ᕼᐋᑭᖃᑦᑕᓕᓚᐅᖅᑐᖅ ᐊᒻᒪᓗ ᓴᐱᓕᖅᑕᐃᓕᓂᖓ ᐊᕗᖓᐅᔨᓯᒪᔪᖅ. ᒫᓐᓇ, ᑏᓇ ᒥᓯᕋᓛᖅ ᑭᒡᒐᖅᑐᐃᕗᖅ ᑲᖏᖅᖠᓂᕐᒥᒃ 2026-ᒥ ᐅᑭᐅᖅᑕᖅᑐᒥ ᐱᙳᐊᕕᒡᔪᐊᕐᓇᒥ. ᓯᕗᓪᓕᖅᐹᕆᙱᑕᖓ ᐱᙳᐊᕕᔾᔪᐊᖅᑐᓂ, ᐊᑕᐅᓯᐊᖅᑐᓂ ᐊᑭᑦᑐᕋᐅᑎᖃᑕᐅᓪᓗᓂ ᕼᐋᑭᖅᑐᓂ. ᕼᐋᑭᖅᑎᐅᓂᖓ ᐱᒋᐊᓚᐅᖅᓯᒪᔪᖅ ᐅᑭᐅᖃᓕᖅᑐᓂ 6-ᓂᒃ 7-ᓂᓪᓘᓐᓃᑦ ᐊᒻᒪᓗ ᑕᐃᒪᙵᓂᑦ ᐱᓐᖑᐊᖃᑦᑕᖅᓯᒪᓪᓗᓂ. ᖁᕕᐊᒋᔭᓕᒃ ᐱᙳᐊᖃᑎᖃᕆᐊᔅᓴᖅ ᑲᖏᖅᖠᓂᕐᒥ ᐃᓕᒌᓂᒃ ᖃᐅᔨᒪᒐᒥ ᐊᓯᖏᓐᓂᒃ ᐱᙳᐊᖅᑎᓂᒃ ᐊᒻᒪᓗ ᖁᕕᐊᓱᐃᓐᓇᐅᔭᖅᑐᓂ.

ᑕᐃᒪᓕ ᐊᑭᑦᑐᕋᐅᑎᖃᑕᐅᒍᒪᓕᕋᐃᒐᒥᒃ ᖁᑦᑎᓂᖅᓴᓄᑦ ᐊᑭᑦᑐᕋᐅᑎᔪᓄᑦ ᓲᕐᓗ ᐅᑭᐅᖅᑕᖅᑐᒥ ᐱᓐᖑᐊᕕᔾᔪᐊᕐᓂᕐᒧᑦ ᐊᒻᒪᓗ ᐱᓐᖑᐊᖃᑕᐅᓂᐊᕐᓗᓂ ᕼᐋᑭᕐᓂᕐᒧᑦ, ᒥᓯᕋᓛᖅ ᐊᑖᑕᒥᓄᑦ ᑕᑯᓐᓇᖅᑐᖅ. ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᔾᔪᐊᖅᑐᓅᓚᐅᖅᑐᖅ ᓇᒻᒥᓂᖅ ᐊᒻᒪ ᕼᐋᑭᐃᓐᓇᕈᒪᖃᑦᑕᖅᓯᒪᓪᓗᓂ.

ᖁᑦᑎᑐᒻᒪᕆᒻᒥ ᐱᓐᖑᐊᖅᑎᓪᓗᒍ, ᐃᖏᕐᕋᑎᐊᖏᓐᓇᖅᓯᒪᖏᒻᒪᑦ. ᒥᓯᕋᓛᖅ ᐋᓐᓂᕐᓂᖃᓚᐅᖅᑐᖅ 10-ᓂᒃ 12-ᓄᑦ ᐅᑭᐅᖃᖅᑎᓪᓗᒍ. ᐊᒃᓱᕈᖃᑦᑕᓚᐅᕐᒥᔪᖅᑕᐅᖅ ᐆᒻᒪᕆᖕᓂᖃᕋᓱᒃᖢᓂ ᐊᔪᕈᓐᓃᖅᓴᕆᐊᖅᑐᖅᖢᓂ. ᐊᓂᒍᖅᑎᓐᓇᓱᒃᖢᒍ ᑐᓗᖅᑕᕈᑕᐅᔪᖅ ᑕᖃᓂᕐᒧᑦ, ᒥᓯᕋᓛᖅ ᐃᒻᒥᓂᒃ ᐅᖃᐃᓐᓇᓚᐅᖅᑐᖅ ᑲᔪᓯᖁᔭᐅᙱᖦᖢᓂ. ᕼᐋᑭᕐᕕᒻᒦᑦᑐᖅ ᓄᑖᒥᒃ ᕼᐋᑭᕐᕕᖃᖅᑐᓂ ᓴᓇᔭᐅᕋᑖᓚᐅᖅᑐᖅ ᑕᓪᓕᒪᑦ ᐊᕐᕌᒍᐃᑦ ᓈᓕᖅᑐᑦ, ᐱᑕᖃᑦᑎᐊᖏᒻᒪᑦ ᐱᔪᒥᓇᖅᑐᓂᒃ ᐱᙳᐊᕐᓂᕐᒧᑦ.

ᓄᓇᒥᓄᑦ ᐊᒃᑐᐊᐃᓐᓇᖁᓪᓗᒍ, ᒥᓯᕋᓛᖅ ᐃᖅᑲᓇᐃᔮᒥᓂᒃ ᐱᓕᕆᑦᑎᐊᖏᓐᓇᖅᐳᖅ ᐱᙳᐊᒃᑲᓐᓂᖅᐸᒃᖢᓂᓗ. ᐊᐅᔭᒃᑯᑦ, ᐊᓇᐅᓕᒑᖃᑦᑕᖅᑐᖅ, ᐱᔪᓐᓇᓗᐊᖅᑰᔨᙱᒃᑲᓗᐊᖅᖢᓂ ᑕᐅᕙᓂ. ᐊᕿᖃᑕᐅᖃᑦᑕᕐᒥᔪᖅ, ᑲᖏᖅᖠᓂᕐᒥᑦᑕᐅᖅ ᐱᓐᖑᐊᖃᑕᐅᖃᑦᑕᕐᒥᔪᖅ. ᕼᐋᑭᕐᓂᖅ ᐱᓕᕆᐊᕆᓪᓗᐊᑕᖅᐸᐅᒃ, ᑭᓯᐊᓂ.

ᐅᖃᐅᔾᔪᐃᓂᖓ ᒪᒃᑯᖕᓂᖅᓴᓄᑦ ᐃᓄᖕᓄᑦ ᕿᑎᒃᑎᓄᑦ ᐱᓂᑭᓴᐅᑎᖃᑕᐅᔪᒪᕙᒃᑐᓄᑦ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᒡᔪᐊᕐᓇᒥ, "ᐱᓕᕆᔭᖅᑐᖃᑦᑕᕐᓂᐊᕐᒪᑦ. ᐱᙳᐊᖅᑐᓂᒃ ᑲᒪᔨᑦ ᐱᐅᔪᑦ, ᐃᓕᑦᑎᕙᓪᓕᐊᖏᓐᓇᕐᓂᐊᖅᑐᑎᓪᓗ ᓄᑖᓂᒃ. ᐃᓕᖅᑯᓯᖃᑦᑎᐊᕆᑦ, ᑕᒪᓐᓇ ᐱᔾᔪᑎᐅᖅᑰᓚᐅᖅᑐᖅ ᐱᓕᕆᖃᑎᒌᒃᑎᓪᓗᖓ."

ᑲᔪᓯᑎᑦᑐᒪᓪᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ ᐱᙳᐊᖅᑎᐅᓪᓗᓂ, ᒥᓯᕋᓛᖅ ᐊᓯᖏᓐᓂᒃ ᖁᕕᐊᒋᔭᖃᖅᐳᖅ ᐃᓚᐅᓂᐊᕐᓗᓂ ᕼᐋᑭᕐᓂᐅᑉ ᓯᓚᑖᓂ. ᖁᕕᐊᒋᔭᖃᖅᑐᖅ ᑎᑎᖅᑐᒐᕐᓂᕐᒥᑦ, ᐊᒥᐊᕆᓂᕐᒥᑦ ᐊᓯᖏᓐᓂᓪᓗ ᓴᓇᙳᐊᕐᓂᕐᒥᑦ ᐃᑲᔪᖃᑦᑕᖅᑐᖅ ᐃᓱᒪᖓᓂᑦ ᓱᓇᑐᐃᓐᓇᕐᓂᑦ.

ᑐᕌᕋᓱᐊᖅᑕᖓᓄᑦ ᐅᖓᑖᓄᑦ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕕᔾᔪᐊᕐᓂᖅ, ᐱᙳᐊᕐᓂᕐᒧᑦ ᐅᕝᕙᓘᓐᓃᑦ ᐃᓅᓯᕐᒥ ᐅᕝᕙᓘᓐᓃᑦ ᐅᑎᖅᑎᑦᑎᓂᕐᒧᑦ, ᒥᓯᕋᓛᖅ ᓱᓕ ᓇᓗᒻᒪᑦ ᑭᓱᒥᒃ ᐱᓇᓱᒍᒪᒻᒪᖔᖅ. ᓱᓕ ᒪᕐᕉᓐᓂᒃ ᐊᕐᕌᒎᓐᓂᒃ ᐃᓱᒪᓕᐅᕆᐊᖃᓚᐅᕐᒪᑦ ᑕᒪᒃᑯᓂᖓ ᐊᖏᔪᓂᒃ ᑕᐃᒪᐃᒻᒪᑦ ᑕᒪᒃᑯᓂᖓ ᐃᓱᒪᓕᐅᕋᓱᐊᖅᐳᖅ.

ᑐᓴᖅᑎᑦᑎᒍᓐᓇᕈᓂ ᐃᓚᒥᓄᑦ ᐊᒻᒪᓗ ᓄᓇᓕᖓᓄᑦ ᓅᑉᐸᓪᓕᐊᑎᓪᓗᒍ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᓐᖑᐊᕕᔾᔪᐊᕐᓂᕐᒧᑦ, "ᖁᔭᓐᓇᒦᒃ ᐃᑲᔪᖅᑐᐃᓯᒪᓂᓕᒫᓐᓄᑦ ᐅᕙᓐᓂᒃ ᐊᕐᕌᒍᓂ ᐊᓂᒍᖅᑐᓂ. ᑕᐃᒪᐃᓕᐅᕈᓐᓇᕋᔭᙱᑦᑐᖓ ᐃᑲᔪᖅᑐᖅᑕᐅᙱᒃᑯᒪ."

ᑭᖑᓪᓕᖅᐹᒥ ᐱᙳᐊᖅᑎᓪᓗᒋᑦ, ᖃᑕᙳᑎᖏᑦ ᐊᓛᔅᑲᓕᐊᓚᐅᖅᐳᑦ ᖁᙱᐊᕆᐊᖅᑐᖅᖢᑎᒃ ᐱᒡᒍᓴᐅᔾᔪᐊᖅᑎᓪᓗᒋᑦ. ᒪᕐᕉᓐᓂᒃ ᖃᖓᑕᓲᓐᓂᒃ ᐊᑐᓚᐅᖅᑐᑦ ᐊᒻᒪᓗ ᐊᑯᓂᒃ ᐃᖏᕐᕋᓪᓗᑎᒃ ᑕᑯᓐᓇᕆᐊᖅᑐᖅᑐᓂ ᐊᖓᔪᖓᑕ ᓴᓂᐊᓂ. ᖃᑕᙳᑎᖏᑦ ᐱᕈᓚᐅᖅᐳᑦ ᕼᐋᑭᖃᑎᒌᒃᖢᑎᒃ ᐊᕐᕌᒍᑐᐃᓐᓇᕐᒥᓗ ᐊᕕᒃᓯᒪᓪᓗᑎᒃ ᒪᕐᕉᒃ, ᐱᙳᐊᓚᐅᖅᑐᖅ ᖁᑦᑎᖕᓂᖅᓴᒥᒃ ᐅᑭᐅᖃᕐᓂᖓᓄᑦ ᐊᑕᐅᓯᐊᖅᖢᓂ.

ᕼᐋᑭᕆᐊᓯᓚᐅᖅᑎᓪᓗᒍ ᐅᕕᒃᑲᐅᑦᓱᓂ, ᑏᓇ ᒥᓯᕋᓛᖅ ᐅᑭᐅᖅᑕᖅᑐᒧᑦ ᐱᙳᐊᓇᕐᔪᐊᒧᑦ ᑎᑭᓯᒪᔪᖅ. ᐃᓚᒥᓄᑦ ᐊᒻᒪᓗ ᓴᓂᑦᑎᐊᖓᓃᖃᑕᐅᓪᓗᑎᒃ, ᕼᐋᑭᕈᒪᓂᖓ ᐃᑲᔪᖅᑐᖅᑕᐅᓯᒪᔪᖅ ᐊᖓᔪᖅᑳᒥᓄᑦ ᐊᒻᒪᓗ ᓄᓇᓕᖓᓄᑦ. ᐱᙳᐊᖅᑎᓂᒃ ᖃᐅᔨᒪᑦᑎᐊᖅᑐᖅ, ᖁᕕᐊᓱᒃᑐᖅ ᐊᒻᒪ ᐱᙳᐊᖅᑎᑦ ᑕᐅᑐᖅᑰᖅᑕᖏᑦ ᓱᓕᓕᖅᑎᖦᖢᓂᒋᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.