃᔭᓚᐅᖅᓯᒪᔪᖅ ᓂᕆᕕᓐᓂᑦ ᐊᕐᕌᒍᓄᑦ ᖁᓕᓄᑦ ᐊᐱᕆᔪᖃᕋᓱᐊᕐᓂᖓᓂ ᖃᓄᐃᓕᐅᕐᓂᐊᕐᒪᖔᖅ ᐃᓅᓯᖓᓂ ᐊᒻᒪᓗ ᐃᓕᓐᓂᐊᕆᐊᒃᑲᓐᓂᕈᒪᓕᓚᐅᖅᑐᖅ ᐃᓄᓕᕆᔨᐅᓂᕐᒧᑦ. ᐅᑎᖅᑎᓪᓗᒍ ᑎᑕᒃᑎᓄᑦ ᐃᓕᓐᓂᐊᖅᑕᖏᓐᓄᑦ ᑲᔪᓯᑎᙱᖦᖢᓂᒋᑦ ᑮᓇᐅᔭᖅᑖᖅᑎᑕᐅᓪᓗᓂᓗ ᐆᒃᑐᒃᑲᓐᓂᕋᓱᒃᓗᓂ. ᐅᐊᑐᓘᒥ ᓯᓚᑦᑐᖅᓴᕐᕕᔾᔪᐊᖅ ᓴᖅᑭᑦᑎᓚᐅᖅᐳᖅ ᓴᒃᑯᑦᑎᔾᔪᑎᒥᒃ ᐃᓕᓐᓂᐊᕈᑎᒥᒃ ᐊᑭᖃᙱᑦᑐᒥᒃ ᐃᓕᓐᓂᐊᖅᑎᓄᑦ ᑲᓇᑕᒥᙶᖅᑐᓂᒃ ᐃᑲᔫᑕᐅᓚᐅᖅᑐᖅ. ᒫᓐᓇ, ᐱᒋᐊᓕᖅᑐᖅ ᖁᑦᑎᖕᓂᖅᐹᒥᑦ ᖁᑦᑎᖕᓂᖅᐹᒥᑦ ᓘᕆᐊᒥᑦ ᓄᓇᖃᖅᑳᖅᓯᒪᔪᓄᑦ ᑐᕌᖓᔪᒧᑦ ᐱᓕᕆᐊᒃᓴᒧᑦ.

ᒪᒃᑖᕕᔅ ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ, "ᐊᒃᓱᕈᕋᓱᒃᓗᑎᑦ." ᓇᒻᒥᓂᖅ ᐊᐱᖅᓱᕈᒪᖅᑲᐅᒻᒪᑦ ᓱᒻᒪᑦ ᐃᓕᓐᓂᐊᕆᐊᖃᑦᑕᕐᒪᖔᖅ ᐊᒻᒪᓗ ᐊᐅᓪᓚᑐᐃᓐᓇᖏᓪᓗᓂ ᐱᖃᓐᓇᕆᔭᖏᑦ ᐃᖏᕐᕋᓂᖏᓐᓄᑦ. "ᐃᒃᐱᒋᑦᑎᐊᖅᑕᕐᓂᒃ ᖃᐅᔨᓗᑎᑦ ᐊᒻᒪ ᑮᓇᐅᔭᓕᐅᕋᓱᐊᕐᓗᑎᑦ. ᐆᒻᒪᑎᕕᑦ ᖃᐅᔨᒪᑎᖃᑦᑕᕈᕕᐅᒃ ᑕᐃᒫᒃ, ᐊᔪᓕᖅᑐᖃᕈᓐᓇᖏᑦᑐᖅ. ᐃᓕᓐᓂᐊᒐᒃᓴᑦᑎᐊᕙᒻᒪᕆᐊᓘᓂᐊᖅᑐᖅ," ᑎᓕᐅᕆᕗᖅ. ᐊᑲᐅᙱᓕᐅᕈᑎᖃᓕᓚᐅᕐᒥᔪᖅ ᓲᖃᐃᒻᒪ ᐃᑲᔪᖅᑕᐅᓚᐅᕐᒪᑦ ᐊᒻᒪᓗ ᑎᒍᓚᐅᕐᓇᓂᐅᒃ. ᐃᒃᐱᒍᓱᒃᑭᓪᓗᓂ ᓇᑲᑕᐅᓂᕐᒥᒃ ᐅᐱᒍᓱᒃᑎᑦᑎᓪᓗᓂᓗ ᑎᑭᐅᑎᓂᖓᓂᒃ. ᒫᓐᓇ, ᑖᓐᓇ ᐊᑕᖃᑎᒌᒃᑎᑦᑎᕙᒃᐳᖅ ᒪᓂᒪᑎᑦᑎᓪᓗᓂᓗ ᐃᑲᔪᕐᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒥᓂ ᐃᓅᖃᑎᒌᖕᓂᕐᓂᒃ.

ᐃᑲᔪᖅᖢᓂ ᓇᒧᙵᐅᕙᓪᓕᐊᓂᕆᔭᒥᓂ, ᑖᒃᑯᐊ ᐃᓚᒌᑦ ᐊᐃᑉᐸᖏᓪᓗ ᑎᓕᐅᕆᓚᐅᖅᑐᑦ ᓯᓐᓇᑦᑑᒪᒋᔭᒥᓂᒃ. ᒪᒃᑖᕕᔅ ᐃᑲᔪᖅᓱᖅᑕᐅᓯᒪᖕᒥᔪᖅ ᐃᓄᖕᓄᑦ ᐱᓕᕆᖃᑎᖃᖅᑐᓄᑦ ᓲᕐᓗ ᑯᕉ ᓯᐅᓪᑦ ᑐᔪᕐᒥᕕᒃ, ᐅᐃᓕᕗ ᑰᒃ, ᒪᒥᓴᕐᓂᖅ 7−ᓂᒃ ᑭᖑᕚᕇᓂᒃ, ᐊᒻᒪ ᐊᓂᔅᓇᐱᒡ ᐱᓕᕆᔨᖏᓐᓂᒃ. ᐱᓕᕆᖃᑎᖃᖅᖢᓂ ᐃᓐᓇᕐᓂᒃ ᖃᐅᔨᒪᓂᓂᒡᓗ ᐱᓯᒪᕙᒃᑐᓂᒃ ᐃᑲᔪᖅᓯᒪᕗᖅ ᐱᕈᖅᐸᓪᓕᐊᑎᓪᓗᒍ.  "ᑲᑉᐱᐊᓱᒃᑕᐃᓕᒋᑦ ᑲᑎᖃᑎᖃᕆᐊᒃᓴᖅ ᐃᓄᖕᓂᒃ ᐊᒃᓱᕈᖅᑐᓂᒃ ᑭᓇᐅᓂᕐᓂ ᐊᔭᐅᕐᓗᒋᓪᓗ ᑭᒡᓕᖏᑦ ᑭᓇᐅᓂᕐᓂ, ᓲᖃᐃᒻᒪ ᐱᕈᖅᐸᓪᓕᐊᔪᖅ," ᐅᖃᖅᑐᖅ.

ᐅᖃᐅᔾᔪᐃᓂᖓ ᒪᒃᑯᒃᑐᒧᑦ ᖃᓄᐃᓕᐅᕐᓂᐊᕐᒪᖔᑦ, "ᓇᐹᖅᑐᒥᒃ ᓇᓂᓯᓗᓂ, ᓇᐹᖅᑐᖃᕐᔪᐊᖅᑐᖅ, ᐃᒃᓯᕚᕐᓗᓂᓗ ᐃᒃᓯᕚᑐᐃᓐᓇᕐᓗᓂᓗ ᐃᒃᐱᒋᑐᐃᓐᓇᕐᓗᒍᓗ ᐆᒻᒪᕆᖕᓂᖓ, ᐊᒃᑐᐊᓂᖃᓕᕐᓂᖅ ᓄᓇᒧᑦ. ᐃᒃᓯᕚᖃᑎᒋᑐᐃᓐᓇᕐᓗᑎᑦ ᐊᐱᕆᒋᐊᓚᐅᙱᓐᓂᕐᓂ, ᐅᕝᕙᓘᓐᓃᑦ ᑐᐹᑭᒥᒃ ᑐᓂᓯᓚᐅᙱᓐᓂᕐᓂ ᐃᓐᓇᕐᒧᑦ ᐊᐱᕆᓕᕐᓗᒋᓪᓗ ᑖᒃᑯᓂᖓ ᐃᓕᓴᐃᔾᔪᑎᓂᒃ ᐊᒻᒪ ᖃᓄᐃᓕᐅᖁᔭᐅᔪᓂᒃ, 'ᓇᒧᙵᕆᐊᖃᖅᐳᖓ? ᖃᓄᐃᓕᐅᕆᐊᖃᖅᐳᖓ?' ᐃᒃᓯᕚᖃᑎᖃᕆᐊᖃᖅᑐᑎᑦ ᐃᓕᖕᓂᒃ. ᑕᒪᓐᓇ ᐆᒻᒪᑎᖓᓃᓪᓚᕆᒻᒪᑦ. ᐱᐅᓂᕐᐸᐅᒐᔭᕐᑐᖅ ᐃᓕᓐᓄᑦ ᑕᐅᑐᑐᐃᓐᓇᕐᑐᖓ ᐊᒻᒪ ᑐᓵᑐᐃᓐᓇᕐᑐᖓ, ᓈᓚᑐᐃᓐᓇᕐᑐᖓ, ᐅᐱᓐᓇᕋᓂ ᑕᐃᒃᑯᐊ ᑭᐅᒍᑏᑦ ᐃᓗᒋᑦᓯᐊᕐᑕᒃᑲ. ᖃᐅᔨᒪᔪᖓ ᓂᐱᒃᑭᐅᖅᑰᔨᔪᖅ, ᑭᓯᐊᓂ ᓈᓚᑦᑎᐊᖅᑐᑎᑦ ᐆᒻᒪᑎᕕᑦ ᐅᖃᐅᓯᕆᔭᖓᓂᒃ, ᑕᒻᒪᖅᑎᑦᑎᔾᔮᖏᓐᓇᕕᑦ. ᑕᐃᒪᐃᔾᔮᖏᑦᑐᖅ."

ᐊᓯᖓ ᐅᖃᐅᔾᔨᒋᐊᕈᑎᖓ ᓴᖅᑭᕐᓗᓂ ᑭᓇᒥᑭᐊᖅ ᖃᐃᖁᔨᒃᐸᑦ ᐃᑲᔪᕐᓗᓂᓗ ᑲᓲᑎᓗᑎᑦ ᓄᓇᓕᖕᒧᑦ.  "ᓴᖅᑭᓪᓗᓂ, ᓲᖃᐃᒻᒪ ᐅᖃᐅᑎᒐᒃᑭᑦ, ᓂᑲᒍᓱᒃᑐᖃᕐᓂᐊᖅᑐᖅ, ᑕᐃᒪᐃᒃᑯᓂ. ᐊᒻᒪᓗ ᓴᖅᑭᖃᑦᑕᓕᕈᕕᑦ ᐊᒻᒪᓗ ᒪᕐᕋᖅ ᓴᖅᑭᖅᐸᑦ, ᐊᐅᓪᓚᕈᒪᔾᔮᖏᑦᑐᑎᑦ. ᕿᓂᕐᓂᐊᖅᑐᓯ ᑭᖑᓪᓕᕐᒥ ᖃᓄᐃᓕᐅᕐᓂᐅᓛᖅᑐᒥᒃ. ᑲᓱᕈᒪᓂᐊᖅᑐᑎᑦ. ᐱᓕᕆᖃᑎᒌᒃᐸᓪᓕᐊᓗᑎᒃ, ᐃᓕᖕᓂᒃ ᐅᒃᐱᕆᓗᑎᑦ," ᑎᓕᐅᕆᕗᖅ.

ᓯᕗᓪᓕᖅᐹᒥ ᐆᑦᑐᕋᓱᓚᐅᖅᑎᓪᓗᒍ ᓯᓚᑦᑐᓴᕐᕕᕐᔪᐊᕐᒥ ᐊᒻᒪᓗ ᖁᓕᓂᑦ ᐊᕐᕌᒍᓂᑦ ᓂᕆᕕᒻᒦᑦᑐᓂ, ᐃᓅᓯᖅ ᐊᐃᑉᐸᕆᓕᖅᑕᖓᓂᑦ ᐱᕕᖃᓕᓚᐅᖅᑐᖅ ᓯᓐᓇᑦᑑᒪᒋᓚᐅᖅᑕᖏᓐᓂᑦ, ᐱᓕᕆᑐᐃᓐᓇᓕᓚᐅᖅᑐᖅ... ᑕᐃᒪᐃᓚᐅᖅᑐᖅ. ᓇᒻᒥᓂᖅ ᐃᓕᒋᐊᖃᓚᐅᖅᑐᖅ ᐊᒻᒪᓗ ᐅᑎᕋᓱᐊᕐᓇᓂ, ᑭᓯᐊᓂ ᕋᐃᔭᓐ ᑐᐊᐃᑦ ᒪᒃᑖᕕᔅ ᐃᓄᓕᕆᔨᕈᓚᐅᖅᑐᖅ ᐊᒻᒪᓗ ᐱᓕᕆᖃᑎᒌᑉᐸᓪᓕᐊᓪᓗᓂ ᐃᑲᔪᕋᓱᐊᖅᑐᓂ ᐃᓄᓐᓂᒃ ᓇᒻᒥᓂᖅ ᓇᓂᓯᒐᓱᐊᖅᑎᓪᓗᒋᑦ. ᐊᒃᑐᐊᓂᖃᕈᓐᓃᖅᖢᓂ ᑲᑎᙵᒃᑲᓐᓂᖅᖢᓂᓗ, ᐅᑎᓕᓚᐅᖅᑐᖅ ᐃᓕᖅᑯᓯᒧᑦ ᓄᓇᓕᖕᒧᓪᓗ ᓅᑦᑕᕆᐊᖃᓕᖅᖢᓂ ᐊᑦᑕᖕᓇᖅᑐᒦᓕᖅᖢᓂ ᓄᑕᕋᐅᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.