ᐃᓪᓚᖅᑐᑦ ᐃᓅᓕᓴᐅᑎᑦᑎᐊᕙᐅᓛᖑᕗᖅ: ᓄᓇᖃᖅᑳᖅᓯᒪᔪᑦ ᑰᕋᓐ ᓵᓴ ᒫᒃ ᐅᓂᒃᑳᖅᑐᖅ

ᐃᓄᐃᑦ ᐅᖃᖃᑦᑕᓚᐅᖅᓯᒪᔪᑦ ᓵᓴ ᒫᒃ, "ᓵᓴ, ᐃᔪᕐᓇᖅᑐᒻᒪᕆᐅᔪᑎᑦ. ᓇᖏᖅᓯᓪᓗᐊᖅᑐᑎᑦ." ᑭᐅᔾᔪᓯᖓ "ᐄ. ᑲᑎᖦᖢᒋᑦ ᑕᐃᒪᐃᓚᐅᖅᓯᒪᙱᑦᑐᖅ. Ew." ᑭᓯᐊᓂ ᐱᓕᕆᖃᑎᖃᓚᐅᖅᑎᓪᓗᒍ ᖃᐃᖃᑎᒋᓯᒪᔭᓐᓂᑦ ᐊᑎᖃᖅᑐᖅ ᐊᐃᓴ ᑭᒃᓯᓐ, ᒫᒃ ᐃᒻᒥᓂᒃ ᓇᖏᖅᑎᐅᓕᓚᐅᖅᑐᖅ. ᓯᕗᓪᓕᖅᐹᒥ ᑕᑯᑎᓚᐅᖅᓯᒪᓪᓗᓂᒋᑦ ᐊᒻᒪᓗ "ᓄᖅᑲᓚᐅᖅᓯᒪᙱᖦᖢᓂ ᑕᐃᒪᙵᓂᑦ," ᒫᒃ ᐅᖃᖅᖢᓂ. 

 ᓵᓴ ᒫᒃ ᑯᕇ−ᒥᐅᑕᔅ ᐊᖑᑎᐅᔪᖅ 1-ᒥᑦ ᐅᑭᐅᖅᑕᖅᑐᒥᑦ, ᐱᕈᖅᓴᓚᐅᖅᓯᒪᓪᓗᓂᓗ ᓄᓇᖃᖅᑳᖅᓯᒪᔪᓂᑦ ᐅᐃᓂᐹᒡ, ᒫᓂᑑᐸᒥᑦ. ᒫᒃ ᒫᓐᓇ ᓄᓇᖃᓕᖅᑐᖅ ᕚᓐᑰᕙᒥ, ᐳᕆᑎᔅ ᑲᓚᒻᐱᐊᒥ ᓇᓗᓇᐃᖅᑕᐅᓯᒪᙱᑦᑐᒥ ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ ᐅᒥᖕᒪᖕᓄᑦ, Squamish− ᐊᒻᒪ Tsleil-Wauth Nation−ᑯᓐᓄᑦ. ᐃᓕᓐᓂᐊᓯᒋᐊᓚᐅᙱᓐᓂᖓᓂ ᑎᔅᓯᓈᕿᒥ, ᒫᒃ ᐃᓕᓴᐃᔨᙳᕆᐅᖅᓴᓚᐅᖅᐳᖅ ᐅᐃᓂᐹᒡᒥ ᓯᓚᑦᑐᖅᓴᕐᕕᒡᔪᐊᖓᓂ. 

ᐃᓱᒪᔪᖓ ᐃᓕᓐᓂᐊᕐᓂᖅ ᐊᒥᓱᑎᒍᑦ ᐱᓕᕆᐊᖑᒻᒪᑦ ᐊᒻᒪᓗ ᐱᑕᖃᑐᐃᓐᓇᕋᓂ ᐃᓪᓗᒥ. ᓇᒥᑐᐃᓐᓇᖅ ᐃᓕᑦᑎᔪᓐᓇᖅᑐᑎᑦ.

ᐱᖓᓱᓂᑦ ᓇᐃᑦᑐᓂᑦ ᐊᕐᕌᒍᓂᑦ ᐱᒋᐊᓚᐅᖅᓯᒪᒻᒪᓂᑦ ᑎᔅᓯᓈᕿᓂᕐᒥᑦ, ᒫᒃ 100 ᐅᖓᑖᓂᑦ ᑕᑯᕋᓐᓈᖅᑎᑦᑎᖃᑦᑕᖅᓯᒪᔪᖅ ᐃᒥᕋᓚᕝᕕᓐᓂᑦ, ᐱᙳᐊᖅᑐᓂ ᑎᒥᐅᔪᓄᑦ ᑕᑯᓐᓇᕆᐊᖅᓯᒪᔪᓄᑦ ᐊᒻᒪᓗ ᑎᔅᓯᓈᕿᔪᓄᑦ ᓲᕐᓗ ᔫᑭ ᔫᒃᔅᒧᑦ. ᐃᒡᓚᖅᖢᓂ ᕿᓚᐅᔾᔭᓚᐅᖅᑐᖅ APTN-ᑯᓐᓄᑦ ᒪᕐᕉᖕᓄᑦ ᐅᑭᐅᖕᓄᑦ. ᑎᔅᓯᓈᕿᔪᓐᓇᕐᓂᖓ ᓯᓚᑦᑐᖅᓴᕐᕕᒡᔪᐊᕐᒥᙶᓚᐅᖅᐳᖅ ᖃᓪᓗᓈᑐᑦ, ᑕᕐᕆᔭᕐᕕᖕᒥ ᐊᒻᒪ ᑕᕐᕆᔭᐅᓯᐅᕆᐅᖅᓴᔪᓂᒃ ᐊᒻᒪ ᓄᓇᖃᖅᑳᖅᓯᒪᔪᓂᒃ ᑎᔅᓯᓈᓂᙶᖅᑐᓂᒃ ᑳᕋ ᓚᐃᑦᕗᐃᓐ−ᒥ ᑕᐃᔭᐅᓪᓗᓂ 20−ᓄᑦ ᐱᓇᓱᐊᕈᓯᕐᓂᒃ ᑎᑎᕋᕆᐅᖅᓴᓪᓗᓂ Prairie Theater Exchange−ᒥ ᐅᐃᓂᐹᒡᒥ. ᐊᔪᙱᓐᓂᕐᒥᓂᒃ ᐅᐱᒍᓱᓚᐅᖅᑐᖅ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᖅᖢᓂ, ᑭᓯᐊᓂᑦᑕᐅᖅ "ᑕᑯᕈᓘᔭᖅᖢᓂ ᑕᑯᑲᑕᒃᖢᓂᓗ ᐃᔪᕐᓇᖅᑐᓂᒃ," ᐅᖃᖅᖢᓂ.  

ᐃᓱᒪᔪᖓᓕ ᑕᒪᓐᓇ ᑲᑎᑎᑦᓯᖃᑦᑕᕐᓂᖅ ᐃᓄᓐᓂᒃ ᐃᑉᐱᒋᓪᓚᕆᑦᑕᑎᓐᓂᒃ ᐱᒻᒪᕆᐅᒋᐊᖓᓂᒃ ᐃᓄᐃᑦ ᓴᓇᐅᒐᖏᓐᓂᒃ ᐃᑉᐱᒍᓱᑦᑎᑦᓯᓂᒃᑯᑦ ᐊᒻᒪᓗ ᖃᓄᖅ ᐱᓕᕆᖃᑎᒌᖃᑦᑕᕐᒪᖔᑦᑕ ᐊᒻᒪᓗ ᐃᓅᓯᑦᑎᓐᓄᑦ ᑎᑭᐅᑎᑎᑦᓯᕙᑦᓱᓂ ᐱᓕᕆᐊᕆᕙᑦᑕᑎᓐᓂᒃ. 

ᒫᒃ ᕚᓐᑰᕗᒧᑦ ᓅᕐᔪᐊᓚᐅᖅᐳᖅ ᕿᓂᖅᖢᓂ ᓄᑖᓂᒃ ᐱᕕᒃᓴᐅᔪᓐᓇᖅᑐᓂᒃ ᐃᓱᒪᓚᐅᖅᑎᓪᓗᒍ ᐱᓕᕆᔪᓐᓇᕐᓂᓕᒫᒥᓂᒃ ᓄᓇᒥᓂ. ᐅᖃᐅᔾᔪᐃᒋᐊᕈᑎᖃᖅᐳᖅ ᐃᓕᓐᓂᐊᖅᑎᓄᑦ ᑕᐃᒪᐃᓕᐅᕈᒪᔪᓄᑦ. ᐅᖃᖅᖢᓂ ᓇᓂᓯᓗᓂ ᓄᓇᓕᖕᒥᒃ ᓄᑖᒥ ᐊᖏᕐᕋᕐᓂ ᑲᑎᖃᑎᖃᐃᓐᓇᕐᓗᓂᓗ ᐃᓄᖕᓂᒃ ᐊᖏᕐᕋᕐᓂ ᐅᖃᓘᑎᒃᑯᑦ, ᐅᖃᓘᑎᕋᓛᒃᑯᑦ ᑎᑎᖅᑲᑎᒍᓪᓘᓐᓃᑦ.  "ᐃᓂᒃᓴᖅᑕᖃᖅᐳᖅ ᓇᒧᙵᐅᕝᕕᒋᕙᒃᑕᕐᓄᑦ. ᓇᓂᑐᐃᓐᓇᖅ ᐃᓯᒐᑎᑦ ᐃᓕᒍᕕᒋᑦ, ᓇᓂᔪᓐᓇᖅᑕᑎᑦ ᐃᓄᐃᑦ ᐱᔭᕆᐊᖃᖅᑕᑎᑦ, ᐅᒃᐱᕆᓗᒋᓪᓗ," ᑕᐃᒪᓐᓇ ᐅᖃᖅᖢᓂ. 

 ᐅᖃᐃᓐᓇᐅᔭᖅᑐᑦ ᐃᒡᓚᕐᓂᖅ ᐃᓅᓕᓴᐅᑎᐅᓂᖓᓂᒃ. ᐃᓅᓕᓴᐅᑎᐅᙱᑦᑐᖅ ᓄᕙᒡᔪᐊᕐᓇᒧᑦ, ᐊᐃᑦᑖᖑᒐᓗᐊᖅ. ᑕᒪᓐᓇ ᒥᑕᐅᑎᒋᔪᖅ, ᑭᓯᐊᓂᓕ ᓱᓕ ᐃᓅᓕᓴᐅᑎᐅᕗᖅ ᖃᓄᐃᓕᐅᖅᑐᓄᑦ. 

ᒫᒃ ᐱᕈᖅᓴᓚᐅᖅᑐᖅ ᐅᐃᓂᐹᒡᒥ ᐊᔪᖅᓴᖅᖢᓂ, ᖃᑕᙳᑎᖏᑦ ᐊᒃᓱᕈᖅᖢᑎᒃ ᓂᕿᒃᓴᖃᑦᑎᐊᙱᖦᖢᑎᒃ ᐊᒻᒪ ᐅᖅᑰᓴᕈᓐᓇᙱᖦᖢᑎᒃ. ᑎᑎᖅᓯᓗᓂ ᐃᓕᓐᓂᐊᕐᕕᖕᒥ, ᓂᕆᔭᒃᓴᓂᒃ ᐊᒻᒪ ᐃᓕᓐᓂᐊᒃᑲᓐᓂᖅᑎᑦᑎᕙᒃᖢᑎᒃ. ᕿᑐᕐᖓᒥᓂᒃ ᓄᖅᑲᖓᔪᖃᓚᐅᕐᒥᔪᖅ ᒪᒃᑯᒃᑎᓪᓗᒍ. ᒫᓐᓇ ᑎᔅᓯᓈᕿᓪᓗᓂ, ᐅᓂᒃᑳᖃᑦᑕᖅᑐᖅ ᐃᖅᑲᓇᐃᔮᒥᓄᑦ, ᐅᕕᓂᖃᑎᒋᙱᑕᒥᓂᒃ ᐊᑭᕋᖅᑐᖅᖢᓂ ᐊᒻᒪ ᐊᐱᖅᓱᖅᖢᓂ ᖃᓄᐃᒻᒪᑦ ᑭᓇᐅᓂᕐᒥᓂᒃ ᓇᒃᓴᖅᐸᖕᒪᖔᑦ ᐊᒻᒪ ᖃᓄᐃᒻᒪᑦ "ᒐᕙᒪᓕᕆᖕᒪᖔᑦ." 

ᓄᓇᖃᖅᑳᖅᓯᒪᔪᑦ ᐃᓄᐃᑦ, ᒐᕙᒪᓕᕆᔭᕆᐊᖃᕋᑦᑕ. ᒐᕙᒪᓕᕆᓂᒃᑰᕋᑦᑕ. ᒐᕙᒪᓕᕆᓂᒃᑯᑎᒍᑦ ᐅᐱᓐᓇᕋᓂ ᑕᐃᒪᐃᑦᑐᒥᒃ ᐃᓅᒋᐊᖃᓚᐅᕋᑦᑕ. ᐃᓅᓪᓗᑕ ᑲᑎᒪᔨᐅᓂᕐᒧᑦ ᐅᖃᐅᓯᐅᒻᒪᑦ. 

ᐅᖃᐅᔾᔪᐃᓂᖓ ᒪᒃᑯᖕᓂᖅᓴᓄᑦ ᐃᒻᒥᓂᒃ ᑐᙵᓇᕈᒪᓂᐅᕗᖅ, ᒪᑐᐃᙶᖏᓐᓇᕈᒪᓂᐅᕗᖅ, ᑎᔅᓯᓈᕿᔪᓐᓇᕐᓂᕐᒥᒃ, ᑕᖃᑦᑕᐃᓕᒪᔪᒪᓂᕐᒧᑦ ᓇᖕᒥᓂᖅ ᑲᒪᒋᑦᑎᐊᕈᒪᓂᕐᒧᓪᓗ. ᐅᖃᐅᓯᖃᓚᐅᖅᐳᖅ ᖃᓄᑎᒋ ᐊᒃᓱᕈᕐᓇᖅᑎᒋᓂᖓᓂᒃ ᐃᖅᑲᓇᐃᔭᐃᓐᓇᕐᓂᖅ ᐊᒻᒪ ᐱᓕᕆᖃᑦᑕᕐᓂᖅ ᐃᓕᓐᓂᐊᕐᕕᖕᒥ, ᐃᖅᑲᓇᐃᔭᕐᕕᖕᒥ ᐊᒻᒪ ᐃᓕᓐᓂᐊᒃᑲᓐᓂᖅᑐᓂᒃ ᐊᒻᒪ ᖃᓄᖅ ᑕᒪᓐᓇ ᐃᑲᔫᑎᖃᕐᒪᖔᑦ ᖃᓄᐃᙱᑦᑎᐊᕈᓯᑦᑎᓐᓄᑦ. "ᑭᓇᑐᐃᓐᓇᖅ ᐃᖅᑲᓇᐃᔭᖅᐸᓚᐅᖅᓯᒪᔪᖅ 100 ᐃᑲᕐᕋᐃᑦ ᐅᖓᑖᓄᑦ ᐱᓇᓱᐊᕈᓯᕐᒥ, ᐱᒻᒪᕆᐅᓱᒋᕙᕋ ᖃᐅᔨᓴᑦᑎᐊᕆᐊᖓ ᓇᒻᒥᓂᖅ ᑲᒪᒋᑦᑎᐊᕆᐊᖃᓕᕋᐃᒐᑦᑕ. ᐊᒻᒪᓗ ᐅᖃᕋᔭᖅᑐᖓ ᖃᓄᐃᓐᖏᑦᑐᖅ ᐃᓕᓐᓂᒃ ᓂᑲᒍᓱᓪᓗᓂ. ᐃᑲᔪᖅᑕᐅᔭᕆᐊᖃᕈᕕᓪᓗ, ᐃᑲᔪᖅᑕᐅᔪᒪᑐᐃᓐᓇᕐᓗᑎᑦ. ᐅᕕᓂᖕᓂᐊᓗᐊᕆᐊᖃᙱᑦᑐᑎᑦ," ᑲᔪᓯᓪᓗᓂ. 

ᑕᒪᓐᓇ ᓇᒧᙵᐅᕙᓪᓕᐊᑎᓪᓗᒍ ᐊᓂᒍᖅᑎᓐᓇᓱᒋᐊᖃᖅᐸᒃᑐᖅ ᓇᒧᙵᕈᓘᔭᖅᑐᒧᑦ ᖃᓂᒪᓐᓇᒧᑦ, ᒫᒃ ᐱᓕᕆᐊᖃᖅᐳᖅ ᖃᕆᑕᐅᔭᒃᑰᖓᔪᓂᒃ ᓇᖏᖅᖢᓂ, ᐃᖅᑲᓇᐃᔭᖅᖢᓂ ᐊᖏᕐᕋᕆᔭᒥᓂ, ᖁᕕᐊᒋᔭᖃᖅᖢᓂᓗ ᓄᔭᐃᔭᐃᓂᕐᒥᒃ ᐃᒡᓗᕈᓯᖃᖃᑎᒋᔭᒥᓂᒃ.  ᐱᓕᕆᖃᑎᖃᖅᓯᒪᔪᖅ ᐱᓕᒻᒪᒃᓴᐃᔨᒥᑦ ᑲᑎᖃᑎᖃᕐᖢᓂᓗ ᖃᑕᙳᑎᖏᓐᓂ. ᐃᓚᒌᑦ ᐱᒻᒪᕆᐅᔪᑦ ᒫᒃᒧᑦ; ᑎᑦᑎᓇᖅᑐᒥᒃ ᓄᑲᒥᓂᒃ ᓂᐸᓱᒃᑎᑦᑎᕗᖅ ᑎᔅᓯᓈᕿᓪᓗᓂ ᐃᓚᒥᓂᒡᓗ ᐃᔪᕐᓇᖅᖢᓂ. ᐱᔪᒃᓯᑎᑕᐅᑦᑎᐊᖅᓯᒪᔪᖅ ᐊᓯᒥᓄᑦ ᑭᓯᐊᓂ ᐊᑯᓂᐊᓗᒃ ᑕᐅᑐᓚᐅᖅᓯᒪᙱᑦᑐᖅ ᑎᔅᓯᓈᕿᔪᓂᒃ. 

ᑕᐃᒪᓕ, ᒫᒃ ᐱᔪᒃᓯᑎᑕᐅᕗᖅ ᐃᓅᓯᖓᓂ ᖃᓂᒋᔭᖏᓐᓃᑦᑐᓂ. "ᖁᕕᐊᓇᑦᑎᐊᖅᑐᖅ ᓇᒧᑐᐃᓐᓇᑦᑎᐊᖅ ᓈᓚᒋᐊᖃᓪᓚᕆᒃᖢᑎᓪᓗ ᓇᓂᓗᒍᓗ. ᐱᔪᒃᓯᓕᖅᑎᑕᐅᔪᓐᓇᖅᑐᓯᓗ ᑭᓱᕈᓘᔭᕐᓄᑦ, ᒥᑭᒃᑲᓗᐊᖅᐸᑦ ᐅᕝᕙᓘᓐᓃᑦ ᐊᖏᓗᐊᖅᐸᑦ," ᑕᐃᒪᓐᓇ ᐅᖃᖅᖢᓂ. ᑭᓇᒥᑭᐊᖅ ᖃᓄᐃᔾᔪᑎᖃᓕᓚᐅᖅᓯᒪᔪᒥᒃ ᖃᐃᔨᔨᙳᕐᓂᕐᒧᑦ "ᐄ. ᑲᑎᖦᖢᒋᑦ ᑕᐃᒪᐃᓚᐅᖅᓯᒪᙱᑦᑐᖅ. ᐄ.", ᓇᖕᒥᓂᖅ ᖃᐃᔪᖅ ᑎᔅᓯᓈᕿᓪᓗᓂ. ᐃᓕᓴᐃᔨᙳᓚᐅᙱᒃᑲᓗᐊᖅᖢᓂ, ᒫᒃ ᐃᓕᓐᓂᐊᕐᕕᖕᒥ ᓈᓚᒃᑎᓄᐊᓲᖑᕗᖅ ᐃᓅᓯᓪᓚᑦᑖᖓᓂ ᓄᓇᖃᖅᑳᖅᓯᒪᔫᓪᓗᓂ, ᐃᒡᓚᑲᑕᒃᖢᓂᓗ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

ᒪᐃ 2024−ᒥ ᓄᑖᙳᕆᐊᖅᓯᒪᔪᑦ: ᖃᑦᑎᕆᔨᑦ ᓵᑦ, ᓵᓴ ᓛᐅᔅ−ᒦᑐᐃᓐᓇᓕᖅᑐᖅ, ᓯᓚᐃᓐᓇᕐᒧᑦ, ᑕᑯᒃᓴᐅᑎᑕᐅᓪᓗᓂᓗ Laughs−ᒧᑦ BC 2023−ᒥ. ᑎᔅᓯᓈᕿᔨᐅᓚᐅᕐᒥᔪᖅ ᔪᐊᔨᐊ ᔅᑐᕌᑦᒧᑦ, ᐊᒻᒪᓗ ᐱᕐᓕᕋᖅᑕᐅᓪᓗᓂ ᓵᓚᒃᓴᖃᑕᐅᓪᓗᓂ ᓇᐃᑦᑐᒥᒃ ᑕᕐᕆᔮᒃᓴᒥᒃ "Terror/Forming", ᑎᑎᕋᖅᑕᐅᓯᒪᓪᓗᓂ ᐊᒻᒪᓗ ᑐᑭᒧᐊᒃᑎᑕᐅᓪᓗᓂ ᕋᐃᓚᓐ ᐅᓪᓗᑐᐃᓐᓇᕐᒧᑦ.