"ᐱᔪᒪᙱᑎᖃᑦᑕᙱᑖᖓ ᐃᖅᑲᓇᐃᔮᓐᓂᒃ ᐱᓕᕆᐊᕆᔪᒪᔭᓐᓂᒃ," ᑕᐱᓴ ᕿᓚᕝᕙᖅ ᐅᖃᖅᖢᓂ. ᑭᒡᒐᖅᑐᐃᔨᑦᑎᐊᕙᐅᔪᖅ ᐃᓄᖕᓄᑦ, ᕿᑭᖅᑖᓗᖕᒥᙶᕐᓂᑰᓪᓗᓂ, ᐃᖃᓗᖕᓂᙶᓚᐅᖅᓯᒪᓪᓗᓂᓗ 9-ᓂᒃ ᐅᑭᐅᖃᖅᑎᓪᓗᒍ ᓄᓇᓕᕋᓛᖑᓂᖅᓴᓄᑦ ᓅᕙ ᓯᑰᓴᒧᑦ. ᐊᓈᓇᖓ ᐃᓅᓚᐅᖅᑐᖅ ᐊᑖᑕᖓᓗ ᓅᖦᖢᓂ ᓅᕙ ᔅᑰᓯᐊᒥ ᐃᖅᑲᓇᐃᔭᕆᐊᖅᑐᕐᖢᓂ ᓂᐅᕕᖅᑎᒃᑯᓐᓄᑦ. ᑭᖑᓂᐊᒍᑦ ᓅᓕᓚᐅᖅᑐᖅ ᑳᓪᒍᕆᒧᑦ, ᐋᓪᐴᑕᒧᑦ ᐃᓕᓐᓂᐊᕆᐊᖅᓯᒪᓪᓗᓂ ᕈᐃᐅᓪ ᓯᓚᑦᑐᖅᓴᕐᕕᒡᔪᐊᖓᓄᑦ. ᐃᓚᐅᓕᓵᓚᐅᖅᑐᖅ ᐃᓄᓕᕆᔨᐅᓂᕐᒧᑦ, ᐃᓕᓐᓂᐊᖅᖢᓂ ᐊᒃᑐᐃᓂᐅᕙᒃᑐᓂᑦ ᓄᓇᑐᖃᕆᙱᑕᒥᓄᑦ ᓄᓇᑖᖅᑎᑕᐅᓯᒪᔪᑦ, ᐃᓕᕋᓵᕆᓂᖕᓂᑦ ᐊᒃᑐᐃᓂᖏᓐᓂᒡᓗ ᓄᓇᖃᖅᑳᖅᓯᒪᔪᓂᑦ.

ᑕᐃᑲᓂ ᐊᓈᓇᒥᓂᒃ ᐃᓕᓐᓂᐊᓚᐅᖅᐳᖅ ᐅᓪᓗᐃᓐᓇᕐᒧᑦ ᐃᓕᓐᓂᐊᕆᐊᖅᖢᓂ, ᐊᑖᑕᖓ ᓅᑉᐸᓪᓕᐊᓂᖓᓂᒃ ᐃᓄᐃᑦ ᓄᓇᖏᓐᓄᑦ ᐊᒻᒪ ᐋᖅᑭᒋᐊᕈᑎᓂᒃ. ᐋᕿᒋᐊᕈᑎᖃᕐᓂᕐᒧᑦ ᐱᓕᕆᐊᖃᓚᐅᖅᑐᖅ ᑮᓇᐅᔭᓕᐅᕋᓱᒃᑎᐅᙱᑦᑐᓄᑦ, ᐃᓕᓐᓂᐊᖅᑎᑦᑎᓪᓗᓂ ᐊᒃᑑᑎᔪᓂᑦ ᓄᓇᑐᖃᕆᙱᑕᒥᓄᑦ ᓄᓇᑖᖅᑎᑕᐅᓯᒪᔪᑦ ᓄᓇᖃᖅᑳᖅᓯᒪᔪᓄᑦ ᑭᓯᐊᓂ ᐊᐱᖅᑯᑎᒃᓴᖃᕐᓂᖅᓴᐅᓪᓗᓂᑦ ᑭᐅᔾᔪᑎᓂᑦ. ᐃᓕᓐᓂᐊᕆᐊᒃᑲᓐᓂᓚᐅᖅᑐᖅ ᓄᓇᕐᔪᐊᒥᑦ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᓂᖕᓂᑦ. ᑎᓴᒪᒋᓕᖅᑕᖓᓂᑦ ᐊᕐᕌᒍᒥᑦ ᐃᓕᓐᓂᐊᕐᑎᐅᓪᓗᓂ, ᐃᓄᖕᓂᑦ−ᑐᕌᖓᔪᓂᑦ ᖃᐅᔨᓴᖅᑐᖅ ᐊᒃᓱᕈᖕᓂᕐᓴᐅᓕᕐᖢᓂ ᐱᓕᕆᖃᑎᖃᖅᖢᓂᓗ ᑲᓱᖃᑎᒌᖕᓂᖕᒧᑦ ᐅᑭᐅᖅᑕᖅᑐᒥᑦ ᐱᓕᕆᐊᓂᑦ ᓇᓗᓇᐃᔭᐃᓪᓗᓂ ᑭᓇᐅᓂᖏᓐᓂᑦ ᒪᒃᑯᒃᑐᓂᑦ ᐃᓄᖕᓂᑦ ᐱᕈᖅᓴᐃᑎᓪᓗᒍ ᕿᑐᕐᖓᒥᓂᒃ.

ᐱᔪᒃᓯᑎᑕᐅᕙᒃᖢᓂ ᑭᖑᓂᑦᑎᓐᓂ, ᒫᓐᓇ ᓯᕗᓂᒃᓴᒥᓗ ᐃᓅᓛᖅᑐᓄᑦ, ᓇᖕᒥᓂᖅ ᕿᑐᕐᙵᒥᓄᑦ, ᐅᔪᕈᖏᓐᓄᑦ ᐅᔪᕈᖏᓐᓄᓪᓗ, ᒪᓕᒃᐳᖅ ᑕᒪᑐᒥᖓ ᓄᑖᒥᒃ ᐃᖅᑲᓇᐃᔮᕆᓛᕈᒪᔭᖃᕐᓂᕐᒧᑦ ᐊᑐᖅᑕᐅᓂᐊᖅᑐᒥᒃ. "ᐃᓅᓪᓗᖓ ᐊᕐᓇᐅᓪᓗᖓ, ᐱᓕᕆᐊᒃᓴᖃᕋᒪ ᖃᐅᔨᒪᑦᑎᐊᕋᓱᒡᓗᖓ ᐊᓐᓇᐅᒪᔪᓐᓇᑦᑎᐊᕋᓗᐊᕐᒪᖔᑕ ᐊᒻᒪ ᓄᓇᒥᓃᖏᓐᓇᕋᓗᐊᕐᒪᖔᑕ ᐊᒻᒪ ᐃᓂᖃᕐᓂᐊᖅᑕᖏᓐᓂᒃ," ᓇᓗᓇᐃᖅᓯᓪᓗᓂ. "ᐃᓱᒪᒋᑦᑎᐊᖅᑕᒃᑲ ᑭᖑᕚᒃᓴᒃᑲ ᐃᓅᓯᑦᑎᐊᕙᖕᒥ ᐃᓅᓯᖃᕐᓗᑎᒃ, ᐃᓅᓯᖏᑦ ᐊᒃᓱᕈᕆᐊᖃᙱᖦᖢᑎᒃ ᑭᒡᒐᖅᑐᐃᓂᖏᓐᓄᑦ, ᐃᓕᓴᕆᔭᐅᓂᖏᓐᓄᑦ, ᐃᓅᓂᖏᓐᓄᑦ," ᑲᔪᓯᓪᓗᓂ.

ᐃᓕᓯᒪᔭᓕᒫᒥᓄᑦ, ᓄᐊᑦᑎᓯᒪᔪᖅ ᐸᐃᑉᐹᓂᒃ, ᑕᕐᕆᔮᒃᓴᓂᒃ ᐊᒻᒪᓗ ᐊᓯᖏᓐᓂᒃ ᐱᕙᓪᓕᐊᔪᓕᕆᔨᓂᒃ ᐊᒻᒪᓗ 6-ᓂᒃ ᐃᑲᕐᕋᓂᒃ ᑲᑎᒪᑎᑦᑎᓪᓗᓂ ᓇᓗᓇᐃᖅᓯᓪᓗᓂ ᐃᓄᐃᑦ ᐊᑐᖅᓯᒪᔭᖏᓐᓂᒃ. ᐃᓕᓐᓂᐊᖏᓐᓇᕈᒪᔪᖅ, PhD−ᑖᕐᓗᓂ ᐃᓕᓴᐃᔨᒻᒪᕆᐅᓕᕐᓗᓂᓗ. ᕿᓚᕝᕙᖅ ᓂᕆᐅᒃᑭᕗᖅ ᐅᓄᖅᓯᒋᐊᖅᑎᑦᑎᔪᒪᓪᓗᑎᒃ ᐃᓕᓴᐃᔨᓂᒃ ᓴᖅᑭᑎᓯᒪᔭᒥᓂᒃ ᐊᓯᖏᓐᓂᒃ ᐃᓄᖕᓂᒃ ᐊᕐᓇᓂᒃ ᑐᓴᖅᑎᑦᑎᖃᑦᑕᖁᓪᓗᒋᑦ ᐃᓕᑕᒥᓂᒃ ᐊᓯᒥᓄᑦ ᐃᑲᔪᕈᓐᓇᕐᓂᐊᕐᒪᒋᑦ ᐃᓕᓐᓂᐊᕐᓗᑎᒃ ᖃᓄᖅ ᐋᖅᑭᒃᓱᐃᔪᓐᓇᕐᒪᖔᑦ ᐃᓕᓐᓂᐊᖅᑎᑦᑎᓂᕐᒧᑦ ᓇᖕᒥᓂᖃᕐᓂᕐᒥᒃ. ᑖᓐᓇ ᐱᕕᖃᕐᓂᐅᔪᖅ ᐅᖃᐅᓯᖃᕐᓂᕐᒥᑦ ᐅᓂᒃᑳᖏᓐᓂᑦ ᐊᐅᓚᑦᓯᒍᓐᓇᕐᓂᖏᓐᓂᑦ ᐃᓄᓪᓚᕆᐅᖏᑦᑐᓄᑦ, ᑕᒪᓐᓇ ᐱᒻᒪᕆᐅᑦᓱᓂ ᑖᑦᓱᒧᖓ. ᐊᕐᕌᒍᓄᑦ ᖁᓕᓄᑦ ᑐᕌᒐᖃᖅᑐᖅ ᐃᓱᒪᒋᓗᓂᐅᒃ ᑲᔪᓯᖁᓇᔭᖅᑕᖓ.

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐊᖏᕐᕋᒧᑦ ᐊᐅᓪᓚᕈᒪᔪᓄᑦ ᐱᕕᒃᓴᕆᑎᑕᐅᔪᓂᒃ, "ᐃᓱᒪᒋᔭᕋᓕ ᓴᙱᔪᒥᒃ ᑭᓇᐅᓂᕐᒥᒃ ᖃᐅᔨᒪᔭᕆᐊᖃᕋᓱᒋᓪᓗᑎᑦ." ᕿᓚᕝᕙᖅ ᖃᐅᔨᓯᒪᔪᖅ ᐃᖅᑲᐅᒪᓂᕐᒥᑦ ᑭᓇᐅᓂᕐᒥᓂᒃ ᐊᒻᒪᓗ ᐱᒻᒪᕆᐅᓂᖏᓐᓂᑦ ᐊᑐᐃᓐᓇᐅᑎᑕᖏᑦ ᐱᒻᒪᕆᐅᓯᒪᔪᖅ ᐊᒻᒪᓗ ᑐᙵᑦᑎᐊᕐᓂᖓᓄᑦ. ᖃᑕᙳᑎᖏᑦ ᐃᓕᓐᓂᐊᖃᑎᖏᓪᓗ ᓴᖅᑭᑎᑦᑎᓪᓗᑎᒃ ᐃᓂᑦᑎᐊᕙᖕᒥᒃ ᑲᔪᓯᑦᑎᐊᕐᖢᓂ ᖃᐅᔨᒪᓪᓗᓂᓗ ᑭᓇᐅᓂᕐᒥᓂᒃ ᐊᒻᒪ ᖁᔭᓕᕐᔪᐊᕐᖢᓂ ᐃᖏᕐᕋᓂᓕᒫᖓᓂ ᐃᓚᒋᔭᐅᓪᓗᓂ ᒪᒥᓴᕐᓂᕐᒥ.

ᐊᐳᖅᑕᕈᑕᐅᓕᕋᐃᒻᒪᑕ, ᕿᓚᕝᕙᖅ ᓇᒻᒥᓂᖅ ᐊᔭᐅᖅᑐᐃᒋᐊᖃᖃᑦᑕᖅᓯᒪᔪᖅ ᐊᕐᕌᒍᒐᓴᐅᓕᖅᑐᓂᒃ. ᖃᐅᔨᓯᒪᔪᖅ ᓇᖕᒥᓂᖅ ᐃᓂᖏᓐᓂ ᐱᓗᐊᖅᑎᑕᐅᓯᒪᓂᕐᒥᓂᒃ ᐃᒃᐱᖕᓂᐊᔾᔪᑎᖏᓐᓂᓘᓐᓃᑦ ᐊᑐᕐᓂᑯᖏᓐᓂᒡᓘᓐᓃᑦ ᐱᑕᖃᕈᓐᓃᖅᑎᑕᐅᔪᓂᒃ ᑭᒡᒐᖅᑐᐃᔭᕆᐊᖃᕐᖢᓂᓗ ᐱᑕᖃᖅᑐᓂᒃ ᐊᓯᐊᒎᖅᑐᓂᒃ ᑕᐅᑐᒃᑕᖏᓐᓂ, ᐱᕕᒃᓴᖏᓐᓂ ᐅᒃᐱᕆᔭᖏᓐᓂᒃᓗ. ᕿᐱᓗᒃᑐᖃᖅᑎᓪᓗᒍ ᐅᕝᕙᓘᓐᓃᑦ ᑭᖑᕙᕆᐊᖅᑐᖃᖅᑎᓪᓗᒍ, ᕿᓚᕝᕙᖅ ᓇᓗᓇᐃᖅᓯᔭᕆᐊᖃᓚᐅᖅᐳᖅ ᖃᓄᐃᒻᒪᑦ ᐃᓱᒪᓕᐅᕈᑕᐅᔪᖅ ᓈᒻᒪᒐᓱᒋᙱᒻᒪᖔᒍ ᐅᕝᕙᓘᓐᓃᑦ ᑕᒻᒪᕐᒪᖔᑦ. ᓴᙱᔪᒥᑦ ᑭᒡᒐᖅᑐᐃᔨᐅᓯᒪᔪᖅ ᐃᒻᒥᓄᑦ ᓄᓇᓕᖏᓐᓄᓪᓗ, ᐃᓛᓐᓂᒃᑯᑦ ᐊᑲᐅᖖᒋᖦᖢᓂ ᐊᓯᖏᓐᓄᑦ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᓇᖕᒥᓂᖅ, "ᓈᒻᒪᒃᑐᖓ. ᐃᓅᓪᓗᓂ ᓈᒻᒪᒃᐳᖅ. ᑭᓇᐅᔪᑎᑦ, ᑭᓇᐅᒐᕕᑦ, ᐊᒻᒪᓗ ᓇᓪᓕᒋᓇᓱᑐᐃᓐᓇᕐᓗᒍ, ᓇᓪᓕᒋᓇᓱᑐᐃᓐᓇᕐᓗᒍ, ᓇᓪᓕᒋᑐᐃᓐᓇᕐᓗᑎᑦ ᑕᐃᒫᒃ, ᐊᒻᒪᓗ ᐅᐱᒋᓗᒋᑦ ᑭᓇᐅᓂᑎᑦ ᐃᓅᓪᓗᑎᑦ... ᑭᓇᑐᐃᓐᓇᕐᓗ ᐱᑎᑦᑕᐃᓕᓗᒍ ᐃᓕᖕᓂᒃ."

ᑲᒪᒋᑦᑎᐊᕈᒪᓪᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ ᐊᑐᕈᓐᓇᕐᓗᓂᓗ ᐱᐅᓛᒥᒃ ᓇᖕᒥᓂᖅ, ᕿᓚᕝᕙᖅ ᐃᓚᐅᕙᒃᐳᖅ ᐃᓗᐊᖅᓴᖅᑕᐅᓂᕐᒥ. ᐅᖃᖃᑦᑕᕐᖢᓂ ᐊᖏᕐᖢᓂ ᑎᑎᕋᕐᖢᓂᒋᓪᓗ. ᓇᓕᒧᒌᒃᑎᑦᑎᓂᖅ ᐱᓕᕆᐊᒥᓂᒃ ᐃᓕᓐᓂᐊᖅᑎᐅᓪᓗᓂ ᐊᖓᔪᖅᑳᕆᔭᐅᓪᓗᓂᓗ ᑎᑎᕋᖅᖢᓂ, ᐃᙱᖅᖢᓂ, ᒧᒥᖅᖢᓂ ᐊᒻᒪ ᔫᒐ, ᓇᖕᒥᓂᖅ ᐆᒻᒪᑎᒥᓂᒃ ᐱᐅᒃᓴᙱᖦᖢᓂ. ᓄᑖᓂᒃ ᐆᒃᑐᕈᒪᖃᑦᑕᕐᒥᔪᖅ ᐊᒻᒪᓗ ᐊᒥᓱᓂᒃ-ᐅᖃᐅᔾᔪᖅᓱᖅᑕᐅᓂᕐᒧᑦ ᓴᓇᙳᐊᖅᑎᐅᓂᕐᒥᑦ ᐊᔾᔨᒌᖏᑦᑐᓂᑦ ᐱᔪᒪᓂᖃᖅᖢᓂ. "ᐱᓇᔪᒐᓱᖃᑦᑕᕆᑦ ᖁᕕᐊᓱᒍᑎᒋᔭᕐᓂᒃ," ᐊᓕᐊᓇᐅᔭᖅᑐᖅ.

ᑲᔪᖏᖅᓴᐃᓂᕐᒧᑦ, ᕿᓚᕝᕙᖅ ᓯᕗᕚᖏᑦ ᑕᐅᑐᑦᑐᑦ, ᐃᖅᑲᐃᑎᑦᓯᔪᖅ ᓇᒻᒥᓂᖅ ᐱᓕᕆᐊᖃᕐᓂᕐᒥᑦ ᓂᐱᑦᑕᖅᑐᒥᑦ ᖃᕆᑕᐅᔭᕋᓛᖓᓂᑦ. ᐱᔪᓐᓇᕐᓂᖃᑦᑎᐊᖅᑰᔨᔪᖅ ᓄᓇᖅᑲᑎᒥᓄᑦ ᓇᒡᓕᒋᔭᖏᓐᓄᓪᓗ. ᐃᒃᐱᒍᓱᒃᑐᖅᑕᐅᖅ ᐊᑎᕐᒥᓂᒃ ᐃᓅᔭᕆᐊᒃᓴᖅ. ᔪᐃ ᐱᓇᓱᐊᖃᑦᑕᖅᑕᖓ, ᐅᒃᐱᕈᓱᒃᖢᓂ ᓯᕗᓕᕕᓂᕆᓚᐅᖅᑕᖏᑦ ᖁᕕᐊᓱᖁᓪᓗᓂᒋᑦ ᖁᔭᓕᖁᓪᓗᓂᒋᓪᓗ. ᕿᑐᕐᖓᖏᑦ ᑕᑯᖁᖕᒥᔭᖏᑦ ᖃᓄᐃᓕᐅᕈᓐᓇᕐᓂᕐᓂᒃ ᐃᓱᒪᑎᑦ ᐃᓕᓗᒋᑦ ᐊᒻᒪᓗ ᖁᕕᐊᒋᓗᒍ ᐊᒻᒪᓗ ᖁᕕᐊᓱᒃᓗᓂ, ᓂᕆᐅᒃᑐᖅ ᑭᖑᑉᐱᐊᕐᓗᒍ ᐅᓂᒃᑳᖅᑕᐅᔪᖅ ᐊᔪᕐᓇᕐᓂᖓᓂᒃ ᖁᕕᐊᒋᓗᒍ ᖃᓄᐃᓕᐅᖅᑕᕐᓄᑦ ᐅᕝᕙᓘᓐᓃᑦ ᓱᓇᑐᐃᓐᓇᐃᑦ ᑯᑯᒋᔭᐅᔭᕆᐊᖃᖅᑐᑦ. ᕿᓚᕝᕙᖅ ᓇᒡᓕᒍᓱᒍᓐᓃᕈᒪᔪᖅ ᖃᓄᐃᓕᐅᖃᑦᑕᕐᓂᕐᒥᓂᒃ.

ᓄᖅᑲᖅᑎᑦᑕᐃᓕᕙᖏᑦ ᐱᓕᕆᐊᕆᔪᒪᔭᒥᓂᒃ ᐱᓕᕆᑎᓪᓗᒍ; ᑕᐱᓴ ᕿᓚᕝᕙᖅ ᖁᕕᐊᓱᒃᑐᖅ ᖃᓄᐃᓕᐅᕆᐊᖃᕐᓂᕐᒥᒃ. ᐊᕐᕌᒍᓄᑦ ᖁᓕᓄᑦ ᑐᕌᒐᖃᖅᖢᓂ ᖁᔭᓕᑦᑎᐊᖅᖢᓂᓗ, ᐊᔾᔪᒥᓇᑦᑎᐊᖅᑐᖅ ᒪᒃᑯᒃᑐᓄᑦ ᐃᓄᖕᓄᑦ. ᖃᐅᔨᓴᖃᑦᑕᕐᓂᖅ ᑕᒪᒃᑯᓂᖓ, ᐃᓄᐃᑦ ᐊᑐᖅᓯᒪᔭᖏᓐᓂᒃ ᑐᓴᖅᑎᑦᑎᓗᓂ ᓯᓚᑐᓂᕐᒥᒃ, ᓱᓕᑦᑎᐊᖅᑐᒥᒃ ᐊᒻᒪ ᓇᒡᓕᒍᓱᖕᓂᕐᒥᒃ ᓄᓇᒥᓂᒃ, ᐅᑎᖅᑎᑦᑎᕙᓪᓕᐊᕗᖅ ᐅᓂᒃᑲᐅᓯᐅᓚᐅᖅᑐᒥᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.