"ᑭᓱᒥ ᐊᓕᐊᓇᐃᒋᓚᐅᖅᐸᖓ ᓴᓇᙳᐊᖅᖢᓂ. ᖃᐅᔨᓇᓱᒋᐊᖃᓚᐅᖅᑐᖓ ᖃᓄᖅ ᐃᓅᓇᓱᒍᓐᓇᕐᒪᖔᕐᒪ," ᓵᕕᔭ ᒫᔅᑕᓐ ᐃᖅᑲᐅᒪᔪᖅ. ᐃᖏᕐᕋᓂᐅᓯᒪᔪᖅ, ᑭᓯᐊᓂ ᖃᐅᔨᓚᐅᖅᑐᖅ. ᒫᔅᑕᓐ ᐱᒋᔭᐅᔪᖅ Mississaugas−ᒧᑦ Scugog Island−ᒥ ᓄᓇᖃᖅᑳᖅᑐᓄᑦ, ᓄᓇᒋᔭᐅᔪᖅ 200−ᑲᓴᖕᓄᑦ ᐃᓄᖕᓄᑦ ᑐᕌᓐᑐ, ᐊᓐᑎᐅᕆᐅ ᖃᓂᒋᔮᓂ, ᑭᓯᐊᓂ ᑭᕆᒨᓯᒥᐅᑕᐅᓪᓗᓂ, ᐳᕆᑎᔅ ᑲᓚᒻᐱᐊᒥ. 

"ᑭᓱᒥ ᐊᓕᐊᓇᐃᒋᓚᐅᖅᐸᖓ ᓴᓇᙳᐊᖅᖢᓂ. ᖃᐅᔨᓇᓱᒋᐊᖃᓚᐅᖅᑐᖓ ᖃᓄᖅ ᑲᔪᓯᑎᑦᑏᓐᓇᕈᓐᓇᕐᒪᖔᕐᒪ ᐃᓅᓇᓱᒃᖢᖓ."

ᓴᓇᙳᐊᖅᑎᐅᔪᖅ ᑕᑯᒥᓴᐅᑎᓂᒃ, ᐊᒥᐊᕆᓂᕐᒥᒃ, ᐊᒻᒪᓗ ᑎᑎᖅᑐᒐᕐᓂᒃ ᐊᒻᒪᓗ ᓴᓇᕙᑦᑐᓂ ᓄᓇᓕᓐᓂ ᓴᓇᐅᒐᕐᓂᒃ. ᐱᕈᖅᓴᓪᓗᓂ ᓂᑲᓇᖅᑐᒥᑦ ᐊᒻᒪ ᖁᐊᖅᓵᖓᓇᖅᑐᒥᑦ, ᑕᑯᓚᐅᖅᑐᖅ ᓴᓇᙳᐊᖅᓯᒪᔭᖏᓐᓂᑦ, ᐊᒥᐊᕆᓂᕐᒥᑦ ᐊᒻᒪ ᓴᐸᖓᓕᕆᓂᕐᒥᑦ ᐊᒻᒪ ᓇᓂᓯᓪᓗᓂ ᓴᓇᙳᐊᖅᑎᓂᑦ ᐊᒻᒪ ᐃᓐᓇᕐᓂᑦ ᐃᓕᑕᖏᓐᓂᑦ ᐊᒻᒪ ᑲᓲᒪᖃᑎᖃᖅᑐᓂ ᓴᐃᒪᓇᖅᑑᓚᐅᖅᑐᑦ ᐊᒻᒪ ᐊᑲᐅᒋᔭᒥᒍᑦ. ᐊᖏᕐᕋᖓᓂ ᓇᓂᓯᓪᓗᓂ ᐊᒻᒪᓗ ᖁᕕᐊᒋᑦᑎᐊᖅᖢᓂᐅᒃ ᓴᓇᐅᒐᓕᕆᓂᖅ ᐊᒻᒪᓗ ᒪᒃᑯᒃᑐᒥᑦ ᐱᐅᔪᒥᑦ ᐱᒋᐊᓪᓚᒃᑲᓐᓂᓚᐅᖅᑐᖅ ᐱᓕᕆᐊᖓᑕ ᐱᐅᓂᖓᓂᒃ. 

ᓯᕗᓪᓕᕐᒥ, ᒫᔅᑕᓐ ᐊᓈᓇᒥᓂᒃ ᐃᓕᑦᑎᓪᓗᓂ, ᐊᒻᒪᐃᓛᒃ ᐊᔾᔨᒌᙱᑦᑐᓂᒃ ᐃᓐᓇᕐᓂᙶᖅᑐᓂᒃ. ᑕᐃᑲᖓᑦ, ᓛᖓᕋ ᓯᓚᑦᑐᓴᕐᕕᖓᓅᓚᐅᖅᑐᖅ ᐊᒻᒪᓗ ᓴᓇᙳᐊᕐᓂᕐᒧᑦ ᐃᓕᓐᓂᐊᖅᑐᓂ. ᐊᕙᑎᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᐱᔪᒪᓚᐅᖅᑐᖅ ᑭᓯᐊᓂ ᓴᓇᙳᐊᖅᑕᐅᓚᐅᖅᑐᖅ ᑐᓐᓂᖅᑯᓯᐊᕆᓚᐅᖅᖢᓂᐅᒃ ᐊᒻᒪ ᓄᓇᓕᖕᓂ ᐱᓕᕆᔪᓐᓇᖅᓯᓪᓗᓂ. 

ᐱᓕᕆᖃᑎᖃᖅᖢᓂ KAYA−ᒥᒃ, ᖃᐅᔨᒪᓂᖃᑦᑎᐊᖅᑐᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ ᑲᑐᔾᔨᖃᑎᒌᖏᑦ, ᐱᑎᑦᑎᓚᐅᖅᐳᖅ ᓄᓇᖃᖅᑳᖅᑐᓄᑦ ᓴᓇᙳᐊᕐᓂᕐᒧᑦ ᐱᓕᕆᐊᒃᓴᓂᒃ ᒪᓂᒪᙱᒃᑳᖓᑦ ᐃᓕᓐᓂᐊᕐᕕᖕᓂ. "ᑕᑯᔪᓐᓇᖅᑐᖓ ᐃᑲᔫᑎᖃᕐᓂᖓᓂᒃ ᓴᓇᐅᒐᐃᑦ ᐅᕙᓐᓄᑦ ᓇᒃᓴᓚᐅᖅᑐᑦ, ᑐᓂᔪᒪᓪᓗᒍᓗ ᑐᓐᓂᖅᑯᓯᐊᖅ ᐊᓯᖏᓐᓄᑦ ᒪᒃᑯᒃᑐᓄᑦ. ᐃᓅᓯᓐᓂᒃ ᐱᐅᓕᑦᓯᓚᐅᖅᑐᖅ, ᐱᔾᔪᑎᒋᓕᓚᐅᖅᑕᕋ ᐊᒻᒪᓗ ᑐᑭᒧᐊᒍᑎᒋᓪᓗᒍ. ᖁᕕᐊᓇᑦᑎᐊᖅᑐᖅ ᓴᖅᑭᑦᑎᔭᕆᐊᒃᓴᖅ ᐃᓚᐅᖃᑕᐅᓗᓂᓗ ᓴᓇᙳᐊᖅᑎᓄᑦ ᓄᓇᓕᖕᓂ ᒪᒥᓴᕐᓂᒻᒪᕆᐊᓗᒃ," ᓴᖅᑭᔮᖅᑎᑦᑎᔪᖅ. 

ᐱᒋᐊᕐᓂᖓᓂ, ᒫᔅᑕᓐ ᐱᓕᕆᓚᐅᖅᐳᖅ ᓴᖅᑭᑎᑦᑎᓪᓗᓂᓗ, ᓇᖕᒥᓂᖅ ᓴᓇᙳᐊᕈᓐᓇᙱᖦᖢᓂ. ᑕᐃᒪᐃᒻᒪᓐ, ᐃᓅᓪᓗᓂ ᐃᓕᓴᐃᓂᖅ, ᓴᓂᐊᒍᑦ ᐱᓕᕆᐊᒃᓴᕐᔪᐊᓄᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓴᓇᐅᒐᖏᓐᓄᑦ ᐱᓕᕆᐊᒃᓴᑦ ᓄᓇᓕᖕᓂ. ᓯᓚᑖᓂ ᐱᓕᕆᑎᓪᓗᒍ, Wickannish Art Gallery-ᒦᓚᐅᖅᑐᖅ ᐊᕐᕌᒍᓄᑦ ᒪᕐᕉᖕᓄᑦ, ᐃᓄᖕᓂᒃ ᐅᖃᖃᑎᖃᕈᓐᓇᖅᓯᓪᓗᓂ ᐊᒻᒪ ᐱᓕᕆᖃᑎᖃᕈᓐᓇᖅᓯᓪᓗᓂ ᓄᓇᓕᖕᓂ ᓄᓇᖃᖅᑳᖅᓯᒪᔪᑦ ᓴᓇᙳᐊᖅᑎᖏᓐᓂᒃ. ᑭᖑᓂᐊᒍᑦ, ᐃᖅᑲᓇᐃᔭᓚᐅᖅᓯᒪᔪᖅ ᑕᕐᓂᖅ ᓇᓄᕐᓄᑦ ᑕᑯᔭᒐᖃᕐᕕᖕᒥ ᐊᒻᒪᐃᓛᒃ ᐱᐅᓪ ᕇᑦ ᑐᙵᓴᐃᔨᐅᓪᓗᓂ. 

ᖁᕕᐊᒋᑦᑎᐊᓚᐅᖅᑕᖏᑦ ᓴᓇᐅᒐᓕᕆᓃᑦ ᓄᓇᖃᖅᑳᖅᓯᒪᔪᓪᓗ ᓄᓇᓕᖏᑦ ᕚᓐᑰᕙᒥᑦ, ᖃᓂᒌᒃᖢᑎᒃ. ᐊᐱᖅᓱᑲᑕᒃᖢᓂ ᐊᒥᓱᓂᒃ ᐊᒻᒪ ᖃᐅᔨᒪᓕᖅᐸᒃᖢᓂ ᐃᓄᖕᓂᒃ ᐊᓗᒡᕕᖕᓂ ᐊᒻᒪ ᐊᑭᓐᓇᖅᐸᓯᖕᒥ ᓯᒡᔭᒥ ᐅᓐᓄᖏᓐᓂᒃ, ᐊᔪᙱᓐᓂᕐᒥᓂᒃ ᑐᓴᖅᑎᑦᑎᔪᒪᓚᐅᖅᐳᖅ ᐊᒻᒪ ᐱᓕᕆᖃᑕᐅᓇᓱᖃᑦᑕᓚᐅᖅᖢᓂ ᐊᓯᖏᓐᓂᒃ ᐃᓄᖕᓂᒃ ᐱᓕᕆᔪᓂᒃ.  

"ᖃᐅᔨᒪᓚᐅᖅᑐᖓ ᐃᓚᒋᔭᐅᖃᑦᑕᕐᓂᓐᓂᑦ ᓄᓇᓕᓐᓂᑦ ᐃᓚᒋᔭᐅᖃᑦᑕᕐᓂᕐᒥᓪᓗ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ, ᒪᒥᓴᖅᑎᑦᓯᖃᑦᑕᖅᑐᖅ ᓄᓇᓕᒻᒪᓗ ᓴᓇᑦᓱᓂ ᓂᕿᑦᓴᖏᓐᓂᑦ ᐊᒻᒪᓗ ᐅᕙᓐᓂᑦ ᖁᕝᕙᐹᓪᓕᑎᑦᓯᖃᑦᑕᖅᑐᖅ."

ᓅᖦᖢᓂ ᑭᐅᕆᒨᔅᒧᑦ ᖃᓂᓐᓂᖅᓴᐅᖁᓪᓗᒍ ᓇᒋᔭᖏᓐᓄᑦ, ᐅᔪᕈᖏᓐᓄᑦ ᐅᔪᕈᖏᓐᓄᓪᓗ ᐃᒃᐱᒍᓱᓚᐅᖅᑎᓪᓗᒍ ᖃᓂᒪᓐᓇᒥ ᐃᓄᑑᑎᑕᐅᓂᕐᒥᒃ ᓄᑕᕋᕐᒧᑦ. ᐅᐸᒍᑎᓪᓗᓂ ᓄᓇᓕᖕᒥ ᓄᓇᖃᖅᑳᖅᓯᒪᔪᓄᑦ ᖃᐅᔨᓇᓱᒃᓗᓂ ᐃᖅᑲᓇᐃᔭᓕᖅᑎᑦᑎᔪᓐᓇᕐᒪᖔᑕ ᓄᓇᖃᖅᑳᖅᓯᒪᔪᑦ ᓴᓇᐅᒐᖏᓐᓂ ᑳᓐᑐᐊᒃᓯᓪᓗᑎᒃᓗ ᐱᓕᕆᐊᒃᓴᓕᕆᓂᕐᓂ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ. ᐱᓕᕆᐊᖃᖅᐳᖅ ᐋᖅᑭᒃᓱᐃᕙᓪᓕᐊᔪᒪᓪᓗᓂ ᐱᓕᕆᖃᑎᖃᕐᓂᖅᓴᐅᓂᕐᒥᒃ ᓄᓇᓕᖕᓂ ᓴᓇᙳᐊᕐᓂᕐᒧᑦ ᐱᓕᕆᓂᕆᔭᐅᕙᒃᑐᒥ, ᐱᑎᑦᑎᕙᒃᖢᓂ ᐊᔪᕈᓐᓃᖅᓴᖅᑎᑦᑎᓂᕐᒥᒃ ᓴᓇᙳᐊᖅᑕᐅᕙᒃᑐᓂᒃ ᐋᖅᑭᒃᓱᐃᕙᓪᓕᐊᓪᓗᓂᓗ ᓄᓇᓕᖕᓂ ᐊᔪᙱᓐᓂᕆᔭᐅᔪᓂᒃ ᐱᓕᕆᐊᖃᕐᓂᐊᕐᓗᓂ ᐊᔾᔨᑲᓴᖏᓐᓂᒃ ᓴᓇᑐᓂᕐᒥᒃ ᐃᓕᓴᐃᓂᕐᒧᓪᓗ ᐱᓕᕆᐊᖑᕙᒃᑐᓂᒃ ᓯᕗᓂᒃᓴᑦᑎᓐᓂ. 

ᐊᑕᐅᓯᖅ ᐱᓕᕆᐊᖅ ᐱᓕᕆᖃᑎᖃᖅᐳᖅ ᒪᒃᑯᓐᓂᖅᓴᓂᒃ ᕿᓚᐅᑎᓕᐅᖅᑐᓂ ᐊᒻᒪ ᕿᓚᐅᔾᔭᖅᑐᓂ, ᐊᒥᐊᕆᓪᓗᓂ ᖃᑦᑕᐅᔭᕐᓂᑦ ᐊᒻᒪ ᐃᙱᖅᑎᒥᑦ ᐃᙱᖅᑎᑦᑎᓪᓗᓂ ᒪᒃᑯᑦᑐᖅ ᐃᓕᓐᓂᐊᕈᓐᓇᕐᓂᐊᕐᒪᑦ ᐊᒻᒪ ᐃᙱᖃᑦᑕᕐᓗᓂ. ᐊᒥᐊᕆᖃᑦᑕᖅᑐᑦ ᖃᑦᑕᐅᔭᒥᓂᒃ ᑐᙵᕕᖃᑦᑐᑎᒃ ᐱᕈᖅᑐᓂᒃ ᐅᕝᕙᓘᓐᓃᑦ ᐆᒪᔪᓂᒃ ᑲᓲᒪᖃᑎᒋᒍᒪᔭᖏᓐᓂᒃ. ᑭᖑᓂᐊᒍᑦ, ᐃᙱᐅᑎᒥᓂᒃ ᓇᒃᓴᕈᓐᓇᖅᑐᑦ ᓄᓇᓕᖕᓂ ᖃᓄᐃᓕᐅᖅᑎᑦᑎᔪᓄᑦ. "ᐱᕕᒃᓴᖃᖅᑎᖦᖢᒋᑦ ᖃᐅᔨᕝᕕᒋᔪᓐᓇᕐᓗᒋᑦ ᑭᓲᖕᒪᖔᑕ ᑐᓐᓂᖅᑯᓯᐊᖏᑦ, ᓲᕐᓗᓗ ᖁᕝᕙᖅᑎᑉᐸᒃᖢᒋᑦ ᑕᐃᒪᓐᓇ," ᓇᓗᓇᐃᖅᓯᓪᓗᓂ. 

ᐃᓱᒪᓪᓗᓂ ᖃᓄᖅ ᐱᔪᒪᖕᒪᖔᕐᒥᓂᒃ ᐅᖃᐅᑎᔪᓐᓇᕐᓗᓂᐅᒃ ᒪᒃᑯᖕᓂᖅᓴᖅ, ᓈᓚᒍᒪᓪᓗᓂ ᐃᓄᖕᓂᒃ ᐃᒃᐱᒍᓱᑦᑎᐊᓛᖑᔪᓂᒃ. ᖃᐅᔨᒪᔭᐃᓐᓇᕆᓚᐅᖅᐸᐅᒃ, ᐅᖃᐅᔾᔪᐃᒋᐊᓚᐅᙱᖦᖢᓂ. ᐅᓄᖅᑐᑦ ᐃᑲᔪᖅᓱᐃᔪᑦ ᐃᓄᐃᑦ ᐅᖃᐅᔾᔨᓪᓗᑎᒃ ᖃᓄᑎᒋ ᓱᓕᓂᐊᕐᓂᕋᖅᓯᒪᖕᒪᖔᑦ ᑭᓯᐊᓂ ᐊᒃᓱᕈᕐᖢᓂ ᐊᖏᕋᓱᒃᓗᒍ ᓇᒡᓕᖕᓂᕐᒥ ᐱᑎᑕᖓ ᐊᐱᖅᑯᑎᖃᙱᖦᖢᓂ. ᐃᓅᕋᑖᕐᓂᖓ ᑐᓂᕐᕈᓯᐊᖑᕗᖅ ᑭᓯᐊᓂ ᑐᓵᔪᓐᓇᖅᓯᓚᐅᕐᒪᑦ ᓯᓚᑐᔪᓂᑦ ᐃᓄᐃᑦ ᐅᖃᐅᓯᖏᓐᓂᑦ.   

ᓇᖕᒥᓂᖅ ᒪᒥᓴᖅᐸᓪᓕᐊᑎᓪᓗᒍ, ᒫᔅᑕᓐ ᐃᓚᐅᓚᐅᖅᐳᖅ ᓴᓇᙳᐊᕐᓂᕐᒧᑦ ᒪᒥᓴᕐᓂᕐᒥᒃ ᐃᓅᓯᖓ ᐊᓯᔾᔨᖁᓪᓗᒍ, ᐅᑭᐅᖕᓄᑦ ᒪᕐᕉᖕᓄᑦ ᐱᓕᕆᓪᓗᓂ ᓅᑉᐸᓪᓕᐊᓪᓗᓂ ᒪᒥᓴᕐᓂᒃᑯᑦ ᓴᓇᙳᐊᕐᓂᒃᑯᑦ. ᓴᓇᙳᐊᖃᑦᑕᖅᓯᒪᔭᖏᑦ ᐊᔪᓕᖅᓯᒪᑎᖦᖢᓂᒋᑦ ᐊᐅᓚᔾᔭᒃᐸᓪᓕᐊᖏᓐᓇᖅᖢᓂᐅᒡᓗ. ᓱᓕ ᐊᒃᓱᕈᖃᑦᑕᖅᑐᖅ ᓯᕘᕋᓪᓗᓂ ᐊᒻᒪ ᐅᓪᓗᒐᓴᖕᓄᑦ ᐊᒃᓱᕈᕐᓇᖅᑐᖅᓯᐅᖅᖢᓂ ᑭᓯᐊᓂ ᖃᐅᔨᒪᔪᖅ ᐊᒃᓱᕈᕐᓇᖅᑐᒃᑰᓚᐅᑲᖕᓇᕐᓂᖓᓂᒃ ᑲᔪᓯᑏᓐᓇᕋᓱᒃᖢᒍᓗ. 

ᐃᓚᖏᑦ ᓴᓇᐅᒐᐃᑦ ᖁᕕᐊᒋᔭᖏᑦ ᒫᓐᓇ ᓴᓇᐅᒐᓕᐅᕆᐊᖓ ᑕᑯᒥᓴᐅᑎᓕᐅᕆᐅᖅᑐᖅ ᐃᓕᓐᓂᐊᓚᐅᖅᑐᖅ ᓴᓇᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᕕᖓᓐᓂ ᑎᑎᖅᑐᒐᖏᑦ ᓱᒃᑲᐃᑦᑑᑎᓪᓗᒋᑦ ᐊᒻᒪᓗ ᓂᐅᕕᐊᑦᓴᐅᓂᖏᑦ ᓴᐸᖓᐃᑦ ᐊᒻᒪᓗ ᕿᓯᓕᕆᓂᐅᑉ ᐊᑉᐸᓯᓐᓂᖓ. ᐃᓕᓐᓂᐊᓚᐅᖅᑐᖅ ᖃᓄᖅ ᐱᕈᖅᑐᓂᒃ ᓴᓇᒍᓐᓇᓂᕐᒥᒃ ᐃᓄᖁᑎᖏᑦ ᖃᐅᔨᒪᔭᐅᓗᑎᒃ ᑕᑯᒥᓴᐅᑎᓄᑦ ᐊᒻᒪᓗ ᓇᓪᓕᒋᑦᓱᓂᐅᒃ ᐱᕙᓪᓕᐊᓂᖓ. ᒫᓐᓇ ᓇᑉᐸᐃᓐᓇᖓᓂ ᐱᓕᕆᓕᖅᐳᖅ. 

ᓯᕗᓂᒃᓴᖅ ᑕᐅᑐᓪᓗᒍ, ᑲᔪᓯᔪᒪᖕᒪᑦ ᓴᓇᙳᐊᖅᑕᒥᓂᒃ ᐱᓕᕆᑎᓪᓗᒍ, ᐃᓕᓐᓂᐊᖅᑎᑦᑎᒃᑲᓐᓂᕐᓗᓂ ᒪᒃᑯᒃᑐᓂᒃ ᓄᓇᓕᖕᓂ ᓴᓇᙳᐊᖅᑕᐅᔪᓂᒃ ᐊᒻᒪ ᐃᓕᓐᓂᐊᖅᑎᑦᑎᕙᒡᓗᓂ ᐃᓄᖕᓂᒃ ᐃᓕᓐᓂᐊᖅᑎᑦᑎᖃᑦᑕᕐᓂᖅᓴᐅᖁᓪᓗᒋᑦ ᓄᓇᓕᖕᓂ ᐃᓕᓐᓂᐊᖅᑎᑦᑎᔪᓐᓇᖁᓪᓗᒋᑦ. ᑕᐃᒪᓕ, ᐃᓐᓇᕐᒥᑦ ᐱᓕᕆᐊᖃᒃᑲᓐᓂᕈᒪᔪᖅ, ᑭᓯᐊᓂ ᒫᓐᓇ, ᖁᕕᐊᒋᑦᑎᐊᖅᑕᖓ ᖃᓄᐃᓕᐅᖃᑦᑕᕐᓂᕐᒥᓂᒃ. 

ᐃᓱᒪᒋᓪᓗᒍ ᓂᕆᐅᒋᔭᖏᑦ ᐱᔪᒪᔭᖏᓪᓗ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓄᑦ, ᒫᔅᑕᓐ ᑐᓱᓇᖅᐳᖅ. "ᓂᕆᐅᒋᔪᒪᑦᑎᐊᖅᑕᒃᑲ ᐃᓅᖃᑎᒥᓂᒃ ᓇᒡᓕᖕᓂᖃᖅᑐᑦ ᐊᒻᒪ ᐃᑲᔪᖅᓱᖅᖢᒋᑦ," ᓂᐱᖃᕐᓗᓂ ᐅᖃᖃᑦᑕᖁᒐᓗᐊᖅᐸᕋ. ᓂᕆᐅᒋᔭᖃᖅᐳᖅ ᓇᓂᓯᓂᕐᒥᒃ ᓇᓕᒧᒌᒃᑐᒥᒃ ᐊᑕᖃᑦᑕᐅᑎᓂᕐᒥᒃ ᐃᑭᐊᖅᑭᕕᒃᑯᓪᓗ ᓇᓂᓯᓗᑎᒡᓗ ᒪᒥᓴᕐᓂᕐᒧᑦ ᓴᙱᓂᕐᒥᒃ ᐅᖃᖃᑎᒌᖕᓂᕐᒧᑦ ᐱᓕᕆᖃᑎᒌᒡᓗᑎᒃ ᐃᓄᒃᑯᑦ. ᑭᓱᑭᐊᖅ ᑕᑯᔪᒪᔭᖓ ᓇᓕᒧᒌᖕᓂᖅᓴᐅᓗᓂ. ᐅᖃᐅᓯᖃᕐᔪᐊᖅᖢᓂ ᖁᐊᖅᓵᖅᓯᒪᓂᕐᒥᒃ, ᑕᑯᔪᒪᒐᓗᐊᖅᐳᖅ ᖁᕕᐊᓲᑎᖃᕐᓂᕐᒥᒃ ᐃᓕᖅᑯᓯᑐᖃᒃᑯᑦ ᐅᓂᒃᑲᐅᓯᕐᓂᒃ, ᖃᑦᑕᐅᔭᕐᓂᒃ ᐊᒻᒪ ᐱᐅᓂᖏᓐᓂᒃ. 

ᒫᔅᑕᓐ ᐅᒃᐱᕈᓱᒃᐳᖅ ᑭᖑᕚᖏᑦ ᓯᓚᑐᔫᖕᒪᑕ ᓄᓇᓕᖕᓂ ᐱᕈᖅᐸᓪᓕᐊᑎᑦᑎᓂᕐᒥᒃ ᐊᒻᒪ ᑐᓴᖅᑎᑦᑎᔭᕆᐊᖃᖅᖢᑎᒃ, ᑎᓕᐅᕆᓗᑎᒃ ᐊᒻᒪ ᐃᑲᔪᖅᑐᐃᓗᑎᒃ ᒪᒃᑯᒃᑐᓂᒃ ᓴᖅᑭᑦᑎᑎᓪᓗᒋᑦ ᐃᒻᒥᖕᓄᑦ ᐊᒻᒪ ᖁᕕᐊᓲᑎᖃᖅᑎᓪᓗᒋᑦ ᖁᕕᐊᓲᑎᖃᕐᓂᒃᑯᑦ, ᑲᑎᓐᓂᒃᑯᑦ ᐊᒻᒪ ᖁᕕᐊᓲᑎᖃᕐᓂᒃᑯᑦ, ᐅᑎᖅᑎᑦᑎᓂᕐᒥᒃ ᐃᓕᖅᑯᓯᕐᓂᒃ ᐊᒻᒪ ᓄᓇᓕᖕᓂ ᐊᑦᑕᕐᓇᙱᑦᑐᒃᑯᑦ ᐊᒻᒪ ᓴᐱᓕᖅᑕᐃᓕᓂᒃᑯᑦ. ᒪᑐᐃᖓᑦᑎᐊᖅᑐᖅ ᐅᖃᐅᓯᖃᕆᐊᒃᓴᖅ ᓯᓚᑐᓂᕐᒥᓂᒃ ᓴᓇᓂᕐᒥᒃ ᓴᓇᙳᐊᕐᓂᕐᒥᒃ ᓄᓇᓕᖕᓂ ᑭᓇᑐᐃᓐᓇᑦᑎᐊᒧᑦ ᐊᐱᕆᔪᒧᑦ. 

ᖁᕕᐊᓱᒍᑎᒋᓚᐅᖅᑕᖓ ᓴᓇᖑᐊᒐᓕᐅᖅᑐᓂ ᐊᒻᒪᓗ ᓵᕙ ᒫᔅᑕᓐ ᖃᐅᔨᒋᐊᕆᐊᖃᓚᐅᖅᑐᖅ ᖃᓄᖅ ᐃᒻᒥᓂᒃ ᒪᑭᒪᒍᓐᓇᕐᒪᖔᕐᒥᒃ ᑕᐃᒪᐃᓕᐅᖅᑎᓪᓗᒍ. ᖃᖓᙳᖅᐸᓪᓕᐊᓂᖓᓄᑦ, ᒥᖑᐊᖅᓯᓯᒪᔪᖅ ᐊᖅᑯᑎᒥᒃ ᓴᓇᙳᐊᕐᓂᕐᒧᑦ ᖁᕕᐊᓱᖕᓂᕐᒧᑦ, ᓇᓕᒧᒌᒃᑎᑦᑎᓂᕐᒧᑦ ᐊᑐᕋᓲᑎᓂᒃ ᓄᓇᓕᖕᓂ ᐱᕈᖅᐸᓪᓕᐊᑎᑦᑎᓂᕐᓂ ᓴᓇᔪᓕᕆᓂᕐᓂᒃᓗ. ᓴᓇᐅᒐᖅ ᓇᒃᓴᓚᐅᖅᐳᖅ ᓴᓚᐅᓱᙱᖦᖢᓂ ᓄᑕᕋᐅᓪᓗᓂ ᒫᓐᓇᓗ ᓄᓇᓕᖕᓄᑦ ᑎᑭᖦᖢᓂ ᐊᒃᑐᐊᓂᖃᓕᖅᖢᓂᓗ, ᑕᑯᒥᓇᖅᓯᑎᖦᖢᓂᒋᑦ ᐊᒃᓱᕈᖅᖢᑎᒃ ᐱᓕᕆᓪᓗᑎᒃ ᐊᒻᒪ ᓴᓇᑐᓪᓗᑎᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

ᔪᓚᐃ 2024−ᒥ ᓄᑖᙳᕆᐊᖅᓯᒪᔪᑦ: ᓵᕕᔭ ᐱᒋᐊᓵᓚᐅᖅᑐᖅ Silver line, Silver Feather, ᕿᒥᕐᕈᔪᓐᓇᖅᑕᑦ www.silverfeather.shop