Hollywood very North: ᓯᒥᐅᓂ ᑭᓴ-Knickelbein-ᑯᑦ ᓯᕗᒻᒧᐊᒃᐸᓪᓕᐊᔪᑦ ᑕᕐᕆᔭᐅᓯᐅᕐᓂᕐᒧᑦ ᐊᒻᒪ Shoe Production-ᒧᑦ

ᑕᕐᕆᔭᓕᐅᖅᑐᖃᕐᓂᐊᖅᑎᓪᓗᒍ, ᓯᒥᐅᓂ ᑭᓴ-ᑭᓂᐅᓪᐱᓐ ᐃᖅᑲᓇᐃᔮᖃᖅᐸᓪᓕᐊᕗᖅ ᕼᐋᓕᕗᑦ ᓄᐊᑦ-ᒥ... ᐅᑭᐅᖅᑕᖅᑐᖅ. ᐃᓅᓂᑰᓪᓗᓂ ᐱᕈᖅᓴᓪᓗᓂᓗ ᓄᓇᕗᒻᒥ, ᓇᖕᒥᓂᖃᖅᑎᐅᔪᑦ ᑕᕐᕆᔭᐅᓯᐅᖅᑎᓂᒃ ᑕᐃᔭᐅᔪᒥᒃ Northern Border Studios ᐊᒻᒪ shoe making Company-ᒥᒃ ᑕᐃᔭᐅᔪᒥᒃ Midnight Sun leather, ᑖᒃᑯᐊ ᓴᓇᓲᑦ ᐃᓯᒐᐅᔭᕐᓂᒃ ᓴᓇᓯᒪᔪᓂᒃ ᕿᓯᐅᔭᕐᓂᒃ. ᐃᑲᔪᕐᒥᔪᑦ ᒪᑐᐃᖅᓯᓂᕐᒥᒃ ᐃᒻᒥᒃᑯᑦ ᐱᙳᐊᕐᕕᒻᒥᒃ ᑐᕌᒐᖃᖅᑐᒥᒃ ᒪᒃᑯᑦᑐᓂᒃ ᐊᐅᓚᒍᓐᓇᓂᕐᒥᓪᓗ ᐃᖃᐃᓕᓴᕐᓂᕐᒥᒃ.

ᐱᒋᐊᕐᓂᖃᓚᐅᖅᑐᑦ ᑕᕐᕆᔭᓕᐊᒥᓂᒃ ᐊᐃᑉᐸᕐᒥᑎᒍᑦ ᐊᖓᔪᖅᑳᖏᒃ ᐊᔾᔨᓕᐅᕆᔪᒪᔪᒻᒪᕆᐅᓪᓗᑎᒃ. ᐅᖃᐅᓯᖅ ᓯᐊᒻᒪᒃᑎᓪᓗᒍ ᐊᔾᔨᓕᐅᕆᑎᓪᓗᒋᑦ, ᑭᓴ−ᑭᓂᐅᓪᐱᓐ ᐃᖅᑲᓇᐃᔭᖅᑎᑕᐅᓕᓚᐅᖅᑐᖅ ᐊᔾᔨᓕᐅᕈᑎᓄᑦ ᐃᑲᔪᖅᑎᐅᓂᕐᒧᑦ ᐱᓕᕆᔨᒻᒪᕆᐅᙱᒃᑲᓗᐊᖅᖢᓂ. ᑕᑯᓴᐅᑎᑦᑎᓚᐅᖅᑎᓪᓗᒋᑦ ᒪᑐᕙᓪᓕᐊᓕᖅᑎᓪᓗᒍ, ᓄᓇᕗᑦ ᓯᕗᓂᒃᓴᕗᒻᒨᓚᐅᖅᐳᑦ. ᖃᐅᔨᓴᕆᐊᖅᑐᓚᐅᖅᑐᑦ ᓄᓇᖅᐸᓯᒃᑐᒧᑦ ᐊᒻᒪᓗ ᓂᕈᐊᖅᑕᐅᒋᐊᙵᓚᐅᕐᓇᑎᒃ, ᓂᕈᐊᖅᑕᐅᓚᐅᖅᑐᖅ 6-ᓂᒃ ᐱᓇᓱᐊᕈᓯᕐᓂᒃ Scotland-ᒥ ᐊᔾᔨᓕᐅᕆᔭᖅᑐᖅᑐᑎᒃ. ᐅᑎᓚᐅᖅᑐᑦ, ᐱᔭᕇᖅᓯᓪᓗᑎᒃ ᓄᓇᕗᑦ ᓯᕗᓂᒃᓴᕗᒃᑯᓐᓂᑦ ᐊᒻᒪᓗ ᑕᕐᕆᔭᓕᐅᒃᑲᓐᓂᖅᑐᑎᒃ ᒪᑐᐃᖅᓯᒐᓱᐊᕐᓂᖏᓐᓂᑦ.

ᐱᒋᐊᓕᓵᖅᑎᓪᓗᒋᑦ ᑲᒻᐸᓂᒋᔭᖓᑦ ᓱᒃᑲᐃᑦᑑᓚᐅᖅᑐᑦ ᑭᓯᐊᓂ Kisa-Knickelbein−ᑯᑦ ᐱᓕᕆᖃᑎᖃᕈᓐᓇᖅᓯᓚᐅᖅᐳᑦ Red Mirror Media−ᑯᓐᓂ ᐊᒻᒪ ᐱᓕᕆᓪᓗᑎᒃ ᖁᑦᑎᖕᓂᖅᓴᓂᒃ caliber−ᓂᒃ ᓴᖅᑭᑕᐅᔪᓂᒃ. ᓯᕗᓪᓕᕐᒥ, ᐃᓱᒪᓚᐅᖅᑐᑦ ᐱᔪᒪᓇᔭᕋᓱᒋᓪᓗᑎᒃ ᓴᓇᑐᓂᕐᒥᒃ ᑕᕐᕆᔭᓕᐅᕐᓂᕐᒥᒃ ᑭᓯᐊᓂ ᖃᐅᔨᔭᐅᑎᑕᐅᓕᕐᖢᑎᒃ ᐱᑐᐃᓐᓇᐅᙱᓐᓂᖅᓴᓄᑦ ᐱᖁᑎᓄᑦ ᖁᕕᐊᒋᔭᐅᓂᖅᓴᐅᓪᓗᓂᓗ. ᓯᕗᓪᓕᖅᐹᒥ ᑐᑭᒧᐊᒃᑎᑦᑎᔨᐅᑉ ᐃᑲᔪᖅᑎᖓ ᑕᑯᒃᓴᐅᑎᑕᐅᓚᐅᖅᑐᖅ ᑕᐃᔭᐅᓪᓗᓂ ᓯᓛᔅ ᐅᑎᖅᑐᖅ.

ᐱᕈᖅᐸᓪᓕᐊᓂᖅ, ᑭᓴ−ᑭᓂᐅᓪᐱᓐ ᓇᓗᓚᐅᖅᑐᖅ ᖃᓄᐃᓕᐅᕈᒪᖕᒪᖔᕐᒥᓂᒃ. ᐊᑖᑕᖓ ᓂᕿᓕᐅᖅᑎᐅᒋᐊᖃᖅᑐᕆᓚᐅᖅᑕᖓᑦ ᓂᕿᓕᐅᑦᑎᐊᓚᐅᕐᒪᑕ. ᑲᓇᑕᒥ ᐊᔪᓐᖏᔾᔪᑎᑖᕋᓱᐊᓚᐅᖅᑐᑦ ᐊᒻᒪᓗ ᓵᓚᖃᖅᑐᑎᒃ ᑲᓇᑕᒥ ᓂᕿᓕᐅᕐᓂᕐᒧᑦ, ᐊᒻᒪᓗ ᐃᓕᔭᐅᓪᓗᑎᒃ ᑲᓇᑕᒥᐅᓄᑦ ᑭᓯᐊᓂ ᓯᕗᓪᓕᖅᐹᒥ ᒪᒪᖅᑐᓄᑦ. ᓂᖅᑎᐅᖅᑎᐅᔪᒪᓚᐅᕐᒪᑕ ᐅᕝᕙᓘᓐᓃᑦ ᐅᐊᔭᓕᕆᔨᐅᔪᒪᓚᐅᕐᒪᑕ ᐊᔾᔨᓕᐅᕆᒋᐊᓚᐅᙱᓐᓂᖏᓐᓂ. ᒫᓐᓇᓵᒃᑯᑦ, ᑕᐅᑐᓪᓗᐊᑕᖅᓯᒪᔪᑦ ᓂᕿᑦᑎᐊᕙᓕᕆᓂᕐᓂ ᐃᓱᒪᓯᒪᓪᓗᑎᒃᓗ ᓇᓗᓇᐃᒃᑯᑕᖅᑖᕐᓂᕐᒥᒃ ᓂᕿᑦᑎᐊᕙᓕᕆᔨᐅᓂᕐᒥᒃ.

ᑕᐃᒪᖓᓂ ᐱᓕᕆᓚᐅᖅᑎᓪᓗᒋ ᑕᕐᕆᔭᖅᒥ, ᑭᓴ-ᑯᓪᐱᓐ ᐱᓕᕆᐊᖃᓚᐅᖅᒪᑕ ᐅᑯᓇᓂ Whistler Film Festival-ᒥ ᐊᒻᒪ ᒫᓐᓇᐅᔪᖅ ᐃᓚᐅᓪᓗᑎ ᐅᑭᐅᖅᑕᖅᑐᒥ ᐱᕙᓪᓕᐊᑎᑦᓯᔨᓄ ᐱᔭᑦᓴᒥ ᑲᑐᑎᖃᑎᖃᕐᓱᑎ ᐅᑯᓇᓂ Whistler Film Festival ᐊᒻᒪ ᐃᒻᒥᓂᖅᓱᕐᓱᑎ ᓴᖅᑭᑎᑦᑎᕙᓪᓕᐊᓂᕐᒧ ᑮᓇᐅᔭᑦᓴᓂ. ᐃᑲᔪᖅᓱᖅᑕᐅᓯᒪᔪᒻᒪᕆᐅᕗᑦ ᐊᒻᒪ ᐊᔭᐅᖅᓯᓯᒪᓪᓗᑎᒃ ᓄᓇᕗᒻᒥ ᑕᕐᕆᔮᔅᓴᓕᕆᓂᕐᒥᑦ ᑭᓯᐊᓂ ᐃᓕᓐᓂᐊᕆᐊᓚᐅᖅᓯᒪᙱᓚᑦ ᐅᕝᕙᓘᓐᓃᑦ ᐃᓕᓐᓂᐊᖅᑎᑕᐅᓯᒪᓪᓚᑦᑖᖅᑐᑎᒃ ᐱᓕᕆᐊᕆᔭᖏᓐᓄᑦ ᒫᓐᓇᐅᔪᖅ.

ᐅᖃᐅᔾᔪᐃᓂᖏᑦ ᓄᓇᖃᖅᑳᖅᑐᓄᑦ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᑕᒪᑐᒥᖓ ᐱᓕᕆᓂᕆᔭᐅᕙᒃᑐᒥ ᑭᓯᐊᓂᓗ ᖃᐅᔨᒪᙱᖦᖢᑎᒃ ᖃᓄᖅ ᐱᒋᐊᕆᐊᒃᓴᖅ,

"ᑭᒃᑯᓕᒫᑦ ᐃᑲᔪᕈᒪᔪᑦ ᐃᓕᖕᓂᒃ. ᑕᑯᔪᒪᔪᖃᙱᓚᖅ ᐃᓕᖕᓂᒃ ᑲᔪᓯᓂᖃᑦᑎᐊᖁᔨᙱᖦᖢᓂ. ᑭᒃᑯᓕᒫᑦ ᐅᖃᖃᑎᒋᓯᒪᔭᒃᑲ ᑕᕐᕆᔭᓕᐊᒥ ᐃᑲᔫᑎᖃᖅᑐᒻᒪᕆᐅᓯᒪᕗᑦ, ᐅᕙᖓᑎᑐᑦ ᐱᐅᒋᒐᓗᐊᖅᐸᒃᑲ, ᓄᑖᖑᑉᐸᑕ ᑕᕐᕆᔮᓕᐅᖅᑐᑦ ᓯᓚᕐᔪᐊᕐᒥ ᐊᒻᒪ ᓱᓕ ᕿᓂᖅᑐᑎᒃ, ᐅᕝᕙᓘᓐᓃᑦ ᐃᓄᐃᑦ ᐱᓕᕆᐊᖃᖅᓯᒪᔪᑦ ᓲᕐᓗ ᐊᖏᓂᖅᐹᓂᒃ ᑕᑯᔭᒐᖃᖅᑐᓂᒃ ᐅᕝᕙᓘᓐᓃᑦ ᑕᕐᕆᔮᔅᓴᓂᒃ, ᖃᐅᔨᒋᐊᑐᐃᓐᓇᖅᑐᑎᒃ. ᐃᓄᐃᑦ ᖁᕕᐊᓱᒃᑐᒻᒪᕆᐅᕗᑦ ᐃᑲᔪᕆᐊᒃᓴᖅ ᑭᓇᑐᐃᓐᓇᕐᒥᑦ, ᑐᑭᓯᐅᒪᔪᐃᓐᓇᐅᒐᑦᑕ ᖃᓄᖅ ᐊᔪᕐᓇᖅᑎᒋᓂᖓᓂ ᑕᕐᕆᔭᓕᐅᕋᓱᒋᐊᒃᓴᖅ."

ᐊᐳᖅᑕᕈᑕᐅᓕᕋᐃᒻᒪᑕ, ᑭᓴ-ᑭᓂᓪᐱᓐ ᐱᒋᐊᕐᒪᑦ ᑕᕐᕆᔮᔅᓴᓕᐅᖅᑐᑎᒃ ᐊᔾᔨᓕᐅᕈᑎᓕᐅᕈᒪᑐᐃᓐᓇᓚᐅᖅᐳᑦ. ᑕᐃᒪᓐᖓᓂᓪᓕ, ᐊᒥᓱᓂᒃ ᐱᕕᖃᕐᓯᒪᒻᒪᑕ ᐆᑦᑐᕋᓱᐊᖅᑐᑎᒃ ᐊᔾᔨᒌᙱᑦᑐᓂᒃ ᐊᒻᒪᓗ ᑕᒪᓐᓇ ᑲᔪᓯᔪᓐᓇᖅᑎᑦᑎᓪᓗᓂ ᑕᕐᕆᔮᔅᓴᓕᕆᓂᕐᒥᒃ. "ᑐᖁᖓᔪᕕᓂᐅᓐᓂᕈᒪ ᐊᑕᐅᓯᑐᐃᓐᓇᕐᒥᑦ ᐱᔨᑦᑎᕋᕈᓐᓇᕐᓂᕈᒪ ᐅᕝᕙᓘᓐᓃᑦ ᑖᓐᓇ ᐊᑕᐅᓯᖅ, ᐅᖓᑖᓅᕈᓐᓇᕋᔭᓚᐅᖅᑰᖏᑦᑐᖓ ᒫᓐᓇ ᐊᑐᖅᑕᓐᓄᑦ. ᑕᐃᒪᓕ ᐱᓕᕆᒃᑲᓐᓂᕋᓱᐊᓕᕋᒪ, ᐃᑲᔪᕋᓱᐊᖅᑐᖓ, ᑎᓕᐅᕆᓇᓱᐊᕐᓗᖓ ᐊᒻᒪᓗ ᖃᓄᐃᓕᐅᕆᐊᖃᕈᑦᓯ, ᖃᐅᔨᓂᐊᖅᑐᖓ ᖃᓄᖅ ᑕᒪᓐᓇ ᑲᒪᒋᔪᓐᓇᕐᒪᖔᑦᑎᒍᑦ, ᑕᒪᓐᓇ ᑲᔪᓯᑎᒍᓐᓇᕐᓂᐊᕋᑦᑎᒍᑦ. ᓲᖃᐃᒻᒪ ᓄᖅᑲᑐᐊᕌᖓᑕ, ᐊᔪᕐᓇᕐᒪᑕ ᒪᑭᒃᑲᓐᓂᕆᐊᒃᓴᖅ," ᓇᓗᓇᐃᖅᓯᓪᓗᑎᒃ.

ᑐᓴᖅᑎᑦᑎᒍᓐᓇᖅᐸᑕ ᒪᒃᑯᓐᓂᖅᓴᓄᑦ ᓇᒻᒥᓂᖅ ᑐᙵᕕᖃᕋᔭᖅᑐᖅ ᐅᖃᓕᒪᓂᕐᒥᒃ ᑐᓴᖅᑕᒥᓂᕐᒥᓂᒃ ᓄᓇᕗᑦ ᓯᕗᓂᒃᓴᕗᒻᒥ. ᐃᓱᒪᒋᔭᐅᓪᓗᐊᑕᓚᐅᖅᑐᖅ ᒐᕙᒪᓕᕆᓂᒃᑯᑦ ᓈᓴᐅᑎᕈᕆᐊᖃᙱᒻᒪᑕ ᑲᔪᓯᑦᑎᐊᕐᓂᐊᕈᑎᒃ, ᐃᒻᒥᓂᑐᐊᖅ ᐱᔪᓐᓇᕐᒪᑕ. "ᐱᒻᒪᕆᐅᖃᑕᐅᓚᐅᖅᑐᖅ ᐱᔾᔪᑎᓂᑦ ᖃᓄᐃᒻᒪᑦ ᒐᕙᒪᓕᕆᓗᐊᕈᒪᔪᓐᓃᓚᐅᖅᑐᖓ ᐅᕝᕙᓘᓐᓃᑦ ᕿᒥᕐᕈᓂᖅᓴᐅᔪᒪᓕᓚᐅᖅᑐᖓ ᐃᓱᒪᑐᓂᖅᓴᓂᑦ, ᓲᖃᐃᒻᒪ ᐱᒻᒪᕆᐅᓂᖅᓴᐅᖕᒪᑦ ᐅᕙᓐᓄᑦ ᐱᒻᒪᕆᐅᓂᖅᓴᐅᒍᓂᓗ ᐅᕙᓐᓄᑦ, ᑕᒪᓐᓇ ᐱᓕᕆᐊᕆᓇᓱᒋᐊᖃᖅᑕᕋ. ᓈᓚᑐᐃᓐᓇᕐᓗᑎᑦ ᐃᓱᒪᒋᔭᕐᓂᒃ, ᓈᓚᑐᐃᓐᓇᕐᓗᑎᑦ ᐅᖃᖅᑕᕐᓂᒃ. ᐃᓄᐃᑦ ᐅᖃᖅᐸᑕ ᑕᐃᒪᐃᒐᔭᙱᓐᓂᕋᕐᓗᑎᒃ, ᐅᖃᑐᐃᓐᓇᕐᓗᑎᒃ, 'ᑕᐃᒪᐃᔾᔮᖏᑦᑐᑎᑦ. ᐅᕙᖓ," ᐊᔾᔨᖃᖅᑐᑦ.

ᓇᓕᒧᒌᒃᑎᓐᓇᓱᒃᓗᒋᑦ ᐃᓱᒪᖏᑦ, ᑭᓴ−ᑯᓂᐅᓪᐱᓐ ᐅᐸᒍᑎᓲᖅ ᓂᕿᑦᑎᐊᕙᖏᓐᓄᑦ ᐃᖃᐃᓕᓴᕐᓂᖏᓐᓄᓪᓗ, ᒪᓕᒃᓗᒍ ᐱᕙᒌᔭᐅᑦ ᑭᓯᐊᓂ ᐊᓯᔾᔨᒐᒃᓴᐅᓗᓂ. ᓄᓇᒦᑉᐸᒃᖢᑎᒃ, ᐅᒥᐊᖅᑐᖅᖢᑎᒃ, ᓯᐊᕐᕆᔭᐅᑎᑯᑖᒃᑰᖅᐸᒃᖢᑎᒃ, ᐃᒡᓗᕋᓛᒥᓄᐊᖅᐸᒃᖢᑎᒡᓗ. ᐱᓕᕆᕗᑦ ᓴᖅᑭᑦᑎᓇᓱᒃᖢᑎᒃ ᐃᖅᑲᓇᐃᔭᕐᕕᖕᒥ ᐃᓅᓯᖕᒧᑦ ᓇᓕᒧᒌᒃᑎᑦᑎᓂᕐᒥᒃ ᐃᓚᓕᐅᔾᔨᓪᓗᑎᒡᓗ pomodoro ᐱᓕᕆᔾᔪᓯᕐᒥᒃ ᓄᖅᑲᖓᓚᐅᑲᒍᒪᓪᓗᑎᒃ ᐃᖅᑲᓇᐃᔭᖅᑎᓪᓗᒋᑦ. ᐱᕕᖃᖃᑦᑕᕐᒥᔪᑦ ᐱᖃᓐᓇᕆᔭᒥᓂᒃ ᐃᓚᒥᓂᒡᓗ ᐱᖃᑎᖃᖅᖢᑎᒃ ᐃᖅᑲᓇᐃᔭᙱᔅᓱᖔᖅᖢᑎᒃ.  

ᑲᔪᖏᕐᓴᐃᓂᐊᕈᓂ, ᑭᓴ-ᑭᓂᐅᓪᐱᓐ ᐱᓕᕆᐊᖃᕈᒪᖕᒪᑦ ᐃᓱᒪᑐᔪᓂᒃ ᑭᓯᐊᓂᑦᑕᐅᖅ ᐊᓐᓇᐅᒪᓇᓱᐊᖅᖢᓂ ᑮᓇᐅᔭᑎᒍᑦ ᓄᓇᕗᒻᒥ ᐊᑭᑐᔪᒻᒪᕆᐊᓘᔪᓐᓇᖅᑐᖅ ᐊᒻᒪᓗ ᐱᓕᕆᓂᑭᕐᓱᕐᓗᓂ. ᑕᒪᓐᓇ ᐱᑕᖃᑦᑎᐊᙱᓐᓂᖓ ᓴᖅᑭᑎᑦᑎᓕᖅᐳᖅ ᐃᓱᒪᒃᓴᖅᓯᐅᑦᑎᐊᖅᓯᒪᓂᕐᒥᒃ ᑐᑭᖃᕈᓐᓇᖅᖢᓂᓗ ᕿᒥᕐᕈᐊᖅᓯᓂᕐᒥᒃ ᑐᓐᓂᖅᑯᑕᐅᑐᐃᓐᓇᖅᐸᒃᑐᓂᒃ ᓇᓂᓯᓂᕐᒥᒡᓗ ᐃᓱᒪᒋᔭᐅᓯᒪᔪᓂᒃ ᐱᓕᕆᐊᖑᔪᓄᑦ ᓈᒻᒪᑐᐃᓐᓇᕆᐊᓕᖕᓄᑦ ᐃᓱᒪᒋᕙᒃᑕᕐᓄᑦ. ᐅᑭᐅᖅᑕᖅᑐᒥ ᐱᓕᕆᓪᓗᓂ ᖁᕕᐊᒋᓚᐅᕐᒪᒍ ᐃᓚᐅᖃᑦᑕᕐᓂᖏᓐᓄᑦ ᐊᒥᓱᑦ ᐃᓄᐃᑦ ᖁᕕᐊᒋᔭᖏᑦ ᐃᓄᒋᐊᓄᑦ ᐱᓕᕆᖃᑎᒌᓄᑦ ᐊᒻᒪᓗ ᓱᓕ ᐃᒃᐱᒍᓱᒃᖢᑎᒃ ᐱᓕᕆᓂᕐᒥᒃ, ᐱᐅᓚᐅᖅᑐᖅ ᐊᑐᖅᑕᐅᓚᐅᖅᑐᖅ.

ᐃᓚᖓᑦ ᐱᓕᕆᐊᖑᔫᑉ Kisa-Knickelbein−ᑯᑦ ᐱᓕᕆᐊᖃᖅᐳᑦ ᓴᖅᑭᑎᑦᑎᔪᒪᓪᓗᑎᒃ ᐅᑭᐅᖅᑕᖅᑐᒥ ᓯᐊᕐᕆᔭᐅᑎᑯᑖᓂᒃ ᑐᙵᕕᓕᖕᒥᒃ ᑎᔅᓯᓈᕿᔪᓂᒃ ᓯᕗᓪᓕᖅᐹᑦᑎᐊᓂᒡᓗ ᖃᔭᕆᐊᓂᒃ ᑲᑎᑕᐅᓯᒪᔪᓂᒃ ᑲᑎᑕᐅᓯᒪᔪᓂᒃ ᓴᖅᑭᑎᑦᑐᒪᓇᔭᖅᑕᒥᓂᒃ 2025 ᐱᒋᐊᓕᓵᐸᓗᓕᖅᐸᑦ. ᐃᖃᐃᓕᓴᕐᕕᒃ ᒪᒃᐱᓛᕈᒪᔪᖅ ᐅᑭᐊᒃᓵᖅ ᐅᕝᕙᓘᓐᓃᑦ ᐅᑭᐅᖓᓂ 2025−ᒥ. ᑐᙵᓱᒃᑎᑦᑎᔪᑦ ᑭᓇᑐᐃᓐᓇᒥᒃ ᐱᓕᕆᔪᒪᔪᓂᒃ ᑕᕐᕆᔮᒃᓴᓂᒃ, ᐃᓯᒐᐅᔭᕐᓂᒃ, ᐃᖃᐃᓕᓴᕐᓂᕐᒥᒃ ᐅᕝᕙᓘᓐᓃᑦ ᓂᕿᑦᑎᐊᕙᖕᓂᒃ ᑐᓴᕐᕕᒋᔪᒪᓗᒋᑦ.

ᐃᖅᑲᓇᐃᔮᖃᕐᓂᖅ ᑕᕐᕆᔮᒃᓴᒥᑦ, ᓯᒥᐅᓂ ᑭᓴ−ᑭᓂᐅᓪᐱᓐ ᐱᓕᕆᐊᖃᖅᐳᖅ ᑕᑯᒃᓴᐅᙱᑦᑐᓂᑦ ᑕᕐᕆᔮᒃᓴᓂᑦ Hollywood North-ᒥᑦ... ᐅᑭᐅᖅᑕᖅᑐᑦᑎᐊᒻᒪᕆᒃ, ᐃᓄᐃᑦ ᓇᒡᓕᒋᔭᖏᓪᓗ, ᓇᒡᓕᒋᔭᖏᓐᓂ. ᐅᒃᐱᕈᓱᖕᒪᑕ ᐱᐅᓛᒥᒃ ᐃᓯᒐᖕᓂᒃ ᓯᕗᒻᒧᐊᒃᑎᑦᑎᓂᕐᒥᒃ, ᐊᒡᒐᖕᒥᒍᑦ ᓴᓇᓯᒪᔪᓂᒃ ᕿᓯᖕᓂᒃ ᐃᓯᒐᐅᔭᕐᓂᒃ ᐱᕈᖅᐸᓪᓕᐊᑎᑦᑎᓗᑎᒡᓗ ᓴᙱᓂᕆᔭᕐᓂᒃ ᐃᖃᐃᓕᓴᕐᕕᖕᒥ ᐊᐅᓚᔪᓐᓇᕐᓂᕐᒧᑦ ᒪᒃᑯᒃᑐᓄᓪᓗ ᐃᖃᐃᓕᓴᕐᓂᕐᒧᑦ. ᑖᓐᓇ ᐊᒥᓲᓕᖓᔪᓂᑦ−ᓇᖕᒥᓂᖃᖅᑎᐅᔪᑦ ᓄᑖᓂᑦ ᐱᓇᓱᐊᖅᐳᑦ, ᓴᖅᑭᑦᑎᓪᓗᑎᒃ ᐃᖅᑲᓇᐃᔮᓂᑦ ᐱᕕᒃᓴᓂᒡᓗ.