"ᐊᑯᓂᐅᓛᒃᑯᑦ, ᐃᓱᒪᓚᐅᖅᑐᖓ ᑯᕇᑕᒐ ᐊᑲᐅᒋᙱᖦᖢᒍ ᐅᕙᓐᓄᑦ, ᓲᖃᐃᒻᒪ ᖃᐅᔨᒪᓚᐅᙱᓐᓇᒪ ᑭᓇᒥᑭᐊᖅ ᐱᓕᕆᔪᒥᒃ ᐱᓕᕆᐊᕆᔪᒪᔭᓐᓂᒃ. ᐃᓱᒪᓕᐅᓕᑕᐃᓐᓇᓚᐅᕋᒪ ᓯᕗᓪᓕᐅᔪᖃᔾᔮᙱᑉᐸᑦ ᑕᐃᒪᐃᑦᑕᕆᐊᖃᕋᒪ. ᑕᒪᓐᓇ ᐃᓅᓂᑐᐃᓐᓇᐅᓚᐅᕐᒪᑦ ᐊᒻᒪᓗ ᐊᓯᒃᑲ ᑎᑎᕋᖁᓚᐅᕋᒃᑭᑦ, ᑕᐃᒪᓕ ᐅᕙᖓᑑᒐᔭᓐᖏᑦᑐᖓ, ᐅᐱᓐᓇᕋᓂ ᑕᐃᓐᓇᑑᔪᒪᓚᐅᙱᓐᓇᒪ. ᓂᕆᐅᓇᖅᐳᖅ, ᐱᔪᒃᓯᑎᑦᑎᕗᖅ ᐊᓯᖏᓐᓂᒃ ᐃᓄᖕᓂᒃ ᐱᐅᓂᖅᓴᓂᒃ ᓴᓇᖃᑦᑕᖁᓪᓗᒋᑦ ᐱᓯᒪᔭᓐᓂᒃ," ᓵᓐᔭ ᐹᓚᓐᑎᓐ ᐅᓂᒃᑳᖅᐳᖅ, ᐃᖏᕐᕋᓂᕆᓚᐅᖅᑕᖓᑕ ᒥᒃᓵᓄᑦ.  

"ᓂᕆᐅᒋᔭᖃᕈᕕᑦ ᑭᓱᑐᐃᓐᓇᑦ ᐱᐅᙱᑦᑐᑦ, ᐱᐅᙱᓛᖑᔪᖅ ᐱᙱᖦᖢᒍ ᐃᒃᐱᒋᑦᑎᐊᙱᖦᖢᒍ." 

ᐃᓅᓂᑯ ᐹᔅ, ᒫᓂᑑᐸᒥ, ᒥᓯᐱᔅᑎᒃ ᑯᕇ Nation-ᒥᙶᖅᑐᖅ, ᕙᓚᓐᑎᐃᓐ ᐅᐃᓂᐹᒡᒥ ᓴᓇᐅᒐᓕᐅᖅᑐᖅ ᐊᒻᒪ ᒪᓪᓕᖅᖢᓂ ᑭᒡᒐᖅᑐᐃᔨᐅᓪᓗᓂ. ᑎᑎᕋᖅᑎᐅᔪᖅ ᐅᓪᓗᐃᓐᓇᕐᒧᑦ ᐃᖅᑲᓇᐃᔮᖃᖅᑐᓂ, ᓴᖅᑮᓚᐅᖅᑐᖅ ᓱᕈᓯᐅᑉ ᐅᖃᓕᒫᒐᖓᓂᒃ ᐊᑎᖃᖅᑐᖅ ᑭᐅᕆ ᐱᐅᕆ ᓕᓐ, ᑎᑎᕋᕐᓯᒪᔪᑦ ᐅᖃᓕᒫᒐᕐᒥᒃ ᑕᐃᔭᐅᔪᒥᒃ Pros ᐊᒻᒪᓗ Comic Cons ᐊᒻᒪᓗ ᐅᓂᒃᑳᖅᑐᐊᖅ ᑕᐃᔭᐅᔪᖅ ᐊᕐᓇᐃᑦ ᓇᒡᓕᒍᓱᑦᑐᑦ, ᒪᕐᕉᓐᓂᒃ ᑎᑎᖅᑐᒐᖅᓯᒪᔫᓐᓂᒃ ᐅᖃᓕᒫᒐᖃᑦᑐᓂ. ᑕᕐᕆᔭᓕᐅᖃᑦᑕᖅᑐᖅ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓂᕕᐊᖅᓵᓪᓗ ᒥᒃᓵᓄᑦ, ᓄᓇᖃᖅᑳᖅᓯᒪᔪᑦ ᐱᔾᔪᑎᖏᓐᓂᒃ ᐊᒻᒪ ᕿᒥᕐᕈᕙᒃᖢᓂ ᓂᑲᓇᖅᑐᓂᒃ, ᓯᕐᓈᖅᑎᓂᒃ ᐊᒻᒪ ᓂᑲᓇᖅᑐᓂᒃ. ᑲᙳᓱᒃᑲᓗᐊᖅᖢᓂ, ᐹᓚᓐᑎᐃᓐ ᐱᓕᕆᓲᖑᕗᖅ ᐃᓄᖕᓄᑦ ᐅᖃᖅᑎᐅᓪᓗᓂ ᐱᔪᒃᓯᑎᑦᑎᓪᓗᓂ ᓂᐅᕐᕈᑕᐅᔪᓂᒃ ᐃᓄᒋᐊᓂᒃ. 

"ᓇᒡᓕᒋᖅᑳᕐᓗᒋᑦ ᓇᒡᓕᒋᔭᑎᑦ ᐱᓕᕆᐊᕆᖅᑳᕐᓗᒋᑦ, ᐱᓕᕆᐊᒃᓴᐃᓪᓗ ᒪᓕᖕᓂᐊᖅᖢᑎᒃ. ᑎᑎᕋᐅᔭᕐᓗᑎᑦ ᐱᔪᒪᔭᕐᓂᒃ, ᑎᑎᕋᕐᓗᒋᑦ ᐱᔪᒪᔭᑎᑦ. ᑎᑎᕋᐅᔭᕈᕕᑦ ᐅᕝᕙᓘᓐᓃᑦ ᑎᑎᕋᐅᔭᕈᕕᑦ ᐱᖃᓐᓇᕆᔭᕐᓂᒃ ᐃᓕᖕᒨᓇᙳᐊᖑᓗᓂ ᖁᕕᐊᓱᒍᑎᒋᓇᔭᖅᐸᐃᑦ. ᑕᐃᒪᐃᓕᐅᖏᓐᓇᕆᑦ."

ᐱᔪᒃᓯᑎᑕᐅᓚᐅᖅᑐᖅ ᑎᑎᕋᕆᐊᒃᓴᖅ ᐃᓕᓴᐃᔨᒧᑦ ᑕᕐᕆᔭᐅᓯᐅᖅᑎᙳᕐᖢᓂᓗ ᓴᖅᑭᑎᑦᑎᓪᓗᓂ ᑭᒡᒐᖅᑐᐃᓂᕐᒥᒃ ᐃᓄᖕᓄᑦ ᓲᕐᓗ ᐊᕐᓇᖅ ᐊᒻᒪ ᓄᓇᖃᖅᑳᖅᓯᒪᔪᑦ ᓄᑕᖅᑲᑦ ᐊᒃᓱᕈᓗᐊᖅᑐᓄᑦ ᑕᑯᓪᓗᑎᒃ ᐃᓄᖕᓂᒃ ᓲᕐᓗ ᓯᕗᓪᓕᕐᒥ ᑕᕐᕆᔮᒃᓴᒥ. "ᖁᕕᐊᓱᒻᒪᕆᓚᐅᖅᑐᖓ ᐅᔾᔨᕈᓱᓚᐅᙱᓐᓇᒪ ᐅᖃᐅᓯᒃᓴᖃᕐᓂᓐᓂᒃ ᑭᓇᑐᐃᓐᓇᕐᒧᑦ ᐊᑑᑎᖃᕋᔭᖅᑐᒥᒃ ᐊᒻᒪ ᑕᑯᒃᓴᐅᖅᑰᔨᓪᓗᖓ ᐃᑲᔪᖅᑰᔨᓪᓗᖓ ᒪᒃᑯᖕᓂᖅᓴᓂᒃ ᓄᑕᖅᑲᓂᒃ ᐊᓂᒍᐃᔪᓐᓇᕐᓂᖏᓐᓂᒃ, ᓲᖃᐃᒻᒪ ᑕᑯᙱᑕᕐᓂᒃ ᑕᑯᔪᓐᓇᙱᓐᓇᕕᑦ," ᐃᖅᑲᐅᒪᔪᖅ. 

ᓲᖑᓵᖅᑕᐅᓪᓗᓂ ᓄᑕᕋᐅᓪᓗᓂ, ᐊᒻᒪᓗ ᐃᓱᒪᒋᔭᖃᖅᖢᓂ ᐊᔪᖅᓴᕐᓂᕐᒥᒃ ᓄᓇᓕᖕᒥᓂ, ᖁᕕᐊᓱᙱᖦᖢᓂ ᐊᒃᓱᕈᖅᑎᑕᐅᓪᓗᓂᓗ ᑕᐃᑲᓃᖏᓐᓇᖁᔭᐅᓪᓗᓂ ᖁᑦᑎᖕᓂᖅᓴᒥᒃ ᐃᓕᓐᓂᐊᕋᓱᙱᖔᕐᖢᓂ. ᐊᒃᓱᕈᖃᑦᑕᓚᐅᖅᐳᖅ ᐃᓕᓐᓂᐊᑦᑎᐊᕈᓐᓇᐃᓪᓕᓪᓗᓂ, ᐊᓂᒍᐃᑦᑎᐊᙱᖦᖢᓂ, ᓯᓚᑦᑐᖅᓴᕐᕕᒡᔪᐊᙳᖅᖢᓂᓗ ᐅᕕᓂᖃᑎᒋᙱᑕᒥᓂᒃ ᐊᑭᕋᖅᑐᖃᑦᑕᖅᓯᒪᓪᓗᓂ ᐊᒻᒪ ᓄᓇᖃᖅᑳᖅᓯᒪᙱᖦᖢᓂ ᓯᕗᓪᓕᖅᐹᒥ. 

‍

‍

ᓂᖏᐅᖓ ᑐᖁᓚᐅᕐᒪᑦ ᐊᒻᒪᓗ ᐃᓚᖏᑦ ᐃᑲᔪᖅᑐᐃᑎᓪᓗᒋᑦ ᐊᐅᓚᒍᒪᔭᒥᓂᒃ, ᐃᓄᐃᑦ ᓄᓇᒥᓂ ᐊᔾᔨᐅᖏᑦᑐᒥᒃ ᑲᒪᓚᐅᖅᑐᑦ ᐊᐅᓪᓚᕐᓂᑯᖓᓄᑦ. ᑭᖑᓪᓕᖅᐹᒥ, ᑲᑎᖃᑎᖃᓚᐅᖅᑐᖅ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓂᒃ, ᓇᓂᓯᓪᓗᓂ ᓄᓇᓕᖕᒥ, ᐃᓕᓐᓂᐊᕌᓂᒃᖢᓂᓗ ᒪᕐᕉᖕᓂᒃ ᓯᓚᑦᑐᖅᓴᕐᕕᒡᔪᐊᒥ ᐃᓕᓐᓂᐊᕌᓂᒍᓯᐊᕐᒥᒃ, ᐊᑕᐅᓯᖅ ᐃᓅᖃᑎᒌᖕᓂᕐᒧᑦ ᐃᓱᒪᓕᕆᓂᕐᒥ ᐱᖃᑖᓗ ᑕᕐᕆᔮᒃᓴᒥ. ᐃᓅᓯᓕᒫᖅ ᐃᓕᓐᓂᐊᖅᑎ, ᐹᓚᓐᑎ ᐅᖃᓕᒫᕋᔪᓕᖅᑐᖅ ᑕᒻᒪᖅᓯᒪᔪᖅᓯᐅᖅᐸᒃᖢᓂᓗ ᐃᓕᓐᓂᐊᕐᕕᐊᕈᓯᕐᓂᒃ.

"ᓅᑉᐸᓪᓕᐊᓂᖅ ᕇᔅᒥᑦ ᐅᐃᓂᐹᒡᒧᑦ ᐊᒃᓱᕈᕐᓇᓛᖑᓚᐅᖅᑐᖅ ᐊᖏᓛᖑᓪᓗᓂᓗ ᐃᓕᖅᑯᓯᓐᓄᑦ ᖁᐊᖅᓵᕐᓂᖅ ᐃᓅᓯᓐᓂ, ᓲᖃᐃᒻᒪ ᐊᔾᔨᒋᙱᑦᑎᐊᕐᒪᒍ ᐱᕈᕐᕕᒋᓚᐅᖅᑕᒪ."

"ᐅᖃᐅᔾᔨᔾᔪᑎᕐᔪᐊᕋ, ᖀᒥᒍᓱᒃᑲᓗᐊᕈᕕᑦ, ᐊᖏᓛᕆᒐᓗᐊᕈᕕᐅᒃ ᓯᓐᓇᑦᑑᒪᒋᔭᐃᑦ ᐊᓂᓗᓂ, ᑭᖑᓂᖃᓈᖅᓯᕐᔪᐊᕐᓂᐊᖅᑐᑎᑦ. ᓅᒃᑲᒪ, ᐅᑎᕈᒪᑐᐃᓐᓇᓚᐅᖅᑐᖓ. ᖃᐅᔨᒪᓚᐅᕋᓗᐊᖅᑎᓪᓗᖓ ᐱᐅᙱᑦᑑᓂᖓᓂᒃ, ᓲᖃᐃᒻᒪ ᐊᖏᕐᕋᓐᓂ ᐊᖏᕐᕋᖅᓯᒪᓪᓚᕆᓚᐅᖅᓯᒪᙱᓐᓇᒪ," ᓇᓗᓇᐃᖅᓯᓪᓗᓂ, ᐅᖃᐅᓯᖃᖅᖢᓂ ᐅᖃᐅᔾᔪᐃᔾᔪᑎᒥᓂᒃ ᒪᒃᑯᒃᑐᓄᑦ ᐊᖏᕐᕋᕈᒪᔪᓂᒃ. ᑎᓕᐅᕆᔪᖅ ᒪᒃᑯᒃᑐᓂᑦ ᑲᑉᐱᐊᓱᖁᙱᖦᖢᒍ ᖃᐅᔨᒪᔭᐅᙱᑦᑐᒥᒃ, ᑭᓯᐊᓂ ᐃᖅᑲᐅᒪᔪᖅ ᖃᓄᖅ ᓂᑲᒍᓱᓚᐅᕐᒪᖔᑦ, ᐃᓄᑑᓪᓗᓂ ᐊᖏᕐᕋᒥᒃᓗ, ᓅᓵᖅᑎᓪᓗᒍ ᐅᐃᓂᐹᒡᒧᑦ. 

"ᓯᕗᓪᓕᖅᐸᐅᒍᕕᑦ ᓯᓚᑦᑐᖅᓴᕐᕕᒡᔪᐊᓕᐊᕐᓗᑎᑦ ᐃᓚᖕᓄᑦ, ᐊᔪᕐᓇᕐᓂᐊᖅᑐᖅ ᓲᖃᐃᒻᒪ ᐅᖃᐅᔾᔭᐅᔪᓐᓇᖏᓐᓇᕕᑦ ᖃᓄᖅ ᑕᐃᒪᐃᓕᐅᕆᐊᖃᕐᒪᖔᖅᐱᑦ. ᑭᓇᑐᐃᓐᓇᑦᑎᐊᒥᒃ ᐃᑭᑎᑦᑎᔪᖃᓚᐅᙱᓚᖅ ᐊᖅᑯᑎᒋᓂᐊᖅᑕᕐᓂᒃ ᑲᔪᓯᓂᐊᕐᓗᑎᑦ."  

ᕙᓚᓐᑎᐃᓐ ᑕᕐᕆᔭᓕᐅᕆᐊᓯᓚᐅᙱᑦᑐᖅ ᑭᓯᐊᓂ 27-ᖑᓕᕋᒥ, ᑐᑭᒧᐊᒍᑎᖃᑦᓯᐊᖏᒻᒪᑦ.  ᑎᒍᓯᓪᓗᓂ ᐃᓚᖏᓐᓂᒃ ᐱᑦᑎᐊᙱᓐᓂᑯᓂᒃ ᐊᐃᑉᐸᕇᖕᓂᕐᓂ, ᐃᓕᑦᑎᓪᓗᓂ ᐅᓄᖅᑐᓂᒃ ᐃᓅᓯᕐᒥ ᐃᓕᑦᑎᓂᕐᓂ. ᐅᖃᐅᓯᖃᖅᑐᖅ, "ᑭᓱᑐᐃᓐᓇᑦᑎᐊᓂᒃ ᐊᑑᑎᖃᖅᑐᓂᒃ ᐱᓇᓱᒃᖢᓂ ᐊᔪᕐᓇᖅᑐᒻᒪᕆᐊᓘᖕᒪᑦ ᐊᒻᒪ ᐱᓕᕆᐊᒃᓴᖃᕐᔪᐊᕐᓇᖅᖢᓂ. ᐊᔪᖖᒋᓐᓂᖅ ᓈᒻᒪᖏᒻᒪᑦ, ᓲᖃᐃᒻᒪ ᐊᒥᓲᖕᒪᑕ ᐊᔪᙱᑦᑎᐊᖅᑐᑦ ᐃᓄᐃᑦ ᓄᓇᕐᔪᐊᒥ. ᑕᒪᓐᓇ ᐱᓕᕆᐊᕆᓐᖏᒃᑯᕕᐅᒃ, ᖃᓄᐃᔾᔮᖏᑦᑐᖅ. ᑎᑎᕋᒃᑲᐅᓂᖅᐸᐅᙱᓐᓇᒪ ᓯᓚᕐᔪᐊᕐᒥ, ᓯᑏᕙᓐ ᑭᖕ ᑎᑎᕋᒃᑲᐅᓂᖅᐸᐅᙱᒻᒪᑦ ᓯᓚᕐᔪᐊᕐᒥ ᑭᓯᐊᓂ ᖃᐅᔨᒪᔭᐅᑦᑎᐊᖅᑐᖅ ᐱᓕᕆᐊᖃᖃᑦᑕᕐᒪᑦ, ᑎᑎᕋᐃᓐᓇᖅᑐᓂ. ᑲᑉᐱᐊᓱᒍᓐᓇᖏᒻᒪᑦ ᖃᓄᖅ ᐃᓄᐃᑦ ᐅᖃᕐᓂᐊᕐᒪᖔᑕ, ᐅᐱᓐᓇᕋᓂ ᐃᓄᐃᑦ ᐅᖃᐃᓐᓇᖃᑦᑕᓂᐊᕐᒪᑕ ᐱᐅᙱᑦᑐᓂᒃ."

"ᐃᓱᒪᒃᑯᑦ ᐋᓐᓂᐊᕈᑎᖃᖅᑐᖓ ᒫᓐᓇ ᐃᖅᑲᐅᒪᓕᖅᖢᖓ ᐱᐅᙱᓛᒃᑰᖅᓯᒪᓂᓐᓂᒃ. ᑕᒪᓐᓇ ᐊᓂᒍᖅᓯᒪᕙᕋ."

ᑐᑦᑎᐊᖏᓐᓇᕋᓱᒃᓗᓂ ᓇᓗᓇᖅᑐᒃᑰᖅᑎᓪᓗᑕ, ᐹᓚᓐᑎᓐ ᐃᓚᐅᕙᙱᑦᑐᖅ ᐱᐅᙱᑦᑐᓂᒃ ᖃᕆᑕᐅᔭᒃᑯᑦ ᐃᓗᓕᖏᓐᓂ, ᑕᐅᑐᒃᑐᖅ ᓯᕗᓂᒃᓴᒧᑦ ᑕᐃᑲᓃᖏᓐᓇᕋᓱᒃᓗᓂ ᑕᐅᑐᒃᓗᓂᓗ ᓂᕆᐅᖕᓂᕐᓂ. ᐱᐅᔪᒥᒃ ᐱᓯᒪᓇᓱᖃᑦᑕᖅᑎᓪᓗᒍ, ᐃᓱᒪᒥᐅᑕᖃᖅᐸᒃᐳᖅ ᐅᖃᐅᓯᖃᕐᓂᕐᒥᒃ 'ᓈᒻᒪᒋᙱᑕᒥᓂᒃ ᐃᒃᐱᒋᔭᐅᔪᓂᒃ'. "ᐃᓱᒪᒋᔭᕋ ᓂᙵᐅᒪᓂᖅ ᓇᓗᓇᐃᖅᑕᐅᖕᒪᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᓄᑦ. ᑭᓯᐊᓂ ᓂᙵᐅᒪᓂᖅ ᐅᕙᓐᓂᒃ ᐱᔪᒃᓯᑎᑦᑎᖏᓐᓇᐅᔭᖅᐳᖅ ᐅᖅᓱᐅᖏᓐᓇᐅᔭᖅᖢᓂᓗ ᐱᐅᓂᖅᓴᓄᑦ. ᐱᐅᙱᑦᑐᓕᒫᑦ ᓵᑦᑎᐊᕐᒥᐅᑕᕆᖃᑦᑕᖅᓯᒪᔭᒃᑲ ᐅᕙᓐᓂᒃ ᓴᙱᓂᖃᖅᑎᓐᓇᓱᒃᖢᒋᑦ ᐱᐅᓂᖅᓴᓂᒃ ᑎᑎᕋᖅᑎᑦᑎᐊᕙᐅᓂᕐᒥᒃ, ᑕᕐᕆᔭᐅᓯᐅᖅᑎᐅᓂᖅᓴᐅᓗᖓ, ᐅᖃᖅᑎᑦᑎᐊᕙᐅᓂᖅᓴᐅᓗᖓ," ᐅᖃᖅᖢᓂ.

ᑕᐃᒃᑯᐊ ᐅᕕᒃᑲᐅᔪᑦ ᑲᔪᖏᕐᓴᐃᕙᒃᑐᑦ. "ᑕᐃᒪᓕ ᐅᕙᓐᓂᒃ ᑲᔪᖏᖅᓴᐃᔪᖅ ᐃᓄᐃᑦ ᑐᓄᓐᓃᑦᑐᑦ ᐃᑭᑎᖃᑦᑕᖅᑕᒃᑲ ᐊᖅᑯᑎᖏᑦ ᐊᒻᒪᓗ ᑕᐃᒃᑯᐊᖑᓂᐊᖅᑐᑦ ᐅᕙᓐᓂᒃ ᖄᖐᔪᑦ. ᓱᕈᓯᐅᔪᑦ ᐅᕙᓐᓂᒃ ᑲᔪᖏᕐᓴᐃᕙᒃᑐᑦ ᐅᐱᓐᓇᕋᓂ ᐱᔪᓐᓇᕐᓂᖃᑦᑎᐊᕐᒪᑕ, ᐃᓱᒪᒃᓴᕐᓯᐅᕈᑎᖃᑦᑎᐊᖅᑐᑎᒃ ᐊᒻᒪᓗ ᑕᑯᕙᑦᑐᑎᒃ ᓯᓚᕐᔪᐊᒥᒃ ᐊᔾᔨᒌᓐᖏᑦᑐᑎᒍᑦ. ᑕᐃᒪᓕ ᑲᑉᐱᐊᓱᓕᖁᓇᙱᒃᑲᓗᐊᖅᐳᑦ ᐅᕕᓂᖃᑎᒋᓐᖏᑕᒥᓂᒃ ᐊᑭᕋᖅᑐᕐᓂᕐᒧᑦ ᐅᕝᕙᓘᓐᓃᑦ ᑕᒪᓐᓇ ᑲᑕᑦᑕᐅᖃᑦᑕᓂᐊᓐᖏᒻᒪᑕ. ᖃᐃᖏᓐᓇᖁᓇᖅᐳᑦ," ᒪᐅᕗᓪᔅ. ᐅᖃᓪᓚᖕᓂᒃᑯᑦ, ᑕᕐᕆᔭᐅᓯᐅᕐᓂᒃᑯᑦ, ᑎᑎᕋᕐᓂᒃᑯᑦ ᕿᒥᕐᕈᐊᒐᕐᓂᒃ ᑕᑯᒃᓴᐅᖏᓐᓇᕐᓗᓂᓗ, ᕙᓚᓐᑎᐃᓐ ᓯᕗᓕᖅᓯᔪᖅ ᐊᖅᑯᑎᒥᒃ. 

ᓯᕗᓕᖅᑎᐅᑎᓪᓗᒍ ᑖᒃᑯᓂᖓ ᐱᒻᒪᕆᐅᔪᓂᒃ ᐅᖃᐅᓯᕐᓂᒃ ᐅᖃᐅᓯᖃᖃᑦᑕᖅᐳᖅ: 

ᒥᑭᒡᓕᕚᓪᓕᖅᑎᓚᐅᖅᓯᒪᙱᓪᓗᑎᑦ ᐊᓯᖕᓂᒃ ᐃᓗᐊᖅᓴᖅᑎᑦᑎᓇᓱᒡᓗᑎᑦ. ᐃᒡᓚᑲᑕᒍᓐᓃᓚᐅᖅᓯᒪᙱᓪᓗᑎᑦ ᓂᐱᖅᑯᖅᑐᓗᐊᖅᑎᓪᓗᑎᑦ. ᓯᓐᓇᑦᑑᒪᒋᔭᑎᑦ ᒪᓕᒡᓗᒋᑦ, ᓲᖃᐃᒻᒪᓕ ᖁᕕᐊᓱᒍᑎᒋᓂᐊᕋᔅᓯ ᐊᖓᔪᖅᑳᓯ ᖁᕕᐊᓱᒃᑎᓐᓂᐊᕐᒥᒐᔅᓯᐅᒃ. ᐅᖃᐅᓯᕆᒐᔭᖅᑕᕋ ᓄᓇᖃᖅᑳᖅᓯᒪᔪᓄᑦ ᓱᕈᓯᕐᓄᑦ ᐱᔪᓐᓇᕐᓂᖃᑦᑎᐊᕋᔭᕋᕕᑦ ᖁᕕᐊᓱᒋᐊᒃᓴᖅ. ᖁᕕᐊᓱᖕᓂᖅ ᖃᓪᓗᓈᓄᑐᐊᖑᙱᑦᑐᖅ. ᖁᕕᐊᓱᖕᓂᖅ ᑕᒪᓐᓇ ᐊᑭᓕᕆᐊᖃᖅᑕᕗᑦ. ᐊᒥᓲᑎᓪᓗᒋᑦ ᐃᓄᐃᑦ, ᐃᓛᓐᓂᒃᑯᑦ ᐱᐅᓂᖅᐹᖅ, ᐅᔭᕋᖅ ᐱᐅᓂᖅᐹᖑᔪᖅ ᖁᕕᐊᓱᒍᓐᓇᖅᑐᑎᑦ ᐊᒻᒪᓗ ᓂᕆᐅᓐᓂᖃᑦᑎᐊᖅᑐᑎᑦ ᖃᐅᑉᐸᒧᑦ. ᓱᐳᒪᓐ ᐃᓕᓐᓂᐊᖅᑎᓚᐅᖅᓯᒪᕚᖓ ᓱᕈᓯᐅᑎᓪᓗᖓ ᑭᒃᑯᓕᒫᑦ ᑐᓂᕐᕈᑎᖃᕐᒪᑕ ᐃᑲᔪᕈᓐᓇᖅᑕᒥᓂᒃ ᐊᓯᒥᓐᓂᒃ. ᑕᐃᒪᓕ ᖃᐅᔨᓂᐊᖅᑯᓯ ᓱᓇᐅᒻᒪᖔᖅ ᑐᓂᕐᕈᓯᐊᕆᔭᐃᑦ, ᐊᒻᒪᓗ ᐃᑲᔪᕐᓗᑎᑦ ᐊᓯᓐᓂᒃ ᐃᓄᓐᓂᒃ ᑕᒪᑐᒧᖓ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᒪᑦ ᑕᒪᑐᒥᖓ.

‍