ᐊᖏᕐᕋᖅ ᐃᓂᖃᖅᑐᖅ ᓯᓇ ᐅᐊᓯᑭᑦᔅ ᐆᒻᒪᑎᖓᓂ. "ᑕᑯᓚᐅᖅᑐᖓ ᐱᐅᔪᐊᓘᓂᖓᓂᒃ ᓇᑭᙶᕐᓂᓐᓂ ᓂᐸᐃᑐᐃᓐᓇᖅᑰᔨᓪᓗᖓ ᖀᒥᒍᓱᑐᐃᓐᓇᕐᓗᖓ... ᖃᖓᙳᖅᐸᓪᓕᐊᑎᓪᓗᒍ ᐊᐱᕆᓂᖅ ᐅᕙᓐᓂᒃ ᓇᒡᓕᒋᓪᓗᐊᕐᒪᖔᕐᒪ ᐃᒐᓛᒃᑯᑦ ᖃᖓᑕᑐᐃᓐᓇᕐᓗᖓ.  ᐅᕙᓐᓂᒃ ᐃᓕᑦᑎᒃᑲᓐᓂᓚᐅᖅᑐᖓ," ᐃᖅᑲᐅᒪᔪᖅ.

ᐅᐊᓯᑯᐃᑦ 6-ᒥᙶᖅᑐᑦ ᐅᑭᐅᖅᑕᖅᑐᒥ, Onion Lake-ᒥ ᐊᒻᒪ Little Pine Houses-ᒥ ᐃᓅᓚᐅᖅᓯᒪᓪᓗᑎᒡᓗ ᐱᕈᖅᓴᓪᓗᑎᒡᓗ ᐊᑕᐅᓯᕐᒧᑦ ᐊᓈᓇᒧᑦ ᓵᔅᑲᑑᓐᒥ. ᓄᓇᖃᓚᐅᖅᑐᑦ ᑲᓇᓐᓇᖅᐸᓯᖓᓂ ᓵᔅᑲᑑᓐ, ᓯᓚᖅᑲᑎᖃᑦᑎᐊᖅᑐᖅ, ᑕᒪᒃᑮᒃ ᐊᓈᓇᐅᔪᖅ ᐊᒻᒪᓗ ᐸᓂᖓ ᐊᑐᖅᓯᒪᔪᑦ ᐅᕕᓂᖃᑎᒋᙱᑕᒥᓂᒃ ᐊᒻᒪᓗ ᐃᓚᐃᓐᓈᖅᑕᐅᓂᕐᒥᒃ ᑐᙵᕕᖃᑦᑐᑎᒃ ᐃᓅᓯᕐᒧᑦ ᒪᑭᒪᐅᑎᖃᕐᓂᕐᒧᑦ ᖃᓄᐃᓕᖓᓂᖓᓂᒃ, ᐱᕈᖅᓯᒪᒐᓗᐊᖅᑎᓪᓗᒋᑦ ᐊᑦᔨᒌᖏᑦᑐᑎᒍᑦ.

ᐅᕕᓂᖃᑎᒋᙱᑕᒥᓂᒃ ᐊᑭᕋᖅᑐᕐᓂᖅ ᐊᓈᓇᖓᑕ ᐊᑐᓚᐅᖅᑕᖓ ᐱᓗᐊᕐᓂᖅᓴᐅᓚᐅᖅᑐᖅ, ᑭᓯᐊᓂ ᐅᐊᓯᑭᑦᔅ ᐊᑐᕐᓂᑯᖃᕐᖢᓂ ᐊᖓᔪᖅᑳᓂᑦ ᓄᑕᖅᑲᓄᑦ ᐃᓕᓐᓂᐊᕐᕕᐊᕈᓯᖏᓐᓂ ᐅᖃᐅᔾᔭᐅᓪᓗᓂ ᐱᙳᐊᖃᑎᖃᖁᔭᐅᙱᖦᖢᓂ. ᑕᐃᒃᑯᐊ ᐊᑐᕐᓂᑯᖏᑦ ᐃᓚᒋᔭᐅᙱᖦᖢᑎᒃ ᐊᒥᖅᑳᕈᑕᐅᓪᓗᑎᒃ ᐊᓈᓇᒧᑦ ᐸᓂᖕᒧᓪᓗ ᐊᒥᖅᑳᕈᑎᖃᕐᖢᑎᒃᓗ ᐊᔾᔨᕐᓚᖓᓂᒃ ᐊᑐᕐᓂᑯᖏᓐᓂ ᖃᓄᖅ ᕿᓄᐃᓵᕈᑎᖃᕐᒪᖔᑕ ᐃᓄᑑᓂᕐᒥᒃ ᐃᓱᒪᑦᑎᐊᕐᓂᕐᒥᒍᑦ.

"ᐃᓕᓐᓂᐊᓕᓵᖅᑐᓂᒃ ᐃᓕᓐᓂᐊᓕᓵᖅᑐᓂᒃ ᐱᓕᕆᐊᖃᖅᑳᓚᐅᖅᐳᒍᑦ ᑭᓇᐅᓂᕐᒧᑦ ᐱᔾᔪᑕᐅᔪᓂᒃ ᐅᕕᓂᒃᑯᓪᓗ ᑕᖅᓴᖏᓐᓄᑦ ᐃᓱᒪᒋᔭᒃᓴᓄᑦ, ᑖᓐᓇᑐᐊᑦᑎᐊᖑᓪᓗᓂ ᑲᔪᑑᓪᓗᓂ ᐃᓕᓐᓂᐊᕐᕕᐊᕈᓯᕐᒥ. ᐊᓇᕐᕕᓕᐊᓚᐅᖅᑐᒍᑦ ᐅᓪᓗᖅ ᐊᓂᒍᖅᑎᓪᓗᒍ... ᐅᕕᓂᕗᑦ ᐅᐊᓴᕐᓗᒍ, ᒪᕐᕉᓕᖓᔪᒥᒃ ᑕᖅᓴᖃᓕᖅᑎᑦᑎᔪᒪᒐᓗᐊᖅᐳᑦ." ᐊᓈᓇᖓ ᓱᕋᒃᖢᓂ ᖃᐅᔨᓪᓗᓂ ᐊᔾᔨᒌᓂᒃ ᐊᑐᕐᓂᕐᒥᓂᒃ ᖃᓄᕐᓗ ᐃᒃᐱᒍᓱᖕᒪᖔᑕ ᐃᔨᖅᓯᒪᖅᑰᔨᓂᖓᓂᒃ. 

ᐃᓱᒪᒋᓪᓗᒍ ᐊᓈᓇᖓ, ᐊᓐᓄᕋᔾᔨᐅᕐᓂᖅ ᐊᒃᑐᐊᓂᖃᖅᑐᖅ, "ᐱᕈᕐᔪᐊᓚᐅᖅᑐᖓ ᑲᔪᖏᖅᓴᐃᓂᕐᒥᒃ ᑕᐅᑐᒃᖢᖓ [ᐊᓈᓇᒐ] ᓴᙱᓂᖏᓪᓗ ᐃᓚᖏᓪᓗ ᓴᙲᓐᓂᖏᓐᓂ. ᒪᑐᐃᖓᐃᓐᓇᖅᐸᓚᐅᖅᑐᖅ ᐅᕙᓐᓄᑦ ᑐᓴᖅᑎᑦᑎᒋᐊᒃᓴᖅ. ᐃᓱᒪᔪᖓ ᐊᑦᑕᕐᓇᕐᓂᖓ ᓴᙱᓂᕐᔪᐊᖑᓂᖓᓂᒃ ᐊᓱᐃᓛᒃ ᐱᕐᔪᐊᖅᑕᕋ." ᐊᓈᓇᖓ ᐊᖏᕐᕋᐅᔾᔨᓪᓗᓂ ᓄᓇᓕᖓᓄᑦ ᓄᑕᕋᐅᓪᓗᓂ ᐃᓕᑦᑎᔪᓐᓇᕐᓂᐊᕐᒪᑦ ᖃᑕᙳᑎᖏᓐᓂ ᐃᓐᓇᑐᖃᖏᓐᓂᒃᓗ.

"ᐊᖏᕐᕋᓐᓄᑦ ᐅᑎᕌᖓᒪ ᐅᐱᒍᓱᓚᐅᖅᑐᖓ ᐊᓯᓐᓂᒃ ᐃᒃᐱᒍᓱᓚᐅᖅᓯᒪᙱᖦᖢᖓ. ᐊᒻᒪᓗ ᓇᓗᓇᐃᕋᓱᐊᕆᐊᖓ ᐱᒡᒐᓇᖅᑐᒻᒪᕆᐅᕗᖅ. ᑭᓯᐊᓂ ᑖᓐᓇ ᐱᐅᔪᐊᓘᖕᒪᑦ ᐃᒻᒨᔮᖅᑐᖅ ᓴᒡᕕᒃᑯᑦ ᐊᖏᕐᕋᓐᓂ ᐃᒃᐱᒍᓱᖕᓇᖅᖢᓂᓗ."

ᑕᐃᑲᓃᓚᐅᖅᑐᖅ ᐃᓕᑦᑎᓪᓗᓂ ᖁᔭᓕᓂᕐᒥᒃ ᑭᓇᐅᓂᕐᒥᓂᒃ ᐱᓕᕆᐊᖃᕐᖢᓂᓗ ᐃᒃᐱᖕᓂᐊᓂᒃᑯᑦ ᐃᓚᒋᔭᐅᙱᖦᖢᓂ ᓂᐅᕕᕐᖢᓂ ᐊᓗᕐᓗᖕᒥᒃ ᐅᕿᓗᐊᖅᑐᒥᒃ ᐅᕿᓪᓕᑎᖦᖢᒍ ᐅᕕᓂᖓ. ᐊᓈᓇᖓ ᓄᓇᓕᖕᓄᑦ ᖃᓄᐃᓕᐅᖅᑎᑦᑎᓪᓗᓂ, ᐊᓗᒐᕐᒧᐊᕐᖢᓂ ᖁᕕᐊᓲᑎᖃᕆᐊᖅᑐᕐᖢᓂᓗ ᑯᑯᒥᓂᒃ.

"ᐊᖏᕐᕋᓐᓄᑦ ᐅᑎᕐᓗᖓ, ᐃᓕᖅᑯᓯᕋ ᐃᓕᓐᓂᐊᖅᖢᒍ, ᐅᕙᖓ, ᑖᒃᑯᐊ ᐊᓯᖏᑦ ᐃᓄᐃᑦ ᐃᓅᓯᓐᓂ ᐅᕕᓂᖏᑦ ᐊᔾᔨᒌᓂᒃ ᐅᕕᓂᖃᓲᑦ ᐅᕙᓐᓄᑦ ᐃᑲᔪᓪᓚᕆᓚᐅᖅᑐᑦ ᓇᒡᓕᒍᓱᖕᓂᕐᒥᒃ ᐊᒻᒪ ᐅᕕᓂᒐ ᐱᐅᒋᓪᓗᒍ." 

ᐅᐊᓯᑭᑦᔅ ᐱᒋᐊᓚᐅᖅᑐᖅ ᓄᓇᓕᖕᓂᑦ ᐱᓕᕆᐊᖓᓂᑦ ᐊᓈᓇᖓ ᐱᓕᕆᐊᒃᓴᒧᐊᖅᑎᓪᓗᒍ ᑕᐃᔭᐅᔪᖅ ᑭᒃᑯᓕᒫᓄᑦ ᓂᐱᖓ ᐃᓚᐅᓚᐅᖅᑐᖅ ᐃᓄᓕᕆᔨᐅᓂᖕᒥᑦ. ᐅᐸᒍᒪᙱᖦᖢᓂ ᓯᕗᓪᓕᕐᒥ ᑭᓯᐊᓂ ᐊᓈᓇᖓ ᐅᖃᕐᖢᓂ ᓇᒡᓕᒍᓱᓕᕐᖢᓂᓗ ᓯᓚᒥ. ᑲᔪᓯᓚᐅᖅᑐᖅ ᐱᓕᕆᐊᖃᖅᖢᓂ, ᐃᓚᐅᓪᓗᑎᒃ ᖃᕆᑕᐅᔭᒃᑯᑦ ᐅᓂᒃᑳᕐᓂᖅ ᐊᒻᒪ ᐊᔾᔨᓕᐅᕆᓂᖅ ᐊᓂᒍᐃᔪᓐᓇᕐᓂᕐᒧᑦ ᐱᓕᕆᐊᒃᓴᓂᑦ, ᐃᓕᑦᑎᓪᓗᓂ ᑕᑯᓂᕐᒥᒃ ᓄᓇᕐᔪᐊᒥ ᐊᓯᖏᓐᓂᒃ ᑕᐅᑐᒃᑕᒃᑯᑦ.

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓚᐅᔪᒪᓇᔭᕐᓂᖓᓄᑦ ᓄᓇᓕᖕᓂ ᐱᓕᕆᐊᖑᕙᓪᓕᐊᔪᓄᑦ ᒪᒃᑯᒃᑐᒃᑯᕕᖕᒧᐊᕈᒪᓂᐅᕗᖅ ᖃᐅᔨᒋᐊᕆᐊᖅᑐᖅᖢᓂᓗ ᐱᓕᕆᐊᒃᓴᖁᑎᒥᓂᒃ. ᑕᐃᑲᓂᓗ ᐊᒥᓱᓂᒃ ᐃᓅᖃᑎᖃᖅᐸᓚᐅᖅᐳᖅ ᐃᓕᑦᑎᓪᓗᓂᓗ ᐃᓕᖅᑯᓯᑐᖃᕐᓄᑦ ᐊᔪᕈᓐᓃᖅᑕᐅᕙᒃᑐᓂᒃ. ᐃᒻᒥᓂᒃ ᐊᒻᒪᓗ ᕿᒥᕐᕈᒍᒪᔭᒥᓄᑦ, ᐱᓕᕆᖃᑎᖃᕈᒪᔪᖅ ᓱᕈᓯᕐᓂᒃ ᐊᒻᒪᓗ ᐃᓕᓐᓂᐊᕆᐊᕐᓗᓂ, ᐃᓪᓗᕈᓯᕐᒧᑦ ᐅᕝᕙᓘᓐᓃᑦ ᓄᓇᓕᓐᓄᑦ ᐊᒻᒪᓗ ᐃᓕᓐᓂᐊᕐᓗᓂ ᑕᕐᕆᔭᓕᐅᕐᓂᕐᒧᑦ ᓂᕆᐅᓪᓗᓂ ᐃᓄᓐᓂᒃ ᐊᒥᓱᒃᑲᓂᕐᓂᒃ. 

ᓇᒡᓕᒍᓱᖕᓂᖅ ᓄᑕᖅᑲᓂᒃ ᑲᔪᓯᑎᑦᑎᕙᒃᐳᖅ ᐃᓱᒪᒋᔭᖃᖅᐸᖕᓂᖓᓂᒃ ᐃᓕᓐᓂᐊᕐᓂᕐᒥᒃ. "ᓇᒡᓕᒋᑦᑎᐊᖅᑕᒃᑲ ᓄᑕᖅᑲᑦ ᐃᓱᒪᑦᑎᐊᖅᖢᑎᒡᓗ. ᐃᓄᑭᑦᑐᑯᓘᕙᓪᓚᐃᔪᑦ, ᐅᕙᑦᑎᓐᓂᒃ ᐃᓕᓐᓂᐊᖅᑎᑦᑎᔪᓐᓇᑎᐊᖅᑐᑦ. ᓱᓕ ᖃᓂᓗᐊᒧᑦ ᑎᑭᕝᕕᒋᓚᐅᖅᑕᑦᑎᓐᓄᑦ ᓇᑭᙶᖅᓯᒪᔪᐃᓐᓇᐅᖕᒪᑕ ᓯᓚᑐᔫᓪᓗᑎᒃ ᐃᓗᖏᓐᓂ ᐃᓕᑦᑎᕝᕕᒋᔭᕆᐊᖃᒻᒪᕆᒃᐸᕗᓪᓗ," ᒫᓪᕝᔅ. 

ᕙᑭᑦᔅ ᐅᓂᒃᑳᖅᑎᓂᑦ ᐱᓕᕆᐊᖃᓕᖅᑐᖅ, ᐃᓕᖅᑯᓯᕐᒥᓂᒃ ᐊᑐᖅᖢᓂ, ᓄᓇᐅᔪᖅ ᐊᒻᒪ ᐃᓕᓐᓂᐊᒃᑲᓐᓂᖅᖢᓂ ᐃᓅᓯᓕᕆᓂᕐᒥᒃ. ᐱᓕᕆᖃᑎᖃᖃᑦᑕᖅᓯᒪᖕᒥᔪᖅ ᐋᕿᒋᐊᕈᑎᖃᕐᓂᕐᒧᑦ ᓵᔅᑲᑑᓐᒥᑦ ᐱᒋᐊᓚᐅᖅᓯᒪᒻᒪᓂᑦ ᒪᒃᑯᒃᑐᓄᑦ ᐊᔪᙱᓛᖑᓂᕐᒧᑦ. ᖃᕋᓴᐅᔭᒃᑯᑦ ᑐᑭᓯᒋᐊᕐᕕᐅᔪᖅ ᐃᑲᔪᖃᑦᑕᖅᑐᖅ ᐃᓄᓐᓂᒃ ᐋᖅᑭᖃᑎᒌᒐᓱᐊᖅᑎᓪᓗᒋᑦ ᐊᒻᒪᓗ ᐃᖅᑲᓇᐃᔭᖅᑎᓪᓗᒍ ᐱᕕᖃᖅᓯᒪᔪᖅ ᐃᓕᓐᓂᐊᑎᑦᑎᓂᕐᒥᒃ ᐊᑦᔨᒌᖏᑦᑐᓄᑦ ᐃᓄᓐᓄᑦ ᐊᖏᕐᕋᖓᓂ. ᐊᓐᓄᕋᔾᔨᐅᕐᓂᖅ ᐱᓕᕆᒃᑲᓐᓂᖅᐸᒃᐳᖅ ᕿᒥᕐᕈᐊᒐᕐᓂ ᐃᓕᓴᐃᔨᓂ ᐃᓕᑦᑎᕙᓪᓕᐊᓪᓗᓂᓗ ᐃᓕᓐᓂᐊᕐᓂᐅᑉ ᒥᒃᓵᓄᑦ ᖃᓄᕐᓗ ᐃᓕᓐᓂᐊᕐᕕᐊᕈᓯᕐᒥ ᐃᓅᓯᖃᕐᓂᖅ ᐱᐅᖕᒪᖔᑦ, ᐃᓕᓐᓂᐊᖃᑎᒌᖕᓂᖅ ᓴᓂᓕᕇᓂᑦ ᐃᓱᒪᒥᐅᑕᖃᖅᖢᓂ. 

ᑕᒪᒃᑯᐊᓕᒫᑦ ᐱᓕᕆᐊᖑᔪᑦ ᐅᖁᒪᐃᒃᓴᖅᑐᒻᒪᕆᐅᔪᓐᓇᖅᐳᑦ ᐃᓛᓐᓂᒃᑯᑦ, ᐃᖕᒥᓂᒃᓗ ᐊᖏᕐᕋᐅᔾᔨᔪᓐᓇᖅᐸᒃᖢᓂ. ᐃᒪᓐᓇᐃᖅᑰᔨᙱᑦᑐᖅ ᓂᕆᐅᒋᑐᐃᓐᓇᕆᐊᖃᖅᑕᑦ. "ᑐᑭᖃᐃᓐᓇᐅᔭᙱᑦᑐᖅ ᐊᐅᓪᓚᖃᑦᑕᖕᓂᖅ ᐃᑲᕐᕋᓄᑦ 6−ᓄᑦ ᓄᓇᓕᖕᓄᑦ. ᐃᓛᓐᓂᒃᑯᑦ ᐱᓱᔪᒡᓗᑎᑦ ᖃᓂᒋᔭᔅᓯᓐᓂ ᐅᕝᕙᓘᓐᓃᑦ ᐱᕈᖃᑎᒋᓚᐅᖅᑕᕐᓂᒃ ᐅᖃᓪᓚᖃᑎᖃᕐᓗᑎᑦ. ᖃᓄᕈᓘᔮᓗᒃ ᐃᖅᑲᐃᓯᔾᔪᑎᒋᔪᓐᓇᖅᑕᑦ ᖃᓄᖅ ᐊᖏᕐᕋᖅ ᖃᓄᐃᑦᑑᖕᒪᖔᑦ. ᐊᖏᕐᕋᐅᔾᔨᓗᑎᑦ, ᐃᓕᖕᓂᒃ ᑎᔅᓯᓈᕿᓗᑎᑦ, ᐃᖅᑲᐅᒪᓗᑎᑦ ᓇᑭᙶᕐᒪᖔᖅᐱᑦ. ᐃᖅᑲᐅᒪᓗᒋᑦ ᑭᓱᓕᒫᑦ ᐊᓂᒍᖅᑎᓯᒪᔭᑎᑦ ᓱᕈᓯᐅᓚᐅᖅᓯᒪᒐᕕᑦ. ᐃᓕᔅᓯᓐᓂ ᐱᕈᖅᐸᓪᓕᐊᓂᖅ ᐃᓕᑕᕆᓪᓗᒍ, ᓲᖃᐃᒻᒪ ᐳᐃᒍᖅᓴᕋᐃᓐᓇᕈᓐᓇᕋᔅᓯᐅᒃ. ᐊᓂᖅᓵᖅᑐᑦᑎᐊᕐᓇᖅᐳᖅ ᐃᖅᑲᐅᒪᑐᐃᓐᓇᖅᖢᓂᓗ," ᓇᓗᓇᐃᖅᓯᓪᓗᓂ. 

ᐊᖏᕐᕋᖅᖢᓂ ᐃᒻᒥᓂᒃ, ᓯᓇ ᐅᐊᔅᑭᑦᔅ ᐃᓕᑦᑎᒃᑲᓐᓂᓚᐅᖅᐳᖅ ᑭᓇᐅᓂᕐᒥᓂᒃ ᑭᓱᓂᒡᓗ ᒪᓂᒪᑎᑦᑎᔭᕆᐊᖃᖅᐸᖕᒪᖔᑦ ᓄᓇᕐᔪᐊᕐᒥᒃ. ᐃᖅᑲᓇᐃᔭᖅᖢᓂ ᓄᓇᓕᖕᓂ, ᐊᓯᒥᓂᒃ ᐃᓕᑦᑎᕙᓪᓕᐊᓂᖅᓴᐅᕗᖅ ᐊᒻᒪ ᖃᓄᖅ ᐊᓯᔾᔩᔪᓐᓇᕐᒪᖔᑦ. ᓴᖖᒋᓂᖃᕐᖢᓂ ᐱᖅᑯᓯᑐᖃᕐᓂᑦ ᑭᖑᓂᑦᑎᓐᓂᑦ ᐊᒻᒪᓗ ᓯᓚᑐᓂᖏᓐᓂᑦ ᓯᕗᓕᕕᓂᑦᑕ, ᐱᕙᒌᔭᖅᑐᖅ ᓯᕗᓕᖅᓯᓂᕐᒥᑦ ᓄᑕᖅᑲᓂᑦ ᓇᖕᒥᓂᖅ ᐊᖅᑯᑎᖏᓐᓂ ᓇᓂᓯᓂᕐᓂ, ᓲᖃᐃᒻᒪ ᐊᖏᕐᕋᖅ ᐊᓯᖏᓪᓗ ᐃᓄᐃᑦ ᓇᑭᙶᖅᑐᑦ, ᓄᑕᖅᑲᑦ ᐃᓂᖃᕐᒥᔪᑦ ᐆᒻᒪᑎᖓᓂᑦᑕᐅᖅ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.